Pennet News Service : October 1, 2021

PENNET PROGRAMME SIAM REM A NI:

PenNEt Programme LPS 12 leh Zonet Rinna a Zan Dar 8-9 a chhuah thin chu siam rem niin, October thla 2021 a tanga thuleh awm hma chu Zan Dar 6:00-7:00pm chhung a chhuah thin tura siam rem a ni a, zan Dar 11:00-12:00pm, Zing Dar 8:00-9:00am leh chawhnu 1:00-2:00pm ah te a chhuak nawn ang. Pennet Programme lo thlir thin tu te leh Kohhran mipui te kan in hriattir e.

———-

SOCIAL WORKDAY:
Oct 2, hi North East India UPC Kohhran thalai pawl Pentecostal Youth Department (PYD) Social Work Day a ni a, India hmarchhak pum huapa hman thin a ni.

Pentecost Kohhran thlai pawl rorelna sang; General PYD Conference rorelna chuan Kum 1999 khan Social Work Day neih nise tiin a pass a, Kum 2000 atang khan hman tan nghal niin kum tin Oct ni 2-hi India hmarchhak pum huapin Vantlang tana hna tha thawhna ni atana hman chhoh a lo ni ta a ni.

Social work day ah hian thinsen pek, Damdawiina damlo tana ei tur sem, Vantlang hmun pawimawh Community hall, Damdawi in leh sub center tih fai, Vantlang inthiarna tur siam leh tihfai, khawlai thenfai leh tuiluankawr tihfai bakah thingphun hnatlang te neih thin a ni a.

Hri leng vangin kum dang anga hman theih ni lo mahse sawrkar dan siam leh hri leng a darh lohna tura in veng chungin UPC North East Thalai-te chuan vantlang tana hna thawk turin he ni hian an pen chhuak a ni.

Aizawl City PYD Co ordination Committee chuan October ni 2 (Inrinni) Social Workday hian Zoram Medical College ZMC Falkawn hmun a Covid Patients leh frontline workers te chhun ei leh in tur pe in hun an hmanga, General PYD President Rev. H. Lalropuia chuan hunserhte hmangin thil pek hlanna hi a nei a ni.
Hemi ni a ei leh in sem tur leh a tul ang angte lo buaipui tu Aibawk Bial PYD chungah Aizawl City PYD Co ordination Committee chuan lawmthu a sawi tak meuh a ni.

———-
———-

AIZAWL EAST DISTRICT

ADVERTISEMENT
UPC- North East India, Aizawl East District chuan Pastor ala thar dawn a, Pathian kohna hria leh inpe tan October 2021 chhungin dilna hi thehluh tur a ni ang. Diltu chu Kum 25 aia naupang lo a ni tur a ni a, NEI Member, General licence nei, Kohhranah kum 3 aia tlem lo rinawm taka rawng lo bawl tawh,  UPC (NEI) in a pawmpui Pathian thu zirna hmun atanga kum 3 aia tlem lo zirchhuak tawh a ni tur a ni.

Diltu tana hriatturte:
1. Pastor hna dilna (application form) hi Aizawl East District Office, District Secretary hnenah lak tur a ni.
2. Dilna chu District Secretary hnenah thehluh leh tur a ni.
3. Hun tiam chhunga dilna lut lo chu pawm a ni lovang.
4. Dilna chu October thla 2021 chhunga thehluh tur a ni a, a hnu lam chu pawm a ni lovang.

Dilnaa thil tel turte:
1. Mahni lawina Kohhran hriatpuina lehkha
2. Bial Board hriatpuina lehkha
3. Bialtu Pastor hriatpuina lehkha
4. Theological Degree- Marksheet leh Certificate (xerox copy)
5. General Education- Marksheet leh Certificate (xerox copy)
6. Passport size thlalak copy 2
7. Medical fitness certificate (qualified leh registered Doctor ngei atangin)
8. Adhaar leh Voter ID (xerox copy)

Sd/-
REV. VANLALFELA RAMTIAM
District Secretary
UPC (NEI) Aizawl East District

———-

District S.S Executive Meeting:
September 26, Thawhtanni khan District Sunday School Executive meeting, Director Rev. Rohmingliana kaihhruaiin Director room-ah neih a ni. He hunah hian District Kohhranpui hruaitute an telkim a ni. An rorel langsar zualte:
1. Chingchip Hqrs. Kohhran ten Sunday School hall sak tanpuina an dil chu pek nise tih a ni.
2.District Sunday School board kumin November thlaah neih nise tih niin a hun chiah hi tunlai boruak mila ruahmanna siam leh nise an ti a, Agenda nei tur chuan October thla chhunga thehluh hman nise an ti.
3.Library felfai zawka enkawl nise, lehkhabu neih ang angte felfai taka a list siam that nise tih a ni.
4.Naupang Sunday School chawhnu zirbu ziah bang la awm chu ziak chhunzawm turin Evan C.Laltanpuia chu tlawmngai mai se tih a ni.

———-

Charge inhlan:
September 24, Zirtawpni khan District Board in Missions Department Director tura a ruat thar, Rev.KVL.Hmangaihkima hnenah Rev.Biaksangzuala, District Superintendent chuan Director mawhphurhna a hlan. Charge inhlanna hun tawi hi Office-ah hman niin District Kohhranpui hruaitute leh Office Staff te an tel a ni.

———-

District Missions Executive meeting:
September 28, Thawhlehni khan Director Room-ah District Missions Department Executive meeting neih a ni a, Director, Rev KVL.Hmangakima’n a kaihruai a ni. He hunah hian District Kohhranpui hruaitute pawh telkimin an rorel langsar zualte:

1. October Pathianni hnuhnungber hmanga District Missions Conference hman thin chu hrileng avangin a hun taka hman theih a nih dawn leh dawn loh chu la ngaihtuah that leh ni se tih niin hetiang hian conference palai tur an ruat a ni. Bial aiawh 3, Bialtu Pastorte, District Kohhranpui OB bakah District Department Ob te niin Agenda hi October 15 aia tlai lovah thehluh ni se an ti a ni.

2. Hetiang hian District Missions Evangelist te appointment pek thar an ni.
1. Evan F.Vanlalruata, Champhai Dinthar-ah
2. Bro Joseph VL Hmangaihzuala, Muthi-ah
3. Evan Vanlalrosiama, Lungchhuanah
4. Evan H Lalremhlua, Sialhawkah
5. Sis Sangkhumi B/W, Ramhlun Sports Complex-ah
6. Evan Philip VL Hmuchhuaka, Thinglianah
7. Evan Lalbiakmuana, Lungvar, Khawzawlah
8. Evan Lalhmuakliana, Tualchengah
9. Evan HK Lalhmangaiha, Keifang-ah
3. Rev R.Lalhawia, General Missions Director pension tur chu thlahna thilpek pek ngei ni se tih a ni bawk.

———-

Bial Missions Inkhawmpui:
Aizawl East District chhunga Bial hrang hrangte chuan September 25, Inrinni leh 26, Pathianni khan Bial Missions Inkhawmpui rorel tluang takin an hmang. Kum dangah chuan Revival inkhawma hun hman thin ni mahse kuminah erawh hri leng mek avangin Revival Inkhawma hun hmang lovin rorel inkhawm chauh bialte hian an nei thei a ni. Bial engemaw zatin Bial Missions Inkhawmpui hi hmang theih mahse Bial thenkhat chuan hrileng mek avangin an la hmang thei lo a ni.

September 25, Inrinni kha Missionary Day a nih angin Bial hrang hrang Missions Department inkhawmpui hmang tute hian an remchan angin Missionary Day hi an hmang hlawm a, Day thuchah chhiarchhuahna te neiin Missionary Day pual thuchah te pawh an ngaithla hlawm bawk a ni.

———-
———-

LUNGLEI DISTRICT

LUANGMUAL BIAL PYD TEN THISEN UNIT 13 AN PE :

September ni 25 Inrinni khan Luangmual Bial PYD-te chuan Lunglei Civil Hospital tan thisen unit 13 an pe.
Lunglei District PYD Conference in Blood Donation neih nise tia a lo rel bawhzui nan Luangmual bial PYD-te hian thinsen hi an pe a, Luangmual Local UPC Sunday School Hall-a hunserh tawi an hman naah Bial PYD Secretary Rbt.C.Lalvensanga chuan hun a kaihruai a, Dist.PYD Fin.Secretary Rbt.K.Lalrintluanga chuan hunserh hmangin Blood bank, Civil Hospital Lunglei thawktute aṭangin thusawi ngaihthlak a ni.

Thisen unit 13 petu te hi mipa vek an ni a, thisen petute hi Lunglei Civil Hospital Blood Bank-a thawktu ten an kal chilh a ni.

Lunglei District PYD Conference rorel bawhzuiin bial hrang hrangten thisen an pe chho mek a, bial 3 ten thisen hi pe tawhin heng bial 3 te pek tlingkhawm hi Unit 86 a tling tawh a, Bial 17 in an la pe dawn a ni.

———-

TALENT SEARCH RESULT PUANNA NEI:

September ni 28 thawhlehni khan Pukpui bial P.C.D.te chuan Online talent Search an buatsaih lawmman semna District UPC Conference hall-ah an nei.

He hun hi Sist.VL.Muanpuii Khiangte President Pukpui bial PCD chuan a kaihruai a, Sist.CV.Lalrammuani, Fin.Secretary, Pukpui bial PCD chuan result puanna neiin, Bro.Joseph Zokunga Asst.Secretary, Pukpui bial PCD chuan lawmthu sawina a nei a, Pukpui bialtu Pastor Rev.PC.Nghakliana chuan he hun hi tawngtainain a titawp a ni.

He Talent Search hi a lian leh a te ah then a ni a, hengte hi lawmman dawngtute an ni.

A Te Pawl
1-na Alan VL Lawmkima, Venglai (Sketching)
2-na Vanlalthazuali, Kikawn (Singing)
3-na Eunik C. Lalramdinpuii, Zohnuai (Singing)

A Lian Pawl
1-na Vanlalduhfeli, Bazar (Dreamcatcher craft)
2-na R. Lalngaihawmi, Bazar (Contemporary dance)
3-na Lallawmzuali, College Veng (Painting)

———-
———-

CHHIMTUIPUI DISTRICT NEWS:

CHHIMTUIPUI DISTRICT PYD WEEK HMANG:
44th Chhimtuipui District PYD Conference rorel bawhzuiin Dt.27 – 02 October 2021 chhung hian Chhimtuipui Dist PYD chuan PYD WEEK an hmang.
Week chhung hian Vaihlo leh akaihhnawih do te, Khawtlang tana thil ṭha tih hrang hrang- Vantlang zungin siam, Vantlang kawng siam ṭhat, Tui hna humhalh, mirethei leh chaklo zawkte ṭanpui in kawng hrang hrangin Midang tan malsawmna ni tuein ke an pen a ni.
Week hawnna hi Evan. K. Rinthara Dist PYD President chuan Pennet Chhimtuipui District You Tube channel kaltlangin a nei a ni.

———-

Chhimtuipui District, District LAD executive meeting:
September 22 2021 Dar 11:30 am khan Chhimtuipui District, District LAD executive meeting District Committee Room ah neih a ni a, Meeting hi Sis.T.Lallianmawii President chuan kaihruaiin, Kum 2022 District LAD Budget thlirho na neih a ni a. District Official pathum hnen atangin fuihna thu ngaihthlak a ni bawk.

———-

MITHAR LAWMLUT
September ni 26 (Pathianni) Zan khan Siaha Council Veng local ah mithar 1 Kohhrana lawm luh a ni a, Mithar hi Rev kholy Hlychho Dist. Treasurer chuan Sual ngaihdam nan Isua hmingin Baptisma achan tir a ni.