GENERAL NEWS
HRUAITUTE PROGRAMME:
General Superintendent Rev. R. Lalrinsanga leh General Missions Director Rev. Biaksangzuala te chuan March ni 17 – 20 chhung a Chhimtuipui District Conference vawi 46-na, Dist. Hqrs. Local New Siaha a neih chu telpuiin rawngbawlna a nei.
General Sunday School Director Rev. R. Laichhingpuia chuan Central District Conference March ni 18-20 chhunga neih a telpui bawk.
———-
PYD DAY
March ni 21, Thawhtan ni hi North East India UPC Kohhran thalai pawl Pentecostal Youth Department PYD Day vawi 53-na a ni a, India hmarchhak pum huapa hman a ni ang.
He ni hi Kohhran ni pawimawh a nih avangin Kohhran Office, Bookstall, zirna in leh Kohhran hmun pawimawh dangte pawh khar vek a ni ang.
Kum 1969 khan Foreign Mission division phalna angin, Unit hranin N.E.India unit tia din a ni a. Kum 1969 March ni 21-a NE India Unit Executive board hmasa ber chuan, Pentecostal Youth Department tiin Pentecost thalai pawl hi a din ta a. Tichuan, March ni 21 hi PYD chuan Day atana hmangin, kum tin awmni khamin hman thin a lo ni ta a ni.
Hruaitu hmasa ber te :
General PYD President – Rev. KL Hnuna
General PYD Secy/Trea. – Rev.K.Satinvela
Pentecostal Youth Department (PYD) hian Kumpuan thupui atan “Thuthlung puan uar” tih a hmang mek a. Tun dinhmunah hian North East India UPC huamchhungah PYD member 24,850 an awm mek a, tualchhung kohhran 574 ah PYD hi din a ni.
Tun a General PYD hruaitu ni mek te :
General President Rev. H. Lalropuia
General Secretary Evan JH Malsawmdawngliana
General Treasurer Rev. C. Lalmalsawma
———-
———-
CHHIMTUIPUI DISTRICT
CHHIMTUIPUI DISTRICT CONFERENCE VAWI 46 NA:
March ni 17 – 20 2022 chhung hian Chhimtuipui District Conference Vawi-46 na chu Dist. Hqrs. local, New Siaha ah hman a ni.
Conference ah hian UPC North East India General Superintendent Rev. R. Lalrinsanga, General Missions Director Rev. Biaksangzuala te, North Mizoram District Treasurer Rev. C. Lalthantluanga leh Chhimtuipui District Missions Director, Rev.Dr.C.Sihmo te chu Speaker ah hman an ni.
March ni 18 Zirtawp ni khan District Department hrang hrang-te chuan rorel inkhawm neiin, ni 19 inrinni ah Chhimtuipui District Kohhranpui rorelna neih a ni bawk.
———-
LAWNGTLAI WEST PYD INKHAWMPUI HMAN PUI:
Chhimtuipui District PYD President Evan. K. Rinthara, Fin. Secretary Bro C. Lianhmingthanga te leh Sis. Zionpari, Sis. Lalngilneii leh Sis. Dawtthai te chuan Chhimtuipui District aiawh in Lawngtlai West Dist PYD inkhawmpui vawi 4 na an hmanpui.
———-
MITHAR LAWMLUT:
March ni 13 Pathianni khan Chhimtuipui District chhung heng local ah te hian member thar kohhranah lawm luh an ni:-
Siahatla local, Siahah Bial ah Upa C. Liannghinga, local chairman chuan member 6 kohhran ah a lawm lut.
Phura local, Tuipang bial ah mithar 8 kohhran ah lawm luh an ni.
———-
———-
LAWNGTLAI WEST DISTRICT
Lawngtlai West District Superintendent Rev.F.Lalbiakthuama leh District Secretary & Treasurer Rev.Lalsawmliana Sailo te chuan Lawngtlai South Bial Conference an hmangpui ang.
———-
DISTRICT CONFERENCE HMANG
March ni 11-13 2022 hmang khan Lawngtlai West District PYD chuan Chawngte P ah District Conference an hmang.
Lawngtlai West District PYD Conference hi General Official te leh Chhimtuipui District atangin an telpui bawk a ni.
Conference rorel tlangpui te.
1.Conference ah hian thupui neih ni tawhse tiin Conference neih hmasakber atangin thupui hi neih nise an ti a ni.
2.Conference hi kum khat danah neih nise neih loh kumah hian kohhranpui ah beh nise an ti bawk.
3.District chhunga mission field ah crusade neih nise tul leh pawimawh te chu district board in a ngaihtuah dawn a ni.
4.District Choir puala fehchhuah ve nise tul a nga hma lo la turin district board chu ruat a ni.
5.CBC pual hian Donation neih ve ngei nise chu donation lo buaipuitu ah board chu ruat a ni bawk.
6.District Mission puala chawnghei nise chawnghei ni a thawhlawm hi mission dept.kut hlan nise an ti a ni.
7.Diatrict office building puala fehchhuah ve nise District boardin ruahmanna lo siam mai se an ti a ni.
8.District PYD in home missionary rawih lai mek chi rawih chhunzawm leh nise,a tul leh pawimawh chu dist board ah dah a ni.
Lawngtlai West District PYD Conference ah hian District chhunga PYD zirna a ti tha te chawimawina Thuziak, Citation hlan an ni a, Hei bak ah hian kum sawm(10) chawl lova hruaitu lo ni tawh te leh Sermon in ziah siak a ti tha te lawmman hlan an ni bawk.
———-
———-
LUNGLEI DISTRICT
LUNGLEI DISTRICT UPC CONFERENCE VAWI 57-NA ROREL INKHAWM TLUANG TAKA NEIH A NI:
March ni 6 Pathianni khan Lunglei District UPC Conference vawi 57-na rorel inkhawm chu Headquarters Local UPC Biak inah Superintendent Rev.C.Vanlalena kaihhruainain neih a ni a, General Secretary Rev.C.Zohmingthanzama chuan he rorel inkhawm hi a telpui.
He Conference hian Lunglei District UPC hian Vocational training buatsaih ve nise, a bawhzuina District Board kutah awm se an tih bakah nakum 2023 District Conference lehna hmun atan Headquarters Local an ruat bawk. Rorelna neih zawh anih hnu hian kum 2022-2023 chhunga District Kohhranpui hruaitu tur thlanna neih chhunzawm a ni. Heng mite hruaitu atana thlan an ni.
– Superintendent : Rev.C.Vanlalena
– Secretary : Rev.C. Lalrintluanga
– Treasurer : Rev. PC.Lalfakawma
Lunglei District UPC ah hian Members 19013 awm mekin bial 20 chhungah Local 113 a awm. Lunglei District UPC hian nikum 2021 chhung khan General Missions Department hnuaia Jengkha Dimapur Missions Field ah biakin sak sakna tur Rs 1,80,000 a pe a, biak in sak tanpuina Local 7 hnenah Rs.1650000 pe chhuakin, Pastor Quarters hmun hnih ah a sa bawk. Tin, kohhrana thawktute thawh khawm leh District Board-in a Sunction Rs. 2,00,000/- (Nuaihnih) chu District chhunga kan kohhran mi, Covid hripui avanga harsatna tawk te tan a sem bawk a ni. (Pic. District Conf.leh hruaitu thar Pic.)
———-
LUNGLEI DISTRICT UPC BOARD VAWI 205-NA NEIH A NI:
Ni thum awh Lunglei District UPC Board vawi 205-na chu March ni 7-9 chhung khan Superintendent Rev.C.Vanlalena kaihhruainain District UPC Conference Hall-ah neih a ni.
An rorel langsar zualte :
i) Pastor thar atan Evan.Lalrinmawia S/o K.Lalnghakmawia, Rahsiveng Local chu lak a ni.
ii) Driver atan MR-in Bro.PC.Lalrinliana S/o PC.Vanlalruata, Sekhum Local chu lak a ni.
iii) CBC kal turin heng mite hi Recommend an ni.
-B.D. zir turin MC.Lalmuanpuia S/o MC.Lalthlamuana, S.Chawngtui.
– Bth zir turin R.Lalchhandami, D/o R.Zohmingliana, Chhipphir
iv) Licence dil recommend tur te
– General Licence ah Evan.Rohlupuia Thahlun, S/o Malsawmkima, Theiriat
– Local Licence ah Bro.Lalrokima Chhangte, S/o Dosangluaia, Theiriat
v) College veng biak in hmun lei sak tha tih a ni.
vi)Biak in sak tanpuina heng Local-te hnenah hian pek tha tih a ni.
-Hmungtlang Local
-Lunglawn Local
-Luangmual Local
-Lalnutui Local
-S.Chawngtui Local
-Tarpho Local
vii) Ram lak beihpui thlak tura hmalak nise tha tih a ni.
viii) Pastor awmna hetiang hian siam danglam a ni.
-Pastor PC.Zion Rammawia, Thenhlum bial atangin Lungsen bial ah
– Pastor K.Vanlalhruaia, Lungsen bial atangin Tawipui bial ah
– Rev.H.Rothuama, Tawipui bial atangin Pukpui bial ah
– Pastor lak thar Evan.K.Lalrinmawia hi Thenhlum bial ah a awm ang.
———-
CHARGE IN HLAN:
March ni 15 Thawhlehni khan District UPC office-ah Lunglei District hruaitu atana thlan thar te chuan Superintendent Rev.C.Vanlalena hriatpuinain charge an in hlan.
District Secretary nilai Rev. PC. Lalfakawma chuan Secretary atana thlan thar Rev. C. Lalrintluanga hnenah Charge hi a hlan a, District Treasurer thar Rev. PC. Lalfakawma chuan Treasurer ni lai Rev. C. Lalrintluanga hnen atangin charge hi a la ve bawk. (Pic.Charge in hlan lai)
———-
LADEIS AUXILIARY DEPARTMENT, LUNGLEI DISTRICT CONFERENCE VAWI 53-NA:
March ni 19 atanga ni 20 chhung hian Venglai Local UPC Biak inah LAD Lunglei District Conference vawi 53-na chu neih a ni a, thupui atan ‘Hmeichhe khawsak tha’ Thufingte 12:4 chu hman a ni.
March ni 19 Inrinni ah hian rorel inkhawm neih a ni a, March ni 20 Pathianni chawhma leh chawhnuah te Sermon inkhawm in hun hman a ni ang.
———-
HOME MISSIONARY-TE TAN RETREAT CUM SEMINAR BUATSAIH:
March ni 17 Ningani khan Missions Department Lunglei District chuan Home Missionary-te pualin Retreat Cum Seminar District UPC Conference Hall-ah a buatsaih.
He hun ah hian Resource Person atan District Superintendent Rev.C.Vanlalena leh Treasurer Rev.PC.Lalfakawma te hman an ni.
District Superintendent Rev.C.Vanlalena hian Home Missionary-te mawhphurhna tih thupui hmangin zirtirna a pe a, District Treasurer Rev.PC.Lalfakawma chuan Missionary Ethic tih thupui hmangin zirtirna a pe bawk.
He hun ah hian Lunglei District Missions Department hnuaia Home Missionary pasarih te an tel a ni. (Pic,hi naktukah kalo thawn ang che)
———-
RAWNGBAWLTU NI HMANG:
March ni 15, 2022 (Thawhlehni) khan Rahsiveng Local chuan an biak inah Rawngbawltu Ni an hmang.
He hun hi chawhma leh chawhnu hun ah ṭhen a ni a, Chawhma hun ah hian Thupui pathum zir ho niin, Evan.K.Lalmuankima chuan hun a kaihruai a, Rawngbawltu zei zia – Rev. C.Lalhriatpuia, Chhiatni thatni a rawngbawltu mawhphurhna – Evan.V.Lalduhawma, leh Social Media -Evan.Lalrinmawia buatsaih te zirho a ni a.
Chawhnu lam hi Upa R.Lalhmunsiama’n kaihruaiin thupui pathum bawk, Pentecost zia humhalh kawnga rawngbawltu mawhphurhna – Rev.C.Lalhriatpuia, Kohhran pawn lama rawngbawltu mawhphurhna – Rbt. C.Lalbiakenga, Constitution leh Inkaihhruaina dan – Evan.Laldinpuia Sailo buatsaih te zirho a ni bawk.
Rahsiveng UPC hi March ni 15, 1959 ah din niin vawiin hi an Local kum 63 na a ni. Church Board in a rel angin kum tin Kohhran dinni hi Rawngbawltu Ni atan an hmang thin a, tunah hian Licence Holder – 9, Upa -10, Sr. Upa -1, Rawngbawltu -11 an awm mek a ni. (Pic. Rahsiveng rawngbawltute)
———-
MI THAR :
March ni 13 Pathianni khan Kohhran la din lohna Aithur khuaah UPC member ni turin chhungkaw khat (Member 4) Thingsai bialtu Pastor Lallawmsanga’n a lawm lut a, Bunghmun bial Tleu Local-ah mi thar pakhatin Laisawral Home Missionary Evan Rohlupuia Ṭhahlun kutah Baptisma changin bialtu Pastor Lalengzauva chuan kohhranah a lawmlut bwk. Tin, March ni 13 Pathianni vek khan Zodin Local-ah Member thar 5 bialtu Pastor R.Lalremsiama chuan a lawmlut a, mipakhat in baptisma a chang bawk. (Pic.Aithur mi thar)
———-
———-
NORTH MIZORAM DISTRICT
NORTH MIZORAM DISTRICT CONFE. VAWI 72-NA TLUANG TAKIN ZO:
March ni 4-6 chhunga hman North Mizoram District-a inkhawmpui lian ber North Mizoram District Conference vawi 72-na chu tluang taka hman zawh a ni.
Hrileng avanga sawrkar inkhawmpui hman chungchanga dan a siam zulzuiin; he Confe-ah hian zan lam programme siam lovin, Confe rorel inkhawm leh sermon inkhawm chauh buatsaih a ni.
Confe hi March ni 4 Zirtawpni dar 10:00 Am khan Hqrs. Bial, Hqrs. Kohhran Biak in Tuikhuahtlangah tannin, Kum kalta chhunga Distrrict Kohhranpui leh Department hrang hrang hmalaknate report a ni a, Rorel inkhawm neih a ni bawk.
District Confe hi Supdt. Rev. Laltluanga’n kaihruaiin, NEI UPC Gen Supdt. Rev. R. Lalrinsanga’n Confe a hawng a, Rev. R. Lalrinsanga hian NMD te, hrilengin harsatna min thlen chunga Kohhranah tisa leh thlarau lama malsawmna tam tak NMD in a dawn chungchangah lawmthu a sawi a, Pathian lehkhabu thianghlim chhiarin NMD COnfe vawi 72-na chu Lal Isua hmingin a hawng a ni.
Dist. Supdt. Rev. Laltluanga kaihhruaiin Rorel inkhawm neih a ni a, Hengte hi Confe rorel chuan an passed bawk:-
1. District Confe neihna hmun tur ruatlawk a ni a, Kum 2023-Conference hmanna atan Thenzawl Bialah nghah a ni.
2. Ram lak beihpui thlak.
3. Urban Mission rawngbawlna kalpui ni se.
4. District hmalaknain Tual Upa leh Upa Ruat thar te puala training pek.
5. Kolasib Rengtekawn Bial thar hawn ni se, tih te passed a ni.
Kumin hi North Mizoram District hruaitu thar thlan hun a nih angin COnfe chuan Kum 2022 leh 2023 chhunga NMD hruai turin heng mite hi confe palaite chuan an thlang bawk:-
1. District Superintendent : Rev. Chhiarpuia
2. District Secretary: Rev. Rev. K. Lalduhsanga
3. District Treasurer: Rev. C. Lalthantluanga
March ni 12 Inrinni chu District Board rorelnan hman a ni a, March ni 13 Pathianni-ah Sermon inkhawm neiin; Pathianni chawhmaah NEI UPC Gen Supdt. Rev. R. Lalrinsanga’n rawngbawlna neiin; Chawhnuah NMD Supdt. Rev. Laltluanga’n rawngbawlna a nei thung a, Confe chawhma leh chawhnu inkhawm ban hian Upa Deacon leh Licence holder a zawna kum 25 leh kum 50 ni tlingte lawmpuina leh chawimawina pek an ni.
NMD COnfe 72-na Report bu atanga a lan danin NMD dinhmun tlangpui hetiang hi a ni.
NMD-ah hian Pastor Bial 30 awmin; District hruaitute nen Pastor 34 awmin: Dist Office staff mi 15 an awm mek a, Department leh Committee peng pawimawh 14 a awm mek bawk.
District Statistic dinhmun hetiang hi a ni:-
1. Kohhran Puitling za 150
2. Preaching Point 31
3. Home Missions Field zat: 12
4. Kohhhran in awm zat: 6568
5. Biak in ding zat: 186
6. Kohhran member zat: 28350
7. Kum 2021 chhunga member punna: 1778
8. Thlarau Thianghlim dawng tawh: 1178
9. Rawngbawlna Licence nei zawng zawng zat: 237
10. Upa Deacon zat: 610 (72nd NMD Conference)
———-
NORTH MIZORAM DISTRICT BOARD THUTKHAWM NEIH A NI:
ROREL PAWIMAWH ZUAL TE
NMD Confe zawh tuk March ni 7 thawhtanni atanga Nilaini March ni 9 thleng khan, NMD Board chu Hqrs. Kohhran Biak in, Tuikhuahtlangah Board meeting neiin an thukhawm a, hetah hian NMD Confe 72-naa rorel bawhzui ngai leh agenda tul dang te an ngaihtuah: District Board rorel pawimawh zual te:
1. NMD huam chhung Bru khuate chu District Mission Department kutah dah ni se, chutih rual chuan District Kohhranpui atangin Missions Dept puihnan Rs. 500000 pek ni se.
2.
3. Mizo Khuaa Evangelist rawih dan hetiang hian Dist. Board chuan a ruahman
(1) Serkhan Evan. VLMS Dawngkima
(2) Kawnpui Kanan Evan. F. Lalnunhlua
(3) N. Chhimluang Evan. C. Lalnunhlua
(4) Meidum Evan. H. Lalbiaktluanga
(5) Tuidam Evan. Hosana Lalfakzuala
(6) Dapchhuah Evan. Vanlalpeka
(7) Thinghlun Evan. K. Malsawmkima
(8) Luimawi Evan. H. Lalhmudika
(9) Bungthuam Evan. SR Vanlalnghaka
(10) Zawlpui Evan. C. Lalthlamuana
(11) Chawilung Evan. Lalngaihawma
(12) Nisapui Evan. Vanrammawia
(13) Luangpawl Evan. Vanlalzemawia
(14) Bawngthah Evan. Ramnunsanga
(15) Phaizau Evan. Vanlalhausaa
(16) Phaileng Electrict veng Evan. Lalramthara Sailo
(17) Kawrthah Evan. Lalramchhuanmawia Sailo
(18) Khlehriat Evan. Lallianmawia Pachuau
(19) Silchar Evan. H. Lalnunmawia
(20) Zarkawt Inluahtur zawn phawt nise.
(21) Kulikawn Evan. R. Lalchhanchhuaha
(22) Muallungthu Evan. Lalramnunsanga Sailo
3 Urban Mission chungchang: District Confe rorel bawhzui a ni a, hmalakna hmasa atan Kulikawn leh Zarkawtah hmalak hmasak ni se. Zarkawt-ah In luah tur zawn phawt ni se. Kulikawnah hian Evan. R. Lalchhanchhuaha dah ni se.
5 Licence dil recomment chungchang ngaihtuahin Local Licence dil mi 6, Bible women dil mi 4 leh Gen. Licence dil 5 te recomment an ni.
6 Pastor thar lak chungchang: Evan. Lalduhsaka Saza S/o Upa Rohnuna of Rengdil leh Evan. Lalrinzuala S/o VL Malsawma of Bairabi te chu Pastor atan lak thar an ni.
7 Ramtlan tura lak: Evan. F. Lalchhanhima S.o F. Lalrammawia of Thingdawl Venglai chu District Ramtlan atan lak a ni.
8 Revival Team Speaker chungchang: Heng mite hi District Revival Speaker atan lak an ni:
Evan. T. Vanlalruata S/o Zarzoliana of Tuikual S
Evan. C. Lalruatsanga S/o Rev. Zohmingthanzama of Hqrs.
Evan. Isak Lalhmingliana S/o PC Lalzuitluanga of Hunthar
Evan. H. Zoramsangliana S/o Upa Thuamliana of Kolasib Diakkawn.
9 Department hruaitu ruat chungchang
LADIES AUXILLIARY DEPARTMENT
President: Sist. K. Lalhmachhuani
Secretary: Sist. Kroschhuanawmi
Treasurer: Sist. Chhuankungi
PENTECOSTAL YOUTH DEPARTMENT
President: Evan. J.Vanlalruata
Secretary: Evan. C. Lalruatsanga
Treasurer: Evan. K. Rotluanga
DISTRICT MISSION DEPARTMENT
Director: Rev. C. Lalramthanga
Secretary: Evan. JH Malsawmdawngliana
Treasurer: Evan. MS Dawngliana
10 Pastor Transfer & Posting hetiang hian siam a ni
i. District Headquarter Bial – Rev. Lalremtluanga
ii. Dinthar Bial – Rev.Laltluanga
iii. Hunthar Bial – Rev.H.Zabiaka
iv. Kol.Venglai Bial – Rev.R.Lalnithanga
v. Bairabi Bial – Rev.C.Lalhmunliana
vi. Rengdil Bial – Rev.C.Laltlanchhuaha
vii. Lengpui Bial – Pastor R.Thanglura
viii. Thenzawl Bial – Rev.C.Lalrammuana
ix. Reiek Bial – Rev.Lalchuailova
x. Phainuam Bial – Pastor K.Malsawmkima
xi. Sihphir Bial – Rev.B.Vanlalruata
xii. Zawlnuam Bial – Pastor Lalduhsaka Saza
xiii. Kanghmun Bial – Pastor Lalhmuakliana Hnamte
xiv. Damparengpui Bial – Pastor Lalrinzuala
xv. Chaltlang Bial – Rev.P.Vanlalfela
xvi. Kolasib Rengtekawn Bial – Rev.C.Lalthlengliana
Pastor lakthar te’n Joining report March ni 15 ah pein Pastor Transfer ten an awmna hmun tur March thla chhungin an lut vek tur a ni.
Charge inhlan tur zawng zawng te March ni 25 (2022) ah charge inhlan tur a ni
11 Executive Member tur ruat: i) Rev. Chhiarpuia ii) Rev. K. Lalduhsanga iii) Rev. C. Lalthantluanga iv) Rev. C. Lalramthanga v) Rev. Laltluanga vi) Rev. HF Malsawma
12 Electoral body members: i) Rev. H. Zabiaka ii) Pastor Lalruatkima Fanai iii) Rev. B. Vanlalruata iv) Rev. PC Laltlankima v) Rev. P. Vanlalfela
13 District Auditors Ruatna: Kum 2 chhung atan 1) Rev. C. Lalrammuana 2) Upa JK Das 3) Evan. K. Vanlalhruaia te chu Kum 2022-2023 chhunga Auditor tur atan ruat an ni.
14 Bial siamrem chungchang: Rengtekawn Bial thar hawn a nih tak vangin hetiang hian Bial siamrem a ni
a. Rengtekawn (Hqrs.)
b. Builum
c. New Builum
d. Thinglian
e. South Chhimluang
f. Pangbalkawn
g. Saihapui
h. Bukvannei
Missions Field Rajtali chu Bairabi Bialah betin Tlangsang Biala awm Lungthirek leh Vitor Kalagang chu Zawlnuam Bialah bet se tih a ni. Tin, Phaisen chu Bilkhawthlir Bialah behtir a ni bawk.
15 Hripui laka kan him nana chawnghei tawngtai: N. Mizoram District chhunga Kohhranhote hripui laka kan him theih nan 14/4/2022 Lal Isua lungngaih zan hian chawnghei tawngtai aruala neih ni se.
16 District in evangelist te hlawh a pek tihsak: District in Evangelist a rawih te hlawh chu Rs. 5000-a tih pun ni se tih chu passed a ni.
17 District in Evangelist a rawih te March ni 15-ah Joing report pek tur a ni a, March thla chhungin an awmna hmun thleng vek se tih a ni.
18 Kolasib Diakkawn Local hming chu Diakkawn Bial Hqrs. Kohhran/Local nise tih a ni. (NMD District Board)
———-
EDENTHAR REVIVAL CRUSADE LALPAN A AWMPUI:
March ni 9 Nilai khan NMD Apostolic Revival Team Evan. T. Vanlalruata leh a rawngbawlpui te chuan Hunthar Bial, Edenthar Kohhranah Revival crusade neiin Revival neih chhung hian Pawl dang atangin Pathian thuthlung hmu member pakhat lawm luh a ni a, Kohhrana awmsa member pakhatin Lal Isua hmingin sual ngaihdamna Baptisma a chang a, Evan. Ramdingliana, Deputy Speaker in a nei a ni. (Edenthar Revival)
———-
UPC-NEI, NORTH MIZORAM DISTRICT HNUAIA BIBLE ZIRNA PENTECOSTAL SCHOOL OF MINISTRY (PSM) CHUAN GRADUATION DAY AN HMANG
UPC:NEI, North Mizoram District hnuaia Bible zirna Pentecostal School of Ministry (PSM) chuan March ni 10 (Ningani) Chawhnu Dar 1:00 Pm-khan PSM Graduation Day an hmang.
Graduation Day inkhawm hi North Mizoram District Hqrs. Biak in, Tuikhuahtlangah neiin; Rev. Chhiarpuia Dist. Secretary in Graduation Day inkhawm a kaihruaiin, Zirtirtu Rev. C. Lianchama’n inkhawm hlanna tawngtai neiin; District Secretary Rev. Chhiarpuia’n Result puangin a hnuaia tarlan PSM Naupang te hian an zirlaite (2019- 2021) thataka hlen chhuakin an zo thei a ni. 2021 batch-ah hian zirlai naupang 29 an awm.
PSM-ah Graduate mi 7 te
1 Evan. Zoremmawia Hlondo (95%) A+
2 Lalremruati (91%) A+
3 Vanlalhmangaihi (90%) A+
4 Remruatkima (90%) A+
5 H. Vanroenga (88%) A+
6 Lalsawmliana (88%) A+
7 Jonathan (84%) A+
Heng Graduate te hi District Supdt. leh PSM Principal nib awk Rev. Laltluanga’n Degree hlanna neiin; Lawmman semna Rev. K. Lalduhsanga’n a nei a, mimal atangin Rev. PC Lalrosanga’n Graduate te lawmpuina thilpek a hlan bawk.
Zirtirtute aiawhin Rev. C. Lalmuanpuia’n thu sawiin PSM zinkawng leh a chhanchin ngaihnawm tak tak bakah, PSM-a zirlai naupangte rawngbawltu tlo leh rintlak tak tak, NEI huap rawngbawltu tha tam tak a lo chher chhuah tawh dan te sawiin, Naupangte rawngbawlna kawnga in hmang chhunzawm tur leh kohhran chhan hna theihtawpa thawk zel leh, hruaitute thawhpui thiam mi ni turin fuihna thu tha tak tak a sawi a, Naupang graduate te an ngaihawm tur thu sawiin a hun a hmang tawp.
PSM Zirlai aiawhin Evan. Zoremmawia Hlondo in thu sawiin; PSM, Pathian thu zirna hlu taka Pathian thu zir nih a inchhuan dan te, subject hrang hrang zirtirtute chungah lawmthu sawiin; naupangte an enkawl dan leh thu tak zirtirna kawngah zirtirtute inpekna a faka, PSM-ah zirlai 2021 batch- mi 29 in zirna an neih theihna tura sum leh pai mai piah lamah ei tur in tur thawhsaktute chungah lawmthu a sawi bawk.
Rev. K. Darsailova’n thusawi tura sawm bawkin; a ni pawhin PSM zirlaite leh Graduate te fuihna neiih; Thlarau thianghlim dawng nun leh Pentecost mi nun niawm renga nun hmang turin zirlaite a fuih a, ringtute nunah inngaihtlawmna a pawimawh thu te, hruaitu apiangte thawhpui thiam mi ni turin a fuih bawk a ni.
Graduation Day inkhawm chu Rev. C. Lalrammuana’n tawngtaiin a tin ta a ni (PSM Graduation Day)
———-
CASUAL WORKERS 10 LAK A NI :
North Mizoram District Board chuan Bru Khuaa chanchin tha hrilh hna, Missions Dept kutah a dah angin, Deptartment Supportna atan Rs. 500000 a ruahman a, District Mission Executive Committee Res No 1 Dt 10.03.2022 a neih chuan Casual Worker atan Field a thawk turin a hnuaia mite hi kum khat atan a la a ni:
Casual Workers leh an awmna tur :
1. Bro Lalremruata – Sailut I
2. Bro Nironjoy – Lungthirek
3. Upa Vanlalruata – Tuipuibari center
4. Evan Lalthianghlima – Tuipuibari Hmar Veng
5. Upa Lalawmpuia – Dampa Tlangnuam
6. Bro C Muankima – Tuirum
7. Bro Lalsawmliana – Mualthuam
8. Bro Remruatkima – New Eden
9. T Upa Lallawmpuia – Bukvannei
10. Evan C Sangliana – New Kawnpui
Heng Casual Workers kan lakte hian 01 – 04 – 2022 ah Director Missions Department ah Joining Report an pe ang a, An awmna tur hi 15 – 04 – 2022 ah an thleng vek ang.
———-
CAMPING CENTRE-A HMAN ATAN PULPIT, MAICHAM LEH LECTURE PE
March ni 11 Zirtawpni khan, NMD LAD ten Camping Centre Chapel-a dah turin Pulpit leh Lecturn tha tak an pe. He thilpek hlanna hi Camping Centre-ah neiin; District aiawhin Rev. Chhiarpuia Dist. Secretary chuan dawngin; LAD te Nu an nih anga an tihawm tak tia, kohhranhote tana thil tangkai tak an tih thinah lawmthu a sawi.
He thilpek hi District LAD aiawhin LAD President Sist. K. Lalhmachuani’n a hlan a ni. (LAD thilpek)
———-
NMD Pastor lak tharte leh rawngbawltu tirhkoh te bakah District Revival team ten District Office-ah Joinning report an pe:
March ni 15 thawhlehni khan District Board in ruahmanna a lo siam angin North Mizoram District Board in Pastor atana a lak thar. Pastor Lalrinzuala of Bairabi leh Pastor Lalduhsaka Saza of Rengdil te bakah District-in ram lak beihpui a thlaka rawngbawl tura a lak tirhkoh mi engemaw zat ten District Office-ah Joining report an pe.
Pastor leh TIrhkohte hi District hruaitu pathum ten rawngbawlna kawnga thil tul leh pawimawh hrang hrangte hrilhin zirtur tam tak zirtirin fuihna thu tha tak tak an hrilh hre bawk a ni. (Joining report pe)
Kolasib vengthar UPC Biak In sak lailawk hawn a ni
March ni 12 Inrinni khan, Kol Diakkawn Bial, Vengthar Biak in Rs 5,90,702 senga kohhranhote luah tura an lo sak lailawk chu Rev. C. Lalmuanpuia bialtu pastor chuan UPC NEI kohhran property ni turin Isua hmingin a hawng.
Vengthar Biak in sak lailawk hi. Kohhranhote’na Biak in hmun an neih thara, Biak in an sak chhunga an lo luah tur a sak niin; kohhranhote tanrualnain; mahni theihna zawn zawnah tangin Biak in hi an pum thei a, District Office atangin Rs. 200000 lai Biak in sakna tura an dawnah kohhranhote an lawm hle. (Vengthar Biak in)
———-
KOLASIB RENGTEKAWN BIAL THAR HAWN A NI TA
N. Mizoram Dist. Conference leh District Board-in a rel bawhzuia District hruaituten ruahmanna an siam angin vawiin, March 13 Pathianni chawhma dar 11 khan Kolasib Rengtekawn Bial thar chu hawn a ni.
Bial thar hawn inkhawm hi Rev. K. Lalduhsanga, Dist. Treasurer-in a kaihruai a, Bial thar hawngtu Dist. Supdt. Rev. Laltluanga chuan Pathian thu chhiarin – kohhranhote thlen chin atanga hmasawn tur kan nih dan te, a tira tlem te pawh tam tak lalpan min nihtir thi tiin; Kohhran chu a nun avangin Lalpan a tipung zel ang a ti.
Rev. Laltluanga chuan Bial thar Rengtekawn Bial chu Lalpa Isua hminga hawngin tawngtaiin Lalpa malsawmna a dilpui a ni.
Rev. C. Lalmuanpuia, Kolasib Diakkawn Bialtu Pastor-in thusawiin Bial thar hawn hi Kohhran ten hma kan sawn pui zel a ni tiin; N. Mizoram District hnuaia Bial hawn tum 62-na a nih thu a sawi lang a, Bial thara awm turte an ngaihawm tur thu sawiin hmasawnna thar nei zel turin duhsakna a hlan a ni.
Rev. B. Vanlalruata, Kolasib Venglai Bialtu Pastor-in thusawiin -He Bial lo piang tur hi kan vei na em em a, Pathianin hetiang tur hian a lo ruat lawk hle niin ka hria a ti a. Rawngbawltu leh hruaitu ṭha tak tak awmsa kan neite hi kan vannei hle a ni tiin Bial thar lo awm hian chanchinṭha tidarh tel se a duh thu a sawi. Pathianin a thawpui ang che u, rawng lo bawl vak ula in hlim zel anga, zam lovin rawngbawl zel rawh u tiin Bial thar te a fuih.
Bial tharte hi thilpek chi hrang hrang pek niin, Pastor thar awm huna pek tur engemawzat ruahman a ni bawk.
Bial thar hawn inkhawmah hian Sis. Lalengzuali, Sis. Lalhmingmawii leh Sis. Lalnuntluangi ten Pathian fakna hla an sa bawk.
Bial thar hawn inkhawm hi Rev. C. Lalmuanpuia, Diakkawn Bialtu Pastor-in malsawm ṭawngṭaiin a ṭîn.
Kolasib Rengtekawn Bial hi Venglai Bial, Diakkawn Bial leh Bilkhawthlir Bial chhunga Local, PP leh Missions Field te lachhuakin dahkhawm an ni a. Rengtekawn hi Hqrs. tur niin Bawktlang, Builum, Pangbalkawn, Saihapui K, Bukvannei, N. Thinglian leh S. Chhimluang te an awm dawn a, Heti hian N. Mizoram District-in tuna a enkawl mekah chuan Bial 31 a awm dawn ta a ni. (Rengtekawn Bial thar)
———-
TUMPANGLUI HOME MISSIONS FIELD BIAKIN THAR HAWN A NI:
March ni 13 Pathian ni dar 11:00 khan Rengdil bial chhung Tumpanglui Home missions Field biak In chu NMD Secretary Rev. Chhiarpuia’n Lalpa Isua hmingin a hawng a, Biak in hawnnaah hian Tumpanglui kohhrante bakah Rengdil bial Local hrang hrang atangin mi thahnem tak an fuankhawm a, Thlarau lam hlapui nen hlim takin hun an hmang.
Bialtu Pastor, Rev C.Lalthlenglianan Biak In hawn inkhawm hi kaihruaiin, Evan C.Lalṭanpuia Bial Secretary chuan ṭanna hun a hmang a, Tumpangluia Missionary hna thawka awm mek Sist H.Khawlliani B.W chuan Biak in sak Technical report pein, Rev Chhiarpuia District Superintendent chuan Pathian thuchah a sawi a ni.
Biak in thar lawmna thilpek Bial missions Department leh Bial Kohhranpui aṭangin pek a ni a, Upa Rohnuna Bial Kohhranpui Treasurer in Lawm thu sawiin; Sist Saizikpuii leh Bro Lalremtluanga ten zaia rawngbawlna an nei bawk.
Tumpanglui Home missions field biak In hmun hi District Kohhranpuiin ₹200,000-a leiin, Bialtu Pastor Rev.C.Lalthlengliana’n Biak In sak Lungphum Lalpa Isua hmingin a phum a, District Missions department sum ₹599,555 leh District Kohhranpui sum ₹250,000 vel senga sak a ni.
Tumpanglui Home missions Field sak zawh a nih theihna tur hian Rengdil P.Y.D ten hnatlangin a chhuat an slap a, Rengdil P.M.F ten A chung an chih a, Chawlhhmun Local Missions Department in hnatlangin ceiling, electrict wiring, kawngkhar vuah, chhuat an plaster bakah electri wiring te an siam a, Bial chhung a ṭangin mi ṭhahnemngaiten an hnatlanpui reng bawk., District Board in Pastor atana a lak thar tak Evan Lalduhsaka Saza chuan ama kutkawiha a siam Pulpit, Maicham leh lecturn TUmpanglui kohhrante a pe bawk a. kohhranhote an lawm hle.
Tumpanglui Kohhran hi Sist J.Lalmuankimi leh a ṭhianten Lalpa ṭanpuinaa an din niin , Tun dinhmunah member 92 an awm mek a, Sist H.Khawlliani B.W chu missionary in a awm mek a, Lalpan a rawngbawlna mal a sawm hle a ni.
Biak in hawn Programme kal mekah TUmpanglui khuaa Mi thar – 2 ten Pathian thuthlung hmuin Pentecos kohhranah Bialtu Pastor, Rev C.Lalthlengliana’n Lalpa Isua hmingin a lawm lut bawk a ni.( Tumpanglui Biak in hawng)
———-
Bial LAD Conference a rualin hmang dawn:
NMD LAD te chuan March Ni 18-20 chhung hian NMD huam chhung Bial hrang hrangah a rualin Bial LAD Conference an hmang dawn. Bial LAD COnfe hi bial tam zawkte chuan Confe speaker neiin hun an hmang anga, Bial thenkhat hrileng laka fimkhur ngaihna hmunah erawh Confe rorel chauh neih a nib awk ang.
Dist LAD hruaitute hian remchang angin Bialte an hmanpui ang a, District LAD President Sist.K.Lalhmachhuani B/W chuan Maubawk bial Bungkawn Kohhranah Speaker niin; COnfe Thupui. I rawngbawlna kha hlen rawh. tih hmangin thuhrilh rawngbawlna a nei ang.
———-
MEMBER THAR LAWM LUT
March ni 13 Pathianni zan khan Reiek Bial Pastor Rev P Vanlalfela chuan Pentecost kohhranah mi thar 4 a lawmlut. Lawmluh inkhawm hi Reiek kohhran Biak inah neiin; mithar te hi Puitling 2 leh naupang 2 niin; Rev. P. Vanlalfela hian Lalpa Isua hmingin United Pentecostal Church -ah a lawmlut a ni. (Reiek mithar)
Pathianni kal tal March ni 13 khan Rengdil Bial K.Sarali Home Missions Field ah mi thar -2 Pentecostl kohhranah sengluh niin; Rawngbawltua awm mek Evan Vanlalhlutan Lalpa Isua hmingin heng mithar te hi Sual ngaihdamna baptisma Lalpa Isua hmingin a chang tir. (K. Sarali Mithar)
———-
———-
AIZAWL EAST DISTRICT
District Conference hlim taka hman zawh a ni:
Aizawl East District hnuaia inkhawmpui lianber, District Conference vawi 28-na chu Khawzawl Bial, Khawzawl Vengthar Biakin-ah hlim takin hman a ni a, March 13, Pathianni chawhnu khan a tiak.
He inkhawmpui hi March 11, Zirtawpni atang khan Department rorelin neih tan a ni a, District PYD ten Khawzawl Kawnzar Biakinah Rev C.Lalmalsawma, District PYD President kaihhruaiin rorelna an nei a, General PYD kumpuan atan ‘Thuthlung puan uar’ tih chu hma chhunzawm turin General PYD-ah thlen ni se an ti a, Thu leh hla lama mi hmingtha te General PYD hminga chawimawina pek ni se an tih bakah State leh Central Service exam hmachhawn PYD member te hi District PYD in Financial support pek ve ni se an ti bawk a ni.
District PYD rorelnaah hian Kum 2021 chhunga Budget pe tlak hmasa leh Budget khum bialte hnenah District PYD chuan lawmman hlanin Sub-Committee pahnih Education leh Kumpuan Sub-Committee hetiang hian Bial leh Local hma la thate hnenah lawmman a hlan bawk.
Education Sub-Committee in lawmman a hlan te:
2021 chhunga Bial hma la tha top 3:
1-na, Bawngkawn bial
2.-na, Bazar Bial
3-na, Mualpui bial leh Bethlehem bial
2021 chhunga Local hma la tha top 3:
1-na, Peniel Local, Bawngkawn Bial
2-na, Zemabawk Vengpui PYD
3-na, District Hqrs.PYD
Kumpuan Sub-Committee in lawmman a semte:
Hla in phuahsiak
1-na, “Piantharna dik”- Bro.Lalmuanchhuana, Armed Veng ‘S’
2-na, “I kal chhuak thuai ang”
Sis Ruth Lalhriatzuali Chawngthu, Serchhip Biakinpui
3-na, “Thuthlung vangin”
A.Vanlalsanga, Ramhlun Vengthar
Bial hma la thate:
1-na, Thuampui Bial
2-na, Bawngkawn Bial
3-na, Bazar bial
Local hma la thate:
1-na, Upper Republic bial
2-na, Armed Veng ‘S’
3-na, Ramhlun Vengthar
Tun dinhmunah Aizawl East District hnuaiah hian PYD member sangsarih chuang awmin zuk leh hmuam nghei thar zahnih sawm an awm a ni. PYD hi Pastor bial 31 hnuaia khaw za sawmthum pasarih-ah din a ni bawk.
District Sunday School hian Khawzawl Vengthar Biakin-ah Rev.Rohmingliana, Director kaihhruaiin rorelna an nei ve thung a ni. Hetah hian Kum 15 chawl lova zirtirtu hna lo thawk tawhte bakah State leh National Level Sport kaltlanga medal dfawngte hnenah lawmman hlanna hun an hmang bawk a ni.
Report atanga a lan danin District chhungah Naupang leh Puitling Sunday School-a hming ziak hi mi 18,958 awm mekin S.S hall nei thei 133 an awm a, Kum 2021 chhung khan District Sunday School hian Local 8-ah Sunday School Hall sak tanpuina a pe a ni.
March 12, Inrinni nileng khan Conference rorel, Rev.Vanlalfela Ramtiam, District Superintendent kaihhruaiin neih a ni a, hetah hian Bial atangin agenda lut engemaw zat ngaihtuahin Kum 2024 inkhawmpui chu Saitual bial-ah an nghat a, ruatsa angin 2023-ah N.Vanlaiphai bialah inkhawmpui an hmang leh ang. An thu passed langsar zualte:
1. Ramlak beihpui thlak tura tih a ni.
2. District Supdt.relief fund tun aia sanga dah tura tih a ni.
3. Lehkha tara innei turten Biakin hman remchan lohna a awm a nih loh chuan Biakinah ngei innei thin se tih a ni.
General-a thlen tur:
4. General Kohhranpui hmalakna in Bible Commentary siam ni se.
5. General Kohhranpui hian Vocational Training Centre din ve ni se.
6. District Conference-a Upa palaite hian District hruaitu thlannaah Vote nei ve tawh se tihte a ni.
Inrinni zingkarah khan Kum 2022-2023 chhunga hruaitu tur thlanna neiin Superintendent-ah Rev.KVL.Hmangaihkima, Secretary-ah Rev.R.Laltlankima leh Treasurer-ah Rev.H.Lalropuia te thlanchhuah an ni.
Hrileng avanga Sawrkar SOP siamin zan lamah inkhawm buatsaih a remtih loh avangin he inkhawmpui-ah hian zan lamah inkhawm buatsaih a ni lova, Pathianni Chawhma leh chawhnu khan inkhawmna neih niin Pathianni chawhmaah Rev.R.Lalrinsanga, General Superintendent hnen atangin thuchah ngaihthlak a nih bakah Bialtu Pastor pahnih Pastor F.Malsawmtluanga leh Pastor Vanlalnghaka te nemnghehna, Rev.Vanlalfela Ramtiam, District Superintendent in a nei a, sunna hun Rev Rosanga Kawlni chuan a nei bawk a ni. Pathianni chawhma inkhawmah hian District Thianghlimna Committee ten lawmman sem tur an ngeih ang angte semna hun an hmang bawk a ni.
Pathianni chawhnu inkhawm-ah Rev.VL.Hnemtluanga, District Secretary chuan Pathian thuchah sawina neiin chawl lova Kum 25 Kohhran Upa lo ni tawh leh rawngbawlna Licence lo kawl tawhte hnenah chawimawina hlan an nih bakah Sr.Upa chawimawina hlan a ni bawk a, Rev R.Laltlankima, District Treasurer kaihhruaiin District in sawmapkhat leh buhfaitham-a lawmthu sawina a neih hrang hrang Bial leh mimal hnenah hlanna hun hman a ni bawk.
Tun dinhmunah Aizawl East District-ah hian Bial 31 awm mekin Kohhran hi khaw 188-ah din a ni a, member 26,483 awmin Kohhran chhungkua 5706 an awm mek a ni. Sual ngaihdamna baptisma hi mi 468 ten chang tharin Preaching point 14 a awm mek a, Bial member tamna ber hi Bethelhem Bial niin member 1553 an awm mek a ni.
Hrileng avangin kum danga Conference hman anga hman theih a nih loh avangin UPC-Aizawl East District Conference-ah hian palai pawh a tlem thei ang ber ruat niin Bial hruaitute, Bial aiawh mi 2 bakah Bialtu Pastor leh Licence holder te ruat an ni
———-
District Board:
Aizawl East District hnuaia rorelna sang, District Board chu tluang takin March 15, Thawhlehni khan neih a ni. District Board hi Khawzawl Vengthar Biakin-ah March 10, Ningani khan neih tan niin inkhawmpui neih a nih avangin March 14 leh 15 khan Rev Vanlalfela Ramtiam, District Superintendent kaihhruaiin neih chhunzawm leh a ni a, General Superintendent, Rev R.Lalrinsanga pawhin a telpui bawk a ni. District Board-ah hian thu pawimawh tak tak ngaihtuah niin chung zinga an thu passed langsar zualte:
1. Pastor F.Malsawmtluanga leh Pastor Vanlalnghaka te dah ngheh an ni.
2. Khawbung bial, Khuangleng Biakin hmun sawn tura tih niin a sawnna tur Upa Ramchanzauva hmun hmate pawh enfel tawh a ni a, Upa Ramchanzauva te chhungkaw chungah lawmthu an sawi nghal a ni.
3. Executive board member turte:
District Superintendent
District Secretary
District Treasurer
District Missions Director
Rev.Rohmingliana
Rev. Vanlalfela Ramtiam
Rev.C.Mawizuala
4. Hetiang hian Pastor awm hmun siamrem a ni.
Rev.Vanlalfela Ramtiam, District Office atangin Bawngkawn Bial-ah
Rev.C.Mawizuala, Bawngkawn Bial atangin Mualpui Bial-ah
Rev.Pc.Lalnghakliana, Darlawn Bial atangin Thuampui Bial-ah
Pastor.Robert Lalrinsanga, District Office atangin Darlawn Bial-ah
awmin
Khawlian bial chu District Superintendent in ala hmui rih ang.
5. District Department hruaitu turte hetiang hian siam a ni:
Missions Department
Director: Rev.VL.Hnemtluanga
Secretary: Evan C.Lalremruata
Treasurer: Evan C.Lalchhuanga
Sunday School
Director: Rev.Rohmingliana
Secretary: Evan K.Lalmuansanga
Treasurer: Evan Hr.Lalrindika
PYD
President: Rev.C.Lalmalsawma
V.President: Upa F.Lalthlangliana
Secretary: Evan Dr.R.Vanlalpeka
Asst.Secretary: Evan Lawmsangkima
Treasurer: Evan K.Lalbiaknunga
Fin.Secretary: Evan C.Lalropuia
LAD
President: Sis Zionparmawii B/W
V.President: Sis.Lalramliani Sailo
Secretary: Sis R.Lalramsiami B/W
Asst.Secretary: Sis.Saimawii B/W
Treasurer: Sis. Lalbiakkimi
Fin.Secretary: Sis.Laldinpuii
Hruaitute charge inhlan hun atan March 30.2022 ni se tih niin hemi ni hian Bialtu Pastor awmhmun sawnte pawhin an Bial tharah lut ve se tih a ni a, April 3, Pathianni-ah Pastor induction neih tura tih a ni.
District Board hi March 15, Thawhlehni khan an zo fel a, Board memberte an telkim thei a ni.
———-
Mithar leh baptisma chang thar:
March 13, Pathianni khan Thuampui bial Zuangtui Kohhranah mi thar 4 ten sual ngaihdamna baptisma an chang.
March 8, Thawhleh zan khan Kahrawt Bial, Dinthar Kohhran Evan.Lalchhawrzela rawngbawlna atangin member pakhat mithar neih a ni a. Bialtu Pastor F.Malsawmtluanga’n sual ngaihdamna baptisma chantirna leh sengluhna hun a hmang a ni.
March 6, Pathianni khan Hnahlan Bialtu Pastor Albert Chanchinmawia’n Headquarters Kohhran a lawi turin member 2 chhungkaw khat sengluhna a nei bawk.
March 5, Inrinni zan khan Serchhip Bial College Veng Kohhranah Rev B Lalengzauva, Bialtu Pastor kutah Mi 4 in Isua hmingin Baptisma an chang thar a, March 6, Pathianni Chawhma inkhawm ban khan Biakinpuiah, Bialtu Pastor Rev B Lalengzauva kutah Mi 26 in Isua hmingin Baptisma an chang leh bawk a, UPC la ni ngailo 2 an tel.
March 6, Pathianni vek khan Champhai Bethel bial, Bethel Hqrs Biak Inah, Bialtu Pastor E. Vanlalpeka Zote chuan chhungkaw hnih, Member 8 Kohhranah sengluhna a nei bawk.
Facebook