GENERAL NEWS
REVEREND TITLE HLAN:
UPC-North East India, General Aministrative Committee chuan Pastor pathum hnen ah Reverend title a hlan.
Pastor Lalhmuakliana Hnamte North Mizoram District, Pastor MH Robin Lalthanmawia Chhimtuipui District leh Pastor B. Lalzamluaia Churachandpur District-te chuan kum 10 chuang Pastor rawngbawl hna rinawm taka a lo thawh tak avang leh District Board in an rawngbawlna peng hrang hrang te thlir a Reverend title pek tlakah ngaia an recommend-angin, General Adminitrative Committee chuan Reverend title a hlan a ni.
Tun hnuah chuan Rev. Lalhmuakliana Hnamte, Rev. MH Robin Lalthanmawia, Rev. B. Lalzamluaia tia lam leh ziah tawh tur an ni.
———-
GENERAL SUNDAY SCHOOL EDITTING BOARD:
June ni 23 Ninga ni khan General Sunday School Editting Board chu General Headquarters Committee room ah neih chhun zawm leh in kum 2023 a UPC North East India Sunday school Puitling zir tur Chanchintha Johana Lehkhabu hrilhfiahna, Rev. Lalmalsawma Sailo ziah chu Edit na an nei a ni.
———-
General PYD Executive Committee:
June ni 20, 2022 Thawhtan ni khan General Executive Committee chu General PYD Room, Mualpui Salem veng ah neih a ni.
He Meeting hi General PYD President Rev. H. Lalropuia’n kaihruaiin, General Treasurer, Rev. Lalmalsawma Sailo chuan meeting hi a telpui thei a ni. Thu rel te:
1. General PYD Conference 2022 Program Committee din a ni a, Committee hun leh hmun tur he tiang hian ruahmanna siam a ni.
A hun : 16th July 2022 @ 11 : 00Am
A hmun : Lunglei District.
2. North Mizoram District Revival leh General PYD Conference inrual chungchangah siamrem tur a ngenna North Mizoram District ah thehluh nise tih a ni.
3. Chhimtuipui District PYD Choir te rawngbawla an feh chhuah dan tur Kawng zawnsak tura ruahmanna siam a ni.
4. South East Nagaland District chu kum 2022 chhunga General PYD ten visit tura ruahmanna siam a ni.
5. AVBD atanga kum 2021-2022 chhunga Thisen pe tam lawmman General PYD in a dawn Tea Urn chu General Hqtrs a hman tura pe ni se tih a ni.
———-
General Headquarters Office tan thilpek hlan:
June ni 20 2022 Thawhtanni khan UPC North East India General PYD chuan AVBD atanga an lawmman dawn Tea Urn chu UPC NEI General Headquarters Office a hman tur in an hlan a, General Treasurer, Rev. Lalmalsawma sailo chuan Office aiawhin lawm takin a dawng a ni.
General PYD hian April 2021 atanga March 2022 chhung khan thisen unit 459 pe in, MSACS & AVBD chuan June ni 14 World Blood Donor Day ni khan Voluntary a thisen petute (Religious Group)-ah lawmman pathumna an lak avangin chawimawina a hlan a ni.
———-
CBC NEWS:
Calvary Bible College (CBC) kum 2022-2023 Session chu June ni 15, 2022 nilaini khan tan a ni.
kum 2022-2023 Session thar ah hian zirlai 41 awmin hetiang hi zirlai dinhmun a ni:
1. B.Th I – 7
2. B Th II – 6
3. B.Th III – 14
4. B Th Condensed II – 1
5. COPS ( Certificate in Oneness Pentecostal Studies) – 1
6. B.D. I – 6
7. B.D. II – 6 te an ni.
June ni 16 khan Orientation Programme neih a ni a, Pastor C. Mangthangvunga’n kaihruaiin Rev. K. Malsawmtluanga chuan thuchah tawi a sawi a, Zirtirtute hnen atangin college kalphung leh hriat tur pawimawh hrang hrangte ngaihthlak a ni bawk. chawhnu lamah zirlaite’n subject registration ti fel in, zan lamah class representative an thlang nghal bawk.
June ni 16 leh ni 20 khan zirlai zawng zawngin interview neiin, June ni 21 atangin class pangngai tan nghal a ni.
———-
———-
AIZAWL EAST DISTRICT
Licence Holder te pualin Seminar hlawhtling takin nei:
June 18, Inrinni khan Aizawl East District chhunga Zone then hrang hrangah Licence Holder te tan Seminar hlawhtling taka neih a ni. He Seminar-ah hian Thupui-ah “Thuthlunga intuaitharna” tih hman niin District hruaitute leh General Hruaitute Resource person-ah hman an ni. District chhunga Bial 31 chu Zone 6-ah then niin heng zone-ah te hian a huam chhunga Licence Holder te an kal tha thawkhat hle a, hlawkthlak an ti hle a ni. Zone then hrang hrang leh resource person atana hmante lo tarlang ila:
1. Aizawl Zone: Zemabawk, Zemabawk North, Thuampui, Bawngkawn, Bazar, Bethlehem, Mualpui leh Upper Republic Bial te niin Mualpui Biak Inah neih a ni a, Resource person-ah Rev.H.Lalropuia, District Treasurer hman niin Licence Holder mi 66 am kal thei a ni.
2. Serchhip Zone: Serchhip, Serchhip Dinthar, Chhingchhip, E.Lungdar leh N.Vanlaiphai bialte niin Serchhip Biakinpui-ah neih a ni. Resource person-ah Rev.Lalmalsawma Sailo, General Treasurer chu hman niin Licence holder mi 21 an kal thei a ni.
3. Champhai Zone: Kahrawt, Bethel, Hnahlan, Khawbung bial te niin Champhai Kahrawt-ah neih a ni. Resource person-ah Rev KVL.Hmangaihkima, District Superintendent hman a ni a, Licence holder mi 16 an kal thei a ni.
4. Saitual Zone: Saitual, Keifang, Khawlian, Thingsulthliah Bial te niin Keifang Biakinah neih a ni a, Resource person-ah Rev.VL.Hnemtluanga, District Missions Director chu hman niin Zone chhung atangin Licence holder mi 14 an kal thei a ni.
5. Darlawn Zone: Darlawn, Sakawrdai, Suangpuilawn, Khawruhlian leh Zohmun Bialte niin Darlawn hmunah neih a ni. Resource person-ah Rev Zohmingthanzama, General Secretary hman a ni a, Licence holder mi 17 an kal thei a ni.
6. Khawzawl Zone: Khawzawl, Khawhai, Rabung, Ngopa leh Kawlkulh Bialte niin Khawzawl Vengthar Biakinah neih a ni. Resource person-ah Rev.R.Laltlankima hman a ni. Khawzawl Zone-ah hian Licence Holder mi 22 an kal thei a ni.
Zone then hrang hranga kalkhawmte hian hlawkthlak an ti hle a Aizawl khawpui pawn te hian ruahmanna angin June 18, Inrinni zan atanga Pathianni zan thleng khan Revival programme an hmang chhunzawm a, Resource person-a hmante hi Speaker-ah hman nghal niin rawngbawlna an nei chhunzawm hlawm a ni.
———-
S.S Kumpuan pual Campaign:
Aizawl East District Sunday School Executive meeting in ruahmanna a siam angin June 26, Pathianni chawhma hian Aizawl khawpui chhunga Tualchhung Kohhran hrang hrangah Sunday School Kumpuan “Kan fate i chhanhim ang u” tih thupui hmangin Campaign neih a ni dawn. He hunah hian Bial hrang hranga Bial Sunday School hruaitute chu Campaigner atana hman tur niin thupui hi hlawm hrang hranga thensawm leh a ni. Campaign nei tur hian Aizawl khawpui chhunga Local 30 ruahman niin a remchan angin Aizawl khawpui pawnah pawh nei tum a ni bawk.
———-
Thing tiak phun:
June 18.2022, Inrinni khan Aizawl East District PYD Environment Protection Committee te chuan ruahmanna an lo siam angin Zemabawk, Zokhawsanga Assam Rifles hmunah thing tiak engemaw zat an phun a, kawng dunga plastic leh sarang te an chharfai nghal bawk. He thing tiak phun hnatlangah hian bial hrang hrang atangin member 30 chuang an thawkchhuak thei a ni. District PYD Environment Protection Committee te hian Environment humhalh kawngah chak taka hma la mekin hemi kawnga hmalakna tur hrang hrang pawh engemaw zat an ruahman a, Kohhran programme hrang hrangah plastic hmang tlem tura in zirtirna kawnga hmalakpui tura ngenna District PYD-ah an thehlut tawh bawk a ni.
Kawlkulh Bial PYD te pawhin June 18, Inrinni vek khan thing phun hnatlang an nei a, member 20 vel thawkchhuakin thing tiak engemaw zat an phun bawk a ni.
———-
District PYD OB te fehchhuak:
Aizawl East District PYD OB ten Bial fan programme an hman mek chu chhunzawmin June.20, Thawhtan zan khan Bawngkawn Bial tlawhin Bawngkawn Biak Inah hun hlimawm tak an hmang.
He hun hi Bro.Lalchhuansanga, Bial PYD Vice President chuan kaihruaiin Bawngkawn Bial PYD Secretary Bro.Pc.Lalbiakdika leh District PYD Secretary, Evan Dr.R.Vanlalpeka te chuan report an pe a, inhmelhriattirna an nei nghal bawk a ni. District PYD OB ten Bawngkawn Bial an tlawhnaah hian mal zai bakah Bawngkawn Bial Zaipawl leh Pentecostal Choir ten fak hla an sa a, District PYD Vice President, upa F.Lalthlangliana chuan thusawina a nei thung a ni. District PYD Music & Sound Committee, Kumpuan Committee bakah Environment Protection Committee hruaitute hnen atangin thusawi tawi ngaihthlak a ni bawk a ni. Bawngkawn Bial PYD atang hian PYD member 70 chuang an inkhawm thei a ni.
Aizawl East District PYD OB te Bial fan programme an hman chu chhunzawm mek zelin Mualpui bial, Upper Republic bial, Zemabawk leh Zemabawk North Bial bakah Khawhai bial leh Hnahlan Bial bakah, Thuampui bial leh Bethlehem bial, Bawngkawn Bial te tlawh tawhin Aizawl khawpui chhunga Bial an tlawh tawp ber atan June 27 hian Bazar Bial tlawhin hun an hmang leh dawn a ni.
———-
Theological Education Board meeting:
June 16, Ningani khan District Superintendent room-ah Theological Education Board thutkhawm, Chairman, Rev.KVL.Hmangaihkima kaihhruaiin neih a ni. He hunah hian thu pawimawh tak tak ngaihtuah niin an thu passed langsar zualte:
1. Kum 2022 OTS Exam neih hun tur ngaihtuah niin June 28 atanga 30 chhungin Exam ni se tih niin July 3, Pathianni-ah Zemabawk Biak Inah Graduation Day hman ni se tih a ni a, Graduation Day programme pawh an ruahman nghal a ni. He hun hmanpui tur hian Aizawl khawpui chhunga Bial Pastor te leh
District Department OB te sawm ni se,zaia rawngbawlna nei turin Sis. Lalropari, District Headquarters chu sawm nise an ti bawk a ni.
2. Kum 2022 OTS zirlai graduate tur te practical training neih tir nise tih niin Practical training neih tur atan hengte hi thlan chhuah a ni a, Zirtirtu ten an Subject an zirtirnaah hma an lo lak theihna turin Secretary in ruahmanna lo nei se an ti.
1 . Kesil rawngbawlna
2 . Baptisma rawngbawlna
3 . Hriakhnawih (damlo pual tan)
4 . Nauhlan rawngbawlna
5 . Mitthi vui rawngbawlna
———-
Superintendent Relief fund hlan:
June 22, Nilaini khan Upa Lalsipaia, Kepran khua – Khawruhlian Bial, June 17-a an In kang ral vek hnenah District Supdt.relief fund atangin Rs 10,000 hlan a ni. Rev.KVL.Hmangaihkima, District Supdt.chuan Kepran hmunah hian kalchilhin Relief fund hi a hlan a, hemi bakah hian YMA hnenah thingpui lumna atan Rs 2000 an hlan bawk a ni. District Supdt.hi Bialtu Pastor Hmingchungnunga Ralte chuan a tawiawm a ni.
Pathian chawimawina:
Khawzawl District Zonal seminar cum Revival kal zelah June 20, Thawhtanni khan Bro. Lalthangliana te chhungkaw kaltlangin Pathian chawimawina neih a ni a, Rev, R, Laltlankima chu Speaker -ah hman niin Kohhran ten hlim takin hun an hmang a ni.
Keifang Zonal Seminar kal zelah pawh T.Upa Lalsangliana te chhungkua chuan Pathian chawimawina an nei bawk a, Speaker-ah Rev VL Hnemtluanga, District Missions Director chu hman a ni. Kohhran ten hlim takin hun an hmang a ni.
Kawlkulh Vengthar a Rev. H. Vanlalchhana, Healing Ministry leh a team te rawngbawlna kal zelah Sis. Lalramengi te chhungkaw kaltlangin June 20, Thawhtanni vek khan Pathian chawimawina neih a ni a, Kohhran ten hlim takin hun an hmang a ni. Chawimawina boruak kalzelah June 21, Thawhlehni khan T.Upa Zoramthanzaua te chhungkua chuan Pathian chawimawina an nei leh bawk a ni. Kawlkulh Vengthara Rev.H.Vanlalchhana leh a Team te rawngbawlna kaltlang hian Pathian chawimawina vawi 4 neih a ni ta a ni.
———-
Silver Jubilee hmang:
June 20, Thawhtan zan khan Bethlehem Biak Inah Bethlehem PYD ten chanchinbu an tihchhuah- Juniper Kum 25 tlin, Silver Jubilee an thlen hlim takin an hmang. He hun hi Bro.R.Zodinpuia chuan kaihruaiin Sis.Laltanpuii Ralte in tanna hun a hmang a ni. Bro.Ngurthanga Jote leh Bro. B.Lalchhuana te hnen atangin thusawi tawi ngaihthlak niin Church Board aiawh bakah General PYD chanchinbu, Thlamuantu aiawhin Evan MS Dawngliana, News Editor in thusawina hun a hmang bawk a, Thlamuantu hian lawmpuina an hlan nghal bawk a ni. Juniper lo din chhoh dan Bro. Lalhriatpuia hnen atanga ngaihthlak niin Editorial Board member lo ni tawhte hnenah Bro. Obeda Lalawmawia leh Bro.Lallawmzuala Sailo te kaihhruaina hnuaiah thilpek hlan an ni. Juniper Editor ni mek Bro.K.Malsawmtluanga chuan thusawina nei bawkin Sis Vanlalchenpuii leh Bro.Lalhmingsanga Chinzah ten fak hla an sa bawk a ni.
Juniper Chanchinbu hi kum 1997, June 22 khan a lo ding a, a hunlaia Bethlehem PYD Secreatry, tuna Mualpui Bialtu Pastor ni mek, Rev. C. Mawizuala chuan ‘Juniper’ tih hi a hming atan a thlang a ni. Editor hmasaber chu Bro. Chawngchhinga (L) a ni. Hemi hma ian Bethlehem PYD hian Tualchhung Chanchinbu chhinchhiah theih chinah pahnih a tichhuak hman a, a hmasa zawk chu kum 1988 khan ‘Nunna’ tih chanchinbu a ni a, a hnuhnung zawk chu kum 1993 ah ‘Ebenezer’ chanchinbu tih hming a tichhuak leh a ni.
Jubilee lawmnaah hian Juniper Editorial Board member lo ni tawh zawng zawng (mi 56) te hnenah Chawimawina Citation hlan niin, Aizawl chhung veng hrang hrang atang bakah khualkhua atang ten chawimawina citation dawng tur hian an kalkhawm a ni.
———-
Crusade leh Pathian chawimawina:
Thuampui bial, Thuampui Vengthar Kohhranah June 14, Thawhleh zan atanga 19, Pathianni zan thleng khan Crusade neih a ni a, Speaker-ah Bialtu Pastor, Rev. PC Lalnghakliana chu hman niin hlim takin Kohhran ten hun an hmang a ni. Muanna Veng Kohhranah pawh Crusade neih niin Chawimawina/lawmthu sawina June 18, Inrinni khan Upa Dr. Lalthlamuana ten an nei a, hlim takin hun an hmang a ni. Chawimawina hi tum 3 a zawnin an hmang tawh a, June 25 hian chawimawina an hmang leh a ni. He hunah hian Speaker atan Bro H. Vanlalhruaia hman a ni.
———-
Mithar leh baptisma chang thar:
June 18, Inrinni khan Disciplines In Acts 29 Team ten ruihhlo ngaite pual a Zuangtui hmuna Camping an buatsaih ah mi 2 in Baptisma an chang a, an zinga pakhat hi mithar a ni.
June 19, Pathianni khan Upper Republic Kohhran a Evan R Vanchhunga rawngbawlna kaltlangin Kohhran dang atangin mithar pakhatin sual ngaihdamna baptisma a chang bawk.
June 19, Pathianni vek khan Sis.Vanlalpari, District Evangelist rawngbawlna kaltlangin Keifang hmunah member 3 chu Kohhranah sengluh an ni. Member sengluhna leh nau hlanna Rev VL Hnemtluanga’n a nei a ni.
———-
Hruaitute Programme:
Rev.KVL.Hmangaihkima, District Superintendent chuan Pathianni chawhma hian Bazar Kohhranah rawngbawlna a nei ang.
Rev.R.Laltlankima, District Secretary chuan Pathianni hian Zemabawk bial, Bung bangla Preaching point Biak In hawnna neiin rawngbawlna a nei ang.
———-
———-
NORTH MIZORAM DISTRICT
HRUAITUTE PROGRAMME
SUPERINTENDENT: District Supdt. Rev. Chhiarpuia chuan June ni 25-26 Inrinni leh Pathianni hmang hian West Phaileng kohhran tlawhin Seminar a nei ang.
SECRETARY: Dist. Secretary. Rev. K. Lalduhsanga chuan NMD in Pathian thu zirna a kalpui mek PSM, NMD Camping Centre Sakawrtuichhun a neihah riaklutin Naupang zirtirna a pe ang a, June 26th Pathianni a inkhawmpui ang.
———-
NMD DISTRICT OFFICE CHHUNG SIAM THA:
Kar kal ta June ni 13 thawhtanni atang khan, NMD Office-a thawktute awmna office chhung siksawiin; siamthat ngai te siam that hna thawh a ni. Tun dinhmunah Office chhawng hnihna Main Office lam siam zawh thawhkhat tawh niin; Missions Dept, PYD leh LAD floor lam siam hna thawh mek a ni. June ni 27 kar hian mumal takin Office hi kalpui leh theih tura beisei a ni. (NMD Office Pic)
———-
DISTRICT DEPT NEWS:
Education Campaign neih a ni:
North Mizoram District PYD Education Committee hmalaknain June ni 20 thawhtan zan khan Education Campaign thawhkhatna neih a ni. Campaign thawhkhatnaah hian Aizawl khawpui Bial pariat (8) ie
1) Headquarters Bial 2) Tlangnuam Bial 3) Maubawk Bial 4) Dinthar Bial 5) Chawlhhmun Bial 6) Chaltlang Bial 7) Hunthar Bial leh 8) Durtlang Bial-ah te Campaigner te an fehchhuak a, Campaigner te hian Thalaite zirna kawnga an hmasawn zel dan tur te leh, zirna kalkawng leh hnathawh tum thlenga awmze neia lehkha zir dan kal hmang Career guidance-ah campaign an nei a ni. (Education Pic)
———-
BUKVANNEI AH TIRHKOH QUARTERS HMUN TUR LEI A NI:
June ni 16 Nilaithawhṭanni khan District Missions Department in Casual Worker a dah hmun Bukvannei local ah ,Tirhkoh Quarters hmun thar tha tak lei a ni. He hmun thar lei hian Rev C.Lalramthanga District Missions Director leh Evan MS Dawmdawngliana District Missions Treasurer lo kalin lei nghal a ni a, Bial neitu Kolasib Rengtekawn bial aṭangin Rev C.Lalthlengliana ,Bialtu Pastor leh Upa T.Liana ,Bial Missions Director leh Upa Lianpauva Bial S.S.Secy. ten an lo ṭawiawm bawk. (Bukvannei Qtrs lei)
———-
DISTRICT MISSIONS DIRECTOR FEHCHHUAK:
June ni 19 Pathianni khan Rev.C.Lalramthanga N.Mz.Dist Missions Director chuan HUnthar Bial Sairang Kohhran tlawhin rawngbawlna a nei a, Sairang Missions Trea. in Missionary chawmna leh support 45,500 chu Director hi alo hlan nghal bawk a ni. (Sairang)
———-
ZIRLAITE CHAWHMEH PE:
June ni 20 thawhtanni khan Chawlhhmun bial LAD te chuan Pentecostal School of Ministry-a Pathian thu zir mek te pualin chawhmeh thali chi hrang hrang leh Arsa engemaw zat an rawn pe a, Pathian thu zirlai naupangte leh PSM zirtirtute’n lawmthu an sawi. (Chawlhhmun BIal)
———-
BIAL NEWS:
HEADQUARTERS BIAL:
Hqrs. Bial te chuan kum 2022 Conference rorel bawhzuiin Kohhran inkantawn Programme an kalpui mek. A thawhkhatna June ni 12 Pathianni zan khan an tan a, Kohhran pahnih zel intlawhin inkhawmna tura ruat Biak inah an inkhawm a ni. He Programme ruahman hi a hlawkthlakin an hun hman tawha Pathian Thlarau THianghlim pawlna duhawm tak an chang a ni.
July ni 3-ah inkantawn Programme hi an chhunzawm leh ang. Hqrs. Bial te hian July ni 3 atang vek hian Hqrs. Bial chhung Kohhran 5-ah rawngbawltu seminar neih bul an tan anga, Khatla South kohhranah bul an tan bawk dawn a ni.
———-
Home Missions Field tan pen chhuak:
Hqrs. Bial Missions Dept te chuan June ni 22 Nilaini khan NMD Misions Dept hnuaia Field pakhat Vitor Kalangange Missions Field pualin Rs. 30,000 District Missions Dept hruaitute kutah an hlan a, Thilpek hi Bial Missions Director Evan. Lalchhuanmawia Sailo chuan Dist. Missions Director Rev. C. Lalramthanga kutah hlanin Dist. Missions Hruaitute an lawm hle. (Pic. Director & Chhuanmawia)
———-
AIBAWK BIAL:
June ni 19, Inrinni khan Falkawn Kohhrana lawi Bro Laldingpuia Ngente te chhungkuain kohhran kaltlangin Pathian hnena lawmthu sawiin Pathian chawimawina an nei. Chawimawi Programme hi June ni 17 Zirtawp zan aṭangin revival program hman ṭan niin June ni 19 Pathianni zan thleng khan Thlarau thianghlim awmpuina hnuaiah hlim takin hun an hmang. Pathian chawimawinaah hian Pastor Pc. Lalrokima, bialtu pastor chu speaker atan hman niin; Pathianni chawhnu inkhawmah Evan. Lalramnunsanga Sailo in thusawi rawngbawlna a nei thung. (Falkawn Chawimawina)
———-
KOLASIB RENGTEKAWN BIAL IN SEMINAR NEI:
June ni 18 Inrinni khan Bial Conference in a lo passed tawh angin, Kolasib Rengtekawn bial Chhung Local Church Board chin leh Bial Department hrang hrang O.B te pualin Rengtekawn Biak Inah Seminar neih a ni a, Resource Person-ah Rev Chhiarpuia, District Superintendent leh Rev C.Lalthlengliana, Bialtu Pastor chu hman niin, Rev Chhiarpuia District Superintendent chuan Administration leh Thlarau Thianghlim Pawina tih thupui a hmangin paper a present a, Rev C.Lalthlengliana, Bialtu Pastor in Serh leh Sang Trainning leh Sum leh pai Vawn dan tih thupuia hmangin Paper a present bawk , Kal khawm ten he Seminar an hlawkpuiiin; Tlai ah Seminar pualin Chawhlui kilho nghal a ni (Rengtekawn Seminar)
———-
KOL RENGTEKAWN BIAL: NEW BUILUM KOHHRAN :
Pathianni kal ta June ni 19 Rengtekawn Bialtu Pastor Rev C.Lalthlengliana chuan New Builum Kohhran tlawhin Mi thar -2 ( Nupa) chu Lalpa Isua hmingin kohhranah a lawm lut , Mi thar Lawmluh te chhungkaw Pa ber hi Methodist Kohhran a Chairman ni lai a ni.
Bialtu Pastor hian Baptisma khur siamna tur pualin appeal neih nghal a ni a, Rs 5,600 (Cheng Sangnga leh Zaruk) lai mai hmuh a nib awk. (Kol Rengtekawn)
———-
MAMIT BIAL:
June ni 18 Inrinni khan Mamit Bial chhung Kohhran hrang hrang Headquarters, H/S Veng, Luangpawl leh Dampui Local te chuan Mamit Headquarters Kohhran Biak Inah Seminar an nei.
He hunah hian Resource person atan Rev. R. Lalrinsanga, General Superintendent hman a ni a, Chawhma lamah Seminar Paper present niin, zawhna leh chhanna hun hman ho a ni bawk. Chawhnuah Kohhran serh leh sang rawngbawlna neih dan tur zirna leh sawi hona neih leh niin; Practical neih nghal a ni a, seminar chhimte’n an hlawkpui hle. (Mamit Bial Seminar)
———-
BAWNGKAWN KOHHRAN:
Chaltlang Bial, Bawngkawn Kohhranah Chawimawina țum 8-na ah Member thar paruk (6) lawm luh an ni
June ni 19 Pathianni khan Chaltlang Bial, Bawngkawn Kohhranah Pathian Chawimawina Upa C. Chalmanga te chhungin an pe, he chawimawina hi kohhran mi hrang hrangin an pek tum 8na a ni.
Chawimawina Programme hi Bialtu Pastor Rev. P. Vanlalfela chuan kaihruaiin; Pathian Chawimawina petu Upa. C.Chalmangan hun hmasa a hmang a, Speaker atan Evan. C. Lalruatsanga hman a ni. Speaker rawngbawlna Pathianin mal a sawm a, member thar 6 Bialtu Pastor Rev. P. Vanlalfela’n a lawm (Bawngkawn chawimawina)
———-
———-
LUNGLEI DISTRICT
PBS RAWNGBAWLIN AN FEHCHHUAK :
June ni 19 Pathianni khan Pentecostal Bible School (PBS) zirlaite leh zirtirtute chu Sekhum Local-ah rawngbawlin an fehchhuak a, hlim takin hun an hmang.
He hunah hian zing inkhawmah PBS Dean Rev.PC. Lalfakawma chuan Pathian thuchah puan chhuahna a nei a,, chawhnuah Sekhum Local PYD te nen Fellowship neiin zan lamah PBS Principal Rev.C.Vanlalena chuan hun a hmang a, Pathian Thlarau pawlna hnuaiah hlim takin hun an hmang.
Sekhum Local-ah hian PBS zirlai 19 bakah zirtirtu 4 an kal thei a ni.
———-
SEMINAR :
June ni 25-26 chhung hian Mualthuam N Venglai Local-te chuan Seminar an buatsaih dawn a, Resource Person atan District Superintendent Rev.C.Vanlalena chu hman a ni ang.
June ni 25 Inrinni hian Rawngbawltute leh an kawppuite mawhphurhna kohhranah tih thupui hmangin Seminar hi neih a ni a, June ni 26 Pathianni chawhnu hian Leadership Training an nei nei bawk ang.
———-
THIANGHLIMNA COMMITTEE:
June ni 26 Pathianni hian Thianghlimna Committee, Lunglei District UPC chuan Committee pawimawh tak an nei dawn a, Thianghlimna Campaign an neih tawh dan thlirletna leh Campaign zel dan tur te an ngaihtuah ang.
———-
CRUSADE CUM RAWNGBAWLTU RETREAT:
June ni 24 Zirtawp zan atanga ni 26 Pathianni zan thleng hian District Secretary Rev.C.Lalrintluanga Speaker ah hmangin Haulawng Lalveng Local-te chuan Crusade an buatsaih dawn a, June ni 25 inrinni hian Rawngbawltu Retreat an buatsaih bawk ang.
———-
MI THAR :
June ni 16 Ningani khan Lungsen N Local-a lawi turin mi thar 1 bialtu Pastor PC Zion Rammawia chuan a lawmlut.
———-
———-
LAWNGTLAI WEST DISTRICT
———-
———-
CHHIMTUIPUI DISTRICT
SOLFA CAMP NEIH MEK A NI :
45th Chhimtuipui District PYD Conference in a rel angin short course Solfa Camp chu June ni 20-24 2022 chhung khan neih a ni
Ni 20.6.2022 Thawhtan zan khan Opening & Registration hman niin, Rev.Joseph L. Thlauhthang District Superintendent chuan hunserh a hmang a, Upa N.Lalchhuanmawia Dist PYD Treasurer in kaihhruai hna thawkin, Bro.J Lalhriatchhunga Dist PYD Asst Secretary in inhmel hriattirna leh file semna a nei bawk. Instructor atan Evan.N.Thanghnuna Dist Evangelist chu hman niin, Solfa zir tur te hi District chhung bial hrang hrang aiawh te bak ah District PYD Choir te an tel bawk a ni.
———-
MI THAR LAWMLUT:
Ni 19.6.2022 Khan Pangkhua Kohhran (Sangau bial) ah mi thar chhungkaw khat member panga chu Evan.Jona Lalrintluanga Pankhua Home missionary chuan Kohhranah a lawm lut.
———-
BIAL THUM REVIVAL HMANG :
District LAD Conference rorel bawhzuiin, Ni 17.6.2022 Zirtawp ni thlenkim ni a hmangin Bial thum revival Crusade heng Bial, Siaha Bial,Siaha West Bial leh S.Lungpher Bial LAD ten S.Lungpher hmunah hlim takin an hmang. Speaker atan Evan.Khaching Aineh Vahia Home Missionary chu hman niin,mikhual thleng pawh an thahnem hle a, Thlarau boruak nuam tak hnuaiah hlawhtling taka hun hman a ni.
———-
LEADERSHIP TRAINING NEI:
Tuipang bial LAD Conference rorelna in a lo rel angin Ni.19.6.22 khan Phura Local ah Leadership Training hlawhtling takin neih a ni. Resource person atan Pastor Robert B.Lalnunsiama T,bialtu pastor hman a ni. Training neih zawh hian Local LAD lamin bial leh district lama sum chhunluh tur an neih ang ang te bialtu pastor hnenah an hlan bawk a ni.
———-
SUNDAY SCHOOL BOARD THUKHAWM:
Ni 15.6.2022 khan Siaha West bial Sunday school board chu Sectional Pastor Quarter’s ah an thukhawm a.
An rorel te:
1. S.S kumpuan “Kan fate i chhanhim ang u” tih bawhzui na leh hmalak dan tur Guide book siam nise peih fel anih hnuah bial S S board ah en that leh nise.
2. Bial S.S hruatu ten bial chhung Local tin tlawh nise
3. July 2022 Chawlhni vawihnihna ah Naupang Sunday school kum chanve Exam neih nise question lo buaipui turin Upa V. Lalninghaka leh Sist.Bk Hlychho Meisatla te ruat an ni.
4. Naupang Sunday School intihsiakna neih nise. A hun atan Ni 4.12.2022 nise, Council Vaih Local ah neih ni bawk se.
———-
BIAK IN SA MEK:
Home Missions Field Amobyu Vaihthie (Zero Point) ah Biak In 36×24 a lian chhawng 3 tur a ruahman chu sak mek a ni. Siaha West Bial hruaitute ten ruahmanna siamin hnatlang neih thin ani a, Bial mipui te an phurin an tang hle. Tunah hian Amobyu Vaihthie ah hian Tirhkoh Evan.LS Lalhmingmuana te chhungkua in rawngbawlna an nei mek a ni. Amobyu Vaihthie (Zero point) hmun hi Siaha atanga hnaih te khuazin te chawlhna hmun hmun pawimawh tak anih avangin Kohhran te pawh an tang hle a, Biak In tha tak leh mawi tak din anih ngei theih nan mi tlawmngai ten thil thlawn pek hrang hrang an pe khawm bawk a ni.
———-
HRUAITUTE PROGRAMME:
1. Rev.Joseph L.Thlauhthang District Superintendent : Ni 24-26.6.2022 hmang a Sist.H.Vanlalthangi BW Siaha Council Veng te chhungkua Pathian Chawimawina a hmanpui ang.
2. REV.W.L Thanghre District Secretary – Sist.H.Vanlalthangi BW te chawimawina a hmanpui ang.
3. Rev.Kholy Hlychho District Treasurer – Sist.H.Vanlalthangi BW te chawimawina a hmanpui ang.
———-
———-
CHURACHANDPUR DISTRICT
RIVIVAL PROGRAMME NEIH A NI:
Lamka Local PYD Board in a rel angin June ni 20-24, 2022 chhung khan Revival Programme Lamka Local Biakin Salem Veng ah neih a ni a, he Revival meet ah hian Speaker a tan Pastor B.Lalzamluaia chu hman a ni.
———-
BAPTISMA CHANG:
June ni 21 thawhleh ni khan Churachandpur term Dist. Evangelist, Evan. Goucha rawngbawlna aṭangin mithar 1 chuan sual ngaihdam nan baptisma Lalpa Isua hmingin a chang.
Facebook