Pennet News Service : March 15 – 22

UPCNEINEWSSERVICE March 15-22.2020
————
Covid 19 chungchanga Kohhran thuchhuah :
UPC-North East India General Administrative Committee chuan tunlai hrileng mek chungchangah Kohhran mipui te tan hetiangin ngenna an siam a, zawm theuh turin min ngen a ni.

Coronavirus ( Covid-19) hri leng mek chungchanga kohhran mipuite hnena ngenna :
Kohhran mipuite Lalpa Isua hmingin chibai kan buk a che u.

Tunlai khawvel puma hripui leng mek Coronavirus (Covid-19) laka mipuite kan him theih nan a hnuaia mi ang hian kohhran mipuite hnenah thuchah kan rawn siam a, zawm theuh turin kan inngen a ni. Hei hi  March 19, 2020 atanga thu leh awm hma  atana hman tur a ni :
1. Covid-19 hri leng avangin sorkarin mipui punkhawm a khap tawh a, chuvang chuan General / District / Bial huapa inkhawmpui leh intawhkhawmna ang chi reng reng chu tih rih loh ni se.

2. Tualchhung kohhran inkhawm neih chungchang chu tualchhung kohhran committee kuta dah a ni. Tualchhung kohhran huapa punkhawmna dangte chu tih rih loh ni se.

3. Kohhran mipuite loh theih loh thil tih lovah chuan vakchhuak tam lo tur leh naupangte pawh lengchhuak tam lo turin kan inngen a ni.

4. Mahni in lamah uluk takin chhung inkhawm neih thin ni se, hrileng laka kan him theih nan thahnem ngai takin i tawngtai theuh ang u.

5.  Ram hruaituten mipui vantlang himna tura ruahmanna an siamte ngai pawimawhin i zawm zel ang u. Hei hi keimahni tan leh kan  thenawm khawvengte tan vek a ni.

6. Sorkar thuchhuak ngaihchan reng tur a ni.

Mizoram chhunga District 5: North Mizoram, Aizawl East, Lunglei, Chhimtuipui leh Lawngtlai District-a Kohhran programme pawimawh hrang hrang te thulh tura sawrkar leh MKHC te ngenna angin, heng District-a Kohhran programme engemawzat chu thulh a ni. March ni 27-29 chhunga Aizawl East District huamchhung Bial 30-a LAD Conference neih tur chu a hun sawn a ni a, Lunglei District chhungah pawh Kohhranin Rally, Camping leh Bial LAD Conference neih tur pawh thulhin, Lawngtlai District in Bial LAD Conference an neih tur pawh an thulh a. Lawngtlai West District in Bial Meet-an neih tur pawh an thulh bawk.
———–
PYD Day :
March ni 21, Inrinni kha North East India UPC kohhran thalai pawl Pentecostal Youth Department- PYD Day vawi 51-na a ni a,  Sawrkar ngenna avangin General PYD pawhin thuchhuah siamin Bial leh Tualchhunga programme lian tham siam lo turin ngenna an tichhuah a, kum dang angin PYD Day hi urhsun taka hman theih a ni lo a ni.

Kum 1969 khan Foreign Mission division phalna angin, Unit hranin N.E.India unit tia din a ni a. Kum 1969 March ni 21-a NE India Unit Executive board hmasa ber chuan,  Pentecostal Youth Department tiin Pentecost thalai pawl hi a din ta a. Tichuan, March ni 21 hi PYD chuan Day atana hmangin, kum tin awmni khamin hman thin a lo ni ta a ni.
Hruaitu hmasa ber te :
General President – Rev. KL Hnuna
General Secy/Trea. – Rev.K.Satinvela

Pentecostal Youth Department (PYD) hian Kumpuan thupui atan “Intodelh” tih  a hmang  mek a. Tun dinhmunah hian North East India UPC huamchhungah PYD member 23,417an awm mek a, tualchhung kohhran 532 ah PYD hi din a ni.

General PYD hruaitute :
General President Pastor H. Lalropuia
General Secretary Evan JH Malsawmdawngliana
General Treasurer Pastor C. Lalmalsawma
————-
District hrang hrang rawngbawlna chanchin  :

Aizawl East District :
March 9 atanga 12 chhung khan Aizawl East District Board neih a ni a, board hi rev Rosanga Kawlni, District Superintendent chuan a kaihruai. Rev Lalmalsawma Sailo, General Superintendent chuan Board tanni khan telpuiin report hrang hrang a pek bakah hunserh a hmang nghal. District Board thu rel langsar zualte:

1. Pastor 2 lak thar niin chungte chu:
Evan F.Malsawmtluanga, Zemabawk Bial
Evan Vanlalnghaka Renthlei, E.Lungdar bial

2. Dak runner lak thar: Evan Lalhmachhuana Varte, Mualpui Bial

3. Fulltime Evangelist lak thar: Evan H.Malsawmthanga, Bawngkawn bial

4. District Conference 2020-in ram lak neihpui thlak ni se a tih angin hemi atan hian Fixed pay-in kum khat chhung rawngbawl hna thawk turin heng mite lak thar an ni.
Evan V Kamneihthanga, Ngopa bial
Evan H Lalbiakzauva, Rabung bial
Heng thawktu lak tharte hian April 1.2020-ah District Superintendent hnenah Joining pe tura tih an ni.

5. Pastor Transfer & Positng hetiang hian siam a ni.
1. Rev Rosanga Kawlni- Zemabawk North bial (Hei hi Conference in bial thar hawn tura a tih kha niin Zemabawk, Middle School Veng, Falkland East leh Bethel te a huam dawn a ni).
2. Pastor H.Lalropuia, N.Vanlaiphai bial atangin Mualpui bial-ah
3. Pastor B.Lalhmingliana, Zohmun bial atangin N.Vanlaiphai bial-ah
4. Rev Rohmingliana, Thingsulthliah bial atangin Bethlehem bial-ah
5. Rev Lalrema, Bethlehem bial atangin Keifang bial-ah
6. Pastor V Lalnienga, Keifang bial atangin Thingsulthliah bial-ah
7. Evan F Malsawmtluanga, Champhai bial-ah
8. Evan Vanlalnghaka Renthlei, Zohmun bial-ah
Heng Pastor Transfer & Posting te hian April 3.2020-ah an awmna hmun tur thleng vek tura tih niin April 5, Pathianni-ah induction neih a ni dawn a ni.

District Board hian Department hrang hrang hruaitu turte a ruat thar bawk a, chungte chu:
PYD
President: Rev C.Lalmalsawma, Khawzawl bial
V.President: Upa F Lalthlangliana, Bazar bial
Secretary: Bro R.Vanlalpeka, Bazar bial
Asst. Secretary: Bro Lawmsangkima, Bethlehem bial
Treasurer: Bro K.Lalbiaknunga, Bawngkawn bial
Fin. Secretary: Bro Zothansiama, Thuampui bial

LAD:
President: Sis Zionparmawii B/W, Bethlehem bial
V.President: Sis F.Lalawmpuii B/W, Khawzawl bial
Secretary: Sis Rodingliani Sailo B/W, Serchhip Dinthar bial
Asst. Secretary: Sis Lalramsiami B/W, Bazar bial
Treasurer: Sis Lalramliani Sailo, Zemabawk bial
Fin. Secretary: Sis Laldinpuii, Bazar bial

Missions Department:
Director: Rev R.Lianzama
Secretary: Evan Lalramzauva, Bethlehem bial
Treasurer: Evan C.Lalchhuanga, Thuampui bial

Sunday School
Director: Rev HL Thakunga, Bazar bial
Secretary: Evan C.Laltanpuia, Thuampui bial
Treasurer: Evan Hr.Lalrindika, Bazar bial

Heng Department hrang hrang leh Sub-Committee hruaitu hlui leh tharte hian April 7, Thawhlehni hian Charge inhlanna neih tura tih a ni.
———-

District PYD Board:
March 6, Zirtawpni chawhnu khan Zemabawk vengpui Biakin-ah District PYD Board vawi 48-na, President, Rev R Laltlankima kaihhruaiin neih a ni a, an rorel tlangpuite:

1. District PYD-in ram a neihna hmun, Zokhawtharah Jubilee building sak a nih tawh bakah In thar dang sak belh tura hmalak tura tih a ni.

2. CBC, Shillong tan dawhkan donate ngei tura tih niin hruaituten a tul angin lo bawhzui se tha tih a ni.

3. PYD member thuthlunga an ngheh leh zual nan te, zuk leh hmuam nghei an tam theih nan bakah Social media kaltlanga Chanchintha puandarhna kawnga chak zawk hmalak tura Conference rorelin board kutah a dah chu OB ten a tul angin lo bawhzui se tih a ni.

4. Kum 2020-2021 Conference inkara Sub-Coommittee hruaitu tur hetiang hian ruat an ni.

Kumpuan
Chairman: Bro Vanlalhruaia, Thuampui bial
Secretary: Bro HK Lalneihsanga, Bawngkawn bial
Treasurer: Bro CS Lalrothuama, Upper Republic bial

Education:
Chairman: Bro R Vanlalpeka, Bazar bial
Secretary: Bro Johny Lalthafamkima, Bazar bial
Treasurer: Sis Loicy Lalhmingchhuangi, Zemabawk bial

Fund Raising
Chairman: Upa F Lalthlangliana, Bazar bial
Secretary: Bro Lalrammawia, Bazar bial
Treasurer: Bro Lalmuanzuala, Bethlehem bial

Music & Sound Committee
Chairman: Evan C Lalchhuanga, Thuampui bial
Secretary: Bro Nelson KVL Chhandama, Thuampui bial
Treasurer: Sis Tlanthianghlimi, Zemabawk bial

Choir Conductor: Bro Lalchhanhima, Zemabawk bial
Asst. Conductor: Bro Nelson KVL Chhandama, Thuampui bial

Environment Protection
Chairman: T Upa R Vanlalropeka, Mualpui bial
Secretary: Bro Lalnunhlima, Thuampui bial
Treasurer: Bro R Lalengmawia, Zemabawk bial

Sub-Committee-a OB incharge tur leh hruaitu hlui leh tharte charge inhlanna hun tur chu OB ten ruahmanna lo siam se tha tih a ni.
———-
Lang Camp  :
March 14, Inrinni nileng khan Bethlehem bial Sunday School Department buatsaihin Bethlehem Biakinah naupang pualin lang camp hlawhtling taka neih a ni.

He hunah hian bial chhung atangin naupang bakah zirtirtu mi 100 chuang kalin Speaker-ah Evan Lalchhuanmawia Zote leh Bro TC Vanlalruata te an hmang a ni. Lang camp-ah hian sual ngaihdamna baptisma mi 3 in an chan bakah thlarau thianghlim dawng thar mi 20 an awm a, siamtharlehna mi 28 te an chang bawk a ni.
———
Thilpek hlan :
Aizawl East District LAD te chuan General LAD Golden Jubilee hriatrengna atan March 9, Thawhtanni khan General LAD room, General Hqrs.-a dah turin Steel Almirah an hlan. General LAD Hruaituten lo dawng sawngin District LAD atang hian OB an tel kim thei a ni.
———–
Staff Welfare hruaitu thar :
Aizawl East District Office Staff welfare te chuan March 16, Thawtanni khan District Superintendent Rev Rosanga Kawlni kaihhruaiin Staff Welfare hruaitu thlan tharna an nei.

He hunah hian Rev Biaksangzuala, District Secretary chuan hunserh a hmang a ni. Kum 2020 chhunga Aizawl East District Staff welfare hruaitu tharte chu
Chairman: Bro R.Lalengliana, Secretary: Evan Hr.Lalrindika leh Treasurer-ah Sis H.Lalthuamluaii te an ni.

Staff Welfare hi Kum 2000 khan din lo ni tawhin Staff inpumkhatna leh Kohhran tha ti chak tura din niin Staff chhungah Chhiatni thatni atan tha leh zung tam tak an lo seng tawh a, District Superintendent Relief fund atan sum engemaw zat an lo hlan tawh bawk a ni.
———

Hruaitute Programme:
Rev R.Lianzama, Missions Director chuan Pathianni hmang hian Rabung bial chhungah Home Missionary Support zawngin rawngbawlna a nei ang.
———

HRIATTIRNA
Aizawl East District Kohhranpui OB meeting March 17, Thawhlehni-a neih thuchhuak hriattirna.

Kan hriat theuh angin COVID-19 avangin Sawrkarin mipui punkhawm te a khap in, hmun thenkhatah phei chuan Section 144 of CRPC. 1973 te an puang tawh a. Chuvangin District chhunga March 27 atanga 29 chhunga Bial hrang hranga LAD Inkhawmpui hman tur chu thulh rih turin leh mahni bial in hun remchang dang en a, ruahmanna nei mai turin ngenna a siam a, he ngenna hi Kohhran mipui Bial hrang hrang amite zawm theuh turin a hriattir a ni.

Inkhawmpui bakah Rally, intlawhtawn, Bial huap emawa intawhkhawmna ang chi reng rengte pawh tih loh rih ni se. Sawrkar  thuchhuakte ngai pawimawhin ngaihchan reng ni se. Thu leh awm hma chu Kohhran ten inkhawm pangngai bak hi chu puipun Programme dang siam rih lo turin kan in hriattir a ni e.

Rev Biaksangzuala,
Secretary
Aizawl East District UPC
————–

Lunglei District  :
District LAD Conference :
March 13 zirtawp zan atanga March 15 Pathianni zan thleng  khan Ladies Auxiliary Department,Lunglei District Inkhawmpui vawi 51-na chu Rahsiveng Local UPC biak inah neih a ni a, Thupui atan ‘Mei ata la chhuak thuai ula, chhandam rawh u’ Juda chang 23 na hman a ni.

March ni 14 inrinni khan rorel a ni a, an rorel langsar zingah District LAD te hian Assam Missions Field, Serfanguri No.2 ah biak in sak nise an ti a, LAD member Holy Bible ziak chhuak an awmin chawimawina pek nise an tih bakah General LAD day May 10 ah Ruihhlo ngaite pualin tawngtai nise an ti bawk, tin, Home Missionary-te hnenah christmas present pek nise an ti bawk.
Report bu atanga alan danin Lunglei District LAD ah hian Members 3838 an awm mek a, LAD hi bial 20 ah din niin, Local 108 ah din a ni bawk.

He inkhawmpuiah hian Rev.R.Vanlalenga, District Missions Director, Rev.C.Lalrintluanga District Treasurer, Rev.PC.Lalfakawma District Secretary, Rev.C.Vanlalena District Superintendent leh Sist. Lallianmawii BW, President LAD, Chhimtuipui District ten thusawi rawngbawlna an nei a, Bazar Local LAD, Electric veng Local LAD, Hnahthial Venglai Local LAD leh Pukpui Local LAD ten zaiin rawngbawlna an nei bawk.
———-

Chhimtuipui District :

Chhimtuipui District Conference vawi 44na hlimtaka hman a ni.

March 12-15 chhung  khan South Lungpher Local, South Lungpher bialah Conference hi hman niin Rev WL Thanghre District Superintendent kaihhruaina hnuaiah hman a ni a. Rev Zohmingthanzama General Treasurer, Rev  Lalthantluanga Director Dist Mission- North Mizoram, Rev Dr C Sihmo Director Dist Mission CTP, Rev C Valy pensioner leh Rev C Satinkapa pensioner ten thuchah an sawi a ni.

March ni 13, Zirtawpnia Sunday school rorel thuchhuak langsar zual te :

1. S. S. Campaign local thlan chhuah bik ah neih ni se.
2. Naupang S. S. Pual Camping local tin in buatsaih ni se.
3. In lama S. S. Exam (Take home exams) kal pui turin General ah thlen ni se.
4. Kan fa ten kan Kohhran hla tam zawk a an thiam theih nan a hma lak ni se.
5. S. S. Zirlai(Lesson) te tha taka zir a nih theih nan Zirlai enlawkna leh thlirletna local tin in uar zawkin kalpui ni se.
6. District target tlak hmasa bial te lawmman siam sak ni se.

March ni 15, Pathianni chawhma inkhawm chu Ramthim pual niin, Pathianni Chawhnu khan Sunday school pual inkhawm neih a ni. Evan V John Director Dist Sunday school chuan hun kaihruaiin, Upa F Lalrothuama Secretary Dist SS Dept chuan thuchah asawi thung.

Khawmpui chhung hian zing inkhawm neih thin ani a, heng mite hian an kaihruai:-

1. Zirhtawp zingah – Evan Hmingtinthanga Secretary Niawhtlang bial.
2. Inrinni zing – Upa B Dingliana Secretary Tuipang bial.
3.  Pathianni zingah – Upa H Ramhluna Secretary Siaha bial te anni.

Khawmpui chhunga hian hengmite hian zai rawngbawlna annei thin:-
1) Dist PYD Choir
2) Vannunmawii
3) Cindy Ramhlimpuii
4) Helen Lalkrawsparmawii
5) Gospelmawia
6) South Lungpher local PYD Choir
7) Laltleipuii Aizawl

Tun dinhmun ah Dist chhungah member 7653 awm mek in, chhungkua  1411 an awm mek a. Local church 33 awmin, Licence holder 33 an awm mek a ni.

March ni 14, Inrinni khan District Kohhranpui rorel inkhawm neih a ni. An thurel langsar zual te :

1. Tunlai natna dar chak tak COVID-19 laka kan him  nan leh a veite pual in Dt.22.03.2019 khian Dist chhung local tinah tawngtaina neih tur a ni.

Tin, MKHC (Mizoram kohhran hrang hrang pawl) ten he COVID 19 puala, Mizoram chhunga kohhran hrang hrangte tawngtai rual tura ngenna asiam angin 44th Conference hun chhung Dt.15.03.20 (Pathianni) zan ah tawngtaina hi neih a ni.

2. Golden Jubilee Building sak chhunzawm nise. Hemi pual hian local church tinah sum zawn fehchhuah neih nise.
3.  2020 chhung hian Thianghlimna  Campaign neih nise.
4. Bial tinah Revival Crusade neih nise.
5. Literature & publication board din nise.

Kum 2020-2021 Dist hruaitu ruat tharte:-

Superintendent : Rev Joseph L Thlauhthang
Secretary : Rev WL Thanghre
Treasurer : Rev Kholy Hlychho
———–
Member thar :
March 15, Pathianni khan Sangau II Local, Sangau bialah chhungkua khat, member 5 techu local chairman Upa Vanhlir’n kohhranah a senglut.
————
Thawktu thar :
District Mission Dept hnuaia Ephatha Home Mission field athawk tu atan K Vanlalchhardiki BW Siaha Council veng local chu lak thar a ni. Dt 17.03.2020 khan Dist Mission Director hnenah joinning report a pein, field hi aluhchilh nghal ang.

March 14, Inrinni zan khan Upa C Robuaia In South Lungpher local ah Home missionaries te in fuih tawnna hun hman a ni.

He hun hi Rev Dr C Sihmo Dist MS Director chuan akaihruai a, Field worker report hrang hrang ngaihthlak niin, official lam tepawhin an hmachhawp hrang hrang te puan chhuahna an nei.
———
PYD Week :
Siaha Bial PYD chuan Dt.16.03.2020 zan hian bial chhung local tinah 2020 PYD WEEK hawnna an nei.

Bial PYD hruaitute local tinah kalin, week hawn inkhawm an hman pui.Dt.16-22.03.2020 chhung hi week ah hmangin, “Thilṭha tih” tih chu week thupui atan hman ani.
———
Thlahna :
March 22, Pathianni khian Siaha Council veng local te chuan , an member Rbt Beihluatlai Khuly, General home mission field a thawktur thlahna hun an hmang dawn.
——–

Chhimtuipui District Board Vawi – 184 Na thurel langsar zual :

March ni 16, Thawhtan zan khan South Lungpher Biak In ah, awmni kham Dist Board neih ani a, zan 10:00 ah summer board hi tluang taka zawh ani, thurel thenkhatte:-

A. Dist Bible zirna Apostolic Bible School kal turin heng mite hi thlan chhuah an ni :-

1) Zohmingmawia Niawhtlang IIIrd Yr
2) Vanrohlua Council Veng IIIrd Yr
3) K Vanlalchhardiki Council veng IIIrd Yr
4) C Lalthlamuana Meisatla IIIrd Yr
5) Lalbiakliana Meisatla 1st Yr
6) Lalhruaitluanga Meiaatla 1st Yr

District Board hma a, interview hmanlo tepawh anlo tih ṭhin angin Apostolic Bible School Board hnuaiah interview hi neih tur a ni ang.

B. Media Cell adin theih nan aṭul ang anga hmalak zel nise. 2021 atang Media Cell pualin budget siam ve nise

Heng mite hi Dist Pennet Correspondent atan a ruatte anni:-

1. T Upa H Lalduhsanga Siahatla- 9774566420
2. Vanrohlua Council Veng – +917005964593

D. District Building Board member ruat thar te:-

Chairman: Diatrict Superintendent
Secretary: Dist Secretary
Treasurer: Dist Treasurer

Member:
1. Director Dist MS
2. Sectional Pastor Siaha
3. Evan V John
4. Upa H Ramhluna
5. Rev C Satinkapa
6. Upa L Mahu
7.Upa R Lalkunga

E. District Constitution Drafting Board hetiang hian din ani:-

Chairman: Evan V John
Secretary: Upa H Ramhluna

Member:
1. Dist Superibtendent
2. Dist Secretary
3. Dist Treasurer
4. Dist MS Director
5. Rev C Satinkapa

F. Rawngbawltu dilna form tih chu Rawngbawl tura sawmna form ti a thlak rem tih tlan a ni. Evan V John’n ruahmanna alo siam anga, Dist Board chuan athlir ṭha leh ang.

G. General Pay Commission in pay anlo siam chu, April 2020 aṭangin district hian hmang ṭan se ṭha tih tlan ani.

H. Heng mite hi electoral body atana ruat anni:-
1. District Superintendent
2. District Secretary
3. Dist Treasurer
4. Dist MS Director

I. Hetiang hian District chhungah Inkhawmpui hun siamrem a ni:-

1) Bial khawmpui chu February chawlhkar hnihna Pathianni hmang a hman nise.
2) Bial PYD leh LAD chu March chawlhkar hmasa ber Pathianni hmang a hman nise.

J. Dist Literature and Publication Board hruaitu tur te :-

Chairman: District Superintendent
Secretary: Dist Secretary
Treasurer: Dist Treasurer

Member:
1. Director Dist MS
2. Sist T Lalchangliani
3. Upa LH Kapchhunga
4. Upa H Zirchhunga

K. Bial tin Rawngbawltu te chu, Dist inruatthar kumah anmahni bial ṭheuhvah bialtu pastor kaihhruaina hnuaiah training cum seminar neih nise.

L. July 2020 hun remchang hmasa ber ah Dist Hqrs local ah Pastor nupui seminar neih nise.

M. Dist chhung bial tinah Revival Crusade neih nise, Bial in hma lola se.Hemi pual hian bial tin fund atan Rs.33000/-ṭheuh dist chuan aruahman.

N. Bial tinah Thianghlimna Campaign neih nise, paper leh resources person chu Dist officia te kutah dah a ni.

O. Jehovah Jire Revival Team ten Dist a pawmpui tura an rawn dil angin pawmpui anni a, Team inkaihhruaina/ rules & regulation leh ṭul dang chu Dist Official ten an an bawhzui ang.

P. 2020 chhung hian heng local te hnenah hian Biak In sak ṭanpuina pek nise ṭha tih tlan ani:-
1. Lungtian Rs.200000/-
2. Siahatla Rs.200000/-
3. Sangau Bethel Rs.200000/-
4. Vawmbuk Rs.100000/-
5. Bethlehem Siata Rs.100000/-
6. Council Vaih Rs.100000/-
Avaiin Rs.900000/-

Q. Quarter repair nise, ahmasa berah Dist Superintendent Quarters repair nise.Sum awm hunah adangte pawh repair nise tha tih tlan ani.

R. Departmental Hruaitu ruat tharte:-

Mission Dept :
Director : Rev Dr C Sihmo
Secretary : Upa John VT Hniehu
Treasurer : Rev WL Thanghre

Pentecostal Youth Dept
President : Evan K Rinthara
Secretary : T Upa H Lalduhsanga
Treasurer :  T Upa N Lalchhuanmawia

Dist Sunday School
Director : Evan V John
Secretary : Upa F Lalrothuama
Treasurer : Rev Kholy Hlychho

Ladies Auxiliary Dept
President : T Lallianmawii BW
Secretary : TT Duhtinthluaii
Treasurer : L Nitei BW

Auditors
1. Upa John VT Hniehu
2. Upa PS Lalthanhlira
3. Pator H Hnehchunga

S. 2021 atang chuan Thlaithar Kut hi september chawlh kar thumna ah hman tawh tur niin, Dist Constitution Drafting Board pawh hriattir nise.

T. Siaha Bialtu Pastor Rev Kholy Hlychho chu Dist Treasurer a ruat anih tak avangin, Revival Pastor C Lalchhuanthanga chu Siaha bialtu pastor atan ruatthar ani.

Hruaitu ruattharte leh charge inhlan ngai Department etc.. tehi Dt.31.03.2020 (thawhleh) ni khian Dist Committee Room ah charge inhlan tur ani ang.

U. Heng ahnuaia Pator tehi kum 10 an service tawh avangin, General lamah Reverend title pe tura report nise:-

1) Pastor K Kawngkharmawia
2) Pastor H Hnehchunga
————–

Lawngtlai West District :

District hruaitute Programme ;
District Secretary/Treasurer Pastor Lalsawmliana Sailo, a bial chhung local tlawh kualin hun a hmang a nga Chandmary Local church ah hun a hmang ang.

District Mission Director Rev.F.Lalbiakṭhuama chuan  22-23  chhung hian  Diltlang bial ah Sunday sikul pawimawh na leh Sunday School Zirtirtute pawimawhna te,Incheina leh.thianghlimna tih Seminar neihnaah Resource person ah tangin  rawngbawlna a nei ang.
———-

Meet :
March 13-15.2020  khan Vathuampui Bial Sunday School Department buatsaihin Chikhurlui  Local ah meet neih a ni a, Sunday School meet ah hian palai thahnem tak an kal khawm.

March 14 chawhma lam khan Chikhurlui khelhmual ah  Outdoor lam intihsiakna nei a, chawhnu lamah Biak inah intihsiakna chhunzawm leh a ni a, Intihsiakna lawm man  pakhatna hi Vathuampui Hqrs Local in an dawnga, pahnihna hi Mautlang local, Pathumna chu M.Kawnpui Local in an dawng. Sermon tha tak tak ngaihtlak thin a ni.

Thusawitu te.

March ni 13, Zirtawp zan
Evan.K.Laineiha Bial SS Treasurer.

March 14, Inrinni zan
Upa.Joseph L.Ngurthanzawna.Bial kohhranpui Secretary.

March ni 15, Pathianni zing
Upa.Vl. Chhawna Bial Sunday School Director.

Pathianni zan Pastor.B.Lalbiakchhunga.Bialtu pastor
————-

North Mizoram District  :
Charge in hlan :
March ni  17 Thawhlehni chawhma dar 10 khan Kum 2020-2021 atana Dist level Dept leh Committee peng mawhphurhna Dist Board in a ruat thar te- hruaitu kal chhuak tur ten mawhphurhna an hlan.

Charge hlanna inkhawm hi UPC-North Mizoram District Supdt Chamber-ah neiin; Dist. Supdt. Rev. Laltluanga’n hun a kaihruai a,  Dist. Supdt. chuan hruaitu kal chhuak turte thlahna thu sawiin an thawhrimnaah fakin, Hetihrual hian hruaitu thar lawmna thu leh theihtawp chhuaha an rawngbawlna hlen turin a fuih bawk.

Hetiang hi hruaitu hlui leh thar te charge inhlan dan a ni:-

1. Dist LAD President mawhphurhna chu Sist. PC. Lalromawii B/w in – Sist. K. Lalhmachhuani B/w hnenah a hlan a,

2. Dist LAD Treasurer nihna Sist. K. Lalrokimi’n – Sist. Lalchhuankungi B/w hnenah a hlan bawk a,

3. Dist PYD President nihna Evan. F. Lalngaihawma’n President mawhphurhna Evan. J. Vanlalruata hnenah a hlan bawk a,

4. Dist PYD Treasurer nihna Evan Vanlalpeka Fanaiin Evan. C. Lalruatsanga hnenah a hlan a,

5. Dist. Motor Board Secy. nihna chu Dist. Supdt. in Evan. Lalrampanmawia Sailo hnenah hlanin Evan. MS Dawngliana’n Pentecostal Herald Editor mawhphurhna leh  Literature & Publication Board Secy. nihna chu Pastor Lalruatkima Fanai hnenah a hlan bawk a ni.

Hemi bakah hian Pastor atana lak thar Evan. P.C Lalrokima chuan a bial vawn tur Aibawk Biala Pastor ni mek Rev. PC Lalfela hnen atangin Aibawk Bial Pastor nihna tur mawhphurhna a hlan bawk.
———-
Jubilee lawm :
March ni 16 leh 17 khan Rengdil Kohhran LAD te chuan kum 50 an tlinna Golden Jubilee an lawm.

Golden Jubilee hi District LAd atangin Dist. Secretary Sist. Laldawngliani’n hmanpuiin; March ni 16 thawhtan zan hian Jubilee Meidet a ni a, Sist. Laldawngliani Dist. LAD Secy in rawngbawlna a nei; a tuk March ni 17 -ah Bialtu Pastor C. Lalthlengliana’n Jubilee Lungphum a hawngin Jubilee dar vuak a ni a; Jubilee lawmna chawhma dar 11:00 ah tan a ni a, hlim taka hun hman a ni a,  tlaiah Golden Jubilee lawmna ruai kohhranhote’n an kil ho bawk a ni.
———-
Bial Conference :
North Mizoram District chhunga pastor Bial 30 te chuan, March ni 13-15 chhung khan Bial Confe. a rualin an hmang.

He Bial LAD Confe. hi District LAD Exe Meeting chuan ruahmanna a siam angin; hetiang hian Bial Confe. an hmanpui a ni:-

Dist. LAD President Sist. PC Lalromawii leh Dist. LAD Treasurer Sist. K. Lalrokimi te chuan Reiek Bial an hmanpui a, Dist. LAD Secretary Sist. Laldawnglian’n Rengdil Bial LAD Conference a hmanpui bawk.

District Supdt. Rev. Laltluanga chuan Zawlnuam Bialte LAD ten Confe. speaker-a an sawm angin Bial LAD Confe. hi a hmanpui a, Conference hi Kanhmun Kohhranah an hmang a ni.

North Mizoram District chhunga Bial LAD Confe. an hman dan Bial report dawnte tarlang ila:-

Aibawk Bial LAD ten inkhawmpui vawi 41-Na Falkawn kohhran Biak inah hmangin; Gen. LAD President Sist Lalchangliani BW chu speaker atan hman a ni. Confe. rorel pawimawh zingah Bial Conference lehna hmun tur atan Sateek niin;  Kum 2021 Conference-ah speaker neih leh an rel a, Home Missionary pakhat chawm an passed bakah Kum 2020 chhung hian LAD Member tamna khua ten member tlemna khua te tlawh nise tih an passed bawk a ni.

Chawlhhmun Bial LAD te chuan Bial LAD Confe. chawlhhmun Biak inah hmangin an rorel pawimawh zingah  Orphanage naupang 3 sponsor ni se, Missionary Rs. 3000-a Support te, Bial hmingin Camping Centre ah bungrua dah te, District LAD camping centre tihchangtlun te, Bial LAD zaipawl neih te, Chawnghei tawngtai Thlatin vawikhat neih te bakah Platinum Jubilee hriatreng nan home mission field ah thil pek te an rel a ni.

DINTHAR BIAL LAD ten Dinthar Biak inah Confe. vawi 40-na neiin, Speaker atan Evan. Zoramthara an hmang a, Conference rorel pawimawh zual te  Kum 2021 conference na hmun atan Tuikual ruatin; Kum 2020 chhunga Holy Bible chhiarchhuak lawmman pek te, Kum 2020 ah General Mission Department kaltlanga Missionary chawm te,  Bial huapa Thianghlimna Seminar leh Revival Crusade neih te an rel a ni.

Dinthar Bial te hian Kum 2019 -ah District Missions Department kaltlangin Missionary chawmin; Dilzawl home missions field quarter tan dining table leh chair an leisak bakah Bial chhung mi harsa zualte christmas present an pe bawk. Dinthar Bialah hian member 251 awm mekin zuk leh hmuam nghei 62 awmin Bible women 4 an awm a ni.

Kol. venglai LAD ten Confe. 51- Pangbalkawn Biak Inah hmangin, Inkhawmpui hi Bialtu Pastor  Rev. B. Vanlalruata’n a hawng a, zan khatnaah Bible chang sawi rual intihtihsiak neih a ni. Pathianni zing inkhawmah Fundamental Doctrine sawi rualin; member boral sunna hun hman a ni bawk. Pathianni Zing inkhawmah  Bukvannei Preaching point sound system pualin appeal an nei a,  Rs. 13650/- lai an hmu chhuak.

Bial LAD Inkhawmpuiah hian Evan. R. Lalchhanchhuaha, Bukvannei Preaching Point a Tirhkoh chu Speaker-ah hmangin,  Thlarau la dawnglote leh siamtharna mamawhte tan rawngbawlna a nei a, Thlarau dawngthar pawh engemaw zat an awm.

Hunthar bial Bial LAD ten Conf vawi 6 na, Lungverh kohhranah neiin; Confe. Speaker-ah Evan Lalduhsaka Saza hman a ni. Evan Lalduhsaka Saza hi a team member 3 ten an tawiawm thei bawk.

Confe. rorel pawimawh zual zingah Kum 2021 conf chu Hunthar local ah nghah niin; Bial LAD ten  missionary pakhat chawm an rel a,  Camping Centre tihchangtlun nana Plastic chair 24 dah te leh Kum 2020 chhungin bial chhung localtin LAD te in tlawh kual nise tih te an rel a ni.

Reiek Bial LAD ten 2020 Confe Ailawng Kohhranah hmangin, Confe. hi vawi 51-na a ni. Confe. Speaker ah Dist. LAD President Sist PC Lalromawii B/W leh Dist. LAD Treasurer Sist K. Lalrokimi te hman an ni.

Confe. Rorel pawimawh zual te, kum 2021 ah Speaker neih leh relin, Speaker atan bialtu Pastor Rev. P Vanlalfela  ruat a ni,  Bial LAD ten  fahrah chawmna tlawha, thilpek hlan nise tih te, Bial pawn fehchhuah neih  te, Kum 2021 LAD day Bial huapa hman te an rel.

Reiek Bial LAD Conference vawi 51 na hi Zirtawp zan ah  bialtu Pastor Rev. P Vanlalfelan a hawng a ni.

Rengdil Bial LAD te’n Confe. 45-na hmangin; Dist. LAD Secretary Sist. Laldawngliani’n a hmanpui a ni.

Confe. ah hian Speaker -ah Dist. LAD Secy Sist. Laldawngliani, Bialtu Pastor C. Lalthlengliana leh Home Missionary te hman niin; an rawngbawlna Pathianin a awmpui hle.

Confe. rorel pawimawh te – Kum 2021-ah Confe na hmun tur K. Sarali khua, LAD inkhawm zanah thupui zirtur neih leh ni se, Dist. Board agenda atan. Asc Home Naupang Sponsor ve ni se. Bial huapa kumpuan neih ni se, thupui atan Thianghlimna ni se. Kum 2020 chhungin Missionary Support ve ni se. tih te an rel a ni.

Sumsuib Bial LAD ten Confe. vawi -7 na Thiak Kohhran Biak inah hmangin; Confe. Speaker atan Sist. Lalthakimi Bialtu Pastor Nupui chu hman a niin, Pathianni zanah Bialtu Pastor Rev. HF Malsawma’n rawngbawlna a nei thung a ni.

Confe. Rorel pawimawh zingah kum 2021-ah Sumsuih-ah Confe nghatin, Confe. Speaker neih leh relin Confe. thupuiah inralrinna thu hman tha tih a ni. Bial LAD ten Home Missionary pakhat chawm te, Thianghlimna kawnga uar zawka hma laka Home campaign neih te an passed bakah Asc Home-ah Naupang pakhat sponsor te leh Pastor Qtrs-ah Dinning table dah te an rel a ni.

Confe chhung hian Sist. VL Hmangaihtharzeli Hnalan khua leh Sist. Laldingngheti Thiak te’n fak hlain mipui an awi thin a, thlarau boruak duhawm tak hnuaia Confe. hi an hmang a ni.

Phainuam Bial LAD ten Conference Vawi 11-na Bial Headquarter Local-ah hmangin Speaker -ah Evan.C.Lalawmpuia, Maubawk an hmang. Confe. rorel pawimawh zingah- Kum 2021 Khawmpui lehna tur atan Saiphai Kohhran ruatin,  Kum 2021 Khawmpuiah Speaker neih leh an rel,  Pastor Quarter thuam nan Target in siam te, Kum 2021 Lengkhawm zaia Intihsiak leh an passed bawk.

Confe chhung hian  Sist.Lalnuntluangi  Kolasib Khuangpuilam leh Sist.Lalthazuali  Aizawl Venghlui ten fak hla an sa thin a, Confe. Pathian malsawmna leh Thlarau boruak nuam tak hnuaiah hun an hmang a ni.

ZAWLNUAM Bial LAD ten CONFERENCE VAWI 3-NA Dist. Supdt. Rev. Laltluanga Speaker-a hmangin,  Kanhmun biak inah hlim takin an hmang a,  Kanhmun kohhrante hian an biak in sak tharah Confe. lo thlengin Confe. palai pawh an tha hle.

Kum 2021 LAD Conference chu Bungthuamah nghatin, Bungthuam kohhran pawh 2019-a kohhran dinthar chauh niin; Bial chhung kohhranhote an phur hle.

TLANGSANG BIAL LAD CONFERENCE Tlangsangah neiin; Confe. Speaker-ah Sis F. Lalsiamliani, Evan C. Lalnunhlua, Pastor K. Ainawna leh Bro Vanlaltanpuia te hman an ni.

Confe. Rorel pawimawh zual te – Kum 2021 bial LAD  conference, Zomuantlangah nghah a niin; Tlangsang Bial chhunga missionary volunteer te leh bial chhunga kohhran dingthar te tanpui ve dan tur ruahmanna siam te, Kumin LAD Day lo awm tur bial huapa hman te, Seminar leh Revival  neih te, District LAD conference kal na tur budget dah te, Pastor quarters pual budget dah te an rel a ni. (Pic. BIAL LAD CONFE)

District Headquarters Bial LAD te chuan Bial Conf vawi 51 na, Khatla S Biak inah hmangin Rev Rosanga Kawlni AED Supdt kalchhhuak chu Conf Speaker atan hman a ni., Confe rorel te :

Kum 2021 Bial LAD Conf na tur Tuikual S
1. Kum 2020 LAD day chu mahni Local theuhah uar taka hman ni se.
2. LAD day ah  thupui thlan chhuah bik  heng-
1. Kan tu leh fate tan.
2. Ruihhlo ngaite tan.
3. Mi hla, Biak in thleng phaklote tan.
4. Thlarau la dawnglo te tan.
5. Kohhran thubuaite alo fel thuai theih nan.
6. Asc Home Naupangte leh a thawktute tan tawngtai ho na neih ni se.
3. Dist LAD conf ah Bus 2 Hire tur a ni.
4. Kum 2020 chhungin LAD ten Gen/Home Missions Field tlawh ve ngei nise. A hmun erawh chu Bial Board kutah dah a ni.
5. Kum 2020 chhungin rawngbawltu rawihna Budget dah thin chu dahbelh nise. Locala pekchhuah thin hi Rs. 2000 ni tawh se tih a ni. Bialin kum khatah Rs 6000 dah tur a ni.
6. Kum 2020 chhungin Bial hruaituten Local tin fang chhuak se… chhungkaw Maicham leh Buhfaitham campaign pahin
7. Kum 2020 chhungin Bible ralchhan neih leh nise.. a bu atan Thufingte ni se.
8. Kum 2020 chhungin Bible chhiarchhuahna neih nise.
9. Hqrs Bial chhung LAD te hianchhiatni thatniah lukhum khum tura inzirtir uar nise.

Mamit Bial LAD Conference Vawi 29 na chu Pathian Thlarau Thianghlim awmpuina hnuaiah hlim takin Mamit High School Vengah hman a ni . Bial chhunga Missionary – Evan Lalrampana, Evan RS Lalnunmawia, Evan Vanlalzemawia Fanai, Bro K.Pazawna te leh Bialtu, Pastor Vanlalruata te Speaker atan hman an ni a. Zaithiam ,Bro Lalremtluanga, Zamuang sawm a ni a; Pathianin a hmang hle.

Rorel ṭhenkhatte –
a) Bial chhunga Mission Field leh Preaching Point tlawhchhuah
b) Bible Ralchhan buatsaih
c) Pastor Qtrs ah budget tam zawk dah .

Lengpui bial LAD Conf vawi 44-na chu, Rawpuichhip local ah hman a ni a, KOHHRAN tih thupui a neih niin, speaker ah Rev. R. Lalrosanga(rtd)Lunglei chu hman a ni.
Rorel tlangpui:-
1. Kum 2021 Conf.lehna Lengte
2. Kum 2020 ah Missionary pakhat chawm
3. LAD day bialin ahuhovin Dapchhuahah hman
4. Dapchhuah Preaching Point ah Kohhran mamawh dah leh work camp na tur appeal
5. Thianghlimna kawngah nasa zawka hmalak
———
District Hruaitute prog :
Dist Missions Director Rev. C. Lalthantluanga leh Missions Treasurer Evan MS Dawngliana te chuan Kawnpui Biala Dist Missions Field Rasdali a kohhran hote march ni 19 leh 20 hmang khan an tlawh.