Thianghlimna Commmittee  hmalakna

1. September 13 khan Lunglei District Conference hall-ah Chairman Rev. R. Lalrosanga kaihhruaina in Lunglei District Thianghlimna Committee an thukhawm a, committee hian  Zuk leh hmuam, ruihhlo chi hrang hrang leh zu permit neih kawng ah te kohhran member te inthiarfihlim turin an ngen a, Thianghlimna kawngah hma kan sawn leh zual theih nan Group ah in thenin Awareness campaign bial tinah neih rawt in rawngbawltu chin te ruihtheih thil laka inthiar fihlim vek tura ngen nise an ti bawk.
2. North Mizoram District ten Kum kalta 2015 District Conference in a rel angin Bial hrang hrangah Kohhrante Zuk leh hmuam leh thil danga thianghlimna inzirtirna ngawrh taka kalpui a ni a, Thianghlimna kawngah a bikin Zuk leh hmuam kawnga thianghlimna chuan ngaih pawimawh  hlawhin, Kum 2016 kum bul January thla atang khan District Conference in a passed angin Rawngbawltu Zuk leh hmuama fihlim lote chuan Pulpit-ah thusawina hun hmang lovin Lecturen-ah thu an sawi thin a ni, District leh Bial hrang hranga Thianghlimna Committee te hmalakna Pathianin mal a sawm a, kum bul lama Lecturn-a thusawi thin Pulpit-a hun hmang thei ta pawh tam tak an awm tawh bakah Bial hrang hrang PYD Half Year Meet leh Bial Department hrang hrang Conference report-ah pawh zuk leh hmuam laka fihlim kum dang aiin report pawh a za tel tak meuhin an pung bawk.
District Thianghlimna Committee in a rel angin September thla hian Thianghlimna kawngah ngawrh lehzuala campaign nei turin ruahmanna siam a ni a, a thawhkhatna atan Kohhran 13 thlan bikah District Thianghlimna Committee te bakah District hruaitute an fehchhuak a ni.
3. N. Mizoram District, Chawlhhmun Kohhranah September 18 Pathian hmang khan Thianghlimna campaign District LAD President Sist. C. Lalthangpuii B/w chuan neiin rawngbawlna a nei.
4. N. Mizoram District, Rengdil Bial chhungah pawh Dist Thianghlimna Committee Hmalakna kal mek bawhzuiin Bialtu Pastor Lalhmuakliana Hnamte chuan Saikhawthlir Kohhran leh Saikhawthlir Dinthar kohhran ah te Thianghlimna Campaign a nei bawk.
5. N. Mizoram District PYD President Evan. F. Lalngaihawma chuan kar kalta Pathianni Sept. ni 17 hmang khan District Thianghlimna committee tirhin Reiek Bial Reiek Kohhranah Thianghlimna Campaign a nei a, Kohhranhote’n an hlawkpui hle.
6. N. Mizoram District, Aibawk Bial te chuan Sept. ni 17 leh 18 Inrinni leh Pathianni hmang khan Aibawk Bial LAD Revival Falkawn UPC Biak inah an hmang. He Revival-ah hian Evan Lalchhuanmawia Sailo chu Speaker-a hman niin;  Pathianni zing inkhawmah Thianghlimna Seminar neih a  ni.