Social Work Day :
Oct 2, Thawhtanni kha North East India UPC Kohhran thalai pawl Pentecostal Youth Department (PYD) Social Work Day a ni a, India hmarchhak pum huapa hman a ni.
Pentecost Kohhran thlai pawl rorelna sang; General PYD Conference rorelna chuan Kum 1999 khan Social Work Day neih nise tiin a pass a, Kum 2000 atang khan hman tan nghal niin kum tin Oct ni 2-hi India hmarchhak pum huapin Vantlang tana hna tha thawhna ni atana hman chhoh a lo ni ta a ni.
Aizawlah chuan City PYD bultumin Civil Hospital Aizawl, tihfai hna nilengin an thawk a. Chawhma dar 10:30 ah Civil Hospital ah Evan Allan Laldawngliana kaihhruainain tanna hun hman a ni a, Evan. C. Lalremruata’n huhserh hmangin, General PYD Secretary Evan JH Malsawmdawngliana leh Civil Hospital Nursing Superintendent ten thu tawi a sawi a. Aizawl City PYD hmingin Civil Hospital-ah hian Thutthleng sei pali dahin, Evan Lalchhuanmawia Zote, Chairman chuan Nursing Superintendent hnenah a hlan.
Thalai kalkhawmte hi Group hrang hrangah in thenin Civil Hospital Building chhung leh pawn lam fang kualin, Hospital building chhunga ward tin bakah building leh a chhehvel te thahnemngai takin an thian fai a. Aizawl City Area Pastor Bial 15 leh Sihphir Local atangin PYD member 300 chuangin nilengin Hospital leh a chhehvel tihfai hna hi an thawk a ni.
Lunglei-ah chuan Lunglei Town Area PYD Social Work Day Committee bultumin hman a ni a, DTO Office kawtah inkhawm tawi Evan Laldinpuia kaihhruaiin neih a ni a, Rev C.Lalrintluanga’n hunserh a hmang a ni. Khuallin Pu Eddie Zonunkima, UD&PD aiawh chuan thusawina neiin faina chungchangah PYD ten hma an la chu a lawmthu a sawi a ni. Lunglei Town Area te hian Kikawn atanga Venglai inkara Side Drain leh vantlang kawnga bawlhhlawh awmte thenfai hna an thawk a, member 300 chuang an thawkchhuak.
District hrang hrang te hman dan chanchin erawh District rawngbawlna chanchinah tarlan a ni.
—–
General Hruaitute Programme :
General Treasurer Rev. Zohmingthanzama chuan Durtlang Bial Missions Conference hmanpuiin Speaker-ah a tang ang.
General Missons Director Rev. R. Lalhawia chuan Thenzawl Bial Missions Conference hmanpuiin Speaker-ah a tang ang.
———
Bial Missions Conference :
October ni 5th-7th zirtawp zan atanga Pathianni zan chhung hian North Mizoram District huam chhung Bial 30 te chuan Bial Missions Conference an hmang mek a, District Missions Department hruaitu te leh District kohranpui hruaitu ten hetiang hian Bial Conference an hmanpui.
District Mission Director Rev C Lalthantluanga – Kawnpui Bial
District Mission Secretary Evan RK Vanlalngaia – Sialsuk Bial
Dist. Mission Treasurer Evan JH Malsawmdawngliana – Chaltlang Bial
District Superintendent Rev Laltluanga – Sumsuih Bial
District Secretary Rev Chhiarpuia – Zawlnuam Bial.
Dist. Treasurer Rev. K. Lalduhsanga, – Bairabi bial ah..
North Mizoram District huam chhung Bial 30 te chuan conferene thlenna tura an ruat Kohhran-ah Oct. ni 5th Zirtawp zan atang khan Conference tanin a tuk Inrinni nilengin Conference rorel an nei a. Bial tam zawk chuan Speaker ruaiin hun an hmang a; Bial thenkhatah erawh chuan Bial hruaitute leh Upa te an ruai thung.
District Sunday School Director Rev. K. Malsawmtluanga chuan Oct ni 5-7 chhunga Tlangnuam Bial Missions Conference, Melthum Kohhrana an hman mekah Speakerah tangin rawngbawlna a nei.
——–
Seminar buatsaih :
September ni 28-30 Zirtawpni atanga Pathianni zan hmang khan Lengpui Bial Sunday School Department hma laknain Lengpui Bial Zone 1 area-a awm ten Rawpuichhip-ah seminar an buatsaih.
Lengpui Bial zone 1-ah hian Rawpuichhip, Tuahzawl leh Dilzawl te awmin Sept ni 28 Zirtawpni khan Dist. Sunday School Secretary Evan. H. Lalrinngheta resource person-a hmangin Sunday School Pawimawhna leh Teching technique tih hmangin seminar an nei.
Sept. ni 29 Inrinniah nilengin Naupang pual lang camp neiin; Thlarau thianghlim dawng leh siamthar na chang engemaw zat an awm. Inrinni zan atang hian Revival Programme hmangin Pathianni zan thleng hlim takin hun an hamng.
——–
North Mizoram District Aizawl khawpui pawnlamah Social Work Day hman dan report:
1. Phainuam Bial: Phainuam Bial Headquarters Local PYD te chuan Social Work Day chu Phainuam khaw chhung hmun hrang hrang then fai ngai te thenfai nana hmangin Social work day hi an hmang. Day hmanah hian tualchhung PYD hruaitute an kim vek theih bakah Bial O/B T.Upa Lalramzauva Asst. Secretary, (2) Sist.Lalnunmawii Treasurer ten an ho bakah Phainuam Bialtu Pastor Rev.R.Lalnithanga’n a tawiawm bawk. (Picture: Phainuam Local)
2. Lengpui Bial: Lengpui Bial Lengpui local PYD te chuan Social work day chu zingkarah Lengpui khaw dung tluanin zing karah bawlhhlawh chharin an thawk chhuak a, chhunah Biak in leh a vel tifaiin hnatlang an nei leh a, zanah PYD Nite hmangin hlim takin hun an hmang a ni. (Picture: Lengpui Bial)
3. Reiek Bial: Reiek Bial, Reiek Local PYD te chuan Social Work Day-ah Reiek khawchhunga bawlhhlawh bawma bawlhhlawh awm te lakhawmin a paihna hmunah an paih a. member thahnem tak an thawk chhuak Reiek Local PYD te hi Reiek VC ten ten thawhpuiin Sanitation motor an hman tir a ni. (Picture: Reiek)
4. Aibawk Bial: Aibawk Bial PYD te chuan Social Work Day bial huapin Sateek-ah nilengin hun an hmang. Social work day hman inkhawm Zing dar 10:30 ah tanin hunserh hman hmasak a ni a, chumi hnuah Sateek thlanmual kawng samfai hna an thawk a, hemi bakah hian Lianphunga bung leh a vel leh a kawng samfai hna an thawk bawk a ni. Aibawk Bial PYD local hrang hrang atangin member 55 lai an thawk chhuak bawk. PYD ten social work day an hman hi Bial Department hrang hrang Kohhranpui, Missions Dept, Sunday School Dept leh LAD chenin an tawiawm tha hle. Sateek VC, Branch YMA leh Branch President Pu Lalruatkima’n Aibawk Bial PYD te Social Work Day hmanpui nan sum engemaw zat a pe bawk. (Pic. Aibawk Bial)
5.Khawrihnim Local PYD: Khawrihnim Local PYD te pawhin Social Workday awmni khama hmangin vantlang fehkawng (Jeep road) khua leh motor kawngpui inkal pawhna kawng pawimawh sam faiin hnatlang an nei a, member 40 bawr an thawk chhuak a, chawhnu lamah YMA Library leh biak in te an tifai bawk.(Pic. Khawrihnim Local PYD)
6. Kol. Diakkawn Bial: Kol. Diakkawn Bial PYD te chuan Bial rorel tawh angin, Social Work Day-ah Audrine Scism Children Home compound sam hnatlang neiin member thahnem tak an thawk chhuak a, Asc. Home Compount-ah hian hunserh dar 10:00 am ah tanin.. nilengin Home leh a vel tihfai ngai apiang thenfai hna an thawk a ni. (Pic. Kol. Diakkawn Bial)
————-
Disrtrict Literature and Publication Board committee :
Sept ni 28, Zirtawpni khan North Mizoram Disrtrict Literature and Publication Board committee chu Kum 2019 Nilai Thupui zir tur chungchangah Meeting an nei.
Meeting Rev. Chhiarpuia North Mizoram District Secretary-in kaihruaiin; Kum 2019 Nilai Thupui zir tur Edit dan tur chungchang sawiin; Literature committee member te’n a huhova hun inpein Edit hna thawh tha an ti tlang. Oct. ni 10 Nilaini-ah Edit thawhkhatna neih nise an ti a, Edit thawhkhatnaah hian Bung 15 chin edit turin an inruahman.
——
Intlawhtawn :
1. Sept. ni 30 Pathianni chawhnu leh zan hmang khan North Mizoram District Headquarters Bial LAD te chuan Bial Conference rorel bawhzuiin Headquarters Bial atanga indang chhuak Tlangnuam Kohhran LAD te an tlawh.
Hqrs. Bial LAD te fehchhuak hian Bus 1 leh motor te engemaw zat hmangin; Pathianni chhun atangin Programme an hmang a, chawhnu inkhawmah Sist. Malsawmi Mission Vengthlangin hun hmasa hmangin, Hqrs. Bialtu Pastor H. Zabiaka’n rawngbawlna a nei a, zan lamah Sist. Chhuankungi B/w in rawngbawlna a nei thung. Fehchhuah programme hmanah hian Hqrs. Bial LAD te leh Tlangnuam kohhrante chuan hun hlimawm tak an hmang a ni.
2. Chaltlang Bial bawngkawn Kohhrante chuan Sept ni 30 Pathianni zan khan North Mizoram District Hqrs. kohhran an tlawh.
Fehchhuah zan hian Bawngkawn Kohhrante hian Biak in an khar a, Bus 1 bakah Motor engemaw zat hmangin; hun hmasa Tual Upa H. Lalbuatsaiha’n hmangin Thuhril rawngbawlna Upa R. Lalhmangaihzuala Bawngkawn Local Church Board Chairman in a nei a. Hqrs. kohhran te hi thilpek tha tak an hlan bawk.
3. Aibawk Bial PYD te chuan Sept. ni 30 Pathianni khan Hualngohmun Kohhran an tlawh.
Aibawk Bial PYD tena Hualngohmun Kohhran an tlawh hi Bial PYD Conference Rorelin a lo passed tawh niin Hualngohmun kohhranah hian hun hlimawm tak an hmang a, Pathianni chawhnu leh zan hun hmangin; Bial chhung PYD member 40 vel an kalkhawm.
Pathianni Chawhnu inkhawmah Bial PYD Vice President Bro. R. Lalthanchama hnen atangin ‘Thuawihna’ tih thupui hmangin Pathian thu ngaihthlak a ni a, zan lamah Bial PYD President T. Upa M.S. Dawngliana hnen atangin ‘Vana Rokhawl khawm’ tih thupui hmangin Pathian thu ngaihthlak a ni bawk. Hun hman chhung hian Aibawk Bial PYD Zaipawl ten zaia rawngbawlna nei bawkin kohhranhote Pathian thlarau thianghlim hruaina leh awmpuina nen hun hlawkthlak leh hlimawm tak an hmang a ni.
———-
Lawmthusawi Chawimawina :
1. Bro. Lalhmangaiha te chhung Durtlang mualveng te chuan Sept. 29, Inrinni khan Kohhran kaltlangin Pathian hnena lawmthusawi chawimawina an buatsaih.
Lawmthusawi chawimawiah hian District Tirhkoh ramtlan Evan. C. Zoramthara chu Speaker niin Biak inah chawhma dar 11:00Am-ah inkhawm an tan a. Inrinni zan atanga Pathianni zan thleng Revival Programme-a hun hman chhunzawmin boruak duhawm tak an nei a ni.
2. October ni 2 thawhlehni khan Evan. Lalmanliana Maubawk te chhung chuan Pathian chawimawina neiin; Evan. R. Vanchhunga’n rawngbawlna a nei. Hemi ni vek hian Durtlang Mual venga lawi Jakob Lalremsanga te chhung pawhin Pathian chawimawina an nei bawk. Jakob Lalremsanga te chhungin chawimawina an neihah hian Evan. Zoramthara speaker atan hman a ni.
3. North Mizoram Distrit. Supdt. Rev. Laltluanga chu Aizawl East District Suangpuilawn khua Bro.Lalkhuma te chhungkuain Pathian hnena lawmthusawi chawimawina an buatsaihah Speaker-ah tangin rawngbawlna a nei.
Lawmthusawi chawimawina Programme hi Sept. ni 29, Inrinni khan Suangpuilawn Kohhran Biak Inah hun hman tan niin; Speaker Rev. Laltluanga NMD Supdt. hian a tuk Pathianni zan thleng rawngbawlna a nei. Speker hi Lengpui atangin Farnu Lalngaihawmi’n tawiawmin fak hla a sa thin bawk. Lawmthusawi Chawimawina petu Bro. Lalkhuma hi Aizawl Ramhluna pem tawh niin; a lo awm tawhna thin Suangpuilawnah hian chawimawina pek a tul avangin he hmunah hian Pathian chawimawina neih a ni.
——–
Rawngbawltu pual Training:
September ni 22 Inrinni nileng khan Vairengte bial chhunga Local hrang hrang Church board comt. member chin te chuan Kohhran Serhsang rawngbawlna training neiin bialtu pastor Rev. H.F Malsawma’n zirtirna a pe a, Rawngbawltute’n an hlawkpui hle.
Hemi tlai hian chawhlui kil ho niin; zan atangin revival inkhawm an neih chhunzawm a, Speaker atan Vairengte Bial Treasurer Evan H. Chhuana hman a ni bawk. Speaker rawngbawlna a nungin Thlarau boruak a tha hle a ni. Sept.ni 25 Missionary Day pawh kha vairengte bial chhunga kohhran pali vairengte Headquarters, Field veng, Hermon leh IOC kohhrante’n ruai nen awmni khamin hlim takin hun an hmang bawk a ni.
———-
Member thar :
Sept. ni 30 Pathianni khan Hunthar Bial Lungverh kohhranah mithar 3 Kohhranah sengluh an ni.
mithar te hi Nupa- fa pakhat nei an ni a, bialtu Pastor Rev. C.Lalhmunlian’n sual ngaihdamna baptisma a chantir a ni. Tin, Hemi zan vek hian Hunthar Bial Rangva mual kohhran ah Pathian thuthlung hmua Pentecost Kohhrana lut mithar 2 awm bawkin, Bialtu Pastor Rev. C. Lalhmunliana’n Pentecost kohhranah lawmlutin Sual ngaihdamna baptisma a chantir ve nghal bawk.
———-
Baptisma chang :
Sept ni 30, Pathianni khan Chhimtuipui District, Laki Kohhranah home missionary Evan.C.Khailawng chuan unau mi 7 te Lalpa Isua hmingin sual ngaihdamna baptisma achan tir.
————
PYD din :
Pastor Robin MH Lalthanmawia Tuipang sectional pastor leh Bial PYD hruaitute chuan an bial chhung fangin, rawngbawlna an nei a. Sept ni 30, Pathianni khan Laki local ah Church Board hruaitute leh Bial PYD hruaitute tangkawp chuan LOCAL PYD an dinthar.
Laki local PYD ah hian member 17 awmin, President, secretary leh treasurer te an ruat nghal ani.
———–
Member thar :
Chhimtuipui District Niawhtlang 3(Km 10) Kohhrante chuan Sept ni 29, Inrinni khan, local thlaithar kut hmangin Speaker atan Niawhtlang bialtu pastor Nupui Sis. B.Sangremi B/W an ruai a, he rawngbawlna kaltlang hian chhungkaw khat member 2 Kohhranah sengluh niin Sectional Pastor Rev.F.Lalbiakthuam’n Kohhranah a senglut.
He rawngbawlna kalzelah hian Sept ni 30, Pathianni khan Rev.F.Lalbiakthuama Sectional Pastor chuan mi thar 9 Kohhranah a senglut leh bawk.
———–
Rawngbawlin fehchhuak :
Sept ni 28 atangani 30 chhung khan Lawngtlai South Bial LAD te chuan Diltlang kohhran an tlawh a, member thahnem fehchhuakin Rev.Dr.C.Sihmo, Lawngtlai South sectional pastor chu speaker ah hmang.
He fehchhuah rawngbawlna hi Lalpan mal a sawm a, Kohhran hote an hlim hle a. Sept ni 29, Inrinni khan Diltlang Kohhrante chuan ruai anbuatsaih a ni.
————
Inkhawmkim zan :
Chhimtuipui District huam chhunga local hrang hrang PYD te chuan October ni 1, thawhtan zan khan district PYD thurel bawhzuinan Inkhawm kim zan leh General PYD rorel Member thar lak runpui hun an hmang.
Dist PYD President Evan.K.Rinthara chuan South Lungpher local ah hun hmanpuiin member thar lakluhna hun a hmang a, Secretary T.Upa.H.Lalduhsanga leh T.Upa.N.Lalchhuanmawia Fin.Secretary te chuan Siahatla local an hmanpui thung.
———–
Chhimtuipui District chhunga Social Work Day hman dan :
October ni 2, Social Work Day khan Chhimtuipui District PYD te chuan Khawchhung tihfai, Tui lakna lui dung thenfai, kawng siam that, Tawngtaina hmun tihfai, Tuikhur thenfai, ram humhalh then fai, damlo eitur siam sak leh damdawi In leh avel tihfai hna thawkin hun an hmang a, Local thenkhat chuan a mamawh tute tan thisen pein hun an hmang bawk.
Chhimtuipui District PYD President Evan.K.Rinthara chuan South Lungpher local PYD ten social work day an hman naah a telpui a, Treasurer Sist.Ramdinmawii Chawngthu leh Fin.Secretary T.Upa.N.Lalchhuanmawia te chuan Siaha bial PYD ten social work day hmannaah an hmanpui thung.
Chhimtuipui District hruaitu, District Superintendent Rev.Thanchunga Sailo, District Secretary Rev.Joseph L.Thlauhthang, District Treasurer Rev. W.L Thanghre te leh Siaha Bial Pastor Rev.Kholy Hlychho leh Dist Office a staff te pawhin Siaha khawchhung thenfai hna thawkin an hnatlang ve bawk.
——————-
Lang camp :
October ni 6 atanga ni 7 hmang hian Siahatla local Naupang Sunday School Dept chuan Lang Camp an buatsaih dawn.
Lang camp ah hian T.Upa.H.Lalduhsanga chu speaker an ruai a, Evan.Robert.B.Lalnunsiama T District Evangelist chuan rawngbawlna a nei bawk ang. Councellor panga ruat niin, tawngtai khawl nen theihtawp chhuahin rawngbawlna an kalpui mek a ni.
——
Home Crusade :
October ni 4, Ningani atang khan Siahatla PYD techuan member hlate pualin home crusade an buatsaih.
Home crusade ah hian T.Upa.N.Lalchhanmawia local statistician chu speaker a hman a ni a.kar khatah zanli an fehchhuak thin dawn a, October thla chhung atan rawngbwlna an kalpui dawn a ni.
———-
Chhawngkaw Ni :
Chhimtuipui District in Kum tin a hman thin Pentecost chhungkaw Ni chu October Pathianni hmasa ber hian District chhung Local tinah hman leh ani dawn a. He niah hian chhungkaw pawimawhna leh hlutna hmang te a in fuih chak nan hun hman thin niin fa nei tam te hnen ah Local thenkhat chuan chawimawina thilpek te hlanin hlim taka hun hman thin a ni.
—————-
Kohhran building :
Chhimtuipui District Missions Department in Vaseikai khua a Kohhran building a sak chu hun engemaw chen chawlhsan a nih hnuin luah theih turin sak chhunzawm a ni dawn.
He building hi a ban leh beam cement concreate hmang a sak a ni a, a bang leh a chungah tile leh rangva hman ani bawk ang. He building sak hna hi Rev.Joseph L.Thlauhthang Dist Secrrtary chuan bul a tanpui dawn a ni.
————–
District Office rawng hnawih :
Tunlai hian District Office rawng hnawih thar mek ani a. Rawng hnawih tur hi District LAD ten sum tumin Dist headquarters Local , New Siaha PMD ten nitin hnatlang koin an hnawih thin a ni.
———————-
Conference tur inbuatsaih :
November ni 23-25 chhunga Chhimtuipui District Missions Conference thlengtu tur District Headquarters local, New Siaha Kohhran ten inbuatsaihna kal chhohpui zelin Biak In leh a vel chei bawl thatna tur sum hman tur pawh nei tawhin chhungkaw tin ten he khawmpui hi hlim taka hman anih theih nan inbuatsaihna chi hrang hrang an nei chho mek zel ani.
——-
Beihrual kharna hun hmang :
Barak District chhunga Bial leh local hrang hrangten Beihrual kharna ni pah fawmin intlawhtawn hun an buatsaih.
Haflong Section chuan Sept ni 29, Inrinni zan khan Haflong Local ah Beihrual kharna hun an hmang a, Bialtu Pastor Rev.B.Johnson chuan hun kaihruaiin; Bial chhung Local tin beirual hman dan report pe in hlim takin hun an hmang. Sept ni 30, Pathianni khan Bial Secretary Evan. Hmangaithang chuan inkhawm a kaihruai a. Evangelist Laropuia Joute-chuan Home Missionary tirhkoh rawihna tur faith promise appeal a nei a, cheng 39,146/- lai an hmuchhuak. Zan lamah Rev.B.Johnson-a’n Pathian thuchah sawiin, beirual subject thlirletna nei hovin hlim takin hun an hmang.
Jiribam Bial pawhin Zion Local ah Beirual kharna hi bial huapin an buatsaih a. Local tinin beihrual an hman dante sawi hoin an hlawkpui dante an sawiho a ni.
Silchar bialah chuan bial huapa hmang lovin local tinin an remchan dan angin Beihrual kharna hi an hmang a. Luipui Local chuan 30 Sept 2018 khan Beirual thlahna hun hi thingpui ruai nen an hmang a, he hun hi Bialtu pastor, Rev. Lalthanmawia’n a hmanpui.
Hqrs Section ah cuan Beirual kharna hi Jorkha Local ah Sept ni 29 atanga ni 30 chhung khan an hmang a. District Superintendent Rev. H. Lalramlien, chuan a hmanpui a ni.
Vangai section ah pawh Beihrual kharna hi hmangin, thlir letna hun hlawkthlak tak an hmang.
———
District LAD Conference :
Aizawl East District LAD Inkhawmpui lian vawi 25-na, Silver Jubilee chu October 5, Zirtawp zan atang khan Khawzawl Field No-1-ah hman mek a ni a, Pathianni zan hian a tiak ang.
Inkhawmpui-ah hian Thupui-ah “Thlarauva khatin awm zawk rawh u” Ephesi 5:18 thu hman niin Thupui thensawm hmangin mi hrang hrang hnen atangin thusawi ngaihthlak a ni ang. District Superintendent Rev Rosanga Kawlni, chuan Pathian hnenah hlanin conference hi a hawng a, Khawzawl bialtu Pastor C.Lalmalsawma hnen atangin palai lawmna thu ngaihthlak a ni. Sis. J.Laldingliani, N.Vanlaiphai LAD President chuan tanna hun hmangin Sis Merry Lalnunsangi, B/W hnen atangin Chetzia-ah tih hmangin thusawi ngaihthlak a nih bakah General LAD Hruaitute hnen atangin khawmpui chibai bukna ngaihthlak a ni bawk.
Inkhawmpui tan zan hian District LAD chanchin tlangzarhna neih a nih bakah Jubilee pual Pen sem a ni a, Inkhawm banah Jubilee khawnvar chhuah a ni bawk. Inrinni nileng khan Sis F.Lalawmpuii, B/W, District LAD President kaihhruaiin rorel inkhawm neih a ni a, Bial leh Official atanga agenda lut engemaw zat ngaihtuah a ni. Inrinni zan hian Sis Zaithangliani B/W, chuan “Thilpekah” tih hmangin thusawina a nei a, Pathianni chawhma-ah “Incheinaah” tih hmangin Sis Dr.Lalhmasai’n thusawina nei lehin Pathianni chawhnu-ah “Chhungkaw maichamah” tih hmangin Sis Lalchangliani Sailo, B/W, General LAD President chuan thusawina neiin Pathianni zanah Rev Biaksangzuala, District Secretary chuan “Thianghlimnaah” tih hmangin thusawina a nei thung ang.
Aizawl East District LAD Inkhawmpui hi sawm an nih angin Myanmar PLM Hruaitute chuan telpuiin Pathianni chawhma khan chibai bukna thutawi an sawi ang. He inkhawmpui neih chhung hian inkhawm apiangin mal zai bakah Bial hrang hrang LAD atangin zaipawl zai ngaihthlak thin a ni bawk. Aizawl East District LAD Inkhawmpui hi pandal-ah hman niin Pandal hi a dung ft 90 leh a vang ft 70-a liana sak a ni a, a hming-ah “Thlarau Inpui” tih vuah a ni. October 4, Ninga Zan-ah Pandal hlanna Inkhawm, Pandal-ah hian an lo nei tawh bawk a ni.
———
Bial Missions Conference :
September 28 atanga 30 chhung khan Aizawl East District hnuaia Bial hrang hrangte chuan Bial Missions Inkhawmpui hlim takin an hmang.
Inrinni nileng khan Bial chhung inawpna leh District-a lut tur ngaihtuahin rorel inkhawm neih a ni a, District Missions Department leh District Kohhranpui hruaituten hetiang hian hmun hrang hrangah Bial Missions Inkhawmpui hi an hmanpui a ni: Rev R.Lianzama, District Missions Director chuan Serchhip Bial-ah a hmanpui a, District Missions Secretary Evan Lalramzauva chuan Bethlehem Bial-ah hmanpuiin District Missions Treasurer Evan Lalthuthlunga chuan Bazar leh Upper Republic Bial a hmanpui bawk a ni. District Kohhranpui hruaitute : Rev Rosanga Kawlni, Superintendent chu Bazar Bial-ah Speaker-ah a tang a, Rev Biaksangzuala, District Secretary chu Champhai Bial-ah Speaker-ah tang bawkin Rev Vanlalfela Ramtiam, District Treasurer chuan Bethlehem Bial-ah a hmang bawk a ni.
Aizawl East District Missions Department te hian kumin October 26 atanga 28 chhung hian Khawhai Bial-ah District Inkhawmpui an hmang dawn a, tunah hian a thlengtu tur Khawhai Bial te pawh nasa takin an inbuatsaih chho mek a, he Inkhawmpui hmang tur hian Kohhran member zawng zawngte kal vek turin min sawm a ni.
Bial Missions Inkhawmpui hi Bawngkawn Bial te chuan Bawngkawn Biakin-ah September 28, Zirtawp zan atang khan an hmang tan a, Thupui hranpa nei lovin Speaker-ah Evan H.Lalrinfela, Riangtlei khua chu an hmang a ni. Bawngkawn bial te hian Kum 2019-ah Ramhlun Vengthar Biakin-ah inkhawmpui hi an hmang leh dawn a, Kum 2019 chhungin ASC Home tanpuina pek ni se an tih bakah General Missions Department-ah Kum khat chhung Missionary rawih tura tih niin Work Camp neih ni se an ti bawk a ni. Inkhawmpui neih chhung hian Zohmun Bial, Pathianpa kawn Kohhran Khuang man tur Appeal neih a ni a, cheng sangriat chuang an hmu chhuak a ni.
Bazar Bial te chuan Armed Veng Biakin-ah Bial Missions Inkhawmpui hi Rev Rosanga Kawlni, District Superintendent, Speaker-a hmangin hlim takin an hmang a, Thupui-ah “I rawngbawl duhlo hnam leh ram chu a boral dawn si a” Isaia 60:12 tih chu hman niin Inrinni nileng khan rorel inkhawm an nei a, hetah hian General Missions Department-ah Missionary 4 chawm chhunzawm tura tih niin Home Missionary 1 chawm chhunzawm leh ni se an tih bakah Jaigoan Qrts. atan cheng singhnih pek ni se an ti bawk a ni.
Thingsulthliah bial te chuan Bial Missions Inkhawmpui vawi 35-na Sesawng Vengthar Biakin-ah hlim takin an hmang a, Thupui-ah “Isua Krista lokal lehna” Tirhkohte 1:11 thu hmangin Speaker-ah Rev R.Lalhawia, General Missions Director an hmang a ni.
Upper Republic Bial te chuan Bial Missions Inkhawmpui vawi 23-na Upper Republic Biakin-ah an hmang a, Speaker-ah Rev C.Lalengliana, Bialtu Pastor chu hman niin Thupui-ah “I rawngbawlna kha hlen rawh” II Timothea 4:5 thu an hmang a ni. Inrinni nileng khan rorel neih a ni a, hetah hian Tualchhung Kohhrante fehchhuah ni se an ti a, Bial huapin Aizawl khawpawn tlawh tura tih a ni a, Bial chhung inkantawn leh tura tih niin Redeem Hospital-ah thutthleng sei pek ni se an ti bawk a ni.
Kawlkulh bial te chuan Bial Missions Inkhawmpui vawi 32-na Khuanglak Kohhranah an hmang a, Speaker-ah Evan H.Lalhlimpuia, District Revival Speaker chu an hmang a ni. Speaker hi Team member ten an tawiawm bakah Sis Lalhriatchhungi’n zaia rawngbawlna a nei thin a ni.
Khawzawl Bial te chuan Bial Missions Inkhawmpui kha remchan zawkna avangin September 23, Pathianni hmang khan Kawnzar Biakin-ah hlim takin an lo hmang tawh a, Speaker-ah bialtu Pastor C.Lalmalsawma chu hmangin Thupui-ah “I Pathian tawk turin inpeih rawh” tih an hmang a ni.
Serchhip bial te chuan Serchhip Chanmari Biakin-ah Bial Missions Inkhawmpui vawi 41-na hi an hmang a, Speaker-ah Rev R.Lianzama, District Missions Director chu hmangin Thupui-ah “Chanchintha hi hril rawh u” Marka 16:15 thu an hmang a ni.
Serchhip Dinthar bial te pawhin Bial Missions Inkhawmpui kha Serchhip Dinthar Local-ah hmangin Speaker bik nei lovin Bial hruaitute hnen atangin thusawi an ngaithla thin a, Kum 2019-ah chuan Hriangtlang hmunah inkhawmpui hi an hmang leh dawn a ni.
Rabung bial te chuan bial Missions inkhawmpui vawi 36-na hi Khualen Kohhranah hlim takin an hmang a, Thupui-ah “In kawngte chu chhut ngun rawh u’ Hagaia 1:7 thu hmangin Bialtu Pastor J.Lalhmingsanga chu Speaker-ah an hmang a ni. Rabung Bial te hian Kum 2019-ah chuan Rabung Kohhranah Inkhawmpui hi an hmang leh anga Main Speaker neih leh tura tih a ni bawk.
————-
Aizawl East District chhunga Social Work Day hman dan :
Serchhip Bial te chuan Bial huapin Social Work Day hi an hmang a, Bialtu Pastor B.Lalengzauva chuan hawnna neiin Serchhip Auditorium tihfai hna an thawk a, member 100 chuang an thawkchhuak thei a ni. Serchhip bial tho Ngentiang pawhin an remchan anga hmangin Ngentiang khawchhung tihfai hna an thawk a, LAD leh Sunday School naupangte nen member 30 atanga 40 vel an thawkchhuak thei a ni.
Chhiahtlang Vengpui PYD te chuan Chawhma lamah Serchhip District Jail kawng tihfai hna thawkin kum hmasa lama thing an lo phun tawh samfaiin rawnghnawih leh cheihnum hna an thawk bawk a ni. Chawhnu lamah khawchhung kawng leh vantlang zunin an tifai bawk a ni. Chhingchhip Local te pawhin Social Work Day hi hmangin P&E Compound tihfai hna an thawk a ni.
E.Lungdar bial te chuan bial huapa hmang lovin mahni remchan angin Social Work Day hi an hmang hlawm a, Sailulak Local PYD te chuan Kohhran Jubilee Hall-ah hunserh tawi hmangin T.Upa C.Lalsiamliana, PYD Adviser chuan hunserh a hmang a, President Bro C.Lalthanmawia hnen atangin thuchah tawi ngaihthlak a ni bawk. Hunserh hman zawh a nih hnuah khawchhung kawngpui leh tuiluan kawr tihfai hna an thawk nghal a ni. He hunah hian member 40 chuang an thawkchhuak thei a ni.
Leng Local te chuan Zingkarah khawlai dung tihfai hna an thawk a, hetah hian member engemaw zat an thawkchhuak thei . Hnathawh a nih hma hian hunserh tawi Upa R.Lalzawmliana, Churah Board Chairman chuan hmangin Leng VCP Pu Vanlalfinga hnen atangin thutawi ngaihthlak a ni bawk.
E.Lungdar Local PYD te chuan zingkarah hmangin tawngtaina hmun thenfai hna an thawh bakah khawchhung thenfai hna an thawk bawk a ni.
Rabung Bial chhunga Tualchhung PYD te pawhin mahni remchan angin Social Work Day hi an hmang hlawm a, Khualen Local te chuan zingkarah khawlai dung bawlhhlawh tihfai hna an thawk a, Murlen PYD te chuan nilengin khawlai tihfai hna an thawh bakah hmun pawimawhah thutthleng siamin an dah bawk. Member 30 vel an thawkchhuak . Hliappui PYD te pawhin khawilai an tihfai bakah tuikhur tihfai hna an thawk bawk a ni.
Champhai-ah chuan Champhai Joint PYD bultumin Social Work Day hi an hmang a, Champhai Civil Hospital tihfai hna an thawk .
Khawzawl Bial te chuan Khawzawl Mualvawm Children Park sam fai leh thenfai hna an thawk a, Bialtu Pastor C.Lalmalsawma chuan hunserh a hmang a ni. Hetah hian member 40 chuang thawkchhuakin Khawzawl BDO Lalremruata Sailo chuan hnatlanga thawkchhuak te ei leh in tur a tum sak
Ngopa Hqrs. Local te chuan Social Work Day kha hlim takin an hmang a, Vantlang zunin tihfai hna an thawk a.
Hnahlan Bial PYD te chuan Hnahlan Darnam thlanmual sam fai hna an thawh bakah thlanmual kawng khuar zualte siam hna an thawk a. Member 70 chuang thawkchhuakin zan lamah Biakin-ah Praise & Worship hun an hmang chhunzawm a ni.
Maite Local te chuan nilengin khawlai dung kawng chhe zual laite thawm that hna thawkin Social Work Day hi an hmang a, Member 45 vel an thawkchhuak thei a ni.
Serchhip Dinthar Bial te chuan Serchhip Dinthar huamchhunga khawlai kawng thalo laite siam hna thawkin nilengin hun an hmang.
N.Lungpher Local pawhin khawchhung retaining wall leh rawng hnawih that hna an thawh bakah vantlang zunin rawng hnawih that hna an thawk a, Electric ban tui ek tur vennan rawng an hnawih bawk a ni. Member 30 chuang an thawkchhuak thei a ni.
Darlawn bial te chuan Ratu Melkawn ah Social Work Day cum Wildlife week hlawhtling takin an hmang bawk a ni.
———–
Lunglei District chhunga Social Work day report :
October ni 2, Social Work Day kha Lunglei District PYD te chuan hlawhtling takin an hmang a, Lunglei khawpui chhungah chuan Town Area PYD Social Work Day Committee hmalaknain hlawhtling takin an hmang.
Town Area te hian hna an thawh tan hmain DTO Office kawtah inkhawm tawi an nei hmasa a, he hun hi District PYD Treasurer Evan.Laldinpuian a kaihruai a, Rev.C.Lalrintluanga, Lunglei Dist.Treasurer chuan hunserh hmangin, khuallian Eddie Zonunkima, UD&PA aiawha lo kal chuan thusawina neiin, faina chungchangah PYD ten hma anla chu a lawmthu a sawi a, Social work day Committee Secretary H.Lalhmingmawia chuan report pein Rahsiveng bialtu Pastor Rev.C.Lalhriatpuia chuan tawngtaina a neih hnuin hna hi thawh tan a ni.
Social Work Day hi Kikawn atanga Venglai inkara Side drain leh vantlang kawnga bawlhhlawh awm te thenfaina atan hman a ni a, Town Area bial nga atangin PYD member 300 chuang an kalkhawm a ni.
Town Area PYD te bakah hian Social Work Day hi Lunglei District chhunga Local leh bial hrang hrang te chuan Vantlang tana thiltha tih nan an hmang a, hetiang hi Social work day hman dan tlangpui a ni.
-Bunghmun bial chhunga Local zawng zawngte chuan Social work Day hi hmang vekin, Sesawm Vengthlang leh Sesawm Vengchhak local-te chuan join-a hmangin khawtlang tihfaina atan an hmang
– Hnahthial bial te chuan an thing lo phun tawh bul vela hnim samfaiin rawng hnawih hnatlang an nei bawk.
– Khuanghlum Local-te pawhin zing karah khawlai dunga bawlhhlawh awm te char faiin, chhun lamah biakin leh a vel tihfai hnatlang an nei bawk.
– Mualcheng S Local-te chuan Social work day ah hian kawngpui sira hnim sam hnatlang an nei a, member 60 an thawkchhuak a ni.
– Rangte N leh S te pawhin Social Work Day hi join-in an hmang a, khawtlang thenfai hnatlang an nei
– Thenhlum Local PYD te pawhin khaw chhung tihfai nan Social Work Day hi an hmang ve bawk.
– Sazaikawn Local PYD te chuan Sazaikawn hmuna, District PYD Zun in siam hnatlang an nei bawk.
– Lungsen a PYD te chuan kawtchhuah tawngtaina hmun tifaiin, rawng an hnawih tha bawk.
– Haulawng Lalveng Local PYD te pawhin kawngkama hnim sam faiin hnatlang an nei bawk.
– Mualthuam N Electric leh Venglai Local te chuan join-a hmangin kum hmasa lama an thingphun bul vel sam fai hnatlang an nei
– Chawngte Local PYD te chuan Thlanmual kawng chhe lai a theih ang angin siam hnatlang an nei a
– Thuampui Local PYD te pawhin tuikhur kawng sam faiin an hnatlang bawk.
– Chhippir Local PYD te chuan Chhipphir PHC Compound an tifai.
– Sekhum Local PYD te chuan an khaw dai hnai kawngkama an thingphun samfai leh hung that hna an thawk.
-S.Lungdai Local PYD te pawhin kum danga thing an lo phun tawh bul vel sam faiin hnatlang an nei a,
-Rawpui Local PYD te chuan zing karah kawtchhuah lun laiah zunin an sa a, chhun lamah kum hmasa lama thing an phunna bul sam faiin hnatlang an nei bawk. (Pic. Social Work Day)
——–
Solo Competition leh Zaipawl Meet :
Lunglei District PYD Music Committee chuan Oct ni 6, Inrinni zan atanga tan turin Solo Competition leh Zaipawl Meet an buatsaih dawn.
Solo Competition hi Oct ni 6, Inrinni zanah District Conference Hall, Chanmari ah Elimination round neih a ni dawn a, heta tang hian top 10 thlan chhuah a ni ang. Top 10 chinte hian Oct 7, Pathianni chhun lamah Rahsiveng Biak Inah intihsiakna an neih chhunzawm dawn a, top 10 atanga hian final round lut tur thlang chhuakin zan lamah final round intihsiakna hi neih chhunzawm nghal a ni ang. Oct 7, Pathianni hian Zaipawl meet pawh neih nghal tur a ni.
———
Lunglei District UPC Press hnuaia Training :
October 1, chhun dar 12 khan Lunglei District UPC Press hnuaia thla ruk training zo mi pahnih te hnenah Certificate hlanna inkhawm tawi Lunglei District UPC Office-ah neih a ni.
He inkhawm hi Press Board Chairman Rev.C.Vanlalenan a kaihruai a, Press Board Secretary leh Manager nibawk Evan.R.Ropianga chuan Report pein, tuna training chhuak te hi Batch 3-na an nih thu leh UPC Press atanga Training chhuak ten eizawnna atana an hmanzui theih thin avanga a lawmthu a sawi bawk. Kumina Training chhuak te hi Printer/Operator-ahR.
Kumina Training chhuak te hi Press Board chuan thla ruk chhung a chhawr chhunzawm dawn a ni.
———–
Join Conference :
Lunglei District chhung Pangzawl leh Tawipui Bialte chuan Oct ni 5, Zirtawp zan atang khan tanin Join Conference an hmang mek.
Pangzawl bial LAD leh PYD Join Conference chu Pangzawl Khuanghlum Local-ah an hmang mek a, Speaker atan Evan.Lianthangvunga (Maliana) chu hman niin, Thupui atan ‘Tho la, I Pathian ko rawh’ Johana 1:6 chu hman a ni. Zaithiam Sist Zothanmawii chuan zaiin rawngbawlna a nei bawk. October 6 inrinni nilengin PYD leh LAD te hian rorelna an nei a, District-a lut tur thu engemawzat leh bial in relbawlna hrang hrang an rel a ni.
Tawipui bial LAD leh PYD Join Conference pawh Thingfal Local-ah hman mek a ni a, Speaker atan bialtu Pastor Rev.H.Rothuama ruaiin, zaithiam Sist.F.Lalhriatchhungi chuan Conference chhung hian zaiin rawngbawlna a nei ang. October 6 inrinni nilengin rorelna an nei a, October 7 Pathianni zan thleng hun an hmang ang.
————
Work Camp :
September 26-29 chhung khan Mualthuam Electric Local-te chu Bualpui V Home Missionary Quarters sa in work Camp an nei a, mi 11 an thawk chhuak a ni.
Bualpui V Home Missionary Quarters hi bial chhunga Local hrang hrangin work Camp-in an in sak chhawk a, tunah hian luah theih turin an peih fel tep tawh a ni. Bualpui V Missions Field-ah hian tunah hian District Missions Department hian Home Missionary in Evan.Lalrokhawma chu a dah mek a ni.
——————————
Facebook