———-
UPC-North East India General Conference vawi 52-na, Rorel inkhawm chu January ni 28 atanga ni 31 chhung khan General Hqrs. Mualpui, Salem veng, Aizawl ah tluang tak a neih zawh a ni.
Conference tan ni January ni 28 Ninga ni khan Department hrang hrang ten rorel inkhawmna neiin: General Missions Department-chuan Mualpui Kohhran Biak inah rorel inkhawm an nei a, Missions Field Director in thlak kual dan siam that, General Missions sum ke nghet atana General rama in sak dilna thlen, Darjeeling, Siliguri leh Namchi ah te Kohhran tana thlanmual lei nise tih te chu an rorel pass langsar zual a ni. Rorel inkhawm hi General Missions Director Rev. R. Lalhawia’n a kaihruai a, General Superintendent Rev. Lalmalsawma Sailo chuan a telpui.
Hla inphuahsiak:
Pakhatna – Rev. lalpeklien Sungte, Shillong
Pahnihna – Evan. K. lalzarliana, Durtlang Mualveng.
Hla chham inphuahsiak:
Pakhatna – Evan. K. lalzarliana, Durtlang Mualveng
Pahnihna – Sis. Krosschhuanawmi, Sihphir
Lawmman te hian Citation leh Sum fai a keng tel bawk.
General LAD te chuan Aizawl East District Committee room-ah rorel inkhawm hi neiin, kumin 2021 General LAD Conference thleng turin Serchhip bial an ruat a, General Hqrs Building leh Shillong Guest House sakna atan thawhlawm khawn, General OB Quarters ah Fridge dah, Pentecost hmeichhia te incheina leh thianghlimna kawngah nasa zawka tan lak tih te an thupass langsar zual a ni. An Rorel inkhawm hi General LAD President Sister Lalchangliani Sailo B/W chuan a kaihruai a, General Treasurer Rev. Zohmingthanzama’n a telpui.
General LAD Board in a pass angin February ni 3 ningani khan General Officer 3 te Quarters a hman tur in Fridge tha tak an dah bawk.
January ni 29, Zirtawpni khan General Kohhranpui rorel inkhawm, Mualpui Biak inah nei leh in, rorel tan hmain Bachelor of Divinity (BD) zirna Programme hawn leh Appreciation Certificate hlanna hun Inkhawm tawi neih a ni bawk. He inkhawm hi Rev. Lalmalsawma Sailo Gen. Superintendent chuan kaihruaiin, Rev. P. Chunga former Gen. Superintendent chuan BD zirna hawnna a nei a, Rev. Lalpeklien Sungte, CBC Principal chuan zirna kalphung tur te sawi zauna a nei bawk. BD zirna hi Calvary Bible College (CBC), Shillong ah June thla atanga tan tur a ni ang. Rev. K. darsailova former Gen. Superintendent chuan UPC North East India Platinum Jubilee Souvenir tlangzarhna a nei bawk.
UPC North East India District hrang hranga Pastor kum 25 service tling tawhte hnenah Diploma Certicate hlanna hun hmang chhunzawm lehin Rev VL Dika Former Gen. Superintendent chuan Certificate hlanna hi a nei a ni.
PC North East India hnuai a Pastor kum 25 service tling tawh Diploma Certicate hlan te:
1) Rev. Y Noren Singh, Moreh, Imphal District
2) Rev. Rosanga Kawlni, Zemabawk, Aizawl East District
3) Rev. Biaksangzuala, District Supdt., Aizawl East District
4) Rev. Pc. Lalnghakliana, Saitual, Aizawl East District
5) Rev. C. Lalrammuana, Sihphir, N. Mizoram District
6) Rev. C. Lalramthanga, Chaltlang, Aizawl, N. Mizoram District_
7) Rev. Pc. Lalfela, Durtlang, N. Mizoram District_
8) Rev. C. Lalhmunliana, Hunthar, Aizawl, N. Mizoram District-
9) Rev. K. Vanlaldika, Sialsuk, N. Mizoram District
10) Rev. Chhiarpuia, District Secretary, N. Mizoram District
11) Rev. H.F Malsawma, Sumsuih, N. Mizoram District te an ni.
General Kohhranpui rorel inkhawm chuan Kum 2021 a UPC-North East India General Conference neih na hmun tur a tan Aizawl chu ruatin, kum 2021 atanga 2022 chhunga UPC-North East India Geneal hruaitu inruat tharna neih nghal a ni:
General Superintendent atan, Rev. R. Lalrinsanga
General Secretary atan, Rev. Zohmingthanzama,
General Treasurer atan, Rev. Lalmalsawma Sailo te an ni.
January ni 30 inrinni khan General Headquarters Office Committee Romm-ah Executive Board Meeting neih a ni a, Meeting hi Rev. Lalmalsawma Sailo, General Superintendent chuan kaihruai in, rawngbawlna Licence dilna, Department leh Sub Committee hrang hrang hruaitu ruat tharna leh kum 2021 UPC North East India General Budget thlir ho na an nei a ni.
Kum 2021 atanga 2022 chhung UPC North East India Department Hruaitu ruat tharte:
GENERAL MISSIONS DEPARTMENT :
Director : Rev. R. Lalhawia
Secretary : Rev. VL Tluanga Sinate
Treasurer : Evan. R. Lalbiakfela
GENERAL SUNDAY SCHOOL DEPARTMENT :
Director : Rev. R. Laichhingpuia
Secretary : Rev. R. Vanlalawia
Treasurer : Evan. F. Lalsangliana
GENERAL PYD :
President : Rev. H. Lalropuia
Secretary : Evan. JH Malsawmdawngliana
Treasurer : Rev. C. Lalmalsawma
GENERAL LAD :
President : Sis. Lalchangliani Sailo B/W
Secretary : Sis. Lalramthangi B/W
Treasurer : Sis. F. Rohlupuii B/W
General Conference vawi 52-na hmawrbawk nan January ni 31 Pathianni khan Pastor nemnghehna Inkhawm (Ordination Service) Mualpui Kohhran Biak In ah neih a ni a, General Secretary Rev. R. Lalrinsanga chuan inkhawm hi kaihruaiin General Superintendent Rev. Lalmalsawma Sailo chuan hriakthihin Pastor nemnghehna hi a nei a ni.
Pastor nemngheh te:
– Pastor Jerry Lalmuanawma, Lunglei District
– Pastor K. Lalmuanpuia, Aizawl East District
———-
City PYD Hruaitu inruat thar :
Feb ni 2, Thawhleh zan khan Aizawl City PYD chuan North Mizoram District Committee room, Tuikhuahtlangah hruaitu in ruat tharna hun an hmang a, Kum 2021 chhunga Aizawl City PYD hruaitu atan heng mite hi an ruat :
Chairman ah : Evan C Lalruatsanga
Vice Chairman : Bro R Vanlalpeka
Secretary : Bro Lawmsangkima
Asst Secretary : Bro Zothansiama
Treasurer : Evan K Rotluanga
———-
District hrang hrang rawngbawlna chanchin thar :
LUNGLEI DISTRICT :
Lunglei District chhunga Bial hrang hrang ten Bial Conference an nei.
January ni 29-31 chhung khan Thenhlum bial, Chawngte bial leh Tlabung bialte chuan bial Conference tluang tak a neiin District Superintendent aiawh tur a ruat ten conference hi an hman pui a, Bial chhunga Department hrang hrang ten kum 2021 chhunga an hmalakna tur te an rel a ni.
January ni 31 Pathianni khan District LAD hmalakna a sak that Mautlang biak in chu bialtu Pastor Rev.B.Kamliana chuan a hawng a, Lunglei District LAD hruaitute chuan he hun hi an hmanpui a ni.
February ni 7 Pathianni hmang hian Luangmual, Bunghmun, Cherhlun, S.Vanlaiphai leh Lungsen bial ten Bial Conference an hmang leh ang.
———-
PenNet Committee :
January ni 25 thawhtanni khan District Secretary room-ah Pentecostal Network, Lunglei District Committee chu Chairman Rev.PC.Lalfakawma kaihhruainain neih a ni a, rorel tlangpuite:
Kum 2021 hmalakna tur atan hengte hi ruahman a ni.
– Studio chei that nise tha tih a ni a, tin, Lecturn thar siam tir nise, Studio-ah Sofa dah ni bawk se tha tih a ni.
– LDF Cable Network hnenah lawmthu sawina thuziak mawi tak hlan nise.
– Pennet inkaihhruaina dan ennawn nise.
– District Kohhranpui Board-ah Live-na khawl (Video Mixture) min lei sak turin dil nise tha tih a ni.
– Zonet JB-ah channel nei turin a ranglamin hmalak tha tih a ni. (Pic.Pennet Comt)
———-
DISTRICT P.Y.D. EXECUTIVE BOARD ROREL :
January ni 23 inrinni khan Lunglei District PYD Executive Board vawi 132-na chu Pukpui Pastor Quarters-ah President Evan.C.Lalremchhunga kaihhruainain neih a ni a, rorel tlangpuite:
1. Ni 23-25 April 2021 chhunga District PYD Conference Hnahthial-a neih tur chu boruakte thlirin rorel inkhawm angin kalpui mai nise tha tih a ni a, rorel ni atan April ni 24 inrinni ruat a ni. Kan dan neih lai angin District Conference rorel palai tur hengte hi an ni.
– District PYD OB
– District PYD Sub.Comt. OB
– Bial PYD OB
– Local PYD OB
2. District PYD Conference dawltu puihna atan Rs.1,50,000 pek nise.
3. Tarmita khawthlir hnuai kohhran ram chu la enkawl chhunzawm nise, tihfai hnatlang neih dan tur la ruahman a ni ang. (Pic.District PYD Exe Board)
———
CHHIMTUIPUI DISTRICT :
Chhimtuipui Dist. chhunga Bial hrang hran te chuan Feb ni 5 atanga ni 7, hmang hian Bial khawmpui an hmang dawn.
Siaha Bial te chuan Conference hi Saihatlangkawn Local an nei ang.
Tuipang Bial chuan Conference Vawi 45 na hmangin Speaker-ah Evan. Khaching Aineh Vahia, Home missionary a ni anga, Dist. Superintendent Rev. Joseph L. Thlauhthang chuan khawmpui hi a hmanpui bawk ang.
South Lungpher Bial chuan Conference vawi 42 na, Lungtian local ah neiin Speaker-ah Rev. Dr. C Sihmo, District Missions Director an hmang ang.
NIAWHTLANG BIAL te chuan KHAWMPUI VAWI 40 NA, Niawhtlang III ah an hmang ang. Kummin 2021 hi Niawhtlang Bial Rubby Jubilee kum a ni bawk.
———-
Upa Lianhluna, Siaha Council Veng te nupa chuan Chhimtuipui District Superintendent dawhkan tur tha tak mai an pek chu Feb. ni 4 2021 khan District Superintendent room a dah in, lawmthusawina leh Pathian hnena hlanna neih a ni. Upa Lianhluna te chhungkua thil phalna leh in pekna ah District Hruaitu te chuan lawmthu an sawi tak meuh meuh a ni.
———-
AIZAWL EAST DISTRICT :
Aizawl East District te chuan Bial PYD inkhawmpui January 31, Pathianni khan rorel inkhawmin an hmang.
Bial PYD inkhawmpui hi ruahmanna ang chuan January 29 atanga 31 chhungin Revival inkhawma hman tur a ni a, Covid-19 hrileng avangin revival inkhawma hman theih a nih loh avangin Rorel inkhawm chauhin Bial te hian an hmang hlawm a ni. January 30, Inrinni-a hmang an awm laiin Jan.31, Pathianni khan Bial tam zawk chuan Bial PYD inkhawmpui rorel hi an hmang a ni. He hunah hian kum 2021 chhunga bial kalphung tur bakah District-a lut turte an ngaihtuah hlawm a ni. UPC-Aizawl East District ten Bial PYD Inkhawmpui rorel an hmanah hian Mizoram Sawrkarin hrileng avanga SOP a duan hrang hrangte bial te hian an zawm tha in rorel palai tur chin bituk a nih bakah rorel inkhawma kalte hian Mask an vuah bawk a ni. Tun dinhmunah UPC-Aizawl East District hnuaia hian Pastor bial 31 awm mekin PYD Member sangsarih chuang an awm mek a ni.
Hetiang hian District PYD Hruaituten bial hrang hrangah bial PYD Inkhawmpui hi an hmanpui a ni:
Upa F.Lalthlangliana, Vice President- Zemabawk North leh Bethlehem Bial
R.Vanlalpeka, Secretary- Bawngkawn bial
Lawmsangkima, Asst Secretary- Bazar bial
K.Lalbiaknunga, Treasurer- Thuampui bial
Zothansiama, Fin. Secretary- Zemabawk Bial
———-
Aizawl East District PYD Conference pawh hrileng mek avangin ruahmanna angin a kal theih dawn lova, ruahmanna ang chuan District PYD Conference hi February 19 atanga 21 chhung hian Sakawrdai Bial-ah hman tur niin hrileng mek avangin Kum 2020 November thlaa District PYD Board chuan Revival inkhawma hmang lovin February 19, Zirtawpni-ah rorel inkhawm chauh neih mai ni se, Bazar bial ten thlengin District Hqrs. Biakin-ah hman ni se alo ti tawh a, rorel palai pawh ruat nghalin Bialtu Pastor zawng zawng, District PYD hnuaia Sub-Committee OB te bakah bial tin atangin mi 3 theuh an lo ruat tawh a ni.
———-
Aizawl East District hnuaia inkhawmpui lianber, District Conference ruahmanna anga March 11 atanga 14 chhunga neih tura tih chu hrileng avanga hun thawl zawk a awm beiseiin District OB meeting, January 31, Pathianni zana neih chuan April 8 atanga 11 chhung hian hman turin asawn. District Board January 19 leh 20 chhunga neihin hrileng avangin a hmun tura ruatsa, N.Vanlaiphai Bial chu sawnin Mualpui Bial alo ruat tawh a ni.
District Kohhranpui Conference hun sawn tur chungchang-a District OB meeting thuchhuak District Secretary, Rev. Vanlalfela Ramtiam chuan Kohhran mipuite hnenah thuchhuah hetiang hian a siam a ni.
Covid-19 hrileng avangin kum dang ang lo takin January thlaah Kohhran form thei lovin February-ah Kohhran a form theih chauh si a, District Conference-in a zui mai dawn bawk nen 2021 General Kohhranpui Conference November thlaa hman tur a nih chauh bawk avang leh Covid-19 hrileng avanga hun thawl zawk kan neih beiseiin General hruaitute nen inbe rawnin Kum 2021 District Kohhranpui Conference chu sawn mai tha in kan hre ta a ni.
Hetiang hi a nih tak avangin heng a hnuaia tarlante hi min lo hriat sak dawn nia:
1. A hmun : Mualpui Bial
2. Thlen kim : April 8.2021, Ningani
3. Department (S.S & LAD) rorel : April 9.2021, Zirtawpni
4. Conference rorel : April 10.2021, Inrinni
5. Agenda thehluh hun tawp : March 20.2021, Inrinni
Programme kimchang bakah Sawrkar thuchhuak, inkhawma zai phalte alo nih chuan kum danga mipui nawlpui kal theih ang kha a theih dawn a nih chuan kan inhriattir thar leh dawn nia tiin.
———-
February 2, Thawhlehni khan District Committee room-ah District Missions Evangelist tirhchhuahna hun hman a ni.
He hun hi Evan Lalramzauva, Secretary, District Missions Department chuan kaihruaiin Evan C Lalchhuanga, Missions Treasurer-in hunserh a hmang a ni. Rev R Lianzama, District Missions Director chuan tirhchhuahna hun neiin Rev Biaksangzuala, District Superintendent hnen atangin fuihna thu ngaihthlak a ni. Rev Biaksangzuala chuan District Missions Evangelist te chu thahnemngai taka rawngbawlna hna thawk tura fuihin Lalpa kohna a ni tih hre reng turin a chah a ni. Rev VL.Hnemtluanga pawhin fuihna thutawi sawiin malsawm tawngtaiin he hun hi a titawp a ni.
Aizawl East District Missions Department ten rawngbawl tura a rawihte hi Home Missionary tih thin an ni a, Kum 2020 District Missions Conference chuan District Missions Evangelist tia thlak ni se alo ti tawh a ni. Heng rawngbawltu turte hian an awmna hmun tur pan nghalin rawngbawlna an nei chhunzawm nghal dawn a ni.
District Missions Evagelist tirhchhuah takte leh an awmna hmun turte:
1. Sis Lalthanpari B/W- Champhai Zote
2. Bro F.Vanlalruata, Champhai Dinthar
3. Bro Ramhuapliana, Dulte
4. Bro Joseph VL Hmangaihzuala, Muthi
5. Evan Vanlalrosiama, Lungchhuan
6. Evan H Lalremhlua, Sialhawk
7. Evan Tc Kapzathanga, Tualcheng
8. Evan H Lalrinfela, Leithum
9. Sis Sangkhumi B/W, Daido
10. Evan Philip VL Hmuchhuaka, Thinglian leh Rullam chhehvel.
Zemabawk Bial Missions Department te pawhin February 2, Thawhleh zan khan Bial chhunga rawngbawl tura an rawih tur Evan HK Lalhmangaiha tirhchhuahna hun hmangin Bialtu Pastor, Rev R.Laltlankima chuan hriakhnawih rawngbawlna neiin tawngtaina hun a hmang bawk.
———-
January 30, Inrinni khan Bawngkawn bialtu Pastor, Rev C.Mawizuala kutah mithar 2 in sual ngaihdamna baptisma changin Kohhranah sengluh nghal an ni.
January 30, Inrinni zan vek khan Khawruhlian bial, Khanpui Local-ah member thar mi 4 Kohhranah sengluhna Bialtu Pastor, Hmingchungnunga Ralte chuan a nei bawk.
January 31, Pathianni khan Thingsulthliah Kohhranah Evan HMS Dawngkima kutah mi 4 in sual ngaihdamna baptisma an chang. An vai hian Kohhran mi leh sa vek niin an zinga pakhat hi Kohhran dang zirtirna pawm niin Lalpan an thinlung tihvar sakin sual ngaihdamna baptisma hi an chang ta a ni.
———-
February 3, Nilaini khan District Superintendent room-ah District Thianghlimna Committee, Rev C.Lalengliana, Chairman kaihhruaiin neih a ni a, an rorel tlangpuite:
1. Kum 2021 chhung in Aizawl khawpui bial hrang hrangah Thianghlimna Campaign neih ni se tih niin hetiang hian Campaigner tur leh an kalna tur an ruat ngal.
Mualpui bial- Evan Lalramthara
Upper Republic bial- Evan Lalramzauva leh Upa Lalchuailova
Bawngkawn bial- Evan Kristiana
Bethlehem bial- Rev C.Lalengliana leh OB dangte
Zemabawk bial- Evan H Lalsiamliana leh Upa Joseph Lalhruaitluanga
Thuampui bial- Upa Lalrama
Bazar bial- Upa Jimmy L.Renthlei & Evan C Laltanpuia
Zemabawk North bial- Upa K Lalhmunsanga & Upa Lalfelkima
Heng bakah hian District Thianghlimna Committee OB te chu a tul angin hun remchangah Aizawl khawpui pawnah Campaign tura tih a ni bawk.
2. Zuk leh hmuam nghei tam bialte hnenah lawmman pek leh ni se tih a ni.
3. Zuk leh hmuam that lohna, Thianghlimna lam hawi Essay inziahsiak T.Upa, Upa leh Tirhkohte pualin buatsaih tura tih niin Thupui atan “Ringtute leh Thianghlimna” tih ni se, Word 2000 aia tam lo ni se, lawmman tha tawk tak siam ni se tih a ni.
4. Zuk leh hmuam that lohna chungchang sawihona DDK leh Pennet kaltlangin neih ni se tih niin hun hmangtu turte pawh ruat nghal an ni.
———-
NORTH MIZORAM DISTRICT :
District Missions Director Rev. C. Lalthantluanga chuan February ni 2 thawhlehni khan Vawngawnzo Missions Field tlawhin; Biak in sak mek a hmunah a enpui a, Biak in sakna tur atana tul pawimawh te sawi hovin Dist. Atanga chhawmdawl ngaihna lai awm te an sawi ho. Mission Director Rev. C. Lalthantluanga hian Feb ni 3 Nilaini khan West Phulpui Missions Field Biak in sak mek enin Mamit atang hian a tlang thla nghal bawk a ni.
Dist. Missions Secretary Programme: NMD Missions Department Secretary Evan. JH Malsawmdawngliana chuan Jan ni 27 Pathianni khan Kawnpui Bial chhunga awm Rastali Missions Field leh Kolasib Diakkawn Bial chhunga awm South Chhimluang Missions Field-a Missionary awm te Induction service neiin rawngbawlna a nei ang.
———-
Audit nei: North Mizoram District hnuaia kohhranpui sawmapakhat, Buhfaitham leh Department hrang hrang, zirna in leh Camping Centre sum kum 2020 chhunga lakluhna leh hmanna te February ni 3-5 chhung khan neih a ni. Audit hi North Mizoram District Committee room-ah neiin; Rev. C. Lalrammuana, Evan. F. Lalngaihawma leh Upa C. Lalnunmawia ten Audit hna hi an thawk a ni.
———-
United Pentecostal Church of North East India, North Mizoram District, Maubawk Bial, Maubawk Kohhran te chuan Jan ni 31 Pathianni khan Kum 50 an tlin lawmna Golden Jubilee an hmang.
Jubilee lawmna Prog. hi Jubilee organing committee ruahman angin; hun thumah thenin, a hun hmasa ber atan- Biak in tualah lungphun hawnna inkhawm tawi neih hmasak a ni. Jubilee Lungphun hawnna inkhawm Bialtu Pastor leh Jubilee Orgn chairman ni bawk Rev. R. Lalhmangaiha’n a kaihruai a; Jubilee hawnna Sr. Upa R. Malsawma’n a neiin; Jubilee Lungphun hawnna North East India UPC Gen. Supdt. Rev. Lalmalsawma Sailo chuan a nei bawk a ni. Jubilee lungphun hawn a nih hnu hian Jubilee dar vuak niin; Jubilee Dar sub committee te kaihhruainain kohhran mi pawimawh tak tak mi 50 thlanchhuah ten dar hi an vua a ni.
Hun hnihnaah Golden Jubilee Hall atana Maubawk Kohhrante’n an ruahman chu North Mizoram District Supdt. Rev. Laltluanga chuan Lal isua hminga hawngin Jubilee Hall chu Kohhrante’n tisa leh Thlarau lam malsawmna tam tak an dawn theihnan tawngtaiin a hlan nghal bawk.
Jubilee Hall hawn hnu hian a chhungah lutin Jubilee lawmna thingpui leh a hmeh tuihnai tak ei leh inin, hemi hnu hian Programme hun thumna atan Biak in chhungah Programme hman a ni.
Biak in chhung Programme Bialtu Pastor Rev. R. Lalhmangaiha’n kaihruai lehin Upa R. Lalruata’n Jubilee mei a det a, heimi hnu hian Sist. Laltlanthangi’n Jubilee puala a hla phuah thar mawi tak Sist. Ngurthansangi’n a sak ngaihthlak a ni bawk.
Evan. PC Lawmthanga Maubawk Kohhran Secretary chuan Jubilee lawma pungkhawmte lawmna thu leh inhmelhriattirna neiin; Pathian hnena lawm thu sawi tawngtai rual neih a ni bawk.
Upa K. Zohrangchhuana, Jubilee Organising Secretary hnen atangin Jubilee report ngaihnawm tak a pek ngaihthlak niin; hemi hnu hian Maubawk Kohhran tana Chawimawi phute chawimawina thilpek hlanna Memento Sub-Committee buatsaih sem nghal a nI bawk.
Memento sem hnu hian District hruaitu pahnih Rev K. Lalduhsanga Dist. Treasurer hnen atangin thusawi tawi ngaihthlak niin; Rev. K. Lalduhsanga chuan Maubawk Kohhrante tanhona leh thawhhonaah fakin kohhran atanga rawngbawltu pawimawh tak tak Missionary leh hruaitu tha tak tak a hring chhuak chu kohhran puitling lantirna zia a ni a ti. Dist. Secretary Rev. Chhiarpuia’n thu sawi bawkin Maubawk Kohhrante chu Thlarau lam rawngbawlna ngaisang tak kohhran an nih avanga fakawm a tih thu te, Thlarau lam thanlenna ngaihtuah lova, kohhran chuan tisa lam hmasawnna chauh a ngaihtuah chuan kohhran chuan ro lam a pan mek a ni tiin; Maubawk kohhrante chu Thlarau lam rawngbawlna leh Pentecost zia chawivul zel turin a fuih bawk.
Thusawi tawi ngaihthlak zawh hnu hian District Supdt. Rev. Laltluanga hnen atangin Jubilee Sermon ngaihnawm tak ngaihthlak niin; a ni hnen atang hian thuchah ropui tak ngaihthlak a ni a, a thusawi zawhah tawngtaina kaltlangin Fakna hlapui sak ho a ni bawk.
Thusawi zawhah Upa Lalchhanhima, Jubilee Organising Committee Treasurer chuan lawmthu sawina a nei a, chumi hnuah North Mizoram District Supdt. Rev. Laltluanga’n Malsawm tawngtaiin inkhawm a tin a ni.
———-
North Mizoram District huam chhunga Pastor Bial 30 te chuan Jan ni 30 leh 31, Inrinni leh Pathianni khan Bial PYD Conference rorel an hmang.
Bial PYD Conference hi rorel inkhawm chauha hman a nih avangin, Conference hman hun hi a inang vek lova, bial thenkhatin Jan ni 30 Inrinni an hman laiin, Bial thenkhat erawh chuan Jan ni 31 Pathianniah rorel inkhawm an nei thung a ni.
North Mizoram District huam chhunga Pastor Bial 30, anmahni Bial theuhva rorel te hian- Kum 2021 chhunga an Bial theuh hmalakna tur relin, Thlarau lama hmasawnna tur te, District PYD Confe rorelnaa telh tur bakah General lam thlenga lut chho tur hmasawnna tur kawng hrang hrang an tel a ni.
Bial PYD Conference hi District PYD hruaitu pathum te pawhin heng bialte hi an hmanpui bawk.
Dist. PYD President Evan. J. Vanlalruata’n Headquarters Bial PYD Confe, Aizawl Nursery kohhrana neih a hmanpui a, Dist. PYD Secretary Evan. K. Rotluanga’n Chaltlang Bial PYD te hmanpuiin, Chaltlang Local-ah an hmang a, Dist. PYD Treasurer Evan. C. Lalruatsanga’n Bairabi Bial PYD te Inkhawmpui hmanpuiin Saikhawthlir Local-ah Confe hi an hmang thung a ni.
———-
Jan ni 31 Pathianni khan Rengdil Bial kolalian missions field ah member thar chhungkaw hnih member 8 awmna chu, hindu sakhua a tangin Missionary Evan. Hrangchhankhuma’n a lawmlut a, Sual ngaihdamna Baptisma a chanter nghal bawk.
Kolalian-ah vek hian Jan ni 6 Inrinni zan khan member thar tha tak lawmluh inkhawm neih a ni bawk.
Tlangsang Mithar: Jan ni 31 Pathianni khan Tlangsang biak inah mithar pahnihin Tlangsang Bialtu Pastor K. Ainawna kutah Sual ngaihdamna Baptisma an chang. Pakhat hi Zomuantlang kohhran a lawi tur niin; pakhat hi Tlangsang kohhran ah a lawi tur a ni thung. Heng mithar sengluhte hi Tlangsang Bialte’n Bial PYD Confe an hman laia sengluh leh Baptisma chang te an ni .
Facebook