SUNDAY SCHOOL DAY
January ni 16 Pathianni hi UPC North East India ni pawimawh Sunday School Day a ni a,Kummin 2022 hi a vawi 42 na a ni.
He ni hian Tualchhung Kohhran tinah Sunday School pualin Programme te saima hun hman thin niin, Sunday School Day thuchahte chhiar chhuah thin a ni bawk. General Sunday School Department hian kumpuan thupui atan “Kan fate i chhanhim ang u.” tih chu a hmang mek a ni.
———-
GENERAL MISSIONS FIELD SUM AUDIT
January ni 12 2022 Nilai ni khan UPC North East India General Missions hnuaia Field hrang hrang sum chu Guwahati, Assam ah Audit na neih a ni.
Auditors tur hian General Headquarters Office, Aizawl atangin General Missions Director Rev. VL. Tluanga Sinate leh General Missions Treasurer Evan. R. Lalbiakfela te an kal a ni.
———-
———-
AIZAWL EAST DISTRICT
District Board:
Aizawl East District hnuaia rorelna sang, District Board Budget Session chu karleh January 18 leh 19 hian neih tura ruahman a ni. District Committee room-a neih tur District Board hi Rev Vanlalfela Ramtiam, District Superintendent chuan kaihruaiin Kum 2022 chhunga District Kohhranpui bakah Department hrang hrang budget-te pass-a approve a ni ang.
———-
S.S Day:
January 16, Pathianni hi General Sunday School Day a nih angin District chhung Tualchhung Kohhran hrang hrangah S.S Day hi urhsun taka hman tura ruahman a ni.
S.S Day-ah hian Day thuchah chhiarchhuahna neih a ni anga, tualchhung thenkhat chuan Kum 2021-a Sunday School Exam lawmman bakah lawmman dangte semin hun an hmang anga, Tualchhung thenkhatah chuan S.S pawimawhna thuchah ngaihthlak a ni bawk ang.
———-
Pastor Induction Service tluang taka neih a ni:
January 9, Pathianni khan District chhung hmun hrang hrangah Bialtu Pastor tharte lakluhna, Induction Service tluang taka neih a ni. Kum 2021 December thlaa kumtawp District Board khan Bialtu Pastor Transfer & Posting hi lo siam tawhin Bialtu Pastor thar atan mi 4 alo la tawh bawk a ni. Bialtu Pastor awmhmun sawnte hian January 7, Zirtawpni khan an awmna hmun tur thleng vekin hrileng avangin Bial thenkhatah erawh induction service hi neih theih ala ni lova, remchang hmasa berah nei tura ruahmanna siam a ni. Pastor lakluhna, induction service neihna hmun leh induction nei tute lo tarlang ila:
1. Rev VL.Hnemtluanga, District Secretary chuan Pastor Lalhmangaihawma Parte, Khawzawl Bial leh Pastor K.Lalmuanpuia, Khawhai Bial lakluhna a nei
2. Rev C.Laldinltuanga chuan Pastor H.Lalbiakzauva, Khawbung bial chu lakluhna a nei.
3. Rev KVL Hmangaihkima, Missions Director chuan Pastor J.Lalhmingsanga, Keifang bial lakluhna neiin
4. Rev Pc.Lalnghakliana chuan Pastor Vanlalrosiama, Sakawrdai Bial lakluhna a nei a.
5. Rev R.Laltlankima, District Treasurer chuan Pastor Albert Chanchinmawia, Hnahlan Bial leh Pastor E.Vanlalpeka Zote, Bethel bial lakluhna neiin
6. Rev Rosanga Kawlni chuan Rev C.Lalmalsawma, Bazar Bial lakluhna a nei a.
7. Rev C.Lalengliana chuan Pastor R.Malsawma, Zemabawk Bial lakluhna a nei bawk a ni.
Kawlkulh Bial Pastor r.Lalfamkima, Rabung bial Pastor HMS Dawngkima leh Chhingchhip Bial Pastor HP Ramfangzauva te erawh hrileng avangin lakluhna induction service hi neih ala remchang rih lo a ni.
———-
Pathian chawimawina nei:
January 11, Thawhlehni khan Bawngkawn Bial Ramhlun Sport Complex Preaching point-ah Bro Lalthanpuia te chhungkua chuan Pathian hnena lawmthu sawi chawimawina neiin Kohhran ten hlim takin hun an hmang. He hunah hian Rev VL.Hnemtluanga, District Secretary chu Speaker-ah hman a ni.
———-
Baptisma chang:
Saitual bial, N.Lungpher Kohhran ten Kumthar Programme an hman kal zelah January.9, Pathianni khan Kohhran ni sa, mi 10 ten sual ngaihdamna baptisma an chang a, nau pakhat hlan a ni bawk.
N.Lungpher Kohhranah hian Evan.F.Malsawmdawngliana, Ramhlun Vengthar chu Kumthar Programme-ah Speaker-ah hman niin Evan Sawmtea Speaker-a hmang hian Crusade neih chhunzawm a ni a, Pathian awmpuina hnuaiah hlim takin hun an hmang a ni. Crusade kal zelah January 11 leh 12 khan Pathian chawimawina neih chhunzawm leh a ni bawk. Mi 53 in thlarau thianghlim Baptisam an chang thar tawh a, hun rei tak biakin thleng tawh lo ten siamtharna an chang mek zel a ni.
———-
District PYD OB meeting:
January 10, Thawhtanni khan Bazar Bial Pastor Quarters-ah District PYD OB meeting neih a ni. Rev C.Lalmalsawma, President chuan kaihruaiin January 28 atanga 30 chhunga Bial PYD Inkhawmpui hman turah sawm an nih angin hetiang hian Bial PYD Inkhawmpui hmanpuina tur an ruahman:
Zohmun Bial-ah Rev C.Lalmalsawma, President, Khawzawl Bial-ah Evan R.Vanlalpeka, Secretary leh Bro.K.Lalbiaknunga, Treasurer, Khawhai Bial-ah Upa F.Lalthlangliana, Vice President leh Bro.Lawmsangkima, Asst. Secretary, Thuampui Bial leh Upper Republic Bial-ah Evan Zothansiama, Fin. Secretary. Heng bakah hian District Board-in Sheaves for Christ pual, Biala beisei zat, District OB ten ruahmanna lo siam se tih chu siam fel niin Secretary in a tul angin Bial-ah lo hriattir se tih niin February 2022 atangin khawpui chhunga PYD te a tam thei ang ber inkhawmpui ni se tih a ni bawk.
———-
OTS ten Class kal leh tan dawn:
Aizawl East District hnuaia Short Term Course Pathian thu zirna, Oneness Theological Seminary chuan Kum 2021 Session atan February 15, Thawhlehni atang hian Class an kal leh tan dawn. Kum 2021-ah khan hrileng avangin Class neih mumal theih a ni lova, exam pawh buatsaih a nih loh avangin Theological Education Board meeting chuan Kum 2021 Session atan February 15 hian Class kal leh tan ni se a ti a, February 22 leh 23-ah Exam neih tura ruahman niin February 24-ah Graduation Day, District Hqrs. Biakin-ah hman tura ruahman a ni bawk.
———-
———-
NORTH MIZORAM DISTRICT
Ladies Auxiliary Tailoring Centre:
UPC North East India North Mizoram District LAD chuan January ni 17 thawhtanni chawhma Dar 11:00 hian a thlawn a puanthui zirna Ladies Auxiliary Tailoring Centre hawnna programme North Mizoram District Headquarters Biak In tual, Tuikhuahtlang Aizawl ah a nei dawn a, Centre hawnna hi District Superintendent Rev. Laltluanga’n a nei ang.
———-
PSM Registration Day :
UPC North East India North Mizoram District hnuaia Bible zirna Pentecostal School of Ministry PSM Registration Day chu Jan ni 5 Nilaini khan, District Camping Centre Sakawrtuichhunah neih a ni.
Kum 2021 ah hrilengin harsatna a thlen avanga PSM in course zirzawh loh te chu January thla chhung hian an zir dawn a ni.
———-
Missionary Induction:
North Mizoram District Missions Department enkawlna hnuaia Missionary hna thawkte Post siam rem sak niin, January ni 12, 2022 Nilaini khan Induction Service neih a ni.
1) Esther Lalrawngbawli BW – Vawngawnzo
Induction neih tirtu – Evan C Hmingchungnunga, Director, Chaltlang Bial
2) Evan. RS Lalnunmawia – Bajirung
Induction neih tirtu – Evan Lalchhuanmawia Sailo, Director, Hqtrs Bial
3)Evan Vanlalawia – Dilzawl
Induction neih tirtu – Evan MS Dawngliana, Treasurer, District Missions Deptt.
4) Sist K.Lalbiakzuali – Persang
Induction neih tirtu – Pastor R Thanglura, Damparengpui Bialtu Pastor
January ni 16 Pathianni a Induction nei turte:
1) Evan Lalnunzira – West Phulpui
Induction neih tirtu – Rev. C. Lalthantluanga, Director District Missions Deptt.
———-
———-
LAWNGTLAI WEST DISTRICT
BUNGTLANG SOUTH BIAL KHAWMPUI LEH BIAKIN HAWNNA NEIH A NI
January ni 14 atanga ni 16 chhung hian Bungtlang South Bial, Lawngtlai West District te chuan Bial khawmpui neiin January ni 15 ah Bungtlang South Biak in hawnna neih a ni bawk.
Bungtlang South Bial khawmpui hi District hruaituten hman puiin, District Superintendent Rev. F. Lalbiakthuama Conference hawnna leh Bungtlang South Biak in hawnnate neiin Speaker-ah a tang nghal bawk a, District Secretary & Treasurer Rev. Lalsawmliana Sailo pawh in Thusawi rawngbawlna a nei bawk.
Conference ah hian Home Missionary leh Department hruaitu te hnen a tangin thusawi tha tak tak ngaihthlak niin hlim taka hun hman a ni.
———-
———-
CHHIMTUIPUI DISTRICT
UPC North East India Chhimtuipui District chhunga Bial leh Local hrang hrangah Krismas leh kumthar, hunpui chhung khan mi 60 in Lalpa Isua hmingin sual ngaihdamna Baptisma an chang a, Thlarau thianghlim dawng thar mi 6 awmin, Kohhranah mithar 3 lawmluhna neih a ni bawk a ni.
Facebook