Aizawl East District thuchhuak in August 20 – 21 chhung khan Tualchhung Kohhran hrang hrang ten District Conference rorel inkhawm thuchhuak ‘District pumah Thlarau Thianghlim la dawnglo pualin hun hman ni rawh se’ a tih bawhzui a ni a, hlawhtling taka hman a ni.
Tualchhung Kohhran hrang hrangte chuan urhsun takin an hmang hlawm a, local thenkhat chuan August 20, Inrinni tlai leh Pathianni tlaiah chawnghei tawngtai an nei a. Inrinni nilenga hun hmang te pawh an awm bawk. Tualchhung thenkhat chuan Speaker ruaiin hun an hmang a, local thenkhat chuan Tualchhung Upa leh Tirhkohten ruaiin hun hmang thung a, Thlarau Thianghlim la dawng lo mi engmawzah ten dawngin siam tharna an chan phah a ni.
Tin, Hnahlan Bial Tualchhung Kohhran hrang hrang ten August 20 – 21 chhung khan Thlarau Thianghlim dawnglo pualin beihpui thlak a ni a, chawnghei tawngtai neiin hun an hmang. Tin, zantin Inkhawm loh zan apiangin Home Crusade, neiin Kohhran in tin an tlawhchhuaka hun an hman mek pawh neih chhunzawm zel a ni bawk. Hnahlan Bial te hian Kumin Bial Sunday School Khawmpui chu Vapar Kohhran ten an thleng dawn a ni.
Facebook