GENERAL NEWS
EVANGELIST TEACHER LAK THAR
UPC North East India General Missions Department hnuaia Pentecostal English School Managing Board chuan Evangelist Teacher (2) pahnih a la thar.
January ni 19 2022 Nilai ni khan General Headquarters Committee room, Mualpui Salemveng-ah Interview neih niin Pentecostal English School Manigong, Arunachal Missions Field-a zirtirtu hna thawk tur in Bro. C. Lalrammawia, Bethlehem, Aizawl leh Bro. Nany Vanlalhriata, Sakawrdai te chu lak an ni a, Zirtirtu lakthar te hian February ni 1 2022 ah General Missions Director hnenah Joining report pein February thla chhung hian an awmna hmun tur thleng hman tur a tih an ni.
———-
———-
AIZAWL EAST DISTRICT
District Board:
Ni hnih chhung awh, Aizawl East District hnuaia rorelna sang, District Board, Budget Session chu tluang takin January 19, Nilaini khan zawhfel a ni. District Board hi January 18, Thawhlehni khan District Committee room-ah neih tan niin Rev. Vanlalfela Ramtiam, District Superintendent chuan a kaihruai a ni. Aizawl East District Board hi a ni khat naah khan Rev R.Lalrinsanga, General Superintendent chuan a telpui bawk a, Bial hrang hrang atangin Board memberte an telkim thawkhat a ni. District Board-ah hian Rev Biaksangzuala, Chairman chuan Pastor atana lak thar mi 4 te chu Board member atan lakluhna a nei a, Rev VL.Hnemtluanga, District Secretary chuan Ordination Licence la tharte hnenah Certificate a hlan bawk a ni. District Board hian Kum 2022 chhunga District Kohhranpui bakah Department hrang hrang budget siam chu pawmin Evan. HK.Lalhmangaiha chu Full Time Evangelist atan ala thar bawk a ni.
———-
Pathian chawimawina nei:
January 14, Zirtawpni khan Champhai Bethel bial, New Champhai local-ah Bro. GK Liana te chhungkua chuan Pathian chawimawina an nei a, Bial chhung kohhran hoten hlim takin hun an hmang a ni. Chawimawinaah hian Upa David Lalsawmtluanga, Headquarters Local, North Mizoram chu Speaker ah hman a ni a. A tuk Inrinniah chawimawina chhunzawm lehin chawimawi tute chhungkuain ran an thawh leh a Pathianni zan thlengin hlim takin hun an hmanga Bial chhung kohhranho ten Thlarau malsawmna an dawng nasa hle a ni.
———-
Sunday School pualin intuaitharna nei:
January 16, Pathianni khan Bethelhem Bial chhunga Sunday School zirtirtu te pualin Bethlehem Kohhranah intuaitharna hlawhtling taka neih a ni. He hunah hian Rev. Rohmingliana, District Sunday School Director chu resource person-ah hman niin Bial chhung atangin Puitling leh naupang Sunday School zirtirtu engemaw zat kalin hlawk takin hun an hmang a ni.
January 15, Inrinni khan Thingsulthliah Bial Sunday School Department hmalakna in Bial chhunga S.S zirtirtute pualin Seminar hlawhtling tak, Sesawng Kohhranah neih a ni bawk. Bial chhung atangin zirtirtu mi 60 vel kalin resource person atan Bialtu Pastor V.Lalnienga chu hman a ni a, kalkhawmte hian hlawkthlak an ti hle a ni.
———-
Induction nei:
January 16, Pathianni khan Bawngkawn bial headquarters Kohhranah Ramhlun Sports Complex hmuna rawngbawl turin District Missions Evangelist Sist Sangkhumi te Nupa chu Bialtu Pastor, Rev.C.Mawizuala chuan induction a nei. He hunah hian Rev C.Mawizuala bakah Sis. Sangkhumi te hnen atangin thusawi tha tak ngaihthlak a ni.
January 16, Pathianni vek khan hrileng avanga a hun taka Pastor induction neih theih lohna Chhingchhip Bial Pastor lakluhna, induction chu Rev. Biaksangzuala, General Missions Director chuan a nei. Bial Treasurer, Upa R.Hmuakliana’n kaihruaiin Evan H.Lalngaihzuala, Bial Secretary in hmelhriattirna a nei bawk a ni.
Pastor lakluhna neih zawh a nih hnuah District Missions Department in Chhingchhip bial, Hmuntha hmuna rawngbawl tura an dah, District Evangelist, Evan F.Vanlalruata lakluhna leh tawngtaisakna Rev Biaksangzuala hian a nei leh bawk a ni.
Khawruhlian bial-a rawngbawltu tur, District Evangelist, Evan Lallawmzuala te nupa chu Khanpui-ah lakluhna inkhawm neih a ni bawk a, Bialtu Pastor Hmingchungnunga chuan hriakhnawih rawngbalwna neiin tawngtai sakna a nei bawk a ni.
———-
Baptisma chang:
January 16, Pathianni khan Bawngkawn kohhranah member nisa mi 6 te chuan Bialtu Pastor, Rev.C.Mawizuala kutah Baptisma an chang.
Zemabawk Bialah pawh mithar 1 in Bialtu Pastor R.Malsawma kutah sual ngaihdamna baptisma hi a chang bawk.
January 16, Pathianni vek khan Zemabawk West leh Chhinga Vengah Baptisma chang mi 4 an awm bawk a, Zemabawk North bial, Zemabawk West Kohhranah hian Rev. VL.Hnemtluanga, District Secretary chuan rawngbawlna neiin Kohhran dang atangin mi 1 sual ngaihdamna baptisma a chantir nghal a ni.
Bazar bial Pastor Rev.C.Lalmalsawma chuan bial fan prog.hmangin Chhinga Veng Kohhranah mi 4 sual ngaihdamna baptisma a chantir nghal a ni. Thlarau lam hla nen hun hlimawm tak an hmang a ni.
———-
Bial PYD Inkhawmpui:
Aizawl East District chhunga Bial hrang hrangte chuan January 28 atanga 30 chhung hian Bial PYD Inkhawmpui an hmang dawn a, Bial thenkhat erawh chuan hrileng avangin a hun takah Bial PYD Inkhawmpui hi an hmang thei lo thung ang.
Bial hrang hrangte hian Covid-19 hrileng avanga Sawrkarin Dan a siamte zawm chungin Bial PYD Inkhawmpui hi an hmang hlawm dawn a, January 29, Inrinni-ah Kum 2022 chhunga Bial hmalakna tur hrang hrang ngaihtuahin rorel inkhawm an nei hlawm anga Zan lamah inkhawm neih a remchan loh avangin Pathianni chawhma leh chawhnu-ah chauh inkhawm an nei thei hlawm dawn a ni.
Aizawl East District chhungah hian Bial 31 awm mekin Kum 2021 District Conference report bu-a a lan danin PYD hi 6754 awmin Mipa 4247 leh Hmeichhia 2507 an awm mek a ni.
———-
Hruaitute Programme:
Rev VL Hnemtluanga, District Secretary chuan Ningani khan Zohmun bial, N.Tinghmun Biakin hmun hma en in a kal a, Inrinni khan Aizawl a rawn let leh a ni. Rev VL.Hnemtluanga hi Rev H.Lalropuia, Mualpui bialtu Pastor chuan a tawiawm a ni.
Rev KVL Hmangaihkima, Missions Director chuan Pathianni hian N.Vanlaiphai bial chhungah Missionary Support zawngin rawngbawlna a nei ang.
———-
———-
NORTH MIZORAM DISTRICT
District Hruaitute Prog:
Jan ni 16 Pathianni khan Dist. Supdt. Rev. Laltluanga chuan Aibawk Bial Hualngohmun kohhranah rawngbawlna neiin, Pathianni a hmanpui.
———-
Aibawk Biak in hawn a ni:
Inrinni kal ta Jan ni 15 khan Aibawk Bial, Aibawk Kohhrante chuan an biak in sak thar an hawng. Biak in hawn inkhawm pawn lam programme hi Upa. C.Zairemtluanga, Vice Chairman Aibawk UPC in kaihruaiin, Pathian thu chhiarin a ṭawngṭai a. Rev. Laltluanga, District Superintendent in Ribbon chep chatin Biak in hawnna hun hi hman a ni.
Biak in chhung Programme kaihhruai hna Pastor Pc Lalrokima, Aibawk Bialtu pastor-in thawkin, Kohhranhote lawmna thu leh Ṭawngṭai, Evan.Laldawla’n a nei a. Technical Report Upa C.Hmingsangzuala, Treasurer in a pek baka Sis. F. Lalhriatchhungi, Sis. Lalfakzuali leh Sis. R. Lalpianfeli te hnen aṭangin Pathian fakna hla ngaihthlak a ni. Bialtu Pastor lo ni tawh te Rev. C.Lalramthanga leh Rev. K.Vanlaldika ten thutawi an sawi bawk.
Rev. Laltluanga, District Superintendent in Pathian thuchah ropui tak a sawi hnuin Biak In hawn inkhawm hi Rev. C.Lalramthanga, Distict SS Director in malsawm ṭawngṭainain a ṭin a ni.
Aibawk Biak in hi kum 2013 Sept. ni 13 khan sak bul ṭan niin, feet 60 x feet 30 a liana sak a ni a. Kawngkapui lian 2 leh kawngkapui 3 awmin tukverh 21 leh ventilation 10 a awm a. Gallery nen mi 400 vel leng tura duan a ni. A sak nan hian sum ₹ 31,20,650 sen ral niin chhinchhiah theih chian tha 2458 sen a ni.
———-
NMD Budget session 2022 neih a ni:
NMD 2022 bugget session chu Jan Ni 20 nilaini khan neiin, Dist Hqrs Biak in, Tuikhuahtlangah an thukhawm. Budget session hi Dist Supdt Rev Laltluangan kaihruaiin, he session ah hian Kohhran pui bakah deptt hrang hrang Missions Dept, Sunday School, LAD, PYD leh Penrecostal Gateway Higher secondary te, kum 2022 chhunga sum mamawh leh a hman dan tur ruahmanna te an thlir ho a ni.
———-
Pentecostal School of Ministry kal zel:
Jan ni 5 Nilaini atanga a zirna kalpui NEI, North Mizoram District hnuaia Bible zirna Pentecostal School of Ministry chu NMD Campirng Centre Sakawrtuichhunah tluang taka kalpui mek zel niin; tunlai hian an subject lak te exam an nei mek a ni.
Kumin 2022 January thlaa PSM kalpui hi, hrilengin harsatna a thlen avanga Kum 2021 Session-a PSM in a zirtak loh course niin; Kumin June thla hian Kum 2022 session kalpui leh nghal a ni ang. Pathian thu zir zirlai Naupang te hi an vaiin 29 niin; riak lutin zirna hi an kalpui a, thla thar February ni 6-ah Graduation day an hmang ang.
2021 batch PSM zirlai mi 29 te chuan an theih ang ang thawhkhawmin; Home Missionary 1 2022 chhungin an chawm an tum a ni.
———-
Sunday school Exe thukhawm:
Jan ni 18 Thawhlehni khan N. Mizoram District Sunday School Executive Committee, Rev. C. Lalramthanga Dist. SS Director kaihhruaiin District Office-ah thukhawmin, Kumin chhunga SS Hall sak tanpuina dil mi 10 Phaizau, Tumpanglui, Hriphaw, Kol Diakkawn, Vairengte IOC, Kelsih, Khatla, Samtlang leh Kanghmun tanpuina pek an rel a, Hall sak tanpuina hi Kum 2022 January thlaa ruahman fel an passed bawk.
Missionary Induction thawh hnihna nei zo : North Mizoram District huam chhunga Missionary Post thar luah induction thawh hnihna chu Jan ni 16 Pathianni khan neih leh niin; hetah hian Marpara Missions Field-a awm thar Evan. Isak Lalrohlua leh W.Phulpui Missions Field-a awm Evan. H. Lalnunzira te induction neih a ni. Evan. Isak Lalrohlua hi Dist. Missions Secy Evan. JH Malsawmdawngliana’n induction neiin; West Phulpuia awm Evan. H. Lalnunzira hi Maubawk Bial Director Upa B. Vanlalenga’n a nei thung a ni.
———-
LADIES TAILORING CENTRE HAWNNA NEIH A NI:
Jan ni 17, Thawhtanni chawhma dar 11:00 khan, UPC, North East India, North Mizoram District, LAD te hmalaknain, Kohhran chhunga a mamawh apiang tan a thlawna puanthui zirna tur ‘Ladies Auxialliry Tailoring Centre’ an hawng.
Hawnna inkhawm hi Hqrs. Kohhran Biak in tualah hman niin; ‘Tailoring Centre hi Rev. Laltluanga North Mizoram District chuan a hawng a, North Mizoram District Treasurer Rev. K. Lalduhsanga’n hunserh a hmang.
Centre hawn inkhawm hi Gen. Supdt. Rev. Lalrinsanga, Gen. LAD President Sist. Lalchangliani Sailo bakah AED LAD President ten hovin, thusawina hun tha tak an nei a, Dist. Dept hrang hrang an sawm te atangin Evan. MS Dawngliana, Dist. Missions Trea, Evan. H.Lalrinngheta, Dist. Sunday School Secy./Trea bakah Dist. PYD aiawhin Evan. K. Rotluanga, DIst. PYD Secy leh PG aiawhin Sist. Madini ten telpuiin hun an pek angin thusawina hun an nei theuh bawk.
Centre hawn inkhawm hi District LAD President Sister K. Lalhmachhuani Bible Women in a kaihruai a, Sist. Laldawngliani, Dist LAD Secretary hnen atangin Welcome Speech sawiin, thusawi ngaihnawm leh fuihna thu ropui tak tak Upa Dolianbuaia, MCS, Secretary, Mizoram Information Commission te, T.Upa Donny Lalruatsanga, MCS, Secretary, Mizoram Youth Commission te leh Pu Lalsawmzuala, Dinthar, OSD to Minister of State, Social Welfare & Tribal Affairs Dept. te atangin thusawi ngaihthlak a ni bawk.
Dist. LAD Trea. Sist. Chhuankungi’n lawmthu sawina thiam leh famkim takin a nei a, NMD Dist. Secertary Rev. Chhiarpuia pawhin thu ropui tak sawiin Function tinna tawngtai a nei bawk a ni.
Ladies Auxilliary Tailoring Centre-ah hian 1st Batch atan Zirlai naupang 10 awmin, zirtirtu pakhat neih a ni a, Jan ni 18 thawhlehni atangin khan zirna hi an kalpui a ni.
———-
Rawngbawlna Report:
Damparengpui Bial, Tuipuibari Hmar veng rawngbawlna Report: Dist. Tirha Damparengpui Bial, Tuipuibari hmar venga rawngbawla awm Evan. Lalduhsaka saza chuan a awm hun chhung tura bituk zovin Jan ni 15 Inrinni khan Tuipuibari a chhuahsan. Evan Lalduhsaka’n rawngbawlna a neih chhung hian kohhranah mithar 8 neiin; tunah hian member 49 an awm mek bakah Baptisma chang thar mi 5 leh nau hlan thar mi 4 an awm bawk a ni.
He hmuna rawngbawl chhung hian Maicham, khuang dahna, lectern leh thutthleng 10 siam thar a ni a. Heng hi Evan. Lalduhsaka siamte ni hlawmin; Kohhran Tui connection neih thar Rs 10000 chuang senna pawh rawngbawltu Evan. Lalduhsaka Saza hian a tum vek bawk a ni. Hei bakah hian rawngbawltu hian Biak in Pulpit siamin Rs 7000 vel sen a ni bawk a, hei pawh hi rawngbawltu hian a tum bawk.
Evan. Lalduhsaka Saza hi Tuipuibari Hmar vengah hian Rawngbawlin October 2021 chawlhkar tawp berah lutin Jan 2022 -ah a chhuahsan a, Thla hnih pumhlum rawngbawlna a nei hman a ni.
Tuipuibari Hmar veng Kohhran hi thla thum vel chauhva upa niin; Kumin hian Biak In thar sa turin passed a ni bawk.
———-
Missions Campaign thawhkhatna fehchhuak:
North Mizoram District, Missions Dept. ruahman angin vawiin Jan ni 23 Pathianni hian Missions campaign neiin Aizawl khaw chhung leh a chhehvel Bial 9-ah rawngbawltute tirh chhuah an ni. Campaign nei tura tirh chhuah te hian Aibawk Bial, Headquarters Bial, Tlangnuam Bial, Chaltlang Bial, Dinthar Bial, Chawlhhmun Bial, Hunthar Bial, Durtlang Bial leh Sihphir Bialah te fehchhuakin Kohhran 52-ah rawngbawlna an nei ang.
———-
Rawngbawlna Report:
West Phaileng Bial:
Evan Lalramthara Sailo, West Phaileng Electric Veng Preaching Point a rawngbawl mek chuanJan ni 16 Pathianni khan member thar 2 Kohhranah lawmlut in, a rawngbawlna Lalpan mal a sawm hle.
Kawnpui Bial PYD te workcamp in Rajtali Missions Field-ah fehchhuak: Kawnpui Bial PYD te chuan Bial Board rorel angin, Jan ni 13 Ningani atanga ni 15 Inrinni hmang khan, Bial PYD member 21 lai thawkchhuakin, Rajtali Missions Field Missionawry Quarters extend hna leh Biak in thawm that hna an thawk.
Kawnpui Bial PYD ten workcamp an neih chhung hian Quarters Extend leh Quarters Varadah an siam bakah Biak In Ceiling te an siam a, hei bakah hian Biak in chhung leh pawn Skirting an plaster vek hman bawk a ni. Kawnpui Bial PYD te thawhrimna leh Missions Field hmangaih taka an enkawlnaah District hruaite leh Rajtali kohhrante’n lawmthu an sawi.
———-
———-
LAWNGTLAI WEST DISTRICT
District Puipa te hun hman dan
Rev.F.Lalbiakthuama,District Superintendent chuan Lawngtlai AOC kohhranah rawngbawlna a nei ang.
Rev.Lalsawmliana Sailo, District secretary&Treasurer chuan Inrinni ah Mampui Local Church board a form a nga, Pathianni ah Saizawh East ah Mithar lawm luh te Baptistma chan tirna a nei bawk ang.
———-
MITHAR LAWMLUT
Dt.13.jan.2022 khan Rev.Lalsawmliana Sailo District Secretary&Treasurer chuan Saizawh East ah Mithar chhungkaw thum(3) member sawm panga(19) awmna chu a lawm lut a ni.
Dt.13.jan.2022 khan Hmawngbu Local ah Evan Hmangaihzama chuan mithar chhungkaw khat (1) member pakua(9)awmna chu lawmluhna a nei a ni.
Saizawh East kohhrana lo lut thar(Raltlan) te chu Saizawh kohhran te chuan insak sakin a theih ang²a chhawmdawl hna an thawk a ni. Dt.17.jan.2022 khan Dist.Supdt.leh Secretary&Treasurer te chuan a hmunah an tlawhin saizawh kohhran te hmalakna te an thlir ho a ni.
———-
Dt 14-16.Jan.2022 chhung khan Bial Conference vawi-9na ;Bungtlang south Local ah hman a ni a.
Rev. F. Lalbiakthuama Dist Supdt.Rev Lalsawmlian Sailo Dist Secretary leh an nau ten an hmanpui a ni.Tin ,Bro C.Lalrinngheta Pennet Lawngtlai Dist.incharge in kan programme te min Live saka a chungah an lawm hle a ni.
Dt 15/Jan/2022 Inrinni dar 10:30 Am khan Rev F Lalbiakthuama Dist.Supdt chuan Bungtlang south Biak In hawnna a nei bawk.
———-
AUDIT NEI
Bial leh Local church hrang² te kum tawp audit neih mek a ni.
Hripui leng avangin chhun lam inkhawm chiah a theiha zan lam erawh sorkar thuchhuak avangin inkhawm hi kalpui a nilo a ni.
———-
———-
CHHIMTUIPUI DISTRICT NEWS
ANNUAL AUDIT NEI DAWN :
Ni 19-21.1.2021 khan District Committee Room ah Chhimtuipui District annual audit neih a ni a. He audit ah hian District Kohhran pui account hrang hrang leh District department hrang hrang account te audit a ni. Heng account hrang hrang te hi Auditors Rev.Lalhnehchunga, Evan.John VT Hniehu leh Upa PS Lalthanhlira ten an audit a ni.
———-
DISTRICT SUPERINTENDENT ZIN CHHUAK DAWN :
Ni 22.1.2022 hian Rev.Joseph L.Thlauhthang District Superintendent chu Tuipang Bial Kohhran te kan in a zin chhuak ang. Pathian Ni hi Phura Local ah rawngbawlna a nei anga, Vahia(Vahai)Local, Laki Local te pawh a kan kual nghal dawn a ni.
———-
DISTRICT LOCAL HRANG HRANG AH CHURCH BOARD FORM THA MEK ZEL :
Tunlai hian District chhung Bial hrang hrang ah Bialtu Pastor ten Local hrang hrang form thatna an nei mek a. Boruak duhawm tak hnuai ah Kohhran in form that na hi kal pui mek a ni. Kohhran boruak pawh a nuam in Kohhran te an phur hle a, Local thenkhat ah mawhphurhna in chhawk te an awm laiin Local thenkhat ah a ngai ten hnathawh kawr an ha chhunzawm dawn bawk a ni. Roreltute hi Pathian ruat an nih avangin Kohhran ten Lalpan hruaitu a tan a min pek te tawngtai pui hi kan mawhphurhna a ni.
———-
CONFERENCE HMANG TURIN INBUATSAIHNA KALPUI MUP MUP A NI.
Chhimtuipui District Kohhran pui, District Department te leh Bial hrang hrang te chuan Conference hrang hrang lo awm tur atan inbuatsaihna an kal pui mek a. Conference hrang hrang neihna hun leh hmun turte:
1. DISTRICT PYD – 18-20.2.2022 (Tuipang L) Pandal lian tak sain inbuatsaihna nasa takin an kal pui a ni.
2. DISTRICT LAD – Ni 4-6.3.2022 (Bualpui Ng) Bualpui Ng Local ten hlim taka hman anih theih nan nasa takin inbuatsaihna an kal pui mek a ni.
3. DISTRICT CONFERENCE (Kohhranpui) – Ni 17-20.3.2022 (Hqrs. Local) Hlim tak leh hlawk taka hman anih ngei theih nan kum tir atangin inbuatsaihna kal chhohpui a ni a.
4. DISTRICT MISSIONS DEPARTMENT – Ni 18-20.11.2022 (S.Lungpher Local) Hlim taka hman anih theih nan In buatsaihna kal chhohpui tan a ni.
5. SIAHA BIAL – Ni 11-13.2.2022 (Council Vaih Local)
6. SANGAU BIAL – Ni 4-6.2.2022 (Sangau II Local)
7. TUIPANG BIAL – Ni 11-13.2.2022 (Phura Local)
8. S.LUNGPHER BIAL – Ni 4-6.2.2022 (S.Lungpher Local)
9. NIAWHTLANG BIAL – Ni 4-6.2.2022 (Niawhtlang Local)
10. BUALPUI NG BIAL – Ni 3-4.3.2022 (Bualpui Ng Local)
Heng Conference hrang hrang ah hian thenkhat in Speaker sawmin thenkhat erawh in Speaker bik nei lem lovin hun an hmang dawn a. District level Conference ah hian thuhriltu tha tak tak te leh District PYD Choir te, Zaimi Pathian mi hman tak tak ten rawngbawlna an nei dawn a ni.
Facebook