MISSIONARY DAY
September ni 25, 2021 Inrinni hi UPC North East India Kohhran ni pawimawh Missionary Day ni a, he mi ni hian Kohhran chuan Program-te siamin, urhsun taka hmang thin a ni a, thawhlawm leh thilpekte lakkhawm in Missions rawngbawlna a tana hman thin a ni.
Hrileng vangin kum dang anga hun hman theih ni lo mahse, Bial thenkhat-ah chuan zing tawngtai inkhawmah programme siamin thilpek te lakhawm a ni. Hemi ni pual hian UPC North East India hnuai a Media rawngbawlna, Pentecostal Network (PenNet) chuan Missionary Day Special Programme siam in zan Dar 8:00 ah Zonet Rinna leh LPS 12 ah te leh PenNet Youtube Channel-ah te tih chhuah a ni.
North East India UPC Kohhran hian tun dinhmunah Mizoram chhung leh State pawnah nen Missionary 250 vel a ruai mek a, Mizoram chhung hmun hrang hrang bakah state pawnah heng : Assam, Dimapur, Upper Assam & East Arunachal, North Bengal & Sikkim, Bihar & Jharkhand, Odisha, Andaman and Nicobar Island, Arunachal Pradesh, Bhutan field, Delhi Church leh Kolkata Missions Field ah te hian rawngbawlna hna a thawk mek a ni.
———-
General Sunday School Editing Board:
September ni 24 Zirtawp ni khan UPC North East India General Headquarters Committee Room, Mualpui Salem veng ah General Sunday School Editing Board neih chhun zawm leh a ni a, kum 2022 Puitling Sunday School Zirtur I Korinth leh II Korinth bu chu en hona neih leh niin tluang tak a zawh a ni.
Kum 2022 Puitling Sunday School Zirlai bu hi Rev. R. Laichhingpuia, General Sunday School Director ziah a ni.
———-
———-
AIZAWL EAST DISTRICT
ADVERTISEMENT
UPC- North East India, Aizawl East District chuan Pastor ala thar dawn a, Pathian kohna hria leh inpe tan October 2021 chhungin dilna hi thehluh tur a ni ang. Diltu chu Kum 25 aia naupang lo a ni tur a ni a, NEI Member, General licence nei, Kohhranah kum 3 aia tlem lo rinawm taka rawng lo bawl tawh, UPC (NEI) in a pawmpui Pathian thu zirna hmun atanga kum 3 aia tlem lo zirchhuak tawh a ni tur a ni.
Diltu tana hriatturte:
1. Pastor hna dilna (application form) hi Aizawl East District Office, District Secretary hnenah lak tur a ni.
2. Dilna chu District Secretary hnenah thehluh leh tur a ni.
3. Hun tiam chhunga dilna lut lo chu pawm a ni lovang.
4. Dilna chu October thla 2021 chhunga thehluh tur a ni a, a hnu lam chu pawm a ni lovang.
Dilnaa thil tel turte:
1. Mahni lawina Kohhran hriatpuina lehkha
2. Bial Board hriatpuina lehkha
3. Bialtu Pastor hriatpuina lehkha
4. Theological Degree- Marksheet leh Certificate (xerox copy)
5. General Education- Marksheet leh Certificate (xerox copy)
6. Passport size thlalak copy 2
7. Medical fitness certificate (qualified leh registered Doctor ngei atangin)
8. Adhaar leh Voter ID (xerox copy)
Sd/-
REV. VANLALFELA RAMTIAM
District Secretary
UPC (NEI) Aizawl East District
———-
Biakin hawng:
September 18, Inrinni khan N.Vanlaiphai bial, Leilet Biakin chu Rev Biaksangzuala, District Superintendent chuan a hawng. Hawnna hi Biakin tualah hman hmasak niin Rev Biaksangzuala, District Superintendent chuan UPC- North East India Biakin pakhat ni turin a hawng a ni.
Biakin chhungah a lawmna inkhawm hman chhunzawm niin Rev. B.Lalhmingliana, Bialtu Pastor chuan inkhawm a kaihruai a, Upa K.Rotlinga, Church Board Chairman hnen atangin thusawi tawi ngaihthlak a nih bakah Rev Biaksangzuala, District Superintendent hnen atangin Pathian thuchah ngaihthlak a ni bawk a ni.
Leilet Kohhran, N.Vanlaiphai hi Kum 1950 khan din tan niin tuna an Biakin hawn tak hi Biakin vawi 4 an neihna a ni. Kohhran member zahnih chuang awmin chhungkua 45 vel an awm mek a ni. Biakin hi a dung ft 72 leh a vang ft 36 a liana sak a ni.
———-
Bial Missions Inkhawmpui:
Aizawl East District chhunga Bial hrang hrangah ruahmanna ang chuan September 24 atanga 26 chhung hian Bial Missions Inkhawmpui hman hun tur a ni a, kuminah erawh hri leng mek avangin Bial Missions inkhawmpui hi kum danga hman thin angin hman theih a ni dawn lo. Kum dangah chuan Revival inkhawma hman thin niin kuminah erawh bial engemaw zat chuan rorel inkhawm chauh nei turin ruahmanna an siam a, hetah hian sawrkarin dan a siamte zawm ni se an ti hlawm bawk a ni. Hrileng avangin Bial thenkhat chuan September 25, Inrinni-ah rorelna an nei anga, Bial thenkhatin September 26, Pathianni-ah rorel inkhawm an hmang bawk ang.
———-
Mithar
September.19, Pathianni khan District chhungah hriattheih chinah hetiang hian mithar leh baptisma chang, nauhlan rawngbawlna neih a ni.
Bawngkawn bial, Ramhlun Vengtharah mithar 4 Bialtu Pastor, Rev C.Mawizuala chuan sengluhna neiin sual ngaihdamna baptisma an chang nghal. Bialtu Pastor hian nau 3 hlanna a nei bawk a ni.
Serchhip bial, Chanmari Kohhranah Bialtu Pastor, Rev.B.Lalengzauva chuan mithar 3, chhungkaw khat sengluhna neiin nauhlan rawngbawlna a nei bawk.
Ngopa bial, Damaska Kohhranah Bialtu Pastor K.Vanlalhlimpuia kutah mi pakhatin sual ngaihdamna baptisma changin nauhlan rawngbawlna a nei bawk. Hqrs.Kohhranah pawh Evan V.Lalngilneia’n nauhlan rawngbawlna a nei bawk.
September 12, Pathianni zan pawh khan Sakawrdai hmunah mi 2-in sual ngaihdamna baptisma, Evan Lalamena kutah an chang a, pakhat hi mithar a ni.
September 16, Ningani khan Bazar Kohhranah Evan R.Vanchhunga kutah mi 3 in sual ngaihdamna baptisma an chang bawk.
———-
———-
LUNGLEI DISTRICT
RALTLANTE ṬANPUINA HLAN:
United Pentecostal Church (NEI) Lunglei District hnuaia Pentecostal Social Ministry (PSM) te chuan Myanmar aṭanga raltlante ṭanpui ve nise tia an rel angin September ni 22 nilaini khan ṭanpuina hi PSM Chairman Rev C.Lalrintluanga leh Secretary Upa C.Lalhmangaiha te chuan an hlan.
Ṭanpuina hi khaw 11, Bualpui H, Thingsai, Tarpho, Khawhri, Hnahthial Electric, Hnahthial Chanmari, Cherhlun, Ngharchhip, New Ngharchhip, S.Chawngtui leh Tuipui D ah te sem a ni a, ṭanpuina hi Rs.155000 sum faiin sem ral a ni.
———-
PENTECOSTAL SOCIAL MINISTRY AN ṬHUKHAWM:
Dt.19.9.2021 (Pathianni) khan Headquarters Local Sunday School Hall-ah Pentecostal Social Ministry (PSM) te chu an Chairman Rev.C.Lalrintluanga kaihhruainain an ṭhukhawm a, an rorel langsar zualte:
(i) Myanmar atanga raltlante ṭanpuina pek nise tha tih a ni a, tanpuina hi khaw 11 hnenah sum faiin Rs.155000 sem ral tha tih a ni.
(ii) District chhunga rualbanlo mi 65 te hnenah ṭanpuina Rs.2500 ṭheuh pek nise.
———-
MUSIC COMMITTEE AN ṬHUKHAWM:
Dt.17.9.2021 (Zirtawpni) khan Music Committee-te chu Pukpui Bial Pastor Quarters-ah an chairman Pukpui bialtu Pastor Rev.PC.Nghakliana kaihhruainain an ṭhukhawm a, an thurel langsar zualte:
(i) Zaipawl din nise ṭha tih a ni a, Conductor atan Bro.PC.Lalchhanchhuaha Venghlun Local leh Asst.Conductor atan Bro.Lalruatkima Sailo, Venghlun Local-te ruat an ni. Zaipawl hming atan hian Lunglei District U.P.C.Choir tih a ni ang.
(ii) Solfa lamah hma kan sawn theih nan PCD Thuzir Bu-ah Solfa bulṭhut telh tura hmalak nise.
(iii) Solfa Zirna Bu siam/buatsaih nise.
———-
LUNGLEI DISTRICT MISSIONS EMERGENCY BOARD NEIH A NI:
September ni 18 inrinni khan Lunglei District Missions Emergency Board vawi 88-na chu Director Rev.R.Vanlalenga kaihhruainain District UPC Conference Hall-ah neih a ni a, rorel tlangpuite.
(i) Dt.19-21.11.2021 chhunga District Missions Conference Zobawk-a neih tura ruahman chu hrileng avangin rorel inkhawm in hun hman mai nise ṭha tih a ni a, rorel hi Dt.21.11.2021 (Pathianni) dar 10:30 A.m ah neih a ni ang.
Rorel tur hetiang hian ruahman a ni.
– District Missions Board Member
– Bial Missions Board Member
– Section Pastor
– Home Missionary
(ii) Chengpui Home Missionary Quarters Repair leh Septic tank siam nan Rs.30000 pek nise ṭha tih a ni.
(iii) Dt.29.10.2021-a Pension tur General Missions Director Rev.R.Lalhawia chu thlahna thilpek ve nise ṭha tih a ni.
———-
EADERSHIP TRAINING/ SEMINAR:
Dt. 19.Sept.2021 Pathianni khan Chawngte Local-ah Rawngbawltu leh an nupuite, Department Hruaitute pualin, Leadership Training/ Seminar neih a ni. Resource Person ah Pastor Jerry Lalmuanawma, Bialtu Pastor hman a ni.
Hun 1-na hi Upa HS. Lianchungnunga Chairman in a kaihruaia, Account vawn dan hrang hrangte practical a in zirtirna leh Hruaitu mawhphurhna hrang hrang zirtirna ngaih thlak a ni.
Hun 2-na hi Evan LH. Biaksanga, Vice chairman in a kaihhruaia, rawngbawltu nupui mawhphurhna, Rawngbawlna zia leh nihphung zirtirna te Resource Person hnen aṭang hian ngaihthlak a ni.
———-
MI THAR:
September ni 19 Pathianni khan Zehtet Home Missionary Evan. C. Lalrinzuala chuan Mautlang Local a lawi turin Bru Baptist Church atang mi thar Puitling 4 (Pali) mipa 2 leh hmeichhia 2 a lawm lut. Sual ngaihdamna baptisma mi 3 in an chang nghal bawk.
———-
LITERATURE BOARD AN THUKHAWM :
September ni 23 Ningani khan Literature Committee, Lunglei District UPC chu District Superintendent Room-ah neih a ni a, an rorel langsar zualte:
(i) Bial leh Local chanchin a bu a chhuah tura hmalakna kal mekah 50% vel bial leh Local chanchin hi dawn tawh a ni a, la thehlut lo te hi hmala tur bik ruat ten bawhzui leh nise tha tih a ni a, hma la turin Rev.PC.Lalfakawma, Evan.MS Dawngliana Hnamte, Rbt.P.Samson Vanlalfela leh Rbt.K.Lalrintluanga te ruat an ni.
(ii) District P.C.D. in PCD thuzir bu kum 2-na a lian leh a te zirlai bu Publish sak tura ngenna an rawn siam chu tihhlawhtlin sak nise tha tih a ni.
———-
———-
LAWNGTLAI WEST DISTRICT
District Puipa te Programme:
Rev.R.Ramthatzawla, Dist.Superintendent chuan Sept. 25 a Lawngtlai North Bial Mission Conference rorel a telpui ang.
Rev.Lalsawmliana Sailo, Dist.secretary&Treasurer chuan Sihtlangpui kohhran ah hun a hmang ang.
Rev.F.Lalbiakthuama, District Mission Director chuan Sept. 25 hian Lawngtlai North Bial Mission Conference rorel a hmanpui ang.
———-
LEADERSHIP TRAINING cum SEMINAR PROGRAMME
District PYD rorel bawh zuiin Bialtin ah Leadership Trainning cum Seminar neih nise tih chu Dt.26.Sept.2021 (Pathianni) hian Diltlang Bialah neih tan a ni dawn.
Ahmun : Diltlang S UPC(NEI)
Ahun : Dt. 26/09/2021(Sun)
Zing Inkhawm ban.
1.Chairman – Pastor.S.Vanlallunghnema
2.Hunserh – Upa.Rothangzauva.
3.P/Present – Evan.George Lalawmpuia.
Thupui – “Leadership”
4.Solo – Sis.Ls.Laltlansangi.
5.P/ Present – Evan.Lalhmangaihzama.
Thupui – “Media leh PYD te”
6.Solo – Sis.Lalhmingtanzuali.
7.P/Present – Upa.S.Lalmalsawmsanga.
Thupui – “Financial Management”
8.Sawihona
9.Vote of thanks- Upa.H.Lalhmachhuana
———-
Mithar lawmlut
Dt.19.Sept.2021 khan Rev.Lalsawmliana Sailo chuan Saizawh East field ah mithar chhungkaw hnih member sawmpahnih(12) Kohhranah lawmluhna a nei a, Nau pathum (3) Isua hmingin a hlan nghal bawk.
Facebook