GENERAL NEWS
HRUAITUTE PROGRAMME:
General Superintendent Rev. R. Lalrinsanga chuan July ni 8 Zirtawpni khan Kolkata Missions Field ah rawngbawlna nei tur in Aizawl a chhuah san a, July ni 9 inrinni ah Ganga sagar Island-ah Baptisma rawngbawlna neiin July ni 10 Pathian ni hian Battanagar, Kolkata ah Mithar lawmluhna leh Baptisma rawngbawlna a nei leh ang.
July ni 10 Pathianni hian General Secretary Rev. Zohmingthanzama lehkhabu ziah “Thuthlung thar Thuril thuk” tih chu North Mizoram District, Headquarters Tuikhuahtlang-ah Tlangzarhna neih a ni ang.
General Treasurer Rev. Lalmalsawma Sailo chuan July ni 10 Pathian a Rev. Zohmingthanzama lehkhabu ziah “Thuthlung thar Thuril thuk” tih Tlangzarhna ah hun hmanpuiin inkhawm kaihhruaihna a thawk ang.
———-
UPC NEI BEIHRUAL THUPUI BU 2022 TLANGZARH:
July ni 5 Thawhlehni khan UPC North East India Literature and Publication Board buatsaih Kum 2022 UPC North East India Beihrual thupui zirtur, “Chhandamna lawng” tih chu UPC North East India General Superintendent Rev. R. Lalrinsanga’n a tlangzarh a ni.
Tlangzarh Inkhawm hi General Headquarters Committee Room, Mualpui Salem veng ah neih a ni a, Literature and Publication Board Chairman, Rev. Zohmingthanzama’n kaihruaiin, lehkha bu ziaktu Rev. R. Vanlalawia hnen a tangin report ngaih thlak a ni bawk. Beihrual thupui bu, “Chhandamna lawng” hi 7000 copies chhut niin General Heeadquarters Office Aizawl ah te, Pentecostal Book Store leh District office hrang hrang ah te Kohhran mipui te tan lei theih a ni ang.
———-
———-
AIZAWL CITY PYD TEN THISEN PE:
July ni 2 inrinni khan Aizawl City PYD co ordination Committee buatsaihin Aizawl Civil Hospital-ah Damlo mamawh te hman tur Thisen pek a ni.
Aizawl City PYD co ordination Committee hian Aizawl Khawpui chhunga Bial hrang hrangte Thisen pek dan tur ruahmanna siamin Group hrang hrang ah a then a, Tuntum ACPYD Blood Donation Camp 1st phase-ah hian Bial 4, Durtlang Bial, Maubawk Bial, Mualpui Bial leh Zemabawk Bial atangin Mipa 57 leh Hmeichhia 12 ten Thisen Unit 69 an pe a ni.
———-
AIZAWL EAST DISTRICT
OTS in Graduation Day hmang:
July 3, Pathianni chawhnu khan Aizawl East District in thla khat chhung Pathian thu zirna a neih, Oneness Theological Seminary (OTS) chuan Zemabawk North Bial, Zemabawk Biak Inah kum 2022 Session a zirlai pass chhuakte pualin Graduation Day a hmang.
Rev.KVL.Hmangaihkima, Principal OTS chuan kaihruaiin inhmelhriattirna a nei a, hunserh Rev.R.Laltlankima, District Secretary-in a hmang a ni. Result puanna Rev.C.Lalengliana, Secretary TEB chuan neiin Graduate student te Conferna leh Certificate hlanna Rev.K.Malsawmtluanga, Principal, CBC chuan neiin fuihna thu a sawi bawk.
Zirtirtu aiawhin Rev.Rosanga Kawlni leh Zirlai aiawhin Pastor F.Malsawmtluanga te chuan thusawina an neih bakah District Department hrang hrang aiawh ten thusawi tawi an hmang bawk a ni. OTS Graduation Day hmannaah hian Rev.R.Lalrinsanga, General Superintendent hnen atangin fuihna thu tha tak tak ngaihthlak a ni. Rev.H.Lalropuia, Treasurer kaihhruaiin sawm bikte bakah TEB member leh zirlai graduate te hnenah thilpek hlan niin CBC Computer leina tur sum, CBC Principal hnenah hian hlan tel nghal a ni a, District LAD ten Graduate student te hnenah thilpek an pe bawk. OTS Graduation day hmannaah hian Sis.Lalropari chuan zaia rawngbawlna neiin Rev.Pc.Lalnghakliana’n malsawm tawngtaiin inkhawm a titawp a ni.
Kumin OTS-ah hian zirlai 29 lutin heng zinga 11 te hian kumin hian zirchhuakin Certificate in Theology (CTh.) hlan an ni. OTS hi CBC-a in affiliate niin mi engemaw zatin an lo zirchhuak tawh a ni.
———-
District PYD Board:
July 1, Zirtawpni khan District Committee room-ah Aizawl East District PYD chuan kum chanve Board Rev.C.Lalmalsawma, President kaihhruaiin an nei. Board hi District Kohhranpui hruaitute bakah Gen.PYD President-in a telpui bawk a ni. Rev KVL.Hmangaihkima, District Superintendent chuan hunserh hmangin rorel palai kalkhawmte lawmna thu a sawi a ni. Rev H.Lalropuia, General PYD President chuan General PYD report tlangpui a pe bawk a ni. He hunah hian thu ngaihtuah tur engemaw zat lutin an thu passed langsar zualte:
1. Street Ministry din tha tih niin Executive meeting in a kalpui dan tur leh a committee tur te lo siamin lo ruat se tih a ni.
2. State leh Central Service (Competitive exam) Exam-a prelims paltlang te hnenah financial support pek ni se chumi atan chuan Budget pawh dah nise tha tih a ni. He Support hi kumthar atanga hman tan nise, pek zat tur leh budget dah zat tur chu executive meeting in lo ngaihtuah se tih a ni.
3. District PYD hian Pathian thu zirna hun siam nise tha tih niin executive meeting in ruahmanna lo siam se tih a ni.
4. General PYD in chanchinbu kan neih Thlamuantu Chanchinbu man chungchang ngaihtuah niin District PYD in Tualchhung tin pek dan list lo siam se, Bial tin hriattirin, Bial in a rang lamin hma lo la se tih a ni.
5. Mission Field a Biak In sakna tur hmun thlir nawn niin Darjeeling (North Bengal and Sikkim Missions Field ) hmunah Biak In sak tura ruahmanna siam a ni.
6. District PYD inkaihhruaina (Dan bu) chu District Kohhranpui approve tura pawm a ni bawk.
———-
Audit:
Aizawl East District hnuaia Kohhranpui leh Department hrang hrang bakah Sub-Committee te Kum chanve sum chu July 5, Thawhlehni atang khan District Office-ah Audit neih a ni a, tluang takin July 8, Zirtawpni khan an zo fel. District Board in heng mite hi Auditor atan a ruat a ni: Rev Rosanga Kawlni, Rev C.Lalmalsawma, Rev. E.Vanlalpeka Zote bakah Upa Jimmy L.Renthlei te niin Audit hi tluang takin an zo thei a ni.
———-
Biak In sakna tur lungphum hawnna nei:
July 3, Pathianni chawhma inkhawm ban khan District Hqrs. Biak In thar sakna tur lungphum hawnna Rev.H.Lalropuia, District Treasurer chuan a nei. He hun hi District Office chung zawlah hman niin Rev C.Lalmalsawma, Bialtu Pastor chuan a kaihruai a ni. District Hqrs.Biak In hi District Office chung hian District Board remtinaa sak tur niin tunah hian Biak in sak hna hi chak taka kalpui chhoh mek a ni. Lungphum hawnna-ah hian Kohhran hruaitute an tel thei a ni.
———-
CBC Library tan thilpek pe:
July 6, Nilaini khan Bazar Bial Pastor Quarters-ah Bazar Bial PYD te chuan CBC Library atan Rs 8,200 an hlan. General PYD Treasurer, Bazar Bialtu Pastor ni bawk Rev C.Lalmalsawma chuan General PYD te’n CBC Hostel khum siamna tura an la pek bang Rs 26,500 an pe tla bawk. Heng thilpek te hi CBC Principal, Rev K.Malsawmtluanga chuan a dawng a ni.
———-
Thisen pe:
Bazar Bial PYD te chuan Kumin 2022-a a tum hnihna atan thisen an pe leh. Thisen hi Civil Hospital Aizawl-ah kalchilhin an pe a ni. Thisen hi Unit 38 pein mipa 31 leh hmeichhia 7 ten an pe a ni. Kumin March thla khan Bazar Bial PYD te hian thisen hi an lo pe tawh a, hetah hian Unit 63 an lo pe tawh a ni. Heti hian kumin chhungin Bazar Bial PYD te hian Thisen Unit 101 an pe tawh a.
———-
Bial PYD ten infuihtharna hmang:
July 4, 2022 Thawhtan zan khan Mualpui Bial PYD te chuan Pathian Thu zirna kawnga Bial chhung thalaiten hma an sawn theihnan tiin Infuihtharna Programme an buatsaih. He hunah hian Rev. K. Malsawmtluanga, CBC Principal chu rawngbawlna nei tur a sawm a ni. Pathian thu zirna chungchang bakah Pathian thu pawimawh tak tak zawhna leh chhanna hun te hman a ni bawk. Bial chhung thalai ten an hlawkpui hle a ni.
———-
Naupang pual lang camp nei:
July 1, Zirtawp zan atang khan Mualpui Local ah Evan. HK.Lalhmangaiha leh a team te chuan rawngbawlna a nei a, Inrinni khan Sunday School lang camp hlawhtling takin an nei. Llang Camp ah hian mi l00 vel an lut a, Thlarau malsawmna tam tak an dawnga, mi 40 vel in thlarau thianghlim baptisma an chang a ni. July 3, Pathianni khan mi 10 in sual ngaihdamna baptisma an chang a, Thlarau Thianghlim baptisma chang thar an awm nual bawk a ni. Lang camp boruak kal zelah July 6, Nilaini khan Evan Lalhmachhuana Varte te chhungkua chuan Pathian chawimawina an nei a, Kohhran ten hlim takin hun an hmang a ni. Speaker-ah Evan HK Lalhmangaiha an hmang a ni.
———-
Mithar leh baptisma chang thar:
Bro.H.Vanlalhruaia te Muanna venga an rawngbawlna kal zelah June 30, Ninga zan khan chhungkaw khat, member 3 chu Kohhranah sengluhna Bialtu Pastor, Rev.Pc.Lalnghakliana chuan a nei a, naute hlanna a nei nghal bawk.
Bro.H.Vanlalhruaia leh a rawngbawlpuite hian Muanna Vengah hian rawngbawlna an nei mek a, Pathian chawimawina/ lawmthu sawina a vawi 5 na turin July 2, Inrinni khan neiin Kohhran ten hlim takin hun an hmang a ni. Bro.H.Vanlalhruaia rawngbawlna kaltlang hian mi 19 in sual ngaihdamna baptisma chang thangin an zinga 5 hi mithar niin Kohhranah mi 8 sengluh an ni tawh a ni.
July 3, Pathianni khan Serchhip Electrict kohhranah mithar pakhat sengluh a ni a, Chanmari Kohhranah Evan C. Lalropuia rawngbawlna kaltlangin kohhran member nisa mi pahnihin sual ngaihdamna baptisma an chang bawk.
July 3, Pathianni khan Zemabawk West Kohhran ten Baptisma khur hawnna an nei a, Mi 5 in Isua hmingin Baptisma an chang. Baptisma changte hi Kohhran dang atangin mi 4 leh kohhran member ni sa mi pakhat niin Member thar 4 te hi Kohhranah sengluh nghal an ni bawk. Zembawk West Kohhranah hian nau Pakhat hlan nghal a ni a, Chawhma inkhawmah vek hian Zemabawk Kohhran ah Evan Lalbiakmuanan nau Pakhat a hlan bawk.
July 3, Pathianni vek khan Saitual Bial, N.Lungpher hmunah Bialtu Pastor Rev.T.Lalbiakliana kutah mi 3 in sual ngaihdamna baptisma an chang a, an zinga pakhat hi mithar niin Kohhranah sengluh nghal a ni.
July 2, Inrinni khan Bazar Bial, Armed Veng South Kohhranah Sis Lilipuii te chhungkua in Pathian chawimawina an nei a, Rev C.Lalmalsawma, Bialtu Pastor chu Speaker-ah hman a ni. Thlarau malsawmna nasa tak a thleng a, mi 2 in sual ngaihdamnan Isua hmingin Baptisma an chang. Chhinga veng ah Rev. H.Lalropuian, District Treasurer chuan Pathianni zan inkhawmah rawngbawlna a nei a, mithar pakhatin Isua hmingin Baptisma a chang bawk . July 2, Inrinni khan Ramthar kohhran ah Bro. Henry-a te chhungkua in chawimawina neiin Pastor J.Lalhmingsanga Speaker ah hmangin Lalpa malsawmna tam tak an dawng a ni.
———-
Hruaitute Programme:
Rev.KVL.Hmangaihkima, District Superintendent chuan Pathianni zan hian District Hqrs.Kohhranah thusawi rawngbawlna a nei ang. Pathianni chawhnu-a North Mizoram District Hqrs. Biak In-a Rev.Zohmingthanzama lehkhabu ziah tlangzarahnaah a tel bawk ang.
Rev. VL.Hnemtluanga, District Missions Director chuan Pathianni hmang hian Keifang Bial, Maite Kohhranah Missionary Support zawngin rawngbawlna a nei ang.
———-
———-
NORTH MIZORAM DISTRICT
NMD HRUAITUTE HUN HMAN TAWH LEH PROGRAMME DUANLAWK RUAHMANNA
DIST. SUPERINTENDENT: Dist. Supdt. Rev. Chhiarpuia chuan July ni 3 Pathianni khan Aibawk Bial chhunga kohhran pahnih Muallungthu leh Falkawn kohhran tlawhin Muallungthu kohhranah zing lamah rawngbawlna a nei a, chawhnuah Falkawn kohhran a inkhawm thung. Heng kohhran pahnihah hian Dist. Supt chuan rawngbawlna neiin; Kohhranhote’n an lo lawm hle a ni. (Rev. Chhiarpuia)
DISTRICT TREASURER: North Mizoram District Treasurer Rev. C. Lalthantluanga chuan July ni 8th Zirtawp zan atanga ni 10 Pathianni zan thleng Tlangnuam Bial Samtlang Kohhranah Pathian Chawimawinaah Speaker niin rawngbawlna a nei ang.
DISTRICT MISSIONS DIRECTOR: Dist. Missions Director Rev. C. Lalramthanga chuan Aizawl khawpui chhunga kohhran hrang hrang te tlawh programme a siamah, July ni 10 Pathianni zing tanga zan thlengin inkhawmpuiin rawngbawlna a nei ang.
———-
DISTRICT NEWS:
PENTECOSTAL SCHOOL OF MINISTRY GRADUATION DAY HMANG DAWN:
North Mizoram District te kum tina Pathian thu zirna an kalpui thin Pentecostal School of Ministry (PSM) Graduation Day chuan July ni 8 Zirtawpni khan Hqrs. Kohhran Biak in, Tuikhuahtlangah an hmang.
Graduation Day hman inkhawm hi Principal Rev. Chhiarpuia’n kaihhruaiin, Kum 2022 batch-a Naupang te result Rev. K. Lalduhsanga’n a puang a, Graduat thar te Degree hlanna Calvary Bible College Principal Rev. K. Malsawmtluanga’n a nei bawk.
———-
UPC, NORTH MIZORAM DISTRICT, PENTECOSTAL BOOKSTALL HAWN A NI:
Thawhtanni kal ta July ni 4 khan Kum 1995 atanga mumala kalpui tawh loh North Mizoram District enkawl Pentecostal Book Stall chu District hruaitute ruahman angin hawn thar leh a ni. Bookstall hi NMD Supdt. Rev. Chhiarpuia chuan Pathian ropui nana hawngin, he Bookstall kaltlang hian North Mizoram District chuan Pathian thu tak zirzau leh hriatna kawnga nasa takin hma min sawntir dawn a ni tiin; Bookstall hawn hi tawngtaiin Pathian hnenah a hlan. He Book stall-ah hian lehkhabu tha chitinreng leitheih tura buatsaih bakah PG School mamawhte pawh he stall kaltlanga ruahman turin an inbuatsaih mek a ni a, Lehkhabu hlui leh hlu tak tak pawh man man takin lei tur a awm reng a ni. (Bookstall)
———-
DISTRICT DEPT NEWS:
CAMPING ATAN INBUATSAIH:
District PYD hmalaknain North Mizoram District PYD te chuan chuan Chhandamna Camping an buatsaih turah July ni 6 Nilaini khan Camping an neihna hmun tur District Camping Centre Sakawrtuichhunah hnatlang neiin; inbuatsaihna an kalpui tan a, hnatlang hi District PYD hruaitu pathum ten hovin; hemi ni hian Centre kawt zawl RCC phah bakah rawng hnawih ngai leh tul pawimawh hrang hrang te an thawk a ni (Camping inbuatsaih)
———-
Mithar neih a ni:
July ni 3 Pathianni khan Rengdil Bial New Eden khuaa BBC tang chhungkaw khat member paruk awmna chu UPC NEI kohhranah lawmluh an ni, New Eden-ah hian District Missions Dept chuan Casual worker Bro. Remruatkima dahin a rawngbawlna Lalpan mal a sawm hle a ni. (Pic New Eden)
———-
BIAL NEWS:
CHALTLANG BIAL:
Chaltlang Bial, Bawngkawn Kohhranah Chawimawina țum 10-neihna ah sual ngaihdamna baptisma chang thar mi panga (5) an awm.
July ni 03 Pathianni khan Chaltlang Bial, Bawngkawn Kohhranah Pathian Chawimawina a tum-10-na neih a ni a, Pathian Chawimawina hi Bro. Robert Lalchhandama te chhungkua kaltlanga neih a ni. Evan C.Lalruatsanga’n rawngbawlna neiin; Chawimawina hmasa lam a Pathian thuthlung hmua mi thar lawm luh, unaupa Emmanuel Lalthanmawia fanu, Olivia Zothantluangi chu Bialtu Pastor Rev. PC Lalfela’n Pathian hnenah a hlan bawk.
Inkhawm banah Baptisma rawngbawlna Speaker-in a neih chhunzawn a, Lal Isua hminga sual ngaihdamna Baptisma chang thar member panga an awm thar bawk a ni (Bawngkawn rawngbawlna)
SIHPHIR BIAL: July ni 3 Pathianni zing khan Rev. B. Vanlalruata Sihphir Bialtu Pastor chuan UPC of NEI-a lawi turin mithar chhungkaw khat Member 8 te chu Lal Isua hmingin a lawmlut, heng mithar te hi Sihphir UPC NEI Biak inah an lawi dawn a ni. (Sihphir mithar)
———-
———-
LUNGLEI DISTRICT
DISTRICT BOARD VAWI 206-AN NEIH A NI:
July ni 6 Nilaini khan Lunglei District UPC Board vawi 206-na chu District UPC Conference Hall-ah Superintendent Rev.C.Vanlalena kaihhruainain neih a ni a, an rorel pawimawh zualte:
1. Bro. H. Vanlalhruaia S/o Evan H. Thangkunga Sesawm Vengchhak Local, Bunghmun Section chu Local Licence Recommend nise tha tih a ni.
2. Pastor Article Collection siam tum a ni a, Pastor-te thuziak tur thupui thlan fel nghal a ni.
3. Pentecostal Social Ministry (PSM) chuan Skill Development lama hma an lakna turah Puanthui zirna buatsaih an tum a. Chumi atana an mamawh tur Rs. 200,000/- (Nuai hnih) pawm sak a ni.
4. Kum 2023 hian Lunglei District in UPC (NEI) General Conference Vawi 55-na kan thleng dawn a. Pukpui Local ten he General Conference hi an thleng/dawl dawn a, Sum senso ngai awm tur te chu kumtawp District Board Budget Session huna ngaihtuah atan dah a ni.
5. Kum 2022 UPC (NEI) General Conference chu Chandel District in an thleng dawn a. Bial tin atanga Palai (Licence Holder) kal thei turte chu Bialtu Pastor ten October thla (2022) ral hma-in District Hruaitute hnenah Report nisela, Report awmdan a zir in hruaituten hma lak tur a ni ang.
6. Chawnpui Local, Tlabung Bial te’n District LAD bul tum in, Biak In an sa mek a, biak in sak tanpuina Rs.50000 pek phawt nise tha tih a ni
7. Kum chanve hnulam a ramlak beihpui thlak dan tur sawiho a ni a, Bialtu Pastor te leh District hruaituten in be rawn in, a tul ang in rawngbawlna tur ruahmanna siam thin nise tih a ni. (Kum 2022 kum chanve-ah Pastor Bial hrang hrangah member thar 190 lai seng a ni tawh a ni)
———-
P.B.S. IN GRADUATION DAY AN HMANG :
July ni 3 Pathianni khan Lunglei District-in thla khat awh Pathian thu zirna a neih Pentecostal Bible School (PBS) chuan Graduation Day, Headquarters Local UPC biak in, Chanmari-ah an hmang.
He hun hi PBS Principal Rev.C.Vanlalenan a kaihruai a, District Missions Director Rev.R.Vanlalenga chuan ṭawngṭainain Graduation day a hlan a, Lunglei District UPC Choir ten zaiin rawngbawlna neiin, PBS Secretary Rev.C.Lalrintluanga chuan fuihna thuchah a sawi.
PBS Registrar Pastor K.Vanlalhruaia chuan result a puang a, lawmman chi hrang hrang dawng tur puangin, lawmman semna neih chhunzawm a ni. Hetiang hi lawmman dawngtute an ni.
1. Gold Medalist (Graduate zinga ti ṭha ber) Sist.Angelly C.Lalthlamuanpuii, Pukpui Local hnenah Rev.Zalawma Award hlan a ni.
2. Topper (Kumina zirlai titha ber) Sist. Angelly C.Lalthlamuanpuii, Pukpui Local hnenah R.Sapchhawna Award hlan a ni.
3. Best Promising student – Bro.Jacob Lalhriatpuia, 3rd Year
4. Best character – Bro.Ramdintluanga, 1st Year
5. Student of the Year –
Bro.Vanlalpeka, 3rd Year
Rev.PC.Nghakliana chuan Graduate Student-te Degree hlanna a nei a, 1st year leh 2nd year Student ten Graduate Student te thlahna hla mawi takin an sa bawk.
Graduate Student aiawhin Sist.Angelly C.Lalthlamuanpuii chuan thusawina neiin, PBS Dean Rev.PC.Lalfakawma chuan lawmthu sawina a neih chhunzawm a, PBS Teacher Pastor T. Zahmingliana chuan ṭawngṭainain hun tawp a khar a ni.
Kumin hian PBS ah hian zirlai 19 an awm a, mi 10 te an Graduate a ni.
PBS hi Certificate Course a ni a, Calvary Bible College hnuaia in affiliate a ni.
Kumina PBS atanga Graduate-te:
1. Vanlalpeka, Rahsiveng
2. Lalzawmpuii, Zotuitlang
3. T.Lalrinmawia, Thualthu
4. Vanlalthlamuansiama, Mualcheng S
5. J.Lalnunthara, Saikhawthlir (Lawngtlai West District)
6. Jacob Lalhriatpuia, Ramthar AOC
7. R.Lalruathlua, Thenhlum
8. Angelly C.Lalthlamuani, Pukpui
9. Lalsanglura Sailo, College veng
10.Lalduhkima, Lawngtlai (Lawngtlai West District) (Pic.PBS Graduation Day)
———-
PASTORAL WORKSHOP HLAWHTLING TAKIN NEIH A NI.
July ni 5 Thawhlehni khan UPC (NEI) Lunglei District hnuaia Pastor ten Workshop neiin thupui hrang hrang hmangin thuzir a ni. He hun hi Rev C. Vanlalena District Superintendent in a kaihhruai.
He hunah hian ramlak beihpui chhuah dan turte sawi ho a ni a. Social Media hman dan chungchangte, Pastor ten kan rawngbawlna kawnga hmasawnna tur leh hmalakna tur chungchang te, kohhran inkaihhruaina dan kan hman dan thute, zirtirna himlo thei lakah kohhran mipuite kan ven lawk a ngaihdan thu te bakah infuih tharna hun te hman a ni. (Pic.Pastoral Workshop)
———-
LUNGLEI DISTRICT PYD BOARD TLUANG TAKA NEIH A NI :
June ni 30 Ningani khan PYD Lunglei District Board vawi 98-na chu District UPC Conference Hall-ah President Evan.C.Lalremchhunga kaihhruainain neih a ni a, an rorel langsar zualte:
1. Lunglei District PYD Conference 2023-a Lungsen a neih tur thlirlawkna neih a ni a, Speaker atan heng mite hi ruat an ni.
– General PYD President
– District Superintendent
– Pastor K.Vanlalhruaia
– Evan.C.Lalremchhunga
– Evan.Laldinpuia Sailo
Conference thupui atan
‘Zirtirna dik’ Tita 2:1 chu hman nise ṭha tih a ni.
2. District PYD hnuaia Sub.Comt.leh Social work day Account Auditors atan District PYD President, Secretary leh Treasurer te ruat an ni.
3. Environment Protection Committee chairman nilai Evan.Lalrinmawia chu Pastor atana lak anih tak avangin a aiawh turin Rbt.K.Lalrintluanga, District PYD Fin.Secretary chu Chairman atan ruat thar a ni.
4. October ni 2 hi Social Work day a ni a, Town Area PYD te chuan a huhoin hman leh nise, Town area nilo Local 1 aia tam awmna khua te chuan a huhoin hmang se, a bak chuan an remchan dan angin hmang se ṭha tih a ni. Town Area Social work day Committee hruaitu atan heng mite hi ruat an ni.
Chairman – Upa C.Malsawmkima, Vice President District PYD
Secretary – Rbt.H.Lalhmingmawia
Treasurer – Evan.Lalringzuala Pachuau, Treasurer, District PYD.
5. General PYD Conference November ni 10-13 chhunga Khawzawla neih tur thlirlawkna neih a ni a, hetiang hian ruahmanna siam a ni.
– Bial tinin kal dan tur inngaihtuah se.
– Bial chhung aṭanga item nei turte chuan July ni 10 ral hmain District PYD Secretary hnenah thehluh tur a ni.
(Pic. District PYD Board)
———-
Ṭawipui bial PYD hnuaia Sub Committee Pakhat Environment Protection Committee hmalakna in Thing ṭiak 110 Ṭawipui Bial a veng hrang hrang Pasarih (7) in Thing ṭiak an phun.
July ni 4 Thawhtanni khan Ṭawipui bial PYD hnuaia Sub Committee Pakhat Environment Protection Committee hmalakna in Thing ṭiak phun a ni a. Kung 110 phun a ni.
Environment Protection Committee (EPC) chuan heng thing ṭiak te hi Ṭawipui bial chhung a veng hrang hrang ah sem kual in Bial chhung a veng hrang hrang te’n an khaw daih ah ṭheuh thing hi an phun a ni.
Ṭawipui Bial PYD hnuaia Sub Committee pakhat EPC hian theihtawp chhuah zel a tum a, thingphun leh tui hna humhalh ah te theihtawp chhuah zel an tum a ni. (Pic. Tawipui biak thingphun)
———-
RAWNGBAWLTU TIRHCHHUAHNA HUN NEI DAWN :
Chhipphir bial chuan an bial chhunga kohhran la din lohna Zote South ah Home Missionary dah nise tia bial Conference in a lo rel chu bawhzuiin Zote South ah hian Sist. K. Lalnunpari BW d/o Kapluaia Thaizawl chu Home Missionary in an dah dawn a, a tirhchhuahna hun July ni 10 Pathianni hian Chhipphir Local UPC biak inah neih a ni ang.
Missionary tirhchhuahna hun hi Upa R.Lalsangzuala bial Secretary chuan a kaihruai ang a, bialtu Pastor Rev.LH.Lalchhandama chuan a tirhchhuahna leh tawngtai sakna hun a hmang ang.
———-
———-
LAWNGTLAI WEST DISTRICT
District Hruaitute Programme:
Rev.F.Lalbiakthuama
District Superintendent.
Sihtlangpui kohhranah rawngbawlna a nei a nga chu mi rual chuan Upa R Zasanga boral ta a ralna a nei nghal ang.
Rev.Lalsawmliana Sailo.
District secretary
Chandmary kohhran ah rawngbawlna a nei ang.
Pastor S.Vanlallunghnema
District Treasurer
Lawngtlai Bazar Kohhran ah rawngbawlna neiin Nauhlanna a nei bawk ang.
———-
Bial mission Department tlawhtawn hmang.
Dt.25-26/6/2022 chhung khan vathuampui bial mission dept chuan Bungtlang south bial an tlawh.
He tlawh tawn hi District Missions Department rorelna in Bial tin in tlawhtawn neih nise ti a alo rel tawh a ni.
———-
GEN.MISSION DIRECTOR IN LAWNGTLAI TLAWH
Date.01.July.2022 atangin Rev.Biaksangzuala,Gen,Missions Director,chuan Lawngtlai Dist.a rawn tlawha
Hetiang hian Programme a hmang a ni.
1.Dt.2.jully.22 Inrinni zan: Bazar Biakin ah hun a hmanga
2.Dt.3.Jully.22 Pathian ni zingah Chandmary Biakin ah hun a hmanga
3.Pathianni zan: AOC Biakin ah hun a hmang bawk.
Director hi Rev H.Rothuama Pukpui Bial,Lunglei Dist in a rawn tawiawm bawk a ni.
———-
PCD Day hmang:
Uninted Pentecostal Childern department Lawngtlai South Section chuan an day dt.30.june.2022 chu Local hrang² ah hetiang hian an hmang a ni.
1. Chandmary Local PCD
chandmary PCD te hian awmni kham in in tihsiakna hrang hrang nen hun hmang in tlai lamah.Day hmang a lo kal zawng zawng te tan Ruai/chawhlui Siam in hun hlimawm tak an hmang a ni..
2. Collage veng Local PCD
collage veng PCD ten chawhma lamah vengchhung then fai hnatlang neiin chawhnu lamah in tih hlimna hrang hrang nei in sawhchiar Ruai nen hun hlimawm tak an hmang bawk a ni.
3. Mampui Local PCD
Bial Asst Secretary.Lalhmingtanzuala’n telpuiin PCD day chu zan lamah hman ni in programme hlimawm tak hmang in thingpui leh a hmeh tui tak nen hun ang hmang a ni.
South bial PCD O.B te chuan Bial chhung a DAY hmangte chu theih ang ang a tlawh kual in ,Local tin te hnenah PCD DAY pual a Chibai buk nan chewing gum bawm-1 theuh an sem bawk a ni..
Lawngtlai North bial hi report kan dawn chin ah AOC Local te’n PCD Day an hmang a, Bazar Local leh Headquarter Local te erawh chuan Day hi chhiat tawh avangin an hmang thei lo thung ani.
AOC LOCAL PCD DAY HMANDAN
Chawhma lamah hunserh Local PCD Adviser in a hmang a,Local PCD Leader hnen atangin thuchah tawi leh PCD Day thuchah te chhiar chhuahna hun a nei a.Chawhnu lamah intihhlimna hun hlimawm tak neih ani a,naupang te an intihsiak bawk a,lawmman semna hunte neih anih hnu in tlai dar 3:00 pm ah PCD Day ruai tui tak theh ani.
———-
BIAL BOARD NEI
*Dt 2.7.2022 khan Lawngtlai south bial chuan Bial Board neiin a hnuaia mi hi rorel tlangpui te chu a ni. Rorel tlangpuite:
1. Dist. Mission Conf. rorel bawhzuiin, Mampui Local ah Kum 2022 Dist. Mission Conf.neih nise.
2. August, 2022 Ram mut thla pualin kar khat chhung Sihtlangpui Local ah Crusade neih nise.
3. Dt. 16.July, 2022 hian Pastor Quarters ah Bial Half Yearly Audit neih nise.
4. Dist. Mission Board rorel bawhzui nan Evan. Ramfanzauva, Lunglei Venglai Local chu thla thum(Aug -Oct. 2022) chhung Bethel Local ah Free Evangelist in rawngbawlna neih tir nise. Induction service hi july thla hun remchang hmasa berah Bial huapin neih tur a ni.
5. Pastor Quarters a hman tur sintex 2000Ltrs pakhat lei nise.
6. An rawngbawlpui, chatuan ram panta te hetiang hian ralna hun neih tur a ni.
1)Dt. 9.7.2022 ah Upa. Zasanga(L) Sihtlangpui Local.
2)Dt 10.7.2022 ah Rbt. V. Zodina(L) Chandmary Local
7.Bial Mission Deptt. leh Bial S/S Deptt. ten a hranpa a, conference hman an dilna chu remtih/phalsak an ni.
8. Hmalam hun zel atan tiin, a hma thei ang berin Pastor Quarters hmasa zawk ram hi Re-Measurement tura hmalak nise.
———-
HOME MISSION FIELD TLAWH
Dt.02.07.2022 Saturday khan Gen.Mission Director Rev.Biaksangzuala chuan Darnamtlang home mission field leh Saizawh East home mission field a tlawh.
Saizawh hmunah zing chaw eiin tlai lamah lawngtlai an rawn lut leh a ni.
Darnamtlang field ah hian Evan HC.Lalrindika chu field worker niin Saizawh East field ah hian Evan.Eliazar K.Vanlalvena te an awm bawk a ni.
Gen.Mission Director hi Dist.Mission Director Rev.F.Lalbiakthuama leh Dist.Mission Secretary Evan.George Lalawmpuia ten an tawiawm bawk a ni.
Dt.02.jully.2022 Inrinni zan ah Bazar local church ah Inkhawmna neih niin rawngbawlna a nei.
Bazar Local chuan General mission field bihara hman tur Tuizem leina Rs.12000/- an pe bawk.
———-
KUM CHANVE AUDITE NEI MEK A NI.
Lawngtlai North bial chuan local hrang hrang
te kum chanve audite neih mek ani a,dt.06/07/22 hian bial audite an nei dawn bawk a ni.
Ahmun atan Hqrs local biakin a ni dawn a ni.
———-
GRADUATION DAY HMANG
Dt.03.jully.2022 Pathianni(Sunday) hian Pentecostal Bible School (PBS) Lunglei District chuan Graduation Day an hmanna ah Lawngtlai West District chhung atangin mi pahnih Graduate awm ve in a hnuai ami te hi graduate kan neih ve te chu an ni.
Graduate thar te.
1. Evan J. Lalnunthara
Saikhawthlir Local
2. Evan. Lalduhkima
Lawngtlai Chanmari Local
Heng bakah hian a hnuaia mite hi zirlai kan la neih te chu an ni.
Second Years
1.Evan K. Lalhmahruaia
Hmunnuam Field worker
First Year
2.Lalramliana
Tuidangchhuah Local
———-
Rawngbawlna lam
BAPTISTMA CHANG
Dt.03.jully.2022 ni hian Evan Laineihtluanga Tuidangchhuah Home missionary chuan Lalpa Isua hmingin sual ngaihdamna Mi pathum(3) a chantir.
Heng baptistma chang te hi kan hnunga mithar lawmluh te kha an ni.
BAPTISTMA CHANG
Date 03.jully.2022 Pathianni hian Hmawngbu home mission field ah Evan Lalhmangaihzama field worker chuan kohhran chhungkua atangin member pasarih(7) Isua krista hmingin sual ngaihdamna baptisma a chang tir.
MITHAR LAWMLUHNA NEI
Dt 3.7.2022 hian Saizawh ‘E’ Local ah Evan Eliazer K.Vanlalvena Home missionary chuan mithar chhungkawkhat(1)member pariat(8) awmna chu Lalpa Isua hming in a lawm luhna a nei ani.
Anupui leh fa te hi damlohna vangin an lotel theilo a ni.
———-
———-
CHHIMTUIPUI DISTRICT
DISTRICT PYD BOARD NEIH A NI:
Ni 24.6.2022 khan District Superintendent room ah District PYD Board Committee neih a ni. Rorel tlangpui :
1. Bial tin a blood donation neih hun tur ennawn leh a ni a. Ruahmanna siam tawh angin Bial tinah Blood donation hi neih ngei nise.
2. Kumpuan bawhzui nan Home Missions Field New Laty Field ah Ram mut/Work camp neih ngei nise. A hun atan October thla ruat a ni. Tul leh pawimawh dang chu OB ten lo bawhzui se.
3. Myanmar raltlan UPC Chhimtuipui Kohhran a in ziak lutte pual a, tanpuina khawn mek chu a luh kim vek hun ah District Kohhran pui hruaitute hnen ah hlan nise. An nin tanpuina chu a tul angin lo pe mai se.
4. 2023 District PYD Conference inbuatsaihna an kalpui chhoh dan Sangau Bial President hnen atangin ngaih thlak a ni a. 2023 District PYD Conference thlengtu tur Sangau Bial PYD te leh Kohhran te an phur dan te, District Conference hmanna hmun atan Sangau II Field ah Pandal ngei sa tura ruahmanna an siam thu te, Fund rising board an din thute leh Conference inbuatsaihna pual a hnatlang an neih thin thu te sawiin report tha tak a pe bawk a ni.
———-
MITHAR LAWM LUT:
## Ni 26.6.2022(Pathian Ni) khan Pastor V. Lalhlimpuia Sangau Bialtu Pastor chuan Sangau Bethel Local ah mi thar chhungkaw khat member pariat(8) Isua hmingin Kohhran ah a lawm lut. Mi tharte hi Lairam Isua krista Baptist kohhran atanga lo lutte an ni.
Facebook