Pennet News Service : February 26, 2022

GENERAL NEWS

HRUAITUTE PROGRAMME:

General Secretary Rev. Zohmingthanzama chuan February 25 atanga ni 27 chhunga Barak Distric Conference, Halflong hmuna neih a telin rawngbawlna a nei ang.

General Missions Director Rev. Biaksangzuala chuan February 25 atanga ni 27 chhunga  Chandel District Conference, Chakpikarong hmuna neih a hmanpui bawk.

General Sunday School Director, Rev. R. Laichhingpuia, General Sunday School Secretary Rev. R. Vanlalawia leh General Sunday School Treasurer Evan. F. Lalsangliana te chuan February ni 26 Inrinni hian Serchhip Dinthar Bial tlawhin Seminar an neih pui a, February ni 27 Pathian ni hian Bial chhung Local hrang hrang an tlawh kual ang.

———-
———-

CHHIMTUIPUI DISTRICT

45th CHHIMTUIPUI DISTRICT  PYD CONFERENCE HLIM TAK A HMAN A NI:

45th Chhimtuipui District PYD Conference chu Tuipang L local a, Tuipang Bial ah hlim tak a hman a ni.
Conference thupuiah “Isua Krista lo kal lehna” Thup 22:12 tih chu hman a ni a, North East India General PYD President Rev H Lalropuia chu speaker a hman niin, a hnen atang hian Pathian thuchah ropui tak tak ngaih thlak a ni.

February ni 20 Pathian ni chawhnu ah fellowship nei niin Evan. George Lalawmpuia Secretary Lawngtlai West chuan hun serh a hmang a, General PYD Education Board Chairman Evan Laldinpuia Sailo (Secretary Lunglei Dist PYD) chuan Work Ethics hmang in motivational speech a sawi bawk. Evan Lalrinmawia Vice President Lunglei Dist chuan Lunglei Dist PYD ai awh in chibai buk na leh  thu tawi sawina a nei bawk a ni.

Chhimtuipui District PYD Conference ah hian khawmpui Palai 600 vel niin Lunglei District PYD hruaitute leh Lawngtlai West District PYD ten an telpui bakah Lalthansanga kawlni (Athana), K.Lalremsangi (Aremi)  , Zothanmawii (zoteii) leh Lalthansangi ten conference chhung zawng hinn zai rawngbawlna an nei thin bawk a ni.

February ni 19 inrinni khan conference rorel inkhawm neih a ni a, thu rel thenkhat te:

1. 46 Chhimtuipui District chu Sangau Bial ah nghah a ni (Khawmpui thlen/dawn dil tu Siata Local awm mahse 42nd Conference rorelna in rotation a khawmpui dawng tu tur a lo ruahman chu pawm a ni).

2. Myanmar a ṭang a ral tlan(refugee), Chhimtuipui District Kohhran a in ziak lut te hi Dist PYD hian ṭanpui ve ngei nise.

3. Dist Mission Department kal tlang a Home Missionary rawih chu chhun zawm zel nise. He mi pual hian sum zawn a ni a Rs.250000/- chuang hmuh a ni.

4. General Mission Dept hnuai Pholbhani (Odisha) Pastor Quarters a dah tur refrigirator lei nise.

5. PYD WEEK hman leh nise.

6. Chhimtuipui District chhung Home mission field pakhat tal ah General PYD Kum Puan bawhzuina pual in ram mut or Youth Camp neih nise.

7. Dist PYD hma lakna in thisen pek ve nise.

8.  2022 chhung hian a rual in PYD lak luhna hun hman nise.

9. 2022 chhung hian short course solfa, music zir na buatsaih nise.

10. Mahni in tihlum leh depression chung chang ah invenna awareness buatsaih nise.

11. 2022 hian environment hum halhna pual in a tam thei ang ber a thing ṭiak phun nise.

12. Heng thupui hmang hian campaign neih nise : Thianghlimna & financial

13. Dist Choir member a tan tun a member nilai te chu hman chhun zawm nise.

Rorel ni hian PYD kum 10 chuang chawllova hruaitu hna thawk mi 6 te hnen ah chawimawina thu ziak hlan ni in, State level a boxing champion hnen ah lawmpuina thu ziak hlan a ni bawk.

———-
———-

———-
———-

LUNGLEI DISTRICT

BIAL PALI IN CONFERENCE AN HMANG

February ni 18-20 chhung khan Pangzawl bial, Hnahthial bial, Sertlangpui bial leh Tawipui bial te chuan bial Conference an hmang a, hetiang hi bial inkhawmpui hmangte rorel tlangpui a ni.

1) Pangzawl bial inkhawmpui vawi 37-na hi Khawngbawk Local-ah neih a ni a, District Superintendent Rev.C.Vanlalena chuan a hmanpui a, bial kohhranpui chuan Local tinah upa leh rawngbawltute tan Seminar neih nise an ti a, ramlak beihpui thlak nise an tih bakah Pastor Quarters-a bial Committee room thawm that nise an ti bawk. Nakum 2023 bial inkhawmpuina hmun atan Lungmawi Local an ruat a ni.

2) Hnahthial bial inkhawmpui vawi 52-na hi Hnahthial Electric Local-ah neih a ni a, District Superintendent Represent-in Rev.PC.Nghakliana chuan a hmanpui a, bial kohhranpui chuan thu pawimawh tak tak an rel a, bial huap Seminar neih, Financial Campaign neih bakah Hnahthial Town Area-a in hmun leina turin Budget-ah pawisa dah leh nise tih te an rel a, nakum 2023 Conference chu Tuipui D Local-ah an nghat a ni.

3) Sertlangpui bial inkhawmpui vawi 45-na Thuampui Local-a neih hi District Superintendent Represent-in District Missions Director Rev.R.Vanlalenga chuan a hmanpui a, bial huapin rawngbawltu Retreat neih an rel bakah bial Conference palai fee an ti sang a, nakum 2023 bial inkhawmpuina hmun atan S.Lungdai Local an ruat bawk.

4) Tawipui bial inkhawmpui vawi 64-na hi Thingfal Local-ah neih a ni a, District Superintendent Represent-in District Treasurer Rev.C.Lalrintluanga chuan a hmanpui. Bial kohhranpui chuan bial chhung rawngbawltute inralna chu Rs.3500 nise a ti a, Tawipui S Local biak in hawn leh luah luh pui dan ngaihtuah nise an tih bakah nakum 2023 bial inkhawmpuina hmun atan Mualcheng S Local nise an ti bawk.

———-

THILTLANG BIAK IN HAWNG DAWN :

February ni 27 Pathianni hian Thiltlang biak in chu Hnahthial bialtu Pastor Rev.VL Hmuaka chuan a hawng dawn.

Thiltlang biak in hi kum 2019-a Lunglei  District P.Y.D. Conference vawi 51-na in sak nise ti a a lo rel a ni a, heihi chak takin Hnahthial bialin a bawhzui a, tunah hian hawn theihin peih fel a lo ni ta a ni.

Biak in hawnna hi Lunglei District P.Y.D. hruaitute pawhin an hmanpui dawn a ni.

Thiltlang hi Lunglei District Missions Department Field pakhat a  ni a, tunah hian Home Missionary in Evan.Lalhriatmawia chu a awm mek a ni.
(Pic. Thiltlang biak in, Nakinah heihi whatsapp lamah kalo thawn ang che)

———-

BIAL P.Y.D. CONFERENCE A RUALIN NEI DAWN :

February ni 27 Pathianni hmang hian bial P.Y.D. Conference a hranga nei turte chuan a rualin Conference hi an hmang dawn.

Pukpui bial P.Y.D.-te hian Conference hi February ni 27 Pathianni ah rorel inkhawmin an nei ang a, harsatna dang a awm lo anih chuan Zotlang Local biak inah rorelna hi neih an tum a ni.

Rahsiveng bial P.Y.D.-te pawhin Conference hi February ni 27 Pathianni ah rorel inkhawmin an hmang dawn a, Rahsiveng Local biak inah hun an hmang ang.

Luangmual bial P.Y.D.-te pawhin February ni 27 Pathianni ah Sethlun Local biak inah bial Conference hi rorelna neiin an hmang bawk ang.

Headquarters bial P.Y.D.-te hian Ramthar Local-ah bial Conference hi an hmang ang a, February ni 26 inrinniah rorelna neiin, February ni 27 Pathianni chhun leh chawhnu ah inkhawmna hun an nei ang.

Theiriat bial P.Y.D.-te chuan Theiriat Local-ah bial Conference hi an nei dawn a, February ni 26 Inrinniah rorel inkhawm an nei ang.  (Pic.-ah PYD Logo min lo dah sak mai rawh)

———-

CERTIFICATE LEH FELLOWSHIP CARD HLANNA NEI :

February ni 17 Ningani chawhnu dar 1:00 khan Dist.Superintendent Room-ah Lunglei District atanga  Licence dil, General Executive board-in  a pekte hnenah Fellowship Card leh Certificate hlanna neih a ni.

He hun ah hian District Superintendent Rev.C.Vanlalena , Secretary Rev.PC.Lalfakawma leh Treasurer Rev.C.Lalrintluanga ten Licence hmu tharte hi fuihna thuchah an sawi bakah Certificate leh Fellowship Card hlanna an nei a, District Superintendent Rev.C.Vanlalena chuan tawngtaisakna a nei a ni.

Certificate leh Fellowship Card  hlan tharte:

1. Evan. Laltlawmlova (General Licence) Tawipui N-II Local.

2. Evan.Rosangliana,

(Local Licence) Tleu Local.

3. Sist. K. Lalnunpari

(Bible Women) Thaizawl Local. (Picl Cert.leh Card in hlan lai)

———-

LALNUTUI  BIAK IN SAK TAN A NI :

Chawngte bial, Lalnutui Local biak in chu February ni 18 Zirtawpni khan Chawngte Bial Board hmalakna in sak \an a ni. Bial chhung Local hrang hrang a\angin mi -78 chuang an thawk chhuak.

Bialtu Pastor, Jerry Lalmuanawma’n  biak in sakna tur Lungphumna a nei a. Biak in hi a dung feet 40 vang feet 20 tur a ni a. RCC a sak tum niin  ban -10 phun nghal a ni.

Lalnutui Local-ah hian Member 103 an awm mek a. Tuna an biak in luahlai hi Kohhran a din tirha District sak niin,  Assam type a ni a, biak in hi a hlui tawh avangin sak \hat hna hi thawh \an a ni ta a ni. (Pic. Biak in sak tan ni)

———-
———-

NORTH MIZORAM DISTRICT

District Conference vawi 72-na hmang dawn:

UPC, North East India, North Mizoram District Conference vawi 72-na chu thla thar March ni 4 leh ni 5 Zirtawpni leh Pathianni  hian Hqrs. Biak in Tuikhuahtlangah a hmang dawn.  Confe inbuatsaihna pawh tluang takin a kal zel.

Tarlan tawh angin Hrileng hluar thar leh avangin Conference hman dan tur hi District OB Meeting chuan tidanglamin, tum dang ani thum leh zan li hman thin chu ni 2 chhunga zo turin ruahmanna an siam a, Confe hi March ni 4 Zirtawpni-ah tannin hemi ni hian Report hrang hrang- Kohhranpui, Department leh Committee pawimawh dangte atangin ngaihthlak a ni ang a, Confe ROrelin chhunzawmin; chawhnu lamah Kum 2022 – 2023 chhunga North Mizoram District hruaitu thar tur thlan a ni ang.

March ni 5 Inrinni-chu District Board neih a ni ang a, March ni 6 Pathianni chu Sermon inkhawm buatsaihin NEI UPC Gen. Supd. Rev. R. Lalrinsanga leh North Mizoram District Supdt. Rev. Laltluanga ten rawngbawlna an nei ang.

District OB meeting chuan hrileng mek avanga fimkhur thu-ah leh Sorkar SOP ngaih pawimawh avangin Confe Palai turin hetiang hian ruahmanna a siam bawk.
Palai tur te : (i) Licence Holder zawng zawng  (ii) District Level Department O.B zawng zawng bakah (iii) Bial tin atangin Upa pahnih (2) zel an ni ang.

March ni 7 thawhtanni hian District Board neih chhunzawmin; hemi ni hian kum 2022 atana PSM zir tur te, leh District-in rawngbawltu a lak tur dil te baka rawngbawlna licence dil te interview neih a ni ang.  Interview hi Feb ni 07 thawhtanni zing dar 10:00 AM tan a ni bawk ang.

———-

District Supdt Programme:

Ditrict Supt. Rev. Laltluanga chuan Feb ni 1 thawhlehni khan THenzawl Bial Pastor Qtrs sak thar hawngin; Distrift Office atang Dist. Secretary Rev. Chhiarpuia’n a tawiawm bawk.
District Supdt. Rev. Laltluanga chuan Barak District Cone. Feb ni 25-27 chhunga Halflong-a neih turah sawm a nih angin; Confe a hmanpui a, Confe-ah hian speaker hna a thawk dawn a ni.

———-

THENZAWL BIAL PASTOR QUARTERS HAWNG::

Feb ni 22 February Thawhlehni chawhma dar 11:00 khan Thenzawl Bial Pastor Quarters chu District Superintendent Rev. Laltluang’n a hawng.

Qtrs hawn Programme hi Bialtu Pastor rev. Lalremtluanga’n kaihruaiin; Pawn lam hmanah District Superintendent Chuan Pathian thu chhiarin, Thenzawl Bial in Pastor Quarters mawi leh tha tak kan neih theih avanga lawmthu sawiin Isua hmingin a hawng a ni.

In chhung hun hi Thenzawl Bialtu Pastor Rev. Lalremtluanga’n a kaihruai a, Evan. RL Malsawma (Ex-Bial Secretary) in tawngtaina hun hmangin, Thenzawl Bial Treasurer Upa Pachhunga’n technical report a pe a,  Pastor Quarters hi a dung fit 43 leh a vang fit 32 niin, Bedroom 3  leh sitting room  awmin, inthiarna (toilet) 3 a  awm bawk. A sak nan hian ₹.22,55,733/- sen a nih thu tarlan a ni.

District Secretary Rev. Chhiarpuia, Upa B. Lalthanga (Ex-Bial Treasurer) leh Upa Jk Dass (Headquarters Aizawl) te hnen atangin thusawi ngaihthlak a ni bawkin, Thenzawl Bial Secretary Upa Pc Lalhmingthanga’n lawmthu sawina hun a hmang bawk (Thenzawl Quarters hawn)

———-

W.MUALṬHUAM RAWNGBAWLNA :

Rengdil Bial Missions Secretary Sist. J. Lalmuankimi chuan Feb thlatir khan Rengdil Bial Missions Dept hmalaknain rawngbawlin West Mualthuamah a lut a, Rengdil Bialtu Pasdtor Rev. C. Lalthlenga leh BIal hruaitu dangte nen bul an tan. He hmuna rawngbawlna an neih hnu ni reiloteah Kohhran dinin Rengdil Bial-a COnfe hmanpuitu Dist. Supdt. Rev. Laltluanga chuan W. Mualthuam hi tlawhin Kohhran thar din a ni ta a ni.
Sist. J. Lalmuankimi leh a rawngbawlpuite rawngbawlna Lalpan a thawhpui a, Feb ni 18 Mi thar -8 ( Chhungkaw -2) sengluh leh niin: Feb ni 22 khan Mi thar -6 (Chhungkaw -2) sengluh leh niin; rawngbawltu Sist. J. Lalmuankimi hian kohhrana lawmluhna a hmang. Tun dinhmunah W.Mualṭhuamah hian member -85 an awm mek a ni.

W.Mualṭhuam hi Kawrtethawveng khua tlak lama awm niin, In -215 bawr a awmna khua a ni. (Pic W. Mualthuam)

———-

Mithar nei:

Feb ni 20 Pathianni khan Evan. Lalramhluna Hmar rawngbawlna atangin thenzawl Bialn Hermon Local-ah mithar pahnih Pentecost kohhranah lawmluh niin; Evan. Lalramhluna Hmar hian lawmluna hun a hmang
Feb ni ni 20 Pathianni vek hian Chaltalng Bial Bawngkawn Kohhranah Pentecost mithar chhungkaw khat neih ni bawkin CHaltlang Bialtu pastor rev. C. Lalramthanga’n lawmluhna hun a hmang bawk. (Mithar. Hermon and Bawngkawn)

———-

Vitor Kalagance lamah Workcamp nei:

District Missions Director Rev. C. Lalthantluanga leh Bro. Jokoh Lalremsanga te chuan Tlangsang Bial huam chhunga awm District Home Missions Field atana kum 2021 Confe in a lo rel tawhah Missionary Quarters sain workcamp-in  an fehchhuak a, Quatters hi engemaw zat sak sa niin; tunah hian a chung an khuh zo tawh a ni.

Dist. Missions Director hian Feb ni 26 hian Sumsuih Bial Mission Dept in Seminar Cum Revival programme a neih tura Resource person niin Revival inkhawm-ah rawngbawlna a nei bawk ang. (Vitor kalagange)

———-

Dist. Missions Dept hmalaknain Mission Field hawn thar tan Fridge sem:

North Mizoram District Missions Confe. 2021 in Home Missions Field thar atana a pawm leh a lo rel tawh khua 1. K.Sarali, 2. Sihthiang, 3. Kananthar, 4. N. Thinglian leh Vitor Kalagang-ah te chuan Dist. Mission Director Rev. C. Lalthantluanga chuan Feb ni 21 thawhtanni khan Missonary Qtrs-ah dah tur Fridge semin an fehchhuak. Director hi Bro. Jakob Lalremsanga’n tawiawmin Fridge phurhna tur lirthei hi a tum sak bawk.

———-

North Mizoram District Home Missions Field-a thawk tur Missionary la dawn:

North Mizoram District, Missions Department chuan Field thar 5 a hawna Post turin Home Mission Field-a thawk tur Missionary 5 a la dawn. Missionary hna dil hi engemaw zat awm tawhin Feb ni 28 thawhtanni thleng dil theih niin; March ni 2 Nilaini dar 11:00-a District Mission Board neihah Missionary dilte interview neih tur a ni dawn a ni.

———-

Workcamp in fehchhuak:

Feb ni 21 Thawhtanni khan Tlangnuam Bial te chuan Mamit Biala awm Vawngawnzo Missionary Quarter sak kal lai mek chhungzawm turin  workcamp in an chhuak a, member thahnem tak an fehchhuak thei a. Feb ni 26 inrinni hian vawngzawnzo hi an chhuahsan leh ang. (Tlangnuam workcamp)

———-

West Phulpui Missions Field Sunday School Hall hawng:

Feb ni  20 Pathianni chawhnu dar 2:30 khan W. Phaileng Bial West Phulpui Mission Field Sunday School Hall chu W. Pheileng Bialtu Pastor K. Ainawna’n Lalpa Isua hmingin a hawng a, Hawnna inkhawm Missionary Evan. H. Lalnunzira’n kaihruaiin; hemi ni vek hian member thar 2 te Bialtu Pastor K. Ainawna kutah Baptisma an chang bawk. Phulpui Mission Field SS Hall hi Chawlhhmun Bialte’n an Bialtu Pastor Rev. Lalramthanga Kawlni hova work camp-a an sak a ni.

———-

Marpara Quarters hawng:

Feb ni  20 Pathianni khan W. Pheileng Biala awm Marpara Home mission field Quarter chu Evan. Lalchhuanmawia Sailo, Hqrs. Biak Missions Director chuan a hawng. Hqrs. Bial Missions Dept te hian Marpara Quarters sakna tur pual hian Dist. Kaltlangin Rs. 60000 an thawh a ni. Programme Bialtu Pastor K. Ainawna’n kaihruiin hun hlimawm tak an hmang a,
Quarter hi a vang zawng ft 23 a varanda telin a dung hi ft 30 a ni bawk. (Marpara Quarters)

———-

Tumpanglui Quarters hawng:

Feb ni  20 Pathianni khan Rengdil Biala awm Tumpanglui Missionary Qtrs chu Evan. JH Malsawmdawngliana, Distri Missions Secretary chuan hawngin; Rengdil Bial tangin Pastor Rev. C. Lalthlengliana’n programma a kaihruai a ni. Quarters sak dan technical Report Missionary Sist’n kawliani’n a pe a, lawmpuina leh thilpek Rengdil Bial Missions Dept Trea, Bro Lalramnghaka’n pein Bial Kohhranpui secy Upa Rohnuna’n lawmthusawina hun a hmang bawk (Tumpanglui Missioary Qtrs hawng)

———-
———-

AIZAWL EAST DISTRICT

District Conference:

Aizawl East District hnuaia inkhawmpui lianber, District Conference vawi 28-na chu March 10 atanga 13 chhung hian Khawzawl Bial, Khawzawl Vengthar Biakin-ah hmang turin ruahmanna chak taka kalpui mek zel a ni. Kuminah hian hrileng avangin kum danga inkhawmpui kalpui angin a theih dawn lova, rorel palai tur pawh tih tlem niin zan lam inkhawm a awm dawn lo bawk a ni. Ruahmanna ang chuan March 11, Zirtapwni-ah LAD leh Sunday School ten rorelna neiin March 12, Inrinni-ah Kohhranpuiin rorelna a nei anga, rorel zawhah hruaitu thar thlanna neih chhunzawm nghal a ni. Pathianni chawhma leh chawhnu-ah inkhawm buatsaih tura ruahmanna siam a ni bawk.

Hrileng avanga a nawlpuia inkhawmpui a rem loh avangin hetiang hian Kohhranpui leh Department- PYD leh Sunday School te chuan rorel palai tur an ruahman a ni.

Kohhranpui palai: Bial hruaitu zuk leh hmuam fihlim, Bial chhunga Licence holder zawng zawng bakah Bial aiawh mi 2 te an ni.
PYD leh Sunday School te hian Bial aiawh mi 3 palai atan ruat ni se an ti bawk a ni.

———-

OTS Graduation day:

February 27, Pathianni chawhnu hian District Hqrs. Biakin-ah Kum 2021 Session atan OTS Graduation Day hman a ni dawn. He hun hi Rev Vanlalfela Ramtiam, Principal chuan kaihruaiin OTS Graduate tharte confer na leh certificate hlanna a nei nghal dawn a ni. He hunah hian hrileng avangin a nawlpuia tel a remchan loh avangin District Hqrs. Kohhran te, District Department hrang hrang hruaitute bakah Aizawl khawpui chhung Bialtu Pastor te chu sawm an ni. Kuminah hian Zirlai 9 ten Graduate tura beisei an ni.

———-

Talent Search result puanna nei:

February 20, Pathianni zan khan Pennet Studio, General Hqrs.-ah Aizawl East District PYD Talent Search Sub-Committee ten District chhunga Lemziak leh Zai intihsiak an buatsaih result puanna an nei. He hun hi Sis Betty H.Lawmsangpuii hostna hnuaiah neih a ni a, Hunserh Rev.VL.Hnemtluanga, District Secretary chuan hmangin District PYD President, Rev.C.Lalmalsawma leh Evan Lawmsangkima, Talent Search Sub-Committee Chairman ten thusawi tawi hmangin Bro. Johny Lalthafamkima, Talent Search Sub-Committee Secretary chuan report pe in result puanna a nei nghal a ni.

Lawmman dawng tute:
Zai-ah Pakhatna: Sis. ST.Chingsanluni, Hnahlan bial
Pahnihna: Sis. Lalmuansangi, Thingsulthliah bial
Pathumna: Sis. Vanlaltluangi, Serchhip Dinthar bial

Lemziak-ah Pakhatna: Sis Lalrindiki, Serchhip Dinthar bial
Pahnihna: Bro.Lalremdika, Thuampui bial
Pathumna: Bro. Vanlalruatpuia Varte, Thuampui bial te an ni a, lawmman dawngtute hi Memento leh sum fai hlan vek an nih bakah heng intihsiaka telte hnenah hian Consolation prize tha tak pek vek an ni bawk.

Aizawl East District PYD Inkhawmpui Kum 2021-a neih chuan District chhunga PYD memberte zingah Talent zawnchhuahna neih ni se tiin alo passed tawh a, chumi bawhzuina tur atan chuan Talent Search Sub-Committee dinin, Committee chuan theihtawpin hrileng karah hma a la a, a hlawhltinna hmuh a ni ta a ni. Talent Search buatsaihna tur atana mi inpe te hnenah hruaitute chuan lawmthu an sawi bawk a ni.

———-

Leadership & Account Training nei:

February 19, Inrinni khan Serchhip Bial chhunga Tualchhung tin PYD OB-te tan Leadership leh Account vawn dan training neih a ni. He hun hi Session hnihah thenin Session hmasaah Leadership chungchang Bialtu Pastor, Rev. B Lalengzauva’n a sawi a, session hnihnaah Evan. C Lalnunsanga, Bial Secretary-in Account vawn dan a sawi bawk. Bial PYD Vice President Tual Upa Rinnghinglova kaihhruaina hnuaiah hlawk takin he programme hi hman a ni a, Tualchhung tin atangin PYD OB te an telkim thawkhat a ni.

———-

Induction Service nei:

Covid-19 hrilêng avang-a Rabung Bial Pastor lakulhna, Induction Service a hun taka neih theih loh chu February 20, Pathianni khan District Treasurer, Rev R Laltlankima chuan Pastor a nei.

Lakuhna inkhawm programme hi Pathianni chawhma dar 10:00AM ah Rabung Biakin-ah neih niin District Treasurer-in kaihruaiin fuihna thuchah a sawi a, Bialtu Pastor HMS Dawngkima te chhungkua chu hriak thih rawngbawlna a neih sak nghal a ni. He hunah hian Bialtu Pastor thar, Pastor HMS Dawngkima hnen atangin thuchah tawi ngaihthlak a ni bawk.  Pathianni chawhnu leh zan thleng khan inkhawmna neih niin Rev R.Laltlankima hnen atang hian Pathian thuchah ngaihthlak thin a ni a, Pathian thlarau thianghlim awmpuina hnuaiah hlim takin hun an hmang a ni.

———-

Mithar:

February 20, Pathianni khan Serchhip Dinthar Bial, Ramthar Kohhranah Evan Ramnghahmawia rawngbawlna kaltlangin Chhungkaw khat, Member 6 te chu Bialtu Pastor, Rev C Laldintluanga chuan sengluhna a nei a, nau 2 a hlan nghal bawk a ni. Evan Ramnghahmawia kutah mi 6 in sual ngaihdamna Baptisma an changin an zinga mi 4 hi mithar te an ni.

February 20, Pathianni vek khan Zemabawk Bial, Airfield Kohhranah mithar 5, puitling pathum leh naupang pahnih te chu sengluh an ni bawk.

Bazar Bial-ah pawh Bialtu Pastor, Rev C Lalmalsawma kutah Kohhran dang atangin hmeichhe pakhat in sual ngaihdamna baptisma a chang.

Champhai Bethel bial, Melbuk Kohhranah Pathianni vek khan mithar 18 Bialtu pastor E.Vanlalpeka Zote chuan sengluhna neiin nau 14 hlan an ni bawk.

Khawbung bial, Leithum hmunah chhungkaw 2, member 9 te chu Bialtu Pastor H.Lalbiakzauva chuan sengluhna a nei bawk a, mi 2 ten Evan HK Lalhmangaiha, FullTime Evangelist kutah sual ngaihdamna baptisma an chang bawk a ni.