UPCNEINEWSSERVICE JAN 12-19.2020
————
Sunday School Day :
Jan ni 19, Pathianni hi North East India UPC Kohhran Sunday School Day a ni a, Tualchhung Kohhran 845 ah urhsun taka hman a ni ang.
Sunday School Day hi kum tin January Pathianni vawi thumnaah hman thin a ni a, He ni hi Sunday School kal tha leh Exam-naa ti tha lawmman semna ni atan te, Sunday School hmasawnna lam hawi inzirtirnan te, a hlutna leh pawimawhzia in zirtira infuihtharna hun atana hman thin a ni. Kumin hian thupui atan General Sunday School Kumpuan Kan fate i chhanhim ang u tih hman tur niin Rawngbawltu apiangten helam hawi hian thuchah an sawi dawn a, General SS Director Rev. R. Laichhingpuia ziak, Sunday School Day Thuchah chu Tualchhung tinah chhiar chhuah a ni ang.
General Sunday School Director Rev. R. Laichhingpuia chuan Sunday School Day hi Chaltlang Kohhranah a hmanpui dawn a, Secretary Rev. R. Vanlalawia chuan Dinthar Kohhran hmanpuiin Treasurer Evan. F. Lalsangliana chuan Hunthar Kohhranah a hmanpui dawn a ni.
———–
Bangladesh Revival Crusade 2020:
January ni 16 atanga ni 19 chhung hian United Pentecostal Church of Bangladesh Revival Crusade and Healing Ministry 2020 chu Bangladesh khawpui pakhat Khulna District City, Boira Sabuj songa play ground ah neih mek a ni.
He Revival Crusade ah hian US leh Spain atangin palai 45 an kal a, North East India atangin Kolkata Field Director Rev. V. Biaksangliana a kal bawk.
Speaker turte :
1) Rev.Charlos Robinet
2) Rev.James N Corbin
3) Rev. Nathaniel Herrod
4) Rev. Ellen Shalm
5) Rev. Peter R Biwas
Conference chhung hian Khulna District leh a chhehvelah Bus 80 chuang hmangin Revival chhim tur an kalkhawm thin a, mipui 8000 atanga 10000 inkar vel an an inkhawm thin a ni.
———–
General hruaitute Programme :
General Suptd Rev. Lalmalsawma Sailo chuan tun Pathianni hian Tripura-ah hun a hmang ang.
General Secretary Rev. R. Lalrinsanga chu Australia ramah rawngbawlin hun a hmang mek
General Treasurer Rev. Zohmingthanzama chuan Zhupu village-a South East Nagaland District Conference January ni 17-19 chhunga neih mek chu hmanpuiin rawngbawlna a nei.
———–
Member thar :
Krismas leh kum thar hunpui hman chhungin United Pentecostal Church of North East India (UPC-NEI) Kohhrana lawi turin member thar sengluh report a pun belh zel a, tunkar chhunga report kan dawn nen avaiin tunhnaia member thar sengluh ni mi 229 an ni.
Member thar seng luhna hmun te :
1. Lawngtlai West District
Hmunnuam ah- 39
Diltlang ah – 5
Chawngte C ah – 23
Lunghauka ah – 7
Saizawh East ah – 17
Khawmawi ah – 6
Total : 97
—–
2. Aizawl East District
Keifang Bial – 4
Zemabawk bial, Middle School Veng – 1
Bungbangla – 1
Lungbial – 8
Khawbung Bial Leithum- 2
Darlawn bial Ratu Melkawn – 2
N.Vanlaiphai bial, Lungchhuan- 2
Champhai bial, Electrict – 5
Champhai Bial, Tuipui – 2
Champhai Bial Vek, Kahrawt – 3
Kawlkulh bial Dulte – 1
Kawlkulh Bial, Vengthar – 1
Rabung bial, Rabung – 3
Sakawrdai bial, Vaitin – 11
Zohmun bial, Palsang – 5
Ramhlun Sport Complex – 2
Total : 53
—-
3. N. Mizoram District
Lengpui Bial, Dilzawl – 6
Kawnpui Bial, Rashdali – 4
Lengpui Bial Dapchhuah – 3
South chhimluang – 1
Kananthar – 7
Maubawk Bial, Lawipu – 4
Rengdil Bial Kolalian – 3
Vairengte chhimveng – 5
Hunthar Bial Sairang – 2
Chawlhhmun, Central Jail veng-4
Bukvannei – 2
Bairabi Bethel – 3
Zawlpui – 2
Total : 46
—-
4. Lunglei District
Mausen – 5
Thingfal – 2
Lalnutui – 7
Total : 14
———-
5. Chhimtuipui District
Niawhtlang – 6
Vahai – 1
Total – 7
——
6. Churachandpur District
Tuibuang bialah – 12
Total – 12
————
Tawngtai tura ngenna :
Information and Public Relations, Director Pi Lallianpuii hnen atanga lehkha a dawn angin General Suptd Rev. Lalmalsawma Sailo chuan January ni 26, Republic Day lo thleng turah hian tlang tin leh mual tina India hmarchhak Pentecost Kohhran te, ram leh hnam tana thahnem ngai taka tawngtai turin min ngen a. A hnuaia thupui tarlan ang hian zing tawngtai leh Kohhran inkhawm tawngtairual huna tawngtai thupuia lo hmang turin min ngen a ni :
1. State leh Central level-a ram hruaitu zawng zawngte tan.
2. Ram leh hnam inpumkhatna tha tak vawn nun a nih zel theihnan.
3. Remna leh muanna a awm zel theihnan.
————
Khawvel ram danga UPC Kohhran chanchin :
America leh Canada rama kan UPC ṭhalai kum tina ramchhung leh pawna mahni sum sénga fehchhuah ṭhin Apostolic Youth Corps (AYC) team chuan kumin 2020 chhunga an tlawh tur ram a ti fel tawh a, January 15 zan dar 12 thleng khan he fehchhuah(tour) a tel duhte tan dilna hun hawn a ni a, mi ṭhahnem tak diltu an awm a ni.
Kum 2020-a AYC team fehchhuahna tur te :
– Czech Republic
– Denmark
– Los Angeles
– Malaysia
– New York City
– Nicaragua
– Phoenix
– San Marcos
– Seattle
– Taiwan
(PIC: )
———–
Lunglei District rawngbawlna chanchin :
Audit :
January 14-17 chhung khan Lunglei District kohhranpui, C.E.C. School, Offset press, Department leh Sub Committee peng hrang hrangte 2019 kum tawp sum audit-na, District Office-ah neih a ni a, heng sum te hi Evan.F.Lalhmangaiha, Evan. Laldinpuia Sailo, Upa C. Lalhmangaiha, Rev. Ralkapkunga Khiangte leh Upa Lallawmawma ten an Audit a ni.
———
Hming ziah ni :
January 19 Pathianni hi District P.C.D. in ruahmanna a lo siam lawk angin P.C.D. hming ziah ni atan hman tur a ni. P.C.D. dinna Local hrang hrangin kum 2020 chhung atan hming hi ziak tharin Membership fee-ah Rs.5 zel an la khawm ang a, he Membership fee hi District-ah chhunluh tur a ni dawn a ni.
———–
Dist Secretary zin chhuak :
Lunglei District Secretary Rev.PC. Lalfakawma chu January 14 khan South East Nagaland District Conference January 16-19 chhunga neih tur hmanpui turin a fehchhuak.
———
Campaign :
Thingsai bial PYD hruaitute chuan bial chhung Local hrang hrangah Education, Intodelh leh HIV tih thupuiah hmangin Campaign an nei mek a, Members ten an hlawkpui hle.
———
Training :
January 12 Pathianni khan Chhipphir Local-ah bialtu Pastor LH.Lalchhandama kaihhruaina in Account & Leadership Short Training neih a ni a, kalkhawmte an hlawk tlang hle.
———-
Member thar :
January 12 Pathianni khan Chawngte bialtu Pastor Rev.B.Kamliana chuan Lalnutui Local-ah mi thar 7 kohhranah a senglut.
———
Lawmthusawi chawimawina :
Lunglei District chhung heng hmuah te hian Pathian hnena lawmthusawi chawimawina buatsaih a ni.
– January 11 inrinni khan Venghlun Local leh Zion Local Venghlun te pawhin chawimawina hi neiin hlim takin hun an hmang.
– January 11 inrinni khan Darzo Local-ah ruai nen Pathian chawimawina neih leh a ni a, hlim takin hun an hmang.
– Upa H. Sangdingliana te chhungkua, S. Chawngtui Local-te chuan Pathian chawimawina turin kohhranah Rs. 30000 an pe a, January 18 Inrinni khan Pathian chawimawina hun hi hman a ni.
– January 13 thawhtanni khan Haulawng Lalveng Local-ah Bro.Vanlaltluanga te chhungkua chuan Pathian chawimawina an nei a, hlim taka hun hmangin January 14 thawhlehni khan mi thahnemngaite thawhkhawm atangin chawimawina hi neih chhunzawm leh a ni.
———
Aizawl East District rawngbawlna chanchin :
District Missions :
January 14, Thawhtanni khan Director room-ah District Missions Executive meeting neih a ni a, Rev R.Lianzama, Director in a kaihruai.
Kum 2020 chhung hian Missionary Support bial hrang hrangah zawn leh ni se tih niin a kal tur leh an kalna tur pawh siamfel nghal a ni. Missionary Support zawng tur hian District Missions hruaitute bakah District Kohhranpui hruaitute leh Aizawl khawpui chhung Bial hruaitute an ruat a ni. Missionary support hi March thla-ah chuan zawhfel hman ni se an ti bawk. Aizawl East District Missions Department te hian hmun hrang hrangah rawngbawlna nei mek zelin chunga rawngbawltu tur Home Missionary lakna chu January 16, Ningani khan Interview hmanga neih a ni. Home Missionary hi diltu mi engemaw zat awmin he thu buatsaih lai hian result kan hre hman lo a ni.
———
Thianghlimna Committee :
January 14, Thawhtanni khan District Superintendent room-ah District Thianghlimna Committee Rev C.Lalengliana, Chairman kaihhruaiin neih a ni.
Hunserh Rev Vanlalfela Ramtiam, District Treasurer chuan hmangin Kum 2020-a hmalakna tur hrang hrangte an ngaihtuah a, an rorel langsar zualte:
1. Kum 2019 chhunga Zuk leh hmuam nghei tam Bial leh Zuk leh hmuam tilo tam Bial te hnenah lawmman siam leh tura tih a ni.
2. Zuk leh hmuam that lohna lam hawi Comic bu, S.S Deaprtment-a sem tura siam tura hmalak ni se tih a ni.
3. Kum 2020 Jan-April thla chhungin Aizawl khawpui chhung Bial hrang hrangah Thianghlimna Campaign neih tura tih niin a kal turte an kalna tur hetiang hian ruahman a ni.
Mualpui Bial-ah Evan Lalramthara, Bethlehem
Upper Republic Bial-ah Evan Lalramzauva, Bethlehem Vengthlang
Bethlehem Bial-ah District Thianghlimna OB te
Bawngkawn Bial-ah Evan H.Kristiana, Salem Veng
Zemabawk Bial-ah Evan H.Lalsiamliana leh Upa Joseph Lalhruaitluanga, Bawngkawn Bial
Thuampui Bial-ah Upa C.Lalrama, Armed Veng
Bazar Bial-ah Upa Jimmy L.Renthlei leh Evan C.Laltanpuia, Thuampui Bial
Heng bakah hian District chhunga chhungkaw tinte tar turin Zuk leh hmuam that loh zia in zirtirna Poster siam ni se an ti bawk.
———
Inkhawmkim zan :
Aizawl East District PYD Inkhawmpui 2017 rorel in alo pass tawh angin leh District Board-in a hun a ruat angin January 13, Thawhtan zan khan Aizawl East District pumah PYD Inkhawm kim zan leh member lawmluhna hlawhtling taka neih a ni.
He hun hi Tualchhung PYD te chuan an remchan anga hmang tura tih an nih angin hlawk takin an hmang hlawm a, Tualchhung PYD thenkhat chuan infuihtharna mai bakah inhlan tharna hun atan an hmang hlawm a ni. He hun hi Tualchhung thenkhat chuan Fellowship angin hun hlim takin an hmang bawk a ni. Inkhawm kim zan leh member lawmluhna hi Kum 2018 atang khan hman tanin 2019 pawh khan Tualchhung PYD chuan hlawk takin an lo hmang hlawm tawh a ni.
———–
Budget Session :
Aizawl East District hnuaia rorelna sanga, District Board Budget Session chu January 21 atanga 22 chhung hian neih a ni dawn.
He hun hi District Committee room-ah neih tur niin Kum 2020-a District Kohhranpui Budget bakah District Department hrang hrang Budget siamte approve tura chhawpchhuah a ni ang.
———–
Superanuation pension :
Hun engemaw chen Kohhran Office-a a thawh hnuah January 17, Zirtawpni khan Aizawl East District Office-a Head Assistant, Upa Rodailova Zote chu Superannuation pension-a a chhuah tak avangin District Office Staff welfare buatsaihin District Committee room-ah thlahna hun hman a ni.
He hun hi Evan Hr.Lalrindika, Secretary Staff Welfare chuan a kaihruai a. Aizawl khawpui chhunga Bialtu Pastor leh Pensioner te an telkim hle.
Upa Rodailova Zote hi January 15.1982 khan North Mizoram District Office-ah thawk tanin Kum 1994 khan Aizawl East District Office-ah a thawk tan leh a, District Office-a a thawh chhung hian mawhphurhna hrang hrang chelh tawhin District Missions Treasurer hi Kum 2013 atanga 2016 chhung a chelh bakah District Sunday School Treasurer hi Kum 2017 atang khan a chelh tan leh bawk a ni. Staff Welfare-ah hian Secretary mawhphurhna Kum 2004 atanga 2018 chhung chelhin Kum 2019 atanga tuna Pension-a a chhuah ni thleng hian Chairman mawhphurhna a chelh leh bawk a ni. Upa Rodailova Zote hi mi inngaitlawm, mahni hnaa thahnemngai taka thawk mi niin Kum 38 Service in tunah hian Superannuation pension-in alo chhuak ve ta a ni.
——–
Thilpek pe :
Evan Chinngaihdama te unau in an nu leh pa te pualin Hnahlan bial, Khuangphah kohhrante hman atan Khuang thar tha tak, a lian leh a te, a vuakna tha tak nen an pe. Khuang hi Bial PYD Conference-ah Pathian hnena hlanna neih a nih hnu ah khawmpui naah hman nghal a ni.
Evan Chinngaihdama of USA te unau hian Khuangphah Kohhran Biakin Kawngkharpui pakhat leh tukverh zawng zawng bakah ventilation kharna zawng zawng an tum dawn bawk a, heng bakah Evan Chinngaihdama nu Sis. Chingi of Champhai Bethel ten kawngkhar pui pakhat an tum dawn bawk a ni.
———
Aizawl East District chhunga lawmthusawi chawimawina leh member thar report :
Bawngkawn Bial, Ramhlun Sport Complex preaching point-ah January 12, Pathianni khan mi 5 in sual ngaihdamna baptisma Evan Vanlalnghaka, Home Missionary kutah an chang a, an zinga pahnih 2 mithar niin Kohhranah sengluhna neih nghal a ni.
Zemabawk Bial, Lungbial Kohhranah pawh January 12, Pathianni vek khan mithar pakhat Kohhranah sengluh a ni.
Champhai Bial, Tuipui hmunah pawh January 13, Thawhtan zan khan Evan T.Vanlaldika leh Champhai Bial Treasurer, Upa C.Biakthanzauva te rawngbawlna kaltlangin mithar 2 Kohhranah sengluh an ni. Champhai Bial Vek, Kahrawt Kohhrana lawi turin January 14, Thawhleh zan khan chhungkaw khat, member pathum chu Kohhranah sengluh an ni bawk.
———
Seminar :
January 12, Pathianni chawhnu khan Bawngkawn Bial Kohhranpui buatsaihin Bawngkawn Biakin-ah Bial chhunga Church Board memberte pualin Seminar buatsaih a ni.
He hun hi Upa Joseph Lalhruaitluanga, Bial Secretary chuan kaihruaiin Resource person-ah Rev Lalmalsawma Sailo, General Superintendent hman a ni. Resource person hnen atang hian Church Board memberte mawhphurhna chi hrang hranga, an tih tur leh tih loh tur te bakah thil pawimawh tak tak ngaihthlak niin he huna kalkhawm te hian hlawkthlak an ti hle a ni. Tunah hian Bawngkawn bial chhungah hian Local pathum awmin heng Local atang hian Church Board member an kal tha hle a ni. Rev Lalmalsawma Sailo hian Pathianni zan khan Bawngkawn Kohhranah hian Bial Kohhranpui programme siamin rawngbawlna a nei chhunzawm a ni.
———–
Intuaitharna programme :
January 12, Pathianni khan Champhai Bial, Kahrawt Kohhranah Champhai Bial chhunga Department hrang hrang hruaitute leh Bial Thianghlimna Committee hruaitute pualin intuaitharna programme an buatsaih.
He hunah hian Bial Secretary, Evan T. Vanlaldika hnen atangin “Inpumkhatna leh thawhhona tha” tih ngaihthlak niin Bial Treasurer, Upa C.Biakthanzauva hnen atangin “Hmalakna tha neih a pawimawh” tih thu ngaihthlak a ni bawk. He hunah hian a duh apiang tana thusawina hun hawn niin infuihna thu tha tak tak ngaithlak niin hun tawp lamah insawiselna hun hman a ni a, Bialtu Pastor Rev VL Hnemtluanga hnen atangin fuihna thu tha tak tak ngaihthlak a ni bawk. Champhai Bial ten infuihtharna hun an hmanah hian Bial Department hruaitute an kal tha in hlawktakin hun an hmang a ni.
——-
District Hruaitute Programme:
Rev Biaksangzuala, District Secretary chuan Pathianni hian Bazar bial, Armed Veng South Kohhranah rawngbawlna neiin hun a hmang ang.
———–
Joint OB Meeting :
January 14, Thawhleh Zan khan Aizawl East District PYD leh North Mizoram District PYD OB te chuan Aizawl East District Office-ah Joint OB Meeting an nei.
He hun hi Evan F.Lalngaihawma, North Mizoram District PYD President chuan kaihruaiin hunserh Rev R.Laltlankima, President, Aizawl East District PYD President in a hmang.
He hunah hian Kum 2020 chhunga Aizawl City PYD Co-Ordination Hruaitu turte ruat tharna neiin chungte chu:
Chairman-ah Vice President, AED PYD
V.Chairman-ah Secretary, NMD PYD
Secretary-ah Treasurer, NMD PYD
Asst.Secretary-ah Asst.Secretary, AED PYD
Treasurer-ah Financial Secretary, AED PYD
Adviser-ah Aizawl East District leh North Mizoram District PYD President ve ve te ruatin Ex-Officio-ah Aizawl East District leh North Mizoram District PYD OB bakah Gen. PYD Hruaitu, Aizawl-a awmte ruat an ni bawk.
Heng bakah hian Kum 2020 chhunga City PYD hmalakna tur te leh 2020 City PYD Budget te an siam bawk a ni.
————
Chhimtuipui District rawngbawlna chanchin :
Member thar :
January ni 15, Nilaini khan Evan. L. Khailawng Vahai Home Missionary kutah member thar 1 in Sual ngaihdamna baptisma a chang a, Kohhranah sengluh nghal a ni.
——–
Joint Conference :
January ni 17-19 chhung hian hian Pangkhua ah Sangau Bial PYD& LAD te chuan joint conference an hmang mek a. Thupui atan “I ram lo thleng rawhse” tih hmangin, Evan Khaching Aineh Home Missionary to Pangkhua chu speaker atan an ruai.
———
Conf inbuatsaihna :
Chhimtuipui Dist PYD Conference vawi 43na tur atana inbuatsaihna chak taka kalpui mek zel a ni a, Siaha bial leh Dist PYD Choir te chuan Jan 18, Inrinni khan Dist PYD Conf thlenna tur Archhuang ah pandal sakpuiin an hnatlang a ni.
Dist PYD hruaitute leh Archhuang VC’s member, NGO’s, Organising board leh Bualpui NG Bial PYD te chuan Jan ni 17, Zirtawp zan khan inkawmhona an lo nei tawh a ni.
——–
SS Day :
Jan ni19, Pathianni hi Sunday School Day a nih angin Chhimtuipui District ah pawh urhsun thei ang bera hmang turin ruahmanna an siam a, Siaha bial chhung, bial headquarters local Siahatla ah chuan Upa C Liannghing’n akaihruai anga, T Upa H Lalduhsanga’n Day thuchah chhiarna leh result puanna anei anga, Sectional Pastor Rev Kholy Hlychho in hunserh ahmang thung ang. Naupang sunday School Dept lam atang item hrang hrang neih a ni ang.
————
Lawngtlai West District Rawngbawlna chanchin :
Member thar :
Krismas leh kum thar hunpui vuak vek chhungin Lawngtlai West District ah member thar 97 Kohhrana lawi tura sengluh an ni.
Member thar sengluhna hmun te :
Hmunnuam ah- 39
Diltlang ah – 5
Chawngte C ah – 23
Lunghauka ah – 7
Saizawh East ah – 17
Khawmawi ah – 6
———-
District hruaitute Programme :
District.Supdt. Rev.R.Ramthatzawla chuan tun Pathianni hian Lawnglai Khawpui chhung hmun hrang hrangah kohhran tlawh kualin hun a hmang dawn a ni.
District Secretary Pastor Lalsawmliana Sailo chuan Lawngtlai south Bial chhunga Local hrang hrangah Local church board a form kual mek a, Tun Pathianni hian Lawngtlai chandmary kohhranah rawngbawlna a nei ang.
Mission Director Rev.F.Lalbiakṭhuama chuan tun Pathianni Jan ni 19 hian Lawngtlai Council veng kohhranah rawngbawlna a nei ang.
———
District Missions Board :
January ni 15, Nilaini khan Lawngtlai West District mission Dept chuan District Board an nei a, Lawngtlai West District chhunga rawngbawlna chak zawka kalpui a nih theih nan hmalak dan tur hrang hrang an duang a, Bial tina Mission Department te chhawmdawlin nasa zawka rawngbawlna a ke pen dan tur an sawi ho bawk.
————-
Barak District rawngbawlna chanchin :
District PYD Conference :
January ni 9 atanga ni 12 chhung khan Barak District PYD Conference vawi 47na, Noxatilla, silchar section ah hlawhtling taka neih a ni.
Conference thupuiah Pathian hnaih hi a tha a ni tih hman niin, palai in report chin hi District chhunga Pastor Bial 5 atangin PYD member 345 an ni.
Conference chhunga speaker te :
Ninga zanah Rev. HL. Lallawmthang, Jiribam Section Pastor.
Zirtawp chawhma Sis. Thuthlungmawi, Missionary Karimjang Home Mission Field.
Inrinni zan Rev. B. Johnson, Haflong Section Pastor.
Pathianni chawhma Rev. Rev. H. Lalramlien, Barak District Suptd
Pathianni zan : Evan. Lalropuia Joute, Barak District PYD President
Conference hi Jan ni 9, Ninga zanah tan niin Revival inkhawma hun hman a ni a, Barak District PYD President Evan. Lalropuia Joute chuan inkhawm kaihruaiin Rev. HL. Lallawmthang, Jiribam Section Pastor hnen atangin Pathian thuchah ngaihthlak a ni.
Zirtawpni chawhma lamin Solo leh Bible Quiz hmanga inelna buatsaih a ni a, Solo ah hian Sis. Damsuotling of Boro-Arkap Haflong Section chuan lawmman pakhatna a dawng a, Bible Quiz ah Jiribam Section ten lawmman pakhatna an dawng bawk. chawhnu lamah Seminar on Human Right tih thupuia hmangin seminar an buatsaih a, Resource Person atan Sis. Lalvulkim MA, LLB hman a ni.
Zirtawp zan inkhawm pawh hun hnihah thenin hun khatna Barak District PYD Vice-President Upa Lalrawngbawl Faihriem chuan a kaihruai a, Sis. Thuthlungmawi, Missionary Karimjang Home Mission Field hnen atangin Pathian thuchah ngaihthlak a ni. Hun hnihna Fellowship a hman chhunzawm a ni.
Inrinni nilengin rorel inkhawm an nei a, an thurel tlangpui te :
1. Kum2021 Barak District PYD conference chu Jiribam Section ah Jan 7th – 10th chhunga neih tur a ni.
2. Section wise Competition kalpui zel a ni ang a, Bible Quiz a tan Ruthi le ISamuel a ni ang.
3. Kum 2022 hi Barak District PYD Conference Golden Jubilee a ni dawn a, ropui tak a hmang tur inbuatsei ni se an ti.
4. District hmasawn dan tur thu pawimaw tak tak an rel tel bawk a ni.
Inrinni zan inkhawm Haflong Section President Upa Lalthlamuon Ṭhiek in a kaihruai a, Rev. B. Johnson, Haflong Section Pastor hnen atangin Pathian thuchah ngaihthlak a ni. Hun hnihnaah Lengkhawm zaia intihsiakna buatsaih a ni bawk.
January ni 12, Pathianni chawhma inkhawm Barak District PYD President Evan. Lalropuia Joute chuan a kaihruai a, Barak District Suptd Rev. Rev. H. Lalramlien hnen atangin Pathian thuchah ngaihthlak a ni a, chawhnu lamah ‘Pathien le in laichienna nei’ tih thupuia hmangin seminar an buatsaih a, Resource Person atan Dr. Lalthakim Hmar, Asst. Professor Assam University Silchar an ruai thung.
Pathianni zan inkhawm Barak District PYD Asst. Secretary Pastor Samuel Lalropara’n a kaihruai a, Barak District PYD President Evan. Lalropuia Joute hnen atangin Pathian thuchah ngaihthlak a ni.
Conference chhunga lawmman sem te :
District PYD hruaitu hlun chawimawina hlan te :
1. Bro. Hrangthankhuom of Khangbawr Vangai Section.
2. T. Upa Timothe of Chikhur Headquarters Section.
3. Bro. Sungrokung of Tlangmawi Headquarters Section.
4. Upa Haozoel of Kaimai Jiribam Section.
Barak District PYD hian Bamboo Plantation Project a nei mek a, kumin 2020 chhunga PYD inkhawm zan thupui a tan “Hlawtlinna” tih Rev. H.L. Vunga ziak an zir dawn a ni.
——–
Churachandpur District rawngbawlna :
Seminar :
Jan ni 12, Pathianni khan Dist Suptd Rev. Lalzawm chuan Dist Missions Field Kawnpi Kohhran tlawhin rawngbawlna a nei a, Seminar te neihpuiin a rawngbawlna Kohhran hoten an hlut hle. Jan ni 13, Thawhtanniah Bro. Kapliena te chhungkua in lawmthusawi chawimawina pein Dist Suptd hian rawngbawlna a neih chhunzawm a, Kohhhran hoten hlim takin hun an hmang.
District Secy Rev. Paosei chuan Jan ni 15, Nilaini khan Kuki Woman Fasting Prayer, Songpi hmuna an buatsaihah thusawi rawngbawlna neiin hun a hmanpui.
Jan ni 19, Pathianni hian Dist Treasurer Rev. Haungam chuan Rengkai Kohhranah rawngbawlna a nei ang.
——–
North Mizoram District rawngbawlna chanchin :
District Hruaitute Programme:
North Mizoram Dist. Supt. Rev. Laltluanga Leh Secretary Rev. Chhiarpuia te chuan kar kalta thawhtanni Feb ni 13 khan Kohhran thil pawimawhah Delhi-ah Office hmun pawimawh an dar a, an tihtur tul te ti zovin Jan ni 15 khan dam takin Aizawl an thleng.
———
Missionary support :
North Mizoram District Missions Department chuan kum engemaw zat kal ta atanga an lo tih thin angin, an District huam chhungah Missionary chawmtu tur leh theih anga tanpui duhtu zawn runpui hna an thawk.
Missionary chawmna leh Support zawn hna thawk tur hian District hruaitute’n ruahmanna siamin a fehchhua thawhkhatna chu January ni 11 leh 12 Inrinni leh Pathianni khan neih a ni a, hetah hian Bial 30 chhunga kohhran thenkhatte tuamin Campaigner thahnem tak an thawkchhuak a, Fehchhuah thawhhnihna hi January ni 18 leh 19 Inrini zan atangin Pathianni nileng leh zan thleng neih leh a ni ang.
——-
SS Day :
January ni 19 Pathianni chu North East India huapa United Pentecostal Church of North East India ten Sunday School Day an hman thin angin; North Mizoram District chhunga kohhran sawmsarih te chuan General Sunday School Office atanga Day thuchah lokal te chhiar chhuakin, Sunday School pawimawhna leh a hmasawnna tur lam hawi zirtirnate neih a ni.
Kohhran thenkhatah chuan Sunday School Day a nih angin kum kalta lama Naupang Sunday Exam leh Sunday School kai tha Lawmman te sem ni bawkin hun hlimawm tak an hmang hlawm a ni.
Sunday School Day-a District hruaitute Programme:
1. District Sunday School Director Rev.K.Malsawmtluanga Vairengte HQRS Kohhranah
2. District Sunday school Secretary & Treasurer Evan.H.Lalrinngheta Bawngkawn kohhranah
3 District Secretary Rev.Chhiarpuia chuan Tlangnuam kohhranah kalin rawngbawlna a nei ang.
4. District Treasurer Rev.K.Lalduhsanga, Maubawk kohhranah
5. District Missions Director Rev. C. Lalthantluanga, Chanmari Kohhranah hun a hmang thung ang.
——–
District Motor Board :
Jan ni 10, zirtawpni khan North Mizoram District Motor Board Committee chu, North Mizoram District Office, Supdt. Chamber-ah an thukhawm. An rorel tlangpui te :
1) Motor thar lei chu kalphunga lo neih tawh thin angin District Superintendent in a chang anga, District Supdt. motor vawn lai chu Secretary in changin District Secy motor kawllai chu District Treasurer-in a chang ve thung dawn a ni.
2) District Driver te inthlakkual tha tih a ni a hetiang hian ruahmanna siam a ni District Supdt. Motor enkawl turin Bro. R. Lalthantluanga ruat a ni a, District Secy Motor enkawl turin Bro. R. Lalthanpuia, Treasurer Motor vuan turin Bro. Lalhmahruaia ruat a ni.
———
Budget Session :
North Mizoram District te chuan kum 2020 Budget session chu Jan ni 17 zirtawpni khan neiin; Budget sawihonaah hian Kohhranpui sum bakah Department hrang hrang Missions Department, Sunday School, Ladies Auxiliary Department leh Pentecostal youth Department te leh North Mizoram Disrtrict enkawlna hnuaia awm Pentecostal Gateway Secondary School te leh District Camping Centre Budget te an sawiho a ni.
——–
Lawmthusawi chawimawina :
January ni 11, Inrinni khan Reiek Kohhran Kumthar lawmna thlarau boruak kal zelah Sist Lalringliani te chhung Reiek chuan Pathian chawimawina neiin Speaker-ah Evan.C Zoramthara an ruai.
He chawimawina kaltlang hian Pathianin kohhranhote zingah hna a thawk a, revival boruak duhawm tak thlengin Pathian fak leh chawimawina hun an hmang a, chawimawi tuk Pathian zing atanga zan thlengin Revival Programme in hun an hmang a ni.
Reiek kohhrante’n nikum Krismas leh kumin Kumthar an hman Pathianin a awmpui a, Thlarau lam boruak kal zelah Jan ni 18th Inrinni hian Reiek Kohhran Upa Remsiama te chhung chuan Pathian hnena lawmthusawina leh chawimawina an nei leh dawn bawk a, Speaker atan North Mizoram Dist in Tirhkoh Ramtlana a rawih mek Pathian mi hman Evan. C Zoramthara hman leh a ni bawk ang. He Chawimawina hun hi jan ni 17 zan atangin programme ruahmanin; Jan ni 19th Pathianni zan thleng he chawimawina Programme hian a awh dawn a ni.
——
Member thar :
Jan ni 10, Zirtawpni khan Bukvannei kohhranah Mithar 2 Kohhranah sengluh niin, Unaunu Lalfakzuali te chhungin Pathian chawimawina an nei a, kohhranho ten Pathian fak leh chawimawina hun duhawm tak neiin thlarau thianghlim pawlna nen hun duhawm tak an hmang a ni.
Bairabi Bethel kohhranah pawh Jan ni 12, Pathianni khan Kohhran pawl dang atanga leh Hindu Sakhaw vuantu atangin mi pathumin Pentecost kohhran zawmin sual ngaihdamna Baptisma an chang, Baptisma rawngbawlna hi Bialtu Pastor Lalhmuakliana Hnamtein a nei a ni.
North Mizoram District enkawl Zawlpui kohhranah Rawngbawltu Evan. Lalrinzuala rawngbawlna kaltlangin mi thar 2 Bialtu Pastor Malsawmkima’n Kohhranah a senglut a. Zawlpui Kohhrante zingah Thainghlimna kawnga hmalaknain rah tha chhuah zelin Upa leh rawngbawltu thenkhat zuk leh hmuam nghei thar a, Pulpit rawngbawlna chang theilo te pawhin Pulpitah ngei rawngbawlna an hmang thei tan chho mek a, Zawlpui Kohhrante’n malsawmna an dawnah kohhranhote an lawm hle.
Facebook