UPCNEINEWSSERVICE FEB 9-16.2020
——–
General Hruaitute Programme :
General Suptd Rev. Lalmalsawma Sailo chuan Feb ni 16, Pathianni hian North Mizoram District Hqrs Kohhranin Platinum Jubilee an lawmnaah rawngbawlna neiin, Jubilee lungphun a hawng dawn a. General Secretary Rev. R. Lalrinsanga pawhin Platinum Jubilee lawmnaah hian Pathianni chawhmain thusawi rawngbawlna a nei ang. General Treasurer Rev. Zohmingthanzama pawhin Feb ni 15, Inrinnni zanah Sacrament leh kesil rawngbawlna neiin hun a hmang ang.
General Missions Director Rev. R. Lalhawia chuan tunkar chho hian Assam Missions Field ah rawngbawlna neiin a zinchhuak mek a, Feb ni 12, Nilaini khan khan Asam field huamchhung, Sigha Kohhran Biak in sak thar chu Pathian hnenah hlanin a hawng a, Feb ni 13, Ningani khan Upper Assam Missions Field ten Sonarichapari-hmuna St. John English School an enkawl chu Pathian hnena hlanna leh hawnna an neihah School hawnna leh hlanna neiin hun a hmang bawk.
General Director hian Feb ni 14, Zirtawp zan atangin Assam field Conference, Baslogi-a neih chu hmanpuiin rawngbawlna a nei a, Thawhtan ni hian Aizawl an let ang.
———-
Missionary Arrival Day :
February 18, Thawhlehni hi UPC- North East India Kohhran Missionary hmasa ber Rev. Ellis Luther Scism a’n Mizoram a lo luh ni a ni a, he ni Executive Board rorel no. 1, date 9 – 12, 1999 chuan kohhran din niah pawmin office chawlhah a puang a; UPC General headquarters office, District office, kohhran zirna in, Book store, Bible Collge leh kohhran hmun pawimawh dangte khar vek a ni ang.
He ni hi Tualchhung kohhran ten mahni remchan dan angin an hmang mai thin a, awmni khamin ran talha ruai nena hman tum Kohhran engemawzat awmin, Kohhran thenkhat chuan zan lamah an hmang thung ang.
Rev. Ellis Luther Scism-hian Pathian hnen atangin, India rama Missionary tura kohna dawng in kum 1948 khan India ram a rawn lut a, Adoor, Kerela-ah Bible School- dinin bul a tan a. Mizorama mi hlim hote nena rawngbawlmek R.A Dover-i-te nen , inbe chhovin Dt.18.2.1950 (Inrinni)-ah khan Mizoram a rawn thleng a, hmun hrang hranga thlarau thianghlim hnathawh avanga tihduhdah leh nekchepna tuar te awm khawm nan UPC kohhran hi din a ni ta a ni.
He kohhrana Baptisma chang hmasa ber leh Pastor atana lak hmasa ber chu Pu Zakamlova a ni.
Kohhran din tirha member record hmasa ber kum 1950 ah member 3,000 niin tun dinhmunah, North East India huamchhungah hian member Nuai khat chuang an awm tawh a ni. Kum 2019 General Conference Report bua a lan danin N.E India UPC huamchhungah hian District 12 ah Kohhran member 1,07,254 an awm mek a. Tualchhung Kohhran 845 leh Preaching Point 115 a awm mek bawk.
North East India UPC hian India hmarchhak State hrang hrang bakah Odisha, Delhi, Kolkata, Andaman & Nicobar Island , Bhutan leh Bangladesh ramah Missionary tirin rawngbawlna hna a thawk kal mek a ni.
————–
District hrang hrang rawngbawlna chanchin :
Lunglei District :
Bial Conference report :
Feb.7-9 chhung khan Luangmual bial, Headquarters bial, Bunghmun bial, Chhipphir bial, Lungsen bial leh Cherhlun bialte chuan Conference hi hlim takin an hmang a, hetiang hi an hman dan tlangpui leh rorel pawimawhte an ni.
A. LUANGMUAL BIAL: Luangmual bial Conference vawi 21-na hi Luangmual Local-ah neih a ni a, District Superintendent Represent-in Rev.VL Hmuaka, Hnahthial bialtu Pastor chuan he Conference hi a hmanpui. Feb.7 zirtawpniah bial Missions Department leh L.A.D.te chuan rorelna an nei a, Feb.8 inrinniah Kohhranpui leh Sunday School Department-te chuan rorelna an nei bawk. Kohhranpui rorel langsar zualte:
1.Conference dawltu puihna tihsan a ni.
2. Pastor Quarters-ah tui Connection pakhat lak belh te, Sintex dahna siam te,Quarters sir kawngpui dung hung leh Quarters chung rawng hnawih te tha tih a ni.
3. kum 2021 Conference neihna hmun atan Lunglawn Zaia veng Local an ruat bawk. (Pic.Luangmual bial Conf.)
B. HEADQUARTERS BIAL : Ramthar Local biak inah Headquarters bial inkhawmpui vawi 40-na hi neih a ni a, District Missions Director Rev.R.Vanlalenga chuan a hmanpui. Feb.7 zirtawpniah Missions Department, Sunday School Department leh L.A.D ten rorelna an nei a, Feb.8 inrinniah kohhranpui chuan rorelna neiin an rorel langzar zualte:
1.Conference palai fee tihsan
2. Bial rawngbawltute inralna dan ennawn a ni.
C. BUNGHMUN Bial inkhawmpui vawi 47-na hi Sesawm Vengchhak Local-ah neih a ni a, District Secretary Rev.PC.Lalfakawma chuan he inkhawmpui hi a hmanpui, Feb.8 inrinniah bial kohhranpui chuan rorelna an nei a, an rorel langzar zualte :
1. Kuminah bial Revival inkhawmpui Tleu Local-ah neih nise.
2. Thenhlum bial nen Joint Revival neih leh tha tih a ni.
3. Bial chhung Local tinah Upa, Rawngbawltu leh Department hruaitute tan kan kohhran dan, District leh Manual bye law zir hona neih nise.
4. Upa leh rawngbawltute tan Leadership Training leh thusawi inbuatsaih dan tur Local tinah neih nise.
5. Conference dawltu puihna tihsan.
D. CHHIPPHIR BIAL : Chhipphir bial Conference vawi 35-na hi Chhipphir Local biak inah neih a ni a, District Superintendent Represent in Rahsiveng bialtu Pastor Rev.C.Lalhriatpuia chuan he inkhawmpui hi a hmanpui a, inkhawmpui thupuiah hian ‘Thil tha tih I ning suh ang u’ Galatia 6:9 chu hman a ni a. Feb.7 zirtawpniah bial L.A.D. leh P.Y.D. te chuan rorelna neiin, Feb.8 inrinniah kohhranpui leh Sunday School Department-te chuan ro an rel bawk. Bial kohhranpui rorel langsar zualte :
1. Bial Budget atan Rs.15000 chu pawm a ni.
2. kum 2021 Conference neihna hmun atan Mualthuam Electric Local nise tha tih a ni a, Dist.Superintendent Represent-a lo kalte Speaker-ah hman nise, a hun atan Dt.19-21. Feb. nise tha tih a ni.
3. District-a thlen tur thu pawimawh tak tak an ngaihtuah bawk.
E. LUNGSEN BIAL : Bial Conference vawi 50-na (Conference Golden Jubilee) hi Lungsen N Local biak inah neih a ni a, District Treasurer Rev.C.Lalrintluanga chuan a hmanpui bakah District PYD Choir leh Rev.R.Lalrosanga ten an hmanpui bawk. Feb.7 zirtawpniah bial Sunday School Department chuan rorelna neiin, Feb.8 inrinniah kohhranpui chuan rorelna a nei a, an rorel tlangpuite :
1. Church Board Members leh rawngbawltute tan Seminar, Chhumkhum Local-ah neih nise.
2. Lungsen Venglai-ah kohhran din a nih theih nan hmalak nise.
3. Bial chhungah Members an pun theih nan hmalak nise tha tih a ni.
4. Pastor Quarters pualin sum dah a ni bawk.
F. Cherhlun bial Conference vawi 44-na chu New Ngharchhip biak inah hman a ni a, Feb.7 zirtawpni khan New Ngharchhip biak in District PYD in a sak sak chu District Superintendent Rev.C.Vanlalena chuan a hawng. Inkhawmpui Thupui atan ‘Chanchin tha famkim’ tih chu hman a ni a, Feb.8 inrinniah Kohhranpui, Sunday School Department leh Missions Department ten rorelna an nei a ni. He inkhawmpuiah hian District Superintendent Rev.C.Vanlalena bakah District PYD President Evan.V.Lalduhawma leh bialtu Pastor K.Lalnunpuia ten thusawi rawngbawlna an nei a ni. Kohhranpui rorel langsar zualte :
1. Pastor Quarters hnuai siam nise tha tih a ni.
2. Sawma pakhat leh buhfaitham pe thate hnenah lawmman siam leh nise. (Pic.Cherhlun bial Conf.)
——–
Bial Conference :
Feb.14 zirtawpni atang khan heng bial pasarih, Haulawng bial, Sertlangpui bial, Tawipui bial, Rahsiveng bial, Theiriat bial, Pangzawl bial leh Thingsai bialte chuan bial Conference an hmang a, Feb.16 Pathianni zan thleng hun an hmang ang.
Sertlangpui bial inkhawmpui vawi 43-na hi Sertlangpui Local biak inah neih a ni a, District Superintendent Represent-in Rev.C.Hmingthanfala chuan a hmanpui, Feb.14 zirtawpni khan bial Missions Department leh Sunday School Department-te chuan rorelna an nei a, Feb.15 inrinni khan kohhranpui chuan rorelna a nei bawk. Feb.16 Pathianni chawhnuah hian Thianghlimna tih thupui hmangin Seminar an nei bawk ang.
Theiriat bial inkhawmpui hi Zobawk Local-ah neih mek a ni a, District Superintendent Represent-in Rev.PC.Nghakliana chuan a hmanpui, Feb.14 zirtawpni khan bial L.A.D. leh Sunday School Department-te chuan rorelna an nei a, Feb.15 inrinni khan kohhranpui chuan rorelna a nei bawk.
Pangzawl bial inkhawmpui vawi 35-na pawh Rawpui Local-ah hman mek a ni a,Feb.14 zirtawpni khan bial Missions Department leh Sunday School Department-te chuan rorelna an nei a, Feb.15 inrinni khan kohhranpui chuan rorelna a nei bawk. He inkhawmpui hi District Superintendent Represent-in Rev. Lalbiakdika Chawhte chuan a hmanpui.
Thingsai bial inkhawmpui vawi 30-na hi H. Bualpui Local-ah hman mek a ni a, Rev.R.Vanlalenga District Missions Director chuan a hmanpui, Feb.15 inrinni khan bial kohhranpui, L.A.D., P.Y.D., Missions Department leh Sunday School Department-te chuan rorelna an nei a, zaithiam Laldinpari chuan a hmanpui bawk.
Tawipui bial Conference hi Mualcheng S biak inah hman a ni a, District Secretary Rev.PC.Lalfakawma chuan a hmanpui a, Feb.15 inrinniah rorelna an nei a ni.
Haulawng bial inkhawmpui pawh hi S.Phaileng biak inah neih a ni a, District Superintendent Rev.C.Vanlalena chuan a hmanpui bawk.
———-
Lawngtlai West District :
Feb ni 7 atanga ni 9 chhung khan Lawngtlai South Bial Conference vawi 23 Na Lawngtlai chandmary Biak inah neih a ni a, Confernce chhunga Deparment hrang² rorel tlangpui te.
Sunday School Department :
1. Bial chhung Local dinhmun a zirin Sunday School naupangte pualin Lang Camp emaw Seminar neih nise.
2.Sunday sikul Exam hi vengtu in dah tawh nise an ti bawk.
3.Sunday sikul kai hriatpuina lehkha District huapa siam leh hman nise an ti bawk.
Mission Department :
1. Mission lamah tun aia kan chak leh zual theih nan Bial Mission Convention Mampui ah neih nise.
2.Home missionary rawih nan Rs.10000/- chu thawh ve nise an ti bawk.
3.Saizawh East Local chu Bial huapa tlawh ve turin an rel bawk.
4.Bial chhung Local tinah Bawm leng vahpui in Local ten target tlak nan hman nise an ti bawk.
Kohhranpui :
Lawngtlai South Bial Inkhawmpui Vawi 23 -na chu tluang takin Dt 7 – 9 Feb. 2020 chhung khan Chandmary Biak Inah neih a ni a, Rorel tlangpui te:
1. Dist. chhunga Home Mission Field ten hma an sawn zel theih nan a remchan dan angin puih nise.
2. Kumin chhungin Bethel Local ah Revival Crusade buatsaih.
3. Saizawh East ah Home Missionary rawih chhunzawm leh nise.
4. Dist. Conference thlengtu Local tanpui nan Dist chhunga chhungkaw tin ten Rs 100 theuh thawh nise, hei hi Dist. Conference Agenda atan neih nise.
4. Dt 12 – 14 Feb. 2021 chhungin Bial Inkhawmpui Vawi 24 – na College Vengah neih leh tur a ni.
Lawngtlai south Bial Department hrang² OB te.
1.Bial Kohhranpui
Secretary : Upa S Lalmalsawmsanga Chandmary
Treasurer : Evan V.Biakkunga Chandmary
2.LAD
President : Sist.B.Lalsangremi B/W Chandmary
Secretary : Sist.A.Sangkhawlhluni College veng
Treasurer : Sist.F Tlangpari Chandmary
3.PYD
President Rbt.H Lalnunmawia Chandmary
Secretary : Laltlanchhuaha Fanai Chandmary
Treasurer : Angela Lalmuanzuali Chandmary
4.Mision Dept
Director : Upa H Lalfakfela College veng
Secretary : Upa C Lalchhanpianga.Bethel
Treasurer : Upa C Lalhmangaihzuala.College veng
5.SS Department
Director : Upa H Lalhmachhuana College veng
Secretary : Rbt R.Rokhuma Chandmary
Treasurer : Rbt.R Lalhmingsanga Chandmary
———-
District hruaitute Programme :
District Supdt Rev.Ramthatzawla chuan Feb ni 16, Pathianni hmang hian Vathuampui bialah rawngbawlna a nei ang.
District Secretary Pastor Lalsawmliana Sailo, chuan Feb ni 14-16 chhunga Bungtlang bial khawmpuiah speaker ah tangin rawngbawlna a nei mek.
District Mision Director Rev.F Lalbiakthuama pawhin Bungtlang Bial Conference hi a hmanpui.
———–
Churachandpur District :
Feb ni 14 atanga ni 16 chhung hian Churachandpur District LAD Conference vawi 53 na Tuibong Kohhran biak inah hman mek a ni.
Conference tan zan hian District LAD President Sis. S. Lalthlamuani B/w chuan inkhawm a kaihruai a, District Supt Rev. Lalzawm chuan Conference hawngin, Tuibong Bialtu, Pastor K. Lalramdina’n Pathian thuchah a sawi. Tan zan hian Lalpa thuthlung ropui tak chu tih hla hmangin Local LAD ten intihsiakna an nei bawk.
Confernce chhunga speaker te :
Zirtawp zan : Pastor K. Lalramdina
Inrinni zan : Rev. Haungam, District Treasurer
Pathianni zing : Rev. Lalzawm, Dist Suptd
Pathianni zan : Rev. Paosei, Dist Secretary
Conference chhung hian Sis. Chinchoihoi-Lamka Local, Sis. Kimneilhing- Tuinom Local, Sis. Tingneihhling- Khovangchoi Local, Bro. KG Helun, Monglenphai Local ten zaia rawngbawlna an nei thin bawk.
———–
North Mizoram District :
District hruaitute Programme :
Building Committee thuchak angin Feb ni 12 khan NM District Secretary Rev. Chhiarpuia leh Committee member Evan. C. hmingchungnunga te chuan Dampangrengpui kohhrante tlawhin an Biak in thawmthat ngai lai te an enpui. (Building)
——–
District Missions Director Rev. C. Lalthantluanga chu Damparengpui Bial Tuipuibari Centre-a Kohhranhote inkhawmna tur Biak In Sak bul tan enpuiin a zin chhuak a, a hmunah hian Bialtu Pastor R. Thanglura’n a tawiawm bawk ang.
Tuipuibari Centre Biak In sak hna hi Hunthar Bial Missions Department ten Feb ni 24 atang hian Work Camp neia sa turin ruahmanna an siam mek a, Damparengpui Bial hruaitute an lawm hle.
———-
North East India unit chhunga Kohhran Upa ber te zinga mi, Headquarters Kohhran, Tuikhuahtlang chuan kum 70 an tlinna Platinum Jubilee vawiin Feb ni 12 atanga atanga tanin Feb ni 18 thleng an lawm dawn.
Headquarters Kohhran hi kum 1950, Feb ni 18 khan din niin, tunah hian member 669 an awm mek a, Norh East India Unit chhunga North Mizoram District Office awmna leh District Hqrs awmna niin; He Platinum Jubilee an hmanna turah hian Headquarters Kohhrana lo lawi tawh zawng zawng leh a hlutsaktute zawng zawng tel vek turin an sawm a ni (Hqrs. Platinum Jubilee)
———
North Mizoram Distict chhunga pastor Bial 30 ten Feb ni 7-8 zirtawpni atanga Pathian hmanga aruala Bial Conference an neih chu hlim takin Feb ni 8 Pathianni zan khan an tiak.
Bial Conference neih hi North Mizoram District hruaitute leh Department hruaitu thenkhat te chuan hetiang hian Bial thenkhat an hmanpui
Dist. Supdt. Rev. Laltluanga’n Thenzawl Bial hmanpuiin;
Dist. Secy. Rev. Chhiarpuia’n a Bial hmui mek Durtlang Bial leh
Dist. Trea. Rev. K. Lalduhsanga’n Kolasib Venglai Bial a hmanpui bakah
Dist. Missions Director Rev. C. Lalthantluanga’n Lengpui Bial a hmanpui bawk a ni.
Bial hrang hrang Conference neih report tawi ngaithla ila:
Headquarters Bial te chuan Bial Conference vawi 53-na Nursery Veng UPC Biak inah hmangin, Thupui bik nei lovin, Bialtu Pastor Rev. C. Lianchama, Rev. Sanghleia Sailo, Rev. HL Dawngliana, Evan. Challiana leh Evan. Lalchhuanmawia Sailo ten Pathian thuchah an sawi.
Conference rerel pawimawh zingah District Camping Centre tihchangtlun leh Gen. Missions Field-a Missionary 4 chawm leh Home Missions Field-ah Missionary 7 chawm te an rel a, Kolasib Audrin Scism Chirldren Home tanpui an rel bawk. (PIc Hqrs.)
Zawlnuam Bial Conference vawi 4 na Zawlpui Kohhranah hmangin Thupui atan ‘Thuawihna’ tih hman a ni Confe Speaker-ah Rev. RC Puia hman ni bawkin. Conference chhung hian Bialtu pastor K.Malsawmkima kutah mithar 1 in Sual ngaihdamna Baptisma changin, Thlarau Thianghlim Baptisma chang mi 3 vek an awm bawk.
Conference rorel pawimawh zingah Upa te pualin Serh leh Sang rawngbawl dan inzirtir te, Zawlnuam khawpui chhungah kohhran thar din tura hmathar lak te an rel a ni. (Pic. Zawlnuam Bial)
Sihphir Bial ten Bial Confe. vawi 25-NA Sihphirah hmangin Rev. Sanghleia Sailo, Rev. C. Lalbiakzuala, Rev. C. Lalrammuana, Evan Lianthangvunga leh Evan Lalthanzara Varte ten thurhilh rawngbawlna an nei; Confe hi Silver Jubilee kum a nih avangin Zirtawp ni dar 12:00 ah conference rorelna neih a ni a, an rorel pawimawh zingah Pathian Thlarau la dawng lo ten an dawn theih nana Kohhran tinin rawngbawlna kalpui tih te, Bial huap Financial campaign, Account Training leh Administration chungchanga seminar neih tih te bakah Member thar target siam te a ni.
Feb ni 8 Inrinni ah Silver Jubilee lawmna ruai thehin hun hlimawm tak an hmang a ni. Bial Confe. hi North Mizoram District Choir ten an hmanpui bawk a ni. (Pic. Sihphir Bial)
Mamit Bial ten Conf vawi 29 na Mamit High School Veng Kohhran Biakinah hmangin an rorel pawimawh zingah Bial chhunga Financial Campaign neih, Bial chhung Preaching Point leh Mission Field te tlawhchhuaha Leadership Training/ Seminar neihpui. tih te a ni. Mamit Bialte hian Mamit Luangpawl-ah District nen tangkawpin Tirhkoh ruaiin rawngbawlna an nei mek a ni.
CHALTLANG BIAL ten Confe. vawi 49-na Chanmari Kohhran Biak Inah hmangin, Bialtu Pastor Rev C Lalramthanga, Evan JH Malsawmdawngliana, Bial Secretary, Evan R Lalthangchhuana, Bial Treasurer bakah Sist Vanlalveni, Bial LAD President ten Pathian thuchah an sawi.
Bial Confe. rorel pawimawh deuh te zingah -Kum 2021 Bial Conference Bawngkawn-ah nghah a ni a. Kum 2022-a Bial Kohhranpuiin Golden Jubilee an thlen tur chu lawm nise an ti bawk. Bial Kohhranpui hmalaknaa Media Cell din te leh Kum 2020 chhungin Camping neih an rel bawk. (Pic. Chaltlang Bial)
LENGPUI BIAL Bial ten Conf. Vawi 44 na Lengpui Kohhran Biak inah hmangin Confe. Speaker atan Rev. C. Lalthantluanga Dist. Mission Dept.Director an hmang. Conference rorel pawimawh zingah Kum 2021 Bial Conf. Rawpuichhipah nghatin Bial hmingin Missionary pakhat chawm te Financial campaign neih te, Administration leh Accounting thupuia Seminar neih te an rel bakah Dapchhuah rawngbawl zelna tur chungchang te an ngaihtuah ho a ni. (Pic. Lengpui Bial)
Damparengpui bial ten Conference vawi 3 na Damparengpui Kohhran Biak inah hmangin an rorel pawimawh zingah 2020 ah Uar zawka thianghlimna kawnga hma lak te Sidon Biak In sak tanpui dan tur chungchang te an ngaihtuah a, Kum 2021 Confe lehna tur atan Persang Home Missions field an ruat bawk.
Confe. neih chung hian Mithar 2 lawm luh a ni bawk a ni.
DINTHAR BIAL ten Bial Confe. vawi 40-na Zotlang biak inah hmangin Confe. Speaker-ah Bialtu Pasto0r Rev. C. Laltlanchhuaha an hmang, Dinthar Bialah hian member 1127 awmin Chhungkaw 253an awm a, report hun chhungin mithar 13 an nei bawk.
Confe. Rorel pawimawh zingah Kum 2021-ah conference Chawnpui kohhranah an nghat a, Bial chhunga rawngbawltu ten kum 2020 chu Pathian Thuthlung puan uar kumah hman an rel bawk. (Dinthar Bial)
Bilkhawthlir bial ten Bial Confe. vawi-38na Kharzawl Biak In ah hmangin Conference Speaker atan Bial chhung kohhran hrang hrang rawngbawltu upa te hman an ni.
Confe. rorel pawimawh zual zingah kum 2021 Bial conference chu Bilkhawthlir Kual mawi kohhranah nghah niin; Bilkhawthlir bial te thawhrah atanga kohhran piang N.Thinglian a Tirhkoh quarter District pur buai lova Assam Type-a sak pum an passed. kum 2020-2021 chhung atan Thianghlimna Committee leh Revival din relin Bilkhawthlir Bial hminga Media Cell din an passed bawk. Hei bakah hian Bial chhung kohhran Biak In reng rengah puih ngai emaw, harsatna nei an awm chuan bialah thlen a, bial ruahmanna siam anga, bial huapa puih / in khaichhuah thin nise tih an passed bawk a ni.
Confe. neih chhung hian Lalpa zanriah Sacrament leh kesil rawngbawlna, Bialtu Pastor leh Upa ten an nei bawk a ni. (Bilkhawthlir Bial)
Reiek bial ten conf vawi 71 Reiek kohhran biak inah hmangin Confe. Speaker ah Evan C.Zoramthara hman a ni. Confe. rorel pawimawh zingah Dist a thlen tur Agenda 2 pass-in Confe. neih chhung hian Pathian Thlarau Thainghlim hnathawh ropui tak a thleng a, Pathian Chawimawinain Confe. hi chhun zawmin T Upa Rongura leh Bro VL Luaia te chhungkua kaltlangin Pathian chawimawina neih a ni. (Reiek Bial)
Chawlhhmun Bial ten Confe. vawi 28 na Chawlhhmun Biak Inah hmangin Rorel palai 36 an awm a, an rorel pawimawh zingah kum 2021 a bial leh deptt hrang hrang khawmpuina hmun tur ruat a ni a, Kum 2021-ah Bial khawmpui hi Zonuam ah hman a ni ang. Hei bakah hian Home Missions ah bial hmingin missionary 2 chawm passed in Thianghlimna campaign neih te an rel bawk. Chawlhhmun Bial chhungah hian Kohhran 6 awmin, Member 1073 leh Chhungkua 239 an awm mek a ni.
Confe. an neih chhung hian Tanhril SS Hall sakna tur atan Rs. 32000 chuang an hmu chhuak bawk. Confe neih chhung hian Confe. Speaker ah Evan. R. Lalthlamuana, Evan. Lalramhluna hmar, Evan. Zamliana, Evan. Lalthazuala leh Bialtu Pastor Rev. Lalramthanga kawlni ten Confe. thupui ‘Thlen chin atanga hmasawn tih an sawi thin a ni. (Pic Chawlhhmun Bial)
Kanghmun bial Confe. silver jubilee hmangin Department hrang hrangte Confe. ah hian an infin a, an hlim tlang hle a ni.
KOLASIB VENGLAI BIAL ten BIAL INKHAWMPUI VAWI 60 NA *“BIAL DIAMOND JUBILEE hmangin North Mizoram District Treasurer, Rev. K. Lalduhsanga’n hmanpuiin Confe. hawnna a nei.
Feb ni 8 Inrinni chawhmaah rorel inkhawm neiin Dan khawih thil te leh District a thleng turte, Bial chhunga Financial Campaign neih leh Local Churchboard Member chin tan Leadership Training neih te rel thluk a ni
Chawhma Rorel inkhawmah District Treasurer Rev. K. Lalduhsanga’n Bial Conference Report Bu leh Diamond Jubilee Souvenir inkawp (Bu khata dahkhawm) a tlangzarh a, Chawhnu lamah Bial Diamond Jubilee Programme hman a ni
Diamond Jubilee Lungphun Rev. K. Lalduhsanga, Distrcit Treasurer vêkin hawngin; Jubilee Dar vuak a ni bawk. Jubilee lawm inkhawm hman zawh hnu tlaiah Jubilee lawmna ruai tui tak an kil tlang bawk.
Maubawk Bial ten vawi – 11 na Maubawk kohhran Biak inah neiin Rorel palai 41 kan niin rorel palai 41 in ro an rel a, Confe agenda atana chhawpchhuah te an passed vek a ni.
An rorel pawimawh zingah kum 2021-a Confe. na tur atan Bungkawn ruatin; Revival Crusade Bial huapa buatsaih te, District Confe-ah Palai kohhran member tam dan a zira inruat tura District-a rawtna thlen te, District hruaitu thlannaah Upa Palaiten vote nei tawh se.. tih te District Confe a thlen turin an rel a ni.
Sialsuk bial ten Bial Conference vawi 55-na Lungseiah neiin UPC North East India General Secretary Rev. R. Lalrinsanga chu speaker atan an hmang.
Confe. rorel pawimawh zingah Kum2021 Conf na hmun atan Sialsuk ruat niin; Bial chhung local tin te Administration leh Serh leh sang rawngbawl na tih hmangin Seminar neih nise tih an relthluk bakah Samlukhaiah rawngbawltu dah tura district-ah rawtna thlen te an rel a ni.
Phainuam Bial ten Conference Bial Headquarteres Local-ah nghatin, Kum 2020 Bial Conference-a Speaker neih te, Kum 2020 Bial 4 Joint Revival-na hmun tur Saipum Local-ah nghah a nih avangin Organising Commttee din a ni bawk. Hei bakah hian Revival Cum Seminar neih te relin Kum 2020 chhungin Tirhkoh pakhat chawm an passed bawk. (Pic. Phainuam)
Thenzawl Bial ten Thenzawl Police Training Centre Kohhranah hmangin an rorel pawimawh zingah Home Missionary pahnih leh General Missions Field ah Missionary 1 chawm te, Thenzawl Community Health Centre (CHC) ah poor fund- atana phak tawk tanpuina pek te an rel.
Thenzawl bial te hian Kum 2019 chhung atan awmapakhat target Rs. 29,00,000 neiin Rs. 34,86,533 an pe thei a, Rs. Rs. 5,86,533 in an khum a ni
Thenzawl Bial hi District Supdt. Rev. Laltluanga’n hmanpuin Speaker-ah a tang a, boruak duhawm tak neiin hlim takin hun an hmang a ni. (Pic Thenzawl)
———–
DISTRICT PLATINUM JUBILEE SAWMNA LEH CONFERENCE SAWMNA
North Mizoram District chuan Pathian khawngaihnain Kum 70 a lo tling ta der mai. He Kum 70 a tlinna Platinum Jubilee hi Feb ni 18 atanga Feb ni 25 chhung a lawmna inkhawm a nei dawn. Hei bakah hian Platinum District Conference Feb ni 28 atanga March ni 1 chhung nei lehin March ni 1-ah ruai nen ropui taka hman tur a ni.
North Mizoram District in kum 70 a tlinna Platinum Jubilee min hlutsaktute zawng zawng Lalpa Isua Krista hminga lo kal vek turin kan sawm a che u.
PLATINUM JUBILEE INFO & PUBLICITY COMMITTEE
UPC-NEI, NORTH MIZORAM DISTRICT
———–
Aizawl East District :
Bial Conference :
Aizawl East District chhunga Bial hrang hrangte chuan February 7 atanga 9 chhung khan Bial Conference a rualin an hmang. Conference tan zan khan Local hrang hrang te hnen atangin report ngaihthlak a ni a, bial thenkhat chuan Revival inkhawmin hun an hmang nghal a ni. Inrinni nileng khan Bial chhung inawpna leh District-a lut tur ngaihtuahin rorelna hun neih a ni a, hetah hian Kum 2020 chhunga Bial hmalakna turte chu a langsarzualte an ni. Bial Conference-ah hian Speaker hranpa leh Thupui nei an awm laiin Bial thenkhat-ah chuan Speaker hranpa nei lovin Bial hruaituten thusawi rawngbawlna an nei thung a, Bialtu Pastor Speaker-a hmang an awm bawk a ni. Pathianni Chawhnu Inkhawm-ah khan Bial hrang hrangte chuan Sacrament kil hona neiin bial thenkhatah chuan Kesil rawngbawlna neih a ni bawk. Bial chhunga kohhran member boral sunna hun Conference chhung hian bial hrang hrangte hian an hmang bawk a ni.
Aizawl East District chhungah hian Bial 30 awm mek in Bial Conference hi District Hruaitute’n hmun hrang hrang-ah hetiang hian an hmanpui a ni.
District Superintendent Rev Rosanga Kawlni chuan Mualpui Bial-ah a hmang a, District Superintendent aiawhin District hruaitu dangte chuan heng bial-ahte hian an hmanpui bawk a ni.
District Secretary Rev Biaksangzuala chuan Thuampui Bialah hmanpuiin
District Treasurer Rev Vanlalfela Ramtiam chuan Bethlehem Bial-ah a hmanpuia
Rev R.Lianzama, Missions Director chuan Keifang bial a hmanpui bawk a ni.
District-in Fulltime Evangelist a neih mek Evan R.Vanchhunga chuan Bazar Bial-ah Speaker-ah tangin Evan Lalamena chuan Sakawrdai Bial-ah Speaker-ah tangin rawngbawlna a nei bawk a ni. Bial hrang hrangte hman dan tlangpui lo tarlang ila:
Bawngkawn Bial te chuan Bial Conference vawi 25-na, Silver Jubilee Bawngkawn Biakin-ah hlim takin an hmang a, thupui hranpa nei lovin Bialtu Pastor lo ni tawhte hnen atangin thuchah an ngaithla thin a ni. Inkhawmpui tan zan khan Bialtu Pastor, Rev C Mawizuala chuan Bial Kum 25-na, Silver Jubilee Souvenir tlangzarhna neiin Pathianni chawhmaah member boral sunna hun hman ani a, chawhnu-ah Sacrament kilhona neih ni bawkin Pathianni chawhma inkhawm-ah khan Jubilee lawmna chi khat atan inkhawm zawng zawngte hnenah thilpek pek an ni. Pathianni tlai khan Jubilee ruai hlim takin an kilho a ni. Bawngkawn Bialte hian Kum 2021-ah Ramhlun Vengtharah Bial Conference hi an hmang leh dawn a ni.
Bethlehem Bial te chuan Hermon Kohhranah Bial Conference vawi 38-na hlim takin an hmang a, thupui hranpa nei lovin Rev Vanlalfela Ramtiam, District Treasurer chu Speaker-ah an hmang a ni. Pathianni Chawhnu inkhawmah khan Bialtu Pastor, Rev Lalrema chuan Sacrament a buatsaih chu Kohhran ten an kilho bawk a ni.
Thingsulthliah Bial te pawhin Bial Conference vawi 53-na hlim takin Tlangnuam Kohhranah an hmang a, Thupui hranpa nei lovin Bialtu Pastor, Rev Rohmingliana chu Speaker-ah an hmang a ni. Inkhawmpui tan zan khan Tualchhung leh Bial Department report ngaihthlak niin Inrinni zan atang khan Revival Inkhawmin hun an hmang a ni. Thingsulthliah Bial te hian Pathianni chawhnu inkhawmah khan Bialtu Pastor chuan Sacrament leh Kesil rawngbawlna a nei a ni.
Thuampui Bial te chuan Zuangtui Kohhranah Bial Conference vawi 12-na hlim takin an hmang a, Thupui hranpa nei lovin Rev Biaksangzuala, District Secretary chu Speaker-ah an hmang a ni. Zirtawp zan atang khan Revival inkhawma hun hmang nghalin Pathianni chawhnu inkhawmah khan Bialtu Pastor, Rev KVL Hmangaihkima chuan Sacrament rawngbawlna a nei a ni.
Upper Republic Bial te chuan Republic Vengthlang Kohhranah Bial Conference vawi 25-na hlim takin an hmang a, Thupui-ah “I lam kan lo hawi mai zawk a ni” II Chro. 20:12 thu hmangin mi hrang hrangte hnen atangin thusawi an ngaithla thin a ni.
Hnahlan Bial te pawhin Bial Conference vawi 40-na, Vapar Kohhranah hlim takin an hmang a, Thupui-ah “Nangmah leh i zirtirnaah fimkhur rawh” I Timo. 4:16 thu hmangin thupui thensawm hmangin mi hrang hrang hnen atangin thusawi an ngaithla thin a ni.
Champhai Bethel Bial te chuan Zion Kohhranah Bial Conference vawi 13-na hlim takin an hmang a, Thupui-ah “Ka lokal thuai dawn e” Thupuan 22:12 thu hmangin Rev Lalmalsawma Sailo, General Superintendent chu Speaker-ah an hmang a ni.
Khawruhlian Bial te pawhin Khanpui Kohhranah Bial Conference vawi 48-na hmangin Thupui-ah “Thlarauvah awm rawh u” Galatia 5:16 thu an hmang a, Sepaker-ah Bro H Lalrinfela an hmang a ni. Pathianni chawhnu inkhawmah khan Bialtu Pastor Hmingchungnunga chuan Sacrament rawngbawlna a nei a ni.
Ngopa Bial te chuan Ngopa Hrqs. Kohhranah Bial Conference vawi 30-na hmangin Thupui-ah “I puanin hmun chu zauh rawh” Isaia 54:2 thu an hmang a, Thupui thensawm hmangin mi hrang hrang te hnen atangin thusawi an ngaithla a ni. Pathianni chawhnu inkhawmah khan Bialtu Pastor K Vanlalhlimpuia chuan Sacrament rawngbawlna a nei a ni.
Serchhip Bial te chuan Chanmari Kohhranah Bial Conference vawi 54-na hlim takin an hmang a, Thupui-ah “Chanchin tha hi hril rawh u” Marka 16:15 thu hmangin Evan Pc.Lalrokima, Gen. Missions Treasurer chu Speaker-ah an hmang a ni. Pathianni chawhma inkhawmah khan Bialtu Pastor, B Lalengzauva kaihhruaiin member boral sunna hman a ni.
Khawhai Bial te chuan “Puitlin lam i pan ang u” Hebrai 6:1 thupui-a hmangin Khawhai Kohhranah Bial Conference vawi 49-na hlim takin an hmang a, Speaker hranpa nei lovin thupui thensawm hmangin mi hrang hrangte hnen atangin thusawi an ngaithla thin a ni.
Serchhip Dinthar Bial te chuan Bial Conference vawi 19-na Bial Hqrs. Dinthar Kohhranah hlim takin an hmang a, thupui leh speaker hranpa nei lovin mi hrang hrangte hnen atangin thusawi an ngaithla thin a, Pathianni chawhnu khan Bialtu Pastor, Rev C Laldintluanga chuan sacrament rawngbawlna a nei a ni.
Zemabawk Bial te chuan Bial Conference vawi 33-na Zemabawk Kohhranah an hmang a,”Isua lokal lehna” Tirh. 1:11 thu hmangin Rev R.Laltlankima, Bialtu Pastor Speaker-ah an hmang a ni. Pathianni chawhma inkhawmah khan Rev Rotluanga kaihhruaiin member boral sunna neiin Chawhnu-ah Bialtu Pastor hian Sacrament rawngbawlna a nei bawk a ni.
Mualpui bial te chuan Bial Conference vawi 6-na, Mualpui Kohhranah February 8, Inrinni rorel inkhawm atangin an hmang tan a, thupui leh Speaker hranpa nei lovin mi hrang hrangte hnen atangin thusawi an ngaithla thin a, Pathianni chawhnu inkhawmah khan Bialtu Pastor incharge, Rev Rosanga Kawlni chuan sacrament rawngbawlna a nei a ni.
Rabung Bial te chuan Murlen Kohhranah Bial Conference vawi 54-na hlim takin an hmang a, zirtawp zan khan Tualchhung leh Bial report ngaihthlak niin Speaker-ah Evan H Lalhlimpuia an hmang a ni. Pathianni chawhnu inkhawmah khan Bialtu Pastor J Lalhmingsanga chuan Sacrament rawngbawlna a nei a ni.
Darlawn Bial te chuan Ratu Melkawn Kohhranah Bial Conference vawi 36-na hlim takin an hmang a, Thupui-ah “Nangni in thianghlim tur a ni” I Pet. 1:16 thu hmangin Evan Lalchhuanmawia Zote chu Speaker-ah an hmang a ni. Pathianni chawhma inkhawmah khan Bial chanchin ziahna lehkhabu Bialtu Pastor, Rev T Lalbiakliana chuan neiin Pathianni chawhnu khan Sacrament rawngbawlna a nei bawk a ni.
Chhingchhip Bial te chuan Chhiahtlang Hmar Veng Kohhranah Bial Conference vawi 34-na hlim takin an hmang a, Thupui-ah “Inthawina nung” Rom 12:1 thu hmangin Bialtu Pastor, Rev PB Chawngtinliana Speaker-ah an hmang a ni. Pathianni chawhnu khan Sacrament rawngbawlna Bialtu pastor hian a nei bawk a ni.
E.Lungdar Bial te chuan Bial Conference vawi 36-na leh Bial Missions Conference vawi 36-na, Leng Kohhranah hlim takin an hmang a, Thupui-ah “Tunlai thil awmzia” Rom 13:11 thu hmangin Speaker-ah Pastor LS Lalhruaisanga, CBC Lecturer chu an hmang a ni. Missions Department te hian February 7, Zirtawp chawhnu khan rorelna neiin Inrinni khan Kohhranpui hian rorelna an nei bawk a ni. Pathianni chawhmaah Bialtu Pastor chuan sacrament rawngbawlna a nei a ni. Kum 2021-ah pawh Bial Kohhranpui leh Missions Department te hian Inkhawmpui hi a kawpa nei lehin Sailulak Kohhranah an hmang dawn a ni.
Keifang Bial te chuan Bial Kohhranpui Conference vawi 4 na leh Bial Missions Conference vawi 5-na Maite Kohhranah an hmang kawp a, Thupui-ah “Nang malsawmna ni ang che” Gen. 12:2 thu hmangin Speaker-ah Rev R Lianzama, District Missions Director an hmang a ni. February 7, Zirtawpni khan Missions Department te hian rorelna neiin Inrinni-ah Kohhranpuiin rorelna an nei ve bawk a ni.
Kawlkulh Bial te pawhin Bial Kohhranpui leh Bial PYD Conference Kawlkulh Vengthar Kohhranah an hmang kawp a, Thupui hranpa nei lovin Speaker-ah Rev H Vanlalchhana an hmang a ni. Inrinni khan Bial Kohhranpui leh PYD te hian a hranin rorel inkhawm an nei a ni. Pathianni chawhma khan Bialtu Pastor R.Malsawma kaihhruaiin member boral sunna hun hman a ni.
Khawzawl Bial te chuan Bial Conference vawi 49-na Vengthar Biakin-ah hlim takin an hmang a, Thupui-ah “I puan in hmun chu zauh rawh” Isaia 54:2 thu hmangin Speaker- Rev H.Rothuama an hmang a ni.
Sakawrdai Bial te chuan Vaitin hmunah Bial Conference hlim takin an hmang a, Spekaer-ah District Fulltime Evangelist, Evan Lalamena an hmang a ni.
Zohmun Bial te chuan Bial Conference vawi 11-na Zohmun Kohhranah hlim takin an hmang a, Thupui-ah “Thianghlimna” Sam 93:5 thu hmangin Bialtu Pastor B Lalhmingliana chu Speaker-ah an hmang a ni. Inrinni chawhmaah Missions Department ten rorelna neiin chawhnu-ah Kohhranpuiin rorelna an nei ve leh a ni. February 10, Thawhtanni khan Upa Laldingliana te chhungkua chuan Pathian chawimawina neiin Kohhran ten hlim takin hun an hmang a ni.
———-
Khawzawl Bial te chuan ruahmanna an lo siam tawh angin February 10, Thawhtanni khan Bial chhunga Church Board member chin te tan rawngbawltu Seminar an buatsaih.
He hunah hian Resource person-ah Rev Lalmalsawma Sailo, General Superintendent chu hmangin Resource person hnen atangin Church Board member te tana hriattur pawimawh tak tak ngaihthlak a ni. He hunah hian Bial chhung atangin mi engemaw zat an tel thei a ni.
——–
Seminar :
Chhingchhip Bial Sunday School Department te buatsaihin February 7, Zirtawpni chawhnu khan Chhiahtlang Hmar Veng Kohhranah Bial chhunga Zirtirtute pualin Seminar neih a ni.
He hunah hian Rev R Vanlalawia, General S.S Director chu Resource person-ah hman niin thu pawimawh tak tak ngaihthlak a ni a, bial chhung atangin zirtirtu an kal tha hle a ni.
———
Audit :
Aizawl East District hnuaia Kohhranpui leh Department hrang hrangte sum chu February 11, Thawhlehni atang khan endikna, Audit neih a ni a, February 13, Ningani khan audit hi zawh fel a ni.
Heng sum te hi District Board in alo ruat tawh angin Pastor H.Lalropuia, Pastor Lalhmangaihawma Parte bakah Pastor B.Lalengzauva leh Upa Joseph Lalhruaitluanga te chu endikna, Audit hna an thawk a, audit atanga a lan danin Kohhranpui leh Department te hian kum hmasa lam aiin sum leh paiah hmasawnna a hmu a ni.
Hruaitute Programme:
Rev Rosanga Kawlni, District Superintendent chuan Serchhip Bial chhung Kohhran hrang hrangte tlawhin Ningani khan Aizawl a chhuahsan a, Inrinni-a N.Vanlaiphai Bial, Khawlailung Dinthar Biakin hawnna-ah telpuiin rawngbawlna a nei mek a ni.
Rev Biaksangzuala, District Secretary chuan N.Vanlaiphai Bial, Khawlailung Dinthar Biakin hawnna, February 15, Inrinni hian a nei a, N.Vanlaiphai Bial Conference-ah rawngbawlna a nei chhunzawm nghal a ni.
Rev Vanlalfela Ramtiam, District Treasurer chuan Pathianni zan hian District Hqrs. Kohhranah thusawi rawngbawlna a nei ang.
Rev R Lianzama, District Missions Director chuan Pathianni hian West Bengal Missions Field hnuaia Beechbagan Biakin hawnna neiin rawngbawlna a nei ang.
———–
Facebook