GENERAL NEWS
HRUAITUTE PROGRAMME:
General Superintendent Rev. R. Lalrinsanga chu June ni 5 Pentecos Day ni chu a lawina kohhran Mualpui Local-ah a hmang ang.
General Secretary Rev. Zohmingthanzama chuan June ni 5 Pathianni hian Chaltlang Bial Jolden Jubilee hawnna Programme an neih ah hun a hmanpui ang.
General Treasurer Rev. Lalmalsawma Sailo chuan June ni 3 (friday) zan aṭanga June ni 5 (Pathianni) zan thleng Maubawk kohhranah Pentecost day hmangin rawngbawlna a nei ang.
General Missions Department, Director Rev. Biaksangzuala, Secretary Rev. VL. Tluanga Sinate, Treasurer Evan. R. Lalbiakfela te chuan Bihar Missions Field Conference hmanpui tur in June ni 1 khan Aizawl an chhuah san a, Conference an hmanpui rual hian Field sum an Audit nghal ang.
———-
RAWNGBAWLTUTE KAIHHRUAINA LEHKHABU TLANGZARH
Dt: 31st May 2022 Tuesday khan UPC North East India Literature and Publication Board buatsaih “Rawngbawltute Kaihhruaina” lehkhabu Second Edition chu General Headquarters Committee room, Mualpui Salem veng Aizawl ah General Superintendent Rev. R. Lalrinsanga’n a tlangzarh.
He lehkhabu ah hian Kohhran Thurin leh serh leh sang thil a rawngbawltute pui thei tur thu tha tak tak leh kaihhruaina te dah a ni a, Literature and Publication Board chuan Kum 2011 khan First Edition lo ti chhuak tawh in, siamrem ngai leh belh ngaite belh a nih hnu ah Second Edition siam a ni leh ta a ni.
“Rawngbawltute Kaihhruaina” lehkhabu hi General Office Aizawl ah te, Pentecostal Book Store leh District office hrang hrang ah te lei theih a ni.
———-
GEN. L.A.D TEN GENERAL HEADQUARTERS OFFICE AH STOREWEL (BUNGBEL DAHNA BAWM) AN DAH:
June ni 3 Zirtawpni khan General LAD te chuan UPC NEI General Headquarters Office a hman tur in Storewel (Bungbel dahna bawm) leh Thingpui No set mawi tak mai chu General Superintendent Rev. R. Lalrinsanga hnenah an hlan. Thilpek pe tu General LAD hruaitute chungah General Hruaitute leh Office Staff te an lawm hle a ni.
———-
———-
CHHIMTUIPUI DISTRICT
RAWNGBAWLTU SEMINAR NEI DAWN
Ni 4.6.2022 Inrinni hian Siaha bial kohhranpui chuan Siahatla Local hmun ah rawngbawltu Seminar a nei dawn.Resource person atan Rev Joseph L Thlauhthang Dist Superintendent leh Rev WL Thanghre Dist Secretary te hman an ni ang,Tin 5.6.2022 Chawlhni tuk hian Siaha bial Conference in alo rel tawh angin ramthim pual in zing chawnghei tawngtai an nei bawk ang.
———-
RAWNGBAWLTU NI HMANG DAWN
Sangau bial huap Rawngbawltu ni chu 4.6.2022 hian sangau I Local ah bial huap in an hmang ang Resource person atan Evan K Rinthara District PYD President leh Evan LS Lalhmingmuana Amobye Vaihthie mission field tirhkoh chu hman ani ang.He mi ni vek hian Rawngbawltu nupui te leh LAD hruaitu ten sangau l multi purpose hall ah seminar an nei ve bawk ang, Resource person atan TT Duhtinthluaii District LAD secretary chu hman ani ang.
———-
LAKI LOCAL TLAWH
Ni 28-29.may 2022 khan Tuipang bialtu pastor leh Bial LAD hruaitu ten Laki Local an tlawh,Tuipang bialtu Pastor Robert B Lalnunsiama T chuan church board meeting neih pui in,Biakin sak dan tur leh hmalak dan tur te an sawiho,tin mara tawnga sunday school zirlai bu neih dan tur te asawi pui.
———-
REGISTRATION DAY HMANG
Ni 1 june 2022 khan District committee room ah Apostolic bible school chuan Registration day an hmang.He hun hi Rev Joseph L Thlauhthang ABS Principal in kaihruai in, hripui leng vanga kumhnih lai ABS kal thei lova kan awm hnu in,kumin a kan han kal tan leh thei tur hi Pathian malsawmna ani tiin zirlai te lawmna a nei.He hun ah hian Rev WL Thanghre District Secretary,Rev Kholy hlychho District Treasurer,Rev Dr C Sihmo District Missions Director , Pastor C Lalchhuanthanga Siaha West bialtu pastor bak ah Pastor Larry Lalliandinga ten zirlai te fuihna thu an sawi.
———-
GOLDEN JUBILEE BUILDING SAK CHHUNZAWM ANI
Chhimtuipui District Golden jubilee building 120×45 alian,chhawng lina tur chu sak chhunzawm leh mek ani,ahnuai lam hi luah vek tawh ni in,he building hi chhawng 7/8 tur a ruahman mek ani a,2025 a District golden jubilee hma ngei a zawh vek tum ani.
———-
SUNDAY SCHOOL CAMPAIGN NEI
District sunday school rorel bawhzui in Dt 22.5.2022 (Pathianni) khan Tuipang Lal veng Local church ah District sunday school hruaitu te, Upa F Lalrothuama Dist sunday school secretary,Rev Kholy hlychho District Sunday school Treasurer,Rev WL Thanghre Ex.officio ten Sunday school campaign hlawhtling takin an nei.He hun hi Rev Joseph L Thlauhthang Sr Adviser Sunday school department chuan a tawiawm ani.
———-
SIAHA BIAL BOARD THU KHAWM
Ni 21.5.2022 khan Siaha bial kohhranpui board chu pastors Quarter Siahatla hmun ah an thu khawm.
1. Siaha bial atangin 14.5.2022 ah Siaha West bial alo pian tak avangin kum 2022 bial kohhranpui leh Department hrang hrang budget en nawn ani a.Siamthat ngaite siam that anih hnu ah he tiang hian pawm tlan ani.
1. Kohhranpui = 166500
2. Bial missions = 22000
3. Bial Sunday school Department = 25000
4. Bial LAD = 242100
5. Bail PYD = 86000
Grand total = 541600
———-
———-
LAWNGTLAI WEST DISTRICT
Hruaitute Programme:
Rev.F.Lalbiakthuama, District Superintendent.
Pentecost day hi Chandmary kohhran ah hun a hmang ang.
Rev.Lalsawmliana Sailo, District secretary.
Mampui kohhranah Pentecost day rawngbawlna a nei ang.
Pastor S.Vanlallunghnema, District Treasurer.
Pentecost Day a nih angin a lawina kohhranah rawngbawlna a nei ang.
———-
FINANCIAL CAMPAIGN LEH MISSIONARY SUPPORT ZAWNNA NEI.
Dt.228-29.May.2022 hian Rev.F.Lalbiakthuama District Supdt.chuan khawmawi Local leh Ngengpuikai field ah Missionary Support zawnna leh Financial Cumpaign neiin hun a hmanga Supdt hi Evan Z.Vannawlthanga’n a tawiawm a ni.
———-
HOME MISSIONARY PUALIN FEHCHHUAK
Dt.27.May.2022 Friday ni ah District LAD rorel bawh zuiin Lawngtlai North bial leh South bial te chuan Lawngtlai Bazar Biakin ah District chhunga Home Missionary pualin fehchhuahna neih a ni a,member thahnem tak kalin thawhlawm pawh Cheng sing khat leh sanghnih(Rs.12000) lai an hmu a ni.
Bial tin te pawh in home missionary puala fehchhuah hi an nei zel dawn a ni.
———-
Bth.GRADUATE LAWMPUINA HUN HMANG
Dt.31.5.2022 Tuesday hian District Official ten Bro. Lalhriatpuia Bawm CBC a Bth graduate thar chu lawmpuina hun hman puiin District Superintendent in tawngtaina a hman sak a ni. Bro. Lalhriatpuia hian First ah pass in, Religion and Society subject ah Subject topper a ni a, kan District behchhana zir a ni a, khawmawi Local a lawi niin, a nu leh pa te erawh chu Bangladesh lamah khawsa in, a ni pawh hi Bangladesh lamah rawngbawl turin a inbuatsaih dawn a ni.
———-
PENTECOSTAL BIBLE SCHOOL IN ORIENTATION DAY IN LUNGLEI:
Lawngtlai West District chuan,Pentecostal Bible School lunglei a zirtura thlan chhuah neih ve in a hnuai ami te hi Lawngtlai West District atanga zirtura thlan chhuah an ni.
1.Evan. J . Lalnunthara
2.Evan. Lalduhkima
3.Evan. Lalhmahruaia
4.Bro. Lalramliana
P.B.S-ah hian zirlai 19 an awm dawn a, 1st Year-ah Student 4, 2nd Year-ah Student 5 leh 3rd Year-ah Student 10 te awmin July ni 3 Pathianni ah Graduation Day hman a ni ang.
Pentecostal Bible School hi Certificate Course niin Calvary Bible College (CBC) hnuaia in affiliate a ni a, zirlaibu pawh hi UPC (NEI) Theological Board-in a ruahman thin a, kumin ah hian Subject 5 an zir ang.
———-
———-
LUNGLEI DISTRICT
P.B.S KAL TAN A NI :
June ni 1 Nilaini atang khan Lunglei District UPC in thla khat awh Pathian thu zirna a neih Pentecostal Bible School (PBS) chu tan a ni leh ta a, June ni 1 khan Orientation Day chawhnu dar 2-ah District Conference Hall-ah hman a ni.
He Orientation Day programme hi Rev.C.Vanlalena PBS principal in a kaihruai a, inhmelhriattirna PBS Dean Rev.PC.Lalfakawma chuan neiin PBS zirtirtuten thusawina hun an nei a, PBS 2022 Student hruaitu tur thlan a ni bawk. Kumin hian P.B.S-ah hian zirlai 19 an awm dawn a, July ni 3 Pathianni ah Graduation Day hman a ni ang. Kumin hian mi 9 te P.B.S atang hian an Graduate ang.
———-
PENTIKOST NI :
June ni 5 Pathianni hi Pentikost Ni a ni a, Local hrang hrangin he ni hi urhsun takin hman an tum. Local \henkhat chuan Penticost Ni pual hian Crusade buatsaihin June ni 4 Inrinni a Pathian chawimawina ruai buatsaih tum an awm bawk.
Pentecostal Network, Lunglei District chuan June ni 5 (Pentikost ni) zing dar 8 atangin ZonetJB leh LDF kaltlangin Pennet Lunglei channel-ah Pentikost Ni Programme a buatsaih chu a pe chhuak ang a, Pennet Lunglei Youtube Channel lamah a pe chhuak bawk ang. He Programme hi nilengin pek chhuah tum a ni.
———-
HSSLC RESULT A CHHUAK, KUM THUM CHHUNG A ZAWNIN C.E.C.SCHOOL 100% AN PASSED.
May ni 31 Thawhlehni khan MBSE in Class XII ( HSSLC) result a tih chhuah ah Lunglei District UPC-in a enkawl Christian Education Centre (CEC) School chu 100% an passed. CEC School atang hian mi 12 an exam a, Distinction ah 2, first division ah 9, Second Division ah mi 1 an passed a, Letter hi Political Science-ah mi 9, Education-ah mi 4 leh Mizo-ah mi 1 in an hmu a ni. Kumin hi kum thum a zawna C.E.C. School in HSSLC-ah 100% result a neih na a ni.
———-
BIAK IN HAWNG:
May ni 29 Pathianni khan General Missions Field hnuaia Assam Missions Field, Itakhola Section, Upper Malangaon Biak in chu Lunglei District Missions Director Rev.R.Vanlalenga chuan a hawng.
He biak in hi Lunglei District chhunga Pukpui Bial Missions Department in Rs. 200000/- ( nuaihnih.) seng a an sak a ni.
Rev.R.Vanlalenga, Director, Missions Department, Lunglei District hian June ni 2 Ningani khan North Bengal & Sikkim Missions Field-a Jaigaon biak in, Missions Department Lunglei District-in a sak chu a hawng bawk.
Rev.R.Vanlalenga hi District Missions Secretary Evan.V. Lalduhawma chuan a \awiawm bawk.
———-
———-
NORTH MIZORAM DISTRICT
HRUAITUTE PROGRAMME
Dist. Superintendent: Dist. Supdt. Rev. Chhiarpuia chuan Pentecost Day Dist. Hqrs. Kohhrante a hmanpui ang.
Dist. Secretary: District Secretary Rev. K. Lalduhsanga chuan Pentecost Day Aibawk Kohhranah a hmang ang. Aibawk-ah hian Zirtawpniah pheiin zirtawp zan atangin Programme an tan ang a, a tuk inrinnia Pathian chawimawina neiin speaker a ni ang a, Pathianni nileng leh zan hun a hmang bawk ang.
Dist. Treasurer: District Treasurer Rev. C. Lalthantluanga chuan Pentecost Day Tlangsang kohhrante a hmanpui ang.
Dist. Missions Director: Dist. Missions Director Rev. C. Lalramthanga chuan Pentecost Day Kol Venglai Bial, Tumpui Local hmanpuiin, ani hian Zirtawp zan atangin Speaker niin rawngbawlna a tan ang a, Pathianni zan thleng rawngbawlna a nei dawn a ni.
———-
PSM Registration Day hmang:
Pentecostal School of Ministry kum 2022 Batch chu June ni 1 Nilaini khan hming ziaklutin Registration day an hmang. PSM Registration Day hi District Camping Centre Sakawrtuichhunah hmangin, inkhawm PSM Principal Rev. Chhiarpuia’n a kaihruai ang a, Hunserh Rev. C. Lalramthanga, Dist. Missions Director in hmangin; Registration day a nih anga PSM naupang kum 2022 batch te hming ziah luhna Dist. Secretary Rev. K. Lalduhsanga’n a nei.
PSM zirtirtu aiawhin Rev. C. Lalmuanpuia, Kol. Diakkawn Bialtu Pastor-in thu sawiin; Sist. K. Lalhmachhuani Dist LAD President-in thu a sawi bakah Districrt Treasuer Rev. C. Lalthantluanga’n thu a sawi bawk a ni. Programme tluang taka hmangin Rev. Lalruatkima Fanai, Tlangnuam Bial Pastor in Malsawmnain Registration Day inkhawm a titawp ta a ni
———-
PENTECOST DAY HMANG:
June ni 5 Pathianni chu Pentecost Day a nih angin North Mizoram District huam chhung kohhran hrang hrang te chuan he ni pawimawh tak hi urhsun taka hmangin Programme pawh uluk takin an duang a, June ni 5 nileng bakah zan thlengin kohhran hote’n programme an siam a, Naupang leh Puitling lam atangin Item Pentecost ni pual hun hlimawm tak an hman theih an ruahmanna an sim te
———-
THIANGHLIMNA CAMPAIGN NEIH A NI:
North Mizoram District Thianghlimna Committee hmalaknain May ni 29 Pathianni hmang khan Damparengpui Bial chhunga kohhhran hrang hrangah Distric Missions Director Rev. C. Lalramthanga hovin Thianghlimna campaign neih a ni a, hetiang hian Daparengpui Bial chhunga kohhran te campaign neiin an tlawh:
Rev. C. Lalramthanga = Damparengpui leh Sidon
Upa JK Das = Phaileng leh Electric Veng (Thianghlimna Campaign)
———-
RAWNGBAWLIN FEHCHHUAK:
Pentecostal Apologetics revival team te chuan Tlangnuam Kohhran PYD Ruby Jubilee denchhinin May ni 26- May ni 29 chhung khan Revival Crusade an nei.
Team Speaker Evan. H.Zoramsanga niin; member 4 dang te nen an vaiin mi 5 an ni. May ni 26 zirtawp zan atangin rawngbawlna an tan. Team ten rawngbawlna an neih chhung hian Local PYD OB ten kohhran in tlawhchhuahpuiin in lamah pawh theih ang angin rawngbawlna an nei a ni. Speaker hnen atang hian Pathian thu tha tak tak ‘Kohhran dik, Thuthlung Lalpa ta, Piantharna, Thlarau Thianghlim harhna’ tih te ngaih thlak a ni a, an rawngbawlna kaltlang hian Thlarau thianghlim dawng thar mi 10 awmin siamtharna chang mi 10 vel bawk an awm.
May ni 22 Pathianni zanah phei chuan Thlarau Thianghlim hnathawh tulna avangin thuhriltuin thu a sawi thei lova, zan dar 12:00-ah inkhawm an bang thei hram a ni.
———-
HOME MISSIONS FIELD-AH MITHAR NEI:
NMD Home Missions field 3 atangin member 17 lak luh an ni:-
1 Tumpanglui ah May ni 29 khan Bialtu Pastorin bial fan prog a nei a, mi thar 7 chhungkaw thum atangin a lawm luta, an zingah hian vc member 1 a tel bawk, mi 7 in Baptisma Pastor kutah an chang ani
2. Kanantharah May ni 29 vek khan Missionary rawngbawlna atangin mi thar 1 lawm luh a ni bawk e,
3. Sihthianga kan Missionary rawngbawlna atangin May ni 29 vek khan mi thar 8 lawm luh an ni a, nau 2 a hlan bawk a ni, heti hian May ni 29 khan Field 3 rawngbawlna atanga mi thar 17 neih a ni ta a ni.
———-
SILCHAR RAWNGBAWLNA :
Silcharah hian UPC North Mizoram District chuan rawngbawltu Evan. H.Lalnunmawia (Mamawitea) a dah mek a. Silchar University a Proff Dr. Lalthakim ten Gas Cylinder te an lo hmantir bakah Refrigerator tha tak mai Sist Dr Lalthakim leh Vungpi ten an pe bawk a, an chungah North Mizoram District UPC NEI chuan lawmthu a sawi takzet a ni. Tin, Silcharah hian Pathianni apianga inkhawm thinin inkhawmpui tur kan missionary te hian 15 vel an hmu ve reng bawk a ni.
———-
DURTLANG MUAL VENG LOCALAH CHAWIMAWINA:
Durtlang Mualveng Kohhranah Pathian thlarau thianghlimin hna thawkin tum 3 lai tun hnaiah Pathian chawimawina neih a ni tawh a, June ni 5 Pentecost ni hian a tum 4-na turin Pathian chawimawina neih leh tur a ni. Durtlang Mualveng Kohhrante hian Speaker atan Rev. B. Vanlalruata Sihphir Bialtu Pastor an hmang thin a ni.
———-
HQRS BIAL, NURSERY KOHHRANA RAWNGBAWLNA:
Nursery Kohhran hmalaknain May ni 26 zan atang khan Revival Crusade neih a ni. Rawngbawlna hi Tlangsang Bialtu Pastor C.Zoramthara leh a ṭhianten neiin; Rawngbawltute leh Kohhranhote thahnemngaihna Pathianin nasa takin mal a sawm mêk zel. Thlarâu Thianghlim baptisma chang thar mi pariat awmin, mi 6-ten Lal Isua hmingin sual ngaihdamna baptisma an chang a, an zinga mi pahnih te hi Presbyterian kohhran an ni. Thlarâu hnathawh ang zêla hun hmang tûrin Crusade programm pawh pawhsei a ni.
———-
VAIRENGTE BIAL STATE VENGAH KOHHRAN THAR DIN A NI:
May ni 29 Pathianni (2022) khan Vairengte Bial Board rorel chuan kohhran thar ni turin Vairengte, State Veng chu preaching point atan a puang.
Vairengte State Veng ah hian Dt.22.3.2022 atang khan Evan.T.Vanlalruata leh a team Apostolic Revival Team ten rawngbawlna an nei a, he an rawngbawlna Lalpan mal a sawm zarah kohhran hi neih a ni.
May ni 30 thawhtan zanah Bialtu Pastor Lalpianthanga’n Kohhran hi form nghalin heng te hi Kohhran hruaitute an ni:-
Chairman : Evan.Lalfala
Secretary : Bro.PT.Lala
Treasurer : Bro.Zokhuma
Commitee Members : Bro.Lalrapchara
Bro. Lalhmingmawia
Bro. Lalrammawia
Ex Officio : Pastor.Lalpianthanga (Bialtu Pastor)
Evan.H.Chhuana (Secretary, Vairengte Bial)
Biak In hmun tur pawh District lam atang lei fel tawh niin, Biak In sa tura hmalak mek a ni a, Biak In sak zawh a nih hmaa luah turin Sis.Lalrovi chuan an in hnuai tiruakin man awm lo in Biak In atan Kohhranhote a luah tir a ni, Tunah hian Kohhran member 44 an ni mek a ni.
———-
TIRHKOH RAMTLAN REPORT:
Bawngkawn NMD Kohhran Tirhkoh Ramtlan Evan C Lalruatsanga leh a team te chuan Chaltlang Bial, Bawngkawn Kohhran ah Dt. 23 April 2022 aṭang khan rawngbawlna neiin Dt. 30th May 2022 khan an ṭiak ta a ni. Rawngbawlnaan neih lai hian Pathian malsawmna nasa tak hnuaiah hun an hmang a ni.
Rawngbawlna neih chhung hian Sual ngaihdamna Baptisma chang 37 Thlarau Baptisma dawng thar 25,
Mithar Lawmluh zat 29 (Salvation, Mz UPC, Presbyterian leh Baptist aṭangte an ni e.)
Bawngkawn kohhran ah hian Pathian Chawimawina ṭum 7 neih tawh a ni a, Pathian Chawimawina hi a la awm leh zel dawn a ni.
———-
TLANGNUAM BIAL LEH LEH TLANGNUAM LOCAL PMD TE AN CHE:
May ni 30 Thawhtanni khan Tlangnuam local LAD te chuan District Superintendent Qtrs chhung thianfaiin an hnatlang a, Pi Mathani District Superintendent nupui leh a fanu Mami ten an ho va. Tlangnuam Bialtu Pastor leh Bro. Laltanpuia Tlangnuam te electrict fit in nilengin an hnatlang bawk a.
Hei bakah hian Dist. Pastor Quarters cheibawl hna thawh mekah a thenfai hna thawkin Tlangnuam Local PMD te chuan member thahnem tak thawkchhuakin Quarters-ah hian hnatlang an nei bawk.
———-
RAWNGBAWLTU PUAL SEMINAR BUATSAIH:
May ni 29 Pathianni chawhnu khan Aibawk bial hmalaknain Sateek Biakinah Rawngbawltute pualin Seminar buatsaih a ni a, Hruaitu nihphung leh tihtur, Kohhran insawrkarna leh Sum leh pai enkawl dan (Leadership & Duties, Administration, Accountancy) inhrilhhriatna neih niin resource person atan Pastor Pc. Lalrokima, bialtu pastor hman a ni.
Kum 2022 Aibawk bial UPC Conference leh Bial Board in bial chhung local tina seminar buatsaih a lo rel tawh chu, April thla Pathianni hnuhnung ber khan Hualngohmunah neih ṭan niin Kelsih, Falkawn, Muallungthu leh Aibawk local ah neih chhunzawm a ni leh a, nimin khan Sateekah a hnukharna neih a ni ta a ni.
———-
SUNDAY SCHOOL ZIRTIRTUTE TAN RETREAT BUATSAIH :
May ni 29 Pathianni chawhnu khan Aibawk Biak inah Aibawk Local SS Board hmalaknain Zirtirtute pualin Retreat buatsaih a ni a, resource person atan Rev. R. Laichhingpuia, Gen. SS Director hman a ni a, Retreat ah hian Puitling leh Naupang Zirtirtute an kal ṭha hle a, Zirtirtu mawhphurhna, Zirlaite Psychology leh zirtir dan tih thupui hmangin retreat hlawkthlak tak neih a ni.
Gen. SS Director hian chawhma inkhawmah Puitling SS Zirlai zirtirna la nghalin zan lamah Kan fate i chhanhim ang u tih hmangin Pathian thuchah ropui tak a sawi bawk.
———-
BAJIRUNG MISSIONS FIELD AH WORK CAMP NEIH A NI:
Zawlnuam bial chhung a mi ṭhahnemngai ten Bajirung Missions Field-ah May ni 28 leh 29, 2022 khan work camp an nei. Work camp hi bialtu Pastor in ho in mi 6 riak lut in mi 5 langin an thawk bawk. Bial chhung a thawktute pawh an thawk chhuak ve bawk a ni. Work camp ah hian Tirhkoh Quarters sak mek sak chhunzawm a ni a, ceiling siam zawh niin plaster ngai eng emaw zat plaster a ni a, electrict wiring tih a nih bakah pindan bang rel siam nghal a ni bawk.
He work camp kalna leh hawna atan hian Bro. H. Remnghakliana chuan a motor a thawh bakah buhfai leh chawhmeh te a thawh bawk. Sis. Zotei, Bial LAD President pawh in hnatlangte ei tur leina atan ₹ 500/- a thawh bawk.
———-
CAMPING CENTRE HNATLANG:
May 28 Inrinni khan Tlangnuam local PYD member thenkhat te chu Rev.C.Lalthantluanga DIst. Trea. hovin Camping Centre Speaker room Ceiling siamin an hnatlang a. Ceiling hi siam zawh vek a ni.
———-
HIV/AIDS LEH ANTI-TOBACCO AWARENESS CAMPAIGN NEIH A NI :
Mamit Bial Sunday School Department Conference in alo rel tawh angin Anti-tobacco Awareness leh HIV/AIDS Awareness Campaign chu Mamit khawpui chhung Sunday School Naupang (Hqrs, HS Veng &Luangpawl) zawng zawngte tan vawiin Dt.28 May 2022 (Inrinni) khan Mamit Headquarters Kohhran Sunday School Hall-ah buatsaih a ni a. He hunah hian Resource Person mithiam tak tak te sawm an ni.
Dar 11:00 a.m. ah tan niin Bial Sunday School Director T.Upa Lalpianpuia’n kaihruaiin Bialtu Pastor Vanlalruata’n hunserh a hmang bawk a ni.
Hun hmasa ah hian Resource Person Bro.V.L Thansanga Palian, District Resource Person, Samaritan Society of Mizoram leh Bial PYD Secretary ni bawk hnen atangin HIV/AIDS chungchang ngaihthlak hmasak ni in HIV/AIDS nihphung leh inkaichhawn dan te, inven dan tur te naupang te hnenah hrilhhriat a ni.
Hemi zawh ah hian Resource Person Nl.C.Lalrengpuii, Psychologist/Counsellor, National Tobacco Control Program, Mamit District hnen atangin Zuk leh hmuam chungchanga naupangte hriat tur tam tak ngaihthlak leh a ni.
Tin, he hunah hian chawhnu lamah Apostolic Revival Team te kaihhruainain Naupang Lang Camp buatsaih a ni bawk a, naupang te Pathian thu hrilh na leh thlarau dilpuina hun hman a ni bawk.
He hunah hian Mamit khawchhunga Sunday School Naupang zawng zawngte bakah Local tina SS zirtirtu ten an Naupangte rawn tawiawm tha hle a ni.
Tin, Dt.29 May 2022 (Pathianni) hian SS Dept Kumpuan thupui ‘Kan fate i chhanhim ang u’ tih thupui hmangin Mamit Bial hruaitute leh Sunday School hruaitu ruat bik ten Bial chhung kohhran hrang hrang ah thusawina hun an nei dawn bawk a ni.
———-
KAWRTHAH AH MITHAR:
Dt 28/5/22 Inrin ni zan inkhawm ah Bro Lalhmangaiha Presbyterian kohhan a mi chu UPC NEI kohhran member ni turin Evan. PC Lalramchhuanmawia’n Lalpa Isua hminga lawmluhna neih a ni
———-
PG HIGHER SECONDARY SCHOOL, MANAGING BOARD THUKHAWM ROREL PAWIMAWH TE:
1. High school section ah General Teacher turin Lalrinmawii, B.A., B.Ed D/o Daniela Maubawk chu lak a ni. June 1, 2022 ah Joining Report a pe ang.
2. PGHSS a Class X First Division a Passed chin, PGHSS a Class XI Admission ti leh tur te chu Admission Free tawh tur a ni ang. Hei hi Next Session (2023 – 2024) atanga hman tan tur a ni.
3. PG Higher Secondary Dan ennawn a ni a, siamthat ngaite siamthat a ni.
———-
———-
AIZAWL EAST DISTRICT
Pentecost Day:
June 5, Pathianni hi Pentecost Day a nih angin Aizawl East District chhunga Tualchhung Kohhran hrang hrangte chuan urhsun takin an hmang dawn a, he hunah hian Tualchhung Kohhran Church Board Committee chuan Programme hranpa siamin hun an hmang hlawm dawn a ni. Pentecost Day-ah hian Tualchhung Kohhran thenkhat chuan tisa lam ruai nen an hmang anga, thenkhatin thingpui leh chhang ruai an kilho bawk ang. Tualchhung Kohhran thenkhat chuan Speaker bik neiin hun an hmang dawn bawk a ni. Pentecost Day hi District Kohhranpui hruaitute chuan hetiang hian an hmang ang.
Rev KVL.Hmangaihkima, District Superintendent chuan Inrinni zan hian Zemabawk Kohhranah rawngbawlna a nei a, Pathianni Chawhmaah District Hqrs. Kohhranah hun hmangin Pathianni chawhnuah Zemabawk Kohhranah rawngbawlna a nei leh anga, Pathianni zanah Zemabawk Vengpui Kohhranah rawngbawlna a nei leh ang.
Rev R.Laltlankima, District Secretary chuan Inrinni zan hian District Hqrs. Kohhranah hun hmangin, Pathianni chawhmaah Zemabawk Vengpui Kohhranah rawngbawlna a nei ang.
Rev H.Lalropuia, District Treasurer chuan Pathianni chawhmaah Mualpui Kohhranah rawngbawlna a nei anga, Zanah District Hqrs. Kohhranah rawngbawlna a nei leh ang.
Rev VL.Hnemtluanga, District Missions Director chuan N.Vanlaiphai Bial, Lungchhuan hmunah District Missions Department ruahmannaa Crusade neih mekah Speaker-ah tangin rawngbawlna a nei mek a ni.
———-
OTS 2022 Session atan induction neih a ni
June 1.2022, Nilaini Chawhma Dar 11 khan District Committee room-ah Kum 2022 Session-a OTS lut turte pualin induction neih a ni. He hun hi Rev.KVL.Hmangaihkima, Principal OTS chuan kaihruaiin Rev.R.Laltlankima, District Secretary in hunserh a hmang a ni. Introduction Rev.C.Lalengliana, Secretary TEB chuan neiin OTS inkaihhruaina hrang hrang ani hnen atang hian ngaihthlak nghal a ni. OTS-a lut turte lakluhna, induction Rev KVL.Hmangaihkima chuan neiin Rev.Rosanga Kawlni, OTS Zirtirtu chuan huntawp tawngtaina a hmang a ni.
Kumin OTS-ah hian zirlai 30- 1st Year-ah zirlai 9 awmin 2nd year-ah 10 leh 3rd year-ah 11 an awm dawn a, June 2, 2022 atang hian Class an kal tan nghal dawn a ni. Rev.Rosanga Kawlni, Rev. Vanlalfela Ramtiam, Rev. C.Lalengliana, Rev.H.Lalropuia leh Rev.C.Lalmalsawma ten zirtirna an pe thin ang.
———-
Seminar nei:
May 28, Inrinni Chawhma khan Chhingchhip Hqrs. Biak Inah Chhingchhip Bial chhunga Bial huap Department hrang hrang leh Tualchhung tin Department-a sum ziaktu leh vawngtute, bial leh tualchhung tina Auditor te pualin Account Training neih a ni a, resource Person atan Rev. R Laltlankima, District Secretary chu hman a ni.
Chawhnu lamah Bial chhunga Church Board member chin leh Bial huap Department hruaitute pualin Kohhran rawngbawltute/hruaitute mawhphurhna tih thupui hmangin SEMINAR neih a ni bawk a, resource person-ah District Secretary Rev. R Laltlankima chu hman a ni leh bawk a ni. He hunah hian engemaw zat kalkhawmin hlawk thlak an ti hle a ni.
———-
Camping-ah mithar:
May 24-29, 2022 chhunga khan Gospel Camping, Saitual Bial PYD buatsaiha Tualbung hmunah neih a ni a, Speaker-ah Evan. Lalchhuanmawia Zote hman a ni. Campers mi 20 chuang awmin hlim takin hun an mang a ni. Camp neih chhung hian sual ngaihdamna baptisma mi 7 ten an chang a, Thlarau Thianghlim dawng thar mi 5 leh siamthar lehna chang mi engemaw zât an awm a ni. May 30, 2022-ah Pathian chawimawina Upa C. Lalhmuliana chhungkuain neiin, mi thar 1 Kohhranah sengluh a ni.
May 31, 2022 atangin Tualbungah hian Revival Crusade neih chhunzawm nghal a ni a. Speaker-ah Evan. Samuel Laldinsanga leh Evan. HVL Malsawmzuala te hman chhunzawm nghal niin, Thlarau dawng thar an awm belh mêk zêl a ni. Speaker-te hi Pentecost Day thleng an châm chhunzawm ang.
———-
Mithar leh baptisma chang thar:
May Thla Chhung Mithar 109 sengluh a ni:
Bial leh Tualchhung hrang hrang report atanga alan danin Ni 30.April atanga Ni 31.May. chhungin Aizawl East District chhungah Mithar 109 sengluh a ni.
Mithar sengluh bakah hian Baptisma rawngbawlna leh Chawimawina hmun hrangah hrangah tum engemawzat a awm bawk.
Tunah hian Aizawl East District chhungah Kohhranpui leh Missions Department rawihin Mi 29 vel tirhchhuah mek an ni a, Anni rawngbawlna leh Pastor leh Upa te rawngbawlna atangin Lalpa’n a ram azauh mek a ni.
May 22, Pathianni khan Bawngkawn Kohhranah chhungkaw khat member 3 te chu Rev Vanlalfela Ramtiam, Bialtu Pastor chuan Kohhranah sengluhna a nei a, sual ngaihdamna baptisma an chang nghal a ni.
May 27, Zirtawp zan khan Zemabawk North Bial-a rawngbawl tura District Kohhranpuiin a dah mek, Bro.Ramdintluanga rawngbawlna kal zelah Zemabawk Dinthar Vengah mithar chhungkaw khat member 3 chu Kohhranah sengluh an ni.
May 29, Pathianni khan Kawlkulh Bial-a rawngbawl tura District Kohhranpuiin a dah mek, Bro.Malsawmdawnga rawngbawlna kal zelah Chhawrtui hmunah mithar member 3 chu Kohhranah sengluh an ni a, an vai hian sual ngaihdamna baptisma an chang nghal a ni. Kawlkulh atangin Bialtu Pastor leh Bial Treasurer Upa B. Thandawla leh Evan Zonunsanga, T/Upa Vanlalsawma te kal pheiin Kohhrana sengluhna leh Baptisma chantirna hi Bialtu Pastor R. Lalfamkiman a nei nghal a ni.
May 29, Pathianni vek khan Khawruhlian bial, Lailak hmunah chhungkaw khat, member 6 chu Upa R.Lalfakawma, Church Board Chairman chuan Kohhranah sengluhna a nei bawk a, Khawruhlian local-ah Kohhran mi ni sa, mi 4 in Bialtu Pastor Hmingchungnunga Ralte kutah baptisma an chang bawk a ni.
May 29, Pathiannizan inkhawm ban khan Zohmun bial Zohmun localah Pastor. Vanlalnghaka chuan mi pahnih sual ngaihdamna baptisma a chantir.
May 29, Pathianni khan Evan Lalamena rawngbawlna atangin mi 7 in Ngopa Damaska Kohhran ah sualngaihdamna baptisma an chang.
May 29, Pathianni vek khan Chhiahtlang Vengpui Kohhran a lawi turin Member Pakhat chu Evan H Lalngaihzuala’n sengluhna a nei bawk.
May 30, Thawhtanni khan Evan HK.Lalhmangaiha rawngbawlna Sakawrdai Bial, N Vervek Kohhran ah mi 6 in Baptisma an chang. Heng zinga mi 5 te hi mithar an ni. Baptisma khur hawn lai hian Thlarau malsawmna nasa tak thlengin Thlarau lam hla nen hun an hmang a ni.
Serchhip Bial, Ngentiang hmuna Evan C.Lalropuia rawngbawlna kalzelah June 1, Nilai zan khan mithar 1 Kohhranah sengluh a ni.
———-
Thuampui ah Chawimawina leh mithar:
Thuampui bial Thuampui Kohhranah chuan kumin 2022 chhunga a vawi 8 na atan, Kohhran memberten thawhkhawmin Lawmthusawi/Chawimawina May 31, Thawhlehni khan an nei a, Kohhran ten hlim takin hun an hmang a ni. Thuampui-ah Bro.H.Lalrinfela chuan rawngbawlna a nei mek a ni. May 29, Pathiannizan khan Kohhran mi ni sa ten Bialtu Pastor kutah sual ngaihdamna mi 3 ten an chang a, Kohhran ah mithar 3 sengluh an ni bawk.
———-
Revival Crusade:
Thingsulthliah Bial LAD hmalakna in May 28, Inrinni zan atanga May 29, Pathianni zan thlengin Revival crusade hman ani a, Speaker atan Evan Philip Vl Hmuchhuaka hman ani. Revival prog. hi a hlawhtling hle a,inkhawm apiangin Thlarau lam hla nen hun hman a ni a,Thlarau malsawmna dawng an tha hnem hle a ni.
Facebook