Pennet News Service : March 26, 2022

GENERAL NEWS

HRUAITUTE PROGRAMME:
General Superintendent Rev. R. Lalrinsanga chuan March ni 25 – 27 chhung a Lawngtlai West District Conference neih chu telpuiin rawngbawlna a nei.

———-

PYD DAY

March ni 21, Thawhtan ni hi North East India UPC Kohhran thalai pawl Pentecostal Youth Department PYD Day vawi 53-na  a ni a, India hmarchhak pum huapa hman a ni.
He ni hi Kohhran ni pawimawh a nih avangin Kohhran Office, Bookstall, zirna in leh Kohhran hmun pawimawh dangte pawh khar vek a ni bawk. General PYD pawhin thuchhuah siamin, he mi ni hian Bial leh Tualchhungah te programme siamin hlim tak a hun hman a ni.
Pentecostal Youth Department (PYD) hian Kumpuan thupui atan “Thuthlung puan uar” tih  a hmang  mek a. Tun dinhmunah hian North East India UPC huamchhungah PYD member 24,850 an awm mek a, tualchhung kohhran 574 ah PYD hi din a ni.

———-

———-
———-

CHHIMTUIPUI DISTRICT

CHHIMTUIPUI DISTRICT BOARD NI 2 CHHUNG NEIH CHU TLUANG TAK A ZAWH A NI: – Bial thar hawn a ni. Pastor thar 02 lakan ni. Pastor posting & transfer, Departmental hruaitu thar ruat.

March ni 21-22.2022 chhung khan Chhimtuipui District Board chu, Dist Committe room, New Siaha ah Chairman Rev. Joseph L. Thlauhthang Chhimtuipui District Superintendent kaih hruaiin neih a ni a, General Superintendent, Rev. R. Lalrinsanga chuan tel puiin, chibai bukna leh fuihna thu a sawi bawk. Chhimtuipui District Board ah hian member an kal kim thei a ni.

Thu rel langsar zualte:

1. Dist Conference hun leh hmun tur hetiang hian ruahman a ni:

2023 – Niawhtlang Bial
2024 – Bualpui NG Bial
2025 – Tuipang Bial
2026 – Siaha Bial
2027 – Sangau Bial
2028 – South Lungpher Bial

2. Bial khawmpui neih dan tur hetiang hian ruahman a ni:

Thawh 1 na – 2nd Week Feburuary 2023
: Siaha Bial, South Lungpher Bial & Tuipang Bial ten khawmpui an nei ang.

Thawh 2 na – 3rd Week Of Fenruary
: Sangau Bial
Niawhtlang Bial
Bualpui NG Bial ten Bial khawmpui an nei ang.

3. Bial thar a tan Siaha West Pastor Bial hawn thar a ni. Bial Head Quarters atan Meisatla loca niin – Dist Hqrs Local, Council Vaih, Riasika local leh Amobyu Vaihthie/Zero a huam ang.

4. Pastor a tan Evan Larry Lalliandinga Pangkhua field worker leh Evan Robert B Lalnunsiama T Amobyu/Zero home mission field worker lak thar an ni.

5. Hetiang hian Pastor posting & Transfer siam rem a ni:-

(a) Siaha Bial – Rev K Kawngkharmawia (Present post Sangau Bial)

(b) Niawhtlang Bial – Rev H Lalhnehchunga
(Present post Bualpui Ng Bial)

(c) South Lungpher Bial – Pastor L Nghakliana (Present post South Lungpher Bial)

(d)  Sangau Bial  – Pastor V Lalhlimpuia
(Present post Niawhtlang Bial)

(e) Tuipang Bial – Pastor Robert B Lalnunsiama T

(f) Bualpui NG Bial – Pastor MH Robin Lalthanmawia (Present post Tuipang Bial)

(g) Siaha West Bial  – Pastor C Lalchhuanthanga (Present post Siaha Bial)

Pastor Larry Lalliandinga hi Dist Office ah attatched a ni ang.

6. Dist Department hruaitu ruat thar te:-

Mission Department
Director    : Rev Dr C Sihmo
Secretary : Evan John VT Hniehu
Treasurer : Rev WL Thanghre

Sunday school Dept Director    : Evan V John
Secretary : Upa F Lalrothuama
Treasurer : Rev Kholy Hlychho

Ladies Auxiliary Department
President : Sist Ngilneii BW
Secretary : Sist TT Duhtinthluaii
Treasurer : Sist L Nitei

Pentecostal Youth Department
President         : Evan K Rinthara
Vice President : Upa VT Lungawi
Secretary          : Rbt H Lalduhsanga
Asst Secretary : Bro J Lalhriatchhunga
Treasurer          : Upa N Lalchhuanmawia
Fin Secretary    : Bro C Lianhmingthanga

DIST PCD
President : Rbt S Vanlalvena
Secretary : Bro LS Vanlalchhuanga
Treasurer : Sist C Hmingchullovi

Publication Board
Chairman : Dist Superintendent
secretary : Dist Secretary
Treasurer : Dist Treasurer
Member: Sist T Lalchangliani, Rbt H Zirchhunga, Evan LS Lalhmingmuana

Building Board
Chairman : Dist Superintendent
secretary : Dist Secretary
Treasurer : Dist Treasurer
Member:
Dist Mission Director,
Siaha Sectional Pastor,
Rbt H Ramhluna,
Rev C Satinkapa, leh
Upa R Lalkunga te an ni.

Auditors
Upa PS Lalthanhlira
Rbt H Ramhluna
Pastor MH Robin Lalthanmawia

Pennet
Bro Vanrohlupuia
Rbt L Khaiu

Sectional Pastor te leh hruaitu hlui leh thar te hi April ni 1, 2022 chawhma Dar 10:00 ah Dist Committee Room ah  charge an inhlan ang.

———-

MISSIONARY QUARTER SAK HNATLANG:

March ni 22, 2022 Thawhlehni khan Tuipang bial te chuan Vahia home Missionary Quater sak hnatlang neiin Tuipang L leh Tuipang V atangin mi 15, Laki atang mi 12 an thawk chhuak a, Hnatlang te eiin tur Phura Local ten Buhfai leh chawhmeh tul dangte an tum bawk a ni.

———-

Thilpek hlanna nei:

Sangau Bial PYD te chuan Conference rorel tih puitlin nan March ni 23, 2022 Nilai ni zân khan, Sangau Bial a home mission field, Pangkhua a awm mêk Evan Larry Lalliandinga hnenah thilpek hlu tak an hlan a ni.

———-

LICENCE DIL RECOMMEND TUR  A TIH TE :

Chhimtuipui District Board chuan written test leh personal interview an paltlang hnuah heng a hnuaia tarlan te Licence dil hi Executive Board ah recommend nise tih a ni.

1. Rbt.C.Vanlalhmudika S/O Upa C.Raltawna Hqrs Local – General Licence

2. Sist. T.Lalbiaknungi D/O T.Zahreka Tuipang L – Bible Women

3. Sist.C.Hmangaihsangi D/O C.Lalvunga Hqrs. – Bible Women

———-
———-

LAWNGTLAI WEST DISTRICT

PYD Day:

Lawngtlai West Dist. Chhunga bial tin PYD te chuan PYD din cham vawi 53 na chu khawtlang tana thiltha tihna atana an hmang a, zan lamah inkhawmna neiin Gen.PYD President Message chhiar chhuahna neih bawk a ni.

———-

Sectional Conference:

March ni 19-20,2022 chhung khan Lawngtlai south section chuan Sectional conference Lawngtlai Chandmary Local church ah an hmang.

Lawngtlai south section Conference hi Rev.F.Lalbiakthuama Dist. Supdt, Rev.Lalsawmliana Sailo Dist. Seretary&Treasurer leh Rev. R. Ramthatzawla Dist.Supdt.Rtd. te chuan  hmanpuiin thusawi rawngbawlna an nei thin bawk.

March ni 19 Inrinni khan Kohhranpui, Sunday school leh Missions Department ten rorel inkhawm neiin kum 2022 chhunga Bial hmalakna tur hrang hrang leh District a thlen chhoh tur te an rel a, Section Department hruaitu tur ruat tharna an nei bawk. March ni 20 Pathianni khan Rev.Lalsawmliana Sailo Bialtu Pastor chuan Lalpa Isua hmingin Mi pali(4) Sual ngaihdamna Baptistma a chan tir bawk a ni.

———-

DISTRICT CONFERENCE HMANG DAWN

March ni 25-27, 2022 chhung hian Lawngtlai west District chuan Vathuampui bial,Mautlang Localah District Conference an hmang.

Lawngtlai west District Conference ah hian General Superintendent Rev. R.Lalrinsanga, Rev. F.Lalbiakthuama Dist. Supdt. leh Rev.TV. Mawngchina te chu Speaker a hman niin an  hnen atang hian thu tha tak tak ngaihthlak thin a ni a, Zaithiam tak tak ten zai rawngbawlna an nei thin bawk. Conference ah hian Rawngbawltu chin chawl lova kum 25 chhung lo ni tawh te hnenah chawimawina pek an ni bawk.

March ni 26 inrinni zing ah District Missions Dept. ten rorel in, chhun ah Kohhranpui rorelna neih a ni a, Pathianni Zingah Dist. Sunday School Dept. ten rorel lehin Chawhnu lamah Dist. LAD ten Rorelna an nei ve leh bawk a ni.

———-

MITHAR LAWM LUT

March ni 22, 2022 Thawhleh ni khan Bungtlang South Local church ah Pastor K Lalzawmsanga Bungtlang bialtu chuan chhungkaw khat(1) member pathum(3) awmna chu Kohhran ah a lawmlut a ni.

———-
———-

LUNGLEI DISTRICT

LADIES AUXILIARY DEPARTMENT, LUNGLEI DISTRICT CONFERENCE VAWI 53-NA HLIM TAKA HMAN  A NI :

March ni 19-20 chhung khan Ladies Auxiliary Department, Lunglei District inkhawmpui vawi 53-na chu Venglai Local U.P.C. biak inah hman a ni a, March ni 19 Inrinni khan President Sist.Lalramlawmi Sailo B.W. kaihhruainain rorel inkhawm tluang takin neih a ni a, rorel palai member 346 an kal khawm a, an rorel langsar zualte :

1. Home Missionary-te Krismas Present pek leh nise \ha tih a ni a, hemi pual hian Local tinin sumtuak fehchhuahna neih nise \ha tih a ni.

2. Chhungkua ah fate zirtirna \ha pe tura inzirtir uar tura hmalak \ha tih a ni.

3. Kuminah uar leh nasa zawka ASC Home Sponsor leh tura hma lak \ha tih a ni bawk.

4. Lunglei District chhungah biak in pakhat sak nise.

5. General L.A.D. Day-ah Local tinin mahni biak inah L.A.D. Flag zar \hin nise.

6. Lunglei District chhungah bial thar hawn a awmin District L.A.D. in Present pek ve \hin nise \ha tih a ni.

7. Puan plain bih la kalpui chhunzawm zel nise,

8. General L.A.D. a thu thlen tur pakhat an rel bawk.

Lunglei District L.A.D.-ah hian Member 3986 an awm mek a, kum 2020 aiin nikum 2021 chhung khan Member 60 in an pung a, Local 110-ah L.A.D. hi din a ni a, Lunglei District L.A.D. ah hian Bible women 12 an awm a ni. Lunglei District LAD hian nikum 2021 chhung khan North Bengal and Sikkim Missions Field, Siliguri ah biak in Rs.280000 (Nuaihnih singriat) sengin an sa a, Tripura District Headquarters building sak nan Rs.100000 (Nuai khat) an pek bakah ASC Home Sponsorship ah Rs.100000 (Nuai khat) an pe bawk.

District L.A.D. Conference hi March ni 20 Pathianni chhun, chawhnu leh zan lamah Sermon inkhawmin hlim takin hun hman a ni a, heng inkhawmah te hian Lunglei District U.P.C.-a kohhranpui hruaitu Superintendent Rev.C. Vanlalena, Secretary Rev.C. Lalrintluanga leh Treasurer Rev.PC. Lalfakawma ten ‘Hmeichhe khawsak \ha’ Thufingte 12:4 thu Chhungkuaah, Kohhhranah leh Khawtlangah tih hmangin thuchah an in sawi chhawk a, kal khawmten an hlawkpui hle. Tin, inkhawmpui neih chhung hian L.A.D., P.Y.D., leh P.C.D. a\angin zaithiam tak tak zai ngaihthlak a ni a, inkhawm apiang hian Thlarau lam hla nen hlim takin Pathian faka chawimawina neih a ni. (Pic.Dist.LAD Conf)

———-

DISTRICT L.A.D. BOARD TLUANG TAK A NEIH A NI:

March ni 19 Inrinni zan khan Lunglei District L.A.D. Board chu Venglai U.P.C. Biak inah Vice President Sist. C.Vanlalzamveli B.W. kaihhruainain neih a ni a, an thurel pawimawh zualte:

1. Putlungasih Biak in sak mek hi Rs. 1,00,000 (Nuai khat) Main Account Balance a\angin \anpui nise \ha tih a ni.

2. Kohhran Office thara District LAD Room atan Property Account hawn \ha kan ti a. A bul \an nan contingency a\angin Rs. 50,000 (singnga) a bul \an nise.

3. North Bengal & Sikkim Mission Field Director Quarters atan Long chair leina turin Main Account Balance a\angin Rs.35,000 (Singthum sangnga) pek \ha tih a ni.               4. General LAD lam a\anga P.Lady Magazine Correspondent inruat tura tih kan nih angin Asst. Secretary apiang hi P. Lady Magazine Correspondent atan ruat a ni.                     5. Chhungkuaa fate inzirtirna \ha pe tura inzirtir uar tura hmalakna atan  Booklet siama chhungkaw tina sem nise.

6. Kumin chhunga Biak in sakna hmun atan Tlabung bial Chawnpui Local thlan a ni. Hemi atan hian Inkhawmpui rorelnaah Appeal-a sum tuak nghal a ni a. Hemi bakah Local tinin Fehchhuaha sum tuak ni bawk se kan ti.

7. District chhunga Bial thar hawn a nihin Rs. 10,000 (Singkhat) pek \hin nise \ha kan ti.

———-

C.E.C. SCHOOL BOARD NEIH A NI :

March ni 22 Thawhtanni hian C.E.C. School Board Vawi-142-na chu District U.P.C. Conference Hall-ah Chairman Rev.C.Vanlalena kaihhruainain neih a ni a, he board hian CEC School a hna ruak hrang hrangte hnawhkhat turin heng mi te hi a la thar.

1. Education Lecturer:

H Lalhruaitluangi

D/o H Lalpianfela, Farmveng

2. Mathematics Teacher (H/S):

LH Lalrindika S/o LH Vankhuma, Rahsiveng

3. Mathematics Teacher (M/S): Vanlalmuani

D/o Ngurkhuma S. Chawngtui

4. LDC-Cum-Cashier:

IZ Hmingthankhuma

S/o H Lalruata (L), Electric veng

Hnathawk tura lak thar ten Joining Report hi April ni 1, 2022 ral hmain Principal Office, CEC School-ah pek tur a ni a, hna ruak hrang hrang hnawhkhat tura lak te’n Joining pe lo/harsatna avanga thawk chhunzawm thei lo an awm chuan, Panel List atangin hnawhkhat tura koh an ni ang. (Pic. Hnalak thar te)

———-

HNAHTHIAL BIAL P.Y.D. TEN THISEN AN PE :

March ni 21 Thawhtanni khan Hnahthial bial P.Y.D.-te chuan Lunglei Civil Hospital tan thisen unit 33 an pe.

Lunglei District P.Y.D. Conference in Blood Donation neih nise tia  a lo rel bawhzui nan leh General P.Y.D. Day denchhenin Hnahthial bial P.Y.D.-te hian thisen hi an pe a, Venglai Y.M.A. Hall, Hnahthial a hunserh tawi an hman naah bialtu Pastor Rev. VL Hmuaka chuan hunserh a hmang.

Thisen unit 33 petu te hi mipa 22 leh hmeichhia 11 an ni a, thisen petute hi Lunglei Civil Hospital Blood Bank-a thawktu ten Hnahthial ah an kal chilh a ni.

Hnahthial bial hian nikum 2021 khan Lunglei Civil Hospital tan hian thisen Unit 28 an lo pe tawh bawk. (Pic.Thisen pe)

———-

MI THAR :

March ni 20 Pathianni khan Thenhlum Local-ah Member thar puitling 1  Kohhran dang atangin Pastor Pc. Zion Rammawia’n a lawmlut a, Baptisma a chantir nghal a ni. (Pic.Mi thar)

———-
———-

NORTH MIZORAM DISTRICT

Bial LAD Conference NMD chhung Bial hrang hrangah hman a ni UPC, NMD huam chhunga Bial hrang hrang ten March ni 18-20 chhung khan a rualin Bial LAD Confe an hmang. Bial LAD Conf. nei hun lai hi Sorkar atanga SOP thar chhuah leh zai chungchanga kohhran thuneihnaa dah a nih angin; he khawmpuiah hian fimkhurna vawng chunga fak hla sak theih a ni a, kum 2 tha kohhran huapa zai theih a nih tawh loh hnua COnfe meuh-a fak hla sa a, zai theih hun tawn chuan Confe palaite pawh a tiphur thar hle.
Confe hmanpui tur hian District LAD hruaitute pawhin ruahmanna siamin; Dist. LAD President Sist. K. Lalhmachhuani chuan Maubawk Bial LAD Confe. A hmanpui a, District LAD Treasurer Sist. Chhuankungin Headquarters Bial hmanpuiin; Sist. Laldawngliana Dist LAD Secy chuan Chaltlang Bial kohhrante a hmanpui thung a ni.
Bial LAD COnfe hian March ni Inrinni khan Confe rorel neiin; heta hian kum 2022 chhunga Bial huapa rawngbawlna an kalpui dan tur te ruahmanna siamin; Missionary chawmna leh Support chungchang te, NMD UPC enkawl Orphanage home tihchangtlun te, Buhfaitham kawnga hmasawnna te bakah District leh General thlenga hmasawnna na tur Agenda te an rel a ni.
Bial 30 te confe an hman chhung hian Kum kaltaa member borual sunnah un te hmangin, rawngbawlna an lo neih tawhah fak leh chawimawi tlak te chawimawina leh lawmpuina thilpek hun atanate an hmang a, Confe rorel piah lam chu revival programme a kalin hlim takin hun an hmang a ni (Bial LAD Confe)

———-

PYD DAY hmang:

March ni 21 thawhtanni kha, North East India -a PYD din champha a nih angin; NEI huam chhunga PYD te chuan he ni hi urhsun takin hmangin tisa leh thlarau lam intuaithar nan te, khawtlang/Vantlang tana thiltha tih kawnga fehchhuah nan te, Biak in leh a vel bakah vantlang hmun pawimawh tihfai leh kawng dunga bawlhhlawh thenthianghlim kawnga hnathawh nan te an hmang thin.
Thawhtanni kalta March ni 21 chu PYD Day a nih angin NMD PYD te chuan Bial huapa hmang lovin; Kohhran bila hmang a tam zawk an ni a, Local PYD tam zawk chuan vantlang hmun hma thenthianghlim nan hun an hmang tam deuh ber a, Chhun lam hnathawh bakah zan lamah intuaitharna neiin; hun hlim takin an hmang a ni. (PYD Day)

———-

North Mizoram District Building, Luangpawl, Mamit a sak chu hawn a ni:

UPC, NMD in Mamit District, Luangpawl rama District Building a sak chu March ni 21 thawhtanni khan District SUpdt. Rev. Laltluanga’n Lalpa Isua hmingin a hawng.

Building sak thar hawn hi Kum 2019 Oct ni 30 khan a sak hna thawh tan niin; a sakna atana sum senzo zawng zawng hi Rs. 26,51,908 a ni. Mamit Luangpawl-ah hian NMD UPC te hian ram kawngpui dung zuia tehin  117 mtrs-a thui neiin; Building len zawng hi a dung 52ft leh a vang 24ft a ni.
Building hi March ni 21 thawhtanni khan NMD Supdt. Rev. Laltluanga chuan Lalpa Isua hminga hawngin; hemi ni hian District secy Rev. Chhiarpuia leh Treasurer Rev. K. Lalduhsanga te bakah NMD Building Committee member mi 4 Rev. Lalruatkima Fanai, Tlangnuam , Rev. Lalramthanga, Chawlhhmun, Rev. R. Lalhmangaiha, Maubawk, Evan. Lalthlamuana te’n an tawiawm bawk (UPC Building)

———-

Hruaitu mawhphurhna church in hlan

March ni 25 Ningani khan North Mizoram District Confe vawi 73-na Conference palai ten kum 2022 – 2023 chhunga Kohhranpui hruaitu atana an thlan thar te chu, Hruaitu kal chhuak tur te charge an hlan a, hei bakah hian District board in kum 2022-2023 chhunga Department hrang hrang hruaitu atana a ruat thar te chuan hruaitu hluite kut atangin mawhphurhna an la bawk.
Hruaitute charge inhlanna hi District Office-ah neih tur a ni.

———-

Dam lo tanpui:

Chaltlang Bial, Chaltlang Kohhran zing tawngtai inkhawm thin te chuan, Mamit Bial chhunga NMD Home Missions Field members dam lo Sist. Niiilovi, Aizawl Civil Hospitala awm mek chu, thawhlawm thawhkhawmin Rs. 5000 March ni 23 nilaini zing khan Civil hospital-ah an hlan. Thilpek hlanna hi Rev.C. Lalramthanga Chaltlang Bial Pastor in a ho bawk a ni. (Damlo tanpui)

Luangchhuak Upa Vanlalsiama Hunthar Kohhran-a lawi chuan a sorkar hnathawh atanga a pension hnuin Missions rawngbawlna lam tui chilhin hun engemaw chen atang khan mahni sumpai sengin Field Biak in leh Quarters tan a theih ang angin Electrict Wiring tiin Field hrang hrangah kalin hna hi a lo thawk tawh thin a ni. (Upa Vanlalsiama)

———-

Pastor atana lak thar leh awmhmun sawn ngai te’n ruahmanna an nei mek:

NMD District Board rorel bawhzuiin Pastor atana lak thar leh Pastor an Bialna hmuna term hmang zo tawh leh District hruaitua ruat thar mi engemaw zat te chuan March thla chhunga an bial leh an post thara awm tur an nih angin; Pastor insawn tur te chu Bial hluite’n hmangaih leh duhsak tak chungin thlahna Programme an buatsaih sak a, Bial leh Mimal atang tein duhsakna leh ngaihhruina thilpek hlu tak tak an in hlan bawk (Pastor thlah)

———-

NMD in State pawna Missionary an tirh chhuah ten Quarters an luah fel:

NMD Board in rawngbawlna hak a tihzauh mekah District Board ruahman angin Assam leh Meghalaya hmunah te Missionary tirhbelh a rel a, March ni 16 khan Megalaya-a Missionary hna thawk tura District Board in a ruat Evan. Pc. Lallianmawia te nupa chu Dist. Supdt. Rev. Laltluanga’n an awmna hmun tura Quarteres thleng thlahin Missionary te hian an awmhmun tur an thleng ta. Evan PC Lalnunmawia te nupa hian Jowai tlangdunga Khliehriat hmunah rawngbawl hna a thawk dawn a ni.

NMD Supdt. Rev. Laltluanga leh Missionary Evan. PC Lallianmawia te nupa baka a thlahtute hi Central District hruaitute’n  lo hmuakin an lo lawm hle a, hun chep tak karah Quarters-ah lawmthu sawina maicham te buatsaihin NMD Supt Rev. Laltluanga chuan thuchah sawiin; Central Dist. SUpdt. Rev. Lalromawia’n tawngtaina hun a hmang bawk a ni.  (Khleihriat Missionary)

———-
———-

AIZAWL EAST DISTRICT

Bial LAD Inkhawmpui:

Aizawl East District chhunga bial hrang hrangte chuan March 25, Zirtawp zan atang khan Bial LAD Inkhawmpui an hmang mek a, Pathianni zan hian a tiak ang. Bial LAD Inkhawmpui-ah hian Inrinni nileng khan Bial chhung in awpna leh District LAD-a lut tur ngaihtuahin rorel Inkhawm neih a ni a, zan atangin Revival Inkhawm-a hun hman nghal a ni. Bial LAD Inkhawmpui-ah hian Bial thenkhat chuan Speaker leh Thupui hranpa nei an awm laiin Bial thenkhat erawh chuan Thupui hranpa nei lovin Bial hruaitute bakah Bialtu Pastor ten thusawina an nei thin a ni, Bial thenkhatah intihsiaka hun hmang an awm bawk a ni. Bial LAD Inkhawmpui hi District LAD Hruaitute chuan hmun hrang hrangah hetiang hian an hmanpui a ni:

President, Sis Zionparmawii B/W, chuan Champhai Bethel Bial-ah a hmanpui a.
V.President, Sis F.Lalawmpuii B/W, chuan E.Lungdar bial-ah hmangin
Secretary Sis Rodingliani B/W leh Fin. Secretary, Sis Laldinpuii ten Khawhai Bial an hmanpui a, Asst.Secretary, Sis R.Lalramsiami’n Khawzawl bial-ah hmangin
Treasurer Sis Lalramliani Sailo, chuan Hnahlan bial-a hmanpui bawk a ni.

Bial LAD Inkhawmpui hi District Fulltime Evangelist, Evan R.Vanchhunga chuan Thingsulthliah bialah Speaker niin rawngbawlna a nei anga, Evan H.Malsawmthanga’n Ngopa Bial-ah hmangin rawngbawlna a nei bawk ang.

Aizawl East District chhungah hian tun dinhmunah Bial 31 awm mekin LAD Member hi sangnga chuang an awm mek a, Kum 2021 chhung khan District LAD te hian hmun hrang hrang-ah rawngbawlna neiin District chhunga Kohhran member, Cancer natna vei mi 26 te hnenah tanpuina an hlan a, Tripura District Hqrs. Building sak tanpuina an pek bakah Mechuka Biakin panna tur kawng siamnan sum leh pai thawhin Arunachal Missions Field-a Mudhoi Biakin chung khuhna pek a ni bawk.

———-

District hruaitu thlahna hun hmang:

March 22, Thawhlehni khan District Office-ah Staff Welfare kaihhruaiin District Office atanga kalchhuak tur Rev Vanlalfela Ramtiam thlahna hun hman a ni. He hun hi Bro.R.Lalengliana, Staff Welfare Chairman chuan kaihruaiin Pastor K.Lalawmpuia, Administrative Assistant chuan hunserh a hmang a ni. He hunah hian Staff welfare aiawhin Evan Hr.Lalrindika bakah District Treasurer, Rev R.Laltlankima te chuan thlahna thuchah sawiin thilpek an hlan nghal a, Rev Vanlalfela Ramtiam leh Rev VL.Hnemtluanga bakah Rev Rohmingliana leh Rev KVL Hmangaihkima te hnen atangin thusawi tawi ngaihthlak a ni bawk. District Board neih zawh tak khan Rev. Vanlalfela Ramtiam chu Bawngkawn Bial-a awm turin alo ti tawh a ni. He hunah hian Office staff te an telkim thawkhat a ni.

———-

PYD Day:

March 21, Thawhtanni kha North East India PYD Day a nih angin Aizawl East District chhunga Bial leh Local hrang hrangte chuan urhsun takin PYD Day hi an hmang hlawm a, tualchhung anga hmang an awm laiin Bial huapa hmang an awm bawk a, nilenga hun hmang an awm laiin zan hun chauha hmang an awm bawk a ni. PYD Day-ah hian Bial leh Local hrang hrangte hian General PYD atanga thuchah siam chhiarchhuahna an nei hlawm bawk a ni. PYD Day hmanna-ah hian vantlang tana thil tha tihna atan bial engemaw zat chuan hmangin khawlai thenfai hnatlang nei an awm a, PHC-ah poor fund atan thilpek pe bawkin, Bial/ Local thenkhat chuan Sport item chi hrang hrang hmanga intihhlimna an nei bawk a, Bial thenkhat chuan PYD Day pual hian thisen an pe bawk a ni.

Bazar Bial chhunga District Hqrs. PYD te chuan PYD Day zingkarah khan kawtkai Library hawnna hun hmangin Rev. Vanlalfela Ramtiam, District Superintendent chuan hunserh a hmang a ni. He Library-ah hian Kohhran chanchin leh zirtirna mai bakah nun ram siam tha thei lehkhabu hlu leh rotling dahin, a duh apiang tana chhiar theih tura chhawpchhuah a ni.  Bazar PYD te chuan zan lamah Rev KVL.Hmangaihkima Speaker-a hmangin inkhawmna hun an hmang a ni. Bial huapin March 28-ah thisen pek an tum bawk a ni.

Ngopa Bial, Ngopa Damaska PYD te chuan vengchhung tifaiin an hnatlang a, member 20 vel an thawkchhuak thei a ni.

Zemabawk Bial te chuan zingkarah LifCode, Zemabawk Lungbialah an mamawh hrang hrang pe in, chhun lamah Airfield-ah Free Clinic butasaihin mi 120 he hunah hian an in entir a, damdawi a thlawnin an sem bawk a ni. Tuirial PYD te chuan Tuirial lei tifaiin an hnatlang a, raltlan relief fund-ah PYD Day pual Rs 2000 an hlan bawk.

Champhai Bethel Bial PYD te chuan Civil Hospital Champhai-ah a thlawnin thisen an pe a, thisen hi unit 31 an pe thei a ni.

Serchhip Bial PYD te pawhin Serchhip Hospital Blood bank-ah a mawmawh apiangte hman atan thisen unit 36 pe in, thisen pe tute hi mipa 25 leh hmeichhia 11 an ni.

Thingsulthliah bial Sesawng Vengthar PYD te chuan zingkarah khawlai tifaiin an hnatlang a, chhun lamah Biakin leh a vel ti fai lehin zanah variety programme in hun an hmang a ni.

Darlawn Bial te chuan Sawleng Biakin Compound hung hnatlang an nei a, member 50 vel an thawkchhuak thei a ni.

Bethlehem Bial, Bethlehem Local PYD te chuan zan lamah hun hmangin Item chi hrang hrang hmangin intihhlimna hun an hmang a, March 23, Nilaini khan Bial huapin Bethlehem S.S Hall-ah thisen pek runpui neiin thisen hi unit 33, Mipa 23 leh hmeichhia 10 ten an pe thei a ni.

Saitual Bial, N.Lungpher PYD te chuan chhun lamah intihhlimna hun hmangin zan lamah Revival programme in hun an hmang.

E.Lungdar Bial, Sailulak PYD te chuan zingkarah khawlai thian faiin hun an hmang a, chhun leh zanah item chi hrang hrang hmangin intihhlimna hun an nei leh a ni.

Bawngkawn Bial te chuan zan lamah Bethesda futsal ground-ah intihhlimna hun an hmang a, March 25, Zirtawpni khan Civil Hospital-ah a mamawh apiangte hman atan thisen an pe leh bawk a ni.

Khawruhlian bial te chuan Bial huapin Lailak Local-ah hun hlimawm tak an hmang a, chhun lamah item chi hrang hrang hmangin intihhlimna hun hmangin  zan lamah Evan R.Lallawmzuala Speaker-a hmangin Revival inkhawm an hmang a ni.

Upper Republic Bial, Upper Republic PYD te chuan zan lamah hun hmangin Thuthlung sermon bakah Thuthlung hla saa Pathian fak hona hun an hmang a, College Veng PYD te pawhin zan lamah hun hlimawm tak an hmang bawk a ni.

Hnahlan Bial PYD te chuan chhun lamah Sports item chi hrang hrang hmanga intihhlimna hun hmangin zan lamah Praise & Worship hun an hmang.

Khawhai Bial, Vangtlang PYD te chuan zingkarah khawchhung tifaiin hun an hmang a, chhun lamah Kohhran Upa damlo te tanpuiin hun an hmang leh a ni.

Khawlian Bial, Chiahpui PYD te chuan zan lamah inkhawmin hun an hmang a ni.

Serchhip Dinthar Local PYD te chuan PYD Day pualin an hnatlang a, hun hlimawm tak an hmang a ni.

———-

Pathian chawimawina nei:

March 19, Inrinni khan Champhai Bethel Bial, Bethel Hqrs. Kohhrana lawi Sis Nuamsialchingi te chungkua chuan Pathian chawimawina an nei a, hlim takin hun an hmang. He hunah hian Speaker-ah Bialtu Pastor E.Vanlalpeka Zote an hmang a ni.

———-

Mithar leh baptisma chang thar:

March 20, Pathianni khan Champhai Bethel Bial, Melbuk Kohhrana lawi turin chhungkaw 3, member 16 te chu Evan TC.Kapzathanga, District Missions Evangelist chuan sengluhna a nei.

March 20, Pathianni vek khan Khawruhlian bial, Pehlawn Kohhranah mi pathum in sual ngaihdamna baptisma an chang thar a, an zinga pakhat hi mithar a ni. Bialtu Pastor Hmingchungnunga Ralte chuan sengluhna a nei nghal a ni.

March 20, Pathianni vek khan Zemabawk Bial, Bungbangla Kohhrana lawi turin member 6 chu Bialtu Pastor in snegluhna a nei bawk.

March 13, Pathianni khan Champhai Bethel Bial, Zokhawthar Kohhranah chhungkaw khat member 9 te chu Kohhranah sengluh an ni.

———-

Hruaitute Programme:

Rev VL.Hnemtluanga, District Secretary chuan Khawruhlian Bial LAD Inkhawmpui hmanpuiin rawngbawlna a nei ang.

Rev. R.Laltlankima, District Treasurer Hnahlan Bial LAD Inkhawmpui hmanpuiin rawngbawlna a nei ang.