Pennet News Service : July 1, 2022

CHHIMTUIPUI DISTRICT

MITHAR LAWM LUT:

## Ni 26.6.2022(Pathian Ni) khan Pastor V. Lalhlimpuia Sangau Bialtu Pastor chuan Sangau Bethel Local ah mi thar chhungkaw khat member pariat(8) Isua hmingin Kohhran ah a lawm lut. Mi tharte hi Lairam Isua krista Baptist kohhran atanga lo lutte an ni.

## CHAWIMAWINA HLAWHTLING TAKA HMAN A NI:

## Ni 26.6.2022 (Pathian Ni) khan Sist.H.Vanlalthangi B/W Siaha Council Veng te chhungkua Pathian Chawimawina kal zelah Sual ngaihdamna Baptisma mi sawm (10) in an chang a,mi thar pathum (3) an awm bawk.Baptisma rawngbawlna hi Evan. Khaching Aineh Vahia Home missionary in a nei a ni.

———-

DISTRICT PYD BOARD NEIH A NI:

Ni 24.6.2022 khan District Superintendent room ah District PYD Board Committee neih a ni. Rorel tlangpui :

Bial tin a blood donation neih hun tur ennawn leh a ni a. Ruahmanna siam tawh angin Bial tinah Blood donation hi neih ngei nise.

2. Kumpuan bawhzui nan Home Missions Field New Laty Field ah Ram mut/Work camp neih ngei nise. A hun atan October thla ruat a ni. Tul leh pawimawh dang chu OB ten lo bawhzui se.

3. Myanmar raltlan UPC Chhimtuipui Kohhran a in ziak lutte pual a, tanpuina khawn mek chu a luh kim vek hun ah District Kohhran pui hruaitute hnen ah hlan nise. An nin tanpuina chu a tul angin lo pe mai se.

2023 District PYD Conference inbuatsaihna an kalpui chhoh dan Sangau Bial President hnen atangin ngaih thlak a ni a. 2023 District PYD Conference thlengtu tur Sangau Bial PYD te leh Kohhran te an phur dan te, District Conference hmanna hmun atan Sangau II Field ah Pandal  ngei sa tura ruahmanna an siam thu te, Fund rising board an din thute leh Conference inbuatsaihna pual a hnatlang an neih thin thu te sawiin report tha tak a pe bawk a ni.

———-

BIAK IN SAK NAN THILPEK HRANG HRANG PEK A NI :

Amobyu Vaihthie (Zero point) Biak In sak nan mi thahnemngai ten hetiang hian thilpek an pe:

1. UPA Tluangtea Tukverh frame 4 leh vetilation 4

2. Upa C Raltawna Tukverh frame leh ventilation

3. Upa R.Lalkunga tukverh frame leh ventilation

4. Rev WL.Thanghre Tukverh frame leh ventilation

5. Rev.Kholy hlychho Tukverh frame leh ventilation

6. Upa C.Thankhara kawngkhar 1

7. Upa J.Cheulinga kawngkhar 1

8. Upa M.Buichunga kawngkapui 2

9. Bro B.Lalhmunsiama
Rawng

10. Rbt T.Lalremruata Tukverh frame 2 leh ventilation 2

11. Farnu  T.Lalchanglianin Biak In chung tur zawng zawng Dynaroof a tum dawn bawk a ni.

———-

REVIVAL CRUSADE NEI MEK:

South Lungpher Local ah Ni 28.6.2022 zan atang khan Evan.N.Thanghnuna District Evangelist leh a thian ten Revival Crusade an nei mek a. Speaker rawngbawlna a nungin Kohhran ten an hlut hle.

———-

HOME CRUSADE NEI MEK:

1. Siaha Bialtu Pastor Rev.K.Kawngkharmawia chuan a Bial chhung College Veng Local chhungkaw tinah Home Crusade a nei mek a. Bialtu Pastor rawngbawlna hi College Veng rawngbawltu ten an tawiawm thin a ni.

2. Siaha West Bialtu Pastor, Pastor C.Lalchhuanthanga pawn a Bial chhung Local hrang hrang ah Chhungkaw tin tlawh kualin rawngbawlna a nei mek a. Kohhran te an lawm hle.

3. Tuipang Bialtu Pastor, Pastor Robert B.Lalnunsiama T. pawhin Tuipang V Local ah Home Crusade a nei mek a. Bialtu Pastor rawngbawlna hi LAD ten an tawiawm thin a ni.

———-

GOLDEN JUBILEE BUILDING SA CHHUNZAWM ZEL:

Golden Jubilee Building chu sak chhunzawm zel a ni a. Tunah hian a chhawng lina tur slab chhun leh mek a ni a, a hnuai lam zawng zawng chu mi luah tir vek tawh a ni.

———-

HRUAITUTE PROGRAMME:

1. DISTRICT SUPERINTENDENT – REV.JOSEPH L.THLAUHTHANG :
Ni 3.7.2022 Pathian Ni hian Apostolic Bible School zirlai te nen College Veng II Local ah an inkhawm anga rawngbawlna a nei ang.

2. DISTRICT SECRETARY – REV.W.L THANGHRE :
Ni 3.7.2022 hi Headquarters Local ah a inkhawm anga  Puitling Sunday School zirtirna hna a thawk ang.

3. DISTRICT TREASURER – REV.KHOLY HLYCHHO :
Ni 3.7.2022 Pathian Ni hi Headquarters Local ah a inkhawm ang

———-
———-

LUNGLEI DISTRICT

P.B.S. IN GRADUATION DAY HMANG DAWN :
July  ni 3 Pathianni hian Lunglei District-in thla khat awh Pathian thu zirna a neih Pentecostal Bible School (PBS) chuan Graduation Day, Headquarters Local UPC biak in, Chanmari-ah an hmang ang.

He hun hi PBS Principal Rev.C.Vanlalenan a kaihruai anga, District Missions Director Rev.R.Vanlalenga chuan \awng\aina neiin Lunglei District UPC Choir ten zaiin rawngbawlna an nei ang a, PBS Secretary Rev.C.Lalrintluanga chuan inthlahna thuchah a sawi ang. Rev.PC.Nghakliana chuan Graduate Student-te Degree hlanna neiin PBS Registrar Pastor K.Vanlalhruaia chuan result a puang ang a, PBS Dean Rev.PC.Lalfakawma chuan lawmthu sawina neiin PBS Teacher Pastor T. Zahmingliana chuan \awng\ainain hun tawp a khar ang.

Kuminah PBS a\ang hian zirlai 9 an Graduate ang. PBS hi Certificate Course a ni a, Calvary Bible College hnuaia in affiliate a ni.

Kumina PBS atanga Graduate turte:

1. Vanlalpeka, Rahsiveng

2. Lalzawmpuii, Zotuitlang

3. T.Lalrinmawia, Thualthu

4. Vanlalthlamuansiama, Mualcheng S

5. J.Lalnunthara, Saikhawthlir

6. Jacob Lalhriatpuia, Ramthar AOC

7. R.Lalruathlua, Thenhlum

8.  Angelly C.Lalthlamuani, Pukpui

9. Lalsanglura Sailo, College veng

(Pic.PBS Student-te)

———-

RUALBANLO SUNDAY:

July ni 3 Pathianni hi RUALBANLO SUNDAY a ni a, hemi tuk inkhawm thawhlawm hi Local tin ten Pentecostal Social Ministry (PSM) Treasurer Rev.R.Vanlalenga hnenah an  thehluh ang.

Pentecostal Social Ministry (PSM) Lunglei District hian rualbanlo tanpui lai mi 66 a nei mek a, rualbanlo mi 66 te hi thla tin Rs.300 zelin kum chanve (thla 6-ah) Rs.1800 zelin pek \hin a ni.

July ni 3 Pathianni, Rualbanlo Sunday thawhlawm hi uar tak leh \hahnem ngai taka thawh turin kohhran hote an ngen tak meuh meuh a ni.

Tin, hemi ni hian Sermon sawitu leh chanvo neite pawhin helam hawi hian hun an hmang

———-

THIANGHLIMNA COMMITTEE AN THUKHAWM :

June ni 26 Pathianni khan Thianghlimna Committee chu Venglai Local Sunday School Hall-ah an thukhawm a, he Committee hi Thianghlimna Committee Chairman Rev.C. Lalhriatpuia chuan a kaihruai a ni. An rorel langsar zualte:

1. Campaign thawh hnihna  August thla chhungin neih leh tur a ni ang, Campaign thawhkhatna rokhawlhna avanga la kal remchanglo pawh kal tum a ni.

2. Khawpui chhunga Campaign dan tur chu bial hruaitute nen inbe rawna hma lak a ni ang.

3. Bial tin thianghlimna Committee-te bial leh Local PCD ah thianghlimna kawnga hma lo la tura beisei an ni.

4. Kum tawp leh kumthar tirah kohhran in form a nih leh dawn avangin bial leh Local hruaitu ah a theih chin chin chu zuk leh hmuam a fihlim ruat turin bial tin Pastor-te ngen an ni.

5.Tualchhung Rawngbawltu leh upa Zuk leh hmuam ngheilote hnenah nghei turin ngenna siam leh a ni ang.

———-

PASTOR QUARTERS SAK TUR LUNGPHUM PHUM

June ni 23 Ningani khan Lungsen bial Pastor Quarters sak tur lungphum chu District Superintendent Rev.C.Vanlalena chuan a phum.

Lungsen bial Pastor Quarters sak \hat tur hi District UPC Board vawi 204-na in sak \hat nise tia a lo rel a ni a, lungphum phum ni hian a ban khur laih bul \an nghal a ni a, ban khur laih nan hian Bro.P.Lalhmachhuana chuan  JCB a thlawnin a hman tir  a ni.

Lungsen bialah hian Pastor PC Zionrammawia chu bialtu Pastor-in a awm mek.

———-

PUKPUI BIAL P.Y.D. TEN THISEN AN PE :

Nimin June ni 25, Inrinni  khan Lunglei District PYD Conference-in a mamawhtute tan thisen pek nise tia a lo rel bawhzuiin, Pukpui Bial PYD-te chuan Lunglei Civil Hospital Blood Bank-ah a mamawh apiangte hman turin Thisen Unit 31 an pe. Thisen pe tute hi Mipa 26 leh Hmeichhia 5 an ni.

Thisen hi Civil Hospital-ah kalchilh in an pe a ni.

pek anih hma a hunserh tawi an hmanna ah bial PYD President Rbt.P.Samson Vanlalfela chuan hun a kaihruaia, \awng\aina a hun bul \anin, District PYD Treasurer Evan.Lalringzuala Pachuau leh Blood Bank-a thawhtute a\angin thusawi ngaihthlak a ni.

Pukpui bial PYD- te hi nikum 2021 khan Lunglei Civil Hospital Blood Bank-ah hian thisen unit 35 an lo pe tawh bawk a ni.

———-

THING PHUN HNATLANG :

ni 25 Inrinni khan Theiriat Local PYD te chuan Tlawng hnarah thing phun hnatlang an nei a, thing 25 an phun.

June ni 25 Inrinni vek khan Rahsiveng Local PYD leh Electric Local PYD Lunglei te chuan Tlawng kawnga an thing phun an enkawl mek chu a bul vel sam fai hnatlang an nei a, thing an phun belh nghal bawk. Rahsiveng Local PYD-te hian thing 20 an phun belh a ni.

———-

MI THAR 12 :

June ni 26 Pathianni khan  Lunglei District hmun hrang hrangah Pentecost kohhran zawm thar mi 12 an awm. Hetiangin:

1.Tawipui bial, Mualcheng S Local-ah member thar 3 Pastor K.Vanlalhruaian a lawmlut.

2. Chawngte bial, Dinthar Local, Lungrang S-ah mi thar 3  Evan T. Lalzawmsanga, Part time Evangelist in a lawmlut.

3. Cherhlun bial Missions Dept.-in an rawih Field Evangelist Lalrokima Chhangte chuan New Ngharchhip Local-ah  mi thar 2 a lawm lut bawk.

4. S. Vanlaiphai bialtu Pastor Rochungnunga Renthlei chuan Muallianpui Local-ah mi thar 3 Baptisma chan tirin kohhranah a lawmlut.

5. Theiriat bial Zobawk Vengthar Local-ah pawh mi thar 1 kohhranah lawmluh a ni.

———-
———-

NORTH MIZORAM DISTRICT

———-
———-

AIZAWL EAST DISTRICT

Inkawm khawmna hun hlawhtling takin hmang:

June 25, Inrinni khan Lushai Hills Residency Conference hall-ah District Kohhranpui ruahmanna in District Kohhranpui hruaitute, Department hruaitute leh Sub-Committee hruaitute inkawm khawmna hun hlawhtling taka neih a ni. He hunah hian Department leh Sub-Committee te hian an hmalakna leh hmachhawp hrang hrangte report an pe a ni. Rev.KVL.Hmangaihkima, District Superintendent chuan thutawi sawina hun a hmang bawk.

Report hrang hrang bakah thusawi tawi ngaihthlak a nih zawh hian District kal chho zel tur atana tul leh tha an tihte sawihona hun tha tak neih a ni. Inkawm khawm hi Rev.R.Laltlankima, District Secretary chuan kaihruaiin Rev.H.Lalropuia, District Treasurer in hunserh a hmanga, malsawm tawngtaiin Rev.VL.Hnemtluanga, District Missions Director chuan a titawp a ni. He hunah hian hruaitu mi 25 kalkhawmin hlawkthlak an ti hle a ni.

———-

District PYD OB te fehchhuak:

Aizawl East District PYD OB ten Bial fan programme an hman chu June.27, Thawhtan zan khan chhunzawmin Bazar Bial an tlawh a, Armed Veng Biak Inah hun hlimawm tak an hmang.
He hun hi T.Upa R.Lalhmunsanga, Bial PYD President chuan kaihruaiin Bazar Bial PYD Secretary Bro.R.Vanlalzamliana leh District PYD Treasurer, Evan K.Lalbianunga te chuan report an pe a, inhmelhriattirna an nei nghal bawk a ni. District PYD OB ten Bazar Bial an tlawhnaah hian mal zai bakah Bazar Bial Zaipawl leh Pentecostal Choir ten fak hla an sa a, District PYD Asst. Secretary, Evan Lawmsangkima chuan thusawina a nei thung a ni. District PYD Education Committee, Fund Raising bakah  Environment Protection Committee hruaitute hnen atangin thusawi tawi ngaihthlak a ni bawk a ni.

Aizawl East District PYD OB te Bial fan programme an hman chu zo thawkhat tawhin Aizawl khawpui chhung Bial hrang hrang bakah Suangpuilawn bial, Hnahlan bial leh Khawhai Bial te an tlawh tawh a, ruahmanna ang chuan Thingsulthliah Bial-ah remchang hmasa berah hun an hmang leh ang.

———-

Bungbangla Biak In hawng:

June 26, Pathianni khan Zemabawk Bial, Bungbangla Biak In sak thar chu Rev.R.Laltlankima, District Secretary chuan hawnna a nei. Biak In hi a dung ft.36 leh a vang ft 18-a liana sak a ni.

———-

Work Camp:

Khawruhlian Bial E.Phaileng Biak In sak mek chu, June 23, Ninganî atanga June 25, Inrinni chawhma thleng khan Thingsulthliah Bial PYD ten work camp neiin, thalai rual mi 30 chuang zet an  thawk chhuak. Biakin bang an ping zo thei a, a chhuat pawh an chhunsak nghal vek a ni.
Thingsulthliah Bial PYD te hi bial PYD hruaitu ten  ho in, E.Phaileng lB ah an inkulh a, senso engkim an  intum vek bawk a ni. An chungah Khawruhlian bialte an lawm hle a ni.

———-

S.S Kumpuan pual Campaign:

Aizawl East District Sunday School Executive meeting in ruahmanna a siam angin June 26, Pathianni chawhma khan Aizawl khawpui chhunga Tualchhung Kohhran hrang hrangah Sunday School Kumpuan “Kan fate i chhanhim ang u” tih thupui hmangin Campaign hlawhtling taka neih a ni. He hunah hian Bial hrang hranga Bial Sunday School hruaitute chu Campaigner atana hman tur niin Aizawl khawpui Kohhran 24-ah Campaign hi neih a ni. Eng emaw rokhawlhna avanga remchang ta rih lote pawh hun remchang hmasa bera neih turin insiam a ni.

———-

Golden Jubilee lawm:

June 21-26 chhung khan College veng, Upper Republic Bial chuan LAD & PYD Golden Jubilee hlim takin an hmang a, Speaker ah Pastor J.Lalhmingsanga hman a ni. Golden Jubilee hi ruai nen ropui takin an hmang a, Jubilee hman chhung hian Sis.Lalhriatchhungi, Sis.Laldinmawii (Maite), H Lalfakawmi (Upper Republic) leh Evan H Lalrinawma ten zai rawngbawlna an nei bawk.

———-

OTS Graduation Day:

July 3, Pathianni chawhnu Dar 1 hian Zemabawk North Bial, Zemabawk Biak Inah kum 2022 Session-a OTS zirlai pass chhuakte pualin Graduation Day hman a ni dawn. He hun hi Rev.KVL.Hmangaihkima, Principal chuan kaihruaiin Graduate Confering & Certificate hlanna, Rev.K.Malsawmtluanga, CBC Principal chuan a nei dawn bawk a ni. OTS Graduation hmanaah hian District Kohhranpui hruaitute pawh an tel ang.

———-

District PYD Board:

July 1, Zirtawpni khan District Committee room-ah District PYD Kum chanve Board tluang taka neih a ni. Rev.C.Lalmalsawma, President chuan kaihruaiin agenda lut engemaw zat ngaihtuah a ni. District PYD Board-ah hian Board member an tel kim thawkhat a, District Kohhranpui hruaitute pawhin an telpui bawk a ni.

———-

Chawimawina:

Thuampui bial, Muanna Veng Kohhrana Bro. H.Vanlalhruaia rawngbawlna kal mekah  Chawimawina vawi 4 nei tawhin, a vawi 5 na turin Sis. Hmangaihzuali te kaltlangin July 2, Inrinni hian chawimawina neih leh a ni. Muanna Vengah hian Camping- te buatsaih a ni a, Baptisma chang thar mi 15 awm tawhin, Kohhran dang atangin mi 4 in baptisma an chang a,  Chhungkaw khat member 4 awmna sengluh an ni bawk. June 26, Pathianni khan Mual Inkhawm neih a ni a, Kohhran leh khawtlangah malsawmna an dawng hle a ni.

District Revival Team ‘Healing Ministry, Rev. H. Vanlalchhana leh a team te rawngbawlna Kawlkulh Vengthar kohhranah pawh a vawi-5 nan June 25 leh a vawi -6 nan June 27 khan Pathian chawimawina kohhran mite thawhkhawm hmangin neih  a ni a, hlim taka hun hman a ni. Speaker ah Rev. H. Vanlalchhana hman a ni. He chawimawina vawi-5na leh vawi-6na hi Kohhrante thawhkhawm a nih angin leh Church board in a lo rel tawh angin, Kohhran member inkhawm tam lai ber June 26, Pathianni Chawhma inkhawmah Bialtu Pastor R. Lalfamkima kaihhruaina in Tirhkoh leh Upa Deaconte Bialtu Pastor in malsawm hriakthihna a nei a, Kohhran member inkhawm zawng zawngte chu Tirhkoh leh Upa Deacon ten malsawm hriakthihna an nei bawk.

———-

Mithar leh baptisma chang thar:

June 27, Thawhtan zan khan Khawruhlian local-ah hmeichhia puitling mi 4 in lsua hmingin baptisma an chang. Baptisma rawngbawlna hi bialtu pastor Hmingchungnunga Ralte in a nei a ni. Baptisma chang te hi Kohhran member nisa an ni.

Sis.Vanlalpari, District Evangelist rawngbawlna kaltlangin Keifangah June 22 khan mithar 2(Chhungkaw khat) chu sengluh an ni. Member sengluhna hi Rev VL Hnemtluanga, Director Missions Department in a nei a ni a, Nau pahnih hlan a ni bawk.

Bethlehem Kohhranah Evan Dr Lalsawivela rawngbawlna atangin mi tam takin nitin damna an chang chho mek a, he rawngbawlna atang hian  June 26, Pathianni chawhnu khan mi Pahnih in sual ngaihdamna Baptisma an chang a ni.

June 2, 2022 atanga District Revival Team- Healing Ministry Rev. H. Vanlalchhana leh a team ten Kawlkulh Vengthar kohhranah rawngbawlna an neih chu June 28, Thawhleh zan khan a kharna hun hman a ni. Crusade chhung hian zantin inkhawmna neih thin a ni a, thlarau lam boruak a tha in Revival ropui tak a thleng. June 28 zan khan member thar pakhat bialtu Pastor R. Lalfamkiman a senglut a, inkhawm banah mi 16 in Isua hmingin Speaker Rev. H. Vanlalchhana kutah Baptisma an chang bawk, a hma in mi 3 in baptisma an lo chang tawh bawk. Healing ministry rawngbawl chhungin hetiang hi record neih dan a ni. Thlarau Baptisma chang thar – 7; Siamtharna chang – 32; Tui baptisma chang – 19; Pathian Chawimawina vawi – 6; Mi thar – 1

———-
———-

Lungvar Preaching station chu adhoc body siam a ni:
Khawzawl Lungvar Preaching Station chu June 26, khan Kohhran Adhoc Body anga siam ve a ni ta. Rev Lalhmangaihawma Parte chuan Lungvar Kohhran Committee leh OB tur te a ruat  a, Lungvar Kohhran te an lawm hle a ni. Lungvar Kohhranah hian OB pathum leh Committee Members pahnih ruat thar an ni. Lungvar kohhran ah hian Evan H Lalhlimpuia’n rawngbawlna  neiin, member 23 an lawi ve mek a, Biakin an la neih loh avangin mimal inah an in khawm mek a ni.

Crusade:
Mualpui Bial PYD te chuan June 17-26 chhung khan Bial Conference in ruahmanna a lo siam ang leh, District PYD Conference rorel, Thuthlung leh Thlarauva Intuaitharna tih thupuiah hmangin Mualpui Kohhran Biak inah Bial huap Revival Crusade hlawhtling takin an hmang. He hunah hian District Full time Evangelist, Evan. HK Lalhmangaiha leh a team-ten rawngbawl an nei a ni. Bial chhung thalai zingah mi engemaw zatin Thlarauva siam tharna changin Pathian Thuthlung hriatfiahna kawngah pawh an hlawkpui hle a. Inkhawm ban tawh hnu lamah pawh tawngtaina leh titi hona hun an hmang chhunzawm thin a, zan lai dar 1/2 thleng hial te inkawm khawm thin a ni. June 21, Thawhleh zan khan Pathian thu zir hona programme an buatsaih a, zawhna leh chhanna hun leh sawihona hun hmangin an hlawkpui hle a ni.

———-
———-

CHURACHANDPUR DISTRICT

Churachandpur District Pangzawl Section a Chiengkawn Local chuan, School naupang Summer Vacation chhungin VBS an nei, Thu leh Hlaa naupangte zirtirna hun bik an nei a ni.

Pangzawl Section chhunga L.Phainuom  Local Church Board leh Local LAD te chuan PYD Camp June 27-July 3,2022 thleng an buatsaih a, camp speaker atan bialtu Pastor Rev. K.Lalramdina hman a ni.

June 30,2022 Parbung Section ah mi 3 in sual ngaihdam nan Lal Isua hmingin Pastor Ngamkholal kutah Baptisma an changa,   EFCI aṭangin 1, ICI aṭangin 1, UPC nisa 1, ICI ami hi Kohhranah lawmluh nghal a ni.