GENERAL NEWS:
General Sunday School Editing Board:
September ni 17 Zirtawp ni khan UPC North East India General Headquarters Committee Room, Mualpui Salem veng ah General Sunday School Editing Board neih a ni a, kum 2022 Puitling Sunday School Puitling Zirtur I Korinth leh II Korinth Rev. R. Laichhingpuia, General Sunday School Director ziah chu en hona neih a ni.
———-
General PYD in Voluntary Blood Donation Award a dawng.
September ni 16 Ningani khan Association for Voluntary Blood Donation (AVBD); General Headquarters Mizoram, Aizawl in Voluntary Blood Donation Award (April 2020 – March 2021) a sem, Religious Categori-ah General PYD, UPC NEI chuan Mizoram pum huapin Thisen Unit 1028, leh Aizawl Branch hnuaiah Thisen Unit 514 pe in lawmman 2-na a dawng.
He Program ah hian General PYD aiawhin Bro. Dr. R. Vanlalpeka, Vice Chairman, Aizawl City PYD Co-ordination Committee chu kal in Award (Certificate/Citation leh Sanapui mawi tak) te hi Dr. R. Lalthangliana, Health Minister, Government of Mizoram hnen atangin a dawng a ni.
———-
———-
CHHIMTUIPUI DISTRICT NEWS:
MTP GENERAL HQRS AH MYANMAR RALTLAN TE PUAL IN TANPUINA PE:
SeptemberNi 13.2021 Dar 12:00 Pm khan Chhimtuipui District Official ten Mara tlawmngai pawl lian ber, Mara Thyutlia Py (MTP) General Hqrs. ah Myanmar raltlan te pual in tanpuina an pe. He hun hi MTP President Pu P.P Zalena Office ah hman ani a. Rev.Joseph L.Thlauhthang District Superintendent chuan thusawiin Mara ram leh hnam tana MTP thawh hlawk dan te, sual dona kawng a, an hmalakna chhuanawm dan te leh Covid 19 dona kawng a, an thawhrim zia te leh MTP hmalakna hrang hrang, Kohhran in full support kan pek thin dan te sawiin Myanmar ram buai avanga MTP hmalakna kan support zia lan tir nan tanpuina Kohhran hming a pek kan duh thu te a sawi hnuin Rev.Kholy Hlychho District Treasurer in tanpuina Rs.30000/- President hnen ah hlanna a nei a. Rev.Dr.C.Sihmo in lawmthu sawiin tawngtaina in hun kharna a nei nghal a ni. YLA Sub Hqrs. Sangau leh YLA Sub Hqrs. Bualpui Ng hnen ah pawh remchang hmasa ber ah tanpuina hi pek tum a ni.
———-
———-
LAWNGTLAI WEST DISTRICT NEWS:
ONLINE SERMON INKHAWM NEIH THIN A NI
Covid 19 avanga Sorkar in Pathian biakin khawm an khar avangin PenNet Lawngtlai Dist. chuan Live stream@PenNet Lawngtlai District youtube ah Online sermon Inkhawm buatsaihin hluttu an tha in kohhran dang atang te in he Online sermon inkhawm hi an chhim thin a ni.
———-
MITHAR LAWMLUT
Dt 05.Sept.2021 khan Saizawh East field-ah mithar Pakhat(1) chu Evan K.Laineihtluang’an kohhran-ah a lawm luta, sualngaihdamna Baptisma a chang nghal bawk.
———-
PASTOR INDUCTION SERVICE HMAN A NI.
Dt.5.9.2021 Sunday khan Diltlang Bialtu Pastor leh Chawngte Bialtu Pastor te chu Rev.Lalsawmliana Sailo District Secretary in induction service a hmanpui.
Hri leng mek vangin khual khua a riah a remchang chiah lo va, District Official te remruat na in Pastor R. Vanlalhriatpuia Diltlang Bialtu Pastor te chu Biakin ah induction service neih a ni a, Pastor T. Ngurchhuana Chawngte Bialtu Pastor pawh Chawngte P Biak In ah induction service neih pui a ni bawk, Pastor pahnih te hi District Secretary Rev. Lalsawmliana Sailo chuan hriak thih rawngbawlna neih sak in induction service hi a hmanpui a ni. Lawngtlai hmun aṭangin Pastor S. Vanlallunghnema Lawngtlai North bialtu chuan a ṭawiawm bawk a ni.
———-
———-
LUNGLEI DISTRICT NEWS:
1.PUKPUI BIAL PYD TEN THISEN AN PE :
September ni 4, Inrinni khan Lunglei District PYD: UPC (NEI) Conference in a mamawhtute tan thisen pek nise tia a lo rel bawhzuiin, Pukpui Bial PYD:UPC(NEI)-te chuan Lunglei Civil Hospital Blood Bank-ah a mamawh apiangte hman turin Thisen Unit 35 an pe. Thisen pe tute hi Mipa 33 leh Hmeichhia 2 an ni.Thisen hi Civil Hospital ah kalchilh in an pe a ni.
Lunglei District-a bial hrang hrang PYD :UPC(NEI)-te hian thisen hi an pe chho zel dawn a, Pukpui bialin an pek hma hian Rahsiveng bialin an lo pe tawh a ni.
Pukpui bial PYD:UPC(NEI)-te thisen pek hi District PYD President Evan.C.Lalremchhunga chuan a telpui a, ṭawngṭaina a hun bul ṭan sakin, thisen a pe zui ve bawk.
———-
2. AUDIT NEI:
September ni 7 Thawhlehni atang khan Lunglei District kohhranpui, CEC School, Offset press, Department leh Sub. Committee peng hrang hrangte sum kum chanve Audit District Office-ah nei a, Audit-ah hian Kohhranpui, CEC School leh Offset Press Account-te Evan.F. Lalhmangaiha, Evan. Laldinpuia Sailo, Upa C. Lalhmangaiha ten Audit in, Department leh Sub Committee-te Rev.PC.Lalfakawma leh Pastor K.Vanlalhruaia ten an Audit a ni.
———-
3. District PYD Kumpuan Committee thuchhuak:
September ni 4 Inrinni zan khan Lunglei District PYD hnuaia Kumpuan Committee-te chuan Google Meet hmangin Committee an nei a, an rorel langsar zualte:
1. Bial leh Local tin te Kumpuan sub-Committee din tur a ngen nise
2. Kumpuan atan a ‘Thuthlung Puan Uar’ kalpui a nih chhung chuan Bial huap thiltih/intawhkhawm na ah Thupui atan – ‘Thuthlung lam hawi’ hman zel nise, tih chu bial tinah ngen nise.
3. Bial/Local ah a theih dan ang ang a ‘Tuthlung Puan Uar’ pual a Bible quiz nei tur a ngen nise
4. PENNET,Lunglei nen tangkawp a Live Crusade buatsaih nise.
5. Symposium/Topic discussion buatsaih nise.
———-
———-
AIZAWL EAST DISTRICT NEWS:
District board tluang taka neih a ni.
September 8, Nilaini khan Aizawl East District board, nikhat awh chu tluang taka neih zawh a ni a, an thu passed tlangpuite:
1.District Missions Director atan Rev.KVL Hmangaihkima, Thuampui bialtu Pastor ni mek chu ruat niin Thuampui bial hi Bialtu Pastor niin ala enkawl zui ang.
2. District S.S Director atan Rev.Rohmingliana, Bethlehem bialtu Pastor ni mek chu ruat a ni.
3. Bazar bialtu Pastor, Rev.HL.Thakunga chu pension-a a chhuah tak avangin Bazar bial hi Rev.Rohmingliana’n hmui rih tura tih a ni.
4. Hrisel lohna avanga Keifang Bialtu Pastor, Rev.Lalrema’n chawlh (leave) a dil avangin Keifang bial hi Rev.VL.Hnemtluanga, District Treasurer in hmui tura tih a ni.
5. Executive board member atan Rev.Rohmingliana leh Rev.KVL Hmangaihkima te ruat thar an ni.
6. December thlaah Pastor lak thar tura tih niin hemi atan hian Advertisement chhuah tura tih a ni.
———-
Bial Sunday School Inkhawmpui:
Aizawl East District chhunga Bial hrang hrangah ruahmanna ang chuan September 10 atanga 12 chhung khan Bial Sunday School Inkhawmpui hman hun tur a ni a, kuminah erawh hri leng mek avangin Bial Sunday School inkhawmpui hi kum danga hman thin angin hman theih a ni dawn lo. Kum dangah chuan naupang lamin Pathian thu leh hla hmanga intihsiakna neiin puitling lamin quiz emaw lengkhawm hla hmangin intihsiakna hi an nei thin a, kuminah erawh heng zawng zawng hi kalpui lovin bial engemaw zat chuan rorel inkhawm chauh nei turin ruahmanna an siam a, hetah hian sawrkarin dan a siamte zawm ni se an ti hlawm bawk a ni.
Bial S.S inkhawmpui rorel hi Bial thenkhat chuan September 11, Inrinni khan an hmang anga, bial thenkhat erawhin September 12, Pathianni khan an hmang thung a ni. Hrileng avanga la hmang thei lo bial pawh engemaw zat an awm bawk a ni. District Sunday School Department pawhin Bial Sunday School Inkhawmpui hman dan tur chungchangah hian thuchhuah siamin Bial te chu anmahni remchan anga hmang mai turin alo ti tawh a ni.
———-
Pastor Qrts. hawng:
September 15, Nilaini khan Khawruhlian bial Pastor Quarters sak thar chu Rev Biaksangzuala, District Superintendent chuan a hawng. Quarters hawnna hi Quarter tual zawlah hman niin hetah hian Bial chhung atangin mi engemaw zat an tel thei a ni.
Khawruhlian Pastor Quarters hi Kum 2020 April thla atang khan sak tan niin a sak nan hian tha sangkhat chuang sen niin a dung ft42 leh avang ft28 a liana sak a ni. He Quarter sakna atan hian cheng nuai 13 bawr vel an seng a ni.
———-
Charge inhlan:
District Sunday School Director, Rev HL.Thakunga chu pension-a a chhuah tak avangin District Board in a aiawh tura a ruat, Rev Rohmingliana hnenah September 16, Ningani khan District Sunday School Director mawhphurhna chu a hlan. He hun hi Director Room-ah hman niin District Kohhranpui hruaitute leh S.S hruaitute an tel a ni.
———-
Bial Missions Inkhawmpui:
Aizawl East District chhunga Bial hrang hrangah ruahmanna ang chuan September 24 atanga 26 chhung hian Bial Missions Inkhawmpui hman hun tur a ni a, kuminah erawh hri leng mek avangin Bial Missions inkhawmpui hi kum danga hman thin angin hman theih a ni dawn lo. Kum dangah chuan Revival inkhawma hman thin niin kuminah erawh bial engemaw zat chuan rorel inkhawm chauh nei turin ruahmanna an siam a, hetah hian sawrkarin dan a siamte zawm ni se an ti hlawm bawk a ni. Hrileng avangin Bial thenkhat chuan September 25, Inrinni-ah rorelna an nei anga, Bial thenkhatin September 26, Pathianni-ah rorel inkhawm an hmang bawk ang.
———-
Gold medal dawng..
Sis. Malsawmdawngliani D/o Lalnuntluangfela (AED Office Staff) District Headquartersa lawi chu National Muay Thai Virtual Championship 2021 ah Matfix ah Gold medal ala. Malsawmdawngliani hi Kum 15 hnuai kg 45 niin, Category pa 2 ah tel in Matfix ah hian India ram ah Gold Medal a dawng ta a ni. State Virtual Muaythai Championship ah pawh Gold medal alo dawng tawh bawk a ni.
———-
Thuthlung puanna leh baptisma rawngbawlna:
September 12, Pathianni khan Thingsulthliah Bial PYD Kumpuan Committee hmalakna in Tuirini-ah Thuthlung puanchhuahna neih a ni a. CTI Kohhranah bialtu Pastor V.Lalnienga’n nauhlan leh baptisma rawngbawlna nei bawkin zanah Thingsulthliah hmunah baptisma rawngbawlna bialtu Pastor hian neiin Kohhran pawl dang miin sual ngaihdamna baptisma a chang a ni.
September 16, Ningani zing khan Bazar Kohhranah Baptisma rawngbawlna neih ni bawkin Evan R.Vanchhunga kutah mi 3 in sual ngaihdamna baptisma an chang a ni.
Facebook