Pennet News Service : July 12 – 19

UPCNEINEWSSERVICE July 12-19.2020
——-
UPC of Guatemala:
Covid-19 avanga khawvelin harsatna a hmachhawn mek laia, a tuar na bik ram te zinga tel Guatemala rama mipui zaa 70 zetin an eizawnna hna atanga harsatna an tawh mek laiin, UPC of Guatemala chuan chhungkaw 3400 chuang zet tan an nitin mamawh ei leh in tur an sem chhuak a. Pastor 78 leh Kohhran thar 34 te tan tanpuina an hlan bawk.
——–
Greece :
Greece rama Missionary a awm mek Rev. Joshua leh Sis. Christine Moreno te nupa in report an pek atanga a lan danin, Greece ah hian kaihruaina fel tak hnuaiah biak in hawn leh tan mek a ni a, an inkhawm leh hmasak berah hian mi 6 in Thlarau Thianghlim dawng tharin mi 5 in sual ngaihdamna baptisma an chang bawk.

Rev. Joshua te chhungkhua hi kum 2014 khan he rama Missionary tura tirh luh hi an ni a, Thessalonika ah Biak in tha tak dinin Bible College tha tak an kalpui mek bawk.
———-
CEC Result :
July ni 14 thawhlehni khan Mizoram Board of School Education (MBSE) chuan  Class XII ( HSSLC) result a tih chhuah ah Lunglei District UPC in a enkawl Christian Education Centre (CEC) School chu 100% an pass.

CEC School atang hian mi 16 an exam a, Distinction ah 1, first division ah 10, Second Division ah mi 5 an pass a ni.Tin, Letter hi  Student 5 in hmuin Mizo Subject – 4, Education Subject – 3, Pol. Sc. Subject – 1 ah te Letter hi an hmu a ni.

Result an hriat rual hian Lunglei District UPC hruaitute chuan CEC School hi tlawh nghalin  lawmpuinan Rs.5000 an pek bakah lawmthu sawi tawngtaina an neih pui a ni. (Pic.CEC)
——
District Missions Board :
July ni 9 ningani khan Lunglei District Missions Board vawi 128-na chu Director Rev.R.Vanlalenga kaihhruainain District UPC Conference Hall-ah neih a ni a, an rorel tlangpuite:

i. kum 2021 District Missions Conference-na hmun atana ruatlawk Haulawng bialin an dawl theih dawn loh avangin Zobawk Local-ah nghah mai nise tha tih a ni a, a hun atan Dt.19-21.Nov.2021 ruat nghal a ni.

ii. District Missions Board hmasa in October hian Rammut thla hman nise ti a alo rel tawh chu a bawhzui nan bial tinin Crusade in emaw an remchan dan angin hmang ngei se tha tih a ni.

iii. Nakum 2021 atanga hman tan turin Crusade fund chu Rs.10000 ni tawh se tha tih a ni.

iv. Rahsiveng bial Missions Department in Crusade Fund an dil angin Rs.6000 pek nise tha tih a ni.
———
Audit :
July ni 14 atanga ni 17 chhung khan Lunglei District kohhranpui, CEC School, Offset press, Department leh Sub. committee peng hrang hrang te sum District Office leh District Conference hall-ah te audit a ni.

Kohhranpui, CEC School leh Offset press account te  Evan.F.Lalhmangaiha, Evan. Laldinpuia Sailo, Upa C. Lalhmangaiha ten an audit a, Department sum leh Sub committee sum te  Rev.PC.Lalfakawma leh Pastor K.Vanlalhruaia ten an Audit bawk.
———

Churachandpur District :
Churachandpur Dist. chhunga Section tin te chuan 2020 kum chanve audit July chawlhkar hmasa ber ah an neih zawh vek hnuin, July 16,2020 aṭangin Kohhranpui kum chanve sum audit an neih chhunzawm. Auditor te hi Evan. P. Thanglienmang leh Upa B.Lalremruata te an ni.
—–
Kum chanve Board :
July 15, Nilaini khan Churachandpur Dist. Sunday School kum chanve board neih a ni a, ni 17, Zirtawpni khan Dist. LAD ten kum chanve board an nei bawk.
District Sunday School leh District LAD board te hi Dist Suptd Rev. Paosei leh Rev. Lalzawm Dist. Secretary ten an telpui a ni.
——
Fehchhuak :
July 19, Pathianni hian Moirang khawper a Meitei khua Okshongbung ah rawngbawlna nei tura sawmna an hmuh dungzuiin, Dist. Suptd Rev. Paosei, District Secy Rev. Lalzawm leh District Trea Pastor B. Lalzamluaia te an fehchhuak.
——-

Lawngtlai West District  :
July 12, Pathianni khan Bungtlang South bialtu, Pastor K.Lalzawmsanga chuan Bungtlang South Local ah member thar pali(4) Kohhranah senglutin nau hlan rawngbawlna a nei nghal.
——
District Board :
July ni 15, Nilaini khan Lawngtlai West District Board Vawi 5 Na District Office-ah neih a ni a, Board hi District Suptd Rev. Ramthatzawla’n a kaihruai. An rorel tlangpui te :

1. Lawngtlai District enkawlin Sabualtlangah Middle school hawn ni se tha tih a ni a, Zirtir tu pathum lak nise. Interview leh tul dang chu Official kutah dah a ni.

2. Financial campaign neih tha tih a ni a, Local tin ah Tirhkoh, Upa leh Rawngbawltu ten in tinah ṭawngṭai in, lo campaign se tha tih tlan a ni.

3. Kum 2020 ral hma a Census neih ni se.

4. Covid 19 hri leng mek ah tul leh pawimawh a tan Pastor thawklai ten ₹.2,000/- thawh ni se. Fix pay a thawk lai ten ₹.1,000/- ni se tih a ni a, CEM Relief fund atan ₹.12,000/- pek ve ni se tih a ni bawk.
5. District huapa chawnghei tawngtai July 26, Pathianni chawhma dar 8 :00  ah neih nise.
——-
Aizawl East District :
July 22, Nilaini hian District Missions Department chuan kum chanve District Board, District Committee room-ah an nei dawn. He hun hi Rev R.Lianzama, Director chua a kaihruai anga, Bial atang leh Official atanga agenda lut te an ngaihtuah dawn a ni. District Missions Board-ah hian District Kohhranpui hruaitute pawh tel tura beisei an ni.
——
Fehchhuak :
Aizawl East District OB Meeting in ruahmanna a siam angin tun hnaia khawchhak tlangdunga Lirnghing tuarte thlamuana, a tul anga tanpuina pe turin District Superintendent, Rev Biaksangzuala leh District Treasurer, Rev VL Hnemtluanga te chuan khawchhak tlangdunga Lirnghing tuar, khaw hrang hrang tlawhin an fehchhuak.

Rev VL Hnemtluanga, District Treasurer hian July 10 atanga 12 chhung khan Zokhawthar leh a chhehvel lirnghing tuarte thlamuanin Kohhran chhunga he lirnghing avanga harsatna tawkte a tlawh a, Rev Biaksangzuala, District Superintendent chuan July 14 atanga 17 chhung hian Khawbung tlangdung, Samthang, Dungtlang leh Khawbung khuate tlawhin a fehchhuak leh a, a tul angin tanpuina a pe nghal bawk a ni. Heng tanpuina hi District Superintendent Relief fund atanga pek niin tun hnaia thli leh rial tla bakah, leimin avanga hmun hrang hranga chhiatna tawkte hnenah Aizawl East District hian District Superintendent Relief fund atang hian tanpuina alo hlan tawh bawk a ni.
—–
Pentecostal Choir induction :
July 9, Ningani khan District Hqrs. Biakin-ah Aizawl East District PYD Zaipawl, Pentecostal Choir member tharte lakluhna, Induction neih a ni.

He hun hi Bro.Lawmsangkima, Music & Sound Committee Vice Chairman chuan kaihruaiin Bro R.Vanlalpeka, District PYD Treasurer in tawngtaina a hmang. Bro.Nelson KVL Chhandama, Music & Sound Committee Secretary hnen atangin report ngaihthlak niin Rev C.Lalmalsawma, District PYD President chuan Pentecostal Choir member tharte lakluhna leh hriakthih rawngbawlna a nei a, fuihna thu a sawi bawk. Pentecostal Choir member thar lakluhnaah hian Rev Biaksangzuala, District Superintendent chuan member tharte chu an nun uluk taka hmang a, nungchang leh chet zia fimkhur taka hmang turin leh Pathian ngaihsak, Lalpa dah hran tlak nia, mahni Tualchhung leh bial-ah theuh thahnemngai taka rawngbawlna hna thawk turin fuihna thu a sawi bawk. He hunah hian Choir member kalchhuak ta mi 7 te hnenah chawimawina thuziak hlan an ni bawk.

Secretary report atanga a lan danin Pentecostal Choir-ah hian tun dinhmunah member 24, Mipa 11 leh hmeichhia 13 awm mekin Pentecostal Choir te hian Mizoram chhung leh ram pawnah rawngbawlna vawi engemaw zat an lo nei tawh a ni. Music Video pawh vawi 2 siam tawhin tunah hian Music Video tihchhuah tur, siam mek “Nitin in” tih an nei bawk a ni. Pentecostal Choir memberte hi Aizawl khawpui chhunga Bial hrang hrang atangin Music & Sound Committee bakah Bial kaltlanga lak thin an ni.

Pentecostal Choir member thar lakluhnaah hian District PYD OB bakah District PYD hnuaia Sub-Committee peng hrang hrang hruaitute an tel a ni.
—–
Pastor quarter hawng :
July 11, Inrinni khan Bazar Bial Pastor Qrts. thar chu Rev Biaksangzuala, District Superintendent chuan U.P.C- North East India hnuaia Pastor Quarters pakhat ni turin, Pathian hnenah hlanin a hawng.

Pastor Quarters hawnna hi Quarters kawtah hun hman hmasak niin Rev HL.Thakunga, Bialtu Pastor chuan a kaihruai a, Rev Biaksangzuala, District Superintendent chuan Pathian thu chhiarna neiin U.P.C- North East India hnuaia Pastor Quarters pakhat ni turin a hawng a, a lawmna Quarters chhungah neih chhunzawm nghal a ni. Hetah hian Bazar Bialtu Pastor, Rev HL.Thakunga chuan kaihruaiin Evan Hr.Lalrindika, Bazar Bial Secretary chuan hunserh a hmang a ni. Upa JH Rozawna, Bazar Bial Treasurer hnen atangin technical report ngaihthlak a nih bakah Rev Biaksangzuala, District Superintendent chuan thusawina neiin, Bazar Bial ten Pastor Quarters tha tak an neihnaah lawmthu sawiin, Lalpa tana rinawm taka awma, malsawmna dawng zel turin duhsakna a hlan a ni. Mi hrang hrang hnen atangin thusawi ngaihthlak chhunzawm niin Pastor Quarters thar Pathian hnena hlanna tawngtai rual neih chhunzawm a ni a, Rev R.Pahlira’n tawngtaina in hun a khar a ni.

Report atanga a lan danin Bazar Bial te hian Kum 2008 atang khan Pastor Quarters atan hian kum tin Bial Budget an siam thin a, December 22.2011 khan Pi Saihlupuii hnen atangin tuna Quarter awmna hmun hi Bazar Kohhran Biakin leh Pastor Quarters atan cheng nuai sawmli in lei a ni a, In awmsa chu Pastor luah theiha siam nghal a ni. Bazar Bial Pastor Quarters sakna atan hian cheng nuai sawmthum panga singruk sanghnih zasarih sawmkua pakhat sen niin a sakna atan hian District atang bakah mimal thahnemngai ten sum engemaw zat an thawh a ni. Tun dinhmunah Bazar Bial-ah hian Bialtu Pastor 14 awm tawhin Rev H.Dingliana chua Bialtu Pastor hmasaber niin tunah hian Rev HL Thakunga’n Bazar bial hi a vawng mek a ni.

Bazar Bial Pastor Quarters hawnnaah hian Bial Kohhranpui Board member bakah Bial Department hrang hrang hruaitute an tel a ni.
——-
Member thar leh baptisma :
July 12, Pathianni khan Bazar bial chhungah mi 20 in sual ngaihdamna baptisma an chang thar a, an zinga mi 6 chu mithar an ni.

District Hqrs. Kohhranah mithar 1 in Rev Biaksangzuala, District Superintendent kutah sual ngaihdamna baptisma changin, Bazar Kohhranah, Evan R.Vanchhunga kutah mi 10 in sual ngaihdamna baptisma an chang a, Armed Veng South Kohhranah Rev HL Thakunga kutah mi 7 in sual ngaihdamna baptisma changin an zinga panga hi mithar an ni a, Armed Veng Kohhranah Bialtu Pastor kutah mi 2 in sual ngaihdamna baptisma an chang bawk a ni.

July 13, Thawhtan zan khan Serchhip Bial, Electrict Kohhrana lawi turin Bialtu Pastor, Rev B.Lalengzauva chuan chhungkaw khat, member 4 sengluhna neiin an fate 3 Pathian hnenah hlanna a nei nghal bawk.
——

Chhimtuipui District  :

July 14, Thawhlehni khan Dist committe room ah Chhimtuipui Dist Mission Dept chuan kum chanve board an nei a, Board hi Dist superintendent Rev Joseph L Thlauhthang Dist superintendent chuan a tel pui.

Thu rel langsar zual te :-

1. Rev.WL Thanghre  treasurer Dist MS Dept hnen aṭangin Financial report ngaihthlak niin, tun dinhmunah target pumpui atangin 41.39 % an tlin tawh a, bial hrang hrang ten an target an ngaipawimawhin kum tawpah chuan bial tinten antlak vek theih beisei a ni.

2. Upa John VT Hniehu Dist MS Secretary hnen aṭang activities hrang hrang leh field hrang hrang dinhmun ngaihthlak a ni.

3. Tialdawngilung/Tialdawnglung hmunah missionary quarters hmun leh kohhran hmun atan ram lei nise. Dist mission dept in ₹ 30000/- atum anga, ₹ 50000/- erawh Dist board ah dil nise ṭha tihtlan a ni.

4. Dist PYD te pual a field hawn tura ruahman New Laty field chu hripui leng avangin hawn theih ani talova. Tun a Chhimtuipui District Mission dept hnuai a home missionary pakhat hi Dist PYD  Missionary chawm/enkawl angin kalse ṭha tihtlan ani. Dist PYD hian kum engemaw chen kalta aṭang khan Dist MS Dept kaltlangin missionary anlo chawm tawh a ni.

6. Dist Mission Conference hun Dt.27-29,November 2020 chu General conference nen a inrual tak avangin Dt.4-6, December 2020 ah sawn a ni.

7. Bial leh local tinten target neih ang angte leh Dist Mission dept a sum chhun luh tur awm ang ang te a luh zel theih nan hmalak a thawh ho zel nise.
——-
Seminar :
July 15, Nilaini khan Dist hqrs Biak In ah Pastor nupuite pualin seminar neih a ni. Chhimtuipui district chhunga pastor nupui an kal kim thei.

Resources person leh an thupui te :

1. Rev L Chunglinga Former Superintendent – Pastor nupuite, rawngbawlna a an chanvo hrang hrang.

2. H Zoramthangi BW –  Nu mawhphurhna, chhungkuaah leh pasalte enkawlna ah.
—–
Thilpek hlan :
Sist.Lalchangliani Dist Hqrs local chuan Chhimtuipui Dist UPC NEI Office a Dist Committe room chhuat phah tur carpet ṭhahnem tak chu district hruaitute hnen ah ahlan. Dist Suptd Rev. Joseph L. Thlauhthang chuan inphal taka thilpek hlantu te chhungkaw chungah thinlung takin lawmthu a sawi.
—–
PCD :
Chhimtuipui District Pentecostal Children Department (PCD) chuan July 15, Nilaini khan Dist Superintendent Quarters ah OB’s meeting an nei.

An thurel langsar zualte :

1. District Target hi rorelna hmasa in alo passed tawh angin kum dang aia tih hniam nise tiin, Bial hrang hrang Target tur  ruahman nghal ani.

2. Live Music Home Record Singing Competition (Online Singing Competition) neih nise tha tih a ni a, Category hnihah ṭhen in, kum 10 chin hnuailam leh kum 11 chin chunglam ah ṭhen a ni.
Competition ah hi round thum Audition round, 2nd round leh Grand finale a ṭhen a ni bawk.

Competition kalpui dan tur leh ṭul dang chu Secretary kuta dah a ni.

Competition buatsaihna tur atan hian Dist. PYD Official te leh Dist PCD OB te chu hatiang hian Target tuk nghal an ni.

Dist.PYD Official (O.B) – ₹500
Dist.PCD O.B – ₹500

Heng bakah hian Sponsorship zawn belh nise tih a ni bawk.
—–
Kum chanve Board :
July  ni 15, Nilaini khan Chhimtuipui District Kum chanve Board chu District Committee Room ah neih a ni. Rorel tlangpui te :

1. General Kohhran puiin pay thar a siam hman tura rel tawh chu covid 19 hri leng avang in kum tawp board ah ennawn leh phawt tha tih a ni.

3. Pastor Quarters pakhat leh Biak In panga sak nan a Rs.1400,000/- pek tur a pass tawh chu hri leng avanga la pek chhuah loh chu Ni 16.7.2020 hian a rual a pek chhuahna hun hman nise tha tih a ni.

4. Pastor lak dan chungchang ngaihtuahin, District pakhat in lo siam mai aiin North East India pum a in ang khat a kan hman theih tur Pastor lak dan thar hi Executive board agenda atan siam tha tih a ni.

5. District Office ah lehkhabu tha tak tak chi hrang hrang lei tur awm chu ni bik ruatin District Committee Room ah Book fair neih a, a man pangngai aia tlawm in hralh chhuah nise. Official ten tul leh pawimawh dang awm chu lo bawhzui se tih a ni.
—-

North Mizoram District :
North Mizoram District Supdt. Rev . Laltluanga chuan July ni 12 Pathianni khan, Kawnpui Bial Pastor quarters hawnna neiin, Tluang takin Programme an hmang a, District Secretary Rev. Chhiarpuia leh Treasure Rev. K. Lalduhsanga ten an telpui bawk.

District Secretary Rev. Chhiarpuia chu July ni 13 Thawhtanni khan West Phailengah, Kohhran tul pawimawh buaipuiin a zin a, West Phaileng Pastor Quarters sak tura ruahman mek chu a enpui bawk.

District Treasurer Rev. K. Lalduhsanga chuan July ni 15 Nilaini khan Lengpui Bial Dapchhuahah Kohhran Biak in sak mek enpui leh hmanraw tul te ngaihtuahin langin a zin bawk.
—–
Rawngbawlna report :
North Mizoram Tlangsang Bial Sailut khuaa mahni inpeknaa rawngbawl mek Sis.Vanlalpeki (Mapeki) Tuahzawl khua chu a chanchin hriain, Chaltlang  Zing tawngtai Group leh Kohhrana mi thahnemngai ten sum thawhkhawmin Rs, 10,700 lai chu July ni 15 Nilaini khan Bank kaltlangin tanpuina an pe, Sist. Mapeki hi Pathian rinchhana fehchhuak niin; kumin July thlatir khan member thahnem tak a rawngbawlna kaltlangin Pathian thuthlung hmuin UPC-NEI Kohhran an zawm bawk.

Sist. Mapeki hi Tlangsang Bial kohhran hrang hrang ten a mamawh ang tum sak thinin, hetianga Chaltlang Biala mithahnemngaite’n sum leh paia an tanpui hi Tlangsang Bial hruaitute’n lawmthu an sawi.

Sis Vanlalpeki, Ṭuahzawl khua, tuna Tlangsang bial a voluntary in January 22, 2020 aṭanga thawk mek,  Sailut a kohhran rawn dintu chu a mimal harsatna tawh hrang hrang phuhruk let nan Chaltlang Tual chhung kohhran zing ṭawngṭai inkhawm ṭhin ten an sum thawhkhawm ₹ 10700/- lai chu ni.15.7.2020 (Nilaini) khan  bialtu Pastor K. Ainawna kal tlangin an hlan.

Sis Vanlalpeki(Mapeki)  hming hian bank account, Punjab National Bank, Vanghmun Branch ah  hawn sak tum nghal a ni a, ṭanpuina a dawn a piang chu a mimal bank account ah hian dah luh sak zel ani ang.
—–
Tanpuina :
North Mizoram District Missions Field Rajtali leh Tumpanglui Missions Field atanga member dam lo Missionary ten July ni 13 –a an rawn phurh chhoh chu District Missions hruaitute’n Civil Hospital-ah an lo dawngsawng.  Dam lo buaipui tur hian Dinthar Bial Missions Deptt. Hruaitute  Bialtu Pastor hovin an rawn thawk chho bawk a, Dinthar Bial Missions Dept te inpeknaah District Missions hruaitute pawh an lawm hle.
Rajtali-a damlo Sist. Sunari hi District Missions Dept hian Rs. 5000 a kanin, Dinthar Bial Missions Dept pawh hian Rs. 5000 vekin an kan bawk a. Hei bakah hian Tumpanglui atanga dam lo rawn phurh chho pawh sumfaiin District Mission leh Dinthar Bial leh mimal thahnem ngaite’n an kan bawk a ni.
——-
Pastor quarter hawng :
July ni 12 Pathianni chhun dar 12:00 khan Kawnpui Bial Pastor Quarter sak thar chu Dist Suptd Rev. Laltluanga’n chuan Lal Isua hmingin a hawng.

Hawnna programme-ah hian Rev. Laltluanga chuan Pathian thu Deuteronomy 22:8 leh 20:5 thu chhiarin, hemi thu behchhan hian insakna atana tih tur pawimawhte a sawi bakah, Kawnpui bialin pastor quarter ṭha tak mai lungrual taka an sa zo thei chu lawmawm a tih thu leh bial dang tan pawha entawn tlak anih thu a sawi.

Hawnna neih hnu hian pastor quarter chhungah lutkhawmin hlanna inkhawm tawi neih chhunzawm a ni a; he hun hi bialtu pastor Rev. PC. Laltlankima chuan kaihruaiin, ṭawngṭai rualin Pastor Quarter thar hi hlan a ni. Pastor Quarter Building Committee Secretary T. Upa Lalbiaknunga chuan technical report leh financial report a pe a. Programme hlanna inkhawmah hian Covid-19 hrileng mek avangin mi tam tak punkhawm a remchang lo chungin, danin a phal chin mi 50 bawr vel zet chu bial chhung local hrang hrang aṭangin an pungkhawm thei a ni.
: Pastor quarter sakna atan hian district aṭangin Rs. 15,00,000/- leh furnishing atan Rs. 1,50,000/- ; a vaiin Rs. 16,50,000/- hmuh a ni a. Qtrs hi Dist. Supdt. Rev. Laltluangan ṭawngṭaia hlanin hna thawh tan a ni. Pastor quarter hawn tâk hi a dung feet 38 niin, a vang hi feet 24 a ni a; chhawng khat niin, a sakna atan hian Rs. 16,26,894/- leh tha 1038 sen a ni, Bialtu  pastor Rev. PC. Laltlankima hian tha 150 zet a seng bawk. Tunah hian District in Quarters sak nana Sanction a pekah Rs. 57,906 balance an nei bawk.
Quarter hawnna programme hmang hian District Secretary Rev. Chhiarpuia leh District Treasurer Rev. K. Lalduhsanga te an kal theih bakah  Kawnpui bialtu pastor kalchhuak, Chaltlang bialtu ni mek Rev. C. Lalramthanga bakah Sihphir bialtu pastor Rev. C. Lalrammuana te; Aizawl Tlangnuam bialtu Rev. Lalruatkima Fanai leh District PYD President Evan J. Vanlalruata te an kal thei bawk.
——
Member thar :
July ni 15 Nilaini khan Maubawk Kohhranah Pathian Thuthlung hmuin mithar pakhatin Sual ngaihdamna Baptisma Isua hmingin a chang.
—–
PG School result :
MBSC in 2020  Academic Sesstion Result a tihchhuahah North Mizoram District enkawl Pentecostal Gateway Higher Secondary School chuan Result duhawm tak neiin Naupang Exam – 12 zingah, Zilai naupang 10 an passed a, Distinction-ah 2 inhlangkaiin;  Letter mark Political Science ah Mark 91 leh 85 hmu pahnih an nei a, History ah Mark 92 hmu pakhat awm bawkin Mizo ah 85 leh 82 hmu 2 an awm bawk a ni. Kumina pass percentate hi 83% niin; Principal leh Zirtirtute pawh an lawm hle.
——-
Work camp nei dawn :
North Mizoram District PYD ten rawng an bawlna mek Kawrthah khuaa an Biak in sak lai, hripui leng avanga sak chhunzawm theih loh chu Kolasib Khuangpuilam Kohhran te’n hun remchang hmasa berah work camp-a sak tumin ruahmanna an siam a, hemi chungchangah hian kawrthah kohhrante pawh an lawm hle.
Kawrthah Biak in sak bul hi Rengdil Kohhran Pentecostal Men’s Fellowship (PMF) ten an lo tan tawh nghe nghe a ni.
——
District LAD :
North Mizoram District Ladies Auxiliary Department te chuan July ni 14, Nilaini khan District Board, Headquarters kohhran Biak in, Tuikhuahtlangah an nei.

District Board hi District LAD President Sist. K. Lalhmachhuani Bible Women in kaihruaiin; Gen. LAD President Sist. Lalchangliani Sailo in a ho thei a, District Puipa pathum Rev. Laltluanga, Dist Supdt. Rev. Chhiarpuia, Dist. Secretary leh Dist. Treasurer Rev. K. Lalduhsanga ten an ho bawk. Board rorel tlangpuiah te:-
1. Dist LAD ten Platinum jubilee hriatreng nan Home mission field hmun 12 ah present pek nise.
2.North Mizoram District enkawl Camping centre, Sakawrtuichhunah Dunlop leh lukham panga ve ve dah a,  Thosilen single panga bakah Speaker room-ah dawhkan pakhat dah belh nise tih an passed.
Thosilen panga leh Dawhkan hi Sist Lalramtiami Sailo B/w Tlangnuam Bial LAD Pre in a sponsor dawn a ni.
3. UPC-North East India Shillong Guest house-ah Dist LAD ten Blanket pali dah an rel bawk.
4. North East India huapa LAD Magazine chhuah Pentecostal Lady Megazine chu North Mizoram District chhungah copy tam zawk lak a nih theih nan Sponsorship campaign neih nise.
5. Dist. chhunga Bial tin Buhfaitham tham tha ber pakhat-na hi District LAD in Lawmman pe thin se tih te an rel a ni.