GENERAL NEWS:
General Sunday School Editing Board:
September ni 3 Zirtawp ni khan UPC North East India General Headquarters Committee Room, Mualpui Salem veng ah General Sunday School Editing Board neih a ni a, kum 2022 Puitling Sunday School Puitling Zirtur I Korinth leh II Korinth Rev. R. Laichhingpuia, General Sunday School Director ziah chu en hona neih a ni.
———-
LITERATURE AND PUBLICATION BOARD MEETING
August ni 27 khan Literature and Publication Board Meeting chu General Headquarters Committee Room, Mualpui Salem veng ah Chairman Rev. Zohmingthanzama kaihhruaina hnuaiah neih a ni a, an thu rel tlangpui te..
1. Kum 2006 atanga Literature board member hlun Upa K. Hranglawta Durtlang North, Ni 25.4.21 a chatuan ram pan ta chu Literature and Publication Board Meeting hminga ral ngei ni se tih a ni a, a hun atan Ni 28.8.21 chhun dar 1.00 ruat a ni.
2. The New birth bu chungchang; edit ngai te uluk tak a en fel a meeting leh hmasaah final ni se ti a ni.
4. Kohhran hla bu reprint hnuhnung ber kum 2017 chu hralh zawh a nih tawh avangin 7th edition re-edited print leh ni se, Bu 5000 chhut ni se tih a ni.
———-
Literature & Publication Board Hriattirna:
UPC North East India Kohhran 2021 beihrual zir tur chu Covid -19 hrileng avangin a bu hran siam a ni lova, Kum 2020 Beihrual zirlai bawk kha zir leh turin literature & Publication Board chuan Kohhran mipui te a hriattir a ni. Bu khat hi Rs 30 man niin Aizawl, Millenium center-ah leh Dist office-ah te lei theih a ni.
———-
———-
LUNGLEI DISTRICT NEWS
LUNGLEI DISTRICT UPC BOARD VAWI 203-NA NEIH A NI:
August ni 31 Thawhlehni khan United Pentecostal Church, Lunglei District Board vawi 203-na chu Superintendent Rev.C.Vanlalena kaihhruainain District UPC Conference Hall-ah neih a ni.
An rorel langsar zualte:
1. Covid-19 avanga harsatna tawkte tanpui nan Lunglei District Kohhranpui hnuaia thawktu thawh khawm leh kohhranpui sum Rs.200000/- tangkawpin tanpuina pek chhuah tum a ni.
2. Chawngte bial, Chhipphir bial leh Thingsai bial Pastor Quarters siam that na pek nise tha tih a ni.
3. Lungsen N leh Ramlaitui biak in hmun tur lei sak nise tha tih a ni.
4. Biak in sak tanpuina Chawngte leh Tawipui S te pek tha tih a ni bawk.
5. Lunglei District UPC Bus hi tihral a, a thar lei nise tha tih a ni.
———-
P.C.D. YOUTUBE CHANNEL HAWNNA NEI:
Vawiin August ni 27 zirtawpni hian Pentecostal Children Department (PCD) Lunglei District Youtube channel hawnna Pennet Studio-ah neih a ni.
Youtube channel hawnna programme hi District P.C.D. President Rbt.C.Lalramluahpuia chuan a kaihruai a, District P.C.D. Adviser Rev.PC.Lalfakawma chuan P.C.D. Lunglei District Youtube channel hi hawngin Pathian hnenah a hlan a ni. He hun ah hian District PCD in Online Solo Competition a buatsaih a pahnihna Sist. H.Vanlalpeki, Bazar Local chuan zaiin rawngbawlna a nei a, District P.C.D. Treasurer Bro.PC.Vanlaltluanga chuan tawngtainain he hun hi a khar a ni.
District P.C.D. Youtube channel-ah hian Lunglei District chhunga Local leh bial P.C.D. Activities hrang hrangte District hruaitute kaltlangin dah theih a nih bakah P.C.D. zirlaibu zirtirnate pek chhuah tum a ni ang.
P.C.D. Lunglei District Youtube channel Link.(Kohhran Member ten lo Subscribe sak theuh kan tum dawn nia) https://youtube.com/channel/
———-
———-
AIZAWL EAST DISTRICT NEWS:
S.S Executive meeting:
August 31, Thawhlehni khan Director room-ah District Sunday School Executive meeting Rev HL.Thakunga, Director kaihhruaiin neih a ni. He hun hi District Superintendent, Rev Biaksangzuala leh District Treasurer, Rev VL Hnemtluanga ten an telpui a ni. District Sunday School Executive meeting-ah hian thu pawimawh tak tak ngaihtuah niin Kahrawt bial, Dinthar Kohhran ten Sunday School Hall sak tanpuina an dil chu pek tha tih niin kumin Bial Sunday School Inkhawmpui chu Bial ten anmahni remchan anga hman mai ni se an ti bawk a ni.
———-
Beihrual thla:
September thla hi Kohhran ten kumtina kan hman thin angin Beihrual thla a ni a, he beihrual thlaah hian kumtin General Literature & Publication Board in thupui zir tur a siam chu zir thin a ni a, Kumin February 23-a Literature & Publication board thukhawm chuan “Kumin 2021 beihrual bu atan nikum Lock Down chunga kan zir, Rev K.Darsailova ziak- chhung lam leh pawn lam thianghlimna tih chu zir leh ni se” a tih angin kumin beihrual-ah hian hei hi zir leh tur a ni dawn a ni. Aizawl East District chhungah chuan District Superintendent, Rev Biaksangzuala chuan hriattirna tichhuakin hrileng in min la kiansan mai loh avangin beihrual thupui zir chungchang hi Local Church Board Committee in mahni remchan anga ruahmanna lo siam a, chhungtin ten a hlawk thei ang bera an hman theih nan hma la turin Church Board Committee te chu a lo ngen tawh a ni.
———-
Bial Sunday School Inkhawmpui:
Aizawl East District chhunga Bial hrang hrangah ruahmanna ang chuan September 10 atanga 12 chhung hian Bial Sunday School Inkhawmpui hman hun tur a ni a, kuminah erawh hri leng mek avangin Bial Sunday School inkhawmpui hi kum danga hman thin angin hman theih a ni dawn lo. Kum dangah chuan naupang lamin Pathian thu leh hla hmanga intihsiakna neiin puitling lamin quiz emaw lengkhawm hla hmangin intihsiakna hi an nei thin a, kuminah erawh heng zawng zawng hi kalpui lovin bial engemaw zat chuan rorel inkhawm chauh nei turin ruahmanna an siam a, hetah hian sawrkarin dan a siamte zawm ni se an ti hlawm bawk a ni. District Sunday School Department pawhin Bial Sunday School Inkhawmpui hman dan tur chungchangah hian thuchhuah siamin Bial te chu anmahni remchan anga hmang mai turin a ti a ni.
———-
Bialtu Pastor Charge la:
August 31, Thawhlehni khan Chhingchhip Bialtu Pastor, Rev.PB Chawngtinliana chu Delhi Chaplain tura a kal tak avangin Rev Biaksangzuala, District Superintendent chuan Bial Secretary, Evan H.Lalngaihzuala hnen atangin Bialtu Pastor charge ala. District Superintendent hian District Board-in Chhingchhip Bialtu Pastor a ruat thar hma chu Chhingchhip bial hi a hmui rih dawn a ni.
———-
Online inkhawm:
Aizawl East District PYD Board in Missionary, General hnuaia mi te nen Online inkhawm buatsaih ni se alo tih angin September 5, Pathianni zan atang hian Online, Google meet kaltlangin inkhawm buatsaih tan a ni dawn. He Online inkhawm hi September Pathianni zan tin buatsaih tura tih niin District PYD Hruaituten inkhawm an inkaihhruai chhawk anga, Speaker-ah Pastor FK Lalchawiliana, North Bengal & Sikkim Missions Fields, Pastor Hrangliankhuma, Assam Missions Field bakah Pastor C.Thandawla, Bihar & Jharkhand Field leh Pastor Vanlalrokhawma, Upper Assam & East Arunachal Missions Fields te hman an ni dawn a ni.
———-
Mithar:
August 29, Pathianni khan N.Vanlaiphai bial, Khawlailung Dinthar Local-ah member 5 te chu Evan Vanlalrosiama, Lungchhuana District Missions Evangelist-a awm mek chuan Kohhranah sengluhna a nei
Facebook