Khawvel pum huapa UPC kohhran inkhawmpui lian General Conference chu September 27 – 30 chhûng hian Indiana Convention Center, Indianapolis, Indiana, USA ah neih a ni dàwn a, hall hrang hrangah inkhawm, seminar leh exhibits te neih tur niin, thupui hrang hrang – kohhran siam puitlinna tur kawngte, revival lam hawi te, ramthim rawngbawlna lam hawite, ringtu nun kawng leh kohhran hmasawnna tur kawng thupui hrang hrang hmangin seminar neih a ni ang a, Music Panel discussion leh UPCI Music ministry hmalaknain music chungchangah training te neih a ni bawk ang. Conference hmang tur hian US leh Canada-a kohhran bakah khawvel hmun dang (global missions hnuaia awmte) atangin palai an fuankhawm ang, UPC NE India aiawh in General Superintendent Rev. Lalmalsawma Sailo leh General Treasurer Rev. Zohmingthanzama te an kal bawk a ni.
September ni 27 zan inkhawmpui tan zanah Rev. Ashley Leppo leh Rev. Tes Stewart ten thu an sawi ang a, September 28 dar 9:00 am – 2:00 pm chhung Business Meeting neiin dar 10:00 am– ah Pastor nupui te pual Breakfast neih a ni ang. Hemi zan hi Global Missions pual inkhawm niin Rev. Bruce Howell, Foreign Missions Director chuan thu a sawi ang.
September ni 29 dar 9:00 am – 10:50 am Seminars, dar 11:00 am – 11:50 am Ministers Session neih tur niin dar 2:00 pm ah Sunday School pual inkhawm neih a ni ang a, speaker atan Rev. Aaron Bounds a ni ang. Dar 3:30 pm – 5:20 pm ah seminar a awm chhunzawm ang. Zan dar 7:00 pm ah North American Missions pual inkhawm neih tur niin Rev Art Hodges in thu a sawi ang.
September ni 30 Inkhawmpui tawp ni ah Seminar LAD ten hun an hmang dawn a, Men’s Ministry te pual inkhawm neih a ni dawn bawk a speaker atan Rev Jerry Jones ruat a ni. Chawhnu dar 2:00 pm-ah General Youth Division Service -neih a ni ang a, speaker atan Rev. Chad Douglas a ni ang. Tlai dar 6:00 pm ah Memorial Service neih tur niin a tawp zan inkhawmah Rev David K. Bernard, General Supdt UPCI chuan Pathain Thu sawina a nei ang.
Facebook