UPCNEINEWSSERVICE NOV 1-8.2020
———–
Assam Missions Field-ah Biak in hawng :
Nov 5, Ningani khan Assam Missions Field, Gossaigaon bial Shyamdasguri Kohhran Biak in sak thar hawnna leh Pathian hnena hlanna neih a ni.
Shyamdasguri Biak in thar hi he lai bialtu, Pastor H. Israela’n Pathian hnenah hlanin a hawng a, Kohhran member engemawzat pungkhawmin hlim takin hun an hmang. Biak in hawn ni hian Hindu atangin member thar 3 (chhungkaw khat) Kohhranah seng luh nghal an ni a, Bialtu Pastor hian sual ngiahdamna Baptisma chan tir nghalin, an fa naupang pawh Isua hnenah a hlan nghal a ni.
——–
Khawvel ram danga UPC Kohhran rawngbawlna report :
United States-ah :
New Life Tabernacle Kohhrana lawi turin Nov ni 1, Pathianni khan mi 7 in sual ngaihdamna Baptisma an chang thar a, mi 5 in Thlarau Thianghlim an dawng thar bawk.
Victory Kohhrana lawi turin mi 2 in sual ngaihdamna Baptisma an chang thar.
———-
Cameroon-ah :
Oct 31-Nov 3, chhung khan UPC of Cameroon, National Outreach Team chuan Mbanga ah crusade an buatsaih a, member thar 9 in sual ngaihdamna Baptisma an chang.
Nov 1, Pathianni khan Pentecostals of Sydney Kohhranah member thar 2 in sual ngaihdamna Baptisma an chang thar.
———-
Venezuela-ah :
Venezuela ram hi hri pui leng avangin March thla atang khan an in quarantine tan a, ram chhung hmun hrang hrangah harsatna a thleng nasa hle.
Hetih mek lai hian rawngbawltute pawhin a theih ang angin rawngbawl hna an kalpui ve zel. Pastor Jose Gregorio kutah mi 80 chuangin sual ngaihdamna Baptisma an chang tawh a, Pastor Jose Fonseca kutah pawh mi 26 in Baptisma an chang tawh bawk. Pastor Juan Roda pawhin Venezuela ram ri dep hmun hrang hrangah a theih ang angin rawngbawlna a kalpui a, mi thahnem takin a rawngbawlna kal tlangin Baptisma an chang a ni.
———-
Kenya-ah :
Kumin hian mi thar 663 zetin sual ngaihdamna Baptisma an chang tawh a, mi 403 in Thlarau Thianghlim an dawng thar bawk. Rawngbawl tute rawngbawlna kaltlanga Lalpa Isua hminga tihdamna chang pawh mi 607 zet an ni.
———–
Japan-ah :
Mi 6 hnenah Licence pek thar a ni, Yatomi khawpuiah Kohhran thar pakhat din a ni a, Bible School 22 a lut turin zirlai 173 an in ziak lut, Matsusaka khawpuiah mi 11 in Thlarau Thianghlim Baptisma an chang thar a, Bible School kal chhuak mi 5 in Baptisma an chang thar bawk.
———-
District hrang hrang rawngbawlna thuthar :
Lunglei District :
1.RAHSIVENG BIAL MISSIONS CONFERENCE :
October ni 24 inrinni khan Rahsiveng bial Missions Department Conference vawi 30-na rorel inkhawm chu Director Evan.PC.Zosangliana kaihhruainain Rahsiveng Local UPC Biak inah neih a ni a, an rorel tlangpuite:
i. Kum 2021 chhungin Lunglei District chhunga Thingtlanga biak in sa khawi Local emaw ber tanpui nise.
ii. Kum 2021 chhungin bial huap Crusade buatsaih nise tha tih a ni.
iii. Bial chhung Local hrang hrangah Missionary Campaign neih nise.
iv. Kum 2021 chhung hian engtik thla emaw ber hi bial chhunga Local hrang hrangten Missions lam hawi Sermon/thusawina neih nise an ti bawk.
v. Bial chhunga Local hrang hrangten Buhfaithamah hma an sawn theih nan bialin hma la se tha an ti bawk.
vi. Nakum bial Missions Conference chu Venghlun Local-ah neih nise tha tih a ni.
2.THEIRIAT BIAL MISSIONS CONFERENCE :
October ni 24 inrinni khan Theiriat bial Missions Department Conference vawi 23-na rorel inkhawm chu Director Upa C.Vanneihsanga kaihhruainain Dawn Local UPC Biak inah neih a ni a, an rorel tlangpuite:
i. Partner in Missions (PIM) neih nise, Missionary 2 support nise tha tih a ni
ii. Kum 2021-ah Target tlak hmasa lawmman siam leh nise.
iii. Rammut thla neih nise.
iv. Bial chhung Local hrang hrang in tlawh kual nise tha tih a ni.
v. Kum 2021 hian Lungpuizawl Local-ah Crusade neih nise tha tih a ni.
vi. Nakum bial Missions Conference chu Dt.29-31.Oct.2021 chhungin Hrangchalkawn Local-ah neih nise.
3.BAPTISMA KHUR SIAM SAK:
Rahsiveng Local Missions Department-te chuan Assam Missions Field a mi Gossaigaon Section, Matiapara Local Church-te chu Baptisma khur an siam sak a, he Baptisma khur hi Rs.10000 senga siam a ni.
4.SIGNBOARD TAR:
October ni 30 zirtawpni khan Lunglei District UPC ram Putlungasih bula Teak hmun chu humhalh nan Signboard tar a ni.
Signboard tar hna hi Lunglei District UPC Driver ten an thawk a, Signboard hi pahnih tar belhin a hmaa in tar sa nen signboard pathum tar a ni ta a ni.Tin, ramri humhalh nan hian pillar pahnih phun a ni bawk.
He Teak hmun hi hun rei tawh tak atanga UPC Lunglei District ram niin tunah hian Teak puitling engemawzat a awm tawh nghe nghe.
——-
5.MI THAR :
October thla chhung khan Cherhlun Bial Missions Department hmalaknain Rammut thla New Ngharchhip Local-ah neih a ni a, hetah hian Speaker ah Rbt Lalrokima Chhangte bial Missions Department-in Home Missionary atana a rawih lai chu hman a ni, ani rawngbawlna atang hian October ni 20 Pathianni leh November ni 1 Pathianni khan mi thar pakhat ve ve chu kohhranah lawmluh a ni.
————-
Chhimtuipui District :
Nov ni 01, Pathianni khan Niawhtlang -III (10KM) Local ah Baptist Kohhran atangin member pakhat District Evangelist N. Thanghnuna’n a seng lut.
BAPTISMA CHANG
Niawhtlang – III Local ah hian mi pasarih in Sual ngaihdamna Baptisma Isua hming Evan. N. Thnaghnuna kutah an chang bawk.
Tunlai hian KM 10 kohhran member engemaw zat leh Dist Evangelist N Thanghnuna te chu fianrial tawngtai neiin, chawnghei in Pathian an pawl ṭhin. zan lamah Pathian thu hmang a inpawlhona annei bawk ṭhin.
INKAWMHONA NEI
Ni 1.11.2020 (Sunday) khan District Official te leh Siaha Council Veng Kohhran hruaitute inkawm khawmna Council Veng Biak In ah neih a ni. He inkawm khawmna hun hi Pastor C.Lalchhuanthanga Bialtu Pastor in kaihruaiin Council Veng Kohhran Chairman in Kohhran report pein District hruaitute hnen atangin fuihna thu tha tak tak ngaih thlak a ni a. Tlai lamah chawhlui tuihnai tak kilho nghal a ni.
DIST.MISSIONS CONF.SAWMNA LEH HRIATTIRNA
Chhimtuipui Dist.a Kohhranho,Lalpa Isua hmingin chibai u le.
Hei,Dist.Misdions Conf.lo awm turah Covid 19 a vangin December thlaah sawn chho a nia,he Conf.Rorel palaite kim taka lo tel tura sawm kan nia,tul dangte chu a hnuai lam ang hi a ni.
1.A hmun:Siaha Council vaih Local Church
2. A hun:6.12.2020(10:00Am)
3.Report hi November thla ral hma ngeia Dist.Officea thehluh vek tur
4.A genda chu Bial Board kal tlanga neuh tur,
5.Rorelna chauh neih tur a ni.
6.Rorel palai turte;1.Bial Pastorte2.Bial Missions OB te,3.Home Misdionaryte,4.Local church OB te,5.Local Musdion OB te leh Dist.Kohhranpui OB bakah Concern Deptte.
6.Dist.LAD,DIST.PYD,DIST.
NOTE:Conf.Rorel zawhah Dist.Misdions Board thut a ni ang.Hetah hian Budget for 2020-2021 leh Official leh Bial Agendate rel a ni ang.Tul dang chu kan inhrilh leh dawn nia.
By Rev.C.Sihmo
Director,UPC ,CTP
——
Tanpuina pe :
Bro T Lalremruata Siahatla local chuan Evan J Malsawmdawnga tuna General Mission hnuai Arunachal hmun a rawngbawl mek te mamawh, guitar leina atan Rs.3000/- chu lawm takin a pe.He ṭanpuina sum hi Dist MS Dept leh General MS kaltlangin missionary hi pek tur a ruahman a ni.
———-
Lawngtlai West District :
Oct ni 30, Zirtawpni khan Lawngtlai West District hnuaia Kohhran pakhat ni turin Darnamtlangah Kohhran thar din a ni.
Kohhran din tur hian District Secretary Rev. Lalsawmliana Sailo, District Mission Director Rev. F. Lalbiakthuama leh District te bakah Bialtu Pastor K.Lalzawmsanga leh Evan. Henry H Ramthianghlima te an fehchhuak a, Oct ni 30, Zirtawpni khan Darnamtlangah hian Kohhran thar an din ta a ni. Kohhran hruaitute :
Chairman. : Upa Naromoni
Secy/ Trea. : Upa Moniha
Rbt atan : Rbt. Purnochandro leh Rbt.Birbahadur te ruat an ni.
Rawngbawltu a ruat thar te hi Rev.Lalsawmliana Sailo District Secretary chuan hriakthih rawngbawlna a neih sak nghal a, LAD hruaitu tur pawh ruat nghal a ni bawk. Kohhran thar din ni hian member thar pakhatin sual ngaihdamna Baptisma a chang nghal.
Darnamtlanga Biak in hmun tur hi VCP te dil fel nghal niin 80 square feet bawr vel a zau a ni.
Facebook