MEMBER THAR 142:
Krismas leh kum thar hunpui hman chhungin United Pentecostal Church of North East India (UPC-NEI) Kohhrana lawi turin member thar 142 zet sengluh an ni. Lalpa’n ropuina chang zel rawh se.
Member thar seng luhna hmun te :
———-
1. Aizawl East District
Keifang Bial – 4
Zemabawk bial, Middle School Veng – 1
Bungbangla – 1
Lungbial – 7
Khawbung Bial Leithum- 2
Darlawn bial Ratu Melkawn – 2
N.Vanlaiphai bial, Lungchhuan- 2
Champhai bial, Electrict – 5
Kawlkulh bial Dulte – 1
Kawlkulh Bial, Vengthar – 1
Rabung bial, Rabung – 3
Sakawrdai bial, Vaitin – 11
Zohmun bial, Palsang – 5
Total : 45
————
2. Lawngtlai West
Hmunnuam – 15
Chawngte C – 23
Saizawh E – 7
Total : 45
——-
3. N. Mizoram District
Lengpui Bial, Dilzawl – 6
Kawnpui Bial, Rashdali – 4
Lengpui Bial Dapchhuah – 3
South chhimluang – 1
Kananthar – 7
Maubawk Bial, Lawipu – 4
Rengdil Bial Kolalian – 3
Vairengte chhimveng – 5
Hunthar Bial Sairang – 2
Chawlhhmun, Central Jail veng-4
Total : 39
——–
4. Lunglei District
Mausen – 5
Thingfal – 2
Total : 7
———-
5. Chhimtuipui District
Niawhtlang – 6
Total – 6
——-
Member thar sengna hi Mizoram chhunga District 5 atangin a ni a, Mizoram pawn leh Missions Field atanga report kan dawn loh avangin tun report aia a tam belh rin a ni, report luh belh a awm chuan karleh lamah kimchang zawkin kan tarlang leh dawn nia.
——-
Office hawng :
January ni 6, Thawhtanni khan UPC North East India ; General Headquarters Office chu Kohhran mipui te dawr theih turin hawn a ni a, he mi ni hian UPC North East India huam chhunga District 12-te chuan District Office an hawng vek bawk.
General Headquarters Office, Mualpui Salem veng ah chuan Office hawn ni hian function tawi buatsaih niin Pathian hnena inhlan tharna hun hman a ni a. General Treasurer Zohmingthanzama chuan he hun hi kaihruaiin; General Missions Secretary Rev. V.L Tluanga Sinate in hunserh a hmang a, General Superintendent Rev. Lalmalsawma Sailo chuan kum thar atana infuihna tharna thuchah a sawi. Office staff ten Krismas leh kum thar chhunga an lawina tualchhung Kohhran hman dan report an pe vek bawk. General Sunday School leh Office Cashier hnen atangin thilpek hlann neih niin Bro. R. Vanengzauvan zaia rawngbawlna a nei bawk. Kum thar atana hun bul tanna programme hi Office Administrative Assintant Rev. H. Lalngailiana’n malsawm tawngtaiin a tin a ni.
———
Sunday School hming ziak :
India hmarchhak Pentecost Kohhranin kumtina a tih thin angin, January Pathianni hmasa ber khan Sunday School hming ziah a ni.
Hming ziah ni hian General Sunday school Director Rev. R. Laichhingpuia chuan Kohhran hote duhsakna leh malsawmna chibai bukin, kumin chhunga Pathian thu zirna leh Sunday school hmalakna peng tinah malsawmna tam tak nen, Puitling leh Naupang Sunday school in hmasawnna thar neia thanglian turin duhsakna a hlan a ni.
Kum 2019 General Conference report bua a lan dan chuan India hmarchhak huamchhungah hian Sunday school hming ziak 104,889 an awm a, Sunday School kalpui Tualchhung Kohhran 552 an awm mek a ni.
———-
General Hruaitute Programme :
General Suptd Rev. Lalmalsawma Sailo chuan Jan ni 11, Inrinni khan Chawnpui Kohhhranah rawngbawlna a nei a, Pathianni hi Dist Hqrs Kohhran, Tuikhuahtlangah a hmang ang.
General Secretary Rev. R. Lalrinsanga chuan tun Pathianni hian Australia-a Canberra Kohhranah a rawngbawlna a nei dawn a, karleh chho hian Melbourne Kohhrante tlawh kualin hun a hmang chhunzawm ang.
General Missions Director Rev. R. Lalhawia leh General Sunday School Director Rev. R. Laichhingpuia te chuan Jan ni 9, Ningani khan Australia chhuahsanin Mizoram an rawn pan a, ruahman anga an kal tluan chuan Jan ni 11, Inrinni hian Aizawl an thleng tura beisei a ni.
General Missions Secretary Rev. V.L Tluanga Sinate leh Treasurer Evan Pc Lalrokima te chuan Jan 8 atanga ni 10 chhung khan Missions Field Account hrang hrang audit hna thawkin Guwahati ah hun an hmang a, Field 5 atangin Field Treasurer ten Guwahati hi an pan khawm a, Bihar & Jharkhand, Odisha, Bhutan leh Andaman & nicobar Island field te erawh chu an field tlawh hunah audit tur a ni thung.
————
District hrang hrang rawngbawlna chanchin :
Lunglei District :
Office hawng :
Jan.6 thawhtanni khan Lunglei Dist.UPC Office chu mipuite dawr theih turin hawn tan a ni.
Office hawnna inkhawm tawi buatsaih a ni a, he hun hi Dist.UPC Superintendent Rev.C.Vanlalena chuan a kaihruai a, Office Staff-te chuan Krismas leh Kumthar a mahni lawina Local theuh hun hman dan report an pek bakah hruaituten Staff-te Kumthar chibak bukna an nei a, Pathian hnenah lawmthu sawi tawngtaina an nei bawk.
———
Member thar :
Lunglei Mausen Local-te chuan Christmas leh Kumthar hunpui laiin Evan.F.Lalsanglura Speaker a hmangin Crusade an buatsaih kal zelah January 2 zanah District Superintendent Rev. C.Vanlalena chuan Chhungkaw khat, members 4, Pentecost Kohhrana lawi turin a senglut.
January 3 zirtawpni khan mi thahnemngaite leh kohhran tangkawpin Pathian hnena lawmthusawi Chawimawina an buatsaih a, District Superintendent Rev.C.Vanlalena Speaker-ah hman a ni a, hemi hnu hian member thar 1 sengluh leh a ni bawk. Mausen Local-ah hian avaiin member thar 5 sengluh an ni.
– January 6 thawhtanni khan Thingfal Local-ah Ṭawipui bialtu Pastor Rev.H.Roṭhuama chuan Member pahnih kohhranah a senglut bawk.
————
Lawmthusawi chawimawina :
Lunglei District chhung hmun hrang hrangah Krismas leh hunpui boruak a nuamin Kohhran hote an hlim hle a, member thar sengluh bakah lawmthusawi chawimawina thawm hriattur a awm nual bawk.
Sekhum Kohhrante chuan Krismas leh kum thar hunpui an hmanna boruak a nuamin Kohhran hote Lalpa thlarauvin a chenchilh hle a, Kohhranah hlimna thlengin thlarau lam satlangte an chhuak a, January ni 4, Inrinni khan mi thahnemngai ten thawhkhawmin lawmthusawi chawimawina an nei a, boruak kal zelah January ni 6, Thawhtanni khan chhunzawm lehin Kohhran hote inkhawm leh zaikhawm boruak a nuam hle. January 11, Inrinni hian awmni khamin chawimawina hun an buatsaih leh a ni.
————-
Lunglei District hruaitute Programme :
– District Superintendent Rev.C.Vanlalena chuan January 12 Pathianni hian Kanghmun S biak in sak mek enpuiin rawngbawlna a nei ang.
– District Secretary Rev.PC.Lalfakawma chu January 16-19 chhunga South East Nagaland District Conference hmanpui turin a kal ang.
– District Treasurer Rev.C.Lalrintluanga chuan January 11-12 chhung hian Bazar Local-ten Leaders Meet an neihna turah Resource Person-ah a tang ang.
————
Aizawl East District :
Office hawng :
January 6, Thawhtanni khan Kum 2020 atan Aizawl East District Office chu mipuite dawr theih turin hawn leh a ni.
District Office hawnna hunserh tawi District Office-ah hman niin Rev Biaksangzuala, District Secretary chuan a kaihruai a ni. Hunserh Upa Rodailova Zote, Office Head Assistant chuan a hmang a ni. He hunah hian District Office staff te an telkim thawkhatin Krismas leh kumthar hmun hrang hranga an hman dan report ngaihthlak a nih bakah Rev Rosanga Kawlni, District Superintendent hnen atangin fuihna thu ngaihthlak a ni bawk.
———
Krismas leh kumthar ah member thar :
Aizawl East District chhunga Tualchhung Kohhran hrang hrangte chuan Kum 2019 Krismas leh Kumthar 2020 chu hlim takin harsatna awm lovin Pathian Thlarau Thianghlim awmpuina hnuaiah an hmang hlawm a, Kumthar 2020 lo thleng pawh hlim takin Church Board Committee Programme ruahman angin an hmang hlawm a, Kumthar Ni-a ruai theh an awm laiin Kumthar tuk-a ruai theh an awm bawk a ni.
Pathian hnena lawmthusawi chawimawina nena chhunzawm Tualchhung Kohhran engemawzat an awm a, hriat theih chinah Zohmun Local-ah chuan January 2 khan Evan B.Laltanpuia te chhungkua in Pathian chawimawina an nei a, January 3-ah Evan Lalsanglura te chhungkaw kaltlangin Pathian chawimawina hi neih leh niin January 4-ah Pastor B.Lalhmingliana te chhungkua, January 6-ah Sis Zawmdiki te chhungkua, January 7-ah T.Upa Chawngsangluaia te chhungkua in chawimawina hi an nei leh a, January 9-ah Bro K.Lalthanngura te chhungkua, January 10-ah Sis Laltlanchhungi te chhungkua chuan Pathian chawimawina hi nei lehin tunah hian Bro C.Zoramthanga te chhungkua in Pathian chawimawina hi nei turin ruahmanna an siam mek bawk a, a hun tur erawh Church Board Committee in ala rel dawn a ni.
He hunpui chhung hian Pathian chawimawina neiin hlim takin Kohhran engemaw zat chuan an hman bakah mithar pawh hriat theih chinah mi 45 he hunpui chhung hian sengluh an ni.
December 22, Pathianni khan Keifang Bialtu Pastor V.Lalnienga chuan mithar 4 Kohhranah a senglut a, Zemabawk bial, Middle School Veng-ah December 31.2019 khan mi pakhatin sual ngaihdamna baptisma a chang. Bungbangla-ah pawh January 1.2020 khan mithar pakhat sengluh niin sual ngaihdamna baptisma chantir nghal a ni. Lungbial-ah pawh January 4, Inrinni zan khan member 7 Kohhranah sengluh an ni.
Khawbung Bial Leithum-ah January 1 khan mi pahnih Kohhran-ah sengluh an ni a, sual ngaihdamna baptisma chantir nghal an ni.
Darlawn bial Ratu Melkawnah January 1 khan mithar 2 Bialtu Pastor, Rev T.Lalbiakliana’n sengluhna a nei.
January 2 khan Thingsulthliah bial, Sesawng Vengpui-ah mi 5 in Bialtu Pastor, Rev Rohmingliana kutah sual ngaihdamna baptisma an chang.
N.Vanlaiphai bial, Lungchhuan hmunah January 1 khan mithar 2 sengluh niin Rev Biaksangzuala, District Secretary chuan sual ngaihdamna baptisma a chan tir a ni.
Champhai bial, Electrict Kohhranah January 5, Pathianni khan chhungkaw khat member 5 chu sengluh an ni.
Kawlkulh bial Dulte hmunah pawh January 5, Pathianni khan mi pahnihin sual ngaihdamna baptisma an chang thar. Pakhat hi mithar niin Kohhranah sengluh nghal a ni. Vengthar-ah pawh mithar pakhat neih a ni bawk.
Rabung bial, Rabung Kohhranah pawh January 5, Pathianni khan mithar 3 Kohhranah sengluh an ni.
Sakawrdai bial, Vaitin Kohhrana lawi turin January 5, Pathianni khan chhungkaw khat member 8 sengluh an ni a, mi 5 in sual ngaihdamna baptisma an chang bawk. Vaitin hmunah hian December 26.2019 khan mithar 3 sengluh an lo ni tawh a ni.
Zohmun bial, Palsang Kohhranah pawh January 5, Pathianni khan Bialtu Pastor, B.Lalhmingliana chuan member 5 Kohhranah a senglut bawk.
————
Inkhawm kim zan leh member lawmluhna :
Aizawl East District PYD Inkhawmpui vawi 23-na, Kum 2017-a Khawliana neihin alo rel tawh leh District Board-in a bawhzui angin January 13, Thawhtan zan hian Aizawl East District chhunga Tualchhung PYD te chuan Inkhawmkim zan leh member lawmluhna an nei dawn.
He hunah hian District PYD chuan ruahmanna siam hran lovin Tualchhung PYD te kutah a dah a ni. Inkhawm kim zan leh member lawmluhna hi Kum 2019 khan hlawhtling takin hman alo ni tawh a ni.
———-
Sport Meet cum Rally :
January 6, Thawhtanni khan Kawlkulh bial, Venglai PYD te chuan Theiba Veng Field-ah Sport meet cum rally hlim takin an hmang. He hun hi LAD te pawhin telpuiin outdoor item chi hrang hrang hmangin intihhlimna neih a ni a, zan lamah indoor item hlawhtling takin an hmang leh bawk a ni.
——–
District Hruaitute Programme:
Rev Rosanga Kawlni, District Superintendent chuan Nilaini khan Ngopa bial, Kawlbem hmunah Kohhran thil pawimawh tia hun a hman hnuah January 11, Inrinni khan Bro. MS Dawngliana te chhungkua, Salem Kohhran ten Pathian chawimawina an neihah Speaker-ah tangin rawngbawlna a nei a, Pathianni thleng hun a hmang ang.
Rev Biaksangzuala, District Secretary chuan Pathianni chawhma hian Bawngkawn bial, Peniel Kohhranah rawngbawlna a nei anga, zan-ah District Hqrs. Kohhranah rawngbawlna a nei leh bawk ang.
———–
Chhimtuipui District :
Retreat :
January ni 7-8 chhung khan Chhimtuipui Dist Commtitee room ah Home Missionaries te leh District Evangelist pualin retreat neih a ni.
Resources person leh an thupui te :
1. Rev WL Thanghre Dist Superintendent – Administration
2. Rev Joseph L Thlauhthang Dist secy&Trea – Missionary leh sum enkawl.
3. Rev Dr C Sihmo Dist MS Director – Practical ministries
4. Dr Dochai -Hriselna
——-
Doctrinal Camping :
December 27 – 31 chhung khan Niawhtlang local church ah doctrinal camping buatsaih a ni a, camper 80 vel ten hlimna an chang. He camping senso zawng zawng hi Bro.Thanhrea te chhungkua chuan an tum a ni.
Camp Director atan – Upa C.Zachunga hman niin, Camp Secy ah Bro C.Lalramtluanga chu hman a ni.
Speaker te leh an thupui te :
1)Pstr V.Lalhlimpuia
Topic-1.Christian Living (2)Isua lokal lehna
2)Pstr C Lalchhuanthanga
Topic: 1.Thuthlung (2)Kohhran
3)Evan N Thanghnuna
Topic :
1.Isua Pathianna
2.Thianghlimna
4)Evan HC Hmingtinthanga
Topic : 1.Sabbath Vrs Sunday
2.Chatuan hremhmun & Chatuan Vanram
——–
Member thar :
Niawhtlang Local hmun a Kum 2020 kum Thar programme kal zelah harhna thlengin, malsawmna ropui tak a thleng mek zel.
Bialtu Pastor V lalhlimpuia kutah Mi 48 in Isua hmingin baptisma anchang a, an zinga 3 hi mi thar niin Kohhranah sengluh nghal an ni.
Mi 33 Chuangin thlarau baptisma an chang a, member thar 6 Kohhranah sengluh an ni.
———-
Lawngtlai West District :
Office hawng :
January ni 6, Thawhtanni khan Lawngtlai West District chu Kohhran mipuite dawr theih tura hawn tan a ni a, Sunday School zirlai bu leh Tualchhung Kohhran mamawh hrang hrang semchhuah mek a ni.
——–
January ni 12, Pathiannia District hruaitute Programme :
Dist Suptd Rev.R.Ramthatzawla chuan Lawngtlai North bial tlawhin Pathianni hi hian District Hqtrs Kohhranah hun a hmang ang.
District Secy Pastor Lalsawmliana Sailo chuan January ni 4, Inrinnia College veng Kohhran lawmthusawi chawimawinaah Speaker-ah tangin rawngbawlna a nei a, January ni 9 atanga ni 12 chhunga Vathuampui Bial Conference ah Speaker-ah tangin rawngbawlna a nei ang.
District Mission Director Rev.F.Lalbiakṭhuama chuan Jan ni 4, Inrinni khan Hmunnuam Kohhranah rawngbawlna neiin Pathian ni zingah chhungkaw hnih Member 11 Pentecost Kohhrana lawi turin a senglut a, Zan lamah member thar 4 a senglut leh bawk.
Missions Director hi Upa MC Doṭhuama te, Rbt.Pc Lalrokhuma, Upa LS Lalengthanga, Sist.LS Laltlansangi, Sist Jeneti ten an ṭawiawm a ni.
Hmunnuam kohhran tan hian Upa MC Doṭhuama chuan Biakin chung tur rangva Ban 1 a pe a, Local LAD te pawh ṭanpuina a hlan bawk
———
Member thar :
January ni 1, kum thar ni khan Chawngte C Kohhranah member 11, Buddhist chhungkua atang Pentecost Kohhrana lawi turin sengluh an ni a, January ni 5, Pathianni khan member 12, chhungkaw hnih sengluh an ni leh bawk. January ni 6, thawhtanni khan kohhran ho in Pathian hnenah lawmthu sawi chawimawina hun an buatsaih a, hlim takin hun an hmang a ni.
——-
January ni 1, kumthar ni khan Lawngtlai Chandmary Kohhran te chuan District jail ah kumthar ruai buatsaihsak a , Rev.F.Lalbiakṭhuama Dist.Mission Director chuan hunserh tawi hmangin kumthar chibai inbuk tawnna leh fuihna thu sawiin rawngbawlna an nei.
————
North Mizoram District :
Office hawng :
North Mizoram District Office chu Jan ni 6 thawhtanni khan Kohhran mipuite dawr theihin hawn a ni.
Office tan ni hian Office staff te an kal kim a, District Supdt. Rev. Laltluanga’n hun kaihruaiin Pathian hnena inhlantharna neiin tawngtaihona te an nei a ni. Rev. Laltluanga vek hian kum 2019 chhunga Office staff te leh hruaitute inkarah harsatna awm lova thawhhona tha tak hnuaia hna thawk a, kum an hman zawh theih chungchangah lawmthu sawiin; kum thar 2020 chu Pathian tihna nen, theihtawp chhuaha mahni zawn theuhvah a tha thei ang bera hna thawk turin thawktute a fuih bawk.
——–
Member thar :
1. Dec. ni 29 khan Lengpui Bial chhunga awm, Dilzawl Home Missions field ah Pentecost kohhranah chhungkaw khat member 6 awmna lawmluh an ni a, heng mitharte hi Missionary Evan. H. Lalnunzira’n Kohhranah a senglut a ni.
2. Kawnpui Bial chhunga awm Rashdali Home Missions Field-ah Dec ni 31 zanlai inkhawmah Thlarau Thianghlim hnathawh ropui tak lo thlengin kohhranhote a pui a nawiin Pathian thlarau thianghlimin a chenchilh a, chu mi rah kal zelah AD 2020 Jan ni 1 khan Pentecost kohhrana la lawi ngai lo, mi thar chhungkaw 1 member 4 awmna te chuan Pentecost kohhran zawmin Missionary Evan. Hrangchhankhuma’n a seng lut a ni.
3. District kaltlanga Maubawk Missions Department ten rawngbawltu ruaia rawng an bawlna hmun Lengpui Bial Dapchhuah-ah Kumthar ni Jan ni 1kohhran dang atangin chhungkaw khat, member 3 awmna te chu UPC NEI ah seng luh an ni. Heng chhungkaw khat mi thar te nen hian tun dinhmunah Dapchhuahah hian Kohhran member mi 39 an awm mek a ni.
4. N. Mizoram District Missions Conference vawi-39 na in Missions Field atana a puan thar South chhimluang kohhran te chuan kum kalta Krismas leh kumin kum thar chu Pathian Thlarau awmnaia hun hmangin malsawmna tam tak an dawng a, Kohhran dang atangin Pentecost mi la ni ngai lo mi thar 1 in Pathian thuthlung hmuin Kohhranah seng luh a ni.
5. Jan ni 5 Pathianni zing inkhawmah Kumthar hmanga rawngbawla rawih Chuhvela rawngbawltu Evan. Vanlalhluta chuan Kananthar Kohhranah mi thar chhungkaw 2 member 7 awmna chu Pentecost Kohhranah a seng lut.
Rawngbawltu hian Kanan thar kohhran chhung mai bakah a lenlamna hmun apiangah Lal Isua Krista chanchintha hril zelin, rawngbawltu Pathianin hna a thawhpui a, he khuaa chhungkaw khat ngelnghet tak te chuan Pathian thuthlung hmuin Sual ngaihdamna Baptisma changa Pentecost kohhran zawm mai turin an inbuatsaih mek bawk.
6. Maubawk Bial, Lawipu kohhranah Jan ni 5 Pathianni khan Reform church atangin chhungkaw khat member 4 te chuan Pathian thuthlung ropui tak hmuin Pentecost kohhranah an lut. sengluhna hun hi Evan. PC Lalrokima Gen. Missions Treasurer in anei a ni. (Pic. Lawipu).
7. Dec ni 29 Pathianni khan Rengdil Bial Kolalian Missions Field Mi thar -3 Pentecost kohhranah sengluh an ni.
Mi thar lawmluhna hi Bialtu Pastor C.Lalthlengliana’n a nei a , Nau -1 Pathian hnenah hlan nghal a ni. Bialtu Pastor Bial fang hi a nupui fanaute bakah Upa Rohnuna Bial missions director, Upa Lalengzama Rengdil local missions director te’n an tawiawm a ni. Kolalian Missions Field-ah hian tun dinhmunah kohhran member -65 an awm mek a ni. (Pic. Kolalian Mithar)
——–
Thilpek pe :
N. Bengol & Sikkim Mission Field Director Pastor Lalmuanpuia chuan nikum Dec. ni 29 Pathian zing, chhun leh zanah Maubawk Biak inah rawngbawlna neiin; Maubawk kohhrante hian, Field tana kohhran hrang hrang te mamawh Electric conection atan te, Zampher lei nan te bakah thawktute Cycle lei nan te Evan.R.Manliana te chhungin 15000 an hlan a, Bro Daniela ten Rs 5000, Sist Vungi’n Rs 3000 leh mithahnemngai engemaw zat in Rs. 1000 te, Rs 500 te leh Rs.100 ten tanpuina an pe hlawm a ni.
——–
Missionary 11 chawm dawn :
T.Upa Vanlalvena Maubawk chuan kum 2020 chhungin North Mizoram District chhungah Home Missionary 11 chawm a tum thu North Mizoram District Director a hrilh a, District hruaitute an lawm hle, T.Upa Mavena hian kum 2019 khan Missionary 10 lo chawm tawhin; kuminah hma sawnin pakhat a chawmbelh a ni.
——–
Lawmthusawi chawimawina :
Aibawk Bial Falkawn Kohhranah Jehova Jire Revival Sist. PC Lalhmangaihzuali B/w leh a Team te chuan rawngbawlna neiin; an rawngbawlna kaltlangin Pathian a inchawimawi a, Pathian chawimawina tum sarih neih tura nikum lama thlarau thupuan lo awm tawh chu, Jan ni 9 Ningani khan a tum 5-na turin Sist. Lalropuii te chhungin Pathian chawimawina an nei.
Jehova Jire Revival Team te hi Falkawn Kohhranah hian Jan ni 3 zirtawp zan atang khan rawngbawlna an tan a, Rawngbawltu te leh kohhranhote inpekna Pathianin mal a sawm a, Thlarau Thianghlim siamtharna kohhranhote’n an dawng nasa hle.
Falkawna rawng lo bawl tawh Thlarau mite’n “Falkawn Kohhranah hian kum 2020 chhungin Pathian chawimawina tum 7 a awm a ngai” tia an lo puan tawh chu a taka thleng chho mekin; a tuk khatna atan Inrinni kalta Jan ni 4 khan Sist. Nuchuaii te chhungin Pathian chawimawina bul an tan a, Falkawn Kohhranin dawtin Bro. Vanlalenga te chung, Upa F. Engliana te chhung leh Sist. Lalropuii te chhungin Pathian chawimawina hi an nei tawh a ni
Chanchin hriat theih chinah Pathian chawimawina boruak hi a kal zela, tum 7na pawh neih thei mai an beisei a ni.
———–
Building Comtt :
North Mizoram District Building Committee te chu Jan ni 8, 2020 khan North Mizoram District Office- Supdt. chamber-ah meeting hmasa ber an nei.
Meeting hi Dist. Supdt. Rev. Laltluanga’n a kaihruai a, Committee member pawh an kal tha hle a, kum hmasa lama Committee in hmachhawp a neih te bakah Kum 2020 chhunga hmalakna tur hrang hrang an ngaihtuah ho a ni.
———
Hunpui vuakveta lawmthusawi chawimawina :
Chanchin hriat theih chinah Kum kalta Krismas leh Kumthar hman vuakveta thlarau boruak kal zelah North Mizoram District huam chhungah, heng local-ah te Pathian chawimawina an nei:-
Jan ni 2 Ninganiah- 1) Sist. Hrangchhuani te chhung Ailawng 2) Upa C. Lalrinmawia te chhung Reiek 3) Sist. Lalchangliani Sailo BW te chhung, 4) Mission Vengthlang fatute atangin chawimawina an nei.
Jan ni 3 zirtawpniah – 1) Upa Kapdailova te chhung, Ailawng
Jan ni 4 Inrinniah – 1) Upa C. Hratlianhnuna te chhung Nursery 2) Evan. R. Lalmalsawma Thenzawl Vengpui 3) Upa PC Lalmanliana te chhung Thenzawl Field Veng, 4) Evan. Vanlalruata, Aizawl Tlangnuam Local. 5) Mamit Luangpawl-ah
Jan ni 7-ah – 1) Sist. Rinawmi, Thenzawl Field veng. 2) Bro. Tanpuia te chhung Thenzawl PWD veng. 3)
Jan ni 8-ah – Thenzawl Vengpui Localah chawimawina neih leh niin
Jan ni 11-ah Thenzawl Vengpui Local-ah vek chawimawina a awm bawk ang..
——-
Tirhkoh Ramtlan leh Revival Speaker te Report:
Dec. ni 29 khan N.Mizoram District Tirhkoh Ramtlan Evan. C. Zoramthar leh a rawngbawlpui te chuan Vairengte chhimveng Kohhran Sunday School naupangte camping neih puiin, chumi boruak kal zelah, bro panchhunga te chhungkuain a tum 5 na atan Pathian chawimawina an nei a, Pentecost kohhranah mithar chhungkaw khat member 5 Isua hminga seng luh an ni bawk a, An fa te 2 bakah chhungkaw nu in sual ngaihdamna baptisma changin, chhungkaw pa ber pawhin Baptisma hi a chang ve nghal a ni.
Apostolic Revival Team te chuan THENZAWL FIELD VENG ah krismas hmangin boruak nuam tak nen inkhawm leh zaikhawmah hun hman thin a ni
Kumthar 2020 Jan ni 1 khan Mi 8 Isua hmingin Baptisma an chang a, January ni 4 thleng rawngbawlna hi an nei a ni.
Pentecost Revival Team te chuan kum kalta Dec. ni 18 atang khan Hunthar Bial Sairang Kohhranah Crusade neiin rawngbawlna an nei a, rawngbawltute rawngbawlna Pathianin mal a sawm a, kumin Jan ni 4 khan Kohhran hote Thawhkhawmin Pathian Chawimawina neih a ni
Jan ni 5 Pathianni zan khan Baptisma Khur hawn niin; Mi 3 in Sual ngaihdamna Baptisma an chang bawk. Jan ni 7 khan Kohhran hote thawhkhawm bawkin Pathian hnena lawmthu sawina leh chawimawina neih a ni.
Pentecost Revival Team te rawngbawlna kal zelah Jan ni 7-a kohhranin pathian chawimawina a nei niah Mithar 2 sengluh a ni a. Mi 3 in sual ngaihdamna Baptisma an chang. Jan ni 9 zirtawpniah Pathian Chawimawina Upa Sanglura te chhungkaw kaltlangin neih leh a ni ang.
Kum 2019 Krismas leh 2020 Kum Thar hmanpuiin Phulbial (Phuldungsei) Kohhranah rawngbawlna neih a ni a. Ni 21 Dec. 2019 atanga ni 5 Jan. 2020 thleng hun hman a ni. Krismas leh Kum Thar ruai nawn a ni a, Kum Thar ni 3 thleng khan ruai nen hun hman a ni bawk.
Mi parukin Isua hmingin sual ngaihdamna baptisma an chang a, baptisma chang tharte thlarau thianghlim dilpuina neih a ni bawk.
Facebook