———-
Zirlaibu tlangzarh :
Dec ni 2, Nilaini khan UPC North East India Kohhran kum 2021 a Puilting Sunday School thuzir tur ‘Rom hrilhfiahna’ lehkhabu tlangzarh inkhawm tawi General Hqrs Committee room, Mualpui Salem veng Aizawlah buatsaih a ni.
Zirlaibu hlanna leh tlangzarh inkhawm hi General Sunday School Director Rev. R. Laichhingpuia’n a kaihruai a, zirlaibu ziaktu Rev. R. Lalrinsanga’n report tawi pein hunserh a hmang a, General Sunday School Secretary Rev. R. Vanlalawia hnen atangin zirlaibu buatsaih dan report ngaih thlak a ni bawk.
Secretary report atanga a lan danin, Rom hrilhfiahna lehkhabu hi kum 1977 ah Rev. Saihnuna ziak lo zir tawh a ni a, kum 1992 khan Rev. Zalawma ziak lo zir tawh a ni bawk. Eiditing board ten tum 7 endik hna thawkin an meeting a, General Secretary Rev. R. Vanlalawia chuan ‘UPCI General Suptd Rev Dr David K Bernard te leh UPCI lama mi thiam tak tak te thu ziak dangte behchhan tluk hialin a ziaktu Rev R. Lalrinsanga hian lehkhabu hrang hrang a rawn tam a. Chuvang chuan zir chian tlak leh hlawkpuiawm tak a nih ka ring’ tiin he lakhabu chungchang hi a sawi tel bawk.
UPC-North East India General Superintendent Rev. Lalmalsawma Sailo chuan tlangzarhna leh Pathian hnena hlanna neiin, a ziak tu leh a buatsaihtute inpeknaah lawmthu a sawi a, a zirtu tur zawng zawng ten hlawkna leh sawtpuina an hmuh theuh theihnan duhsakna leh malsawmna a hlan. Rom hrilhfiahna hi Copy 13,000 chhut chhuah niin phek 304 a chhah a ni a, cheng 100 man tura buatsaih a ni.
Thuzir bu Tlangzarh inkhawm hi General Treasurer Rev. Zohmingthanzama chuan malsawm tawngtaiin a tin a ni.
————
Cable TV kaltlangin Crusade :
Nov ni 24, PenNet meeting in a lo pass tawh angin Dec ni 19 leh ni 20 chhung hian Zonet cable Tv leh LPS Vision ah te crusade buatsaih a ni dawn.
He programme thupuiah hian “Mi tin ta tur Chanchin Tha” tih thupuiah hmangin Pathian thuchah puanchhuahna neih a ni dawn a, Evan. Lalchhuanmawia Sailo, Rev. V.L Hnemtluanga leh Rev. Lalmalsawma Sailo te speaker tura ruat an ni a, Evan. H. Lalrinawma, Bro. Lalthansanga colney, Bro. Lalruatdika Fanai, Sis. Ramtharzuali, Sis. Sis. Laltleipuii, Sis. Laldinpari leh Sis. Lalhlupuii ten zaia rawngbawlna an nei thin bawk ang.
Inrinni zanah dar 8:00 ah programme tan tur niin, Pathianni ah chawhma dar 10:OO, Pathianni zan dar 7:00 ah te programme hi tan tura ruahman a ni. Kohhran mi a tam thei ang berin he programme hi lo chhim turin PenNet chuan min ngen a ni.
———
District hrang hrang rawngbawlna chanchin :
Aizawl East District :
Aizawl East District Thianghlimna Committee in ruahmanna a siam angin District chhungah December 7 atanga 13 chhung hian “No Tobacco Week” hman tur a ni dawn a. District Thianghlimna Committee-in Circular a chhuah angin hri leng avangin Kohhran ten inkhawm programme siam theih ni lo mahse Tualchhung Kohhran tinte chu a hlawk thei ang bera hmang turin remruat mai ni se a ti a, he week chhung hian Kohhran hote chu zuk leh hmuam a inthiar fihlim a, la nghei theilo te pawh nghei tura ruhmanna siam turin ngenna a chhuah bakah December 13, Pathianni zan hian a kharna hun urhsun taka hmang turin ngenna a siam bawk a ni.
No Tobacco Week atan Aizawl East District chuan November 1st Week a hmang thin a. Chutihlaiin General-in December 2nd Sunday hi Anti-Tobacco Sunday atan a lo ruahman tak avangin Aizawl East District, District Board vawi 118-na chuan kum 2019 atang chuan December 2nd Sunday Anti-Tobacco Sunday hi No Tobacco Week khar nana hmangin 2nd Sunday hmalam zawng hi No Tobacco Week atan hman thin tawh nise tiin alo rel tawh a ni.
——–
District PYD Board :
November 27, Zirtawpni khan Aizawl East District PYD hnuaia rorelna sang, District Board vawi 50-na chu tluang takin District Committee room-ah neih a ni.
He hun hi Rev C.Lalmalsawma, District PYD President chuan kaihruaiin hri leng kara District Board neih theih a ni chu lawmawm tiin bial hrang hrang atanga palai kalte hnenah lawmthu a sawi a ni. Rev Biaksangzuala, District Superintendent chuan hunserh hmangin Rev H.Lalropuia, General PYD President hnen atangin General PYD in hma a lak mekna hrang hrangte ngaihthlak niin tunah hian General Missions Department kaltlangin General PYD hian Missionary sawm (10) a chawm mek thu ngaihthlak a ni. Secretary report bakah Financial Report ngaihthlak a ni bawk.
Aizawl East District PYD Board-ah hian Bial atang leh Official atanga agenda lut engemaw zat awmin an thu passed langsar zualte:
1. District PYD in Khawlian Bial, Daido hmuna District Missions kaltlanga rawng a bawk mekna chu kalpui zel ni se,a hun chungchang-ah erawh rawngbawlna boruak thlir chuanga kal ni se tih a ni.
2. Kum 2021 District PYD Conference Sakawrdai hmuna February thlaa neih tura ruahmanna lo siam tawh chu hri leng avangin Conference Revival Inkhawm anga nei lovin rorel inkhawm neih ni mai se tih a ni a, hetiang hian ruahmanna siam nghal a ni.
A hmun: Bazar Bial, District Hqrs. Kohhran
A hun: Februray 19. 2020, Zirtawpni
Palai kal turte: District PYD Sub-Committee Ob te, Bialtu Pastor te bakah Bial aiawh mi pathum (3) theuh.
3. General PYD atanga CBC tan Khum 15 donate tura ngenna chu tihhlawhtlin ngei ni se tih niin hruaituten hma lo la se tih a ni.
4. Kum 2021 Budget atan District Kohhranpui approve turin cheng nuai sawm pali singhnih sangthum zanga chu pawm a ni.
District PYD Board-ah hri leng mek avangin Sawrkarin dan a siam chu a theih ang anga zawm niin Board neih lai hian hmai tuamna hman vek a ni. Rev VL Hnemtluanga, District Treasurer chuan tawngtaiin he hun hi a titawp a ni.
——–
Sunday School Board :
December 4, Zirtawpni khan ruahman lawk angin District Committee room-ah District Sunday School Kumtawp Board neih a ni.
He hun hi Rev HL.Thakunga, District Sunday School Director chuan kaihruaiin Bial atang leh Official atanga agenda lutte an ngaihtuah bakah Kum 2021 District PYD Budget thlirhona an nei bawk a ni. District S.S Board-ah hian hri leng mek avangin Bial atangin board member duh angin kal tha lo mahse tluang takin neih a ni a, he thu buatsaih lai hian an thu passed kan hre hman lova, karlehah tihchhuah tum a ni ang. District S.S Board hi Kohhranpui hruaitute pawhin an telpui a ni.
——–
Kohhran puitlingah hlangkai :
December 4, Zirtawpni khan Zohmun Bial, Pathianpa Kawn Preaching point chu Rev Biaksangzuala, District Superintendent chuan Kohhran puitlingah a hlangkai.
He hun hi Biakin-ahBialtu Pastor Vanlalnghaka chuan kaihruaiin Kohhran puitlinga hlan kaina hun tawi Biakinah Kohhran member te nen hlim taka hman niin Rev Biaksangzuala hnen atangin hian thuchah ngaihthlak a ni.
Pathianpa Kawn hi Kum 2016 khan Aizawl East District hnuaia Preaching Point pakhat ni tura puan niin tun hunah Kohhran puitling atan hlankai alo ni ta a ni. Tun dinhmunah Kohhran member 40 chuang an awm mek a ni.
——
Tanpuina hlan :
Rev Vanlalfela Ramtiam, District Secretary chuan November 26, Ningani khan Ngopa Bial chhungah Kohhran hmun hma enfelin a kal a, Ningani khan NE.Khawdungsei Biakin sak mek en in Biakin repairna atan District atanga tanpuina Rs 30,000 a hlan nghal. Hei bakah hian Bazar Bial Missions Department ten Kawlbem Biakin sak tanpuina atana an pek singthum chuang chuan Bazar Bial Missions Director, Evan R.Vanchhungan Kawlbem Kohhran hruaitute hnenah a hlan nghal a ni. Kawlbemah hian tun dinhmunah Kohhran member 80 chuang awm mekin Biakin sak hna an thawk mek a ni.
Upper Republic Kohhran te pawhin Krismas Present atan Missionary Hrangliankhuma awmna, Assam Missions Field, Itakhola Biakin hmun atan Rs 150,000/- District Missions kaltlangin General Missions Department-ah an hlan bawk.
——–
District Board nei dawn :
December 8 atanga 10 chhung hian Aizawl East District hnuaia rorelna sang, Kum tawp District Board chu neih a ni dawn. He hun hi District Committee room-ah neih tur niin Rev Biaksangzuala, District Superintendent chuan a kaihruai anga agenda lut hrang hrangte an ngaihtuah dawn a ni.
———
Media Ministry hawng :
Aizawl East District PYD Conference rorel, Kumin March thlaa neihin Social Media kaltlanga rawngbawlna zau zawk neih ni se tia alo passed tawh OB te kuta a dah angin Media Ministry Committee a din chu Media Ministry Committee ruahmanna angin November 29, Pathianni zan khan Zoom kaltlangin khuhhawnna neih a ni.
He hun hi Evan H.Lalhlimpuia chuan kaihruaiin Rev C.Lalmalsawma, District PYD President chuan khuhhawnna neiin Pathian hnenah hlanna a nei nghal. Rev C.Lalmalsawma chuan hetianga Social Media kaltlanga rawngbawlna neih a ni thei chu lawmawm tiin hmun hrang hranga PYD thalaite tana chhenfakawm tak a nih a beisei thu leh Lalpan thuthlung min pek-ah rinawm taka awm reng turin Thalaite fuihna thu a sawi a ni. Zoom kaltlanga khuhhawnna neih hi hmun hrang hrang atangin PYD thalai mi 50 chuangin an chhim a ni.
He Media Ministry Committee hi District PYD OB meeting, November 26, Ningani-a neih chuan dinin hruaitu turte pawh a ruat fel nghala, an rawngbawl dan tur tul dang chu Committee kutah hian a dah a ni.
District PYD Media Ministry Committee hruaitute:
Chairman: Evan H.Lalhlimpuia, Bethlehem Bial
Secretary: Evan Samuel Laldinsanga, Bethlehem Bial
Member: Evan C.Lalropuia, Bawngkawn Bial leh Bro.HK Lalneihsanga, Bawngkawn Bial
OB Incharge: Bro R.Vanlalpeka, Secretary leh Bro K.Lalbiaknunga, Treasurer.
Committee dinte hian chak taka hma la in November 28, Inrinni zan khan Zoom kaltlangin Committee neih nghal a ni a, Social Media kaltlanga hmanrua hman theih ang ang hmangin rawngbawlna kalpui ni se tih niin Flyer siam ni se an tih bakah Media Ministry Committee khuhhawnna November 29, Pathianni zanah neih ni se an ti bawk a ni.
———-
Member thar :
November 29, Pathianni khan Thuampui Bial, Thuampui Local-ah mithar, chhungkaw khat member 3 chu Bialtu Pastor, Rev KVL Hmangaihkima’n Kohhranah a senglut. Hei bakah hian Rev KVL Hmangaihkima hian Thuampui Local-ah bawk nau pahnih Pathian hnena hlanna a nei bawk.
———-
Chhimtuipui District :
Nov 29, Pathianni khan Siaha Bial SS chuan meeting an nei a, kumin Sunday School Exam chungchang ngiahtuah in, Mahni inah theuh exam hi neih nise tiin ruahmanna an siam.
Kum 2021 budget tur atan Rs.44000/- an ruahman bawk. s
———
Conference tur inbuatsaih :
Chhimtuipui District Conference vawi 45na thlengtu tur Siaha College Veng chuan Conference Organizing Board an din a, :-
Chairman : Upa John VT Hniehu
Secretary : Rbt L Khaiu
Treasurer : T Upa L Khaichyu
———–
Seminar :
Nov ni 29, Pathianni khan Siaha bial SS rorel bawhzuiin Council vaih local SS department te chuan Seminar an buatsaih a, resorces Person atan Upa R Laikunga, Upa David Lalthanseia leh Upa David H Lallianhluna te an hmang.
——-
Member thar :
Dec 2, Nilaini zing tawngtai inkhawm ah Meisatla Kohhrana lawi turin, chhungkaw khat member 3 te chu Upa C. Kaphranga, Meisatla local Chairman in Kohhranah a seng lut.
———
Lunglei District :
Lehkhabu tlangzarh :
Nov.ni 27 zirtawpni khan UPC Office, Lunglei ah District Literature Committee lehkhabu siam Pathum chu tlangzarhna leh hlanna neih a ni.
He hun hi Evan. R. Ropianga, Treasurer District Literature Committee in kaihhruaiin, Rev. PC. Lalfakawma, Dist Secretary in hunserh a hmang thung.
“Rawngbawltu leh Rawngbawlna” Pastor Jerry Lalmuanawma ziah chu, Rev C. Vanlalena, Dist. Superintendent-in a tlangzarh a, he lehkhabu hi phek 92-a chhah niin rawngbawltu puitu anga siam a ni a, a chhungah hian Sermon chi hrang hrangte leh buatsaih dan, Leadership, counselling, pulpit manner-te, sum enkawl dante, Committee manner, hun bik neia Bible chhiar turte bakah thil pawimawh tam takte a tel.
“Tirhkoh Paula leh Tawtawrawt hnuhnung ber” Evan. Lalringzuala Pachuau ziah chu Rev. Ralkapkunga khiangte Literature chairman-in a tlangzarh bawk. He lehkhabu hi phek 174-a chhah niin, a chhunga thute hi hmun hnih ah then a ni a, then khatnaah Paula Chanchin niin then hnihna ah Tawtawrawt hnuhnung ber a ni.
“Essential Doctrines of the bible” (Bible Zirtirna pawimawh bikte) tih lehkhabu hi UPC International General Superintendent Rev.David K.Bernard-a ziah, Evan Lalringzuala Pachuau lehlin a ni a, he lehkhabu hi Evan C. Lalremchhunga, Secretary Literature Committee-in a tlangzarh. He lehkhabu chhungah hian Bible zirtirna thu pawimawh hrang hrang a awm kim hle a, phek 52-a chhah a ni.
Rev.Ralkapkunga Khiangte Literature chairman chuan lawmthu sawina neiin, Rev. R. Vanlalenga, Dist Missions Director-in he hun hi tawngtainain a khar a ni.
Heng lehkhabu tlangzarh pathumte hi District UPC Book room-ah lei theihin a awm a, “Rawngbawltu leh Rawngbawlna” Pastor Jerry Lalmuanawma ziah hi bu khat Rs.50 man niin, “Tirhkoh Paula leh Tawtawrawt hnuhnung ber” Evan. Lalringzuala Pachuau ziah chu bu khat Rs.100 a ni a, “Essential Doctrines of the bible” (Bible Zirtirna pawimawh bikte) tih lehkhabu hi bu khat Rs.50 a lei theih a ni.
———
District LAD Board :
Nov.ni 26 Ningani khan District UPC Conference Hall-ah District L.A.D. Board vawi 107-na chu President Sist.Lalramlawmi Sailo B/w kaihhruainain neih a ni, an rorel langsar zualte:
1. Nakum 2021 District LAD Conference neih tur thlir lawkna neih a ni a, Conference Agenda chu Dt.21.2.2021 ralhmain District LAD ah thehluh nise, tin, kum 2020 Report hi Dt.24.1.2021 ral hmaa thehluh theuh ni bawk se tha tih a ni.
2. Nakum 2021 Budget atan Rs.11,24,000 (Nuai sawmpakhat singhnih sangli) pawm a ni.
3. District LAD in Mautlang biak inah Pulpit siam sak nise.
4. Home Missionary-te Present chu District Missions Department-in rorel a neih ni December ni 6 Pathianni ah hlan nise.
5. Chhungkaw maicham Survey leh zuk leh hmuam nghei Survey uluk lehzuala neih nise tha an ti bawk.
6. Kum 2022 District LAD Conference-na hmun atan Venglai Local, Lunglei leh Kum 2024 District LAD Conference-na atan Haulawng Lamthuamthum Local-te pawm a ni. (Pic.District L.A.D. Board)
——-
Conference rorel inkhawm :
Dec.ni 6 Pathianni hian Lunglei District Missions Conference vawi 46-na rorel chu Venglai UPC biak inah neih a ni dawn.
Kuminah hripui avangin Conference rorelnaah hian District Missions Board chuan rorel thei tur chin hetiang hian a ruahman a ni.
– District Missions Board Member
– Bialtu Pastor
– Bial Missions Board Member
– Home Missionary
Tin, Dec.ni 7 thawhtanni hian District Missions Board chu District UPC Conference Hall-ah neih a ni bawk ang. He hunah hian District Missions hnuaia thawk turin Home Missionary leh Driver lak a ni bawk ang.
——–
District Board :
Dec.8-9 chhung hian Lunglei District Board vawi 201-na chu District UPC Conference Hall-ah neih a ni dawn a, he Board-ah hian kum 2021-2022 chhunga Lunglei District UPC hnuaia Department leh Sub.Comt. hruaitu hrang hrangte ruatna neih a ni ang.
——-
North Mizoram District :
District Board Tluang takin zo:
North Mizoram District kum tawp Board ni 3 awh chu Dec ni 1 atanga ni 3 chhung khan, North Mizoram District Hqrs. Biak In, Tuikhuahtlangah neiin tluang takin an zo fel.
District Board hi Rev. Laltluanga Dist. Supdt. In a kaihruai a, Hun harsat tak karah Dist. Board member thahnem tak Board nei tura an punkhawm theih chungchangah lawmthu a sawiin, NEI-UPC General Supdt. Rev. Lalmalsawma Sailo’n District Board a ho theih thuah lawmthu sawiin; Rev. Lalmalsawma hian board member te chibai bukna a nei bawk.
North Mizoram District Board kum tawp thutkhawmah hian Agenda tha hnem tak neiin; chanchin buatsaih laia kan hriat theih rorel pawimawh zual te:
1) Kum 2021-a Pastor Quarters sak hmalakna turin heng bialah te hian Quarters Fund pek a ni. Bilkhawthlir, Thenzawl leh Hunthar Bial. Heng bial atan hian Rs. 45 Laks chu dah a ni.
2) Pentecostal Gateway Higer Secondary Scool Building thar sakna tur sum, kumtinin Budget-a dah nise.
3) North Mizoram District LAD hmalaknaa puanthui zirna buatsaih tum mekah, Puan thui zirna atana LAD ten District Board an dil angin Archive Room chu hmantir ni se. Remtih a ni
4) Kawnpui Bial Pastor quarters chungah Guest room sak ni se.
5) Kum 2020 chhunga Dist.-in Evangelist a rawihte kumin December thlaah an term a tawp anga, kum tharah Evangelist hna dil duh tan February 2021 chhungin dilna thehluh a, March thla District Board-ah Evangelist lak thar leh tur a ni ang.
——-
District PYD hruaitute an fehchhuak:
NMD PYD hruaitute chuan Nov. Ni 29 Pathianni hmang khan, Dist. PYD hmalaknaa rawng an bawl mekna hmun Kawrthah an tlawh.
Kawrthahah hian kohhran tha tak nei tawhin, Evan. Lalliansawta’n rawngbawlna a nei mek a, hun engemaw chen atang khan Kohhranhote inkhawmna tur Biak buk sak a ni a, biak buk pawh tha taka pum tawhin, Biak in chhung bungraw mamawh te bakah tul leh pawimawh tur awm dang te thlithlaiin Dist. PYD hruaitute hi an fehchhuak a ni.
Kawrthah Biak in hi kum 2019 August thla khan Biak insakna lungphum hi phum ?an niin Aug ni 4-7 chhung khan Kolasib Khuangpuilam kohhranten Workcamp in Biak in hi an sa a. Tunah hian a chhung bungrua tlem leh power supply te buaipui ngai hmabak a la awm a ni.
Biak insakna ah hian Workcamp mai piahlamah Rengdil Bial member te an ?angkai hle a, a khat tawkin Biak insak hi hnatlangin an thawk ve reng a ni.
Fehchhuakte hi Evan. J. Vanlalruata, Dist. PYD President, Evan. K. Rotluanga Dist. Secretary leh Evan. C. Lalruatsanga, Dist. PYD Treasurer te an ni a, an ni hi Rengdil Bial PYD hruaitute bakah Rawngbawltu Evan. Lalliansawta ten an lo dawngsawng a ni.
——-
District LAD te Missions tan:
North Mizoram District Home Missions Field-a Missionary te leh Field member ten thlasik khawvawt hlim taka an hmachhawn theihnan, District Missions Dept. Hruaituten Dist. LAD te an ngenna angin; Dec. Ni 2 Nilaini khan Aizawl veng hrang hranga kohhran mipuite inpekna leh thilphalna kaltlangin Blanket, Foreign Rizai, Bed sheet leh Bed Spread (?) tha tak tak te Missions Field pual tan an pe a, heng thawmhnaw mawi leh tha tak tak te hi, Dist. LAD Hruaitu te chuan District Committee room-ah dahkhawmin hun remchang hmasa berah District Missions hruaitute leh Dist. LAD te tangkawp chuan a sem hna an thawk dawn a ni. North Mizoram District hruaitute chuan Home Missions Field member te leh Quarters-a hman tur heti zozai mut silh tha leh thianghlim pekhawmtute chungah lawmthu a sawi a, a hma la tu District LAD te chungah lawmthu a sawi bawk a ni.
——-
General leh Home Missions tan Krismas hmanna tur pe:
NMD Chaltlang Bial LAD te chuan Dec 1 Thawhlehni khan, Gen Missions Field leh NMD Home Missions Field-a kohhran hoten an theih anga hlim taka Krismass an hmanna turin Rs 10000 Dist Mission Dept ah an thehlut. Thilpek hlanna hi Bialtu Past Rev C. Lalramthangan eiin Dist Missions Director in thpek hi a lo dawng a ni
——
Hunthar Bial LAD te fehchhuak:
Hunthar bial LAD te chuan hripui leng karah an phak tawk rawngbawlna kalpui zelin, thawhlehni kalta Dec ni 1 khan, North Mizoram District enkawl, Camping Centre-a hman turin Dining chair 20 leh biak ina hman tur chair bán nei 4 an lei. Heng an bungraw lei te hi an leini vekin District Office-a hruaitute kutah an hlan nghal a ni. Hemi chungchangah hian District Hruaitute chuan Hunthar Bial LAD te chungah lawmthu an sawi a ni.
Bairabi North Kohhran te fehchhuak: Pathianni kalta Nov. Ni 29 khan Bairabi Bial chhunga Bairabi North Kohhran te chuan Zawlnuan bial chhunga awm Luimawi kohhran Biak ina hman turin Dar (bell) tha tak mai kohhranhote an hlan. Thilpek hlanna hi Luimawi Biak in ah zing tawngtai inkhawmnaah inhlanin, Upa Kailasha’n Luimawi-a rawngbawla awm Evan. PC Lalramchhuanmawia hnenah a hlan a ni.
Facebook