Pennet News Service : June 21 – 28

UPCNEINEWSSERVICE June 21-28.2020
——-

B.Th zir tur thlang :
Calvary Bible College, Shillong chuan session thar atan B.Th zir turin heng mite hi a thlang chhuak :

1 Pastor T. Vanlalhruaia, Jingkieng Shillong
2 Aman Khalko, Jalpaiguri West Bengal
3 K. Lalchhantluanga, Mualthuam Lunglei
4 PC Laldingliana, Mualthuam Lunglei
5 PC Lalhmingthanga, Vaisam Lunglei
6 Hminghlumawia, Rengte Lunglei
7 Lalthlamuanawma, Farm Veng Lunglei
8 Zodinpuia, Pukpui Lunglei
9 P. Vanlalhmachhuana, Bazar Veng Lunglei
10 Lalchhanhima, Tlangnuam, Aizawl N.Mizoram
11 Laltlandika, Tlangnuam, Aizawl N.Mizoram
12 A. Denis, Vairengte N. Mizoram
13 Sochinglien Touthang, Hengshi Village Imphal Dist
14 P. Dalgomang Gangte, Hebron Veng Churachandpur
15 Fatindra Tripura, Bishnupur Tripura
16  SR Kodesh Anal, Chakpikarong Chandel Dist
17 H. Lalramsanga, Siaha Chhimtuipui

Calvary Bible College (CBC) session thar tan hun tur hi sawrkar lam thuchhuak ngaichang chungin hriattirna tihchhuah a ni ang.
———
Reverend Title hlan :
UPC North East India, General Aministrative Committee chuan Churachandpur District Board in a recommend angin Pastor K. Lalramdina, Tuibuong chu kum 10 chhung Pastor rawngbawl hna a lo thawh tak avangin June 8, 2020 Thawhtanni khan Reverend title a hlan a, tun hnuah chuan Rev. K. Lalramdina tia lam leh ziah tawh tur a ni.

Rev. K. Lalramdina hi May ni 7, 2010 khan Pastor atana nemngheh a ni a, peng hrang hranga a rawngbawlna thlirin District Board chuan a recommend-a, General adminitrative committee pawhin he title hi pek tlakah ngaiin a hlan ta a ni.
——
Beirual thuzir :
June ni 24, Nilaini hkhan Literature Committee Editing Board chuan General Hqrs Office Committee room ah kumin 2020 Beirual thu zir tur endik hna thawkin an thukhawm.

Kumin 2020 Beirual thla hian “Chhung lam leh pawn lam Thianghlimna” tih Rev. K. Darsailova ziak chu zir tur a ni dawn a. Literature and Publication board Chairman Rev. R. Lalrinsanga chuan he thuzir bu hi Kohhran hoten kan hlawkpui ngei a beisei thu a sawi.
——-

Global Council :

Khawvel pum huapa Krista Chanchin țha rawngbawl hna chak zawka kalpui a nih theihnan UPCI chuan kum 5 danah Khawlvel hmun hrang hranga Pentecost Kohhran hruaitu pawimawh chin ko khawmin meeting pawimawh, Global Council a ko țhin a, UPC- North East India ațangin kan hruaitute pawh he Council ah hian an kal țhin.

Kum 2015 a Srilanka khawpui Colombo a neihah pawh khan India hmarchhak Pentecost Kohhran aiawh turin kan hruaitute pathum Rev. Lalmalsawma Sailo, Rev. R. Lalrinsanga leh Rev. Zohmingthanzama te an kal nghe nghe. General Suptd Rev. Lalmalsawma Sailo hi Execitive Global Coucil (Global Council thu ngaihtuah tur buaipuitu Comtt) ah member pawimawh tak a ni mek.

Kumin 2020 hi Global Council neih leh hun a ni a, November thlaah America rama khawpui pawimawh pakhat St Louis-ah neih tura ruahmanna awm sa a ni a, khawvel pum huap intawhkhawmna tur hi tunlai hrileng avangin kum 2021 November thlaah an sawn ta dawrh a ni.
———

District hrang hrang rawngbawlna chanchin :

Aizawl East District :
June 14, Pathianni khan Hnahlan Bialtu Pastor R.Lalfamkima chuan a bial chhunga Local pathum-ah nau piang thar 3 a hlan.

Hnahlan bial Hqrs. Kohhran te hian tunah hian Biakin sak hna an thawk mek zel a, UPC Venglai Kohhran te pawhin Biakin sak hna thawk mek bawkin Saron Kohhran te pawhin Biakin hi sa turin Church Board Committee June 15-a neih chuan a rel leh bawk a ni. June 14, Pathianni vek khan Hnahlan Saron Kohhrana lawi Bro Lalthanpuia te chhungkua chuan Covid-19 avanga harsatna tawk an awm palha tanpuinan tiin Hnahlan Saron Veng Kohhranah buhfai bag 1 a hlan bawk a ni.
—–
Rawngbawlna report :
June 21, Pathianni khan Mualpui Bialtu Pastor, Rev H.Lalropuia chuan a Bial chhungah nauhlan rawngbawlna leh baptisma rawngbawlna a nei. He hunah hian I.T.I Kohhranah nau piang thar 2 hlanna a neih bakah mi pathum sual ngaihdamna baptisma a chantir a, an zinga pakhat hi mithar a ni.
——
Board hun sawn :
Aizawl East District PYD hnuaia rorelna sang, Kum chanve District Board July 3, Zirtawpni-a neih tura ruahmanna lo siam tawh chu Covid-19 hri leng mek avangin thulh a ni a, remchang hmasa berah neih leh tura ruahman a ni.

District Board memberte kan inhriattirin District-a lut tur sum leh pai Bank kaltlanga thehlut duh tan Bro.K.Lalbiaknunga, District PYD Treasurer, Ph: 9862996079 leh Fin. Secretary, Bro Zothansiama, Ph- 9856728607 te ph. no.- tarlanah hian biak pawh tur a ni ang.
——

Office kal dan tidanglam :
Covid-19 hripui leng avanga Aizawl East District Office ni kar dana kal thin chu tih danglam niin District OB Meeting-in ruahmanna a siam angin kar thar June 29 atanga chuan nitin Office hi kal tawh tura ruahman a ni.
——

Lawngtlai West District :
Member thar :
1. June ni 21, Pathianni khan Saizawh East ah Evan.K.Laineihtluanga chuan chhungkaw khat Member pali(4) awmna chu Baptisma chan tirin Kohhranah a seng lut nghal a ni.
Hemi rual hian Member awmsa atangin mi panga in sual ngaihdamna Baptisma an chang tel bawk.

2. June ni 21, Pathianni vek khan Rev.Tv,Mawngchina kaih hruaina in Lawngtlai Bazar Local ah Baptisma khur hawn a nia, mipariat(8)in sual ngaihdamna baptisma an chang a, an zinga pahnih hi member thar an ni. Hemi rual hian Nauhlan rawngbawlna neih nghal a ni a Rawngbawltu lak tharna neih a ni bawk.
——

Chhimtuipui District :
Chhimtuipui District in tunlai hrileng mek, Covid 19 avanga harsatna tawk mekte tana tanpuina a pek dan tlangpui tarlang ila :

1. DISTRICT KOHHRAN PUI :

1.1  Mara Autonomous District Council CEM Fund – Rs.10000/-
1.2  Lai Autonomous District Council CEM Fund – Rs.10000/-
1.3  Quanrantine te awmna atan Guest Room leh District Committee Room sorkar a hman tir bawk.

2.  Dist LAD – DC (DLTF) hnenah Quarantine inmate te hman atan Blanket 11 an pe.

2.2 LAD Zero local – Rs.1000/-
2.3 College Veng local LAD Rs.1000/-
2.4 Archhuang local LAD – 500/-

3. PYD : Rs. 4000

Sum leh paia an tanpuina bakah hian Hqrs Local PYD leh College Veng Local PYD ten  Quarantine center a awm te tan ei rawng an bawl sak a, Bethel local PYD ten ram venhim hna thawkin ramri ah an riak chhuak bawk.

4. SIAHA BIAL – Rs. 22500/-

5. SANGAU BIAL- Rs. 1000/-
Bialtu Pastor, Kohhran Upa leh member thenkhat in VLTF te hnen ah mimal angin tanpuina an pe bawk.

6. TUIPANG BIAL – Rs. 6,000/-

7. S.LUNGPHER BIAL – Rs. 8,500/-

8. NIAWHTLANG BIAL – Rs. 4,000

8. BUALPUI NG BIAL – Rs. 4,000
——
Ei rawng bawl sak :
Chhimtuipui Dist Hqrs local PYD te chuan May ni 28, Ningani aṭang khan Chhimtuipui Dist Guest room leh committee room a quarantine mekte volunteer in eirawng an bawl sak a, he centera awm mek te hi an awm hun pawhsei sak an nih avangin, Ni 21 chuang eirawng sak hna hi an thawk dawn a ni.
——
Ram ri duty :
Sangau Bethel local PYD techuan kar khat chuang ramri (India leh Myanmar) inrina anven tawh hnui, June ni 13, Inrinni khan dam takin Sangau an ah an let. PYD member tehi mi 10 vel an ni.
——-
Thlahna :
June ni 13, Inrinni khan Chhimtuipui Dist PYD chuan, tunhnai a ram ven himna atana nunna hlantu Carolyn H Lalvenpuii Sangau I local pualin Rbt H Kapliana (Maveni Pa) In ah hun an hmang.

He hriatrengna hun leh ralna hun hi T Upa H Lalduhsanga Dist Secretary in kaihruaiin, Dist PYD President Evan K Rinthara’n hunserh ahmang a, Evan Robert B Lalnunsiama T Vice President in sunna hun hmangin, T Upa N Lalchhuanmawia Dist PYD Treasurer in ralna sum leh chawimawina thuziak ahlan. Tin, dist PYD Kaltlanga mimal, local leh bial PYD te ralna sum tlingkhawm ahlan nghal ani. Rbt LS Lalhmingmuana Asst secretary in Dist PCD te chawimawina thuziak leh Dist Hqrs local PYD ten Ngaihhruina thuziak an siam chu anaiawhin ahlan nghal a, ṭawngṭaina in  hun a khar ani.

Rbt H Kapliana (Maveni Pa) hnen aṭang leh Rbt HC Ramtinuka President Sangau bial hnen aṭang thutawi ngaihthlak ani bawk.

Maveni chhungte hian chawhlui lo buatsaih in, an fanu hriatrengna atan hian Dist PYD te hnenah hian Pangpar anhlan let a ni.

Dist PYD kaltlanga ralna thilpek hlantute:

Local leh bial
1. Siaha bial PYD Rs.1000/-
2. Bualpui NG Bial PYD Rs.1000/-
3. Tuipang Bial PYD Rs.500/-
4. South Lungpher local PYD Rs.500/-
5. Niawhtlang local PYD Rs 1000/-
6. Tuipang L local PYD Rs.500/-
7. Cheural local PYD Rs.500/-
8. Dist Hqrs local
9. Dist PCD

Mimal
10. Upa Donny Lalruatsanga Aizawl Rs.1000/-
11.Upa C Raltawna Dist Hqrs Rs.1000/-
12.Bro Lalngilneia Aizawl Rs.1000-/
13. Evan. C.Lalchhuanga Aizawl Rs.1000/-
14. Rev HC Mangliana Dist Hqrs Rs.300/-
15. Lalzawmpuii Cokkege veng Rs.300/-
16. K Vulmawii (Vuli) Tuipang L Rs.300/-
17. Rokamlova Tuipangb L Rs.300/-
18. Zohmingmawia Niawhtlang Rs.200/-
19. Ramdinmawii Chawngthu Dist hqrs Rs.500/-
20. Pastor L Nghakliana South Lungpher Rs.500/-
21. Evan T Vanlalṭana Dist hqrs Rs.300/-
22. Upa David H Lallianhluna Councik veng Rs.500/-
23. Evan Chhuana Aizawl Rs.500/-
Total : Rs.14,700/-
——-
Biak in sak bul tan :
Meisatla local techuan Biakin sa thar turin June ni 22, Thawhtanni khan ban khur laiin bul an tan.

Biak in hmun leh ban khur laih tan dawn hian Upa C. Kaphranga, Local chairman in tawngtaina na in a hlan a, Khur thum laih zawh nghal a ni a, Biak in sak lungphum hi District Suptd Rev. Joseph L. Thlauhthang chuan a phum a ni.

Meisatla Biak In tur hi a dung ft 65 leh a vang ft 30 a lian,chhawng li tur a ruahman a ni. A chhawng khatna Store room, chhawng hnihna Chowkidar Qtrs, chhawng thumna Hall, A chung ber Biak in atana ruahman a ni. Dist superintendent hi Pastor C Lalchhuanthanga Siaha sectional pastor chuan a ṭawiawm a ni.
——-
Office tan :
Chhimtuipui District Office chu kar thum vel zet Guest Room leh District Committee Room te quarantine na atana hman anih avanga kal mumal lova a awm hnuin June 22, Thawhtanni atang khan office tan leh a ni.
———
Tanpuina hlan :
June ni 21, Pathianni khan Siahatla LAD te chuan, Siahatla join vltf te hnenah tanpuina sum Rs.5000 an hlan. Siahatla ah hian Dist Quarantine centre 4 awmin, Village quarantine centre 2 a awm mek a ni.
——–

North Mizoram District :
Office khar :
June Ni 22 Thawhtannia North Mizoram Diatrict Officer meeting chuan Hri leng avanga inkharkhip thawhrukna Mizoram sorkarin a kalpui leh avangin  june ni 22 atanga ni 30 thleng office an khar. hetihrual hian sum chhun luh duhten an duh hun huna sum an chhun luh theihnan Mobile banking hmanga sum chhunluh dan tur ruahmanna a siam a, Kohhran tul bik thilah erawh Diatrict hruaitute chu an chenna hmun lamah dawr theih reng an ni bawk.
—-
Admission hawng :
North Mizoram District enkawl, Pentecostal Gateway Higher Secondary School, Tuikhuahtlanga chuan May ni Ni 04, 2020 atang khan thu leh awm hma chu Kartin Monday, Wednesday leh Friday ah Admission tih thin a ni. Admission hi Class IX, X, XI leh XII tan an hawng a ni.
——
District LAD :
June Ni 8, Thawhtannni khan NMD LAD te chuan Executive meeting NMD Supdt Chamber ah an nei. Meeting hi Sist Lalhmachhuani Dist LAD President in a kaihruai a. Diat Puipa pathum Supdt, Secy leh Treasurer ten an ho thei bawk.
An rorel tlangpuiah-
Kum chanve Board neih huna Boars Official Agenda tur leh Bial atanga Agenda lo lut te  thlir ho a ni a. Dist Board Agenda tura tih zinga 1 Conference   Agenda atan an dah bawk.
——–
Tanpuina hlan :
Tlangsang bial chuan June ni 11 Ningani khan Tlangsang Bial chhunga Missionary Volunteer Sis Vanlalpeki tan bial chhung leh pawn aṭangin tanpuina a hnuaia tarlan ang hian pek a ni:-
1. Upa Lalthanzama, Zawlnuam Borai Veng Rs.2000/-
2. T. Upa Vanlalruala, Tlangsang Rs.3000/- leh Buhfai kg 25 bag
3. Bro Joela, New Kawnpui IR, Rs.1000/-
4. Sis Zaithanmawii, Vanghmun, Tlangsang bial LAD President Rs.500/-
5. Sis Lalhlimchhani d/o Bro Ngurhlunsanga Vanghmun Rs.500/-
6. Bro Isak Lalhmingliana, Vanghmun Missionary Rs.500/-
7. Upa Hlunthanga, Behliangchhip, a chaw ngheina aṭanga a ei ai a khawl Buhfai kg 5 leh Rs.200/-
8. Bro Ramdinpuia, Tlangsang Khawnvartui, Chana, Purun, Tel,
9. Remruatfeli, Tlangsang, Mask pahnih.
10. Upa Dr. HL Ruata, Zotlang, Aizawl in Rs.3000/-
11. T.Upa Lalmawia, Ṭuahzawl in Rs.1000/-
Sum dawn zawng² = Rs. 11700
Heng bakah hian Solar inverter man sum dawn a ni bawk.
——
Member thar :
1. Kananthar Preaching Point-ah hian North Mizoram dist. tirhin Evan Ramnunsanga’n rawngbawlna a nei a, June ni  14 Pathianni khan mi thar 18 Pentecost kohhranah seng luh an ni.

Member thar te hian Bialtu pastor kutah sual ngaihdamna Baptisma Lal Isua hmingin an chang a,lock down kalphung bawhchhe lovin nimahse rawngbawlna hi Pathian hruaina hnuaiah tluang takin neih a ni.

2. South Chhimluang Home Missions Field ah June ni 18 ningani khan rawngbawltu Evan. Rawngbawlzela  rawngbawlna kaltlangin member thar chhungkaw khat member 3 chuan pentecost kohhran an zawm.

3. June ni 17 Nilai zan khan kohhran hote rawngbawlna kaltlangin member thar 3 te Dinthar kohhrana lawiturin Kohhranah seng luh an ni. Inkharkhip lai a nih avangin mi thar seng luhna hi anmahni chenna inah Bialtu pastor Rev. C. Laltlanchhuaha’n  a nei a ni.

4. June ni 22, Thawhtanni khan Vawngawnzo Mission Field-ah kohhranhote leh Missionary Evan RS Lalnunmawia te rawngbawlna atangin mithar chhungkaw khat Member pathumte chuan Pentecost kohhran an zawm thar. Heng member thar sengluhna hi Missionary Evan RS Lalnunmawian a nei a ni.
—-
Baptisma chang :
June ni 21  Pathianni khan Sialsuk Bial, Sialsuk kohhranah sual ngaihdamna  BAPTISMA CHANG thar mi 9 awmin  baptisma rawngbawlna hi Bialtu Pastor Rev. K. Vanlaldikan a nei a ni.
—-
Ralna nei :
June ni 22 chhuna Quarry chimin a chhilh avanga boral ta, Bro.Lalhruaizela kum 21, Samtlang chu June ni 23 chawhnu dar 3:00 khan North Mizoram District, Kohhranpui leh Dist.LAD te chuan Samtlanga an chenna Inah ralna an nei.

He ralna hunah hian Dist.Suptt. Rev.Laltluanga leh Dist. Secy. Rev.Chhiarpuia,aTlangnuam Bialtu Pastor Lalruatkima Fanai leh Dist.LAD Treasurer te an kal a, Dist. Suptt. chuan thusawiin, Dist. hminga ralna a hlana, Dist.LAD Treasurer Sis.Lalchhuankungi Bw. pawhin ralna thil pek hlan pahin Bro.Lalhruaizela Dist.LAD ten an ui thu leh a kal san tak a nu leh pa u leh nau te an tuarpui thu a sawi.
Dist.Secy.Rev.Chhiarpuia chuan Tawrhpuina thu leh thihna chunga Lalpa hnathawh lo thleng ropui zia te sawiin Pathian hnenah tawngṭaiin hun a hmang thung a ni.
——-
Member thar 29 :
Hri lengin khawvel a tihbuai mek karah NMD Hommissions Field enkawltu Missionary te chuan tawngtainan nen theih ang tawka rawngbawlna neiin chanchintha hril rawngbawlna an kalpui zel a, hripuiin khawvel a tihbuai avanga Inkharkhip neih chhungin missionary te rawngbawlna kaltlangin mi thar 29 ngawt Dist Missions Dept chuan a nei a ni.
——-

Lunglei District :
Office hawng :
June 9 atanga ni 19 chhung khan Total Lockdown avangin Lunglei District UPC Office chu khar a ni a, June ni 22 thawhtanni atang khan mipuite dawr theih turin office hi hawn tan leh a ni.

Tanpuina hlan :
June ni 17 nilaini khan Lunglei District LAD hruaitute chuan District Level Task Force-ah Covid-19 dona pualin Rs.20000 an hlan.
——-
Baptisma chang :
June ni 14 Pathianni khan Chhipphir bialtu Pastor Rev.LH.Lalchhandama chuan Chhipphir Local-ah mi pariat Baptisma a chantir a, an zinga pakhat hi mi thar  a ni.
——
Member thar :
June ni  7 Pathianni khan District Home Missions Field, Thiltlang ah  Hnahthial bialtu Pastor Rev.VL.Hmuaka chuan member thar pasarih kohhranah a senglut.

Thiltlangah hian District Missions Department chuan Home Missionary in Evan.K.Lalhlupuia chu a dah mek a, tunah hian Thiltlangah hian District PYD bultumin, Hnahthial bialten biak in thar an sak sak mek a ni.