GENERAL NEWS
HRUAITUTE PROGRAMME:
General Superintendent Rev. R. Lalrinsanga chuan North Mizoram District Conference, Tuikhuahtlang Aizawl a hman tur chu telpuiin rawngbawlna a nei bawk ang.
General Secretary Rev. Zohmingthanzama chuan March ni 3 atanga ni 6 chhunga Lunglei Distric Conference vawi 57-na Headquarters Local-a neih tur ah telin rawngbawlna a nei ang.
———-
———-
LAWNGTLAI WEST DISTRICT
District hruaitute programme:
District Superintendent, Rev.F.Lalbiakthuama chuan March ni 1 thawhleh ni khan Lawngtlai West Dist LAD Executive Meeting Dist. Office a neih ah a tel pui a, March ni 6 Pathian ni hian College veng kohhranah hun a hmang ang.
District secretary & Treasurer Rev.Lalsawmliana Sailo chuan Pathianni hian Mampui kohhranah rawngbawlna a nei ang.
———-
SUPERINTENDENT RELIEF FUND ATANGIN DISTRICT SUPERINTENDENT IN DAMLO KAN:
February ni 22, 2022(wed) khan Rev.F.Lalbiakthuama District Superintendent chuan damlo, Upa C Lalthlamuana Diltlang leh Rbt.Kunglaha Saikhawthlir te kanin, Supt. Relief fund atangin ₹1000 ve ve a hlan bawk.
———-
LICENCE HLANNA NEI:
February ni 25, 2022 (Fri) khan District Office-ah Evan.Lalduhkima of Chanmari Local chu Rawngbawlna Local Licence a hmu thar a, Rev.F.Lalbiakthuama District Superintendent chuan Fellowship Card leh Certificate hlanna a nei a.
Licence Holder te tana pawimawh leh hriatturte hrilh hriatna a nei nghal. Pastor.S.Vanlallunghnema Dist.PYD President in tawngtaina hun a hmang a. Evan.George Lalawmpuia Dist.PYD Secretary in a telpui bawk a ni.
———-
TRAINING NEIHPUI DAWN:
Rev.F.Lalbiakthuama District Supdt chuan February 26-27.2022 khan Vathuampui Bial ah Practical Training ‘Kohhran serh leh sang’ chungchang a neih pui a, District Supdt hi Evan.C.Lalhmangaiha Hmunnuam Home Missionary leh Evan.Lalduhkima Lawngtlai Chandmary Local ten an tawiawm a ni.
Tin, February 28.2022 khan Vaseikai, Chhotaguisury leh Damdep te bakah Saibawh leh M.Kawnpui te an tlawh nghal bawk.
———-
SUNDAY SIKUL ZIRTIRTU TRAINNING
Lawngtlai North bial Sunday school Conference in a lo rel tawh Sunday school zirtirtu trainning neih nise tih chu February ni 27, 2022 (Pathianni) khan Lawngtlai bazar biakin ah trainning neih a ni.
Trainning hi Upa Rothangzauva Bial sunday school Director chuan kaihruaiin Evan. George Lalawmpuia Dist. PYD Secretary chu Resource person ah hman a ni.
———-
DISTRICT LAD OB MEETTING NEI
March ni 1 thawhleh ni khan District LAD OB meeting pawimawh tak Dist.Office ah neih a ni a, District Superintendent leh District Secretary te chuan telpuiin, District Conference lo awm tur atana inbuatsaihna leh ṭul pawimawh te an sawi ho a ni.
———-
HOME MISSION FIELD TLAWH DAWN
March ni 5-6 2022 chhung khan saizawh E local LAD te chuan vaseikai Home mission field tlawhin rawngbawlna an nei a, speaker ah Evan K.Laineihtluanga hmangin, “Zan hi a ral lek² tawh a khua a vardawn ta” Rom:13:12 tih chu thupui ah hman a ni.
———-
NGENGPUIKAI AH MISSIONARY DAH LUT
March ni 2 Nilaini khan Evan. Pc Vanlalpeka chu Ngengpuikai ah Missionary hna thawk turin a lut a,
Evan PC Vanlalpeka, Khawmawi hi native land missionary bik atan lak a ni a, Upa Lalnunzira Chairman AOC Local te chhungkua chuan an sponsor a ni.
———-
———-
CHHIMTUIPUI DISTRICT
CHHIMTUIPUI DISTRICT LAD CONFERENCE VAWI 46 NA HMANG DAWN
March ni 4 – 6 2022 chhung hian Chhimtuipui District LAD Conference Vawi-46 na chu Bualpui NG local, Bualpui NG Bial ah hman a ni a. He khawmpui ah hian “I rawngbawlna kha hlen rawh” II Tim 4:5 tih thupui hmang in Speaker Evan N Thanghnuna Dist Evangelist chuan rawngbawlna a nei ṭhin a ni.
He khawmpui hi Dist Kohhranpui official ten hman puiin March ni 5 Inrinni ah Conference rorel inkhawm neih a ni. Dist LAD hruaitu ten inkhawm kaihruaiin, Kohhranpui Dist puipa ten thu sawina hun an nei thin a, Dist Choir te leh Dist chhung zai mi hrang hrang ten zai rawngbawlna an nei thin bakah, Dist chhung a Pastor pension tawh engemaw zat in khawmpui hi an hmanpui bawk a ni.
———-
BUALPUI NG BIAL CONFERENCE VAWI-13 NA HMANG DAWN
March ni 2 – 3 chhung khan Bualpui NG Local ah Bial Conference vawi 13 na hman a ni a, He khawmpui hi Dist. Superintendent Rev. Joseph L. Thlauhthang chuan a hman puiin, conference hlan na leh hawn na a nei nghal bawk a ni. Evan N Thanghnuna Dist Evangelist chu speaker a hman niin, Sist Zionpari chuan zai rawngbawlna a nei dawn bawk.
———-
DIAMOND JUBILEE HMANG DAWN
Chhimtuipui District chhunga S.Lungpher Kohhran chuan March ni 3 Nilai thawhtan ni khan an Kohhran Diamond Jubilee an lawm.
S.Lungpher UPC Kohhran hi 1962 khan din niin, kum in 2022 hi an kohhran kum 60 tlinna Diamond Jubillee a ni a, March ni 3 nilai thawhtan ni khan a lawmna hun hman niin Pastor L. Nghakliana chuan Lungphun hawnna a nei a, Evan. K. Rinthara local chairman chuan thu sawina hun a hmang bawk, tlai lamah Jubilee ruai tuihnai tak kil niin, he mi a tan hian Bro Khambawiha te chhung leh Rbt. RL. Hmingthanzuala te chhung chuan vawk an thawh ve ve a ni.
———-
———-
LUNGLEI DISTRICT
LUNGLEI DISTRICT UPC CONFERENCE VAWI 57-NA ROREL INKHAWMIN NEIH A NI DAWN:
Hri leng avangin Lunglei District UPC Conference vawi 57-na Dt.3-6.March 2022 chhunga Headquarters Local-a neih tur chu District hruaitute ruahman angin Dt.5-6.March 2022 chhung hian rorel inkhawmin neih a ni ang. Hetiang hi rorel inkhawm neih dan tur a ni.
March ni 5 Inrinni chawhma 11:00 aṭangin District PYD in Headquarters Biak in ah rorelna an nei ang a, Sunday School Department chuan District Conference Hall-ah rorelna hi an nei ang.
Kohhranpui rorel hi March ni 6 Pathianni chawhma 10:30 aṭangin neih a ni bawk ang. (Pic. Conference banner)
———-
MISSIONS FIELD-A MAICHAM SIAM NAN Rs.30000 HLAN:
March ni 1 Thawhlehni khan Sist. R. Lalsangzuali te chhungkua, Bazarveng Local ami te chuan Missions Field – chhunga Maicham siam nan ₹. 30000/- District Missions Director Rev.R.Vanlalenga hnenah an hlan.
Sist. R. Lalsangzuali te chhungkua hian Vawk an vulh thin a, Vawk pakhat hralna man chu Missions Field chhung a hman atan hian an hlan a, an chungah District Missions hruaitute an lawm hle. (Pic. Maicham siamna hlan)
———-
DISTRICT P.Y.D. IN THILPEK HLAN:
February ni 24 Ningani khan P.Y.D Lunglei District hruaitute chuan District Superintendent Quarters ah Bookshelf (onoma) Rs.21400 man an dah a, kum dangah pawh an lo tih ṭhin tawh angin Lunglei District UPC enkawl School, Christian Education Centre, ṭanpui nan Rs.10000 an hlan bawk. (Pic. District PYD in thilpek pe)
———-
———-
NORTH MIZORAM DISTRICT
District Hruaitute Programme:
North Mizoram District Sudpt Rev. Laltluanga chuan kar kal ta March ni 4-6 chhunga Barak District Confe. Halflong-a an hmanah Speaker hna thawkin Confe a hmanpui.
———-
District Conference vawi 72-na hmang mek:
UPC, North East India, North Mizoram District Conference vawi 72-na chu March ni 4 Zirtawpni khan Hqrs. KOhhran Biak in, Tuikhuahtlangah tan a ni.
Confe hi Dist. Supdt. Rev. Laltluanga’n kaihruaiin tannin,NEI-UPC Gen. Supdt. Rev. R. Lalrinsanga’n COnfe a hawng a, Report hrang hrang Kohhranpui, Missions Dept, Sunday School, LAD leh PYD atanga ngaihthlak a nih hnuah, COnfe rorel inkhawm neih nghal a ni. Rorel inkhawm zawh hnuah North Mizoram District hruaitu thar kum 2022 – 2023 atan District Supdt, District Secretary leh District Treasurer te thlan a ni a, Chanchin buatsaih lai hian chanchin kimchang hriat theih a ni lo.
March ni 6 Pathianni khan Sermon inkhawm neiin, Rev. Laltluanga Dist. Supdt. in inkhawm kaihruaiin; Member boral sunna Dist. Secretary Rev. Chhiarpuia’n a nei a, Kum 2022 chhunga kohhran member sunnah un Bible chhiarin a nei a. NEI-UPC Gen. Supdt Rev. R. Lalrisanga’n thuhrilh rawngbawlna a nei bawk a ni.
Confe. Report bu-a a lan dan atanga North Mizoram District dinhmun tlangpui chu hetiang hi a ni:-
———-
Dapchhuah Biak in hawng:
North Mizoram District SUpdt. Rev. Laltluanga chuan Feb ni 20 Pathianni khan Lengpui Biala awm, Dapchhuah Kohhran Biak in sak thar chu Lalpa Isua hmingin a hawng. Dapchhuah kohhran hi Maubawk Bial Missions Dept leh Lengpui Bialte rawngbawlhona kaltlanga kohhran ding niin; North Mizoram District bul tuma, Biak in sak leh Bial leh mimal thahnemngai leh Bro. Dr. Lalrempuia’n sum leh pai a thawhte hmanga Biak in tha tak an tundin chu North Mizoram District Supdt. Rev. Laltluanga Lalpa Isua hmingin Ribbon chepchatin a hawng a ni.
Biak in chhungah Programme hman chhunzawmin Lengpui Bialtu Pastor Rev. Lalchuailova’n hun kaihruaiin; Hunserh Rev. CHhiarpuia’n a hmang a, Biak in chhung inkhawmah hian District Supdt. Rev. Laltluanga vek chuan rawngbawlna a nei nghal bawk. Biak in sak dan report hi District Treasurer Rev. K. Lalduhsanga leh Dapchhuaha rawngbawla awm mek Evan. Lalhmangaihzuala ten report pe in, Maubawk Bial Missions Dept. te Dapchhuah rawngbawlna bul tantute an nih angin thusawi ngaihnawm tak an zing atangin ngaihthlak a nib awk a, Lengpui Biala tangin Biak in thar lawmpuina thilpek te hlanin; Evan. Lalhmingsanga’n Bial aiawhin lawmthu a sawi a, Rev. K. Lalduhsanga’n Biak in thar hawn lawmna inkhawm chu malsawm tawngtainain min tin ta a ni. (Dapchhuah Biak IN thar hawn)
———-
North Mizoram District Missions Board neih a ni:
UPC, North East India, North Mizoram District Mission Board chu March ni 2 Nilaini khan, UPC North Mizoram District Headquaters Kohhran Biak inah thukhawmin, Dist. Puipa 3 – ten an hova, Missionary 5 lain, thawklai 2 transfer and Posting siam ngai nen siam rem nghal a nib awk. Missionary lak te:-
1. Evan John Gabriel
2 Vanlalpeki
3 Evan. F. Lalbiaknia
4 Evan. Gospel Lalrinmawia
5 Evan. R. Lalhmangaihzuala
Hetiang hian Transfer & Posting siam nghal a ni bawk
1 Sist. F. Lalsiamliani Kananthar
2 Evan. John Gabriela K. Sarali
3 Evan. Gospel Lalrinmawia Damdiai
4 Evan F. Lalbiaknia Sihthiang
5 Sist. Vanlalpeki Vitor Kalagange
6 Evan. Lalrampana Zomuantlang
7 Evan. R. Lalhmangaihzuala S. Chhimluang
8. Zomuantlang Evan. Lalrampana
Heng Misionary lak thar leh Transfer & Posting tih t e hi April ni 1-ah Joining report Office-ah pein , April ni 15 ral hmain an awmna hmunah kal tur a ni ang.
———-
Sunday School Hall hawng:
North Mizoram District Missions Dept. enkawlna hnuaia awm Field pahnih Dilzawl Missions Field, Lengpui Bialah leh Rastali Missions Field, kawnpui biala awm te chu Pathianni kalta Feb ni 27 khan hawn a ni.
Rajtali Mision Field Sundsay School Hall chu Rev. C. Lalramthanga, North Mizoram District Sunday School Director in hawngin hlim leh tluang takin hun an hmang a, Kawnpui Biala tanga rawngbawltu pawimawh tak tak ten hun an hmanpui a ni. (Rajtali SS)
Dilzawl Missions Field Sunday school Hall chu Evan. H. Lalrinngheta, North Mizoram District Sundsay School Secretary in a hawng thung a, Dilzawl Mission Field-ah pawh Pathian thlarau thinghlim hnathawh thlengin thlarau lam revival nen hun hlim takin an hmang bawk a ni. Evan. H. Lalrinngheta hi Aizawl atangin thalai thahnem takin an tawiawm a ni. (Dilzawl SS)
———-
———-
AIZAWL EAST DISTRICT
District Conference:
March 10 atanga 13 chhunga Khawzawl Vengthar Biakin-ah Aizawl East District conference vawi 28-na hman tur atan inbuatsaihna peih thawkhat a ni ta. He inkhawmpui hi hrileng avangin kum danga hman thin ang erawh chuan a hman theih dawn lova, rorel palai tur pawh bial atangin tih tlem a ni bawk. Kuminah hian hrileng avangin zan lamah inkhawm a remchan loh avangin Pathianni chawhma leh chawhnu-ah chiah inkhawm buatsaih tura ruahman a ni.
Kumin 2022 Aizawl East District inkhawmpui-ah hian District Sunday School leh District PYD te chuan rorelna hun an hmang ve dawn a, March 11, Zirtawpni-ah rorelna neiin PYD te hian inkhawmpui neihna hmun Khawzawl Vengthar Biakin-ah Rev C.Lalmalsawma, President kaihhruaiin rorelna an nei anga, District PYD bakah Sub-Committee hrang hrang ten lawmman sem tur an neihte semna hun an hmang nghal ang. District Sunday School Department te hian Rev Rohmingliana, Director kaihhruaiin Venglai Biakin-ah rorel inkhawm hi an nei ve thung dawn a ni.
Tarlan tawh angin hrileng avangin inkhawmpui hi kum danga hman thin anga hman theih a nih loh avangin Bial hrang hrang atangin palai tur tih tlem a ni a, District PYD leh Sunday School te hian Bial aiawh mi 3 palai turin an ruat a, Kohhranpui hian Bialtu hruaitute bakah bial aiawh mi 2 leh Licence holder te palai atan a ruat bawk a ni. March 12, Inrinni hian rorel inkhawmna neih tur niin Inrinni-ah vek hian hruaitu thar thlanna neih a ni bawk dawn a ni.
Aizawl East District inkhawmpui thlengtu tur Khawzawl Bialte pawh nasa takin an inbuatsaih chho mek zel a, inbuatsaihna pawh peih thawkhat tawh niin Bial hrang hrang thlenna hmun turte pawh an ti fel tawh a ni.
———-
OTS Graduation Day:
February 27, Pathianni chawhnu Dar 1 khan District Hqrs. Biakin-ah Kum 2021 session-a OTS Graduate te pualin Graduation ceremony hman a ni. He hun hi Rev Vanlalfela Ramtiam, Principal chuan kaihruaiin Rev C.Lalmasawma’n hunserh a hmang a ni. OTS Graduation Day hman naah hian Rev C.Lalengliana, Zirtirtu chuan Zirtirtu aiawha thusawina neiin zirlai kalchhuak turte leh zir mekte hnenah fuihna thu tha tak a sawi a, Rev H.Lalropuia, Secretary, Theological Education Board chuan result puanna a nei a ni. Graduate te confer na leh Certificate hlanna Rev Vanlalfela Ramtiam chuan neiin Rev VL.Hnemtluanga, District Secretary hnena atangin fuihna thu tha tak tak ngaihthlak leh a ni bawk. Evan H.Lalngaihzuala, Graduate student hnen atangin zirlai aiawha thusawi ngaihthlak leh niin Rev R.Laltlankima, District Treasurer kaihhruaina hnuaiah zirtirtu leh Graduate student te hnenah lawmman hlanna neih leh a ni bawk a, Rev Rosanga Kawlni, Zemabawk North Bialtu Pastor chuan malsawm tawngtaiin inkhawm a titawp a ni.
Hrileng avangin Kum 2021-ah khan OTS hi kal theih a ni lova, chumi avang chuan Theological Education Board meeting chun Kum 2021 session atan february 15 atanga Class kal tanin February 24 leh 25-ah exam neih ni se a ti a, exam te tluang taka neih a nih hnuah Kum 2021 Session-ah hian zirlai 9 ten OTS atang hian zirchhuakin Certificate in Theology hlan an ni.
———-
Literature Committee:
February 24, Ningani khan District Secretary room-ah Literature Committee neih a ni. Rev.VL.Hnemtluanga, Chairman chuan kaihruaiin thu pawimawh tak tak ngaihtuah a ni a, an thu passed langsar zualte:
1. Kum 2023 Nilai zan thupui ziak tuten July 2022 ral hma in endik theih turin thehlut se tha tih niin August 2022-ah editing board thut hman ni se tih a ni.
2. “I AM” tih lehkhabu, David S.Norris ziak chu lehlin ni se tha tih niin Evan Dr.Romalsawma, Champhai chu letling tura beisei ni se tih a ni.
3. Kum lama thalaite tan thurin lam hawi lehkhabute (booklet) inziahsiak buatsaih tura tih niin lawmman pawh tha tawk tak in pek ni se an ti a, August 2022 ral hmaah thehluh tura tih ani a, pakhatna atanga pathumna te chu Literature board in published sak ni tih a ni bawk.
Literature Committee-ah hian member an telkim thawkhat a ni.
———-
Thianghlimna Committee:
March 1, Thawhlehni khan District Superintendent room-ah District Thianghlimna Committee, Rev C.Lalengliana, Chairman kaihhruaiin neih a ni a, an thu passed langsar zualte:
1. Kumin 2022 kum chanve hmalam hian Bial hrang hranga Bial Thianghlimna Committee te hnenah Seminar nei tura ngenna siam ni se tih niin Seminar-a an hmalakna chu District-ah thehluh theuh ni se an ti a, hei bakah hian Bial hrang hrangah Campaigner in tirin Thianghlimna Campaign neih ni se an ti bawk.
2. Thianghlimna kawngah hmasawn a nih theih nan District Department te hnenah a theih ang anga hma lakpui tura ngenna siam ni se an ti a, Bial leh District level Conference-ah Thianghlimna pual sermon hun khat tal zeh ve thin tura ngen ni se an ti bawk.
3. NPSS lamah Thianghlimna Campaign neia hma lakpui turin Bialtu Pastor te hnenah ngenna siam ni se.
4. Zuk leh hmuam nghei thar tam Bial te hnenah kumin District Conference-ah lawmman hlan ni se an ti bawk a ni.
———-
Mithar:
February 27, Pathianni khan Champhai Bethel bial Zion Kohhrana lawi turin chhungkaw 3, member 14 te chuan Bialtu Pastor, E.Vanlalpeka Zote chuan Kohhranah sengluhna a nei. February 20, Pathianni khan Melbuk Kohhranah member 18 sengluhna neih alo ni tawh bawk a ni.
Champhai Bethel bial chhungah hian February 19 thleng khan hetiang hian Pathian chawimawina neih a ni a, Speaker-ah Bialtu Pastor, E.Vanlalpeka Zote chu hman a ni.
Janaury 15-ah Bethel Hqrs. Kohhranah Bro T.Vanlalvuana te chhungkua chuan Pathian chawimawina an nei.
February 18-ah Zion Local-ah T.Upa Chingokhupa te chhungkuaa chuan Pathian chawimawina an nei.
February 19-ah Sis Zachhungi te chhungkua, Bethel Hqrs. Kohhran chuan Pathian chawimawina an nei bawk.
———-
Hruaitute Programme:
Rev. VL.Hnemtluanga, District Secretary chuan Pathianni hmang hian E.Lungdar Bial-ah District Missionary Support zawngin rawngbawlna a nei ang.
Facebook