UPC NORTH EAST INDIA GENERAL CONFERENCE VAWI 53 NA HMAN MEK A NI
United Pentecostal Church of NEI General Conference vawi 53 na chu November ni 26 atanga ni 28 chhung hian General Headquarters, Aizawlah neih a ni a, Conference hi tum dang anga Programme siam a rem loh avangin Rorel Inkhawm, Ordination Service leh Farewell Service-te neih a ni.
November ni 26, 2021 Zirtawp ni ah Dept. Business & Board Meetings he tiang hian neih a ni.
General LAD Conference hi vawi-43 na niin Bethlehem Biak In, Aizawl East Dist ah rorelna neih a ni a, General LAD President Sis. Lalchangliani Sailo B/W chuan rorel inkhawm kaihruaiin General Superintendent represent Rev. Lalmalsawma Sailo chuan rorel inkhawm hi a telpui a ni.
General LAD Conference rorel na ah hian lawmman chi hrang hrang Buhfai tham tha, Bible chhiar chhuak, Budget khum lawmman te sem a nih bakah hruaitu hlun chawimawnate pek an ni a, zan lamah General LAD Board neih chhun zawm a ni bawk.
General PYD chuan Conference Vawi 43 na Rorel inkhawm chu Headquarters Biak In, Tuikhuahtlang ah neiin, Rorel inkhawm hi General PYD President Rev. H. Lalropuia’n a kai hruai a, General Superintendent represent Rev. Zohmingthanzama chuan thusawina leh tawngtaina hun hmangin General Choir ten zai rawngbawlna an nei a, General PYD Secretay, Evan. JH Malsawmdawngliana’n Report pein General PYD Treasurer Rev. C. Lalmalsawma hnen atangin Financial Report ngaih thlak a ni bawk.
An rorel langsar zingah Kum 2022 General PYD Conference chu Khawzawl, Aizawl East District ah neih tur a tih a ni a, District a tanga PYD Membership fee lo lut zawng zawngte General PYD Sheave for christ Account ah dah zel nise tih te a ni.
General Sunday School Department chuan Conference vawi 41 na rorel inkhawm hi Salem Veng Biak in ah neiin General Sunday School Director Rev. R. Laichhingpuia’n a kaihruai a, General Sunday School Kumpuan chung changte, Puitling Zirlai Pennet Programme a chhuah chung changte leh Naupang Sunday School ten Pennet a programme neih chung changte rel a ni.
General Missions Department chuan Conference vawi 39 na Rorel inkhawm chu Mualpui Biak in ah neiin General superintendent / General Missions Director incharge Rev. R. Lalrinsanga’n a kai hruai a, Andaman missions Field a zau zawka hmalak dan tur te, Buhfai tham chung changa hmalak dan tur te, kum 2022 Golden Jubilee puala member thar target neih chung changte leh Nepal rama rawngbawlna kalpui dan tur te rel a ni.
November ni 27, 2021 Inrinni zing 10:30 ah General Kohhranpui rorel Inkhawm, Mualpui UPC Biak In ah neih niin, Zan Dar 6:00 ah Ordination Interview General Hqrs. Committee Room-ah neih a ni bawk.
November ni 28 Pathianni zing 11:00 ah Ordination Service, N. Mizoram Dist. Hqrs. Biak In, Tuikhuahtlangah neih a ni anga, Zan lam ah General Missions Director kal chhuak ta Rev. R. Lalhawia thlahna Farewell Service N. Mizoram Dist. Hqrs. Biak In, Tuikhuahtlangah bawk hian hman a ni ang.
———-
GENERAL ARCHIVE COMMITTEE:
UPC North East India General Archive Committee chuan December ni 17 khian General Headquarters Committee room, Mualpui salem vengah Mizorama UPC Biak in dinna hmasa ber chungchanga inrawn khawmna – SYMPOSIUM a buatsaih dawn a, he mi atan hian inbuatsaihna kalpui mek a ni.
———-
———-
LAWNGTLAI WEST DISTRICT
MEMBER THAR LAWMLUT
November ni 19 2021 zirtawp ni khan Bungtlang’S’ bial, Lunghauka Local church-ah chhungkaw khat (member pakua awmna) chu Rev. F. Lalbiakthuama Dist.Missions Director chuan Kohhran-a lawm luhna a nei a, he hun hi bialtu Pastor Lalzawmsanga chuan a kaihruai a ni. Director hi Pastor S Vanlallunghnema Dist. PYD President, Lawngtlai North bialtu ni bawk leh Evan Lalhmangaihzama Dist.PYD Treasurer.ten an tawiawm bawk.
———-
LUNGHAUKA BIAK IN SIAMTHAT HNATLANG NEI
November ni 16 -18 2021 chhung Khan Lunghauka Local Biak in, Bungtlang ‘S’ bial a awm chu Bialtu Pastor Lalzawmsanga, Evan. Lalhmangaihzama Hmawngbu field , Evan. J. Lalnunthara Saikhawthlir field Evan. Laineihtluanga Saizawh ‘E’ field, te leh PYD member pahnih Bro Laldenga saikhawthlir leh Lalremruatdika Bungtlang ‘S’ ten thawmthatna hnatlang an nei.
Benches 10 siamin, Tukverh frame pariat chu Thingzaia thlak vek a ni a, Heng bakah hian kawngkharpui siam that a ni bawk. Tin, pulpit hnung lam bangrel leh rangva te chu thlak vek a ni bawk. Tin, zanlamah Mike Service neih thin niin, thuthlung lam Sermon thin a ni a, Evan. Lalhmangaihzama Hmawngbu field, Evan. Laineigtluanga Saizawh field leh Evan J.Lalnunthara ten Pathian thu sawina hun an nei thin bawk a ni.
———-
———-
LUNGLEI DISTRICT
LUNGLEI DISTRICT MISSIONS DEPARTMENT CONFERENCE VAWI 47-NA ROREL INKHAWM NEIH A NI.
November ni 21 (Pathianni) khan United Pentecostal Church of North East India Lunglei District Missions Department Conference vawi 47-na rorel inkhawm chu Zobawk Local UPC biak in ah Director Rev.R.Vanlalenga kaihhruainain tluang taka neih a ni a, Rorel palai 130 chuang an kal khawm.
He hunah hian Lunglei District L.A.D.-te chuan Home Missionary leh Missions Field huam chhunga Local 11-te tan Krismas present an hlan a, Headquarters bial L.A.D. leh Rahsiveng bial L.A.D. ten Home Missionary-te tan thilpek an pe bawk. Tin, Sist.PC.Lalrengpuii leh Sist.PC.Lalruatpuii ten zaiin rawngbawlna an neih bakah District Superintendent Rev.C.Vanlalena chuan rorel palai kal khawmte chibai bukna a nei a ni.
An rorel langsar zualte:
1. Kum 2023, District Missions Department Conference neihna hmun atan Rahsiveng Local ruat a ni a, Missions Department Conference hi kum tir lamah neih ve tawh nise ṭha tih a ni a, a hman ṭan kum chu District Missions Department Board ah ngaihtuah a ni ang.
2. Palai fee hmanlai Rs.200 chu Rs.500 in tihsan nise ṭha tih a ni.
3. Rinna thutiam leh Partner In Missions (PIM) pek dan list hi bial in Record lo vawng ve se tha tih a ni.
Report bu a alan danin Lunglei District chhungah hian Home Missions Field 7 bakah bialin a enkawl Field 1 a awm mek a, heng Field-te hi Home Missionary ten ṭhutchilh in, kumin 2021 chhung hian heng Field-ah te hian mi thar 58 sengluh a ni. Tin, District Missions Department hian kumin chhung hian Crusade fund bial 6 ah a pe a, Home Missionary Quarters pual hi Field 4 hnenah an pe bawk.
———-
LUNGLEI DISTRICT MISSIONS BOARD NEIH A NI.
November ni 22 Thawhṭanni khan Lunglei District Missions Board vawi 130-na chu District UPC Conference Hall-ah an ṭhukhawm a, Director Rev.R.Vanlalengan Board a kaihruai.
An thurel pawimawh zualte :
1. Home Missionary-te Seminar/Retreat neih pui nise.
2. Jaigaon biak in sak chhunzawm nan Rs.100000 pek ṭha tih a ni.
3. Motor thar lei tura hmalak ṭha tih a ni.
4. District Missions Conference vawi 47-na in District Missions Conference kum tir lamah neih ṭhin tawh nise a lo tih chu a hun atan January Last Sunday nise an ti (Conference hi nakum 2022-ah chuan neih loh tur a ni anga, kum 2023 aṭanga hman ṭan a ni ang. Tin, 2022 inkhawmpui dawltu tura ruatlawk Pukpui chuan 2023 inkhawmpui an dawl ang a, Kum 2024 chu Rahsiveng ah nghah a ni ve thung ang)
5. He board hian nakum 2022 Budget atan Rs.8664000 an pawm bawk.
He board ah hian bial 13 aṭangin board members an kal khawm a, Chawngte bial Missions Director nilai tukin a chatuanram pan ta Upa M.Lalbanglova sunna hun an hmang bawk.
———-
DISTRICT L.A.D. BOARD NEIH A NI:
November ni 19 Zirtawpni khan Lunglei District L.A.D. Board vawi 109-na chu Vice President Sist.C.Vanlalzamveli B.w kaihhruainain District UPC Conference Hall-ah neih a ni a, an rorel langsar zualte:
1. District Mission Conference-ah hian Home Missionary leh Home Mission Field-te Christmas Present pek te,
2. ASC Home Cooler lei sak.
3. Tripura District Headquarters Building sak ṭanpui nan sum balance atangin Rs. 1,00,000/- pek.
4. District LAD Conference vawi 53- na Dt. 18-20.3.2022 chhunga Venglai Biakina neih tur thlirlawk a ni bawk.
5. Kum 2022 Budget atan ₹ 11,36,000/- passed a ni.
6. Kum 2022- ah Mission Department ṭanpui nise ṭha tih a ni.
7. Dt. 26.11.2021-a General L.A.D. Conference kal dan tur te ngaihtuah a ni.
District Board ah hian bial 14 aṭangin Board Members an kal thei a, District kohhranpui hruaituten an telpui bawk.
———-
MI THAR
November ni 21 Pathianni zan khan Cherhlun Local-ah mi thar pakhat Pastor K.Lalnunpuia chuan a lawm lut.
———-
———-
NORTH MIZORAM DISTRICT
District LAD buatsaihin Puanthui zirna training buatsaih dawn:
North Mizoram District LAD Conference in, eizawnna ngialnghet neih leh thiamthil neih kawnga hmasawnna nei tura hmalakna pakhat atan a thlawna puanthui zir a buatsaih dawn.
Puanthui zir hi kohhran mi a duh apiangte tana buatsaih niin; December ni 10 thleng dil theih a ni a, Puanthui zir duh te hian, ziakin Ladies Auxilliary Tailoring Center, North Mizoram Dist. Chairman/Secretary Address in Mobile Number 9862913462/8787762479/
Puanthui zir dil interview hun hi December ni 10, Dar 10:30 Am ah neih a ni dawn a ni.
———-
Durtlang Pastor Quarters hawng:
Nov. ni 20 Inrinni zing dar 8:00Am khan Durtlang bial Pastor Quarters sak thar chu North Mizoram District Supdt. Rev. Laltluanga’n Isua hmingin a hawng.
Hmun hi nuai 40 a lei a ni a, vawiin a hawn theiha kan nei ta hi a lawmawm hle a ni. Durtlang pastor quarters hi Mualveng Biak In kiang maiah sak a ni.Qtrs hawn inkhawm hi Durtlang Bialtu Pastor Rev. PC Lalfela’n kaihruaiin; District Treasurer Rev. K. Lalduhsanga’n tawngtaina a nei a, Durtlang Bial Secretary Evan. Zonunmawia’n Qtrs sak Technical report a pe.
Qtrs hawn a nih hnu hian In chhung lam Programme hman chhunzawmin Dist. Supt Rev. Laltluanga, Dist Secy Rev.Chhiarpuia leh Dist Treasurer Rev.K.Lalduhsanga, Rev.K.Vanlaldika, Rev. C.Lalhmunliana leh Rev. RC. Puia ten thu an sawi. Upa Biakkima’n lawmthu sawiin Rev.Chhiarpuia’n malsawm ṭawngṭaiin hun a khar ta a ni.
D urtlang Bial Pastor Quarters hi a dung 40ft leh a vang 30 fits. A sak a niin, Durtlang Mualveng Kohhran bul hnai maia awm a ni a, a hmun hi District in ` 40,00,000 (Nuai sawmli) in a leisak a ni. Qtrs. Hawn inkhawmah hian Dist. building Comitt. members engemaw tel bawkin, lawmna chawhlui an kil ho bawk a ni.
———-
Chaltlang Local:
Pathianni kal ta Nov ni 21 khan, Barak District-a awm Haflong Section-a Saron Kohhran Biak in sakna pualin Evan. Peter Lalawmpuia Dist.Tirhkih Ramtlan rawih mek chuan Kum 2022 Calendar rawn thawhchhuah puiin,Chaltlang Bial Hqtrs, Chaltlang Kohhran Biak inah inkhawmin; rawngbawlna a nei a, Kohhran mipuite’n Evan. Petera hi ṭha taka lo dawngsawngin; inkhawmhoten Biak In sakna pualin sum pai an thawhkhawm sak a, Saron Kohhran tan hian Biak In sak ṭanpui nan Rs. 22000 lai an ngah sak a, Thilpek tlingkhawm te hi Evan. Petera kutah hlan a ni.
Rengdil Bial: RENGDIL BIAL : SIHṬHIANG EVANGELIST QUARTERS HAWN A NI
Pathianni kal ta Nov. ni 21 khan Rengdil bial hmalaknaa Sihṭhiang Evangelist Quarters sak chu, Rengdil Bialtu Pastor C. Lalthlengliana’n Lalpa Isua hmingin a hawng. Qtrs hawn inkhawm hi Bial chhung aṭangin Bial hruaitu, Upa te, T.upa te leh member engemaw zat an pungkhawm.
Evan F.Lalbiaknia, Sihṭhiang Evangelist in Quarters hawm inkhawm kaihruaiin, Upa Bijoy Kumara Sihṭhiang kohhran treasurer in hunserh hmangin, upa Rohnuna, Bial treasurer in Technical report a pe bawk.
Bialtu Pastor C.Lalthlengliana’n Pathian thuchah sawiin; Evan C.Laṭanpuia bial secretary in Bial aiawha lawmpuina thilpek hlanin, Upa Rokhawma, Sihṭhiang kohhran secretary in Lawm thu sawina hun a hmang a, Bialtu Pastor C.Lalthlengliana’n Malsawm ṭawngṭaiin Inkhawm a khar a ni.
Sihthiang Evangelist Quarters hmun hi Upa C. Lalfakawma Kulikawn Aizawl chuan lei sakin, Bro.Lalnuntluanga’n a thlawnin Thing a zaisak bawk. Bial sum ruahmanna mai bakah Pawl leh mimal engemaw zatin Sihthiang Evangelist Qtrs tan hian thilpek an pe bawk.
Sihṭhiang Evangelist Quarters sak thar hi ,A dung 24 ft. a vang 16 ft. a zauva sak a niin, a sak chhung hian Tha -105 vel sen a ni a, ₹. 109,750 (Cheng nuai khat ,Sangkua, Zasarih leh Sawmnga) senga sak zawh a ni. (Sihthiang Qtrs)
Headquarters Bial: Nov ni 15 thawhtanni atang khan North Mizoram District Headquarters Bial Pastor Quarters chu District Building committee leh Hqrs. Bial hmalaknain repair hna thawh mek a ni a, Nov. thla chhung hian zawh hman beisei a ni.
———-
———-
AIZAWL EAST DISTRICT
District Board:
November 19, Zirtawpni khan District PYD Kum tawp Board chu tluang takin District Committee room-ah neih a ni. He hun hi Rev C.Lalmalsawma, President chuan kaihruaiin Rev VL Hnemtluanga, District Kohhranpui Treasurer hnen atangin fuihna thu ngaihthlak niin rorel tur Pathian hnenah a hlan nghal a ni. General PYD President, Rev H.Lalropuia pawhin General PYD hmalak mekna hrang hrangte sawiin fuihna thu a sawi bawk. District PYD Board-ah bial atangin palai an kal tha hle a ni. An thu passed tlangpuite:
1. Tripura District Building sak tanpuina atan Rs 10,000 pek tura tih a ni.
2. Kum 2022 chhungin Upper Assam & Arunachal East Missions Field hnuaia Daparizo Biakin sak ni se tih a ni.
3. Kohhran zirtirna leh inkaihhruaina dante (manual) sof copy in tihchhuah ni se tih a ni a, Kohhranpui-ah thlen a ni ang.
4. Kum hmasa lama PYD zirbu lo siam tawh chu hrileng avanga zir mumal theih a nih loh avangin Kum 2022-ah zirbu atan hman leh ni se tih niin Kum 2023-a zir turin zirbu thar siam tha tih a ni.
5. Sheaves for Christ pual leh Project tihhlawhtlin nan Bial tinin anmahni remchan dan angin hma lo la se tih niin District PYD hruaituten an tlin tur beisei zat lo siam se tih a ni.
6. Zokhawthar building sak leh tura ruahmanna awm chu thlir nawn niin tih tawp rih mai ni se tih a ni.
7. Kum 2022 atang chuan Daido rawngbawlna chu chawlhsan ni se tih niin District Missions Department hnenah hma la tura ngen ni se tih a ni.
Aizawl East District PYD Board hian Kum 2022 Budget atan 14, 33, 200 chu an pawm bawk a ni.
———-
November 23, Thawhlehni khan District Sunday School Department chuan Kum tawp Board, District Committee room-ah an nei ve bawk a, Rev Rohmingliana, Director chuan a kaihruai a ni. He hunah hian Rev Biaksangzuala, District Superintendent bakah Rev R.Laichhingpuia, General S.S Director te chuan an telpui a ni. An thu passed langsar zualte:
1. District S.S in kum sawm a zawna Sunday School kaikim lawmman in pek tur an tih chu, kum 2021 leh 2022 hi Sunday School hming lam chin pawm ni se tih a ni.
2.Naupang Sunday School zaia inkhaihruaina hi a tam zawk lengkhawm zaia kaihruai thin ni se.
3.Naupang Sunday School te hian Pastor te tan programme siama kum khatah vawi khat tal inkhawm pui tura sawm thin nise.
4. District Sunday School inkaihhruaina dan bu chu enho a ni a, December thla chhungin rawtna leh siam that duh nei tan thehluh tur a ni a, District Ob leh khawpui chhung Director ten an en nawn leh a nga, District board hmasa berah pharh tur a ni.
5.Kum 2022 budget estimate pharh a ni a, Kum 2022 budget atan Rs 13,10,500 chu lungrual taka pawm a ni.
———-
Dist PYD Environment Protection Committee in hnatlang nei:
November 23, Thawhlehni zan khan Environment humhalhna lam Poster siam chu Dist PYD Environment Protection Committee chuan General hqrs.Complex, Mualpui ah hnatlang neiin an tar. He hunah hian member engemawzat thawkchhuak OB i/c Evan Zothansiama chuan a telpui a ni.
———-
Thisen pe:
November 23, Thawhlehni khan Thingsulthliah Bial PYD te chuan, Thingsulthliah Camp Area YMA Hall ah Bial PYD hmingin thisen an pe. Tualchhung hrang hrang atang mi 65 kalkhawmin thisen hi mipa 26 leh hmeichhia 7, a vaiin unit 33 an pe thei a ni.
Thingsulthliah Bial PYD te chuan November 8 khan Emergency in Unit 8 pek a lo ni tawh bawk a ni. Tichuan, Kuminah Thingsulthliah Bial PYD hmingin Thisen Unit- 41 pek a ni ta a ni.
———-
Thianghlimna Campaign:
November 21, Pathianni khan E.Lungdar Bial, Leng Kohhranah Bialtu Pastor K. Lalhmingmawia chuan rawngbawlna a nei a. Chawhma lamah NPSS ah Thianghlimna campaign neih chhun zawm leh a ni a, Inter Dept. leh Senior Dept.atangin Zuk leh hmuama fihlim lo zawng zawng tên Isua hminga nghei turin an in tiam ve leh a. Zan inkhawmah Thianghlimna compaign neih chhunzawm ani a, kohhran inkhawm an thain Kohhran ten Bialtu Pastor rawngbawlna an hlawkpui hle a ni. Evan F Vanlalruata leh Sis. Vanlalrinpuii tên Pastor hi an tawiawm ani.
———-
Mithar:
November 21, Pathianni khan Rev VL Hnemtluanga, District Treasurer leh Bialtu Pastor incharge chuan Keifang Kohhran ah member thar 8 sengluhna neih a ni. Member thenkhat hi a hmain Kohhran ah hming ziak lut tawh te an ni a, Member thenkhat ten rawn belh lehin; sengluhna inkhawm hi buatsaih a ni ta a ni. Keifang ah hian Evan HK Lalhmangaiha chuan rawngbawlna a nei mek a, tun dinhmunah Member 10 Kohhran ah sengluh an ni tawh a ni. Member thar sengluh inkhawm zawh hian Baptisma khur hawn a ni bawk.
Facebook