UPCNEINEWSSERVICE NOV 10-17.2019
———
Disable Committee :
Nov 14, Ninga ni khan Disable Committee meeting, General Hqrs Office, Mualpui Salem veng Aizawlah neih a ni.
Meeting hi Committee Chairman Rev. Lalmalsawma Sailo chuan a kaihruai a, hmalakna hrang hrang leh Disable Sunday puala thilpek luh dan report te ngaithlak a ni a, kumin chhunga tanpui ngai report lut hrang hrang ngaihtuahin mi 112 hnenah tanpuina sum cheng nuai nga leh sing ruk semchhuah nise tiin an pass a ni.
———-
Jubilee hriatrengna thilpek :
Nov. 13, Nilaini khan General LAD te chuan an Golden Jubilee hriatreng nan Mini Fridge 3- General Hqrs Office-ah an dah.
Jubilee pual thilpek te hi General LAD President Sis. Lalchangliani Sailo B/w chuan General Suptd Rev. Lalmalsawma Sailo hnenah a hlan a, lawm taka dawngin; General LAD te’n General Hqrs building sakna baka a chhung lam tih phuisuina tur peng hrang hranga an hmalakna te lawmawm a tih thu sawiin; an kalzelna turah malsawmna leh duhsakna a hlan a ni.
———
Khawvel ramdanga UPC Kohhran rawngbawlna chanchin :
Fiji UPC Annual General Conference :
Fiji thliarkara Thuthlung kan vawn pui, Fiji UPC te chuan karleh Pathianni lo awm tur November ni 29 zan aṭangin Fiji ram khawpui ber khualzin hip em em mai Suva khawpuia Vodafone Arena, Laucala Bay ah Annual General Conference 2019 an hmang dawn.
Annual General Conference ah hian Speaker atan Rev. Raymond Woodward, UPCI International Evangelist/Bible Teacher an ruai dawn a, thupui atan Dák ulang lo te en rawh u Joh 4:35 thu hmangin, inkhawmpui hi December ni 1 Pathianni zanah a ṭiak ang.
Fiji thliarkarah hian UPC te hian kohhran (local church) 67 kan nei a, rawngbawltu/minister 177 awm mekin Kohhran member hi 9,000 vel an ni. An General Heaquarters hi Raiwaqa khawpuiah awmin an ram khawpui ber Suva-ah pawh UPC kohhran nghel nghet tha tak a ding bawk. Fiji UPC te hi district 4-
1. Central
2.Western.
3.Northern
4. Eastern
ah te an in then a, an General Board hruitute chu :
1. General Superintendent- Rev Timoci Nadavo
2. Assistant General Superintendent- Rev Naibuka Cama
3. General Secretary/ treasurer – Rev Sunia Vakamoce
4. Multi ethnic Superintendent – Rev Navi Sovalawa
5. General Missions director – Rev Josefa Tuivuya
6. General Youth Director – Rev Tevita Uate
7. General Sunday School director – Rev Etuate Gade te an ni.
———-
General hruaitute programme :
General Suptd Rev. Lalmalsawma Sailo, General Missions Director Rev. R. Lalhawia leh General Sunday School Director Rev. R. Laichhingpuia te chuan Nov ni 15 atanga 17 chhunga Lawngtlai West District Conference neih mek chu hmanpuiin rawngbawlna an nei.
———-
District hrang hrang rawngbawlna chanchin :
North Mizoram District :
Joint Conference :
Nov. Ni 9 leh ni 10 Inrinni leh leh Pathianni hmanga North Mizoram District Pastor Bial 30, Bial inkawp siam a, Joint Revival Conferene neih chu Pathian Thlarau Thianghlim hriakthihna hnuiah hlim takin an hmang.
Tarlan tawh angin North Mizoram District huam chhung Pastor Bial 30 te chu Bial 5, Bial 4 leh Bial 3 inkawp tea insiamin Tlangsang Bial Group-a awm te Mamit, Bairabi, Rengdil leh Zawlnuam te niin Tlangsang Bialin Revival an thleng a.
Maubawk Bial Groupa awm te- Dinthar, Reiek Bial leh Kanghmun Bialte niin anni Bial 4 inkawp te hian Maubawk Bialah Revival hmangin Maubawk Bial hruaitute kaihhruaina hnuaiah hun an hmang bawk. Heng Bial inkawp te hian kum 2020-ah Kanghmun Bial Khawrihnimah Revival hi an hmang leh ang.
Sihphir Bial Group-a awm te- Durtlang, Bukpui, Kolasib Diakkawn leh Kawnpui Bial te niin; heng Bial te hian Sihphir Bial-ah Revival Confe. nghatin hlim takin hun an hmang.
Tlangnuam Bial Group-a awm te Hunthar leh Headquarters bial te niin; Tlangnuam Bial hruaitute hruaina hnuaiah N. Lungleng, Mizorama UPC Biak in dinna hmasa berah hun hmangin Thlarau Hriakthih Conference an hmang. Kum 2020-ah Tlangnuam Bial Group-a awm te hian Hunthar Bial ah Revival Conference hi an hmang leh dawn a ni.
Chawlhhmun Bial Group-a awm te- Lengpui, West Phaileng leh Chaltlang Bialte niin; Chawlhhmun Bial Chawlhhmun Biak inah hlim taka hun hmangin Chawlhhmun Bial hruaitute kaihhruaina hnuaiah hun an hmang bawk a ni. Anni Group hian kum 2020-ah Lengpui Bialah Revival an nei leh dawn bawk a ni.
Vairengte Bial Group-a awm te- bilkhawthlir, Kolasib Venglai leh Phainuam Bial te niin; Vairengte Headquarters Biak inah Revival Confe. hi nghatin hlim takin hun an hmang a,Pathianni zing inkhawmah N. Chhimluang Biak In sakna tur thawhlawm khawn niin; cheng singhnih chuang hmuh a ni. Kum engemawzat kalta aṭang khan hetiang hian Bial 4 Revival huamchhunga hmalakna awm ang ang pualin thawhlawm hi an lo khawn tawh ṭhin a ni.
Vairengte Bial Group-a awm te hian kum 2020-ah Phainuam Bialah Revival Conference hi an hmang ang.
Thenzawl Bial Group a awm te- Aibawk Bial, Sumsuih Bial leh Sialsuk Bial ten Thenzawl Bial hruaitute kaihhruainain Thenzawl Fieldveng- kohhranah revival confe. Hi an hmang a, Thenzawl Bial Group te hi North Mizoram Dist. Supdt. Rev. Laltluanga’n a hmanpui a ni.
Kumin 2019 Bial Joint Revival hman hi kum dang zawng aiin; hlimna boruak a thain Bial inkawp pasarih te Revival Confe. hman Pathian Thlarauvin a awmpuiin a chenchilh hle a, Thlarau lam hla, Bial zaipawl leh mal zai bakah tawngtaina leh Mipui fak hla sak atangin chhunzawm a ni tlangpui vek a ni.
Tarlan tawh angin Bial inkawpa Revaival thlengtu apiang Bial hruaitute hian kaihhruai hna an chang thin a, tun tumah pawh kum 2020-a Bial revival thlentu tur te hnenah Mawhphurhna an inhlanchhawng vek bawk. (Pic. Jt Revival)
———-
N. Mizoram District headquarters Bial Missions Department te chuan Nov. Ni 12 Thawhlehni zan atang khan North Mizoram District Camping Centre, Sakawrtuichhunah Chhandamna Camping an buatsaih, Chanchin buatsaih lai hian camper zat hriat a ni lo.
He Camp-ah hian Pastor B. Vanlalruata, Kolasib Venglai Bialtu chu Speaker-ah hmangin Speaker leh thawktute kaltlangin Pathian hnathawh nasa tak thlengin siamtharna chang mi engemaw zat an awm. (Pic. Hqs. Bial Camping)
——–
Jubilee lawm :
1. North Mizoram District Headquarters Bial, Tuikual South Kohhrante chuan kum 25 an tlin lawmna Silver Jubilee chu Nov ni 12 Thawhtan zan atanga tanin hun an hmang chho va, Jubilee lawmna Programme zan ruk an hman hnuin Inrinni zan hian Jubilee lawmna Programme a tawp ang.
Jubilee lawmna pui ber hi Nov. Ni 17, Pathianni hian hman tur niin; Jubilee lawm inkhawm Church Board Chairman Upa Laltleipuia’n a kaihruai ang a, Jubilee Lungphun Rev. Chhiarpuia, North Mizoram District Secretary chuan hawngin; Jubilee Darvuakin an chhun zawm ang a, Kohhran chanchin chhiarchhuahna neiin; Hqrs. Bialtu Pastor Rev. C. Lianchama hnen atangin Jubilee thuchah ngaihthlak a ni ang.
Tlai Dar 3: 30-ah Jubilee lawmna ruai an kil ho dawn a ni.
Pathian ni zan inkhawm, Jubilee lawmna Programme tawp zanah Upa H. Lalsiamliana’n hun kaihruaiin Hqrs. Bial PYD Zaipawlte’n Fak hla an sa anga, Pastor JH Lalhmingsanga’n Pathian thuchah a sawi ang.
Tuikual South UPC Kohhran hi kum 1994-khan bul tan a ni.
2. Nov ni 12, Thawhlehni khan Zamuang kohhran chuan Golden Jubilee an lawm a , Bialtu Pastor C.Lalthlengliana’n Jubilee Lungphun hawn programme kaihruaiin,Upa sailothanga church board chairman in tawngtaina a nei a,Jubilee lungphun hawnna Bialtu Pastor C.Lalthlengliana’n neiin, Jubilee dar vuak na neih nghal a ni.
BiakIn chhung lamah- Bialtu Pastor C.Lalthlengliana’n inkhawm kaihruaiin, Upa R.Lalrinawma Church board secretary in report pek leh tanna hun hmangin, Evan F.Lalchhanhima ( Chhante-a) Speaker in Pathian thuchah a sawi a, Thlarau revival thatak hnuai ah Golden Jubilee hlim takin an hmang.
Zamuang kohhran hi Nov. 12, 1969 ah khan a lo ding a, Kohhran din a nih theih nana su sutute chu Upa Vanzika (L) leh Upa Lianlawra ( L) te an ni a,Tun ah hian kohhran member -130 awm mekin, kohhran upa -3 leh Tual upa – 3 an awm mek a ni.
Zamuang kohhran Golden Jubilee Programme hian Nov 11 -atanga ni 17 thlenga hman tura ruahman a ni.
———
Motor Board Comtt :
North Mizoram District Motor Board Committee chuan Nov. Ni 11 chawhnu dar 1:00 khan District Superintendent Office-ah board din tirh atanga a tum sarihna meeting an nei.
Motor Board meeting hi rev. Laltluanga Dist. Supdt. Chuan a kaihruai a, District in lirthei a neih dinhmun hrang hrang te zirin Dist. Treasurer motor kawl lai chu tihrala a thar lei ni se an ti a. hei bakah hian Pool Car tur motor thar pakhat lei an rel bawk.
Tun dinhmuna District Missions Department in Lirthei enkawl chungchanga dan hrang neia an awm chu District Motor Vehicle inkaihhruaina dan chhungah awm ve tawh se tih ngaihtuahin Committee chuan tha a ti a, passed a ni bawk. District Motor Board meeting rorel te hi District Board meeting-a Approve tura thlen ni se tiin an rel bawk. (Pic. Dist. Motor Board)
———
Building Committee :
North Mizoram District, Building Committee chuan Nov. Ni 13 khan, District Office,ah meeting an nei.
Rev. Laltluanga, Building Committee chairman chuan meeting hi a kaihruai a, North Mizoram District chhunga Biak in sakna tura sum sanction te leh Pastor Quarters leh Kohhran ding thar meka hmun hma an lei chungchang te ngaihtuah ho a ni.
————
Krismas thingphurh hnatlang :
Nov. Ni 12, Thawhlehni khan Maubawk Kohhrante chuan Krismas urlawkna atan tlang thingphurh (Mas thingphurh) hnatlang neiin Kohhran mi thahnem tak an thawk chhuak a, hnatlanga thawk chhuakte hian Krismas leh kum thar thing tur thahnem tak an phur nghah a ni.
——–
Revival Crusade :
Pentecost Revival Team Evan. C. Lalruatsanga leh a team te chuan Nov. Ni 13 Nilai zan atangin mamit Headquarters Kohhranah Crusade neiin rawngbawlna an nei.
Hetihrual hian District ramtlan tirhkoh Evan. Zoramthara leh a rawngbawlpui te chuan Nov. Ni 13 nilai zan atang vek khan Bairabi South Kohhranah Crusade neiin rawngbawlna an nei a, an rawngbawlna hian Nov. Ni 17 Pathiannni zan thleng a awh dawn a ni.
———–
Lawngtlai West District :
District Conference :
UPC North East India hnuaia District thar, kumin 2019 a Chhimtuipui District atanga indang, Lawngtlai west District chuan Nov ni 15, Zirtawp zan khan an District Hqrs Local, Lawngtlai 1-ah District Conference vawi khatna hmangin General Suptd Rev. Lalmalsawma Sailo chuan Conference hawnna leh hlanna a nei.
Conference tan zan hian Dist Suptd Rev. Ramthatzawla chuan inkhawm kaihruaiin Rev. R. Laichhingpuia, General Sunday school Director hnen atangin Pathian thuchah ngaihthlak a ni a, Sis. Laldinpari’n zaia rawngbawlna a nei bawk.
Nov ni 16, Inrinni nilengin Department hrang hrangin rorel inkhawm an nei a, District Missions Dept ten Bazar Biak inah, District PYD in Bazar Kohhran SS Hall ah, District LAD ten Dist Hqrs Biak inah ro relin hun an hmang.
Pathian thuchah hetiangin ngaihthlak a ni :
Nov 16, Inrinni zan : Rev.R.Lalhawia Gen Mission Director
Nov ni 17, Pathianni zing : Lalmalsawma Sailo Gen.Supdt
Pathianni chawhnu Inkhawm : Rev.PC Lalfakawma. Lunglei Dist. Secretary
Pathianni zan : Rev.Lalmalsawma Sailo Gen.Supdt
Lawngtlai West District Board member te :
1.Rev.R.Ramthatzawla – Dist Supdt.
2.Pastor Lalsawmliana Sailo – Dist Secretary
3.Rev.F.Lalbiakṭhuama – Dist Mission Director
4.Rev.TV Mawngchina – Dist SS Director
5.Pastor.S.Vanlallunghnema Diltlang Section
6.Pastor.K.Lalzawmsanga Bungtlang Section
7.Pastor B.Lalbiakchhunga Vaṭhuampui Section
8.Rev.Lalmalsawma Sailo Ex-officio
———–
Aizawl East District rawngbawlna chanchin :
Zirlai ti thate chawimawina :
November 10, Pathianni zan khan Aizawl East District PYD Education Sub-Committee te buatsaihin District Hqrs. Biak In Ramhlun Southah Aizawl East District chhunga Zirlai ti thate chawimawina hun hman a ni a, kum 2019 chhunga zirna kawnga hlawhlting tak tak mi 8 te hnenah chawimawina an hlan.
Zirlai chawimawina inkhawm buatsaihah hian Education Committee Chairman Bro R.Vanlalpeka’n inkhawm a kaihruai a, Comt member Bro. Lalremsanga’n hunserh a hmang. He hunah hian Bro. Jh Biakdiktluanga, Secretary chuan District Education hmalakna hrang hrang report-pe a chawimawi turte hming puang chhuakin mi 8 te hnenah chawimawina thuziak an hlan.
He hun hmanna-ah hian Upa R.Vanlalawmpuia hnen atangin thuchah ngaihthlak niin zirlai titha chawimawina bakah kalkhawmte tan fuihna thu tha tak a sawi a ni.
Bazar Bial, Pentecostal Choir, North Mizoram District Choir leh General PYD Choir ten zaia rawngbawlna an nei a, Bro Johny Lalthafamkima’n lawmthu sawiin Rev VL Dika Sailo, Former General Superintendent chuan malsawm tawngtaiin inkhawm a tin a ni.
Chawimawina dawngtute hi a then Engineer, Doctor, Ph.D, M.A, B.A, Nursing, HSSLC, HSLC zirlai mi chhuanawm tak takte an ni a, Kohhran hote hmasawnna a lawmawmin a thlamuan thlak hle.
chawimawina hlan te :
1. Sis. F Lallawmawmi, D/o Bro Tlangruala, Armed Veng ‘S’, Bazar bial- B.Com, Distinction – Topper
2.Sis Lalrosangi, D/o Upa Laikunga, Lungsum, – Sakawrdai bial- BSc (Nursing), First Division – 3rd Position
3. Bro Joel Lalhriatpuia S/o Evan Dr.H.Lalrinliana, Upper Republic. – Upper Republic Bial- B.Tech (Civil Engineering)- First Division
4. Bro Dr.Lalnunsanga S/o Bro Lalthangliana, Khawzawl Vengthar- Khawzawl bial – MBBS- First Division
5. Sis Lalmalsawmtluangi D/o Bro H.Lalhmunliana, Mualpui, Mualpui bial- MA (Political Science) First Division- 6th Position
6. Sis. Lalhmangaihsangi Sailo D/o Bro Lalduhawma Sailo (L), Bethlehem, Bethlehem bial- MLIS- First Division- 3rd Position
7. Bro Lalhruaitluanga Sailo S/o T.Upa Zoramthara Sailo, Serchhip Biakinpui, Serchhip bial- MSc (Forestry)- Distinction- Gold Medalist
8. Bro David Lalhmingliana S/o Bro Chinzathanga (L)- Khuangphah, Hnahlan bial- MTH (Missiology)- A Grade
———
Painting Competition :
Aizawl East District Hqrs. PYD Education Sub-Committee ten Painting Competition an buatsaih-a Painter te lemziak chu November 9, Inrinni khan District Office kawtah phochhuahna, Exhibition an buatsaih.
He Exhibition hi tlawhtu thahnem tak awmin a tlawhtute hian tha an tih pathum zel an thlang chhuak a, chuta tang chuan result buatsaih a ni. November 10, Pathianni khan District PYD Education Sub-Committee ten zirlai tithate chawimawina hun an buatsaihah result puanna leh lawmman semna an nei a, result hetiang hi a ni:
Pakhatna: Bro R.Vanlalawmpuia, Serchhip Dinthar Bial
Pahnihna: Bro Lalremdika, Thuampui bial, Zuangtui
Pathumna: Bro Jimmy Vanlalruata, Bazar bial, District Hqrs. Kohhran te an ni.
———
Pastor Qtrs hawng :
November 10, Pathianni chawhnu khan Bethlehem Bial Pastor Qrts. sak thar chu Rev Rosanga Kalwni, District Superintendent chuan Pathian hnenah hlanin a hawng.
Pastor qrts.thar lawmna hi Qrts.chhungah neih chhunzawm niin Rev Lalrema, Bialtu Pastor chuan a kaihruai a, Qrts.thar hlannan zavaia tawngtaina neih chhunzawm a ni. He hunah hian Upc Dr.R.Lalfakzuala chuan report a pe a, kum 2013 atangin qtrs atan Bialin budget head hran a dah a, chumi atanga sak chhoh chu niin tuna Qrts thar hi Bethlehem bial Pastor Qrts pathumna tur a ni. Pastor Qrts. thar hawnna-ah hian bial chhunga kohhran mi thahnem tak an kalkhawm a, mi hrang hrang hnen atangin lawmpuina thusawi tawi ngaihthlak niin; Rev Rosanga Kawlni, District Superintendent leh Rev Vanlalfela Ramtiam, District Treasurer te pawhin thusawina hun an hmang bawk.
———–
Camping buatsaih :
1. November 4 atanga 9 chhunga Thuampui Bial ten Rev VL Hnemtluanga Speaker-a hmanga Camping an buatsaih chu November 9, Inrinni zan khan an chhuak.
He Camp-ah mipa 27 leh hmeichhia 13 lutin, sual ngaihdamna baptisma mi 12 in an chang a, Kohhran dang atangin mi pakhat a tel bawk. Thlarau Thianghlim chang thar mi 11 awmin siamtharlehna chang mi 15 vel an awm bawk a ni. Camp boruak kal zelah November 12, Thawhlehni khan Bro Zothansiama te chhungkua chuan Pathian hnena lawmthusawi chawimawina an nei a, Kohhran ten hlim takin hun an hmang a ni.
Thuampui Kohhranah hian November 13, Nilai zan atang khan Evan HMS Dawngkima, Speaker-a hmangin Revival Crusade an nei chhunzawm leh bawk.
2. Khawruhlian Bial buatsaihin Khanpui Kohhranah November 4 atanga 9 chhung khan Camping hlawhtling taka neih a ni a, Speaker-ah Pastor J.Lalhmingsanga, Rabung bialtu Pastor chu an ruai. Camping boruak kal zelah November 11, Thawhtanni khan Sis Nundangi te chhungkua chuan Pathian chawimawina an nei a, hlim takin Kohhran ten hun an hmang.
——-
Revival Crusade :
1. Serchhip Bial PYD buatsaihin November 9, Inrinni zan atang khan Chanmari Kohhranah Revival Crusade buatsaih a ni a, Evan Lalbiakmuana speaker-ah an ruai. He crusade hian November 17, Pathianni zan thleng a awh dawn a ni.
2. Chhiahtlang Hmar veng PYD te chuan November 1 atanga 13 chhung khan Revival Crusade an buatsaih a, Speaker-ah Evan Vanlalruatsaka an ruai.
Crusade neih chhung hian mi 4 in sual ngaihdamna baptisma an chang a, mi 4 in Thlarau Thianghlim chang tharin mi 2 in zuk leh hmuam an nghei thar. November 9, Inirnni khan Naupang leh PYD pualin lang camp hlawhtling taka neih a ni bawk. November 12, Thawhlehni khan Kohhrana mi thahnemngaite kaltlangin Pathian hnena lawmthusawi chawimawina neih a ni a, Kohhran hoten hlim takin hun an hmang.
——–
Fehchhuak :
Aizawl East District PYD OB te chuan ruahmanna an siam tawh angin November 17, Pathianni hmang hian Keifang bial tlawhin fehchhuah Programme an hmang mek.
He hun hmang tur hian November 16, Inrinni khan Keifang hi an pan a. District PYD OB te hian kumdangah pawh fehchhuah Programme hi hlawk takin an lo hmang tawh thin a ni. November 29, Zirtawpni-a District PYD Board nei turin an inbuatsaih mek bawk.
———
Kumtawp Board :
November ni 22, Zirtawpni khan District Sunday School chuan District Committee room-ah Kumtawp Board an nei a. Bial leh Official atanga agenda lut hrang hrangte an ngaihtuah dawn a ni.
District Sunday School hmalakna hian Bazar bial-ah November 24, Pathianni chawhma leh chawhnu hmangin City huap Sunday School meet neih tura ruahmanna chak taka kalpui mek zel a ni bawk. He hunah hian Bial hrang hrang atangin Naupang ten Item hrang hrang an entir dawn a ni.
——–
Aizawl East District hruaitute Programme :
District Secretary Rev Biaksangzuala, chuan Nov 17, Pathianni hian District Hqrs. Kohhranah thusawi rawngbawlna a nei ang.
Dist Missions Director Rev R.Lianzama, chuan Nov 16, Inrinni khan Khawbung Kohhran hoten rawngbawltute puala Seminar an buatsaihah Resource person-ah tangin Pathianni thleng hian rawngbawlna a nei chhunzawm dawn a ni.
Facebook