UPCNEINEWSSERIVCE MAY 19-26.2019
District thar hawn a ni :
North East India UPC Kohhran rorelna sang ber, General Conference rorelna in a lo pass tawh angin United Pentecostal Church of North East India District 12 na ni turin Lawngtlai West District thar hawn a ni ta.
District thar hi a hmingah Lawngtlai West tih niin Executive Board chuan District thar hruaitu tur atan a ruat a :
District Superintendent-ah : Rev. R. Ramthatzawla
District Secretary/Treasurer-ah : Pastor Lalsawmliana Sailo
District hawn programme hi May ni 18, Inrinni zan atanga tan a ni a, tan zan hian General Treasurer Rev. Zohmingthanzama’n Pathian thuchah a sawi.
May ni 19, Pathianni khan General Superintenden Rev. Lalmalsawma Sailo chuan District thar hi hawngin Pathian hnenah hlanna a nei a, Pathian thuchah sawi nghalin General Department aiawh leh Chhimtuipui District Official pathum, District hrang hrang aiawh leh District thar Superintendent Rev. Ramthatzawla ten thutawi an sawi bawk. Tlai lamah District thar lawmna ruai buatsaih a ni a; District thar lawmnan hian Sial pakhat, Vawk, Beram, kel, zo ar leh Broiler thahnem tak talhin hlim takin lawmna ruai an kil ho a ni.
District hawn programme tawp zan, Pathianni zan hian General Secreary Rev. R. Lalrinsanga’n Pathian thuchah a sawi a ni.
Lawngtlai West Dist. Headquarters a tan hian Lawngtlai-1 Kohhran Compound chu hmang rihin; Dist. Hqrs. hmun nghet tur chu General Hruaitute leh Lawngtlai West District Board in a la ngaihtuah dawn a ni. District chhungah hian Pastor Bial 5 awm in, Members 3324 chuang an awm mek.
District ramri :
Hmar lamah – Lunglei District nen in riin; Chhim/chhim chhak lamah – Chhimtuipui river kolodyne hi ri niin, he mi thlang lam/tuipui thlang zawng chu a area a ni ang.
District thar tan hian UPC NEI hnuaia District hrang hrangte, Gen. Dept. OB te leh Gen. Headquartes Office a tangte in lawmpuina Rs. 3,00,000/- (Nuaih thum) hlan an ni.
May ni 20, Thawhtanni khan Lawngtlai West District Board vawi khatna Chandmary Kohhran Biak inah neih a ni a, General Hruaituten an telpui.
Department hrang hrang hruaitu atan heng mite hi an ruat.
Missions Department :
Director : Rev.F.Lalbiakthuama (full time)
Secretary : Evan V.Biakkunga.
Treasurer : Dist.Secretary Lti West.
Sunday School Department
Director : Rev.TV Mawngchina
Secrectary : Evan.K Thangchunga
Treasurer : Dist.Secretary Lti.West
PYD
President : Pastor S Vanlallunghnema.
V.President : Upa B.Sangtlunga.
Secretary : Evan R VL Chhuana.
Asst.secy : T.Upa H.Lalhmachhuana.
Treasurer : Evan .Henry H.Ramthianghlima.
LAD
President : Sis. J.Lalnuntluangi B/W
Secretary : Sis. Thangchungnungi.B/W
Treasurer : Sis. Lalrindiki
Pastor atan Evan K Lalzawmsanga Chawngte C. leh Evan B.Lalbiakchhunga te an la thar bawk.
—–
General Hruaitute Programme :
General Missions Director Rev. R. Lalhawia chuan May ni 26, Pathianni hian Armed Veng Kohhranah hun hmangin rawngbawlna a nei ang.
General Hruaitu dang Suptd Rev. Lalmalsawma Sailo, General Secy Rev. R. Lalrinsanga, General Trea Rev. Zohmingthanzama leh General Sunday School Director Rev. R. Laichhingpuia te chuan mahni lawina Kohhranah hun an hmang dawn a ni.
—–
Literature and Publication Board :
May ni 23, Ninga nih khan General Hqrs Office, Mualpui Salem Veng Aizawlah Literature and Publication Board meeting neih a ni.
Meeting hi Chairman Rev. R. Lalrinsanga’n a kaihruai a, ziaka rawngbawl chungchanga hmalakna tur ruahmanna hrang hrang bawhzuiin kum 2019 Beihrual thuzir tur thlir hona an nei bawk.
—–
Kohima Silver Jubilee lawmna :
May ni 11 & 12 hmang khan Nagaland khawpui Kohima UPC Silver Jubilee chu hlim leh hlawhtling taka hman a ni.
Kohimaah hian UPC kohhran din a nih theih nan Generalhruaitute leh mi hrang hrangten beihpui an lo thlak tawh thin a. Kum 1993 – 1994 vel khan Dimapur Mission Field Director Evan Hmingchungnunga chuan chhut zui tul nia hriain Aizawl lama rawngbawltu Bro Sawivela te, Sist Hrangkhumi (Khumtei) leh Bro Lalmaksawma Sailo (tuna Gen Supdt ni ta) te punin Kohima ah hian rawngbawlna an nei a. An rawngbawlna Pathianin malsawmin kohhran chu din theih a lo ni ta a. Ni 30.4.1994 khan Rev Ellic Hnehzova, Gen Missions Director chuan Kohima UPC chu formed in din a lo ni ta a ni.
Jubilee lawmna Programme pui May ni 11 khan tan niin Jubilee Plague hawnna hunin bul tan a ni a, S.E Nagaland District Suptd Rev Pantsa Leyri, chuan Pathian hnenah hlanin a hawng a ni.
Biak in chhungah Programme hman chhunzawmin Rev James Lawrence, Dimapur Missions Field Director in lawmna chibai bukna hun hmangin, former Dimapur/Kohima Field Director Evan Hmingchungnunga chuan thu sawiin; bul an lo tan dan chanchin ropui leh mak tak tak a sawi chuan lawm a hlawh hle a. Bro A Mhonchan Ovung, chutih laia Deputy Director Rural Dev Deptt in a necktie leh a suit ha chunga baptisma a chan dan chanchin leh report ngaihnawm tak tak apek chuan Kohhran hote thinlung a hneh hle.
May ni 12, Pathianni ah Bro E Picho Ngullie, Jubilee Treasurer chuan Jubilee chibai bukna thu sawiin S.E Nagaland Dist Suptd Rev Pantsa Leyri hnen atangin Pathian thuchah ngaihthlak a ni.
Chawhnu dar 3 ah inkhawm tan leh a ni a. Jubilee Souvenir changkang tak release na te, hruaitu hmasa chawimawina thilpek hlanna te neih a ni a. ReV Lalsiamlien Joute, Dimapur Field Directorin Jubilee chibai bukna thu a sawi bawk. Speaker Rev Chhiso Thupitor, Dist Secy, SEND chuan Pathian thuchah a sawi. A thusawi lai hian Thlarau Thianghlim hnathawh lo thlengin Taksa damna chang leh thlarau baptisma chang eng emaw zat an awm a ni.
Jubilee lawmna Prog hman chhungin Sist Emelie Shillong, Bro Omega leh Sist Abigail Thupitor te bakah Kohima PYD Choir ten zaia rawngbawlna an nei thin a.
Jubilee ruai vawi thum theh a ni bawk.
—-
Pastor nupuite pual seminar :
May 22, nilaini khan Lunglei District UPC Conference Hall-ah Pastor nupuite pualin Seminar buatsaih a ni.
Seminar ah hian Pastor nupuite pawimawhna hrang hrang leh mawhphurhnate inzirtir a ni a, Resource Person atan Rev.R.Lalrosanga leh District PYD President Evan.V.Lalduhawma te hman an ni.
He Seminar-ah hian Lunglei District chhunga Pastor nupui an kalkim thei a ni. (Pic.Pastor nupui Seminar)
——
Seminar :
1. May 25 inrinni khan Lunglei District Headquarters bial chhunga PCD zirtirtute pualin District Conference Hall-ah Seminar neih a ni a, Resource Person atan District Superintendent Rev.C.Vanlalena chu hman a ni.
2. May 25 inrinni khan Tawipui bial kohhranpui leh Sunday School Dept.buatsaihin Thualthu Local-ah Seminar buatsaih a ni a, Resource Persion-ah Rev.C. Lalrintluanga District Treasurer leh District Sunday School Director, Evan.F.Lalhmangaiha te an ruai.
3. May 26 pathianni hian Sekhum Local rawngbawltu leh an nupuite bakah Department hruaitute pualin Seminar neih a ni dawn a, Resource Person a tan Rev. R.Lalrosanga hman a ni ang.
4. May 19 pathianni khan District PYD hmalaknain Tlabungah ‘Leadership leh dan thianghlima nupui/pasal neih inzirtirna’ tih thupuia hmangin Seminar buatsaih a ni a, Resource person atan District PYD Fin.Secretary Rbt.H. Lalhmingmawia hman a ni.
—-
Financial Campaign :
1. May 19 pathianni hmang khan Lungsen bial Missions Department hruaitute chuan Rangte N leh S-ah Financial Campaign an nei a, Rangte S-ah rawngbawltu leh an nupuite pual Seminar buatsaih ni bawkin, bialtu Pastor, K.Vanlalhruaia chu Resource Person-ah an ruai.
2. May 18-19 chhung khan Lunglei District, Sertlangpui bial hmalaknain Dengsur Local-ah bial kohhranpui hruaitute’n financial campaign leh sum vawn dan dik inzirtirna an nei a, May 25-26 chhung hian Thuampui Local-ah financial campaign leh sumvawn dan inzirtirna hi an nei leh ang.
——
Mi thar seng :
May 19 pathianni khan Tleu Local-ah bialtu Pastor LH Lalchhandama leh Upa. Darthianga Sesawm Vengchhak Local-te chuan hun hmangin mithar 3 Kohhranah sengluh a ni.
May 24 zirtawpni khan Tleu Local-ah vek hian Lalramsanga chuan a fanu Zoramhmangaihzualin HSLC Exam ah hlawhtlinna a chan avangin Pathian hnena lawmthusawi chawimawina a buatsaih a, hlim takin hun an hmang.
——-
Bial Revival :
Lunglei District LAD Conference-in a lo rel angin bial 4 infin revival chu neih chhoh mek a ni a, May 24 zirtawp zan atang khan Tlabung bial, Lungsen bial, Chawngte bial leh Theiriat bialte chuan Tlabung Local-ah he bial 4 infin revival hi hmangin May 26 pathianni zan thleng an hmang ang.
Tin, May 31-2 June chhung hian he bial li infin revival hi bial 8 ten hmun hnihah an neih chhunzawm leh ang a, Haulawng Lalveng Local-ah Haulawng bial, Chhipphir bial, Sertlangpui bial leh Pukpui bial ten an nei ang a, Hnahthial-ah Hnahthial bial, Luangmual bial, Tawipui bial leh Pangzawl bial ten he bial 4 infin revival hi an nei bawk ang.
Bial 4 infin revival-ah hial LAD members a tam thei ang ber kal turin bial 4 infin revival dawltu tur Local-te chuan an sawm a ni.
——-
District Missions Board :
May 22 nilaini khan Lunglei District Headquarters Local Sunday School Hall-ah Lunglei District Missions Board chu Director Rev.R.Vanlalenga kaihhruainain neih a ni a, General Missions Director Rev.R.Lalhawia’n Board hi a telpui. An rorel tlangpuite:
1.Home Missionary post pakhat a ruak avangin Home Missionary lak tha tih a ni a, Advertisement chhuaha lak a ni ang.
2. Home Missionary te Seminar/Retreat neih pui tha tih a ni.
3. Home missionary inkaihhruaina dan ennawn a ni.
4. 2019 District Conference Zotlang Local a awm tur thlirlawkna neih a ni a. General Mission Field atangin conference hmanpui tur chah nise tha tih a ni.
5. Putlungasih quarterah Syntex (1000 ltrs) pek tha tih a ni.
——–
Pentecostal Choir :
May 16 atanga 18 chhunga Scripture Union Camp-Mahabalipuram, Chennai hmuna India Unit buatsaiha Joshua Generation Youth Camp- 2019 hmanga Pentecostal Choir rawngbawlna nei te chuan dam takin May 23, Ningani khan Aizawl an thleng.
Joshua Generation Youth Camp-2019-ah hian Thupui-ah “Fearless” tih hman niin Speaker-ah hian America mi an hmang a ni. He hunah hian Pentecostal Choir te hian zaia rawngbawlna an neih bakah Cultural Programme an hmanah hnam lam entirin Isaac memorial Trophy Bible Quiz buatsaihah an tel bawk.
General PYD Executive Board in sawmna a hmuh angin he hun hmang tur hian Pentecostal Choir leh District PYD OB te kal tura a tih angin May 12 khan Aizawl an chhuahsan a, Chennai hi May 15, Nilaini khan an thleng a ni. Joshua Generation Youth Camp-ah hian Pentecostal Choir member 19 bakah District PYD atangin member 6, an vaiin mi 25 an kal thei a ni. Chennai an kalna tur atana hian Pentecostal Choir te hian Aizawl khawpui chhunga Tualchhung Kohhran hrang hrangah zaia rawngbawlna neiin thawhlawm an khawn bakah District Kohhranpui, District Department hrang hrang leh General PYD atangin tanpuina an dawng a, Pentecostal Choir te leh District PYD OB ten lawmthu an sawi a ni.
——
Environment Protection Committee :
May 5, Pathianni khan District PYD Environment Protection Committee T.Upa R.Vanlalropeka, Chairman kaihhruaiin neih a ni.
He hunah hian thu pawimawh tak tak ngaihtuah niin Kum 2019 chhung hian thing phun leh ngei ni se an tih bakah Environment Protection (Ramngaw leh kan chhevel humhalh) lam hawi thupui hmangin Slogan inphuahsiak buatsaih ni se, July thla ral hmain Chairman: R.Vanlalropeka (9862440627) leh VL Nunhlima, Secretary (8132842955)-ah thehluh ni se an ti a, Kum 2019 chhungin Seminar neih tura tih a ni bawk.
—–
Half Year Meet :
May 17 atanga 19 chhung khan Darlawn Bial PYD te chuan Sunhluchhip hmunah Hlaf Year meet hlawhtling takin an hmang.
Inrinni nileng khan Sport Item chi hrang hrang hmangin intihhlimna hun an hmang a, Inrinni zan atang khan Revival Inkhawmin hun an hmang a ni. Revival Inkhawmah hian Bial hruaitute bakah Bialtu Pastor, Rev T.Lalbiakliana te hnen atangin Pathian thuchah ngaihthlak thin niin Pathian Thlarau Thianghlim awmpuina hnuaiah hlim takin hun an hmang a, Pathianni Chawhnu khan Peniel hlawhtling takin an nei bawk a, Thlarau Thianghlim dawng thar mi 5 an awm a ni. Pathianni zanah khan Fellowship hun hlimawm tak an hmang bawk a ni.
May 19, Pathianni chawhnu leh zan hmang khan Hnahlan Bial chhung Tualcheng hmuna District Missions Department ten rawngbawltu an dah mek, Evan TC Kapzathanga te rawngbawlna tawiawmin Hnahlan khawchhung PYD Member engemaw zat te chuan rawngbawlna hlawhtling takin an nei bawk a, hetah hian PYD member 100 chuang kalkhawmin Pathianni tlai khan Mual Inkhawm an nei a zanah YMA Hall-ah inkhawmna an nei bawk a ni.
——-
Lang Camp :
May 18 leh 19 hmang khan N.Vanlaiphai Bial, Lungkawlh Local te chuan Naupang pual lang camp an buatsaih.
He hunah hian Bial chhunga Tirhkohte hnen atangin Pathian thuchah ngaihthlak thin niin he huna kalkhawmte hian hlawkthlak an ti hle a ni.
—-
Lawmthusawi chawimawina :
May 25, Inrinni khan T.Upa Laldingliana te chhungkua, Armed Veng Kohhran te chuan Pathian chawimawina neiin Kohhran hoten hlim takin hun an hmang. He hunah hian Speaker-ah Rev Rosanga Kawlni, District Superintendent chu hman niin Pathianni zan thleng hian Revival Programme-a hun hman chhunzawm a ni ang.
——-
Thisen pe :
Mualpui Bial PYD te chuan May 18, Inrinni khan Falkawn Referral Hospital-ah a duh apiangte tana hman turin a thlawnin Thisen an pe.
Thisen hi Falkawn hmunah kalchilhin an pe a. Thisen pek hma hian hunserh tawi hman niin Rev F.Lalchhanhima, Bialtu Pastor chuan hmangin he huna kalkhawm PYD member te hnenah lawmthu sawiin tanpui ngaite tana luangchhuak zel tura duhsakna hlanin tawngtaina a hmang a ni. Mualpui Bial PYD te hian tum dangah pawh Thisen hi pe tawh thinin tun tumah hian Mipa 13 leh hmeichhia 2, a vaiin Thisen Unit 15 an pe a ni.
——–
Aizawl East District Hruaitute Programme:
Rev Rosanga Kawlni, District Superintendent chuan May 24, Zirtawpni khan Darlawn Bial, Sailutar Biakin hawnna a nei a, May 25, Inrinni-a T.Upa Laldingliana te chhungkua, Armed Veng Kohhran ten Pathian hnena lawmthusawi chawimawina an neiah Speaker-ah a tang leh a, May 26, Pathianni khan District Hqrs. Kohhrana Seminar neihah Resource person-ah a tang leh a ni.
District Secretary Rev Biaksangzuala, chuan May 25, Inrinni khan Khawlian hmunah rawngbawltu pual Seminar neihah Resource person-ah tangin Pathianni zan thleng hun a hmang ang.
——-
Work Camp :
Siaha bial techuan May ni 14-17 chhung khan Home Mission field Riasikah Biak In chu sa chhunzawmin, Pathian hruaina zarah Luah theiha peih fel a ni ta.
He Biak In hi 18×26 asei niin, Dist Board chuan Siaha bial kohhran kutah sum thawhchhuah leh sak dan tur chu adah a. Siaha Bial tehian hma lain, Puipa te leh bial chhung kohhrante work camp ah hian an thawkchhuak thin ani.
——
Chhimtuipui District Board :
May ni 21, Thawhlehni khan Chhimtuipui District board neih a ni a, Board hi District Supt Rev. Thanchunga Sailo chuan kaihruaiin Gen Suptd Rev. Lalmalsawma Sailo chuan a telpui bawk. An thurel tlangpui te :
1. District Missions Director thar atan – Rev.Dr.C.Sihmo ruat a ni.
2. Niawhtlang Bial Pastor atan – Pastor V.Lalhlimpuia.
3. Revival Pastor atan- Pastor C.Lalchhuanthanga te ruat an ni.
——–
Biak in hawng dawn :
N. Mizoram District Superintendent Rev. Laltluanga chuan May ni 26 Pathiannni hmang hian Kananthar Biak in sak thar a hawngin rawngbawlna a nei ang.
—–
PSM Committee :
May ni 16 Nilaini khan North Mizoram District hnuaia Pathian thu zirna Pentecostal School of Ministry Committee neih a ni.
Committee hi PSM Principal Rev. Laltluanga’n kaihruaiin kumin June thlaa PSM kal dan tur leh Zirtirtu ten an subject lak tur an ruahman fel bawk.
PSM Registration Day kalpui dan tur ruahmanna neiin; June ni 3 thawhtanni-ah Registration Day hman a ni ang a, District Hqrs. Kohhran Biak inah hman niin; PSM Principal Rev. Laltluanga’n inkhawm a kaihruai ang.
——–
Conference thleng tur inbuatsaih tan :
NEI-UPC General LAD Confererence kumin October thlaa North Mizoram District Kolasib Diakkawn Bial ten an thlen turah May ni 14 thawhleh zan dar 7:00Pm khan an thukhawm.
Meeting hi Kolasib Diakkawn Bialtu Pastor Rev. C. Lalmuanpuia’n a kaihruai a, District pui aiawhin Dist. Secretary Rev. Chhiarpuia’n a ho bakah District LAD hruaitu pathum te an kim bawk a ni. Meeting-ah hian General LAD conference thlenna tura Kol. Diakkawn Bialte’n inbuatsaihna an lo kalpui tawh dan report Upa R. Neihlaia Organising Secy chuan pein, Conference Pandal sakna tur atana ruahmanna an lo neih hmun chungchang sawiin; tuna hmun an dil mek CCPC Campus chu beisei nise an ti.
——-
Work Camp :
North Mizoram District Missions Department-in a ngen angin May ni 20 (Thawhtanni) dar 10:30 Am khan Headquarters Bial te Persang Missionary Quarters sa turin work camp-in an fehchhuak.
Workcamp-a Fehchhuak te hi Bialtu Pastor Rev. C. Lianchama leh Bial Secretary Evan. Challiana ten an ho va, an vaiin member 7 an thawk chhuak a ni. Remchan dan angin kar laklawhah pawh belh chah an nih chhoh zel an beisei.Persang Mission Field hi Kohhran ramri thenah Damparengpui Bial chhunga awm niin; Aizawl atanga Km 160-a hlaa awm a ni.
——
Intlawh tawn :
N. Mizoram District Tlangnuam Bial Missions Department hmalaknaa Kohhran intlawh tawn an rel chu a thawhhnihna May ni 19 Pathanni kalta khan an nei.
Hetianga Missions Department ten Kohhran intlawh tawn Programme an ruahman hi an hlawkpui hle.
Intlawh tawn thawhhnihnaah hian Lungleng I, N. Lungleng Samtlang leh Melthum kohhranah te inkhawmna neiin Bial chhung kohhran mipuite’n hun hlimawm tak hmangin Pathian an chawimawiho a ni.
—–
Retreat :
Tlangnuam Bial PYD buatsaihin May ni 25 Inrinni khan Samtlang Kohhran Biak inah Seminar Cum Retreat buatsaih a ni.
Bialtu Pastor Lalruatkima Fanai chu Resource Person- atan an ruai a, Bial PYD ten an hlawkpui hle.
——-
Lang Camp buatsaih :
May ni 17 atanga 19 chhung khan Hunthar Bial Edenthar kohhran te chuan Sunday School Dept. buatsaihin naupang lang camp an buatsaih.
Lang camp-ah hian Evan. H. Lalrinngheta District Sunday School Secretary chu Speaker -ah hmangin Naupangte’n an hlawkpui hle. Naupang lang camp-ah hian Campers 30 lutin Inrinni zan atangin rivival programme hman chhunzawm nghal a ni a, Pathianni zing hian Gen SS kumpuan hmagin speaker hian thu a sawi bawk a ni.
——-
Lawmthusawi chawimawina :
May ni 18, Inrinni khan Lengpui kohhrana lawi Bro. Hmangaihzuala te chhung chuan Kohhrante kaltlangin Pathian hnena lawmthusawi chawimawina an buatsaih a, Rev. B. Vanlalruata kolasib Venglai Bialtu Pastor chu Speaker atan an ruai.
——-
Pathian thu zir hona :
May ni 20 Thawhtan zan khan Dinthar kohhran PYD buatsaihin Pathian thu zirhona neih a ni a, hetah hian Rev. B. Vanlalruata chu zirtirtuah tangin Sualngaihdamna Baptisma thu te, Pathian Pakhat chungchang te an zirho bawk.
Facebook