Rev. PC. Lalrosanga a pension ta

On:

March 22 nilaini khan Lunglei District Missions Director Rev. PC. Lalrosanga chu Superannuation pension-in a chhuak.

Rev. PC. Lalrosanga hi  Kum 1980, February 16 khan Pastor atan lak a ni  a, Bunghmun bial ah bul tanin Sertlangpui, Tawipui, Headquarters, Cherhlun, Haulawng leh Pukpui bial ah te bial enkawlna hna a thawk a. Kum 2007-2010 chhung khan District Missions Director hna a thawk a, Rahsiveng bial a enbkawl leh hnu kum 2015-2017 a pension ni thlengin District Missions Director hna bawk hi a chelh chhunzawm leh bawk a ni.

Rev. PC. Lalrosanga kutah mi 1562 in sual ngaihdamna Baptisma an chang a, nau 915 a hlan a, Biakin 11 a hawng bawk. Tunah hian amah hi kum 65 mi niin kum 37 leh thla 1 leh ni 4 Service in a lo Pension  ta a ni.

Tin, District Missions Director nilai Rev. PC. Lalrosanga a pension tak avangin District Board in a aiawh tura a ruat Rev. VL Hmuaka nen March 22 Nilaini khan District Superintendent room-ah charge in hlanna an nei a, he hun hi General Missions Department hruaituten an telpui bawk a ni.