Theological Education Board:
February ni 1 Thawhleh ni hian UPC North East India, Theological Education Board chu General Headquarters Committee room, Mualpui Salemveng-ah neih a ni ang.
———-
Executive Board Budget session:
February ni 2 leh ni 3 chhung hian UPC North East India Executive Board Budget session chu General Headquarters Committee room, Mualpui Salemveng Aizawl ah neih a ni ang.
———-
———-
CHHIMTUIPUI DISTRICT
CHHIMTUIPUI DITRICT AH MITHAR 15 LAWM LUT
Vartek/Tuipui V Home Mission Field ah January ni 21, 2022 khan Evan T Lalhmingthanga Home missionary chuan mithar pakhat Isua hming in sual ngaihdamna Baptisma chan tirin UPC NEI Kohhran ah lawm luhna a nei nghal.
January ni 23, 2022 Khan UPC NEI Lungtian local – South Lungpher Bial a lawi tur in member thar 10 chu Bialtu Pastor L. Nghakliana an Kohhran aiawh in lawmluh na a nei.
January ni 23, 2022 Khan Siahatla local church ah chhungkua 1 member 4 te chu Upa C Liannghinga Local chairman chuan Kohhran ah lawm luhna a nei.
———-
———-
———-
LAWNGTLAI WEST DISTRICT
District Hruaitute Programme:
District Superintendent, Rev.F. Lalbiakthuama chuan kartawp hian Lawngtlai North bial conference hmanpuiin Speaker-ah a tang ang.
District secretary&Treasurer, Rev.Lalsawmliana Sailo chuan kartawp hian Sihtlangpui lungphunna ah hun a hmang dawna, Inrinni ah Chandmary Local Church board form na neiin Pathianni ah Lawngtlai North bial khawmpui a hmanpui bawk ang.
———-
PENIEL COMPREHENSIVE ENGLISH SCHOOL HAWNG.
Lawngtlai West District, Sabualtlanga Peniel Comprehensive English School chu January ni 25, 2022 Thawhlehni khan hawnna neih a ni.
Hawnna inkhawm hi Rev.Lalsawmliana Sailo Dist.Secretary&Treasurer chuan kaihruaiin Rev.F.Lalbiakthuama Dist.Supdt chuan School hawngna a nei a, Pastor K.Lalzawmsanga Bialtu Pastor leh Evan Lalhmangaihzama Hmawngbu Home Misionary, School Principal Incharge-te hnen atangin thusawi ngaihthlak niin, Sabualtlang School Board chairman Upa. Puno Chondro hnen atangin School report ngaihthlak a ni bawk.
Sabualtlanga school a ding theih nan hian sabualtlang Local church leh kohhran chhungkaw tin te hian sum leh pai, tha leh zung nasa taka sengin hma anla a ni.
———-
ANUAL AUDIT NEI
January ni 26, 2022 Nilai ni khan Lawngtlai West District Kohhranpui leh Department hrang hrang LAD, PYD, Sunday School, Mission Deprt leh Office building board te Account chu District Office ah Anual Audit neih a ni.
———-
Bial conference:
January ni 29-30 2022 hmang hian Lawngtlai North bial chuan Bial Conference an hmang. Zan lam inkhawm a theih loh avang hian Inrinni chhunah Rorel inkhawm neiin Pathianni tuk ah inkhawm service pangaiin an kalpui dawn a ni.
———-
BLANGKET SEM
January ni 20 leh 22, 2022 khan Sorkar atanga dawn Blanket chu kohhran member mi thlan chhuah bik te hnenah Rev.F.Lalbiakthuama District Superintendent leh Rev.Lalsawmliana Sailo Dist.Secretary te chuan hlanna an nei a ni.
———-
MITHAR LAWMLUH LEH NAUHLANNA,BAPTISTMA
January ni 23, 2022 khan Rev.Lalsawmliana Sailo Lawngtlai South bialtu, leh Dist. Secretary & Treasurer ni bawk chuan saizawh east Local church ah Mithar lawm luhna leh Nauhlan na a nei.
Mithar hi chhungkaw khat member pasarih an ni a, Naute pahnih(2) a hlan bawk.
Baptistma chan tirna neih nghal in, mi sawmpathum (13) laiin Lalpa Isua krista hmingin Baptistma hi an chang a ni.
January ni 23, 2022 vek khan Pastor R.Lalhriatpuia Diltlang bialtu chuan Ngengpuikai ah mi paruk Lalpa Isua hmingin Baptistma a chantir a, member pali(4) te hi mithar niin member pahnih(2)te hi kohhran huang chhung ami an ni.
January ni 23, 2022 vek khan Evan Lalhmangaihzama Home missionary chuan Hmawngbu Local ah chhungkaw khat(1) member pasarih( 7) awmna chu a lawm lut a ni.
———-
Raltlan tanpuina pe
Lawngtlai West District Board in a lo rel tawh angin, January ni 24, 2022 khan Rev.F.Lalbiakthuama District Superintendent chuan raltlan ṭanpuina ₹.20,000/- C.YLA General Secretary kutah hlanna a nei.
———-
———-
LUNGLEI DISTRICT
DISTRICT P.C.D. BOARD NEIH A NI :
January ni 16 Pathianni khan P.C.D. Lunglei District Board vawi 27-na chu District U.P.C. Conference Hall-ah Vice President Rbt.R. Lalromawia kaihhruainain neih a ni a, an thurel pawimawh zualte:
1. February a\angin PCD Aw tih chhuah leh nise \ha tih a ni a, Editorial Board hetiang hian siam a ni.
Editor – Bro. Jacob Ramengmawia
Circular Manager – Sist. Elizabeth Zothansangi & Rbt. C. Lalnunpuia
2. Kum 2022 chhungin PCD Campaign hi neih leh ngei nise \ha tih a ni. Campaign neihna hmun atan hengte hi ruahman nghal a ni.
Bunghmun Bial
Tlabung Bial
S. Vanlaiphai Bial
Pangzawl Bial
3. Kum 2023-a PCD Zirlaibu tur District PCD Board vawi 23-na in alo rel fel tawh Pastor Jerry Lalmuanawma ziah chu ennawn a \ul em tih sawiho a ni a, ngaihdan hrang hrang sawiho a nih hnuin Bung 30 a tih tlem nise, \ul leh pawimawh dang chu President leh Secretary ten lo bawhzui se \ha tih a ni.
4. Kum 2022 chhungin PCD RALLY /MEET neih \ha tih a ni a, \ul leh pawimawh dang chu District Board neih leh huna ngaihtuah atan dah a ni.
———-
MI THAR :
i. January ni 23 Pathianni khan Zodin Local-ah bialtu Pastor R. Lalremsiama chuan mi thar pahnih kohhranah a lawm lut.
ii. Thingsai Local-ah January ni 23 Pathianni khan bialtu Pastor Lallawmsanga chuan mi thar pathum kohhranah a lawm lut.
———-
BIAL INKHAWMPUI HMANG MEK :
January ni 28 atang khan Tlabung bial leh Chawngte bialte chuan bial inkhawmpui an hmang a, January ni 30 Pathianni thleng hun an hmang ang.
Tlabung bial inkhawmpui vawi 17-na hi Tlabung Local-ah neih mek a ni a, District Treasurer Rev. C. Lalrintluanga chuan a hmanpui. January ni 28 zirtawpni khan P.Y.D. leh L.A.D. ten ro an rel a, January ni 29 inrinniah Sunday School Department leh Kohhranpuite chuan rorel inkhawm hi an nei leh a ni.
Chawngte bial inkhawmpui vawi 43-na chu Upper Lungrang, Biak inah hman mek a ni a, District Superintendent Represent- in Rev Pc. Lalfakawma, Dist Secretary in a hmanpui. Inkhawmpui thupuiah hian ‘I Pathian tawk turin inpeih rawh’ tih chu hman a ni a, bial hruaitute leh District Secretary ten thusawi rawngbawlna an nei. Sunday chawhnuah bialtu Pastor, Jerry Lalmuanawma’n Sacrament rawngbawlna a nei ang. He inkhawmpui ah hian Missions Department, Sunday School Department, Kohhranpui leh P.Y.D. ten rorelna an nei ang. Chawngte bialah hian bial member 830 an awm mek a ni.
———-
MAUTLANG AH P.Y.D. DIN A NI:
Chawngte bial P.Y.D. in Bial chhung Local P.Y.D. din lohna Local-ah P.Y.D. din tura hmalak nise ti a a lo rel tawh bawhzuiin January ni 23 Pathianni khan Zehtet Missions Field huam chhunga Mautlang Local-ah P.Y.D. din a ni ta.
He P.Y.D. dinna hun hi Chawngte bial P.Y.D. hruaitute leh Members thenkhatten hmanpuiin bialtu Pastor Jerry Lalmuanawma leh Zehtet Home Missionary Evan.C. Lalrinzualate kaihhruainain Mautlang Local P.Y.D. hruaitu turte pawh form fel nghal a ni.
President: Vanlalsanga
Secretary: Vanlalpeka
Treasurer: T. Lallungmuana
Fin Secretary: Lalbiaksanga
Vice. President: Rbt. K. Sanga
———-
———-
NORTH MIZORAM DISTRICT
District PYD Hruaituten Kawrthah rawngbawlna hmun an tlawh:
NMD Dist PYD ten Tirhkoh ruaia rawng kan bawl mekna hmun Kawrthah (Rengdil Bial) tlawhin Dt. 26/01/2022 khan Dist.PYD Secretary Evan K Rotluanga leh Treasurer Evan C Lalruatsanga te chu Dist.PYD Board Member Mi pa 4 leh Hruaitu thenkhatte nen an fehchhuak.
Dist.PYD Hruaitute fehchhuak hi Rengdil Bial PYD hruaituten lo dawngsawngin Kawrthah kohhran Biakin hmun Fencing siam dan tur vel te an sawi ho a, rawngbawlna atana thil pawimawh dangte an sawiho a ni.
Kawrthah 26/01/22 Tour kal turte.
1. Evan K Rotluanga, Dist.Secretary
2. Evan C Lalruatsanga, Dist.Treasurer
3. Evan Zd Hmangaihzuala, President, Lengpui Bial
4. Upa R Lawmsanga, President, Dinthar Bial
5. Bro Lalmuanawma, President, Tlangnuam Bial
6. Upa Robert Hmar, President, Chaltlang Bial
7. Bro Lalruatkima, Asst.Secretary, Dinthar Bial
8. Bro Albert Lalfakawma, Dist.PYD Music Treasurer/ Choir Convener
Upa Robert-a Chaltlang Bial President chuan Kawrthah Kohhran Baptisma Khur siamna tur a tumsak dawn a.
Bro Albert C Lalfakawma President,Tlangnuam PYD, Dist.PYD Music Committee Treasurer chuan Kohhran Biakin Dar tur a tum sak dawn bawk a ni.
———-
Vawngawnzo Missionary Quarters tur Lungphum Programme hman a ni:
January ni 25 thawhleh ni khan Mamit Bial chhunga Vawngawnzo Missionary Quarters thar sak tur chu Sist Esther Lalrawngbawli, Missionary in Lal lsua hmingin lung a phum a; Evan C. Hmingchungnunga, Chaltlang Bial Director chuan ṭawngṭaina in a hlan a, he mi ni hian a ban phun ṭan nghal a ni.
———-
———-
———-
AIZAWL EAST DISTRICT
Bial PYD Inkhawmpui:
Aizawl East District chhunga Bial hrang hrangte chuan January 28 atanga 30 chhung hian Bial PYD Inkhawmpui an hmang mek a, Bial thenkhat erawh chuan hrileng avangin a hun takah Bial PYD Inkhawmpui hi an hmang thei lo thung.
Bial hrang hrangte hian Covid-19 hrileng avanga Sawrkarin Dan a siamte zawm chungin Bial PYD Inkhawmpui hi an hmang hlawm a, January 29, Inrinni khan Bial hrang hrangte hian Kum 2022 chhunga Bial hmalakna tur hrang hrang leh District-a thehluh tur ngaihtuahin rorel inkhawm an nei hlawm a Zan lamah inkhawm neih a remchan loh avangin Pathianni chawhma leh chawhnu-ah chauh inkhawm an nei thei hlawm dawn a ni. Bial thenkhatah erawh Pathianni hian rorelna an nei thung ang.
Aizawl East District PYD Bial inkhawmpui hi District PYD hruaitute pawhin Bial hrang hrangah an hmanpui bawk a ni. Aizawl East District chhungah hian Bial 31 awm mekin Kum 2021 District Conference report bu-a a lan danin PYD hi member 6754 awmin Mipa 4247 leh Hmeichhia 2507 an awm mek a ni.
———-
Licence la tharte pualin hun hmang:
January 27, Ningani khan District Committee room-ah Aizawl East District chhunga Licence la tharte pualin hun hman a ni. He hun hi Rev Vanlalfela Ramtiam, District Superintendent chuan a kaihruai a, Licence la tharte hnenah Certificate hlanna a nei nghal a ni. He hun hmanah hian Rev Vanlalfela Ramtiam, District Superintendent, Rev VL Hnemtluanga, District Secretary leh Rev R.Laltlankima, District Treasurer te hnen atangin fuihna thu ngaihthlak a ni bawk. Retreat neihnaah hian hrileng avangin kal theilo an awm nual a ni. Kum 2021-ah khan Aizawl East District chhungah hian General Licence mi 5, Local Licence mi 5 leh Bible Women mi 1 ten an la thar a ni.
———-
Mithar leh baptisma chang:
January 23, Pathianni khan Zemabawk West Kohhranah mithar 4 sengluh niin mi 2 in Rev HL Thakunga kutah sual ngaihdamna baptisma an chang nghal a ni.
January 23, Pathianni vek khan N.Khawlek Kohhranah Zion Revival Team te chuan rawngbawlna an nei a, mi 8 ten sual ngaihdamna baptisma an chang a ni.
Facebook