UPCNEINEWSSERVICE_MAY31-JUNE6,
———-
NORTH MIZORAM DISTRICT
District Puipa Meeting nei:
North Mizoram District hruaitu pathum thukhawm (Officer Meeting) kar kal ta zirtawpni May 28-a neih chuan, North Mizoram District dinhmun thlirna te neiin; Covid-19 hrileng avanga chhawmdawl ngai leh mi harsate tanpui nan General Office-ah Rs. 200000 (Nuaihnih) a chhung lut a, hei bakah hian District huam chhunga Kohhran mi chhawmdawl leh tanpui ngai Bial hrang hrang atanga report a dawn te District Relief sum hmangin mi engemaw zat tanpuina a pe bawk.
District Puipa thukhawm chuan hrileng avanga harsatnain kohhran hote a nghawng tur chin hriat a nih loh avangin, Bial leh Kohhrantin te, thilpek rawngbawlna kawngah theih ang anga hma la zel turin thuchhuah a siam bawk.
———-
Office kal:
May ni 28 Zirtawpni khan North Mizoram District Puipa pathum leh Account section-a mawhphurhna nei te chuan Pisa kaiin; Lockdown chhunga Internet Banking leh Bank Transfer hmanga sum lut leh chhuak ziah fel ngai hna thawkin nilengin Pisa an kai a, North Mizoram District Office hi, Lockdown chhung khan tul leh pawimawh zual bikah chuan Office hi dawr theihin hruaitute’n ruahmanna siamin an inkal chhawk reng a, hna tul leh pawimawh thawh ngaih changing Office staff te pawh an Office deuh reng bawk a ni.
———-
Mithar nei chho zel:
North Mizoram District huam chhunga District tirh Rawngbawltute leh Missions Department hnuaia thawk Missionsary te leh Casual worker te Pathianin hna nasa takin a thawkpui zel a, Hrileng tihbuai avanga inkhawm theih loh karah pawh May ni 29 -30 chhung khan a hnuaia tarlan ang hian mi thar neih a ni
Kolalian 3
Zawlpui 4
Bukvannei 5
Total 12
Heti hian North Mizoram District chhunga Mi thar neih zawng zawng chu Mi 304 an thling tawh a ni.
———-
Kohhran thar ding:
May ni 31 thawhtan zan dar 6:00Pm khan, North Mizoram District chhunga bial naupang pawla awm, Damparengpui bial chhunga Damparengpui Vengtharah member thar mi 26 lai pawl dang atangin UPC (NEI) ah lawm luh an ni. Mi thar neih chungchangah hian Damparengpui Bial hruaitute Pathianin hna a thawkpuinaah an lawm hle.
———-
Tanpuina hlan:
May ni 30 khan Bairabi North Church Board Committee rorelna angin Bairabi South Kohhran hnenah covid positive/home quarantine te chhawmdawlna’n tanpuina sum Rs. 10000 hlan a ni.
———-
———-
CHHIMTUIPUI DISTRICT
SANGAU BIAL NEWS
MEMBER THAR LAWM LUT :
Bialtu Pastor Rev.K.Kawngkharmawia chuan kar hmasa khan Kohhran dang atangin member 7 Kohhran ah a lawm lut.
———-
NAU THAR HLAN :
Bialtu Pastor Rev.K.Kawngkharmawia chuan lockdown chhung hian Bial chhung Local hrang hrang a remchan dan ang angin Nau piang thar 20 Isua hnenah hlanna a nei.
———-
BIAK IN SA CHHUNZAWM ZEL:
Sangau Bial ah hian Local 5 awm in Local 3 ah Biak In sak mek a ni.
1. BETHEL LOCAL : Bethel Local hi Sangau I Local atanga tun hnai mai a, in dang an ni a. Kohhran te an lungrualin an tangrual em em a, malsawmna pawh kawng hrang hrangin an dawng mek a ni. Tunah hian concrete in Biak In an sa mek a, Biak in chhuat tur Ni 10.5.2021 khan slap in, mi 100 chuang an thawk chhuak a, Kohhran te an phurin an in lungrual em em a ni. Lockdown chhung hian Biak In sak hnatlang a remchan dan ang ang in an thawk thin.
2. SANGAU II LOCAL :
Sangau II Kohhran ten theih tawp chhuah in Biak In lian leh mawi tak an sa mek a. An luah lut tawh a,tunah hian Biak In varendra leh gallery siam tur hmabak an la nei mek a ni.
3. SANGAU I LOCAL :
Biak In hmalam fencing brick vekin an siam a.An Biak In compound hi brick a, hung chhuak vek turin hma an la chho mek a. Biak In varendra leh gallery pawh an siam chhunzawm mek zel a ni.
———-
HOME CRUSADE NEI:
Bialtu Pastor Rev.K.Kawngkharmawia chuan Lockdown lai hian a remchan dan ang angin hripui leng karah home crusade neiin rawngbawlna an nei mek bawk a.Kohhran te an lawm hle.
———-
SIAHA BIAL NEWS
Sorkar in hripui leng laka kan him tlan nan total lockdown te a puan avangin rawngbawlna hrang hrang tun hma angin a neih that theih ta lova, Mahse Kohhran ten a remchan dan ang anga rawngbawlna an neih thenkhat te chu..
———-
LOCKDOWN LAI IN LUANG CHHUAK :
Bial chhung Local hrang hrang leh Local thenkhat LAD ten lockdown chhung hian Kohhran chhungkua leh Kohhran pawn lam mi, mi harsa zual te hnen ah ei tur buhfai leh chawhmeh te pein pawisa fai te pawh an pe bawk a ni.
———-
IN SAK SAK:
Siahatla Pentecostal Men Department (PMD) te chuan hmaithai, Farnu Lalthuami in 24×18 a lianin an sak a. Farnu Lalthuami te chhungkua an lawm hle a. Lawmthu an sawi mawlh mawlh ani.
———-
BIAK IN SA MEK :
1. AMOBYU VAITHIE (ZERO) :
Siaha Bial Kohhran te hian District chhung (Bial chhung leh Bial pawn) hmun thum ah Biak In pathum a lo sa tawh a. Vahai Local, Ephatha Local leh Riasikah hmun ah te Biak In sak hna hi an lo thawk tawh a ni. Tun ah hian Amobyu Vaithie (Zero) Biak In an sa leh mek a. Hei hi District Missions Department tang kawp a, sak mek a ni.
2. COUNCIL VENG :
Council veng Kohhran te hian in lungrual tak leh theih tawp chhuah in Biak in mawi em em an sa a. Tlem a zawng tih tur la awm Mahse tunah hian an luah lut tawh a, hun hmasa berah a hawnna ropui taka nei turin an in buatsaih mek a ni.
3. MEISATLA LOCAL :
Meisatla Kohhran te hian an Biak In thiat si lovin Biak in mawi hnai tak tur chhung thum in an sa mek a. Kohhran te an in lungrualin kawng hrang hrang ah an tangrual em em a ni.
———-
IN HMUN(RAM)LEI :
Siaha Bial LAD ten hun rei tak project neiin an lokal pui thin a. In hmun(Ram) tha tak mai 100×62 a zau, khawmpui chhung hmun tha takah Rs.480000 chauh in an lei a ni.
Bial Kohhran pui leh Bial PYD te pawh in in hmun (Ram) lei hi project pawimawh takah an nei mek a ni.
Facebook