———
India Council Meeting :
Feb ni 20, Ningani khan India Council meeting vawi 3-na Mt. Lavinia Hotel Colombo, Sri Lanka ah neih a ni a, Meeting-ah hian General Superintendent Rev. Lalmalsawma Sailo chuan India hmarchhak Kohhran ai a awh.
India Council Meeting-ah hian Rev. Bruce Howell, Rev. Lynden Shalm, Rev. Prince Mathiasz, Rev. Patrick Miller, Rev. Mark Harris, Rev. Jothi Raja Singh, Rev. Daniel Evans leh Rev. Lalmalsawma Sailo te an tel a, India leh China hi nasa taka beih a ngaih avangin Global Missions chuan Specially Administrated Area a dah thu Global Missions Director Rev. Bruce Howell an a sawi. India rama chak zawka rawngbawl dan tur sawi ho a ni.
———-
Phillippines General Conference :
UPC Phillippines General Conference 2020 chu February ni 19 khan ṭan a ni.
He conference hi hmun hnihah neih a ni dawn a, February ni 19 – 22 thleng hian Davao khawpuia Rizal Memorial College, Petro Gazz Arena ah neih a ni ang a. February ni 23 Pathianni bik hi Panabo City Gym ah neih a ni thung ang. Thupuiah Launch out into the deep (Li thúk lam pan la) tih hman a ni a, speaker atan mi 2 – Rev. Mark Morgan leh Rev. Robert Tisdale te hman an ni a, a ṭan zan hian Rev. Mark Morgan chuan “Do not forget the baskets” tih thupuia hmangin thuchah ropui tak a sawi.
Revival service kar lakah hian devotion, lecture, business meeting leh program dang a awm a. Hengah hian UPC Phillipines hotute bakah Rev. Jesse Fortaleza te, Rev. Roger Buckland (Pacific Regional Director) te, Rev. Alfredo Bodagas (UPC Phill. Gen. Supdt) ten thusawina hun an hmang ang a, February ni 22 inrinni chhunah Ordination service a awm bawk ang.
UPC Phillippines hi Global Missions hnuaia ram pakhata UPC Kohhran member tamna ber a ni a. Report hnuhnung berah chuan Phillippines ramah hian kan thuthlung vawnpui UPC member nuai 12 chuang zet an awm a ni.
—————–
General hruaitute Programme :
General Superintendent Rev. Lalmalsawma Sailo chuan Feb ni 20, Ningani khan Srilanka khawpui Colombo ah India Council Meeting neiin hun a hmang a, Ni 23, Pathianni hi Kolkata-ah Kohhran hote tlawh kualin rawngbawlna a nei a, Feb ni 24 Thawhtanni hian Aizawl a pan ang.
General Secretary Rev. R. Lalrinsanga chuan Pathianni zan hian North Mizoram District -in Platinum Jubilee-a lawm meknaah telpuiin thusawi rawngbawlna a nei dawn a, General Treasurer Rev. Zohmingthanzama pawhin Jubilee lawmna hman kalmekah hian a telpui bawk.
General Missions Director Rev. R. Lalhawia chuan Churachandpur District Missions Conference, Churchandpur Hmarveng Kohhrana neih mek a hmanpui.
General Sunday School Director Rev. R. Laichhingpuia chuan Shillong Section-ten Feb ni 21 atanga ni 23 chhunga Ruby Jubilee cum Section Conference an hman naah Speaker-ah tangin rawngbawlna a nei.
———-
District hrang hrang rawngbawlna chanchin :
North Mizoram District :
Platinum Jubilee :
UPC-North East India unit hnuai, District 12 zinga District upa ber North Mizoram District chuan Feb ni 18 Thawhlehni chawhma dar 10 khan, kum 70 a tlinna Platinum Jubilee lawmna Programme District Headquarters Biak in, Tuikhuahtlangah an tan.
Platinum Jubillee Lawmna Prog hi Biak in kawtah Biak in pawn Programme nei hmasain Rev. K. Lalduhsanga, Orgn. Chairman in a kaihruai a, Jubilee Choir ten Jubillee hawnna hla sain, Jubillee lungphum UPC-North East India General Supdt. Rev. Lalmalsawma Sailo in a nei a, Rev. LalMalsawma hian “Jubilee thiltum laimu chu Inngaihdamna a ni tiin; North Mizoram District chu Thianghlimna kawngah te, Sum leh Phai thehchhuah kawngah te leh ramlakna rawngbawlnaa thahnem ngai zual turin a fuih a. A thusawiah Mizoram Pentecost mite bul lo intan dan tarlangin, North Mizoram District chu North East India Unit tana Mother Church Distric tih thin chu thil awm tak a nih chu a sawi bawk.
Hei bakah hian Platinum Jubillee dar vawi 70 vuak niin; North East India huapa rawngbawltu pawimawh leh challang tak tak, North Mizoram District Hruaitu, District Department hruaitu leh Pensioner ten Platinum Jubilee dar hi an vua a ni.
Dar vuak zawhah Biak in chhung Prog hman chhunzawmin Rev. Chhiarpuia, District Secretary in Programme a kaihruai a, Platinum Jubillee Souvenir, Souvenir Committee tena an buatsaih, North Mizoram District chhunga Kohhran awm zawng zawng te chanchin inziahna leh North Mizoram District bul intanna fiah taka chuanna PLATINUM JUBILEE SOUVENIR chu Rev. Zohmingthanzama UPC-NEI Gen. Treasurer chuan tlangzarhin. Platinum Jubilee Meichher Rev. C. Lalmuanpuia, Former Dist. Supdt. Kolasib Diakkawn Bial mektu chuan a chhi a, District Choir leh General Choir te an zai bakah Thuchah leh thusawi Rev. Laltluanga, District Superintendent, Rev.R.Lalrinsanga, General Secretary, Rev.C.Lianchama. Former Dist. Supdt hnen atang tein ngaihthlak a nih bakah,. Hqrs. Kohhran Church Board Secretary Upa C. Lalnunmawia hnen atangin North Mizoram District chanchin leh Headquarters Kohhran chanchin a sawi ngaihawm tak ngaihthlak a ni bawk.
Jubilee lawmnaah hian Sist. Lalrinawmi leh Sist. Lalchhanhimi Ralte ten zaiin fak hla an sa a, Kohhranhote’n an hlut hle. Tlaiah Jubillee lawmna ruai theh a ni.
Platinum Jubilee hman Programme hi Feb ni ni 19 Nilai zan atang khan Department Nite-a hman chhunzawmin District PYD in bul an tan a, Feb ni 22 zan -ah District Missions Department in Departemnt puala hman hmawr an bawk anga, Feb ni 23-25 zan thleng Jubilee Celebration Nite, Organising pualin hman chhoh leh a ni bawk dawn a ni.
North Mizoram Distric ten Jubillee lawmna an buatsaih hi, North Mizoram Dist in Inkhawpui vawi 70-na a hman hun March Ni 1 thleng a awh dawn a ni.
——–
Pastor Qtrs hawng :
Maubawk Bial Pastor Quarters atana sak thar chu, Feb Ni 17th thawhtanni chawhnu dar 2:00 pm khan Rev.Laltluanga Dist.Suptt. chuan Lal Isua hmingin a hawng.
Maubawk bial Pastor Quarters sa tur hian, Bial Board chuan Dt.11. 09. 2016 khan, Quarters Land and Building Committee a din a, chung mi te hmalak na atang chuan he building hi sak niin; kum 2016 – 2020 chhung hian vawi 10 meeting an nei hman a ni.
Quarters hmun hi kum 2015, June ni 24 khan Rs1,480,000/- a lei niin; Building hi Kum 2017 April ni 24 khan sak tan a ni a, Quarters sak na atana sum hmuh hi Rs 33,36,653 lai hmuh a ni a, he mi zat chiah hi a sak nan an hmang ral bawk a ni.
Maubawk bial te hian tan nasa taka lain, Dist. in sum a pek bakah mimal leh kohhran, Bial Department leh Loan nena tangkawpin hna an thawk a ni.
Maubawk bial ten Pastor Quarters nei tura an hma laknaah Dist. lam ten theih tawp an chhuahpui naah lawmthu an sawi a, bial chhung kohhran ten theih tawp chhuahin, thil pek chi hrang hrang an pek avangtein lawm thu an sawi bawk a ni.
Quarters hawnna inkhawm hi Bialtu Pastor Rev.R.Lalhmangaiha chuan a kaihruai a, Dist.Suptt. Rev.Laltluanga chuan thu sawina hun hmangin, Upa K.Zohrangchhuana Bial Secy. chuan Technical report pein, Upa Lalchhanhima, Evan.R.Manliana leh Rev.K.Lalduhsanga Dist.Trea. leh Upa VL.Biaknia, Bro.HV.Lalmuankima, Evan. Lawmthanga, Upa R.Kapthianga ten thu bengvar thlak tak tak an sawi bawk.
Quarters hawnna ah hian Dist.hruaitute 3 bakah Rev. C.Lalthantluanga M/S Director leh Hunthar bialtu Pastor Rev.C.Lalhmunliana te an tel bakah bial chhung upa te leh Maubawk Kohhran te mi enge maw zat kal khawmin Rev.C.Lalhmunliana’n Pathian hnenah tawngtaiin hun a khar a ni.
North Mizoram Dist. Conference vawi-70-na (Platinum Jubilee) chu zirtawpni lo awm tur Feb ni 27 atanga March ni 1 thleng, Cultural Centre Bawngkawn South-ah Chatlang tlang Bialte’n an thleng dawn.
Conference atana chaltlang Bialte inbuatsaihna chuan a vawrtawp thleng mekin Confe. Organising Committee lam pawhin Confe. pawimawh Jubilee Conference anih avangin a tam thei ang ber palaite kal turin an ngen a ni. Organising Committee ten hetiang hian Conference mikhual thlen dan tur ruahmanna an siam bawk.
Counter no. 1 (Bawngkawn Biak In) a in report turte-
– Kawnpui Bial, Tlangnuam Bial, Bilkhawthlir Bial, Aibawk Bial, Thenzawl Bial, Bairabi
Bial, Phainuam Bial, Zawlnuam Bial, Rengdil Bial.
Counter no. 2 (Ramhlun Biak In) a in report turte-
Sumsuih Bial, Vairengte Bial, West Phaileng Bial, Lengpui Bial, Kolasib Venglai Bial.
Counter no. 3 (Chanmari Biak In) a in report turte-
Mamit Bial, Maubawk Bial, Dinthar Bial, Sialsuk Bial.
Counter no. 4 (Chaltlang Biak In) a in report turte-
Damparengpui Bial, Tlangsang Bial, Durtlang Bial, Kanghmun Bial, Kolasib Diakkawn
Bial, Bukpui Bial, Reiek Bial, Sihphir Bial, Headquarters Bial, Chawlhhmun Bial,
Hunthar Bial.
——–
Crusade report :
Sialsuk Bial Missions Department bul tana Samlukhai Rawngbawlna Crusade kal zelah Evan. Zoramsanga Speaker rawngbawlna tluak takin a kal chho zel a, rawngbawltu rawngbawlna malsawma awmin Feb ni 16 Pathianni khan mithar members 4 Pentecost kohhranah sengluh an ni.
Kohhrana lawmluh Programme hi Bialtu Pastor Rev. K.Vanlaldika’n neiin; Nau 2 hlan a ni bawk a, inkhawmbanin Evan Zoramsangan Baptisma Rawngbawlna neiin mi 3-in sual ngaihdamna Baptisma an chang a ni.
Evan Zoramsanga leh a team te rawngbawlna Lalpan mal a sawm a. He rawngbawlna atang hian Mi thar 6 neih a ni tawh a ni. Baptisma chang tawh zawng zawng mi13 awmin Thlarau Thianghlim baptisma changthar mi 8 an awm tawh bawk a ni.
———-
Member thar :
Feb ni 16, Pathianni khan Lengpui Bial Dapchhuah Preaching point-ah rawngbawltu rawngbawlna kaltlangin mi thar 2 sengluh a ni.
Mithar lawmluhna hi Dapchhuah Biak inah Bialtu Pastor Rev. Lalchuailova’n a nei a ni. Dapchhuah Preaching Point-ah hian Maubawk Bial Missions dept. kaltlangin rawngbawlna neih mek a ni.
Dapchhuahah hian North Mizoram District-in Biak in sa mekin, Lengpui bialte’n Biak in sain work an nei mek a, Maubawk bial Mission Dept in an chhunzawm ve dawn a ni.
———–
Feb ni 16, Pathianni khan, North Mizoram District hnuaia Phunchawng Mel-10 Preaching Point chu Kohhran puitlingah hlân kai a ni.
Kohhran puitlinga hlânkaina hun hi Rev.Chhiarpuia, Secy.NMD chuan a nei a, inkhawm Program hi Bialtu Pastor Rev.C.Lalhmunliana chuan a kaihruaiin, rawngbâwltu thawk lai Evan.R.Lalrinchhana’n kal khawmte inhmelhriattirna hun a hman hnuin, Bro.Vankhawpuimawia, Phunchawng Kohhran Secretary chuan Phunchawng Mel- 10 Kohhran report a pe a, Hunthar Bial Secretary Evan.K.Tlangthanmawia, chuan lawmpuina thu sawiin, Evan.RK.Vanlalngaia, North Mizoram Distrcti Missions Dept. Secy. (Pioner Missionary, Phunchawng Mel-10) chuan duhsakna thu a sawi bawk.
Bro. John-a leh Sist.CVL.Rinchhani ten fak hla sain zaiin rawngbawlna an nei a, Bial pawn leh Bial chhung Kohhran hrang hrang atangin Phunchawng Mel-10 kohhran te, Kohhran puitlinga hlan a nih avanga an lawmpuina thilpêk hrang hrang an hlan, inkhawm Program zawh ah, Phunchawng Mel-10 Kohhran ten an buatsaih, thingpui ruai tui tak kilho a ni (Pic: Phungchawng Mel-10)
———–
Lunglei District :
Bial Conference report :
Feb.14-16 chhung khan heng bial pasarih, Haulawng bial, Sertlangpui bial, Tawipui bial, Rahsiveng bial, Theiriat bial, Pangzawl bial leh Thingsai bialte chuan bial Conference an hmang.
A. RAHSIVENG BIAL: Rahsiveng bial inkhawmpui hi Rahsiveng Local biak inah hman a ni a, District Superintendent Rev.C.Vanlalena chuan a hmanpui. Kohhhranpui rorel langsar zualte:
– Bialchhung rawngbawltute tan Seminar neih nise, zirho atan Kohhran dan bu Mannual/Constitution nise an tih bakah District Conference-a thlen turin thu pawimawh tak tak an rel bawk.
B.SERTLANGPUI BIAL : Sertlangpui bial inkhawmpui vawi 43-na hi Sertlangpui Local biak inah neih a ni a, District Superintendent Represent-in Rev.C.Hmingthanfala chuan a hmanpui, Feb.16 Pathianni chawhnuah hian Thianghlimna tih thupui hmangin Seminar an nei bawk a,bial kohhranpui chuan Pastor Quarters-ah Tanky siam turin bul tan nise an tih bakah bial inrelbawlna tur thu pawimawh tak tak an ngaihtuah a ni.
C. THEIRIAT BIAL : Theiriat bial inkhawmpui hi Zobawk Local-ah neih a ni a, District Superintendent Represent-in Rev.PC.Nghakliana chuan a hmanpui a, kohhranpui chuan Lungpuizawl-ah Home Missionary dah nise an tih bakah thu pawimawh tak tak an rel a ni.
D. PANGZAWL BIAL : Pangzawl bial inkhawmpui vawi 35-na pawh Rawpui Local-ah hman a ni a, District Superintendent Represent-in Rev. Lalbiakdika Chawhte chuan a hmanpui. Bial Kohhranpui rorel langsar zingah kumin 2020 chhung hian bial chhungah Rammut beihpui thlak leh ni se an ti a, Pastor Quarters hnuai siam bul tan nise an tih bakah District-a thlen turin thu pawimawh tak tak an rel a ni.
E. THINGSAI BIAL : Thingsai bial inkhawmpui vawi 30-na hi H. Bualpui Local-ah hman a ni a, Rev.R.Vanlalenga District Missions Director chuan a hmanpui, Feb.15 inrinni khan bial kohhranpui chuan rorelin Local tinah Account vawn dan Training neih nise an ti a, Pastor Qrtrs ah Gas connection single lak thar nise an tih bakah Bial ah in relief na dan neih thar te an rel a, Budget atan 70000 an pawm bawk. He inkhawmpui hi zaithiam Laldinpari chuan a hmanpui a, Feb.17 thawhtanni khan Pathian chawimawina ruai an theh bawk. He Conference-ah hian inkhawmpui palai 70 chuang riak lutin an kal a ni.
F. TAWIPUI BIAL : Tawipui bial Conference vawi 62-na hi Mualcheng S biak inah hman a ni a, District Secretary Rev.PC.Lalfakawma chuan a hmanpui a, Feb.15 inrinniah rorelna a ni a, Pastor Quarters chung thlak tura hmalak nise an tih bakah nakum bial inkhawmpuina hmun atan Thingfal an ruat a, District-a thlen tur thu pawimawh tak tak an rel bawk.
G. HAULAWNG BIAL : Haulawng bial inkhawmpui vawi 56-na pawh hi S.Phaileng biak inah neih a ni a, Thupui atan Thuthlung thar chhandamna tih chu hman a ni a, District Superintendent Represent-in Rev.B.Kamliana chuan a hmanpui. Bial kohhranpui chuan bial inrelbawlna tur thu pawimawh tak tak an ngaihtuah bakah District-a thlen turin thu pawimawh tak tak an rel.
——-
Bial Conference :
Lunglei District PYD Board-in bial PYD Conf.a hranga nei tur ten a rual tlangin Dt.21-23.feb.2020 chhungin hmang se a lo tih chu hriat theih chinah heng bial te hian Conference hi an hmang dawn a, Feb.22 inrinniah rorelna an nei ang.
– HEADQUARTERS BIAL : Electric biak inah bial PYD Inkhawmpui hi neih a ni dawn a, Speaker atan Chengpui Home Missionary Evan.Simona Hmar chu an hmang ang.
– LUANGMUAL BIAL : Lunglawn Zaia veng biak inah inkhawmpui hi an hmang ang a, Speaker atan bialtu Pastor Rev.Lalbiakdika Chawhte chu an hmang ang a, Thupui atan ‘Thlarauvah awm rawh u’ Galati 5:16 chu hman a ni ang.
– THEIRIAT BIAL : Zobawk vengthar biak inah Theiriat bial Conference hi hman a ni dawn a, Speaker atan Thingsai bialtu Pastor H.Lallawmsanga chu hman a ni ang a, thupui atan ‘Krista tana sengkhawm’ tih chu hman a ni ang. Lunglei District PYD Choir-te chuan zaiin rawngbawlna an nei bawk ang.
– RAHSIVENG BIAL : Venghlun biak inah an bial PYD inkhawmpui hi an nei dawn a, Speaker hran nei loin bial hruaitute bakah District PYD hruaituten thu an in sawi chhawk thin ang.
– PUKPUI BIAL : Venglai Local biak inah Pukpui bial inkhawmpui hi neih a ni dawn a, Speaker atan Rev.R.Lalrosanga, former District Superintendent chu hman a ni ang.
——–
General Conference inbuatsaihna :
April 16-19 chhung hian United Pentecostal Church of North East India General Conference chu Lunglei District, Farm veng biak inah neih a ni dawn a, a dawltu tur Farm veng Local pawh an inbuatsaih chho mek.
Farm veng Local-te hian Organizing Committee in dinin Chairman ah Rbt.T.Rosiama, V.Chairman-ah Evan.F.Lalhmangaiha, Secretary-ah Rbt.K.Lalngaihsaka, Treasurer-ah Rbt.H.Lalpianfela te an ni a, Sub.Committee pakua an din bawk. Organising Committee-te hian Budget atanRs.1000000 (nuai sawm) an ruahman a, tunah hian Conference neihna tur Pandal sak hna an thawk mek a ni.
—————-
Chhimtuipui District :
District PYD Conference :
Feb ni 14-16 chhung khan Archhuang local, Bualpui NG bialah Chhimtuipui Dist PYD Conference Vawi 43 na chu hlawhtling taka hman a ni.
He conference ah hian Lalpa duhzawng Ephesi 5:17 chu thupui atan hman niin, Evan F Lalngaihawma President North Mizoram Dist chuan thlenkim zan ah Lalpa duh zawng – Mimal nunah tih thu hmangin Pathian thuchah a sawi a, Inrinni zanah Rev R Laltlankima President Aizawl East Dist chuan Lalpa duh zawng – Khawtlangah tih thu hmangin thuchah sawi ve lehin, Pathianni zingah Chhimtuipui District Superintendent Rev WL Thanghre Superintendent chuan Lalpa duh zawng – Rawngbawlnaah tih thu hmangin Pathianthu sawina nei velehin, Pathianni zanah Evan V Lalduhawma President Lunglei Dist PYD chuan Lalpa duh zawng – Chhungkua ah tih thupuia hmangin thuchah a sawi bawk.
He hun ah hian sawm bik Lunglei Dist PYD Choir te leh Sis. VL Hmangaihtharzeli Aizawl East dist, Lalhlupuii North Mizoram Dist dist, C Hmingthanmawi Lunglei Dist, PC Lallawmsangi Lunglei dist ten zai rawngbawlna an nei a. Dist chhunga zai mi tha tak tak, Local leh bial PYD choir bakah Chhimtuipui Dist PYD Choir ten zaia rawngbawlna nung takin an nei thin bawk. Conference ah hian palai inziak lut mi 700 chuang an ni.
Conference thlengtu Archhuang local ah hian chhungkua 42 awmin, an inbuatsaihna a ropui hle a. Inkhawmpui chhung zawng hian Vawk pum 14 leh Bawng 2 an talh a ni.
He conference ah hian No tobacco to PYD signature campain neih niin, member 120 ten zuk leh hmuam bansana do turin an inbuatsaih a ni. He conference a item pakhat Nun tak hun hmangtute kaltlangin malsawmna an dawng hle.
Rorel pawimawh zualte:-
1. Dist PYD hian Missionary rawih chhunzawm zel nise; He mi pual hian Dt 16.02 (Pathianni) khan sum zawn nghal niin Rs 289200/- lai intiamna hmuh a ni.
2. Dist PYD hmalakna in Evangelism tour kalpui chhun zawm nise.
3. No Tobacco to PYD kalpui chhun zawm zel nise. No tobacco society Siaha Dist tenen an thawk dun mek ani.
4. Short term music zirna hawn nise.
5. Media cell din nise
6. Conference hi kum khat danah neih nitawhse. 2022 aṭanga hman ṭan tur ani ang.
7. Dist PYD Inkaihhruaina Dan bu chu amend nise.
8. 44th Dist PYD Conference chu Tuipang L local ah ahun ngai ah hman leh tur ani ang.
————–
Feb ni 27 atanga March ni 1 chhung hian Dist LAD Conference Vawi 43 na chu Sangau I localah neih a ni dawn a, conference ah hian Evan Robert B Lalnunsiama T home missionary chu speaker ah hman a ni ang.
———-
Member thar :
1. Feb ni 9, Pathianni khan Niawhtlang local ah mithar 2 Kohhranah sengluh an ni a, sectional Pastor.V.Lalhlimpuia’n Lalpa Isua hmingin Kohhranah a senglut a ni.
2.Feb ni 16, Pathiannia khan Dist Hqrs locah mi thar 2 Kohhranah sengluh an ni bawk.
———–
Sub Committee hruaitu ruat thar :
Dist PYD Board vawi-74 na chuan hetiang hian sub-committe hruaitu tur aruat thar:-
Dist PCD
President : Rbt S Vanlalvena
Secretary :LS Vanlalchhuanga
Treasurer : C Hmingchullovi
KUM PUAN
Chairman : Rbt RL Hmingthanzuala
Secretary : Vanzaipawla
Treasurer : C Lalchansangi
EDUCATION BOARD
Chairman : Rbt LS Lalhmingmuana
Secretary : C Lalchhanhima
Treasurer : Rbt Jona Lalrintluanga
Revised & Enlarge Editing Board
Chairman : Evan Robert B Lalnunsiama T
Secretary : T Upa H Lalduhsanga
Member : T Upa N Lalchhuanmawia, T Upa L Khai -U
Heng hruaitu ruatthar te hian March 4, Nilaini hian Dist Committe room ah charge an la ang.
———-
Lawngtlai West District :
Bial Conference :
Hmawngbu Kohhranah Feb ni 14-16 chhung khan Bungtlang Bial Conference neih a ni a, palai riaklut in report mi 111 awmin hlim takin inkhawmpui an hmang.
Bial Conference ah hian Speaker atan District Secretary Pastor Lalsawmliana Sailo an ruai a, mi 12 in speaker hi tawiawmin an rawngbawlna Lalpan mal a sawm hle. Inkhawmpui chhungin District Secretary Pastor Lalsawmliana Sailo chuan member 5 Kohhranah a senglut. Vawk sumruk talhin inrinni tlaiah ruai hlim takin an kil ho a ni.
Kum 2021 khawmpui chu Tuidangchhuah Local ten an thleng dawn a, Bial hruaitu thar mi ṭha tak tak ruat nghal an ni bawk.
Bungtlang Bial ah hian member 526 awm in, khaw 8 ah Kohhran a ding mek a ni.
—–
Crusade :
Feb ni 21-23 chhung hian Vathuampui bial mission department hmalaknain Saibawh khuaah crusade buatsaih a ni dawn a, Speaker ah pastor B Lalbiakchhunga Vathuampui Bialtu chu hman a ni ang.
———-
District hruaitute Pathianni programme :
District Superintendent Rev.R Ramthatzawla chuan Vathuampui Bialah rawngbawlna a nei ang.
District Secretary Pastor Lalsawmliana Sailo chuan Chandmary Kohhran ah rawngbawlna a nei ang.
District Mision Director Rev F Lalbiakthuama chuan Ngengpui kai leh a chheh vel ah kalin rawngbawlna a nei.
—————-
Aizawl East District :
District Conference inbuatsaihna :
Aizawl East District Conference vawi 26-na chu March 5 atanga 8 chhung hian Zemabawk Bial ten Zemabawk Vengpui Biakin-ah an thleng dawn a, he Conference tur atan hian inbuatsaihna chak taka kalpui mek zel a ni.
Kuminah hian District PYD in a hrana Conference an neih loh kum a nih avangin District Conference-ah an bet tel dawn a, March 6, Zirtawpni-ah District Sunday School nen a hranin rorel inkhawm an nei ang. Ruahmanna ang chuan District PYD hian Zemabawk Vengpui Biakin-ah rorelna an nei anga, District Sunday School hian Zemabawk Vengpui S.S Hall-ah rorelna an nei thung ang.
———
District LAD :
February 18, Thawhlehni khan District Superintendent Quarters-ah District LAD te chuan Executive Committee Sis F.Lalawmpuii B/W, President, District LAD kaihhruaiin an nei. He hunah hian thu pawimawh tak tak ngaihtuah niin an rorel langsar zualte:
1. April 3 atanga 5 chhunga Rabung Bial LAD ten Golden Jubilee an lawmna tura sawmna an dawn chu hmanpui ngei tha tih a ni.
2. Khawlian bial, Chiahpui Local LAD ten Financial Campaign neihpui tura an sawmna chu lawmawm tiin Sis Lalramliani Sailo, Treasurer chu kal se tih a ni.
3. Kum 2020 atang chuan Pentecostal Lady man Local tinin Bial LAD Treasurer-ah thehlutin Bial LAD in District-ah thehlut se tih a ni.
4. Kum 2020 Bial LAD Conference hetiang hian hmanpui ni se tih a ni.
N.Vanlaiphai bial-ah Sis F Lalawmpuii B/W, President leh Sis R Lalramsiami B/W, Asst Secretary
Sakawrdai Bial-ah Sis Zionparmawii B/W, V.President leh Sis Lalramliani Sailo, Treasurer
Bazar bial-ah Sis Rodingliani Sailo B/W, Secretary leh Sis H Lallianzaui, Fin. Secretary te kal se tih a ni.
———-
Bial inkhawmpui :
February 14 atanga 16 chhung khan N.Vanlaiphai bial te chuan Bial Inkhawmpui vawi 69-na leh Khawlailung Dinthar Biakin thar hawnna Khawlailung Dinthar Kohhranah an hmang. February 14, Zirtawpni chawhnu dar 1 khan rorel inkhawm Bialtu Pastor H Lalropuia kaihhruaiin an nei a, Zirtawp zan atang khan Revival inkhawmin hun an hmang nghal a ni. Bial Inkhawmpui-ah hian thupui hranpa nei lovin mi hrang hrangte hnen atangin thusawi ngaihthlak thin a ni.
Khawlailung Dinthar Biakin thar hawnna hi February 15, Inrinni khan neih a ni a, Biakin pawnah hun hman hmasak niin Rev Biaksangzuala, District Secretary chuan hawnna a nei a ni. Biakin chhungah a lawmna hun hman chhunzawm niin Pastor H Lalropuia, Bialtu Pastor chuan inkhawm a kaihruai a,T.Upa Thanghleia, Church Board Secretary hnen atangin report ngaihthlak a ni a, Khawlailung Dinthar LAD zaipawl bakah Evan H Lalrinawma hnen atangin fak hla ngaihthlak a ni. Biakin thar hawnna inkhawmah hian Rev Biaksangzuala, District Secretary hian thuchah sawina a nei nghal a, tlaiah Biakin thar lawman ruai kohhran hoten an kilho a ni.
Khawlailung Dinthar Kohhran hi Khawlailung Venghlun Kohhran atangin 1987 khan a indang a, Bro Pualhranga In-ah bul tanin inkhawm hran a ni a, member 170 vel an ni. Biakin hmasa ber hi Kum 1989 khan hawn niin tun ami hi a pahnihna a ni a, Biakin hlui hi Kum 2010, July thla khan thiatin a hmute laihzawh a nih hnuah Kum 2011 April thla khan a sak bul an tan a ni a, tunah hawn alo ni ta a ni. Biakin sak nan hian hnatlang tha 1620 sen a nih bakah a sakna atan hian cheng nuai sawmpahnih chuang an seng a ni. Biakin hi a dung ft 45 leh a vang ft 24-a liana sak a ni. Khawlailung Dinthar Kohhran atang hian Kum 1993 khan Bunghmun Kohhran an indang ve tawh bawk a ni.
———-
Work Camp :
Zemabawk Bial Missions Department te chuan ruahmanna an siam angin Assam Missions Field hnuaia Paslogi Biakin sak hna thawkin Work Camp hlawhtling takin an nei.
He Work Camp-ah hian member 20 chuang kalin February 10, Thawhtanni khan Work Camp neihna tur hmun hi an pa a, February 18, Thawhlehni khan Work Camp an neihna hmun hi an chhuahsan leh a ni. February 16, Pathianni khan Field Inkhawmpui an hmanpui nghal a ni.
———
Member thar :
February 16, Pathianni khan Khawhai Kohhrana lawi turin member pakhat Kohhran-ah sengluh a ni. Khawlailung Dinthar-ah pawh mi 4 in Bialtu Pastor H.Lalropuia kutah sual ngaihdamna baptisma an chang bawk a ni.
———–
Lawmthusawi chawimawina :
Champhai Bial, N.Khawbung Kohhrana lawi Upa Rorel-a te chhungkua chuan February 15, Inrinni khan Pathian chawimawina an nei a, Kohhran ten hlim takin hun an hmang. He hunah hian Speaker-ah Evan V Kamneihthanga an hmang a ni.
T.Upa Lalthlengliana te chhungkua, Champhai Kahrawt Kohhrana lawi te pawhin February 22, Inrinni hian Thuthlung lawmna Chawimawina an nei a, Kohhran ten hlim takin hun an hmang. He hunah hian Speaker-ah Evan HK Lalhmangaiha, Evan Malsawmthanga leh Evan V Kamneihthanga te Speaker-ah an hmang a ni.
———–
Hruaitute Programme:
Rev Rosanga Kawlni, District Superintendent chuan Pathianni hian a bial hmui mek, Mualpui bial chhungah Missionary support zawngin rawngbawlna a nei ang.
Rev Biaksangzuala, District Secretary chuan Pathianni chawhma hian District Hqrs. Kohhranah rawngbawlna a nei ang.
Rev Vanlalfela Ramtiam, District Treasurer chuan February 21, Zirtawpni khan Saitual Pastor Qrts. sak belh dan turin enin leh Hnahlan Darnam Biakin hmun en felin Aizawl a chhuahsan a, Pathianni hian Hnahlan Bial chhung Kohhranah rawngbawlna a nei ang. Pathianni chawhm-ah Hnahlan Darnam Kohhranah rawngbawlna neiin Chawhnu-ah Saron Veng Kohhranah leh zanah Hnahlan hqrs. Kohhranah rawngbawlna a nei ang.
Facebook