Pennet News Service : June 10, 2022

GENERAL NEWS

HRUAITUTE PROGRAMME:

General Superintendent Rev. R. Lalrinsanga, General Secretary Rev. Zohmingthanzama leh General Treasurer Rev. Lalmalsawma Sailo te chuan Kohhran hmunhma en felin Delhi ah an kal.

General Sunday School Director Rev. R. Laichhingpuia chuan Chandel District Sunday School Conference leh Chandel District Vocational Bible School an neih mek hmanpuiin rawngbawlna a nei.

———-

AIZAWL EAST DISTRICT

Pentecost Day hlim takin hmang:

June 5, Pathianni kha Pentecost Day a nih angin Aizawl East District chhunga Tualchhung Kohhran hrang hrangte chuan urhsun takin an hmang hlawm a, he hunah hian Tualchhung Kohhran Church Board Committee chuan Programme hranpa siamin hun an hmang hlawm a ni. Pentecost Day-ah hian Tualchhung Kohhran thenkhat chuan tisa lam ruai nen hmangin thenkhatin thingpui leh chhang ruai an kilho bawk a ni. Tualchhung Kohhran thenkhat chuan Speaker bik neiin hun an hmang bawk a, Pathian chawimawina nei hmun hrang hrangah an awm a ni. Tarlan tawh angin Pentecost Day hi District Kohhranpui hruaitute chuan hetiang hian hmun hrang hrangah an hmang a ni.

Rev KVL.Hmangaihkima, District Superintendent chuan Pentecost ni Chawhma inkhawmah khan District Hqrs. Kohhranah hun hmangin Chawhnuah Zemabawk Kohhranah rawngbawlna a nei leh a, Pathianni zanah Zemabawk Vengpui Kohhranah rawngbawlna a nei leh bawk a ni.
Rev R.Laltlankima, District Secretary chuan Inrinni zan khan District Hqrs. Kohhranah hun hmangin, Pentecost ni chawhmaah Zemabawk Vengpui Kohhranah rawngbawlna a nei a.
Rev H.Lalropuia, District Treasurer chuan Pentecost ni chawhmaah Mualpui Kohhranah rawngbawlna a nei a, Zanah District Hqrs. Kohhranah rawngbawlna a nei leh a ni.

Kawlkulh bial tualchhung tinte chuan Pentecost day hlim takin an hmang hlawm a, Kawlkulh Vengthar ah District Revival Speaker, Rev. H. Vanlalchhana leh a team “Healing Ministry” ten rawngbawlna an nei a, chawhma inkhawmah Bialtu Pastor R. Lalfamkima’n nau 2 hlanin, inkhawm banah Rev. H. Vanlalchhana kutah mi pakhat in Isua hmingin baptisma a chang bawk. June 12 thleng Vengthar Kohhranah hian rawngbawlna an nei dawn a ni. Khuanglakah Evan R. Lalrinthanga of Khualen in Pentecost day-ah rawngbawlna a nei a, Chhawrtui-ah District in a tirh Bro. Malsawmdanga leh a team ten rawngbawlna an nei bawk. Bialtu Pastor in zanah Venglai kohhran ah thusawina a nei bawk a ni.

Saitual Kohhranten Pentecost Day kha ruai nen hlim takin an hmang a, Tualbung Kohhranah Evan Samuel Laldinsanga leh Bro. Malsawmzuala ten rawngbawlna an nei a, an hlimin an lawm tlanghle a Mi 1 in sual ngaihdamna Baptisma a chang. N.Lungpher leh Phullen Kohhranten Chhang ruaiin hlim takin an hmang bawk a ni.

Bawngkawn Kohhranah chuan Pentecost Day ni tak khan Evan.K. Vanramngaia te chhungkua chuan Pathian chawimawina neiin hlim takin hun hman a ni. Speaker atan hian Evan.H.Lalrinawma, Upper Republic chu hman a ni. Inrinni zan atangin hun hman tan a ni a. Pathianni chawhmaah Chawimawi tute chhungkua chu Bialtu Pastorin hriakthihna hun a neihsak a, Inrinni zan atangin Pathianni zan thlengin  Pentecost day programme leh chawimawina hun hi hman a ni.

———-

Executive meeting nei:

June 1, Nilaini khan District Missions Department chuan Rev.VL.Hnemtluanga, Director kaihhruaiin Executive meeting an nei a, thu pawimawh tak tak an ngaihtuah a ni. Tin, June 3, Zirtawpni khan District S.S Department pawhin Executive meeting, Rev Rohmingliana, Director kaihhruaiin an nei bawk a ni.

District Missions Executive Meeting thu passed langsar zualte:
1. N.Vanlaiphai bial, Lungchhuan hmuna Mission Department hmalaknaa Crusade neih turah Director leh Secretary kal se tha tih a ni a, Speaker ah Rev.VL Hnemtluanga hman nise, zaithiam hruai ni bawk se tih a ni. (Lungchhuan hmunah hian tunah hian Crusade hi neih kal mek a ni)
2. July 22, Zirtawpniah kum chanve Board, District Committee room-ah neih tura tih niin agenda nei tur bial ten July 15 ral hmain District Missions Secretary hnenah theh luh ni se tih a ni.
3. General Mission Executive Board neih tura agenda nei bial ten July 5 ral hmain District Missions OB te hnenah theh lut se tih a ni. General Missions Board hi June 24-25 hmang hian Jaigaon hmunah neih tura ruahman a ni.

District Sunday School Executive Meeting thu passed langsar zualte:
(1)    District Thianghlimna Committee atanga hmalakpui tur ngenna an siam angin District chhung Tualchhung Kohhran tinah kum thar inruatthar hunah a theih hram chuan Sunday School zirtirtu atan zuk leh hmuama fihlim ngei la tura ngenna siam nise an ti a. Tin, Bial Sunday School lamten NPSS lamah Thianghlimna Campaign a tam thei anga nei tura ngen nise an ti bawk.
(2)    Kumpuan campaign beihpuithlakna atan Aizawl khawpui chhung Kohhran zawng zawngah Bial Sunday School hruaitute, District SS OB te leh District pui hruaitute dt. 26.06.2022 (Pathianni) chawhma PTSS-ah fehchhuah ni se an ti a, fehchhuah dan tur programme schedule chu Secretary-in a lo ruahman ang. A theih ang angin khawpui pawn lam pawh fehchhuah dan tur la ngaihtuah leh nise an ti.
(3)    Sailiam Kohhran ten SS hall sak tanpuina an dil chu District Treasurer Rev. H. Lalropuia report an ngaihthlak hnu-ah tanpuina hi pek ngei nise an ti.
(4)    Khawlailung Bunghmun Kohhran SS hall sak tanpuina an dil chu pek ni se an ti bawk.

———-

District PYD OB te fehchhuak:

Aizawl East District PYD OB ten Bial fan programme an hman mek chu chhunzawmin June.6, Thawhtan zan khan Bethlehem Bial tlawhin Bethlehem Biak Inah hun hlimawm tak an hmang.

He hun hi T.Upa Lalthansanga Colney, Bial PYD Vice President chuan kaihruaiin Thuampui Bial PYD Secretary Bro.Lalnunsanga leh District PYD Secretary, Evan Dr.R.Vanlalpeka te chuan report an pe a, inhmelhriattirna an nei nghal bawk a ni. District PYD OB ten Bethlehem Bial an tlawhnaah hian mal zai bakah Bethlehem Bial Zaipawl leh Pentecostal Choir ten fak hla an sa a, District PYD President, Rev.C.Lalmalsawma chuan thusawina a nei thung a ni. District PYD Education Sub-Committee bakah Fund Raising hruaitute hnen atangin thusawi tawi ngaihthlak a ni bawk a ni. Bethlehem Bial PYD atang hian PYD member 100 chuang an inkhawm thei a ni.

Aizawl East District PYD OB te Bial fan programme an hman chu chhunzawm mek zelin Mualpui bial, Upper Republic bial, Zemabawk leh Zemabawk North Bial bakah Khawhai bial leh Hnahlan Bial bakah, Thuampui bial leh Bethlehem bial te tlawh tawhin June 20 hian Bawngkawn Bial tlawhin hun an hmang leh anga June 27-ah Bazar Bial an tlawh leh dawn a ni.

———-

Seminar nei dawn:

Aizawl East District Board in District chhunga Licence holder te tan Seminar neih ni se a tih angin June 18, Inrinni hian District chhunga hmun hrang hrangah Seminar neih a ni dawn a, thupui-ah “Thuthlunga intuaitharna” tih hman a ni ang. Seminar neih tur hi zone hrang hrangah then niin Aizawl khawpui pawn lam tan June 19, Pathianni-ah Revival Programme hman tur niin resource person-a hman te Speaker-ah hman nghal tur an ni dawn a ni.

Zone then dan leh resource person turte:
1. Aizawl Zone: Zemabawk, Zemabawk North, Thuampui, Bawngkawn, Bazar, Bethlehem, Mualpui leh Upper Republic Bial te niin Mualpui Biak Inah neih tur a ni. Resource person-ah Rev.H.Lalropuia, District Treasurer a ni ang.

2. Serchhip Zone: Serchhip, Serchhip Dinthar, Chhingchhip, E.Lungdar leh N.Vanlaiphai bialte niin Serchhip Biakinpui-ah neih tur a ni. Resource person-ah Rev.Lalmalsawma Sailo, General Treasurer a ni ang.

3. Champhai Zone: Kahrawt, Bethel, Hnahlan, Khawbung bial te niin Champhai Kahrawt-ah neih a ni. Resource person-ah Rev KVL.Hmangaihkima, District Superintendent a ni ang.

4. Saitual Zone: Saitual, Keifang, Khawlian, Thingsulthliah Bial te niin Keifang Biakinah neih tur a ni. Resource person-ah Rev.VL.Hnemtluanga, District Missions Director a ni ang.

5. Darlawn Zone: Darlawn, Sakawrdai, Suangpuilawn, Khawruhlian leh Zohmun Bialte niin Darlawn hmunah neih a ni. Resource person-ah Rev Zohmingthanzama, General Secretary a ni ang.

6. Khawzawl Zone: Khawzawl, Khawhai, Rabung, Ngopa leh Kawlkulh Bialte niin Khawzawl Vengthar Biakinah neih tur a ni. Resource person-ah Rev.R.Laltlankima a ni ang.

———-

Revival Crusade:

Zemabawk North bial, Zemabawk Kohhran ten May 25, Nilaini atanga Revival Crusade an hman chu Pathian awmpuina hnuaiah hlim takin hman a ni a, Speaker-ah Rev KVL.Hmangaihkima hman a ni a, Kohhran ten hlim takin hun an hmang. Zemabawk Kohhran te hian May 28, Inrinni khan an Biak in sak thar chu Rev.KVL.Hmangaihkima, District Superintendent chuan hawngin Inrinni khan tisa ruai theh a ni a, Biakin hawn programme hman kal zelah Kohhranah hlimna thleng chho zelin Bro.TB Gurunga te chhungkaw kaltlangin June 4, Inrinni khan Pathian chawimawina neih leh a ni a, Crusade neih chhoh zel niin June 8, Nilaini khan Sis Ngunchiri te chhungkaw kaltlangin Pathian chawimawina hi neih leh a ni bawk a, Speaker-ah Rev R.Laltlankima, District Secretary hman niin zan lamah Rev H.Lalropuia, District Treasurer hnen atangin thuchah an ngaithla leh bawk a ni.

June 8, Nilai zan atang khan Bazar Bial, Armed Veng Kohhranah Rev R.Laltlankima, Speaker-a hmangin Revival Crusade neih mek a ni bawk a, Kohhran ten hlim takin hun an hmang. June 11, Inrinni chhun lamah rawngbawltute pualin Seminar neih a ni a, Resource person-ah Rev.R.Laltlankima an hmang bawk a ni.

District Missions Department in ruahmanna a siam angin N.Vanlaiphai Bial, Lungchhuan hmunah pawh Revival Crusade hi neih mek zel a ni a, Speaker-ah Rev VL.Hnemtluanga, District Missions Director chu hman niin District Missions hruaitute pawhin an telpui bawk a ni.

———-

Pathian chawimawina:

June 4, Inrinni khan Bazar bial chhung Ramthar leh Armed Veng South Kohhranah Pathian chawimawina hun hman a ni. Ramthar ah hian Sis. Lilipari te chhungkua in Pathian chawimawina an nei a, Pastor J.Lalhmingsanga, Keifang bialtu chu Speaker ah hman a ni a, Thlarau lam boruak nen hlim takin hun an hmang. Armed Veng South ah hian Upa Varkapzawna te chhungkua in chawimawina an nei bawk a, Speaker ah Bialtu Pastor, Rev C.Lalmalsawma hman a ni. Thlarau lam malsawmna nen hun hman a ni a, Pentecost Day thlengin programme an hmang  a ni.

June 4, Inrinni vek khan Thingsulthliah Bial Hqrs. Thingsulthliah Kohhranah Upa Vanlalrawna te chhungkua kaltlangin Pathian Chawimawina- REMNA RUAI Kohhran ten hlim takin an theh a, Pathianni zan thleng khan Revival a chhunzawm a ni. Speaker atan Evan. Philip VL Hmuchhuaka, District Evangelist chu hman a ni.

———-

Seminar cum Revival:

May 28 leh 29 chhung khan Champhai Bethel Bial LAD te buatsaihin Seminar cum Revival Hqrs. Kohhranah hman a ni. May 28, Inrinni nilengin Seminar neih a ni a. Thupui-ah Leadership &      Financial tih hman niin Resource person-ah Rev. E. Vanlalpeka Zote hman a ni. Inrinni zan atangin Revival meeting neih chhunzawm niin Rev. E. Vanlalpeka zote, Evan. C. Lalpiangthara, Evan. Tc.Kapzathanga te hnen atangin Pathian thu ngaihthlak thin a ni. Pentecost Day pawh tluang takin hman a ni a. Bethel Hqrs. Kohhran chuan Pentecost Day Speaker- ah Bialtu pastor, Rev. E. Vanlalpeka zote chu an hmang a. Chawhma inkhawmah member 6, chhungkaw 1 chu Bethel Hqrs. Kohhrana lawi turin Evan. C. Lalpiangthara chuan sengluhna a nei a ni.

———-

Mithar leh baptisma chang:

District Kohhranpuiin ramlak beihpui thlakna atana Khawbung biala rawngbawl tura a dah, Evan H. Lalremhlua rawngbawlna atangin June 4, Inrinni zan khan Khawbung Kohhrana lawi turin, chhungkaw khat Member Pali (4)  te chu Kohhranah sengluh an ni a, nau pakhat hlan nghal a ni bawk.

June 5, Pathianni khan Ngopa Hqrs. Kohhran a  lawi turin member 1 Kohhranah sengluh a ni.

Champhai Kahrawt-ah pawh June 5, Pathianni khan chhungkaw khat member 3 te chu sengluh niin Evan Charles Romalsawma kutah baptisma an chang a ni.
June 6, Thawhtanni khan Asish Lalruatfela, Zobawk, Lunglei mi chuan YouTube kaltlanga Rev KVL.Hmangaihkima thusawi ngaithlain thuthlung a hmu a, Rev KVL.Hmangaihkima kutah hian Isua hmingin Baptisma a chang a ni.

June 3, Zirtawp zan khan Evan.HK Lalhmangaiha leh a team te rawngbawlna kaltlangin Sakawrdai Bial chhung Vaitin local leh Sakawrdai Vengpui local ah member 3 ve ve (Member 6) te chu Kohhranah sengluh an ni. Evan HK Lalhmangaiha leh a Team te Sakawrdai Bial-a an rawngbawlna hi Lalpan malsawmin mithar engemaw zat Kohhranah sengluh an ni tawh a ni.

———-

Hruaitute programme:

District Superintendent Rev KVL.Hmangaihkima, District Treasurer Rev H.Lalropuia leh District LAD Hruaitute chuan Tripura District Darchawi Biakin sak tanpuina pe in Darchawi hmunah hian hun an hmang mek a, ruahmanna ang chuan Thawhtanni-ah Aizawl an rawn let leh ang.

Rev R.Laltlankima, District Secretary chuan Bazar Bial, Armed Veng Kohhrana Crusade neih mekah Speaker-ah tangin rawngbawlna a nei.

Rev VL.Hnemtluanga, District Missions Director chuan Lungchhuan hmuna Crusade neih mekah Speaker-ah tangin rawngbawlna a nei.

Rev Rohmingliana, District Sunday School Director chuan Pathianni hmanga Chandel District Chakpikarong hmuna Chandel District S.S Conference hman mekah telpuiin ruahmanna ang chuan Thawhtanni-ah Aizawl a let leh ang.

———-
———-

NORTH MIZORAM DISTRICT

HRUAITUTE PROGRAMME

Dist. Hruaitute Programme: Chaltlang Bial ten June NI 5 Pathianni atanga June ni 12 Pathianni thleng kum 50 an tlinna Golden Jubilee lawmna Prog an buatsaih-ah District hruaitute’n hetiang hian rawngbawlna an nei ang.

DIst. Supdt. Rev. Chhiarpuia’n June ni 11 Inrinni hian  Golden Jubilee lungphun hawnna neiin; thuhrilh rawngbawlna a nei ang a, Inrinni Zanah Dist. Secretary Rev. K. Lalduhsanga’n rawngbawlna neiin; a tuk June ni 12 Pathianni zingah Dist. Treasurer Rev. C. Lalthantluanga thuhril rawngbawlna nei lehin chawhnu hunah Rev. C. Lalramthanga’n Dist. Missions Director in rawngbawlna a nei thung dawn a ni.

———-

CHALTLANG BIAL TEN GOLDEN JUBILEE AN HMANG:

Chaltlang Bial te chuan an Bial din atanga kum 50 an tlin lawmna Golden Jubilee, Chaltlang Biak inah June ni 5 atanga ni 12 thleng lawmna inkhawm an buatsaih.

Golden Jubilee Programme hian kar 1 chhung awhin June ni 5 chawhnu dar 1:30 pm atangin Programme an tan a, June ni 12 Pathianni zanah Jubilee lawmna Prog hi a tawp dawn a ni.

Jubiee lawmna Programme hi kar kalta June ni 5 khan Chaltlang Bial Hqrs., Chaltlang Local Biak inah tan a ni a, Jubilee Organising Chairman Evan. R. Lalthangchhuana’n Prog kaihruaiin; Jubilee mei Sist. Hrangdailovi’n a det a, Former Gen. Supdt. Rev. P.Chunga hnen atangin Pathian thusawi ngaihthlak a ni.
Jubilee Organising COmt in ruahmanna an siam angin June ni 6 – 10 thleng khan Departmental service in programme kalpui a ni a, June ni 6 thawhtan zanah Bial PYD ten Inkhawm an nei a, June ni 7 thawhleh zanah Bial LAD ten Prog. Nei lehin, June ni 8th Missions Dept pual inkhawm neiin;   June ni 9th Ningani zanah Bial SS pual inkhawm neiin; June ni 10 zirtawp zanah Jubilee Organising inkhawm an nei leh bawk.
Heng Department tal inkhawmah te hian Bial Department hrang hrangte’n ruahmanna an siam angin, Chaltlang Bial din a nih atanga Dept lo hruai tawhtute chawimawina hun an nei thin bawk.

Jubilee lawmna pui ber hi June ni 11 Inrinni-ah hman tur niin; chanchin buatsaih lai hian chanchin kimchang hriat a la nih loh va, Jubilee organizing te ruahman dan chuan June ni 11 Inrinni zing dar 10:30-ah Chaltlang Bialtu Pastor kawtah Jubilee lungphun chu  NMD Supdt. Rev. Chhiarpuia’n hawngin, Biak inah Jubilee dar vawi 50 vuak a ni ang a, Biak inah inkhawm neih chhunzawmin; NMD Supdt. Rev. Chhiarpuia hian thuhrilh rawngbawl hna a thawk ang. June ni 12 Pathianni zingah Dist. Treasurer Rev. C. Lalthantluanga’n rawngbawlna neiin, Chawhnu hun Rev. C. Lalramthanga, Dist. Missions Director in hun a hmang ang a. Pathianni zan chu Dist. Secretary Rev. K. Lalduhsanga’n rawngbawlna a nei thung dawn a ni.

———-

PSM Registration Day hmang:

Pentecostal School of Ministry kum 2022 Batch chu kar kalta Nilaini June ni 1  khan Registration day neiin bul zirna bul an tan.

PSM Registration Day hi District Camping Centre Sakawrtuichhunah hmangin, inkhawm PSM Principal Rev. Chhiarpuia’n a kaihruai a, Hunserh Rev. C. Lalramthanga, Dist. Missions Director in hmangin; Registration day a nih anga PSM naupang kum 2022 batch 1st year atanga 3rd yeark te hming ziah luhna Dist. Secretary Rev. K. Lalduhsanga’n a nei.

PSM zirtirtu aiawhin Rev. C. Lalmuanpuia, Kol. Diakkawn Bialtu Pastor-in thu sawiin; Sist. K. Lalhmachhuani Dist LAD President-in thu a sawi bakah Districrt Treasuer Rev. C. Lalthantluanga’n thu a sawi bawk a ni. Thusawitute hian PSM zirna hian nghawng a neih that dan te, Thlarau boral tur sang tam tak Lalpa hnen a thlen tawh dan te sawiin; Zirlai naupang nia Pathian thu zir turin inbuatsaih mek te, finna leh hriatna neih piah lamah THlarau lamah chhunkhah ni tura inbuatsaih a tul thu an sawi hlawm a ni.

PSM 2022 batch-ah Pathian thu zir tura hming ziah thar 11 awmin, Graduat tur naupang 11 vek an awm bawk a ni.

Programme tluang taka hmangin Rev. Lalruatkima Fanai, Tlangnuam Bial Pastor in Malsawmnain Registration Day inkhawm a titawp ta a ni.

———-

PENTECOST DAY HLIM TAKA HMAN A NI:

Pathianni kal ta June ni 5 chu Pentecost Day a nih angin North Mizoram District huam chhung kohhran hrang hrang te chuan he ni pawimawh tak hi urhsun taka hmangin Sunday school zirlaite dah thain Revival Prog. -a hman a ni a, Sermon tute’n kohhran dik Jerusalema a lo pian dan te, Thlarau THianghlim hnathawh lo thlen dan te leh Pentecost Ni-atanga zirtirten THlarau thianghlim zara huaisenna neia Chanchin tha puan darh hna an thawh tan dan te sawiin; Pentecost kohhrante Lal Isua lo kal thlenga Pentecost Ni-a Lal Isua zirtirte zirtirna anga rinawma kal reng turin an infuih hlawm a ni.
He ni hi Penteocst Ni a nih angin NMD huam chhung kohhran hrang hrangah Thlarau Thianghlim hnathawh nasa takin a lo thleng a, Thlarau thianghlim baptisma chan thar bakah mithar lawmluh engemaw zat an awm bawk a ni.
Pentecost Ni hian District hruaitute’n heti hian Kohhran te an hmanpui: Dist. Supt. Rev. CHhiarpuia’n District Hqwrs. Kohhran, Dist. Secy Rev. K. Lalduhsanga’n Aibawk Kohhran, DIst. Treasurer Rev. C. Lalthantluanga’n TLangsang Kohhran leh Dist. Mission Director Rev. C. Lalramthanga’n Kolasib TUmpui Kohhrante an hmanpui a ni.

———-

THIANGHLIMNA CAMPAIGN NEIH A NI:

North Mizoram District Thianghlimna Committee hmalaknain May ni 22 atang khan Committee in fehchhuah tul nia a hriatna hmun Kohhran hrang hrangah, Thianghlimna Committee in a mi tirhte an fehchhuak a, June Ni 5 thleng khan Thianghlimna kawnga tan la thar tura infuih leh inzirtirin kohhran hrang hrangah Thianghlimna Campaign neih a ni.

———-

NORTH MIZORAM DISTRICT IN TANPUINA PE:

June ni 8 Nilaini khan Sihphir Bial Nisapui kohhrana lawi Sist. Lalhruaitluangi chu thlipuiin a in a tih chhiatsak avangin North Mizoram District OB Meeting thuchhuak angin  Rs 10,000/- in tanpuina hlan a ni. Thilpek hi Nisapuia Sist. Hruaii leh a fate chenna hmunah NMD Secretary Rev. K. Lalduhsanga’n hlanna neiin; Sist. Hruaii hian lawm takin thilpek hi a lo dawng a ni.

———-

HOME MISSIONS FIELD-AH MITHAR NEI:

NMD Home Missions field 3 atangin  member 17 lak luh thar an ni:-

1.Tumpanglui ah May ni 29 khan Bialtu Pastorin bial fan prog a neiin, mi thar 7 chhungkaw thum atangin a lawm lut a, an zingah hian vc member 1 a tel bawk, mi 7 in Baptisma Pastor kutah an chang nghal a ni
2.Bairabi Bial Kanantharah May ni 29 vek khan Missionary rawngbawlna atangin mi thar 1 lawm luh a ni bawk
3.Bilkhawthlir Bial chhunga awm, Sihthiang Missions Field-ah Missionary rawngbawlna atangin May ni 29 vek khan mi thar 8 lawm luh an ni a, nau 2 a hlan bawk. Sihthiang Missions Field-ah hian Pentecost Ni khan Chhungkaw khat member 6 chu lawmluh a ni bawk.

4.June ni 5 Pentecost Day khan Rasdali Mission Field-ah rawngbawltu rawngbawlna kaltlangin mithar Hindu atangin mithar 5 neih a ni a, Sual ngaihdamna Baptisma chang mi 4 an awm bawk.  (Mithar nei)

———-

SILCHAR RAWNGBAWLNA :

North Mizoram District Board in ruahmanna a siam anga Silchar rawngbawlna kal mekah rawngbawltu Evan. H.Lalnunmawia-a chuan rawngbawlna kalpui mekin, Silchar University a  Proff Dr. Lalthakim ten Missionary te mamawh leh chakkhai Gas Cylinder te an hmantir bakah Refrigerator tha tak mai Sist Dr Lalthakim leh Vungpi ten an pe a, an chungah North Mizoram District UPC NEI chuan lawmthu a sawi a ni. Tin, Silcharah hian Pathianni apianga inkhawm thinin inkhawmpui tur kan missionary te hian mi  15 bawr chu an hmu tawh a ni.

———-

HQRS BIAL, NURSERY KOHHRANA RAWNGBAWLNA:

Hqrs. Bial Nursery kohhranah May ni 26 zan atang khan Revival Crusade neiin; Tlangsang Bialtu Pastor C.Zoramthara Speaker atan hman a ni. He hunah hian Thlarau Thianghlim baptisma chang thar mi pariat awmin, mi 6-ten Lal Isua hmingin sual ngaihdamna baptisma an chang a, an zinga mi pahnih te hi Mi thar pawl dang atanga thlarau mit var neia lo lut te an ni.

———-

VAIRENGTE BIAL STATE VENGAH KOHHRAN THAR DIN A NI:

May ni 29 Pathianni khan Vairengte Bial Board rorel chuan  kohhran thar ni turin Vairengte, State Veng chu preaching point atan a puang.

Vairengte State Veng ah hian March ni  22 atang khan Evan.T.Vanlalruata leh a team Apostolic Revival Team ten rawngbawlna neiin; an rawngbawlna Lalpan mal a sawm zarah kohhran hi neih thar a ni.
May ni 30 thawhtan zanah Bialtu Pastor Lalpianthanga’n Kohhran hi form nghalin heng te hi Kohhran hruaitute hetiang hian a ruat:-

Chairman : Evan.Lalfala
Secretary : Bro.PT.Lala
Treasurer : Bro.Zokhuma

Kohhran ding thar tan hian Biak In hmun tur pawh District-in a lei fel tawh bakah Biak In sa tura hmalak mek a ni a, Biak In sak zawh a nih hmaa luah turin Sis.Lalrovi chuan an in hnuai tiruakin man lovin Biak In atan Kohhranhote a luah tir mek bawk. Tun dinhmunah Vairengte State veng Kohhran member 44 an awm mek a ni.

———-

CHALTLANG BIAL BAWNGKAWN BRIGRADE KOHHRAN CRUSADE:

April ni 23 atang khan North Mizoram District TIrhkoh Ramtlan Evan. C. Lalruatsanga leh a rawngbawlpui ten Chaltlang Bial Bawngkawn Brigade kohhranah rawngbawlna neiin; Rawngbawlna thla hnih dawn an neih hnuah May ni  30 thawhtanni khan an rawngbawlna hi a ṭiak ta a ni. Rawngbawlnaan neih chhung hian  Pathian malsawmna nasa tak  Bawngkawn kohhrante’n dawngin Sual ngaihdamna Baptisma chang mi 37 awmin; Thlarau Thianghlim Baptisma dawng thar 25 an awm a, Pentecost kohhran la ni ngai lo kohhran hrang hrang atangin Mithar Lawmluh mi 29 zet an awm bawk. Heti hian Chaltlang Bial Bawngkawn kohhrante hian kumin 2022 chhungin Lalpa zarah mi thar 62 zet an nei tawh a ni.

Bawngkawn kohhran ah hian Pathian  Chawimawina tunhnaiah ṭum 7 neih tawh niin; Pathian Chawimawina hi neih chhunzawm turin ruahmanna a kal mek bawk a ni.

———-
———-

LUNGLEI DISTRICT

HSSLC LEH HSLC PASS THAR TE LAWMPUINA HUN HMANG :

June ni 3 Zirtawpni chawhma dar 9:30 khan Lunglei District UPC in a enkawl  Christian Education Centre (CEC) School atanga HSSLC leh HSLC pass thar te lawmpuina hun Christian Education Centre (CEC) School Class X Room-ah neih a ni.

He hun hi C.Lalrosanga, Vice Principal chuan a kaihruai a, District Superintendent Rev.C.Vanlalena chuan hunserh hmangin Principal P. Samson Vanlalfela chuan thu a  sawi.

Class XII leh Class X zirlai pass chhuak te aiawhin mi pakhat ve ve in thu an sawi bakah zai mawi tak tak ngaihthlak a ni a, hlawhtlinna chang zirlaite hnenah thilpek hlan a ni a, Award hrang hrang hetiang hian sem a ni.

1. Chalthantluangi Trophy HSSLC & HSLC distinction pass te hnenah pek a ni.

2. HSSLC topper (CEC), hnenah Zakamlova Award pek a ni

3. HSLC a topper (CEC) hnenah Rev CS Pachhunga award pek a ni.

Pass thar te lawmpuina hun hi District Superintendent Rev.C.Vanlalena leh Secretary Rev.C.Lalrintluanga ten an telpui a, CEC School tan thilpek an hlan.

He hun hi tawngtainain Rev.C.Lalrintluanga District Secretary chuan tawngtainain a ti tawp a ni.

Kumin HSSLC result chhuakah Christian Education Centre (CEC) School atang hian mi 12 exam in 12 an Passed a, HSLC ah hian mi 28 exam zingah mi 22 ten hlawhtlinna an chang a ni. (Pic. CEC School)

———-

S.PHAILENG BIAK IN HAWN A NI DAWN:

June ni 11 Inrinni hian Haulawng bial chhunga awm S.Phaileng Local biak in chu Rev.C.Lalrintluanga, Secretary Lunglei District UPC chuan a hawng dawn.

Biak in hawn inkhawm hi bialtu Pastor Rev.R.Lalsangzuala chuan a kaihruai anga, tlai lamah biak in thar lawmna ruai an kilho ang. Biak in hawn programme hi June ni 10 zirtawp zan atanga June ni 12 Pathianni zan thleng hman a ni ang.

S.Phaileng Local te hian an biak in hawn tur hi kum 2017 atanga an sak tan a ni a, kum 2017 May ni 2 khan Rev.C.Hmingthanfala chuan biak in sak tur lungphum hi a lo phum tawh a ni. He biak in hi a dung 60 ft. avang 27 ft. a sak ni.

Biak in sak nan hian Rs.3000000 (Nuai sawmthum) vel an seng a, tunah hian S.Phaileng Local-ah hian Member 102 an awm mek a ni. (Pic.S.Phaileng biak in)

———-
———-

LAWNGTLAI WEST DISTRICT

District Puipa te hun hman dan

Rev.F.Lalbiakthuama, District Superintendent.
Dt.11.June.22 ah District Building Board neih a telpui a ng.
Pathianna ah Mampui Local church ah rawngbawlna a nei ang.

Rev.Lalsawmliana Sailo.District secretary
Diltlang bial Mission department in Lawngtlai College veng Local Church an tlawh dawna a hman pui ang.

———-

Pentecost day hman leh Mithar lawmlut

Lawngtlai West District chhunga Local Church hrang² te chuan Pentecost day chu mahni rem chang ang zelin day hi hman niin a tam zawk chuan thinhpui ruaiin an hmang a ni.

Dt: 5.6.2022 sunday khan Lawnhtlai Council veng chuan Pentecost day hlim awm tak hmangin Zaikhawm nate neih a ni a, Sawhchiar Ruai buatsaih a ni bawk.zaikhawm pawh an hlim hle a ni.

Hemi rual hian mithar chhungkaw khat(1) member panga(5) chu Eavn C.Lalhmingliana chuan  a lawm lut bawk.

———-

DARNAMTLANG LOCAL PENTECOST DAY

Darnamtlang chuan Pentecost day chu urhsun taka hmangin Arsa sawhchiar nen hun hman a ni a,Speaker a tan Pastor K Lalzawmsanga Bungtlang South Bialtu chu hman a ni a,naute pakhat(1)hlan niin zaikhawmna te neih a ni.Pastor K.Lalzawmsanga hi Bro Vanlalvuanan a tawiawm bawk a ni.

Dt. 12.june.22 khan Evan.George Lalawmpuia District Mission Secretary chuan Mampuiah Financial cum Missionary support a nei a, Zaithiam Sist.Lalhmingtanzuali leh Sist.Lalsaitluangi ten zaia rawngbawlna an nei bawk a ni.

———-
———-

TUIPANG BIAL REPORT

Tuipang bial LAD Conference rorelna in Local tin ah Leadership training neih nise a tih angin Dt.3.6.2022 ah a thawhkhatna atan bial hqrs Local,Tuipang ‘V’ Local ah hlawhtling takin neih a ni.

Pastor Robert B.Lalnunsiama T,Sectional pastor in Nuho mawhphurna kohhran ah tih thupui hmangin powerpoint presentation a nei a. Upa K. Lalzuia,Local chairman in  Buhfaitham leh Puan lukhum var tih thupui hmangin paper presentation tha tak a nei a,kalkhawmte’n an hlut in an hlawkpui hle.

Ni 4.6.2022 ah District PYD rorel bawhzui nan Tuipang V’ Local PYD ten Dairy Tuikhur bulah thingtiak enge maw zat an phun. Thingtiak phun hmain  Bro. Z Lalbiaksanga, president local pyd in hun kaihruaiin , Pastor Robert B Lalnunsiama T Bialtu pastor in lawmthu sawina leh tawngtaina neiin,thingtiak phunna anei nghala,thingtiak phun rual hian tuikhur leh avel te tihfai nghal ani.

———-

BIAL HRANG HRANG IN PENTECOST DAY HMANG

Dt:5.6.2022 Pentecost day chu Siata Local hnih te chuan ruai nen hmun khat ah hmangin thlarau lam malsawmna nen hlim takin hun an hmang.

AINAK LOCAL

Ainak Local te pawn Pentecost day hi ruai nen hmangin thlarau lam malsawmna nen an hun an hmang.

NIAWHTLANG III (km 10)

Niawhtlang lll (km10) Local te pawn Pentecost day hi ruai nen hmangin an hlim hle.

NIAWHTLANG LOCAL TLAWH

Ni 3.6.2022 Thlenkim ni a hmangin S Lungpher Local LAD te chuan Niawhtlang local te an tlawh a, Speaker atan Rbt R Hmingthanzuala hman ani a,tisa ruai nen kohhran ten hun hmangin  Pentecost ni pawh hlim  takin an hmang.

———-

PENTECOST DAY HMANG

Meisatla Local te pawn Pentecost ni hmang ve in  Speaker atan Rev Joseph L Thlauhthang District Superintendent chu hman ni in,Kohhranten tisa leh thlarau ah malsawmna tam tak an dawng ani.

———-

CHAWIMAWINA NEI

District hqrs Local te  chuan 3.6.2022 Zirtawp zan atang a hmang tanin chawimawina hun an hmang.Chawimawina hi Upa C Raltawna Local chairman te chhungkua in an hlan a,Tisa ruai nen kohhranten hun  an hmang ani. Pentecost day pawh  hlim takin an hmang bawk.