Sis. Rohlupuii, Upa Lalvuana fanu Sakawrdai LAD member chu Kumin August thlaa Independence Day hmanna turah India President in huaisen chawimawina a hlan thin Uttam Jeevan Raksha Pradak Award hlan a ni dawn.
Sis. Rohlupuii hi Kum 2015, December 12 khan a fanu nen an lo-ah an feh a, an ri te lo-ah chuan Sanghal hliam rawn lutin an ri te fapa naupang kum 10 mi Lalhmangaihsanga’n thlam a pan laiin Sanghal hliam chuan rawn beiin, naupang hlauthawng au ri chu Pi Rohlupuii chuan hriain an ri te thlam lam chu a pan a. Naupang chu thil awmzia a zawh lai chuan Sanghal hliam thlam bula lo biru chuan Pi Rohlupuii chu a rawn bei ta thut mai a, naupangte chu thlamah a tlan luh tir a. Pi Rohlupuii hian theitawpin sa hliam chu bei letin hliam chu a dul nem te, a khup te, a chal-ah te hliam a tuar a. Sanghal hliamin a beih lai chuan theih anga in veng in, “Vawiinah hian ka thi ngei dawn a ni” ti a a ngaihtuah lai chuan, a sir lawka thingbung chu la in, sa hliam chu a bek takah vawi tam tak vua in sanghal hliam chu midang tina thei tawh lo turin a hneh ta a ni.
Pi Rohlupuii thil tawn hi a ropui em avangin Kum 2016 June thlaa Group Y.M.A Conference Sakawrdai-a an neih-ah Tuisual Group Y.M.A chhuan Huaisen chawimawina Citation an lo hlan tawh a, Sakawrdai Joint MHIP pawhin Kum 2016 July thla khan MHIP Day an hman pahin chawimawina Citation lo hlan tawh bawkin Kumin May 4 khan Aizawl DC chuan Darlawn-ah lawmpuina hlanin hemi ni hian Sakawrdai VC te leh NGO hrang hrang te huaihawtna hnuai-ah, Sakawrdai Playround-ah khawtlanga hmuahna leh chawimawina hun hman a lo ni tawh bawk a ni. Pi Rohlupuii hi Kumin August thlaa India Independence Day lawmna, Aizawl Lammuala neih turah India President in huaisen chawimawina a hlan thin, Jeevan Raksha Pradak Award hi hlan a ni dawn a ni.
Facebook