Pennet News Service : May 17 – 24

UPCNEINEWSSERVICE MAY 17-24.2020
———–
Ni khar thlakin Office hawng :
May thla chhunga sawrkarin inkharkhipna a puan chhunzawm leh avangin General Administrative Committee chuan May thla chhung atan ni inkar thlaka office kal nise tiin a ruahman a, General Hqrs Office hi Thawhtanni, nilaini leh zirtawpniah te hawn thin a ni ang.
———-
Pentecostal Voice :
May ni 20, Nilaini khan UPC North East India General Hqrs atanga thlakip chhuak chanchinbu Pentecostal Voice Managing Board meeting neih a ni.

Meeting hi Board Chairman Rev. R. Laichhingpuian a kaihruai a, General Officials pathum General Suptd Rev. Lalmalsawma Sailo, General Secy Rev. R. Lalrinsanga, General Trea Rev. Zohmingthanzama ten an telpui bawk. Editor Rev. R. Vanlalawia hnen atangin Pentecostal Voice report ngaihthlak a ni a, hetiang hi District hrang hrang te dinhmun a ni :

1. Aizawl East District ah agent 115 awmin copy 2066 semchhuah a ni.
2. N. Mizoram District ah agent 106 awmi copy 1770 semchhuah a ni.
3. Lunglei District ah agent 91 awmin copy 1309 semchhuah a ni.
4. Chhimtuipui District ah agent 17 awmin copy 204 semchhuah  a ni.
5. Churachandpur District ah agent 1 awmin copy 160 semchhuah a ni
6. Lawngtlai West District ah agent 7 awmin copy 111 semchhuah a ni.
7. Barak District ah agent 6 awmin copy 116 semchhuah a ni.
8. Missions Field and others- agent 8, copy 215
9. Individual subscriber 46
10. Free Distribution 47

Tun dinhmunah Pentecostal voice hi copy 6000 chuang hret chhut chhuah mek niin agent 352 leh la tu mi 6044 an awm mek a ni.

Meeting ah hian tunlai hrileng avanga harsatna a awm avangin May leh June Issue chu a kawpa tih chhuah mai nise tiin an ruahman a, Kum 2019 chhunga agent sem tam mi sawm te hnenah lawmman siam nise an tih bakah chanchin bu lak dan phung a felfai zawk theihnan Agent ruat leh a man lakkhawm chungchangah Tualchhung Kohhranin mawh la sela, a man hmuh kim loh pawh Tualchhung Kohhranin hnawh khat thin nise tih chu Executive Board a thlen atan an pass bawk.
———–

District hrang hrang rawngbawlna chanchin :
Aizawl East District :
May 15, Zirtawpni khan District Superintendent room-ah Rev Vanlalfela Ramtiam, District Secretary leh Chairman ni bawk kaihhruaiin Literature & Publication Board an thukhawm.

He hunah hian Kum 2021 Nilai zan thupui tur chu mi hrang hrang ziak zir tura ruahman niin a bu hmingah Nilai zan thupui bu tih ni se, thupui 42 awmin heng mite hian thupui zirtur ziak se tih a ni.

Upa Dr. Charles Romalsawma, Champhai Bial- Thurin humhimna leh fakna thiltihtheihna
Upa K Lalremchhunga, Khawhai Bial- Kohhran hlutna leh hmasawnna
Prof. Lalhmasai B/W, Upper Republic bial- Kohhrana hmeichhiate mawhphurhna leh zirna kawnga hmasawnna
Upa JH Rozawna, Bazar bial- Thilpek peh a pawimawhna
Evan Lalthankima Ralte, Serchhip Bial- Thalaite mawhphurhna- Kohhranah leh khawtlangah
Upa Lalfelkima, Bethlehem Bial- Literature pawimawhna leh intodelhna.

Heng thupui ziaktu turte hian August 2020 ral hmain Literature & Publication Board hnenah thehlut se tih niin kan Kohhran lehkhabu tha, English-a ziakte chu Mizo tawngin a tam thei ang lehlin tuma hmalak ni se tih a nih bakah a theih anga thurin lam hawi lehkhabu tihchhuah tum ni se tih a nih bawk. Aizawl East District Literature & Publication Board hruaitute leh memberte lo tarlang ila:
Chairman: Rev Vanlalfela Ramtiam, District Secretary
Secretary: Evan Lalhmachhuana
Treasurer: Rev VL Hnemtluanga, District Treasurer
Member:
1. Rev Biaksangzuala, District Superintendent
2. Rev KVL Hmangaihkima, Thuampui Bialtu Pastor
3. Rev R.Laltlankima, Zemabawk Bialtu Pastor
4. Pastor B.Lalhmingliana, N.Vanlaiphai Bialtu Pastor
5. Pastor V.Lalnienga, Thingsulthliah Bialtu Pastor te an ni.
————-
Thianghlimna Committee :
May 15, Zirtawpni khan District Thianghlimna Committee chuan Rev C.Lalengliana, Chairman kaihhruaiin District Office-ah Committee an nei bawk a, hmalakna tur hrang hrang ngaihtuahin an rorel langsar zual te:

1. Thianghlimna campaign nei tura ruahmanna siam tawh, lock down avanga tihhlawhtlin hman tak loh chu remchang hmasa berah kalpui leh tura tih niin ruahmansa bakah bial hawn thar Zemabawk North bial-ah Upa K.Lalhmunsanga leh Upa Lalfelkima te kal se tih a ni.
2.NPSS lamah thianghlimna campaign  nei tura hmalak nise tih niin Bialtu Pastor ten bial fan programme an neih hunah kum khatah vawi khat tal NPSS lamah campaign programme siamin hun hmang thin tura ngenna siam nise tih a ni a, hemi piah lamah hian bial Thianghlimna Committee ten NPSS lamah a tam thei ang ber campaign nei thin tura ngenna thlen nise tih a ni.
3. Bial engemaw zat atangin campaign nei tura sawmna awm chu a tul angin District Thianghlimna Committee hruaitu ten hma lo la se tih a ni.
4. District Kohhranpui Conference ah  thianghlimna thupui a hmangin sermon vawi khat tal nei thin turin dilna thlen nise tih a ni bawk.
——–
Tanpuina hlan :
May 15, Zirtawpni khan tun hnaia khuarel chhiatna avanga thli tlehin In a tihchhiat Zemabawk Bial, Tuirial Airfield hmuna chhungkaw hnih leh Tuirial hmuna an huan enkawl lai kangte hnenah District Superintendent Relief fund atangin tanpuina hlan an ni.

Heng tanpuina hi Rev Biaksangzuala, District Superintendent chuan Tuirial hmunah hian kalin a hlan a, Bialtu Pastor in a tawiawm bawk.
———–
Member thar :
May 17, Pathianni khan Bazar Bial, District Hqrs. Kohhranah mi 2 in sual ngaihdamna baptisma, Bialtu Pastor, Rev HL Thakunga kutah an chang thar a, an zinga pakhat hi mithar a ni.

Zemabawk Lungbial hmunah pawh May 18, Thawhtanni khan chhungkaw khat member 3 chu Kohhranah Evan Lalhmangaihan sengluhna a nei bawk.
———–
Chhimtuipui District :
May ni 18, Thawhtanni khan District Superintendent Room ah  Chhimtuipui District Official Meeting neih a ni. Rorel tlangpui te :
1. District enkawl Apostolic Bible School (ABS)  June thla ah kal thin chu hri pui a len avangin kumin atan chuan October thla ah kal tum nise, Kohhran te  leh a kal tur te hnenah hriattirna chhuah nise.
2. Pentecost Day May ni 31, Pathianni hi Pentecost Day a ni a. Kumdang ah chuan he hun hi Kohhran ten tisa ruai te siamin urhsun taka hman thin a ni. Kumin ah erawh sorkarin lockdown a puan chhunzawm leh tak avangin Kohhran chhungkaw tinin mahni  chhungkua ṭheuhvah inkhawmna neiin, urhsun taka he ni hi hman nise tha tih a ni.  He mi ni hian kohhran nawlpui en theih turin District Official ten Media hmangin rawngbawlna an nei ang.
——–
Quarters luah lut :
May ni 19, Thawhlehni khan Pastor C Lalchhuanthanga revival Pastor leh anupui fanau techuan Niawhtlang chhuah sanin Siaha bial headquarters, Siahatla  a Pastor quarter’s chu an luahlut.

Pastor techhungkua hi Niawhtlang kohhran member ten Siaha bial Quarters thleng in an thlah, Siahatla local kohhran member thenkhat ten anlo hmuak bawk a ni.
———–
Thisen pe :
May 20, Nilaini kha Bial PYD Conference rorel bawhzui in Siaha Bial PYD chuan Dist Hospital Siaha a mamawhte hman atan thisen an pe.

Dist Hqrs local Sunday School Hall New Siaha ah thisen hi pek niin, Pastor C Lalchhuanthanga Siaha bialtu Pastor in hunserh hmangin, T Upa N Lalchhuanmawia Dist PYD Treasurer in ṭawngṭaina a nei. Thisen pe zawng zawng hi Mipa 26 leh hmeichhia 8 niin Unit 34  an pe thei a ni.
————-

North Mizoram District :
North Mizoram District Emergency Board Meeting in, District Missions Secretary atana a ruat thar Evan. JH Malsawmdawngliana chuan May ni 18 thawhtanni khan a mawhphurhna District Missions Secretary nihna chu District Missions Director Rev. C. Lalthantluanga’n a hlan.

Mawhphurhna hlan inkhawm hi North Mizoram District Office, Missions Director chamber-ah neiin; District Secretary Rev. Chhiarpuia’n a ho va, District Missions Secretary thar Evan. JH Malsawmdawngliana chu duhsakna hlanin; Missions OB pathum te chu inpumkhatna leh thawhhona tha nei chunga North Mizoram District Missions Dept. hruai hna thawk tura a duhsakna a hlan.
———–
Missions Executive Meeting :
North Mizoram District Missions Dept. Executive Meeting chu May ni 20 Nilaini chawhma dar 11:00 Am khan, District Office, Missions Director Chamber-ah neih a ni.

Meeting hi Rev. C. Lalthantluanga’n kaihruaiin; an rorel pawimawh zingah kumin chhunga Missionary 2 transfer tur awm Evan. Hrangchhankhuma, Rajtali Missions Field-a awm mek leh Sist. Khawli Kolaliana awm mek chungchang ngaihtuah a ni a, Hri leng avanga Lockdown kalpui mek a nih avangin; Missionary transfer leh Posting chungchang chu District Board-a ngaihtuah atan dah a ni.

Missionary Convention leh Missionary Challenge chungchang ngaihtuahin District Board in hma lo la tura a ruat District OB te leh Khawpui Bial Director te May ni 25 Thawhtanni chawhma dar 11:00-ah District Office-ah Meeting neih phawt nise a ti.

District Missions Board koh chungchang ngaihtuahin, Covid 19 in khawvel a tihbuai mek karah leh Mizoram chhung ngeiah pawh Lockdown puan a nih avangin District Missions Board chu koh rih loh phawt ni se tih a ni.

Missions Dept. sum Bial leh Local atanga District-a thehluh chungchang ngaihtuahin Bial leh Local-ah District sum thehluh chungchangah Circular siam tha tih a ni.
———-
Tanpuina pe dawn:
May ni 13 Nilaini zingkara khawthlang lam tlang dungah ruah leh rial tlain mihring chenna in a tihchhiat nasat avangin; North Mizoram District Officers meeting chuan hetiang hian chhiatna tuarte chhawmdawl dan tur ruahmanna siamin sumfaiin tanpuina a pe dawn.

Sumfai hi Rengdilah Rs. 1,30,000, Zamuang Rs. 70,000, Sihthiang Rs. 9,000 bakah Damdiaiah sumfai tanpuina mimal engemaw zat hnenah a hlan bawk.
——-
District Treasurer Prog :
May ni 20 nilaini khan District Treasurer Rev. K. Lalduhsanga chuan Phaileng khuaa kohhhranhote tlawh pahin, kohhran thiltul hna thawkin a zin.
——–
Pentecostal School of Ministry :
North Mizoram District Officer Meeting chuan Bible zirna a kalpui thin Pentecostal School of Ministry chu Covid 19 avanga, Lockdown puan a nih zel avang leh hrileng boruak thlithlai deuh tula a hriat avangin dan pangngaia June thlaa neih thin chu August thlaa nei turin ruahmanna a siam thar. PSM Registration Day hi Aug ni 3 thawhtanni-a neih tur a ni. District hruaitute’na ruahmanna an siam hi boruak awm dan a zira tihdang lam leh theih turin an ruahman bawk.
———
Office hawn hun siam :
Covid 19 hringleng avanga May thla chhung  Sorkar thuneitu lamin Lockdown a puan leh  avangin North Mizoram District hruaitu Committee chuan Office kal dan tur ruahmanna siamin chawlhkar khatah ni thum – Thawhtan, thawhlehni  leh Nilaini te Office hawngin Office hun chhungin mipuite dawr theih a ni ang. Ningani leh Zirtawpni erawh Office khar tur a ni dawn a ni.
———-
Combo speaker lei :
May ni 20 Nilaini khan Kolasib Venglai Bial chhunga awm Bukvannei kohhran te chuan rawngbawlna atana Combo Speaker lei tura ruahmanna an siam chu an tihlawhtling.

Bukvannei kohhrante hian Combo nei tur hian an phak ang tawka hma lain an theih bak chu Kolasib Venglai Bial LAD Conf.ah thawhlawm khawnsak a ni a, Kol. Venglai Bial LAD te hian Rs.13650 hmuhchhuah sakin Combo Speaker tha tak hi an lei a ni. Hei bakah hian Kol Venglai Bial TreasureR Evan. Zorema’n microphone tha tak a leisak bawk. Bukvannei Kohhran hote anmahni khawngaih leh duhsaktute chungah an lawm hle.
———-
Tanpuina hlan :
May ni 19 Thawhlehni khan Kolasib Diakkawn Local Biak in sak mek chu Pu Lalfamkima chuan enpuiin; Kol Diakkawn Kohhrante’na an Biak in sak chu a phak ang tawka hnatlanpui ve a duh thu sawiin; Biak in sak nana a tula hmanah Sumfai Rs. 50,000 (Singnga) a hlan. Biak in sak tanpuina sum hi Diakkawn Local Upa Malaia’n a lo dawng a ni.
———
Member thar :
1. May ni 18 Thawhṭan zan dar 7:00 khan Kawnpui Venglaia cheng  Bro. T. Lalrinpuia te chhungkua, member 3 awmna chu  UPC-NEI kohhrana lawi turin Kawnpui bialtu Pastor, Pastor PC. Laltlankima chuan Lal Isua hmingin a seng lut.

2. Pathianni kalta May ni 17 dar 12:45pm-ah khan Chawlhhmun Kohhran ah Rawlthar 3 in  sual ngaihdamna baptisma an chang. Baptisma rawngbawlna hi Chawlhhmun Bialtu pastor Rev. Lalramthanga kawlni chuan a nei a ni.
—————
Lawngtlai West District
District Day :
May ni 19, Thawhlehni khan Lawngtlai West District Day vawi khatna a ni a, sawrkarin lockdown a puan avangin Kohhran hoten lawm thei lo mahse District Hqrs Office atangin Tualchhung tin hnenah Day thuchah semchhuah a ni.

Lawngtlai West District hi Kum 2019 General Conference vawi 51-na Churachandpur a neih ah chuan Chhimtuipui District atanga in dang turin a ruahman a, May ni 17 thlen kima hmangin Distirct thar hawnna programme hman a ni.

May ni 19, Pathianniah UPC North East India General Suptd Rev. Lalmalsawma Sailo chuan District thar hi Pathian hnenah hlanin a hawng a, General Secretary Rev. R.Lalrinsanga chuan District Hruaitu thar tur te a puang a, District Superintendent ah Rev. R. Ramthatzawla, Dist. Secretary & Treasurer ah Pastor Lalsawmliana Sailo te ruat an ni.

Rev.Lalmalsawma Sailo chuan Appointment pe nghalin hriakthih rawngbawlna a neih sak a, hetih lai hian Zion hlapui nen kalkhawm ten Pathian fakin an chawimawi a ni. Nilenga lawmna hun hlim taka hmangin tlai lamah ruai theh a ni a,  Sial 1, Vawk 2, Ar 5 leh Beram pakhat an talh a ni.

Lawngtlai West District Board hmasa ber chu Dt. 20th,May.2019 hian thut a ni a, District Department hrang hrang hruaitu atan heng mi te hi an ruat :
1 Missions Department .
Director : Rev. F. Lalbiakthuama (Full time)
Secretary : Evan.V.Biakkunga
Treasurer : District Treasurer
2 Sunday School Department .
Director : Rev.TV.Mawngchina
Secretary : Evan.K.Thangchunga
Treasurer : District Treasurer

3. P.Y.D
President : Pastor S. Vanlallunghnema
Secretary : Evan.RVL Chhuana
Asst.Secretary : T/Upa H. Lalhmachhuana
Treasurer : Evan.Henry H.Ramthianghlima
4. L.A.D
President : Sist.J.Lalnuntluangi B/W
Secretary : Sist. Thangchungnungi B/w
Treasurer : Sist. Lalrindiki

Auditor tur in heng mi te hi ruat an ni bawk.
1. Upa C.Lalhmingliana Council veng
2. Rbt. MC.Lalmawikima Lawngtlai Chandmary
Bialtu Pastor pahnih lak belh an ngaih avangin heng mi te hi lak an ni a, an post tur pawh
siam nghal a ni.
1. Evan. K. Lalzawmsanga S/o Evan.K.Roliana (Bungtlang Bial)
2. Evan. B. Lalbiakchhunga S/o Sr. Upa Hmangaihliana (Vathuampui Bial)

District Conference hmasa ber neih hun atan : Nov 15th-17th, 2019, A hmun Lawngtlai-I Kohhran biak In. Local Church District Headquarters

Tun dinhmuna Lawngtlai West District dinhmun langsar zual :
Kohhran member zawng zawng zat chu – 3,481
Chhungkaw awm zat – 709
Licence Holder zat – 29
—————

Lunglei District  :
Pentecostal Network (Pennet) Lunglei District-in LDF Channel 25 leh Youtube-a Pennet channel kaltlanga Live Sermon-a buatsaih thin chu a thawh thumna May 23 inrinni zan atang hian neih chhunzawm leh a ni dawn.

He hunah hian Pathian mi hman tak tak ten Pathian thuchah puan chhuahna an nei dawn a, May 31 Pathianni hi Pentecost Day anih angin Pentecost Day pual hian hun hman a ni bawk ang.