GENERAL NEWS
CBC GRADUATION DAY VAWI 48-NA TLUANG TAKA HMAN A NI:
Hri leng avanga hun rei tak chhung Calvary Bible College-in Graduation Day an hman mumal theih loh hnuin May ni 21-22 2022 khan tluang taka hman a ni.
He Graduation Day hi General Headquarters Aizawl a tangin General Official-te leh General LAD te bakah District hrang hrang hruaitu ten an hmanpui a ni.
Pastor BD Kowarson, Bursar, CBC chuan Graduation Day Inrinni zan inkhawm hi kaihruaiin, Zirlai chawimawina award thenkhat Rev. Lalpeklien Sungte chuan hlanin heng mite hian hetiang hian award an dawng a ni:
Best Hosteller Award : Sis. Yikhufi, SEND
Best Student in Social Work : Pastor T. Vanlalhruaia
Rev. Biaksangzuala chuan zirlaite Progress Repor Card semin, Rev. Chhiarpui, North Mizoram District Superintendent chuan Pathian thuchah a sawi bawk.
May ni 22 Pathianni ah Rev. K. Malsawmtluanga, Principal chuan Graduation Day Programme kaihruaiin, Rev. R. Lalrinsanga, General Superintendent chuan zirlai kal chhuak tur te hnenah degree a hlan a, Rev. Zohmingthanzama, General Secretary chuan a zirlai titha te hnenah Award chi hrang hrang hlan na a nei nghal bawk a ni:
EL Scism’s Award (Academic Proficiency) – Bro. TL Daniel
RA Dover’s Award (Best Student) – Bro. Sng Angjoyla
Lera’s Award (Topper in Theology & Ethics) – Bro. Haokin
Ningthokam’s Award (Topper Christian Ministry) – Bro. Haokin
H. Vankunga’s Award (Topper in Co-Scholastic) – Bro. TL Daniel
R. Lalrinsanga’s Award (Topper in General Biblical Studies) – Bro. TL Daniel
Topper in Old Testament – Bro. TL Daniel
Topper in New Testament – Bro. David Lalnunsanga
Topper in Religion & Society – Bro. Lalhriatpuia Bawm &
Bro. Sng Angjoyla
Topper in History and Missions – Bro. TL Daniel
Topper in General Studies – Bro. Sng Angjoyla
Rev. R. Lalrinsanga, General Superintendent leh Graduation Speaker ni bawk chuan thu sawiin, zirlaite chu Kohhran thurin humhalh kawnga nasa zawka tan la zel tur leh Thlarau Thianghlim humhaltu ni zel turin a fuih a ni.
Rev. Lalmalsawma Sailo, General Treasurer chuan Graduate te hnenah College thilpek a hlan a, General LAD, Central District LAD, Church Board – Shillong Local Church, PYD – Shillong Local Church, Students’ Disciplinary Cell – CBC, Sis. Enid Bloomy te’n thilpek an pe bawk. Graduate te bakah hian General LAD, Central District LAD leh SDC te’n CBC zirtirtute leh thawktute hnenah thilpek hlu tak an hlan bawk. Rev. Biaksangzuala’n malsawm tawngtainain hun a khar a ni.
Tlai dar 4:00-ah Library-tana Lehkhabu lei tharte hlanna leh report ngaihthlakna hun tawi neih niin, hei hi Rev. L. John Gangte-chuan a kaihruai a ni. SDC-in CBI a nih lai leh CBC a nih hnua Graduate tawhte thlalak an frame engemawzat chu Rev. R. Lalrinsanga, TEB Chairman leh Rev. K. Malsawmtluanga Principal hnenah an hlan a. Bro. Lalhmingsanga Khiangte, Staff Library Incharge hnen atangin report tawi ngaihthlak a ni bawk.
———-
———-
CHHIMTUIPUI DISTRICT
SUNDAY SCHOOL CAMPAIGN HLAWHTLING TAKIN NEI:
District Sunday School Conference rorel bawhzuiin Ni 22.5.2022 (Pathianni) khan Tuipang Lal Veng Local Church ah District Sunday School hruaitute, Upa Lalrothuama District S.S Secretary, Rev.Kholy Hlychho District S.S Treasurer, Rev.W.L Thanghre Ex.Officio ten Sunday School Campaign hlawhtling takin an nei. Rev.Joseph L.Thlauhthang Sr.Adviser District S.S Dept. chuan tawiawmin Tuipang Kohhran te nen hlim takin hun an hmang.
———-
HOME MISSIONS FIELD THAR HAWNNA LEH HLANNA NEI:
District Missions Board vawi-98na Res No.2 in a lo pass angin New Laty hmunah Home Missions Field hawnna neih a ni. Thawktu tur atan Evan.P. Lalrintluanga dah a ni a, New Laty Home Missions Field hi Tuipang Bial chhunga awm turin ruahman a ni bawk. Ni 20 May, 2022 (Zan) khan Field thar hawnna leh hlanna programme Upa T.Zalawma, Director Bial Missions in kaihruaiin, Pastor Robert B.Lalnunsiama T, Tuipang Bialtu Pastor in field hawnna leh hlanna a nei a. Rbt. S. Vanlalfela Secretary, Bial Missions in minute a record thung. Field thar hawnna leh hlannaah hian Bro.H. Lalruatkima Treasurer Bial Missions leh Rbt. C.Lalnithanga,Bial SS Secretary te pawh an tel bawk a ni. New Laty hmunah hian Kohhran chhungkua 1 (5 members) in kum 13 chhung teh meuh thuthlungah rinawm takin an lo awm tawh a,an tawngtainate Lalpan District Missions Department kaltlangin a chhan avangin an lawmin an phur hle a ni. New Laty a Pathian ram a lo zauh zel thei nan Kohhranho te tawngtaina a hre reng turin min ngen a ni.
———-
DISTRICT LAD BOARD LEH OB MEETING NEIH A NI:
Ni 20.5.2022 (Zirtawpni) khan District Committee Room ah District LAD Board Committee neih a ni. He Board hi Sist.Ngilneii B/W President in a kaihruai a, board member te an kal thain District Official te pawn an tel pui bawk. Rorelte :
1. General Mission field a Biak In sak dan tur chungchang : District Missions Dept. in General Missions field a Biak In sak tur General aṭanga tuk awm chu tih hlawhtlin ngei tha in a hria a. Hetihlai hian tun dinhmunah District Missions Dept. hnuaiah thawktu engemaw zat an awm avang leh hna tam tak thawh mek an neih avangin District LAD te phungbawm puiah min ngen a. He an ngenna hi pawmpui nise tih chu lawm taka rem tih tlan a ni.
2. LAD Conference hmun rotation chungchang:
District Conference neihna hmun tur rotation siam sa a tawp tawh avangin a thar siam ṭha tih ani a. OB ten lo thlir ho in lo siam mai se tih chu remtih tlan ani.
3. Home Missionary Evan.T.Lalhmingthanga hnen aṭanga dilna:
Kan Tirhkoh Evan. T.Lalhmingthanga’n Tialdawnglung a Tirhkoh quarter a hman atan Inverter lei a rawn dil a. Ngun taka ngaihtuah ho anih hnu in a rawn dil ang ngei hian lei sak remtih tlan ani. Inverter leina atan hian 15000 pek nise tih remtih tlan ani bawk.
———-
DISTRICT OB MEETING ROREL:
1. District huap nikhat hnatlan hun tur chungchang: District huap nikhat vantlang tan a hnatlan Ni atan November Ni 12 chu ṭha tih tlan a ni a. Hei Local tina neih tur a ni.
2. Seminar paper buatsaihtu tur ruat chungchang:
Heng unaute hi Seminar Paper heng thupuiah te hian min buatsaih sak tura tlawmngai tura ngen nise kan ti.
1.Rev Dr.C Sihmo Thuthlung
2. Sist.H.Zoramthangi B/W Chhungkaw Maicham
3. Sist. Ngilneii B/W pre Lad
Thianghlimna
———-
SIAHA BIAL BOARD THUKHAWM:
Ni 21.5.2022 (Inrinni) khan Siaha Bial Kohhranpui Board chu Pastor Quarters, Siahatla ah an thukhawm. Thu pawimawh tak tak rel niin Board member te an chhuak tha hle.. Rorel pawimawh zualte :
1. Siaha Bial atangin Ni 14.5.2022 ah Bial thar Siaha West Bial a lo pian tak avangin Kum 2022 Bial Kohhranpui leh Department hrang hrang budget ennawn a ni a, siamthat ngaite siamthat anih hnuah ahnuai a mi ang hian lungrual taka pawm tlan a ni.
1. Bial Kohhranpui – ₹ 166500
2. Bial Missions Department – ₹ 22000
3. Bial Sunday School Dept – 25000
4. Bial LAD – ₹ 242100
5. Bial PYD – ₹ 86000
Grand Total – ₹ 541600
2. Bial Conference rorel angin Ni 4.6.2022 (Inrinni) khian Siahatla Local ah Rawngbawltu chin Seminar neih tura tih a ni a, Seminar ah hian Kohhran serh leh sang tih leh Dan leh hrai tihte zirho a ni ang.
He Seminar ah hian Resource person atan Rev Joseph L. Thlauhthang, District Superintendent leh Rev WL. Thanghre, District Secretary te beisei an ni.
3. Bial Conference in Rawngbawltu chin ten Ramthim pual chawnghei tawngtai neih nise tia a lo rel tawh angin Ni 5.6.2022 (Pathiannni) khian Local hrang hrangah chawnghei tawngtai neih tur a tih a ni a, chaw ei ai thawhlawm ken khawm nise, thawhlawm tlingkhawmte hi Local Missions Department chan tura tih a ni.
Heng bakah hian thu pawimawh tak takte rel a ni a, Bialtu Pastor te chhungkuain Board member te puala zanriah an buatsaih chu lawm takin an kilho nghal a ni.
———-
DISTRICT PYD CONFERENCE INBUATSAIH NAN HNATLANG THAWK:
Nakum 2023 District PYD Conference thlengtu tur Sangau Bial PYD te chuan Conference inbuatsaih nan Terrace laih hnatlang an thawk.
He hnatlang ah hian Member 60 vel thawk chhuakin Pastor V.Lalhlimpuia Bialtu Pastor, Evan.Jona Lalhruaitluanga Home Missionary Pangkhua Field leh Chairman,Pangkhua Local ten an tawiawm a, PYD te an lawm hle.
———-
CHARGE HLANNA NEI :
Bial hawn thar Siaha West Bial hruaitute leh Department hruaitute chuan Ni 20.5.2022 (2:30 Pm) khan Meisatla Biak In ah Pastor C.Lalchhuanthanga Bialtu Pastor hnen atangin charge an la.
SIAHA WEST BIAL HRUAITU THAR TE (2022-2024):
KOHHRANPUI
Secretary – Upa R. Laltanpuia,Dist Hqrs
Treasurer – Upa F. Lalrothuama,Meisatla
MISSIONS DEPARTMENT
Director – Upa R. Lalkunga, Council Vaih
Secretary – Evan. T. Vanlaltana,Dist Hqrs
Treasurer – Rbt. Siherliana Vanphawng,Council Vaih
SUNDAY SCHOOL DEPARTMENT
Director – Rev. Thanchunga Sailo, Dist Hqrs.
Secretary – Rbt. C. Lalruatkima,Council Vaih
Treasurer. – Upa V. Lalninghaka,Meisatla
LAD
President – Vanlalthangi B/W Council Vaih
Secretary – Sis. C. Hmangaihsangi,Dist Hqrs
Treasurer – Sis. HC. Mara Deiva,Council Vaih
PYD
President – Upa B. Laldopuia,Dist Hqrs
Secretary – Rbt. S Vanlalvena, Dist Hqrs
Treasurer – Sis. H. Lalhlunsangi,Dist Hqrs
PCD
President – Bro. K. Lalchhuankima,Council Vaih
Secretary. – Sis. Helen Lalkrosparmawii,Dist Hqrs
Treasurer. – Sis. Omega C. Lalnunthari,Meisatla
———-
DISTRICT PYD EDUCATION BOARD NEIH A NI.
Dt. 23.5.2022(Thawhṭan Zan) khan Chhimtuipui District PYD Education OB Board chu Sangau Bial Pastor Quarters ah Pastor V. Lalhlimpuia adviser na hnuaiah neih niin thu passed te :
1.District PYD Dan Bu in min phalsak angin a hnuaia mite hi Member atan ruat anni.
(I). Rbt. K. Biaksungpari, B/ W, Sangau – II
(II).Rbt. Zoramthara, Sangau – II
2. Member ruat belh te nen June thla chhungin Board neih leh tura ruahman a ni.
———-
MOTOR THAR HLANNA LEH LAWMTHU SAWINA NEIH A NI:
Ni 24.5.2022 khan Chhimtuipui District Motor thar, Bolero BS 6 TOP CLASS chu Office staff te, Sr.Pastor (Pensioners) te leh District Sunday School Director ten Pathian hnenah hlanna leh lawmthu sawina an nei.
———-
GOLDEN JUBILEE BUILDING SAK CHHUNZAWM A NI:
Chhimtuipui District Golden Jubilee Building 120×45 a lian, chhawng li na tur chu sak chhunzawm leh mek a ni. A hnuai lam hi luah vek tawh niin he building hi chhawng 7/8 tur a ruahman mek a ni a. 2025 a District Golden Jubilee hma a zawh vek tum a ni.
———-
BUALPUI NG BIAL BOARD COMMITTEE NEI:
Ni 22.5.2022 khan Bualpui Ng Bial Board chu Archhuang Local ah neih a ni. He Bial board hi Bialtu Pastor thar Pastor MH Robin Lalthanmawian a kaihruai a. Board member te pawh an kal tha hle. Rorel tlangpui :
1. Pastor Quarters hnuai sak chhunzawm nise.
2. Bial chung a Condolence fund hi Bial chhung a Upa leh rawngbawltu ten la pek chhunzawm zel nise.
3. Tialdawnglung Home Missions Field Quarters ah carpet Bial Missions in hma an lak mek chu pawmpui a ni.
———-
———-
LAWNGTLAI WEST DISTRICT
Hruaitute Programme:
District Superintendent, Rev.F.Lalbiakthuama chuan May 29 Pathianni hian Khawmawi leh Ngengpuikai ah Financial Campaign leh Missionary Support neiin rawngbawlna a nei ang.
District Treasurer, Pastor S.Vanlallunghnema chuan May 29 Pathianni hian bial PYD ten Thingkah Preaching Station an tlawh ah a telpui ang.
———-
LAWNGTLAI WEST DISTRICT DAY:
May ni 19 2022 Ningani khan Lawngtali West District chuan District din champha vawithumna chu ruai nen ropui taka lawm a ni.
Day lawmna ah hian Lunglei Dist. leh Chhimtuipui District atangin District hruaitu ten an telpui bakah, General Headquarters atangin General Treasurer Rev.Lalmalsawma Sailo chuan telpuiin Day thuchah sawina a nei bawk.
Lawngtlai West District hi May ni 19 2019 khan Chhimtuipui District atanga in dang in, Tun dinhmunah Lawngtlai West District-hi Pastor Bial ruk (6) a then niin, Misions field hi pasarih(7) a awm mek a ni.
———-
BIAL INTLAWHTAWN:
Lawngtlai West District Mission Department in bial tin in tlawhtawn nise ti a a lo rel tawh bawhzuiin Lawngtlai North Section Mission Department-te chuan May ni 21-22 hmang khan Diltlang Local Church an tlawh a, Lawngtlai North Section Mission Department-te hian Ngengpuikai Missionary Evan VL.Peka chu a quarter a an tlawh nghal bawk.
———-
MITHAR LAWMLUHNA NEI:
May ni 23.2022 Thawhtan Zan khan Evan Laineihtluanga leh kohhranhote rawngbawlna kal tlangin, Tuidangchhuah Local-ah chhungkaw khat(1) member Pali(4) awmna chu Pastor K Lalzawmsanga Bungtlang bialtu Pastorin lawm lutin,nausen pahnih(2) hlanna a nei nghal bawk a ni.
———-
———-
LUNGLEI DISTRICT
CRUSADE :
May ni 26-29 chhung hian Thingfal Local-te chuan Crusade an buatsaih dawn a, Speaker atan Rev.C.Lalrintluanga, Secretary, UPC Lunglei District chu hman a ni ang.
———-
BIAK IN HAWNG DAWN:
May ni 29 Pathianni hian Assam Missions Field-a Pukpui bial Missions Department-in biak in an sak Upper Malangaon biak in chu Rev.R.Vanlalenga, Director, Missions Department, Lunglei District chuan a hawng ang.
Rev.R.Vanlalenga, Director, Missions Department, Lunglei District vek hian June ni 2 Ningani hian North Bengal & Sikkim Missions Field-a Jaigaon biak in Missions Department Lunglei District-in a sak chu a hawng bawk ang.
———-
HEADQUARTERS BIAL PYD TEN THISEN AN PE:
May ni 20 zirtawpni khan Lunglei District PYD (NEI) Conference in Blood Donation neih nise tia a lo rel bawhzui nan Headquarters bial PYD-te chuan thisen Unit 41 Lunglei Civil Hospital tan an pe.
Headquarters bial PYD (NEI) te hian thisen an pek hma hian hunserh tawi an hmang hmasa a, he hun hi bial PYD President Rbt. R. Lalsanglura’n a kaihruai a, Headquarters bialtu Pastor Rev.C.Hmingthanfala chuan hunserh a hmang.
Headquarters bial PYD (NEI) te hian Thisen hi Civil Hospital ah kal chilhin an pe a, thisen Unit 41 petu te hi mipa 32 leh Hmeichhia 9 an ni.
Lunglei District PYD (NEI) Conference rorel bawhzui hian bial paruk ten thisen hi an pe ta a, an thisen pek tlingkhawm hi Unit 230 a tling tawh a, bial 14 ten thisen hi a remchan dan angin an la pe dawn a ni.
———-
CRUSADE, CHAWIMAWINA LEH SEMINAR NEI.
May ni 17 – 21 chhung khan Lungsen Hmar Veng Local te chuan Bialtu Pastor, Pastor PC Zion Rammawia Speaker a hmangin Revival Crusade an nei a, May ni 21 (Inrinni) khan Bro Zosangliana te chuan Pathian chawimawi nan an vawk thawhin Pathian chawimawina neih a ni a, hlim taka hun hman a ni.
May ni 22 (Pathianni) khan Thianghlimna Seminar Bial huap in neih nghal a ni a, Resource Person ah District Superintendent Rev C.Vanlalena leh Bro.Samson P.Vanlalfela te hman an ni. Seminar chhung Inrinni zan atanga Pathianni zan thleng hian Rev.C.Vanlalena chu Speaker ah hman nghal a ni.
———-
———-
NORTH MIZORAM DISTRICT
HRUAITUTE PROGRAMME
Superintendent:
May ni 19 khan District Supdt. Rev. Chhiarpuia chuan Calvary Bible College (CBC) Graduation Day hman puiin Shillong-ah a zin a, he mi rual hian NMD in rawngbawl tura an tirh Evan. PC Lallianmawia Khlehriat (Meghalaya)-a awm leh Evan. H. Lalnunmawia Silchar-a awm te tlawh nghalin, an rawngbawl dan leh hmalak dan a hmuna a en pui a, hmalak zel dan tur an sawi ho bawk.
District Treasurer:
NMD Treasurer Rev. C. Lalthantluanga chuan Tlangnuam Bial chhung Saikhamakawn kohhran-a Pathian chawimawina awmah May ni 21 Inrinni khan rawngbawlna neiin; Pathianni-ah Speaker-a tangin rawngbawlna a chhun zawm. He rawngbawlna kaltlang hian Thlarau Thianghlim dawng thar pawh mi thahnem tak awmin Pathiana Damna chang an awm mai piah lamah, Pathian Chawimawina May ni 23 Thawhtanni thleng khan an nei bawk.
———-
THIANGHLIMNA CAMPAIGN NEIH A NI:
NMD Thianghlimna Committee in ruahmanna a siam May ni 22 Pathianni khan Sist K. Lalhmachhuani, B/W, District LAD President chuan Zawlnuam Bial, Zawlnuam Kohhranah Thianghlimna campaign a nei. Campaigner hian Inrin zan aṭangin chawlhni zan thlengin hun a hmang a, a thusawi a ṭhain Kohhrante pawhin an hlawkpui hle. May ni 29 Pathianni hian Damparengpui Bial chhunga kohhran hrang hrangah District Missions Director Rev. C. Lalramthanga leh a rawngbawlpuite’n Thianghlimna Campaign hi an nei bawk ang. (Thianghlimna Campaign)
———-
MARANATHA REVIVAL TEAM RAWNGBAWLNA:
Maranatha Revival Team Speaker Isak Lalhmingliana leh a thawhpui te chuan May ni 14 leh 15 hmang khan Diakkawn bial L.A.D buatsaihin Seminar cum Revival hmangin Vengthar biak Inah rawngbawlna an nei.
May Ni 16 atanga ni 22 hmang vêkin Diakkawn bial headquarter local ah Revival crusade an nei leh a. an rawngbawlna Pathian thlarau thianghlimin a awmpui a, Crusade chhung hian mi paruk (6) in sual ngaihdamna baptisma an chang bawk.
———-
GEN MISSION FIELD AH FEHCHHUAKIN BEDGURI BIAK IN HAWNG:
May ni 22 Pathianni khan North Bengal & Sikkim Mission Field chhunga Kumarpara Section-a Bedguri Biak in, Dinthar Bial Mission Dept tena Rs. 200000 (Nuaihnih) senga an sak chu Rev. C. Lalramthanga, NMD Missions Director chuan Lalpa Isua hmingin a hawng.
Biak in hawn inkhawm hi Field Director Pastor FK Lalchawiliana’n kaihruaiin; Rev. C. Lalramthanga hian Bible Exodus 25: 8 ‘Hmun Thianghlim mi siamsak rawh se, an zinga ka chen ve theih nan…’ tih thu chhiarin Bedguri Biak in chu Lalpa kohhranhote’n Maicham an buatsaihna turin Lalpa Isua hmingin a hawng ta a ni.
Inkhawm hi North Bengal Sikkim Mission Field Director Pastor FK Lalchawiliana’n a kaihruai a, Pastor Phulchand Xalxo chuan Mikhual lawman thu a sawi a, Pathian thuchah ngaihthlak hmain Thusawi tawi heng Evan. MS Dawngliana, NMD Missions Treasurer, Evan. H. Chhuana Vairengte Bial Secy., T.Upa Lalchhawnkima Dinthar Bial Missions Secy, Bro. Lalsawmzuala, Dinthar ten thutawi tha tak tak an sawi a ni. Thusawi karah hian Local hrang hrang atanga lo kal thalaite’n lam mawi tak an entir reng a, Fak hla sak hi Bro George leh a thian Musician thiam tak tak ten chhepchher chikim nen nung takin an kaihruai a, chhimtu mipuite leh rawngbawltute hlim takin lamtualah Lalpa fakin an lam bawk.
Rev. C. Lalramthanga’n Pathian thuchah sawiin Kohhranhote an chezia leh hmelhmang thlir nuam a tihzia te, Lalpan Bedguri-ah a ram a zauh zel avanga a lawm thu te sawiin; Lalpa thuthlung chu Lalpa kan hmuah thlenna tur a nih avangin, kohhranhote rinawm taka awm turin a fuih a, Bedguri Biak in sakna tura sumpai thawhtu Dinthar Bialte chungah lawmthu a sawi bawk.
Bedguri kohhran hi Rev. Lalmuanpuia hun lai, Kum 2019 kumtawp lama NMD Bial Director rual ten an tlawh tuma members 40 khatih hun laia Rev. C. Lalthantluanga NMD Dist Director-in a lawmluha bul intan niin; Hemi tum hian an Biak in sakna tur Dinthar Bial Missions Dept in an tum tur thu Upa C. Lalrinmawia (Khatih hun laia Dinthar Bial Missions Director) in a sawi bawhzuina kal zel a ni.
Bedguri Biak in hi a vang 15ft leh a dung 30ft niin; Lalpa Isua hmingin vawiin khan ropui taka hawn a ni ta a ni.
Biak in hawnga tura Mizoram atanga kal zawng zawng te, North Bengal Sikkim Missions Field leh Bedguri Kohhran ten thilpek hlu tak an pe a, a dawngtute pawh an lawm hle.
Inkhawm banah mithar 18 laiin NMD Missions Director Rev. C. Lalramthanga kutah sual ngaihdamna Baptisma an chang bawk.
Biak in hawng hun hi kohhrante’n an nghakhlelin an inbuatsaihna pawh a tha hle a, Biak in pawnah Function hmanna tura pandal zarin Stage dawhsan an siam bawk a, Biak in thar lawmnan hian Sist. Julie (Elder Sunila fanu) in ama puala a vawk vulh a thawh a, kohhranhote’n tlai leh puar takin ruai an theh a ni.
Bedguri Biak in tan hian heng mite hian thilpek hlu tak tak an pe:-
1. NMD Missions Dept in Biak in thar lawm nan Rs. 2000
2. Dinthar Bial Kohhranpui ten Baptisma khur leh Pulpit atan Rs. 20000
3. Rev. C. Lalramthanga, NMD Director in Biak in Electric Connection atan Rs. 3000
4. Upa Duata of Ramhlun Rs. 2000
5. Bro. Lalsawmzuala of Dinthar in Biak in Carpet atan Rs. 5000
6. Bro. Zarzokima Sailo Carpet atan Rs. 5000
7. Tuikual Local Missions Dept. Ceiling fan tur Rs. 8400
Bedguri Biak in hawn programme hi Crusade nena kalkawp tirin May ni 21 inrinni zan atangin Pastor Lianlalzawma Gangte, Kitam Sikkim section Pastor speaker-a hmangin hlim takin hun an hmang a, Kohhranhote’n an hlawkpui hle. zanin May ni 22 Pathianni zan hian he rawngbawlna hi a tawp ang.
———-
Bawngkawn Kohhran NMD ah Chawimawi na:
North Mizoram District Bawngkawn Kohhran ah April ni 17 2022 Easter Sunday a tang khan Pathian Chawimawi na la kal tluang zel in May 29 Pathianni ah hian A vawi Sarih na tur in Sis, Lalfamkimi W/o Upa R.Lalhmangaihzuala (L) te chhungkua in Pathian Chawimawi na Kohhran ah an pe ve leh a ni.
Bawngkawn Kohhran hian North Mizoram District Tirhkoh Ramtlan Evan C. Lalruatsanga leh a Team te ruai in rawngbawlna an nei mek a ni. Speaker rawngbawl na Lalpan Hriak thih in Mal a sawm a Kohhran ho te an hlim em em a, Chaltlang Bialtu Pastor, Rev P Vanlalfela’n Inkhawm kaihruaiin rawngbawlna a ho ṭhin a ni.
He rawngbawlna kaltlang hian Sual ngaihdamna Baptisma chang thar Mi 21 awm tawhin Thlarau Baptisma dawng thar Mi 22 an awm tawh a, Mithar 24 Kohhran ah seng luh an ni tawh bawk.
———-
NMD IN BIAL THAR A HAWN, KOLASIB RENGTEKAWN BIAL PYD TEN SEMINAR NEI:
Kol. Rengtekawn Bial P.Y.D Conference rorel bawhzuiin, May ni 21 Inrinni khan Kolasib Rengtekawn bial P.Y.D O.B leh Local P.Y.D O.B chin tan seminar buatsaih a ni a, Resource person atan Rev.C.Lalthlengliana, Bialtu Pastor hman a ni. Seminar thupui ah ‘Administration’ (P.Y.D) leh ‘Leadership’ tih hman a ni a, P.Y.D dinna local aṭangin O.B te an kal khawm tha hle.
Hetih rual hian Kolasib Rengtekawn bial chhunga P.Y.D te hian, P.Y.D la dinlohna local ah din tura hmalak an tum mek bawk a ni. Kolasib Rengtekawn bial P.Y.D te hian, Kumin 2022 chhung hian Missionary -1 chawm nise an ti bawk Bial P.Y.D huapa Zaipawl din tura hmalak nise an ti a, chak takin hmalakna kalpui tum a ni bawk a ni.
———-
CHALTLANG BIAL TEN GOLDEN JUBILEE LAWM DAWN:
Chaltlang Bial te chuan Bial din atanga kum 50 an tlinna Golden Jubilee June ni 5 atanga June ni 11 chhung hian an lawm dawn. Jubilee lawmna turah hian Chaltlang Bial kohhran member zawng zawng te bakah Bial dang leh khaw danga lo pem tawh zawng zawng te an insawm kim hle.
MITHAR NEI: May ni 22 Pathianni Chawhnu Inkhawm ban khan Bairabi Bethel Kohhranah Bialtu Pastor Rev C Lalhmunliana chuan Baptisma rawngbawlna neiin; Mithar pahnihin Lalpa Isua hmingin sual ngaihdamna Baptisma an chang a ni.
———-
CRUSADE LEH CHAWIMAWINA HMAN A NI:
Mamit Headquarters te chuan May ni 18 Nilaini atang khan Crusade neiin, Speaker atan Evan T. Vanlalruata (Apostolic Revival Team) an hmang a. May ni 21 Inrinni khan Sist. C. Thansangi te chhungkua chuan Pathian hnenah lawmthu sawi Chawimawina an nei a, May ni 22 Pathianni khan Bialtu Pastor, Pastor Vanlalruata te chhungkuain Pathian hnena lawmthu sawi Chawimawina an nei bawk. (Apostolic Revival Team)
———-
BAWNGKAWN RAWNGBAWLNAAH MITHAR:
Pathianni kal ta May ni 22 khan Evan. C. Lalruatsanga leh a thawhpui ten Chaltlang Bial, Bawngkawn Kohhrana rawngbawlna an neih mekah Pathian Chawimawina a tum-6na neih a ni. Pathian chawimawina hi T.Upa Rochhari te chhungkua ina an pek niin, he mi ni hian inkhawm hruaitu leh Chaltlang BIal vawng mektu Rev. P. Vanlalfelan member thar pawl dang atangin 3 Lal Isua hmingin a lawmlut a ni.
Evan C. Lalruatsanga leh a thawhpuite rawngbawlna kaltlang hian Pathianin hna nasa takin a thawk mek zel a, he hmunah hian ram a inhawngin Lalpa koh nia hriat te chu rawngbawltute hian len chilhin hmangaihna nen Pathian thuthlung hrilhin Lalpa ram tihzauh zel a ni.
Pathian chawimawi inkhawmneih zawh hian Evan C. Lalruatsanga kutah mi 10 in Sual ngaihdamna Baptisma an chang bawk.
———-
KANANTHAR MISSIONS FIELD-AH MI THAR LAWMLUT:
May ni 22 Pathianni khan Kananthar Home Mission Field, Bairabi bialah missionary Sis. F. Lalsiamliani B/W- chuan Mithar chhungkaw khat member 2 awmna a lawmlut.
———-
CAMPING CENTRE AH HNATLANG:
Inrinni kal ta May 21 khan Chawlhhmun local Missions department te chuan NMD in Camping Centre a neihah ei siamna pindan hnatlangin tihchangtlun hna an thawk a, Bialtu Pastor Rev. Lalramthanga Kawlni hovin mi engemaw zat an thawk chhuak a, Speaker room chung chih that ngai an chih tha nghalin, bungbel dahna tur chhuar an siam bawk a, an hnathawha District hruaitute an lawm hle a ni.
———-
———-
AIZAWL EAST DISTRICT
District PYD OB te fehchhuak:
Aizawl East District PYD OB ten Bial fan programme an hman mek chu chhunzawmin May.23, Thawhtan zan khan Thuampui Bial tlawhin Thuampui Biak Inah hun hlimawm tak an hmang.
He hun hi Bro.Vanlalhruaia, Bial PYD President chuan kaihruaiin Thuampui Bial PYD Secretary Bro.Zosangliana leh District PYD Secretary, Evan Dr.R.Vanlalpeka te chuan report an pe a, inhmelhriattirna an nei nghal bawk a ni. District PYD OB ten Thuampui Bial an tlawhnaah hian mal zai bakah Thuampui Bial Zaipawl leh Pentecostal Choir ten fak hla an sa a, District PYD Treasurer, Evan K.Lalbiaknunga chuan thusawina a nei thung a ni.
Aizawl East District PYD OB te Bial fan programme an hman chu chhunzawm mek zelin Mualpui bial, Upper Republic bial, Zemabawk leh Zemabawk North Bial bakah Khawhai bial leh Hnahlan Bial te tlawh tawhin June 6 hian Bethlehem Bial tlawhin hun an hmang leh dawn a ni.
———-
District LAD Executive Board neih a ni
May ni 25 Nilaini khan Aizawl East District LAD Board chu District Superintendent Office ah neih a ni a, District LAD hmlakna kal mek leh hmalak zel dan tur ngaihtuah a ni. Thurel tlangpui te
1. Susane Down Baording School Kolasib tan Plastic tuizem Litre 5000 dawng leisak nise, May ni 26.2022 (Ninga ni) ah hlanna neih si tih a ni.
2. Darchawi Biak In sak tanpuina pek nise tih niin, June 12 2022 hmang hian a hmunah hlan tur a tih a ni.
3.September ni 18.2022 (Pathianni) tlaiah District huapin chawnghei tawngtai neih tur aruahman a ni a, Thupui turin hengte hi thlan a ni.
a) Thuthlung a harhtharna kan neih nan.
b) Thianghlimna kawngah hmasawnna kan neih theih nan
c) HIV/AIDS vei te tan
———-
Bial S.S Seminar:
May 22, Pathianni Chawhnu khan Ramhlun Vengthar Biakin Bawngkawn Bial S.S Department buatsaihin Bial huapin S.S Zirtirtu training neih a ni.
He hun hi Evan K.Vanramngaia, Bial Director chuan kaihruaiin Rev.Vanlalfela Ramtiam, Bialtu Pastor chuan hunserh a hmang a, resource person atan Sis.Prof.Lalhmasai B/W, Upper Republic chu hman niin resource person hnen atang hian Department mila Zirtirna pek dan tha tih chu ngaihthlak a ni a, sawihona hun tha tak neih a ni bawk. He hunah hian Bial chhung atangin Puitling leh Naupang S.S Zirtirtu enge mawzat kalin hlawkthlak an ti hle a ni.
———-
Mithar:
May 22, Pathianni khan Zemabawk Bial, Zemabawk East-ah Evan H Malsawmthanga rawngbawlna atangin member thar 8 Kohhranah sengluh an ni.
Zembawk N Bial, Bethel Kohhranah pawh member thar 8 chu Bialtu Rev Rosanga Kawlni Kohhranah sengluhna a nei.
Champhai Bethel Bial,Melbuk Kohhranah member thar 2 sengluh an ni bawk.
Sakawrdai Bial, Lungsum Kohhranah pawh member thar 2 chu Evan K Vanlaldika rawngbawlna atangin sengluh an ni bawk.
May 22, Pathianni khan Aizawl East District chhungah Member 20 sengluh an ni.
———-
Revival Crusade:
Kahrawt Bialin Kahrawt kohhran a Bial Revival leh Crusade an buatsaih chu Pathian awmpuina hnuaiah hlim taka hman a ni.
He Revival Crusade hi May ni 13 Zirtawp zan atang khan hman tan a ni a, Pathian Thlarau thianghlim awmpuina nasa tak Kohhran ten changin Pathian Chawimawina pawh tum 3 lai neih a ni tawh bawk. Speaker-ah Rev VL Hnemtluanga leh Evan H.Lalhlimpuiate hman an ni a, an rawngbawlna kaltlang hian mi enge maw zat in Sual ngaihdamna Baptisma Lalpa Isua hmingin an chang a ni.
Facebook