Pennet News Service : Nov 15 – 22

Pu Editor Zahawm tak,

 
UPC kohhran thutharte hi khawngaiha minlo tih chhuahsak leh turin ka ngen a che.
 
———————————————-
 
UPCNEINEWSSERVICE NOV 15-22.2020
——-
Archive Cell :
Nov ni 17, Thawhlehni khan Archive Cell Committee chuan General Hqrs Office Mualpui Salem veng Aizawl ah Meeting an nei.

Meeting ah hian Mizoramah Isua hminga Baptisma channa hmun hmasa, Pi Doveri’n Pu Zakamlova a Baptist na hmun Bawrhsap Tuikhuah, Varak dil enfiah dan leh thu neitute biak dan report ngiahthlak a ni a, a tul anga bawhzuia chhinchhiahna pawimawh siam nise. Hma lo lak chhunzawm turin Rev. Zohmingthanzama, Rev. R. Vanlalawia leh Bro. C. Lalrammawia te ruat an ni.
Tin, Lungleng khuaa Baptsima channa hmun pawh humhalh a nih theih nan a tul anga hma lo la zel turin Rev. Zohmingthanzama , Rev. R. Vanlalawia, Rev. H. Lalngailiana leh Bro. R. Lalbiakfela te ruat an ni.
Hemi bakah hian UPC North East India General Official te thlalak siamin Hqrs Office-a tarchhuah theih tura buatsaih nise tih chu bawhzui a nih dan leh a dratf siam te thlir hovin, ruahmanna siam a ni a. General Official bakah hian Rev. E.L Scism-a leh Pi Dover-i te thlalak pawh tar tura ruahman belh a ni bawk.
Meeting hi Chairman Rev. R. Vanlalawia’n a kaihruai a ni.
——–

Lungsum lui tlawh :
Nov ni 19, Ningani khan UPC-North East India; Archive Cell Committee-in hma la tura a ruat chhuah te chuan Kohhran din tan tirh a nih laia North Lungleng khuaa Baptisma channa hmun pui pawimawh tak, Lungsum lui hmun hma tlawhin an fehchhuak.

Lungsum lui hi North Lungleng khua atanga kilometer 1 vela hlaa awm a ni a, he lui luanna hmun rem lai tak maiah hian lungsum, a dung ft 8 leh a vang ft 4 vela zau, ft 2 aia thuk mah turin rualrem takin a khuar a, Baptisma channa atana pawh a remchang hle a ni.

He lai Lungsumah hian kum 1949 March ni 1 khan Pu Zakamlova kutah Upa Laltanga leh Pu Zazawna ten Isua hmingin sual ngaihdamna Baptisma an lo chang a, he hmuna Baptisma chang hmasa ber an ni. Hemi hnu hian Pu Zakamlova kutah tho March 14, 1949 ah Pi Sangaii’n a chang ve leh a, March 17, 1949 khan mi thahem takin a huho in Baptisma chan runpui an nei leh bawk.

North Lungleng khuaah hian Committee in a ruat chhuah- Rev. Zohmingthanzama , Rev. R. Vanlalawia, Rev. H. Lalngailiana leh Bro. R. Lalbiakfela te an feh chhuak a, North Lungleng Kohhran Upa Lalthawmliana’n Lungsum luiah hian hruaiin a tul dan ang angin a lo buaipui a ni. Chanchin hlui hriat theih ang ang lakhawmin, Kohhran hmun hma pawimawh a nih ang taka enkawl leh cheibawl a nih theihnan hma lak chhoh a ni ang.
——–
CBC ah admission hawng :
UPC-North East India Kohhran enkawl Pathian thu zirna, Calvary Bible College chuan kum 2021-2022 session atan admission a hawng tan leh ta.

Kum thar session-atang hian a vawi khatna atan Bachelor of Divinity (B.D) zirna a buatsaih dawn ta a, he mi rual hian B.Th admission pawh hawn nghal a ni.
Application form hi March ni 31, 2021 aia tlai lovah thehluh tur a ni. Application form leh tul dang hi CBC website  http://cbc-upc.com ah download theih a ni.
———
Lawmman buatsaih :
General PYD Chanchinbu “THLAMUANTU” chuan kum danga a tih angin Kum 2019 chhunga Bial/Local Chanchinbu tha bakah Article (Mizo & English) tha a thlang chhuak leh ta a, lawmman dawngtute :
Chanchinbu tha :
1-na OLIVE Bazar Bial PYD-AED
2-na PYD AW Hunthar PYD-NMD
3-na BEERSEBA Zemabawk Vengpui PYD-AED
Top 5-a langte:
4-na THALAI ENG Maubawk PYD-NMD
5-na PYD CHIBAI Tlangnuam bial PYD- NMD
Article of the year (Mizo)

Thalaite Kohhran tan- Lalhmangaihzuala, Bilkhawthlir Kanaan, NMD
Top 5-a langte:
2-na Lal Davida leh PYD te- Richarda pa, Chhiahtlang
3-na Chhung Inkhawm – Nany Vanlalhriata, Sakawrdai Vengpui
4-na Intodelh – Vanlalhlimpuia, Champhai Venglai
5-na Intodelh – Saihmingliani Sailo, Durtlang North
5-na Intodelh – Laldingliana, Saipum

Article of the Year (English)
Status of Women in the Creation Narratives – Evan Samuel Laldinsanga, Bethlehem

Top 3-a langte:
2-na Humility – Evan VL Zarzoliana, SDBS, Kolasib
3-na Existentialism with Pentecostalism – Johny Lalthafamkima, AED Hqrs Kohhran

Agent titha ber (copy sem tam ber)
Andrew Lalruatsanga
Dinthar Local, NMD – Copy 89

Lawmman hi Chanchinbu tha-ah hian pakhatna atanga pathumna thleng leh Article/Sermon (Mizo&English)-ah hian pakhatna bakah Agent ti tha ber te pek tur a ni
Kuminah Gen.PYD conf.neih theih a nih loh avangin lawmman hi Editor hnenah Office hun chhungin Aizawl East District Office, Ramhlun South-ah lam theih a ni ang.
———-

Tun hnaia khawvel ram hrang hranga UPC Kohhran a member thar seng luh; sual ngaihdamna Baptisma chang thar leh Thlarau Thianghlim Baptisma chang thar report te han tarlang ila :

Bangladesh-ah :
Nov 13, Zirtawpni khan Thakurgoan, Bangladesh ah mi thar 30 zet in sual ngaihdamna Baptisma an chang. Nilphamari lamah pawh mi 38 zetin Thlarau Thianghlim an dawng thar bawk.

Solomon Island-ah :
Nov 13, Zirtawpni khan Pacific region huamchhung, Solomon Island ram bial Malaita-ah member thar 14 zetin sual ngaihdamna Baptisma an chang thar leh ta.

Dominican Republic-ah :
Nov ni 12, Ningani khan Dominican Republic rama El Tamarindo Kohhranah mi 16 in sualngaihdamna Baptisma an chang thar.

Cameroon, Mile-ah :
Nov 8, Pathianni khan Rev. Julius Titatah rawngbawlna kal tlangin mi thar 7 in sual ngaihdamna Baptisma an chang.

New Caledonia-ah :
Nov 3, Thawhlehni khan mi thar 7 in sual ngaihdamna Baptisma an chang.

Namibia-ah :
Pathianni liamta khan mi thar 19 in Isua hminga sual ngiahdamna Baptisma an chang a. Thla liamta khan mi thar 25 in Baptisma chang tharin mi 5 in Thlarau Thianghlim an lo dawng thar tawh bawk.

Nigeria, Lagos-ah :
Nov ni 8, Pathianni khan mi thar 3 in Baptisma chang tharin mi pakhatin Thlarau Thianghlim Baptisma a chang.

Benin-ah :
Nov ni 9, Thawhtanni khan Pastor Toussaint a kutah mi 5 in sual ngaihdamna Baptisma an chang.

Gabon-ah :
Nov ni 7, Zirtawpni khan mi thar 2 in Atlantic Ocean ah sual ngaihdamna Baptisma an chang.

Madagascar-ah :
October thla tawplam leh November thla tir chawlhkar chho khan he ramah hian mi 64 in sual ngaihdamna Baptisma an chang a, mi 112 in Thlarau Thianghlim an dawng thar bawk.

Fiji-ah :
Nov 10, Thawhlehni khan Fiji, Savusavu ramah mi 11 in sual ngaihdamna Baptisma an chang a, an zinga mi 10 in Thlarau Thianghlim an dawng thar.

Chawlhkar liamta chho khan Fiji ramah hian harhna thlengin, chawlhkar khat chhungin mi 70 in sual ngaihdamna Baptisma an chang thar a, mi 30 zetin Thlarau Thianghlim an dawng thar bawk.
———–

District hrang hrang rawngbawlna chanchin :

Aizawl East District :

November 13, Zirtawpni khan Kum 2021-a zir tur Nilai zan thupui bu chu Rev Biaksangzuala, District Superintendent chuan Pathian hnenah hlanin a tlangzarh.
Tlangzarh inkhawm tawi District Office-a hun hman hi Rev Vanlalfela Ramtiam, Chairman, Literature & Publication board leh District Secretary ni bawk chuan a kaihruai a, hun hma lama Nilai zan thupui bu tlangzarh theia a awm chu lawmawm tiin thawktute chungah lawmthu a sawi a ni. Rev KVL Hmangaihkima chuan hunserh a hmang a. He hunah hian Evan Lalhmachhuana, Secretary, Literature & Publication board chuan report tawi pe in book preview na a nei. Evan Lalhmachhuana chuan Kum 2021 Nilai zan thupui zirtur chu zir chakawm tak a nih thute, Kum 2005 District Conference khan Nilai zan inkhawm hi thupui zir bik neia inkhawm ni ve tawh se tia alo passed angin Kum 2009 kum atang khan chatlak awm miah lovin Nilai zan thupui bu hi vawiin thlenga neih a nih thute, a ziaktu pawh a changin pakhat chauh te, a changin mi hrang hrang an nih thin thu ngaihthlak a ni bawk. Book Preview na neih zawh a nih hnuah Rev Biaksangzuala, District Superintendent chuan Kohhran mipui ten an lo zir theih nan tlangzarhna a nei a, Pathian hnenah tawngtaiin a hlan nghal a ni. Rev VL.Hnemtluanga, District Treasurer chuan malsawm tawngtaiin he hun hi a titawp a ni. Aizawl East District ten Kum 2021 Nilai zan thupui bu an tlangzarhnaah hian Literature & Publication board member bakah District Office staff te an tel thei a ni.

Aizawl East District ten Kum 2021 Nilai zan thupui an zir tur hi mi hrang hrang ziah niin phek 178 a chhah, Thupui zir tur bung 41 dah a ni a, Rs 80 man tur a ni. Tunah hian District Office-ah lei theihin peih a ni tawh a ni.

A chhung thu ziak tute leh an thupui chan te lo tarlang ila:
1. Upa K.Lalremchhunga, Khawhai bial- Kohhran hlutna leh hmasawnna
2. Upa JH Rozawnga, Bazar bial – Thilpek leh a pawimawhna
3. Upa Dr. Charles Romalsawma, Champhai bial – Thurin humhimna leh fakna thiltihtheihna
4. Evan Lalthankima Ralte, Serchhip bial- Thalaite mawhphurhna- Kohhran leh khawtlangah
5. Upa Lalfelkima, Bethlehem bial- Literature pawimawhna leh intodelhna
6. Prof. Lalhmasai, Upper Republic bial- Kohhrana hmeichhiate mawhphurhna leh zirna kawnga hmasawnna.
——–
Building Comtt :
November 11, Nilaini khan District Committee room-ah Aizawl East District Building Committee neih a ni.

He hun hi Rev Biaksangzuala, Chairman, District Building Committee chuan a kaihruai a ni. He hunah hian thu pawimawh tak tak ngaihtuah niin Kum 2021 chhunga District Building sak chhunzawm zel dan turte leh tuna District Building hlui Staff te luah lai chu thiata sak that chungchang leh kum 2021 atana hmalakna tur hrang hrang ruahmanna an siam a ni. He hunah hian Committee member an kal tha hle a ni.
——-
District PYD :
Aizawl East District PYD hnuaia rorelna sang, Kum tawp District Board rolkhawlhna dang a awm a nih loh chuan November 27, Zirtawpni hian District Committee room-ah neih a ni dawn.

Board ah hian Kum 2021 District PYD Budget bakah Kum 2021 February thlaa Sakawrdai bial-a District PYD Conference neih tur chungchang chu an thu ngaihtuah tur langsar zual a ni.
——-
Baptisma chang :
November 14, Inrinni khan Kawlkulh Venglai Kohhranah mi 1 in Evan Philip VL Hmuchhuaka kutah sual ngaihdamna baptisma a chang.  Bawngkawn Kohhranah pawh November 15, Pathianni khan mi 2 in sual ngaihdamna baptisma Evan Lalamena kutah changin pakhat hi mithar niin Kohhranah sengluh a ni.
——-

November 17, Thawhlehni khan Serchhip Biakinpui PYD te chuan Serchhip Damdawiina hman atan thisen unit 10 an pe.

Thisen pe tute hi mipa 4 leh hmeichhia 6 niin thisen petute hian damdawiinah hian an kal chilh a, Serchhip Damdawiina Blood Bank hotuten an lak sak a ni.
——-
Rawngbawlna kalpui :
Covid-19 hri leng mek avanga Kohhran ten Biakin-ah hun engemaw chen inkhawm thei lova kan awm hnuah Aizawl East District chhunga Local hrang hrangte chuan Biakin-ah inkhawm theih loh mahsela an theih ang angin rawngbawlna an kalpui zel a, Bialtu Pastor te pawhin a theih ang anga rawngbawlna kalpui zelin Kohhran In tlawhchhuak a Tawngtai rawngbawlna nei te an awm.

Heng bakah hian Local thenkhat chuan Social Media kaltlangin Online Inkhawm- Zoom hmangte, Youtube hmang te leh Google meet hmangte in an nei bawk a, thenkhat chuan Kohhran miten Pathian thu an lo chhiar theih nan Kohhran Upa leh hruaitute Sermon ziah, Whatsapp kaltlangte in an thehdarh bawk thin a ni. District Missions Department kaltlangin Daido hmuna Sis Sangkhumi B/W ten rawngbawlna an neih bakah heng hmunah te hian rawngbawlna kalpui a ni bawk.
Evan Vanlalrosiama, Lungchhuan-ah, Bro Ramhuapliana, Dulte-ah, Bro RK Lalnunsanga, Muthi-ah, Evan Remhlua, Sialhawkah.
——-

District Hruaitute Programme:
Rev VL Hnemtluanga, District Treasurer chuan Champhai-ah hun hmang mekin Zokhawthar-a District Building en thlithlaiin hun a hman bakah Champhai Zote hmuna Biakin sak chhunzawm zel dan tur a en pui a, November 22, Pathianni hian Champhai Dinthar Biakin sak tur lungphum phumna a nei bawk a ni.
——–

Lunglei District  :

Lunglei District UPC-in kumtin a thlawna kohhran mipuite hnena sem tura  a buatsaih thin Calendar chu buatsaih fel a ni ta a, tunah hian Lunglei District UPC Office atangin sem chhuah mek a ni.

kum 2021 Calendar-ah hian kohhran ni pawimawh bakah kohhran office chawlhte kum dang ang bawkin dah tel a ni a, bial tinin inkhawmpui  neih hun tur leh a hmun pawh tarlan a ni leh bawk. Kum danga lang tel ngai lo sorkar chawlh pawh dah tel a ni ta bawk.

Calendar hi kohhran in tinin an chan theih tura buatsaih a nih bakah biak in leh Sunday School Hall-ah pawh tar tel theih turin a copy hi siam a ni.

Kum 2021 Calendar ah hian Scism Family (Pioneer Missionary, UPC NEI) te chhungkaw thlalak leh UPC NEI Lunglei District Board Member (2019-2020) a mi te thlalak chu dah tel a ni bawk.
——

District PCD :
November ni 18 nilaini khan Lunglei District PCD Board chu President Rbt.K.Lalrintluanga kaihhruainain District Secretary room-ah neih a ni. He board hian nakum 2021 District PCD Budget atan Rs.92000 chu an pawm bakah hetiang hian PCD zirlaibu  kum 5 zir tur an ruahman bawk.

KUM 1-NA

A lian – Volume V(B) : B.Lalchangliana ziah

A te – Voulume III : Rev.CS Pachhunga ziah

KUM 2-NA
Zirlaibu thar (A lian &  A te)
Pastor R.Lalengzauva ziah

KUM 3-NA
2017- ah zir a ni tawh, (A lian &  A te)
Pastor Jerry Lalmuanawma ziah

KUM 4-NA
2018-a zir, (A lian &  A te)
Pastor K.Vanlalhruaia ziah

KUM 5-NA
A lian – Volume III : Rev.Ralkapkunga Khiangte ziah
A te – Volume I : Evan.R.Ropianga ziah.
——-
Member thar :
November ni 8 Pathianni khan Headquarters  Local-ah Chairman Evan. Thasiama Sailo chuan Member thar  3 (Nu pakhat leh naupang mipa 2) chu Pentecost kohhranah a seng lut. Heng mi thar zinga nu ber  hian  Dt.6.11.2020 khan Baptisma a lo  chang tawh a, a fate 2 pawh hian hun remchang hmasa berah Baptisma hi an chang ang.
——–

Chhimtuipui District:
Nov 15, Pathianni khan Chhimtuipui Dist Official Rev Joseph L Thlauhthang Dist Superintendent, Rev WL Thanghre Dist secretary, Rev Kholy Hlychho Dist Treasurer leh Rev Dr C Sihmo Dist MS Director techuan Siahatla local an tlawh.

Rawngbawltute leh Departmental hruaitute nen in kawm hona neih a ni a,

He inkawm hona hi Siaha Bialtu Pastor C Lalchhuanthanga’n a kaihruai. Dist official tehnen atang hian fuihna thu tha tak tak ngaihthlak niin, hmalakna tur rawtna ?ha tak tak ngaihthlak a ni a. Sum dinhmun te leh ram thim rawngbawlna report bakah Kohhran hmalakna tur hrang hrang sawi ho a ni.
———-

District Missions :
Chhimtuipui District Missions conference Rorel inkhawm chu Dec ni 6, Pathianni hian Siaha Counvcill Veng local ten an thleng dawn a, Council Veng Kohhran ten  inbuatsaihna an kalpui mek a, an hnatlang ngawrh hle a ni.
——-

Lawngtlai West District  :

Nov ni 15, Pathianni khan Lawngtlai West District Secretary Rev. Lalsawmliana Sailo chuan  Saizawh East Local ah rawnbawlna a nei a, Kohhran hruaitute nen inkawm hona neiin Kohhran hote a tlawh kual a, Isua hnenah nau pakhat a hlan bawk.
———
District Missions :
Nov ni 27, Zirtawp ni hian Lawngtlai AOC Kohhran Biak inah Lawngtlai West District Mission Conference rorel inkhawm nei turin an inbuatsaih mek a, Bial Mission OB leh Local Director chin palaiah ruat an ni.
———
Work Camp :
Nov ni 17, Thawhlehni atang khan Vathuampui Bial chuan M. Kawnpui Biak in sak hna thawh pui turin Work camp in an thawk chhuak.

Work Camp a kalte hi Bialtu Pastor hovin mi 11 an ni a, tunkar chhung khan Biak in sak hna hi an thawk a ni.

Diltlang Bial Pastor Quarters sak mek pawh slabs chhun zawh a tawh niin Nov ni 18, Nilaini atang khan Bialchhung Local 3 Diltlang, Khawmawi leh Hmunnuam atangin hnatlang in ni thum chhung an thawk a ni.
———

NORTH MIZORAM DISTRICT :
HruaituteProgramme:
North Mizoram District Supdt. Rev. Laltluanga chuan Kohhran thil tulah Nov. ni 17 Thawhlehni khan Bukpui Bial chhunga kohhran thenkhatte a tlawh a, zan khat riakinhun a hmang.
————
Rorel inkhawm :
UPC-NEI, North Mizoram District, Missions Department chuan karhnih kalta Oct Ni 23 zirtawpni khan Confererence rorel inkhawm vawi 40 na an nei.
Rorel inkhawm hi District Hqrs. Biak in, Tuikhuahtlangah neiin, Dist. Missions Dept Director Rev. C. Lalthantluanga’n inkhawm a kaihruai a, District Puipa pathum Dist. Supdt. Rev. Laltluanga, Dist. Secy Rev. Chhiarpuia leh Dist. Treasure Rev. K. Lalduhsanga ten an ho thei a, NEI-UPC Gen. Missions Director Rev. R. Lalhawia leh Treasurer Pastor PC Lalrokima ten an ho thei bawk.
Rorel tan hmain North Mizoram Dist Supdt. Rev. Laltluanga’n mipuite chibaibukin hripuileng karah N.Mizoram district Missions Dept. ten Confe. Rorel kan nei thei hi Lal Lalpa hnathawh ropui a ni tiin; tawngtaina a nei a, Rev. R. Lalhawia, Gen. Missions Director in thusawi bawkin, North East India huapa rawngbawlna hrang hrang report pein Lalpan ramthim su eng turin a mite min hmang mek a ni tiin, thathlah lovin rawngbawl turin ke kan pen zel tur a ni ati bawk.
Confe. Rorelin khawm chawhma dar 10:00 AM-ah tannin, rorel pawimawh zualte:-
Confe. Neih lehna hmun tur kum 2023 thleng ruahmanna siamin :- Kum 2021-ah Rengdil Bialah neih a ni anga, Kum 2022-ah Maubawk Bial leh Kum 2023-ah Sumsuih Bialah te neih a ni ang.
North Mizoram District Missions Dept. te hian Home Missions Field-ah revival Programme buatsaih ni se. tihte an rel a ni.

UPC-NEI, North Mizoram District-ah hian Missions Field 12 leh rawngbawlna mek khaw thum neih a ni.
North Mizoram District-a Missionary te leh an thawhna hmunte tar lang ila
Sist. Khawlliani B/w: Kolalian Missions Field
Evan. Hrangchhankhuma : Rajtali
Evan. RS lalnunmawia : Vawngawnzo
Evan. Lalrampana :Damdiai
Evan. Isak lalrohlua :Persang
Evan. H. Lalnunzira :Dilzawl
Evan. Vanlalawia :Marpara
Evan. Lalrawngbawla Casual worker: South Chhimluang
Sist. Esther Lalrawngbawli B/W :Bajerung
Sist. F. Lalsiamliani :Zomuantlang
Sist. Lalbiakzuali : West Phulpui
Sist. Lalhriatkimi :Tumpanglui
Kum 2019 – 2020 chhungin Missionary te leh Casual worker te hian mi thar 143 neiin, Baptisma chang 128 an awm bawk.
Coference-ah hian rorel mi 80 bawr kalin, Hqrs. Local Missions Dept. ten  hnen takin Rorel inkhawm an thleng a ni.

Chawhnu lamah Dist. Missions Dept Board neih nghal a ni a, rorel tlangpui:
Kum 2021 District Missions Budget Estimate atan Rs. 1,15,00,000.00 (Nuai za sawm leh panga)
Missionary Post 2 ruak chu hnawh khah tha tih a ni a, Advertisement chhuah a, December thla Board-ah lak tura tih a ni.
Missionary chawmna ip hi kum 2021 atan siam ni se. tih passed a ni
Missionary Transfer & Posting hun a nihangin December thla ah Missionary thar 2 lak rualin Transfer and Posting tih tha tih a ni.
————

Pentecostal School of Ministry (PSM) :
NMD enkawlna hnuaia Pathian thu zirna kal pui mek Pentecostal School of Ministry (PSM) chu hripui leng avanga ruahmanna anga kal theih a nih tak loh avangin, Nov. ni 16 atang khan Internet Online leh Correspondence hmanga zirna kalpui a ni.
Aizawl leh thingtlang lama awm Zirlaite hnenah Zirlaibu sem niin; PSM Committee hruaitute’n ruahmanna an siam angin Class hi neih a ni. PSM Exam hi December ni 7- ah nei tura ruahmanna siam niin; December ni 14-ah Result puan a ni ang a, Graduation Day ahrana hmang tura ruahmanna siam a ni lo.
Kum 2020 PSM academic session-ah hian PSM zirlai 38 awmin 1st year 12 niin; 2nd years 12 an awm a, Graduate tur 17 zirlai an awm bawk a ni.
————-
Distirct PYD :
North Mizoram District PYD te chuan Nov ni 10 thawhlehni khan District PYD Conference December thlaa neih tur chungchangah Exe. Meeting an nei.
Meeting hi Dist. PYD President Evan. J. Vanlalruata’n kaihruaiin,  NMD Dist.  Office, Supdt. Chamber-ah meeting hi an nei a rorel tlangpuite:-
Dist. PYD  Conf. chu rorel leh Report chauh neih tur a ni ang a, Confe. Rorel neih hun atan December ni 10 thawhlehni dar 10:00 nise tih a ni. A hmun atan Hqrs Biak in nise tih a ni bawk. He Ruahmanna hi hrileng boruak thlir chungin a tul chuan tih danglam theih tura duan a ni.
Conf. ah hian Hruaitu Hlun Chawimawina Certificate hlan leh Member boral sunna neih a ni anga, Bial target tlak hmasa lawmman 1na aṭanga 3na sem a ni bawk ang.
Conf. Palai tur chung chang ngaihtuahin Hripui leng vangin kumin bikah Conf. rorel thei pala Gen. PYD in a lo duan tawh chu sawr zimin Bial tin aiawh mi 2 intirh ni se an ti bawk.
Conferorel zawhah Dist. Board neih chhun zawm venghala ni ang.

Exe. Meeting hian Confe. Chung chang bakah Dist. PYD hmalakna a tirhkoh rawih mekna Kawrthah khuaa Biak in sakmek chu kumin 2020 chhung ngei hian hawn hman ni se an tih bakah Kohhran office Staff te zingah Dist. PYD in-charge atan Bro. Andy Lalramnghaka hman chu kohhranpui remtihna dil ni se.
Kum 2021 Dist. PYD Budget Estimate ruahmanin Rs.14,65,000 chu pawm a ni a. Dist Board ah pharhleh tur a ni ang.
————
Luangchhuak :
NMD Hqrs Bial, Hqrs Local Missions Dept. te Ramthim tan anluang chhuak: Thla kal ta Oct. ni 26 (Thawhtanni)  khan North Mizoram District, Hqrs Bial, Hqrs Local Missions Dept te chuan Assam Missions Field-a Pechadapri Kohhranhote inkhawmna tur Biak in sak nan Rs 100000 NMD Missions Dept Treasurer Evan MS Dawngliana kutah an local Missions Secy. Sis. PC Lalhmingchhuangi’n a hlan. Hqrs Local MSD te hian kumin kumtir khan Rs 100000 lo pe tawh bawkin. Dist Missions ah hian Rs 200000 an thehlut tawh a, remchang hmasaberah Rs 50000 pek leh an tum. Pechadapri Biak in hi Rs 250000 a sak zawk theih beisei a ni. Hqrs Local Missions Dept.  te hi Evan MS Dawngliana NMD Missions Treasurer chuan Gen. leh Dist. Aiawhin lawmthu a lo hrilh a ni.
————
Missionary quarters :
North Mizoram District Bilkhawthlir Bial Missions Dept ten Nov ni 10 thawhlehni atanga Tumpanglui  Missionary quarters sa a work camp an neih chu Nov. ni 14 Inrinni khan zovin, Inrinni vek hian Tumpanglui  khua chhuahsanin Bilkhawthlir lam an pan.
Work camp ah hian Bialtu Pastor Lalpianthanga leh Bial Director Evan Lalrinmawia ten hovin;  member  15 an thawk chhuak a.
Quarters sak hna hi Nov. ni 10 thawhlehni chawhnu atangin an thawk tan a, hnathawh an tan ni hian zan dar 10 thleng an thawk nghal a ni.
A tuk Nov. ni 11 Nilaini atangin nitin vartian atanga bung tannin zan dar 10 thleng thleng rim takin hna an thawk thin a ani.
Missionary quarters hi a dung 30 ftleh a vang lam 17ft a zauva sak niin; Bathroom bakah room partition leh mei tuahna thuk thlengin an siam zo vekhman a ni. Bial Director Evan. Lalrinmawia chuan fehchhuakte Lalpan chakna min pe a, kohhranhote tawngtaipuina a zarah thawh hona tha tak nen hlim takin hna kan zo thei a ni a ti.
Hetianga Bilkhawthlir Bial Missions Department ten Tumpanglui Quarters ni 4 chhungleka mawi leh nalh taka an sa zo ta hi, Tumpanglui kohhranhote aiawhin Missionary hnathawk lai Sist. Lalhriatkimi chuan lawmthu a sawi a, hetih rual hian District Missions Department hruaitute pawhin Bilkhawthlir Bial Missions Dept. te chungah an lawmthu an sawibawk (Bilkhawthlir Bial Workcamp)
————
Rawngbawlna report :
Tumpanglui kohhran hian kum 2019  ah khan Sist. J.Lalmuankimi Rengdil leh athian ten  rawngbawlna nei in, U.P.C. (N.E.I) din a lo ni tawh a,   N. Mizoram District missions department in  Home missions field ah puang zuiin, tunah hian member -120 vel an awmmek a ni.
Sist. Lalhriatkimi (Kimkimi) hi Tumpanglui Home missions field ah hian Casual Worker, Missionary hnathawkin a awm mek a ni.

Bilkhawthlir  Bial Missions Department ten North Mizoram District Missions Dept. enkawl Tumpanglui Field Missionary Quarters sak thara Carpet phah tur chu Kawnpui Venglai Local Church Board Secretary T.Upa PC. Lalnunmawiate chhung chuan an pe a, Tumpanglui kohhran hote an lawm hle.
————
Khuang pe :
North Mizoram District Tlangsang Bial chhunga Volunteer Missionary Sist. Vanlalpeki rawngbawlna hmun Sailut kohhran ten an mamawh em em khuang chu Maubawk, Kohhran a lawi T.Upa Lalvenhima te chhungkua chuan phal takin an pe a, an chungah Sailut kohhran te leh Tlangsang Bial hruaitute an lawm hle.
————
Member thar :
Oct ni 25.10.2020 Pathianni khan Kawnpui Bial chhunga Preaching point Kanan Vengah mi thar 1 leh Home Mission Field Rasdali aṭangin mi thar pakhat BBC kohhran aṭangin UPC (NEI) kohhran ah seng luh an ni.
Kanan Venga member thar neihhi tirhkoh rawihlai Evan. Lalramhluna Hmar chuan a lawmlut a; Rasdali-ah hian Missionary rawihlai Evan. Hrangchhankhuma chuana lawmlut bawk.
N. Thinglianah Oct. ni  25 Pathianni khan BBC ațangin UPC of North East India-ah mi thar pakhat seng luh a ni bawk.
————
Kohhran tlawh :
Nov. ni 7 Inrinni khan Tlangsang Bial Behliangchhip kohhrante chuan an Bialchhunga Kohhran din thar Sailut kohhran chu Bro Lalthapuia, volunteer missionary hovin an tlawh.
Sailutkohhran hi Sis Vanlalpeki rawngbawlna khua niin, kohhran pahnihte hian hun hlimawm tak an hmang a , inkhawm boruakah Naupang damlo khawsik mu reng pakhat chuan damna a chang a, Thlarau dawng thar pakhat awm bawkin; siamtharna chang 6 lai an awm bawk.
———–
ASC Home tlawh :
Nov ni 13 Zirtawpni khan North Mizoram District Hqrs. bial PYD ten Audrine Scism Children Home Kolasib, Khuangpuilam tan Tanpuina Rs.10000 an hlan.
Thil pek hi Bial PYD President Evan. R. Lalrinchhana’n hlanin bial PYD hruaitu dangte leh member ten an tawiawm a. Tanpuina sum hi Home Project Director Rev. JH Zahluna’n dawngin, Hqrs. Bial PYD te chungah lawmthu a sawi a ni.
———–
Tanpuina pe :
NMD Chaltlang Bial te chuan Tripura District, Ambasa Biala Lalchuri kohhran ten harsatna an tawk tih hriain tanpuina tur Bial chhunga kohhran hrang hrangah an khawn sak a, Rs 51,000/- zet khawn chhuakin Nov. ni 12 Ningani khan Tripura District Superintendent i/c Rev Lalmalsawma Sailo, General Superintendent hnenah Chaltlang Bial hruaitu ten an hlan a ni.
Tripura hi District a Lalchuri Kohhrante’n hrileng leh thil dang avanga harsatna an tawh thuah tanpui an ngaih lai taka Chaltlang bial ten tanpuina an pe hi thlamuan thlak an tih thuTripu rDistrict Superintendent  i/c Rev. Lalmalsawma Sailo chuan a sawi a ni.
———–
Biak in sak tanpuina :
North Mizoram District, Maubawk Kohhran Upa Zopara leh a chhungte chuan Nov. ni 18 Nilaini khan North Mizoram District Missions Department hruaitute kal tlangin Darjeling khua a Baharata Biak in sakna tur tanpui nan Rs. 100000 north Mizoram District Office-ah a hlan. Tanpuina sum hi Upa Zopara-te chhung aiawhin Evan. H. Lalrinngheta chuan North Mizoram District Missions Treasurer Evan. MS Dawngliana kutah a hlan a, District leh General aiawhin Rev. C. Lalthantluanga, North Mizoram District Missions Director chuan Upa Zopara leh a chhungte chungah lawmthu a sawi.