Pennet News Service : March 8 – 15

UPCNEWSSERVICE MARCH 8-15.2020
———–
District Conference hmanpui :
UPC North East India hnuaia District hrang hrang ten Conference an hmang chho zel a, District 7 ten Conference hi hmang zo tawhin, March ni 12 atanga ni 15 chhung hian District 3; Churachandpur, Central leh Chhimtuipui District ten an hmang ve leh mek a ni.

Central District Conference hi Shillong-ah neih niin General Secretary Rev. R. Lalrinsanga’n a hmangpui a, Chhimtuipui District Conference hi South Lungpherah hman mek niin General Treasurer Rev. Zohmingthanzama’n a hmangpui thung. Churachandpur District Conference hi Jotung, Thanlon Section ah hman mek niin, General Missions Director Rev. R. Lalhawia’n a hmanpui bawk.
———-
Field Conference :
March ni 6 atanga ni 8 chhung khan Bihar & Jharkhand Mission Field Conference vawi hnihna Patna khawpuiah hman a ni.

Conference ah hian Lalpa pakhat, rinna hmun khat, baptisma hmun khat Eph.4:5 tih hman niin General Missions Treasurer Evan Pc. Lalrokima chu Speaker atan an hmang a, Upa C.Lalsanglura, Sairang leh Bro.Lalsawmzuala, Tuikual ten an rawn ṭawiawm a, Patnaa hna avanga awm Dr.Lalruatfela pawin a telpui bawk.

Palai  mi 150 vel kalkhawmin hlim takin Conference an hmang a, March ni 9, Thawhtanni khan Bodhgaya ah rawngbawlna chhunzawmin General Missions Director Evan.Pc Lalrokima kutah mi 7 in sual ngaihdamna Baptisma an chang a, heng zinga mi 5 hi member thar an ni.

Field Conference rorel langsar zual te :
1. Kum 2021 Field Conf.chu Katihar bialah nghah a ni.
2. 2021 Field Conference target Rs. 65,000/- ruahman a ni.
3. Bial 2-  Gaya section(member 1300) leh Vaishali section (member 327) te hawn thar a ni.
4. Field chhunga local kohhran tinah thlatin vawikhat tal chawnghei ṭawngṭai neih tura pass a ni.
5. Field inenkawlna(Field manual) dan siam nise, General dan pui kalh siloa field tana ṭangkai tur te belha, a bua hindi ṭawnga siam nise.
6. Sawmapakhat leh buhfaiṭham ah hmasawnna thar kan hmuh dungzuiin field chhunga petute tih phur nan pe tam top 3 thleng tal lawmman siam nise.
7. Tin, bial lam aṭanga mamawh an rawn thlen tam tak zinga pawimawh bik zual heng: Bi-cycle te, inkhawmnaa phah tur silpouline/tarpouline te, rimawi hmanrua etc. te hi a ṭul anga ngaihtuah nise.

Bihar and Jharkhan Field huamchhungah hian Tualchhung Kohhran 18 leh Preaching Point 30 vel a awm mek a, Thawktu 19 ten theih tawp chhuahin Lal rawngbawlna hna an thawk kalmek a ni.
Field Conference hmanpui tu Bro.Lalsawmzuala te chhungkua chuan field chhunga biak in sakna turin cheng 200,000 an tumsak dawn a ni.
(PIC: Field Conf)
———

District hrang hrang rawngbawlna chanchin :
Lunglei District :
March 13 zirtawp zan atang khan Ladies Auxiliary Department (LAD) Conference vawi 51-na chu Rahsiveng Local UPC Biak inah neih a ni a, District Superintendent Rev.C.Vanlalena’n Pathian hnenah hlanin hawnna a nei.

He Conference-ah hian thupui atan ‘Mei ata lachhuak thuai la chhandam rawh u’ Juda 1:23 tih chu hman a ni a, Chhimtuipui District L.A.D. hruaitute chuan an hmanpui. March 14 inrinni hian rorel a ni.

He inkhawmpuiah hian Rev.R.Vanlalenga, District Missions Director, Rev.C.Lalrintluanga District Treasurer, Rev.PC.Lalfakawma District Secretary, Rev.C.Vanlalena District Superintendent leh Sist. Lallianmawii BW, President LAD, Chhimtuipui District ten thusawi rawngbawlna an nei ang. Tin, inkhawmpui chhung hian Bazar Local LAD, Electric veng Local LAD, Hnahthial Venglai Local LAD leh Pukpui Local LAD ten zaiin rawngbawlna an nei ang.

Inkhawmpui hi March 15 Pathianni zan thleng hman a ni dawn a, hetiang hi March 15 Pathianni zing, chhun leh zan inkhawm Programme a ni.

1. MARCH 15, 2020 PATHIANNI ZING, TAN HUN DAR 10:00 AM

Chairman       : Sist.Lalramlawmi Sailo BW, President District LAD
Tantu               : Sist.MC Vanlalremi, President Cherhlun Section
Thuhriltu          : Rev.C.Vanlalena, District Superintendent
Thupui             : ‘Ram leh khawtlang tana mi tangkai ni turin’
Zaipawl            : 1. Hnahthial Venglai Local LAD leh Bazar Local LAD

2. MARCH 15, 2020 PATHIANNI CHHUN, TAN HUN DAR 1:30 PM

Chairman        : Sist.H.Biakngengi, Vice President District LAD
Tantu               : Sist.LH.Lalthanmawii, President Pangzawl Section
Thuhriltu          : Sist.Lallianmawii BW, President LAD, Chhimtuipui Dist.
Zaipawl            : Electric veng Local LAD

3. MARCH 15, 2020 PATHIANNI ZAN, TAN HUN DAR 6:45 PM

Chairman        : Sist.K.Lalremruati, Secretary District LAD
Tantu               : Sist.R.Lalramchhani, President Rahsiveng Section
Thuhriltu          : Rev.PC.Lalfakawma, District Secretary
Thupui             : ‘Pathian tawk tura inpeih turin’
Zaipawl            : Pukpui Local LAD
———-
Crusade :
March 7-8 chhung khan Haulawng Lalveng Local PCD buatsaihin Crusade neih a ni a, Speaker atan District Superintendent Rev.C.Vanlalena chu hman a ni. Tin, March 8 Pathianni chawhnu khan Kohhran pum huapin Seminar neih nghal a ni a, Resource Person atan District Superintendent Rev.C.Vanlalena hi hman nghal a ni.
———
Rising Day :
Rawpui Local PCD-te chuan March 6 zirtawpni khan an Local dincham vawi 15 chu urhsun takin an hmang a,chawhma lamah Field lamah infiamna neiin,chawhnuah biak inah fellowship hun hman a ni a, tlai lam ruai an kilho bawk.

Zan lamah inkhawm Programme neih chhunzawmin hlim takin hun an hmang. He hun hi District PCD Treasurer Bro.Jacob Ramengmawia leh Asst. Secretary Bro.R.Laldinmawia te chuan an hmanpui a ni.
———
Seminar :
March 8 Pathianni khan Chengpui Local-ah Seminar neih a ni a, chawhma lamah Leadership Traning neih a ni a, Resource Person atan bialtu Pastor Rev.R.Lalsangzuala hman a ni a, chawhnu lamah Accountancy thupui ah hmangin Seminar neih chhunzawm leh a ni a, Resource Person atan Evan.Simona Hmar, Home Missionary, Chengpui Field hman a ni.Seminar-ah hian Member 30 vel an kal khawm a ni.
———-
Retreat ;
March 7 inrinni khan Headquarters bial PCD te chuan bial chhunga PCD zirtirtute pualin Retreat an buatsaih a, Resource Person atan District P.C.D. President Rbt.K.Lalrintluanga chu an hmang.
————-
Aizawl East District :
District Conference :
March 5 atanga 8 chhung khan Aizawl East District Conference vawi 26-na chu Zemabawk vengpui Biakin-ah hlim taka hman zawh a ni.

Inkhawmpui-ah hian Speaker bik nei lovin heng mite hnen atang hian thusawi an ngaithla thin a ni:
Ninga zanah- Rev Lalrema, Bethlehem Bialtu Pastor
Zirtawp zanah- Rev R.Laltlankima, District PYD President
Inrinni zanah- Rev Vanlalfela Ramtiam, District Treasurer
Pathianni chawhmaah- Rev Biaksangzuala, District Secretary
Pathianni chawhnuah- Sacrament rawngbawlna- Rev Rosanga Kawlni, District Superintendent
Pathianni zanah- Rev Lalmalsawma Sailo, General Superintendent

Inkhawmpui tan zan khan Rev Rosanga Kawlni, District Superintendent chuan inkhawm kaihruaiin Rev VL Dika Sailo, Former General Superintendent chuan Pathian hnenah  hlanna a nei a, Rev R.Laltlankima, Zemabawk Bialtu Pastor hnen atangin palai lawmna thu ngaihthlak a nih bakah inhmelhriattirna chairman in a nei bawk.

Tarlan tawh thin angin kuminah hian District PYD leh Sunday School Department te chuan a hrana inkhawmpui an neih loh avangin Zirtawpni khan rorel inkhawm an nei a, Sunday School hian Zemabawk Vengpui Sunday School-ah rorelna, Rev C.Mawizuala, Director kaihhruaiin an nei a, PYD te hian Biakin-ah Rev R.Laltlankima, President kaihhruaiin rorelna an nei thung a ni.

Sunday School Department te hian District Sunday School inkaihhruaina dan, a bu-a siam tura tih niin General Sunday School Department hmalaknain Naupang zirlaibu puitu (Teaching Aid) siam tura an passed bakah Sunday School Naupang Chawimawina inpek thin chu District Board ennawn tura tih a ni bawk.

Report bu atanga a lan danin Sunday School hi Aizawl East District chhung khaw 174-ah din a ni a, Sunday School-a hming ziak mi singhnih sangkhat chuang awmin Naupang Sunday School zirtirtu sangkhat zathum chuang leh Naupang Sunday School hming ziak sangsarih chuang an awm mek a, puitling lamah zirlai mi singkhat sanghnih chuang leh zirtirtu mi sangkhat chuang an awm mek a ni. District Sunday School Department te hian Kum 2019 chhung khan Local 10-ah Sunday School Hall sak tanpuina an  pe bawk a ni.

PYD te hian PYD member zingah zuk leh hmuam nghei an tam theih nan Kum 2020 chhungin hmalak ni se an ti a, Chanchintha puandarhna kawngah Social Media kaltlanga chak zawka hmalak tura tih niin Sheaves for Christ puala chak zawka hmalak ni se an ti bawk a ni.

Report bu atanga a lan danin tunah hian Aizawl East District chhunga khaw 133-ah PYD hi dingin member sangsarih chuang an awm mek a, Kum 2019 khan zuk leh hmuam nghei thar mi 178 awmin zuk leh hmuam nghei zawng zawng hi mi 2458 an awm mek a ni. Lehkha tara innei tuak 37 leh lehkha tar lova innei tuak 99 awmin nupui pasal avanga Kohhrana lut mi 72 leh chhuak mi 30 an awm bawk a ni. PYD rawngbawlna atangin mithar 6 Kohhranah sengluh an ni bawk.

Zirtawp zan inkhawmah khan Aizawl East District PYD ten PYD Inkhawma thupui zir tur lehkhabu tlangzarhna Evan C.Lalchhuanga, Vice President chuan a neih bakah District PYD atangin Budget pe tlak hmasa leh Budget khum bial te hnenah lawmman semin District PYD hnuaia Sub-Committee Education leh Kumpuan ten lawmman sem tur an neih te semna an nei bawk.

Bial leh Local Kumpuan hma la tha lawmman dawngtute :
Bial-ah pakhatna: Upper Republic bial; pahnihna: Bawngkawn bial; pathumna: Serchhip bial
Local-ah pakhatna: Peniel, Bawngkawn South; pahnihna: Armed Veng South; Pathumna: Bazar

Education-a Bial leh Local hma la tha lawmman dawngtute:
Bial-ah pakhatna: Mualpui bial; pahnihna: Thuampui bial; pathumna: Bawngkawn bial
Local-ah pakhatna: District Hqrs.; pahnihna: Zemabawk Vengpui; pathumna: Armed Veng South

Inrinni nileng khan District Kohhranpuiin Inkhawmpui neihna hmunah rorel inkhawm Rev Rosanga Kawlni, District Superintendent kaihhruaiin an nei a, hetah hian Bial atanga agenda lut engemaw zat awmin Kum 2022 Inkhawmpui chu Khawzawl Bial-ah nghah a ni a, ruat sa angin Kum 2021-ah N.Vanlaiphai Bial-ah inkhawmpui an hmang ang. Kum 2020 chhungin ramlak beihpui thlak ni se an tih bakah Bial thar pakhat hawn nise an ti bawk. Rorel zawh a nih hnuah Kum 2020-2021 District hruaitu turte thlanna neih nghal niin Superintendent-ah Rev Biaksangzuala, Secretary-ah Rev Vanlalfela Ramtiam leh Treasurer-ah Rev VL Hnemtluanga te chu thlan chhuah an ni.

Inrinni zan inkhawmah khan District Sunday School Department ten Kum 15 chhung chawl lova Sunday School Zirtirtu hna lo thawk tawh mi 37 hnenah chawimawina an hlan bakah Sunday School Naupang Sport leh Zirna-a titha mi 15 te hnenah chawimawina hlan an ni bawk. District Thianghlimna Committee pawhin Bial leh Local-a zuk leh hmuam nghei lawmman sem bawkin hetiang hi lawmman dawn dan a ni.

Zuk leh hmuam nghei thar tam bial
Pakhatna: Zohmun bial
Pahnihna: Bethlehem bial
Pathumna: Thingsulthliah bial

Zuk leh hmuam tilo tam bial
Pakhatna: Bethlehem bial
Pahnihna: Thingsulthliah bial
Pathumna: Serchhip bial

Pathianni chawhma inkhawmah khan Kohhran Upa leh Tirhkoh boral sunna, Rev Rohmingliana kaihhruaiin neih a ni a, Pastor 2, Pastor J Lalhmingsanga leh Pastor Laltlanhlua Hnamte te nemnghehna, Rev Rosanga Kawlni, District Superintendent chuan a nei bawk. Hruaitu thlan tharte Pathian hnena hlanna Rev Lalmalsawma Sailo, General Superintendent chuan Pathianni chawhma inkhawmah hian a nei bawk a ni.

Pathianni chawhnu inkhawmah khan Rev Rosanga Kawlni, District Superintendent chuan Sacrament rawngbawlna neiin Pathianni zan khan District Kohhranpui chuan lawmman sem tur a neih hrang hrangte semna hun Rev Vanlalfela Ramtiam, District Treasurer kaihhruaiin a nei bawk a ni.

Tun dinhmunah UPC- Aizawl East District chungah hian Bial 30 awm mekin report atanga a lan danin tunah hian Kohhran chhungkua 5633 atangin member 25756 an awm mek a, Kohhran hi khaw 187-ah din a ni a, Preaching point 11 a awm mek a ni. Kum 2019 chhung khan Bial hrang hrangah zuk leh hmuam nghei thar mi 305 awmin District chhungah hian zuk leh hmuam nghei mi sangruk chuang an awm mek a ni. Sual ngaihdamna baptisma chang mi singkhat sangruk chuang awmin member ni sa baptisma chang thar mi 509, pawl dang atanga lo lut baptisma chang thar mi 147 an awm a, Thlarau baptisma chang tawh zanwg zawng hi mi singkhat sanghnih chuang awmin Thlarau baptisma chang thar mi 446 an awm a, pawl dang atangin mi 395 Kohhranah sengluh thar an ni.

Aizawl East District inkhawmpui neih chhung hian inkhawm apiangin mimal zai bakah zaipawl te hnen atangin fak hla ngaihthlak thin niin General Hruaitute pawhin inkhawmpui hi an telpui bawk a ni.

Inkhawmpui neih chhung hian Zuk leh hmuam nghei tura intiamna Signature Campaign neih niin hetah hian mi engemaw zatin an hming an ziak a, zuk leh hmuam thianghlimna kawngah chak taka hma la turin an intiam a ni.
———-
Thingpui sen hang nite :
Upper Republic PYD te chuan March 9, Thawhtan zan khan memberte inpawh nan leh zir ngai an neihte inzirtirna hun Thingpui sen hang nite hlawhtling takin an hmang.

He hunah hian Marka Group leh Matthaia Group atangin item hmuhnawm tak tak thlirho niin Education pawimawhna ngaihthlak a nih bakah Kumpuan lam hawi thusawi ngaihthlak a ni bawk. He hunah hian member engemaw zat kalin hlawk takin hun an hmang a ni.
Upper Republic PYD te hian March 13 atanga 15 chhung hian Revival Crusade an hmang leh mek a, Soeakerah Evan HK Lalhmangaiha an ruai.
———-
City PYD Volley Ball Tournament :
I.T.I PYD te buatsaih LBS Suzuki City PYD level Volleyball Tournament chu March 10, Thawhleh zan khan hawnna hun an hmang.

He hun hi I.T.I Volleyball Court-ah hman niin hunserh Rev Rosanga Kawlni, District Superintendent leh Bialtu Pastor incharge ni bawk chuan a hmang a ni. Technical report, Sis Lalhunthar, ITI PYD Secretary chuan pe in- Aizawl khapwui chhung PYD atangin team 24 an tel thute, Tournament hi zan 9 khel tura ruahmanna siam a nih thute bakah zan khatah match 3 zel awm tura ruahman a nih thute ngaihthlak a ni. He huna khuallian atana hman C.Lalrokhuma, General Secretary, Mizoram Volley Ball Association leh USAM Treasurer ni bawk hnen atangin Mizoram Volleyball Association leh ITI PYD te chu tun hma pawha an lo thawhho tawh thute, hetianga Volleyball Tournament an buatsaih thei chu lawmawm tiin Aizawl khawpui chhung atanga PYD thalai khalkhawmte chibai bukna a nei bawk a ni. Bro Lallawmzuala, ITI PYD President hnen atangin Tournament an buatsaihna tur atana ruahmanna an siam hrang hrangte leh Sponsorship mi hrang hrangte hnen atang an hmuh thute ngaihthlak a ni. He hunah hian Bro Samuel Ralte leh Sis Laltleipuii te hnen atangin zai mawi tak ngaihthlak a ni bawk. Tournament hi inkhawm loh zan apianga khelh tura ruahman niin lawmman pawh chi hrang hrang siam a ni.
———
Camping :
March 10, Thawhleh zan atang khan Serchhip Chanmari Kohhranah Camping an buatsaih a, inrinni hian Campers te hi an chhuak.

Bro H.Lalrinfela chu Speaker-ah hman niin Campers hi 39 an lut thei a ni.  Camping boruak kal zelah Pathianni zan thleng hian followup programme an hmang chhunzawm dawn a ni.
———
Hruaitute Programme:
Rev Rosanga Kawlni, District Superintendent chuan N.Mizoram District Hqrs. Bial ten Revival Crusade an hman mekah Speaker-ah tangin rawngbawlna a nei.

Rev R.Lianzama, Missions Director chuan Pathianni chawhma hian Zemabawk Vengpui Kohhranah thusawi rawngbawlna a nei ang.
———-
Chhimtuipui District :
Conference hmang mek :
Chhimtuipui District chuan March 12-15 chhung hian South Lungpher Bial Head Quarters, South Lungpher local ah Conference vawi-44 na an hmang mek.

General atangin General Treasurer Rev Zohmingthanzama’n a telpui a, North Mizoram Dist Mission Director Rev  Lalthantluanga, Chhimtuipui District Missions Director Rev Dr C Sihmo, District Sunday School Secretary Upa F Lalrothuama,  Rev C Valy pensioner leh Rev C Satinkapa pensioner ten thuchah an sawi thin ang.

Conference chhung hian : Dist PYD Choir, Sis. Vannunmawii, Sis. Cindy Ramhlimpuii, Sis. Helen Lalkrawsparmawii leh Bro. Gospelmawia ten zaia rawngbawlna an nei thin dawn a, March ni 13, Zirtawpni khan Sunday school pual rorel inkhawm an nei a, Ni 14, Inrinni khan Kohhran pui rorel inkhawm neih a ni bawk.

Tun dinhmun ah Dist chhungah hian Kohhran member 7653 awm mek in, chhungkua  1411 an awm mek a. Local church 33 awmin, Licence holder 33 an awm mek ani.
——–
Rorel inkhawm :
South Lungpher Bial chuan March 10-11 chhung khan Bial Kohhranpui leh Department hrang hrang ten rorel inkhawm an nei a, District suptd Rev WL Thanghre chuan a hmanpui.

March ni 10.03.2020 zan khan Bial LAD leh PYD chuan ahran ve ve in rorelna an nei a, March ni 11 Zing karah Bial Mission Department leh Sunday school department te chuan rorelna neiin, chhun lamah Kohhranpui hian rorelna an nei thung a ni.

Bial Kohhranpui rorel hi Pastor L Nghaklian’n kaihruaiin, Rev WL Thanghre Dist Superintendent in a telpui. An rorel te :

1. 2021 Bial conference chu Lungtian local ah hman nise.

2. Dist Mission Department hnuaia home missionary chu kum khat tan enkawl/hlawh pek ve nise.Bial sum awmsa atang pek nghal nise.

3. Bial hruaitu ten local tinah leadership training neihpui se.

4. Bial LAD & PYD ten kum khat dan a Joint Conference neih an dilna chu pawm ani.

5. Hetiang hian bial chhung department hruaitute ruat nghal anni:-

Kohhranpui
Secretary : Evan K Rinthara
Treasurer : Upa C Lalrinliana

Mission
Director : T Upa C Thangphuha
Secretary: Upa C Renhmanga
Treasurer: T Upa L Dawngliana

Sunday School
Director : Upa LH Kapchhunga
Secretary: Rbt Laltlankima Lahnim
Treasurer: T Upa H Lalzamuana

LAD
President : Ngunziki
Secretary : H Lalrenhmawii
Treasurer :  Sungchini

PYD
President : Evan Robert Lalawmpuia
Secretary : Rbt RL Hmingthanzuala
Treasurer : C Lalchansangi

Auditors
Upa LH Kapchhunga
Evan K Rinthara

2.  Bial sunday school thurel langsar zual te:-

1. Dist home missionary rawih mek chu kum khat tan missionry lawmman pek nise.

2. Tuipui D/ Vartek home mission field Quarters sak that nan Rs.6600/- leh chartin pek nise.

3. Bial PYD rorel ṭhenkhatte:-

1) Bial chhung local hrang hrangte zaipawl intihsiak neih.
2) Bial hruaitu ten local tinah rawngbawlna kalpui se, sumtuakna neihpui nghal se.
3) Project atan computer leh printer lei.
4)  Kum khat danah Bial PYD & LAD ten joint Conference hman anih theih nan hmalak nise.
5) Bial huap sport neih nise.
———
March 7 Inrinni khan,  Siaha Bial chuan Sectional Pastor quarters ah Siaha bial kohhran pui rorel inkhawm an nei a, an thurel langsar zualte :

1. Ephatha/Non Mizo home mission field worker enkawlna atan target Rs.120000/- chu pawm ani.

2. Dist Mission Department in ‘2020 Dist Mission Conference Siaha bial ah nghah tak chu’ Council Veng local ah thlen nise.

3. Rawngbawltute nupui pualin seminar neih nise.

4. Rawngbawltute pualin Leadership trainining neih nise.

5. Siaha bial ten ram anneih theih nan hmalak nise.

6. Amobuy Vaihthie/ Zero home mission field biak in sak chhun zawm nise, ruahmanna siama hma la turin, bial hruaitute ruat anni.
————-

Lawngtlai West District  :
District Conference :
March ni  6-8 chhung khan Lawngtlai West District chuan District Conference vawi 2-na Lawngtlai-iv Chandmary Kohhran biak inah tluang takin an nei.

General Secretary Rev. R. Lalrinsanga chuan Conference hi a hmanpui a, District Board a thutpui nghal bawk.

Conference chhunga thusawi rawngbawlna neih dan :
March 6, Zirtawp zan : Rev. R. Ramthatzawla
March 7, Inrinni zan : Rev. C. Lalrintluanga, Lunglei Dist Treasurer
March 8, Pathianni zing : Rev. R. Lalrinsanga
Pathianni chawhnu : Rev. F. Lalbiakthuama
Pathianni zan : Rev. R. Lalrinsanga

District Kohhranpui Rorel langsar zual te :

1. Dist. Conference na hun leh hmun tur District Conference chu tiang hian a hun leh hmun ruat a ni.
(a)A hun atan March thla chawlhni Vawi 4 na nise a hmun tur chu Rotation a an lo siam tawh ang in Diltlang biala neih tur a ni.
(b)Conference thlengtu te tanpuina hi Rs.40000/- nise an ti bawk.

2. District chhunga Local tinah Census neih nise tih tha tih tlan niin thil tul leh pawimawh chu District Board kut ah dah a ni.
3. Bhutan Puala bawm dawh dan chungchang bawhzuia hma la turin District Board chu ruat a ni.

4.Kum khat chhunga member boral ta te chu District chhunga Local tin ten kum tawp December ni 31 zan inkhawmah sunna hun hi hman nise an ti bawk.

5.District huapa chawnghei tawngtai na neih nise tih chu tha tih tlan a nia a hun leh ni chu District board kut ah dah a ni.

6.District pumpui ah Local tin ten rawngbawltu ni hman nise a hun chu District board kutah dah a ni.

7.Sabualtlang hmuna school hawn chu tha tih a ni a hawn sak ngei nise tul leh pawimawh chu Dist.Board kutah dah a ni.

8.Lawngtlai West District tih a General Executive Board in District hawn laia a lo dah tawh chu Lawngtlai Diatrict ti a thlak nise,hei hi General Executive board ah thlen nise an ti bawk.

MISSION DEPARTMENT rorel tlangpui :
1.Mission Department chuan Conference Rorel neiin Mission field  (Post thar) hawn belh nise Mission field thar atan Ngengpuikai chu hawn belh a ni.
Transfer and postting Khawih nghal a ni a hetiang hian Postting siam nghal a ni.

(a)Evan.T.ngurchhuana Vaseikai field ah (b)Evan R VL Hriatpuia Thingkah field ah.
(c)Evan.C.Lengkhara Ngengpuikai field ah
(d)Evan.C.Lalhmangaiha Hmunnuam field ah
(e)Evan R.Henry Ramthianghlima Hmawngbu  field ah(A ni hi lakthar a ni)
(f)Evan.K.Laineihtluanga ,Saizawh East.

Sunday School Department Rorel tlangpui :
1.District huapa Sunday School seminar neih nise tul dang chu Board kutah dah a ni
2.Bru tawnga sunday sikul zirlai bu lehlin ve nise tih chu General Sunday sikul Conference Agenda atan theh luh ve nise an ti bawk.
3.Kohhran chhungkaw tin ah sunday sikul target siama in tuk ve nise tha tih tlan a ni
4.Lawngtlai District chhunga Local tin te sunday sikul kai tura hmalak nise an ti bawk.
5.Sunday sikul zirlaibu mamawh tur zat hi November thla ral hmain Diatrict OB te hnenah in report thin nise.
6.Sunday sikul kai hriatpuina  Local tin hman tur in ang tlanga siam nise.
———-

District hruaitute programme :

District Supdt Rev.R.Ramthatzawla, Bial chhunga Local hrang² fang kualin rawngbawlna a nei dawn a ni.

District Mission Director Rev.F.Lalbiakthuama chuan March ni 14-15 chhunga  Lawngtlai south bialin Saizawh East an tlawhnaah  Speaker ah tangin rawngbawlna a nei.
———

North Mizoram District  :

Executive Meeting :
March ni 10 Thawhlehni khan District LAD hruaitute’n term an chelh chhunga Meeting hnuhnung ber an nei.

Meeting Sis. PC Lalromawii BW in kaihruaiin Dist hruaitu Rev. Chhiarpuia’n a ho a, Exe Meeting-ah hian March ni 13-15 hmanga North Mizoram District Bial 30 ten confe an neihah District hruaitute atanga a hmanpui dan tur ruahmanna an siam bakah District hruaitu kal chhuak tur Sist. PC Lalromawii President leh Sist. K. Lalrokimi, Treasurer te thlahna Citation hlan an ni a,  Dist. Secretary Rev. Chhiarpuia’n thlahna thu a sawi bawk.
North Mizoram District chhunga Pastor Bial 30- te chuan, March ni 13-15 hmang hian a rualin Bial Conference an hmang dawn a. Bial Confe hman tur hi District Executive Committee chuan hetiang hian hruaitute hman dan tur ruahmanna a nei.
1) Sist. PC Lalromawii BW Dist. LAD President leh Sist. K. Lalrokimi Dist. LAD Treasurer te chuan Reiek Bial LAD te an hmanpui anga,
2) Sist. Laldawngliani Dist. LAD Secy chuan Rengdil Bial L A D  Golden Jubilee a hmanpui thung dawn a ni.
———
Work Camp :
March ni 4-7 chhung khan Rengdil PMF member mi  leh an adviser Upa Rongenga hovin mi 19 te chuan Behliangchhip biak in chung work camp in an chih.
Biak in hi a hmalam sir tawn hawn theih turin chokut pahnih an siam a, kawngkharpui chokut siamsa nen an vuah vek bawk a ni.
Rengdil PMF te hian Stage ruahmanna felfai tak siamin brick an rem vek bawk a ni.
Rengdil PMF te inpeknaah Behliangchhip kohhranhote leh Tlangsang Bial te an lawm hle a ni.
Rengdil PMF te hian  Workcamp in  biak in pathum an sa zo vek tawh a, Biak in chung chihsak pathum nei tawh bawkin, tirhkoh quarters pakhat leh Biak in sak lai pakhat an nei mek bawk. An din atanga an hma lak tawhna te leh hma lak mekna te:- 1. K. Saralli Biak in  2. Sihthiang Biak in 3. Zawlpui Biak in 4. Bajirung Tirhkoh quarters 5. Kanhmun Biak in chung chih 6. Luimawi Biak in chung chih 7. Behliangchhip Biak in chung chih leh 8. Kawrthah Biak in khawih mek te a ni.
———
Biak in sa dawn :
West Phaileng Bial, Kawnmawi Biak In sakna tur hmun hma laiin; Kawnmawi kohhrante leh Bial chhung mi thenkhatte’n Biak in hmun laih hna March ni 10 khan an tan. Biak in laih hnatlang hi  Bialtu Pastor Jakob Lalremsanga’n hovin, hun rei lo teah Biak in mawi hnai tak leh member tam zawk lenna Biak in sak peih thuai an tum.
———
Crusade :
Reiek Bial Ailawng kohhran buatsaihin Crusade hlawhtling tak March ni 4-8 chhung khan Ailawng Kohhran Biak inah neih a ni.
He Crusade-ah hian Sis. Kros chhuanawmi, Sihphir bial LAD President chu Speaker-ah hman niin; a rawngbawlna Lalpan mal a sawm a, March ni 9 Thawhtanni khan  Sis.Saitluangi te chhungkuain Kohhranhote kaltlangin Pathian chawimawina hun ropui tak an buatsaih bawk.
——–
Fehchhuak :
Kawnpui bial chhunga awm Rasdali Mission field  chu kar kalta Pathianni hmang khan Sihphir bial  ten Bus hire in an tlawh.
Sihphir Bialte hi Inrinni, March ni 7 khan chhuak a, Inrinni leh Pathianni hun an hmang a ni. Sihphir bialte rawngbawlna kaltlang hian March ni 8 Pathianni khan Hindu Sakhua vuan mi pahnihin Lal Isua hmingin Sual ngaihdamna baptisma an chang a, Pentecost Kohhranah lawmluh nghal an ni.
Baptisma rawngbawlna hi Sihphir bial, Serkhana rawngbawlna nei mek Evan MS. Dawngkima chuan heng mi thar pahnih te hi baptisma a chantir a ni.
Rasdali Mission Field-ah hian Evan. Hrangchhankhuma’n Missionary hna thawkin a awm mek a,  Lalpa ram zauhna turin theihtawp chhuahin thahnemngai takin chhungkuain rawng an bawl mek a ni.
——–
Field leh Biak in hawng :
March ni 8 Pathianni khan North Mizoram District, Missions Department hnuaiah Field thar 2, Biak in Pakhat leh Missionary Quarters 2 hawn a ni.
Kum 2019 North Mizoram District Missions Department Conference vawi 39-na in a lo rel tawh, District Missions Field thar atan Tumpanglui leh South Chhimluang te hawn ni se a ti a a lo passed tawh leh District Board -a rawtna a thlen, District Board in a phalsak angin- March ni 8 Pathianni khan Rev. Laltluanga District Superintendent  chuan Tumpanglui Missions Field, Rengdil Biala awm chu Lalpa ram tihzauh zelna turin Lal Isua hmingin a hawng. Tumpangluiah hian kohhran a dintirh atanga lo thawk tawhtu Sist. Lalhriatkimi Kawnpui chu Casual Worker-in District Missions Department chuan a chhawr mek a ni.
Tumpanglui Missions Field hawnnaah hian bial neitu Rengdil bial chhung atangin mi thahnem tak kalkhawm bawkin, Field hawngtu District Superintendent hi Evan Hmingchungnunga Chaltlang bial missions director leh Evan Lalhmachhuana Tlangnuam bial leh Bro. Lalnuntluanga te’n an tawiawm bawk.
Field hawng tura kalte hian March ni 7 Inrinni zanah Pathian Biak inkhawm neihpuiin Upa Rohnuna  Rengdil Bial Directorin hun a kaihruai a, Bialtu Pastor Pastor C.Lalthlengliana thuchah a sawi.

March ni 8 Pathhianni zing Field thar hawn inkhawm neiin; Rengdil Bialtu Pastor C.Lalthlengliana’n inkhawm a kaihruai a,  Tumpanglui kohhran dindan report, Tumpanglui kohhran dintu Sist.J.Lalmuankimi hnen atangin report kimchang ngaihthlak a ni. Hemi hnu hian Missions field a puanna leh sermon Rev Laltluanga Supt.North mizoram district. chuan neiin Missions Field thar tana thilpek pek Bial leh mimal atangin neih a ni bawk.
Field thar hawn denchhen hian Nau hlan rawngbawlna Rev. Laltluanga Dist. Supdt. in neiin Nau  9  Lal Isua hnenah hlan a ni a, Tumpanglui khuaa Missionary hna thawk mek Sist.Lalhriatkimi’n lawmthu sawina neiin; Malsawm tawngtai neiin Bialtu Pastor C.Lalthlengliana Rengdil bialtu pastor chuan inkhawm a tin ta a ni.
Tlaiah home missions field thar hawn lawmna ruai theh nghal a ni a, hemi ni vek hian Mi -1 in sualngaihdamna baptisma Lalpa Isua hmingin  a chang a, thlarau dangthar mi 12- an awm bawk a ni.
Tumpanglui Missions Field  hi Aug ni 15,  2019 ah din niin; Tun ah hian member 115- an awm mek a, Missionary Quarter tur District Missions Dept. in sak a tum mek bawk a ni.
Tumpanglui Missionary Quarters tur hi Hriphaw Kohhran P.M.F ten, Rengdil kohhranpui  bial board  ngenna angin work camp in an  sa dawn a ni, Tumpanglui-ah hin biak In pawh sak tum mek ni bawkin; hemi atanah hian District-in Rs 2,50,000 a ruahman tawh bawk.
——–
Field thar hawng :
March 08, Pathianni  khan S. Chhimluang chu N. Mizoram District Home Missions Field atan Rev. C. Lalthantluanga, District Missions Director-in Pathian hnenah hlanin a hawng a, S. Chhimluang Biak In a hawng nghal bawk a ni. Hei bakah hian Rev. B. Vanlalruata, Kolasib Venglai Bialtu Pastor chuan Missionary Quarrers sak thar a hawng bawk.
Biak In hawng tur hian Kolasib Venglai Bial atangin member 21 an riak lut a, lehlanga kal hi mi 40  zet an awm bawk.
Biak In hawn hmain Biak In tualah hun hman hmasak a ni a, Sis. Lalnuntluangi’n Pathian fakna hla a sa a, hemi hnu hian District Missions Director in S. Chhimluang chu N. Mizoram District Home Missions Field atan a puang a, Biak In a hawng chhunzawm nghal.
Biak In chhungah hian Bial PYD Zaipawlten Biak In hawnna hla an sa a, T. Upa Lalchamliana, Bial Missions Treasurer in Qrs. sak dan report a pe a, Evan. Zoremmawia Hlondo, Bial Treasurer in Biak In sak dan report a pe a, District Missions Director in Pathian thuchah a sawi.
Biak In hawn zawhah hian Qrs. chu Rev. B. Vanlalruata, Bialtu Pastor in a hawng a, tawngtai ruala hlan a ni. He hun hman zawh hian mi 10 in Baptisma an chang a, Dist. Missions Director in Baptisma rawngbawlna a nei a, Tlaiah ruai buatsaih a ni bawk.
Biak In hmun hi District in Rs. 60000/- a leisakin; a sakna tur Rs  200000/- a pe bawk a. Qrs. hmun tur hi Bial Missions Dept Rs. 12000/- in an lei a, Bial chhunga sum thawhkhawm bakah District Missions Department in Rs. 120000/- a pe a ni. District Missions Dept  hian Biak In wiring leh electrict connection bakah Ceiling Fan 3 an dah a, Qrs. ah Fridge, Steel Almirah, Ceiling Fan 2, Pedestal Fan 1 leh Solar Inverter an dah bawk. Heng bakah hian Bial chhung leh pawn atangin thilpek tam tak dawn a ni bawk a. Kohhranhote pawh an lawm hle.
Field, Biak in leh quarters hawn Programme hi March ni 7 Inrinni zan atanga hman niin; Pathianni zan thlenga hun hman a ni a, Thlarau awmpuina hnuaiah hlim taka hun hman a ni.
———–
Quarters hawng :
March 08, Pathianni khan District Missions Executive Meeting in ruahmanna a siam angin, District Home Missions Field, Tlangsang Biala awm Zomuantlang Misionary Quarters chu District Missions Treasurer Evan. MS Dawngliana’n a hawng.
Zomuantlanga Missionary Quarters sakna tur ram hi Upa C. Sangliana te chhungkuain Quarters sak nana an pek niin;  ram hmun rem tak Feet 84 biala zau a ni a, hei bakah hian Missionary Quarters Electric Conection chu an chan ai quarters-a hman atan  an pe bawk.
Zomuantlang Quarters hi Durtlang Mualveng Local Missions Department ten workcamp-a sain, Quarters sakna chák zawng zawng pawh theihtawp chhuaha sumtuaka an hlawhchhuah a ni. Durtlang Mualveng kohhran ten quarters an sak sak bakah hian thilpek hlu tak tak thawmhnaw, bungbel, ceiling fan, thutthleng sei leh cushion chenin Missionary te mamawh tur hi an pe a ni.  Quarters hawngtu Evan. MS Dawngliana, District Missions Treasurer-in Quarters-a phah tur Carpet Varandah thlenga daih pe bawkin, Upa R. Rothangpuia te chhung Mission Vengthlang ten Quarters-a zar tur Purdah mawi tak an pe bawk a ni.
Quarters sak puitlinnan hian Tlangsang Bial mipuite rim taka thawkin tha 100 zet sengin an thawkchhuah a, Electrict wiring bakah Tui connection pipe fit te, leh mimal thahnem ngai Quarters sak puitlin a nihna tura mahnia hna thawk pawh tam tak an awm bawk.
Zomuantlang Quarters hawn Programme hi March ni 8 chawhnu dar 1:00-ah neiin, Pawn lamah Qtrs hawn Prog hman hmasak a ni a, Tlangsang Bialtu Pastor K. Ainawna’n quarters hawn Programme hlanna leh lawmthusawi tawngtaina neiin; District Missions Treasurer Evan MS Dawngliana’n Krista ram tihzauh a nih zelna turin Zomuantlang Missionary Quarter chu Isua hmingin a hawng a ni.
Quarters hawn a nih hnuah Inchhungah lutin Programme hman chhunzawm a ni a, Tlangsang Bial Missions Director Rev. K. Lalchamliana’n hun vawn hna thawkin Sist. MS Dawngzuali Dinthar leh Sist. Hmangaihpui ten fak hla an sa a, Quarters Pathian hnena hlanin tawngtairual neih a ni a; chumi hnuah    Bialtu Pastor K. Ainawna hnen atangin Zomuantlang Quarters sak a nih dan kimchang leh ngaihnawm tak a sawi ngaihthlak a ni a, hei bakah hian  thusawi tawi Quarters satu Durtlang Mualveng Local Director Bro. K. Lallawma, Quarters Ram petu Upa C. Sangliana, Quarters Luahtu Missionary Sist. F. Lalsiamliani ten thutawi an sawi a, District Mission Treasurer Evan. MS Dawngliana’n District aiawhin lawmthu a sawi bakah Missionary te fuihna thuchah a sawi bawk.
Hemi hnu hian Missionary thilpek hlanna nei nghalin Ceiling Fan chu Sist. Lalzuiliani BW Chawlhhmun Bial LAd President in hlanin Pedesltal Fan Dutlang Mualveng Local Director in a hlan bawk a ni. Tlaiah quarters thar lawmna ruai buatsaih a ni bawk.
Zanah Zomuantlang Field Biak inah inkhawm buatsaih niin; Bialtu Pastor K. Ainawna’n inkhawm hun a vawng a, Bro. Malsawma Durtlang in hun hmasa changin Sist. MS Dawngzuali leh Sist. Hmangaihpuii  ten fak hla an sa leh bawk a, Sist. Lalzuiliani Bible Women in Pathian thuchah ropui tak a sawi a ni.
————–
Missionary pual inkhawm :
March ni 8 Thawhtanni zan khan Tlangsang Bial, Tlangsang biak inah Volunteer missionary pual inkhawmna neih a ni.
Missionary te pual inkhawmah hian Upa Lalfakawma, bial Secy chu chairman niin; Bialtu Pastor K. Ainawna’n rawngbawltute fuihna leh hriakhnawihna a nei a, Kohhranhoite’n rawngbawltute pualin tawngtaina an nei bawk.
Missionary volunteer te an awmna tur hetiang hian ruahman a ni:-
1. Bro Vanlaltanpuia, Chawlhmun, Aizawl, thawhna hmun tur Lungthir
2. Bro Isak Lalramtiama, Tuahzawl, thawhna tur Vitor Kalagang
3. Sis Vanlalpeki, Tuahzawl, thawhna hmun, Tharma khua
Volunteer Missionary pahnih Bro. Vanlaltanpuia, Chawlhhmun Aizawl leh Bro. Isak Lalramtiama, Tuahzawl te hi Bro  Ricky Zosangzela, Model Veng Aizawl, chuan sumpaiin tanpuina a hlan bawk.
Missionary ten an Post an panna tur hi Sis Lalzuiliani, B/W Zonuamin a tum sak bawk.
———
Pastor Quarters hawng :
March ni 11 Nilaini chawhma dar 11:00 khan North Mizoram District, Kanghmun Bial Pastor Quarters chu Rev.Laltluanga Dist.Suptt. chuan a hawng.
Chawhma dar 11:00ah Quarters kawtah kal khawmin, Rev.Laltluanga chuan Pathian thu Kolassa 3:17 “Tin, in tih apiang chu thusawiah emaw, thil tihah emaw ama zarah Pa Pathian hnena lawmthu hril chungin Lalpa Isua hmingin ti vek rawh u” tih a chhiar a  Rev. Chhiarpuia Dist.Secy. chuan hun hlanna tawngtai a nei a, hemi hnu hian  Dist.Suptt.Rev. Laltluanga chuan Lalpa Isua hmingin Pathian ropui nan, Quarters thar chu a hawng ta a ni.
Inchhungah hun serh hman chhunzawm niin, Bialtu Pastor Rev.H.Zabiaka’n hun  a vawng a, Pathian thu Sam 103:2-4  ‘ Aw ka nunna, LALPA chu fak la, A thiltih that zawng zawng chu theihnghilh suh u….’ tih thu chhiarin thuchah tawi a sawi.
Rev.R.Lalhmangaiha Maubawk bial vawngtu chu tawngtaiin; Bial Building Comitt. Secy. Evan. Lalbiakchhunga hnen atangin report hetiang hian ngaihthlak a ni.
Quarters  hi  21 Feb. 2019 khan sak tan a niin; Bial chhung mipui leh Kanghmun kohhran ten tha tam tak an seng a ni.
Quarters hi a dung sei lai ber hi  fts 36  leh a vang fts. 24  a lian niin, a chhuatah floor-tile phah chhuah vek a ni a, Toilet 2 leh Bed room 3 siam a ni bawk.
Sum dinhmunah Rs. 16,50,000/- dist. atanga hmuh niin, Rs. 16,02,096/- hmanral a ni bawk.