UPC North East India Unit hnuaia District pathum in Conference hmang mek

March ni  1 atanga  ni 4 chhung hian  North Mizoram, Lunglei leh Chandel District ten District Conference an hmang mek a.

North Mizoram District chuan District Conference vawi 68-na  Maubawk Biakin ah an hmang a, Rev. Lalmalsawma Sailo, General Superintendent chuan hovin, ‘Rawngbawl tura Chhandam’ tih Thupui then hrang hrang 6 hmangin Thusawi turin-  Rev. Lalremtluanga Thenzawl Bialtu, Rev. C. Lalbiakzuala, Chaltlang Bialtu, Rev. P.Chunga Former Gen. Supdt., Rev. Lalmalsawma Sailo, Supdt., Rev. Laltluanga, Dist. Secretary leh Rev. C. Lalrammuana, North Mizoram District Superintendent  ruat an ni a,         Conference vawi 68-na hi Rev. K. Darsailova Former Supdt.  chuan March ni 1 Ninga zan khan hawngin Maubawk Bialtu Rev. C. Lalmuanpuia’n Palai lawmna thuchah a sawi.

             March ni 2 Zirtawpni Chawhnu khan Department pahnih Sunday School leh PYD ten Conference rorel an nei a, March ni 3 Inrinnni chawhmaah Kohhran puiin, Conference Rorel nei leh in Rorel zawhah kum 2018-2019 chhunga North Mizoram District hruaitu  tur thlan a ni bawk ang. Conference chhungin  – General PYD, District PYD, Headquarters Bial PYD, Maubawk Bial PYD, Dinthar Bial PYD ten zaia rawngbawlna nei tura ruat an ni a,  Sist. Lalhriatchhungi, Sist. Lalhlupuii, Sist. Ramtharzuali ten zaia rawngbawlna an nei bawk ang.

 North Mizoram District pum inchhiarna tlangpui ah – Kohhran dinna khaw 164 ah , in 5564 an ni a, District chhungah member 26,713  an awm mek a ni. Kum 2017 chhungin member 2240 in an pung a, Kohhran ding thar 8 awmin Preaching point 26 awm mek in preaching point thar 5 neih belh a ni. Rawngbawlna license  203 ten an kawl mek a, Upa 455 leh Tual Upa 413 an awm mek bawk.

Lunglei District Conference vawi 53-na District Headquarters biak in Chanmari-ah hman mek a ni a,  General Secretary Rev. R. Lalrinsanga’n a hmanpui.

District Conference hi Former District Superintendent Rev. C. Darkhuma’n a hawng a, Conference Thupui ‘Thlarau leh tihtak zetin’ Johana. 4:24 tih thu hmangin District S.S. Director Evan. C. Lalremchhunga, Evan.V.Lalduhawma, District PYD President,  Rev. C. Zohmingliana, Hqrs Section; Rev. R. Lalrinsanga, General  Secretary leh Rev. R. Lalrosanga, District Superintendent  te chu thusawi tura ruat an ni.

Naktuk March 3 Inrinni hian kohhranpuiin rorelna an nei anga, 2018-2019 chhunga hruaitu tur thlanna
neih chhunzawm a ni  bawk ang. Inkhawpui chhungin zaipawl hrang hrang-  Haulawng bial, Pukpui bial, Dist.PYD Choir, Bazar Local, Luangmual bial, Rahsiveng bial, Headquarters bial te hnen atangin Pathian fakna hla ngaihtlak thin a ni ang.

Chandel District Conference vawi 51-na chu District Headquarters Biak In Rungchang-ah hman mek a ni bawk a, Rev. Zohmingthanzama, General Treasurer leh Rev. James N. Corbin, Bangaladesh Missionary bakah Rev. Lalzawm, Churachandpur District Superintendent te chuan an hmanpui a, an hnen atangin Pathian thuchah an ngaihthla thin ang.  Pathianni Zan inkhawmpui tiak zanah Rev. James N. Corbin chuan thusawi rawngbawlna a nei ang.

Tin, March 23-25 chhung khan Imphal District Conference vawi 18-na chu Khausabung-ah neih a ni a, General Sunday School Director Rev. R. Laichhingpuia’n a hmanpui.  February 24 inrinni khan rorel inkhawm neih a ni, Rorel tlangpui te  –

Tengnoupal Area-a Evangelist chu Kakching-ah awmin chuta tang chuan Tengnoupal hi tlawh in Field report Office ah pe thin se.

Tokpa Missions Field hawn thar a ni  a, a thawktu lak leh thil tul dang buaipui turin District hruaitute an ruat.

Kum 2019 District Conference neih lehna hmun atan Kangpokpi Section a Leimakhong Local- ruatin March chawlhni vawithumnaah neih a ni ang.

District Office-a Clerk leh Peon te term a tawp avangin Advertisement chhuah a lak thar leh nise.

Department hruaitu hetiang hian an ruat thar :

  • Missions- Director- Rev. V. Sinate;
  • Secretary – Upa H. Paukhothang;
  • Treasurer- Pastor TL Siama

 Sunday School-

  • Director- Pastor Th. Minlen;
  • Secretary- Upa Gouminlun;
  • Treasurer- Upa Ch. Lalthuam

 LAD-

  • President- Sis. Lamkhoning ;
  • Secretary-Sis. Lamthiem;
  • Treasurer-Sis. Lianhnuni

 PYD-

  • President- Pastor Paovum;
  • Secretary- S. Lulun;
  • Treasurer- Bro. Timothy

Heng bakah hian District Hqrs. Building, Vehicle Board leh Revival Sub Committee te an ruat thar bawk.