UPCNEINEWSSERVICE Feb 14-21.2021:
————–
Charge in hlan :
Feb ni 17, Nilaini khan UPC North East India Kohhran hruai tura ruat thar ten General Hqrs Committee Room ah charge an in hlan a, General Kohhranpui leh Department hrang hrang hruaitu ten hetiangin mawhphurhna an la thar.
General Superintendent kalchhuak tur Rev. Lalmalsawma Sailo chuan General Suptd atana ruat thar Rev. R. Lalrinsanga hnenah charge a hlan a, General Secretary kalchhuak tur Rev. R. Lalrinsanga’n ruat thar Rev. Zohmingthanzama hnenah hlanin Rev. Zohmingthanzama’n General Treasurer atana ruat thar Rev. Lalmalsawma Sailo hnenah charge a hlan bawk.
General Missions Department Treasurer kalchhuak tur Pastor PC Lalrokima’n Evan. R. Lalbiakfela hnenah charge a hlan a, Compassion Center Project Director kalchhuak tur Rev. Jh Zahluna’n General Suptd Rev. R. Lalrinsanga hnenah charge a hlan bawk. Department dang erawh ruat thar an awm rih lo a ni.
Department hrang hrang hruaitute mawhphurhna an la thar te :
General Missions Department :
Director : Rev. R. Lalhawia
Secretary : Rev. V.L Tluanga Sinate
Treasurer : Evan. R. Lalbiakfela
General Sunday School Department :
Director : Rev. R. Laichhingpuia
Secretary : Rev. R. Vanlalawia
Treasurer : Evan. F. Lalsangliana
GENERAL PYD :
President : Rev. H. Lalropuia
Secretary : Evan. JH Malsawmdawngliana
Treasurer : Rev. C. Lalmalsawma
GENERAL LAD :
President : Sis. Lalchangliani Sailo B/W
Secretary : Sis. Lalramthangi B/W
Treasurer : Sis. F. Rohlupuii B/W
————–
Kohhran din ni :
Vawiin February 18, Ningani hi UPC North East India Kohhran din ni a ni a, India hmarchhaka Pentecost Kohhran te tana ni pawimawh a nih avangin UPC General headquarters office, District office, kohhran zirna in, Book store, Bible Collge leh kohhran hmun pawimawh dangte khar vek a ni.
He ni hi Tualchhung kohhran ten mahni remchan dan angin an hmang mai thin a, kum dangah chuan awmni khamin ran talha ruai nena hlim taka hman thin a ni a, kumin hian kum dang anga hman theih ni lo mahse zing tawngtai leh he ni puala tawngtai inkhawma hun hmang an awm nual. General Superintendent Rev. R. Lalrinsanga chuan tlang hrang hranga Kohhran hote, Kohhran din ni chibai bukin Chanchin Tha avanga hrehawm tuar tute hre reng chunga anmahni zahna leh ngaih hlutna nen chhel taka Krista hnung zui turin a fuih.
India hmarchhaka Pentecost Kohhran rawn din tu Rev. Ellis Luther Scism-hian Pathian hnen atangin, India rama Missionary tura kohna dawng in kum 1948 khan India ram a rawn lut a, Adoor, Kerela-ah Bible School- dinin bul a tan a. Mizorama mi hlim hote nena rawngbawlmek R.A Dover-i-te nen inbe chhovin Dt.18.2.1950 (Inrinni)- khan Aizawl thlengin, veng hrang hranga thlarau thianghlim hnathawh avanga tihduhdah leh nekchepna tuar te awm khawm nan UPC kohhran hi din a ni ta a ni.
He kohhrana Baptisma chang hmasa ber leh Pastor atana lak hmasa ber chu Pu Zakamlova a ni.
Kohhran din tirha member record hmasa ber kum 1950 ah member 3,000 an ni a, Kum 2020 General Conference Report bua a lan danin N.E India UPC huamchhungah hian District 13 ah Kohhran member 1,10,165 an awm mek a. Tualchhung Kohhran 879 leh Preaching Point 151 a awm mek bawk.
————–
District hrang hrang report :
Lunglei District :
February ni 16 thawhlehni chawhma dar 11:30 khan UPC-NEI Lunglei District Office-ah Pentecostal Network Lunglei District Channel thar Zonet JB Cable Tv-a tih chhuah tur 24 hours video Programme chu hawnna neih a ni.
Channel thar hawnna hi Pentecostal Network Chairman Rev.PC.Lalfakawman a kaihruai a, Pentecostal Network lo din chhoh dan leh a hmalakna hrang hrangte Report-na a nei nghal bawk. Channel thar hi District Superintendent Rev.C.Vanlalena chuan a hawng a, Rev.C.Lalrintluanga District Treasurer chuan Channel thar hi Pathian hnenah hlanin a tawngtai a ni.
Pennet Lunglei hian kum 2017 khan LDF Cable Tv-ah 24 hours video Programme hi a pe chhuak tan a, LDF channel 25-na ah en theihin a awm a ni. Tuna hawn tak Zonet JB Cable Network-a 24 hours Video Programme hi Channel 22-na ah en theih a ni ang.
———-
2. MI THAR :
February ni 14 Pathianni khan Thualthu Local-ah Tawipui bialtu Pastor Rev.H.Rothuama chuan rawngbawlna neiin member panga Baptisma a chantir a, mi thar pahnih kohhranah a lawmlut bawk.
February ni 14 Pathianni vek khan Tawipui bial Mualthuam S Local-ah Baptisma khur hawn a ni a, hetah hian mi thar pahnih Evan.H.Lalthanmawian Baptisma a chantir a, kohhranah a lawmlut nghal bawk.
———
3. BIAL PARUKIN CONFERENCE AN HMANG MEK :
Feb.19-21 chhung hian heng bial paruk Tawipui, Haulawng, Rahsiveng, Pangzawl, Theiriat leh Hnahthial bialten bial Conference an hmang.
Tawipui bial Conference hi vawi 63-na a ni a, Thingfal Local-ah hman mek niin, District Superintendent Rev.C.Vanlalena chuan a hmanpui a ni.
Haulawng bial Conference vawi 57-na hi District Superintendent Represent-in District Treasurer Rev.C.Lalrintluanga chuan a hmanpui a, Haulawng lamthuamthum Local-ah bial Conference hi an hmang mek a ni.
Zion Local Venghlun biak inah Rahsiveng bial inkhawmpui vawi 36-na hi hman mek a ni a, District Superintendent Represent-in Headquarters bialtu Pastor Rev.C.Hmingthanfala chuan a hmanpui.
Pangzawl bial Conference vawi 36-na pawh Bungtlang biak inah hman mek a ni a, District Superintendent Represent-in District Secretary Rev.PC.Lalfakawma chuan a hmanpui.
Theiriat Local biak in a neih mek Theiriat bial Conference vawi 31-na hi District Superintendent Represent-in Pukpui bialtu Pastor Rev.PC.Nghakliana chuan a hmanpui a ni.
District Missions Director Rev.R.Vanlalenga chuan Hnahthial bial inkhawmpui vawi 51-na Thiltlang biak ina hman mek chu a hmanpui bawk.
Heng bial parukten bial Conference an hman zawh hnu hian Lunglei District chhunga bial 20-te chuan bial Conference an hmang zo dawn ta a, bial hrang hrangte hian mahni bial chhung inenkawlna leh thu pawimawh tak tak an ngaihtuah a, District-a thlen tur thu pawimawh tak tak ngaihtuah an awm bawk.
——-
4.C.E.C. SCHOOL BOARD:
February ni 10 nilaini khan C.E.C.School Board chu Dist.Superintendent Office-ah an thukhawm a, an rorel langsar zualte:
– Session thar 2021-2022 School Fees hetiang hian ruahman a ni.
i.Admission Fees :
a. Old Comer – Rs.2000
b. New Comer – Rs.2500
ii. School Monthly Fees :
a. KG-I & KG-II – Rs.600
b. Cl-I to Cl VIII – Rs.700
c. Cl-IX to XI – Rs.900
iii. Hostel Monthly Fees :
a. Cl-V & Below – Rs.4500
b. Cl-VI to Cl IX – Rs.5000
c. Cl X & XII – Rs.5500
He board hian zirtirtute hlawh a ennawn bakah Budget atan Rs.7637500 a pawm a, CEC Board leh Staff Join Meeting neih nise an ti bawk.
——–
5.LUNGLAWN LOCAL HAWN A NI DAWN:
February ni 20 inrinni hian Lunglawn Zaia veng Local atanga indang thar Lunglawn Local chu Luangmual bialtu Pastor Rev.Lalbiakdika Chawhte chuan a hawng ang.
Local thar hawn inkhawm hi Bro.H.Lalnunmawia in, Lunglawn Tlangnuam vengah neih a ni dawn a, he hun hi Upa C.Fakzuala, Chairman Lunglawn Zaia veng Local chuan a kaihruai ang.
Local indang thar turah hian Member 80-100 vel an lawi dawn a, heng mite hi Lunglawn Local-a kohhranpui hruaitu turte an ni.
Chairman : Evan.B.Lalmalsawma
Secretary : Bro.LP.Biakdingliana
Treasurer:Bro.H.Lalnunmawia
———-
6.BIAL PARUKIN CONFERENCE HLAWHTLING TAKIN AN HMANG :
Feb.12-14 chhung khan heng bial paruk Pukpui, Chhipphir, Zawlpui, Headquarters, Thingsai leh Sertlangpui bialte chuan bial Conference an hmang.
Pukpui bialte hian Conference vawi 36-na hi Kikawn biak inah an hmang a, District Superintendent Represent-in Rev.C.Lalhriatpuia Rahsiveng bialtu Pastor-in a hmanpui. An rorel langsar zingah Rawngbawltu Seminar Cum Retreat neihte, bial inkaihhruaina dan bu siamte a tel a, nakum 2022 bial inkhawmpuina hmun atan Bazar Local an ruat bawk.
Chhipphir bial Conference vawi 36-na hi Mualthuam Electric Local ah neih a ni a, District Superintendent Rev.C.Vanlalena chuan a telpui. He Conference hian nakum bial Conference-ah Speaker atan District Superintendent Represent hman nise a tih bakah Conference-na hmun atan Sekhum Local a ruat a, Conference palai fee a tihsan nise an ti bawk.
Zawlpui bial Conference vawi 7-na hi District Missions Director Rev.R.Vanlalenga chuan a hmanpui a, Inkhawmpui hi Zawlpui Local-ah neih a ni. An rorel langsar zual zingah Financial Campaign neihte, bial huapin Camping/Crusade neihte, rawngbawltu leh Department OB Seminar-te, Pastor quarters fencing project kalpui chhunzawm zelte bakah Pastor Quarters varanda railing appeal hmanga tuakte an rel a, Appeal hi neih nghal niin Rs.20800 hmuh a ni. Nakum 2022 Conference chu Zawlpui Local-ah nghah a ni.
Headquarters bial Conference vawi 41-na hi Ramthar AOC Local-ah neih a ni a, District Treasurer Rev.C.Lalrintluanga chuan a hmanpui ang. An thurel langsar zingah Chhiatni thatni chungchangah kohhran inkaihhruaina hi inzirtir tam nise an ti a, bial chhung kohhranah mi pakhatin term hnih bak nihna ngai chelh lo se an ti bawk. Tin, kohhran aiawha din ahte electronic gadgets/device hmang uar lo tura inzirtir nise an ti a, hetiang hian ruahmanna an siam. – Hunserh, thusawiah te Bible ngei chhiara hman nise, kohhran aiawh emaw Department aiawh emaw thupuanahte lehkhapuan a ziah emaw hman nise. Bial inkhawmpui dawltu tur kum 2026 thleng ruahmanna an siam bawk.
Thingsai Local-a neih Thingsai bial inkhawmpui vawi 31-na hi Pukpui bialtu Pastor Rev.PC.Nghakliana chuan District Superintendent Represent-in a hmanpui a, an rorel zingah buhfaitham tha lawmman tihsante, Aithura rawngbawlna neih bakah bial thianghlimna Committee hruaitute an ruat a, nakum 2022 bial inkhawmpuina hmun atan Thingsai Local an ruat bawk.
Sertlangpui bialte hian an bial inkhawmpui vawi 44-na hi Sertlangpui Local-ah an nei a, District Secretary Rev.PC.Lalfakawma chuan a hmanpui. Sertlangpui bialte hian bial hruaitute hi an post ngaiah Term 2 (kum 4) bak chelh nawn theih loh nise an ti a, bial Conference-ah hian Sacrament inkhawm buatsaih thin nise an tih bakah rawngbawltu Retreat neih nise an ti bawk. Sertlangpui bial inkhawmpui hi nakum 2022-ah Thuampui Local-ah nghah a ni a, 2023-ah S.Lungdai Local-ah nghah a ni bawk.
————-
Aizawl East District
Bial Inkhawmpui hlim takin hmang:
Aizawl East District chhunga Bial hrang hrangte chuan February 12 atanga 14 chhung khan Bial Inkhawmpui hlim takin an hmang. Bial Inkhawmpui hi revival inkhawma hman tura ruahman ni mahse, hri leng avangin bial engemaw zat chuan rorel inkhawmin hun an hmang a ni. February 13, Inrinni khan bial tam zawk chuan inkhawmpui rorel an nei a, hetah hian Bial chhung inawpna leh District-a lut turte an ngaihtuah hlawm a ni. Bial thenkhatah chuan February 14, Pathianni nileng khan inkhawmna hun an hmang bawk a, Sacrament buatsaih bialte pawh an awm bawk a ni.
Khawhai bial te chuan an Bial inkhawmpui vawi 50-na, Golden Jubilee Khawhai hmunah hlim takin an hmang a, Rev Vanlalfela Ramtiam, District Secretary chuan inkhawmpui hawnna a nei a ni. Jubilee lawmna hi February 13, Inrinni khan hmangin Upa K Lalremchhunga, Bial Treasurer kaihhruaiin Biakin tualah Jubilee dar vuakna an nei a, Jubilee lawmna Biakin chhungah neih chhunzawm niin Bialtu Pastor E.Vanlalpeka Zote chuan inkhawm a kaihruai a ni. He hunah hian Souvenir tlangzarhna neih a nih bakah Rev Vanlalfela Ramtiam, District Secretary hian Pathian thuchah sawina a nei a ni.
Tarlan tawh angin Bial Inkhawmpui hi District hruaitute chuan hetiang hian hmun hrang hrangah an hmanpui a ni.
Rev Biaksangzuala, District Superintendent chuan Hnahlan bial a hmanpui a,
Rev Vanlalfela Ramtiam, District Secretary- Khawhai bial
Rev VL Hnemtluanga, District Treasurer- Serchhip bial
————–
Rev R.Lianzama, District Missions Director chuan E.Lungdar bial a hmanpui bawk a ni.
Tunah hian Aizawl East District chhungah hian Pastor Bial 31 awm mekin Kohhran member singhnin sangnga chuang an awm mek a ni.
District PYD Conference:
Aizawl East District PYD hnuaia inkhawmpui lian ber, District Conference vawi 27-na, rorel inkhawm chu tluang takin February 19, Zirtawpni khan neih a ni. Bazar Bial ten District Hqrs. Biakin-ah lo thlengin Rev C.Lalmalsawma, District PYD President chuan a kaihruai a, hunserh leh member boral sunna Rev Biaksangzuala, District Superintendent chuan a nei a ni. Thusawi tawi Rev H.Lalropuia, General PYD President chuan nei bawkin Secretary report leh Financial Report ngaihthlak a ni bawk. He hunah hian District PYD atang leh Sub-Committee atangin lawmman sem tur chi hrang hrang hrang semna hun hman a ni. District PYD Conference rorel inkhawmah hian bial atang leh Official atangin agenda lut engemaw zat awmin he thu buatsaih lai hian an thu pass kan hre hman lova, karlehah tihchhuah tum a ni.
District PYD Conference hi ruahmanna ang chuan February 19 atanga 21 chhung hian Sakawrdai bial-ah revival inkhawma hman tur a ni a, hrileng avanga hman theih a nih tak loh avangin District Hqrs. Biakin-ah hian rorel inkhawmin hun hman a ni ta zawk a ni. Rorel palai pawh tih tlem niin Bial aiawh mi 3 bakah Bialtu Pastor te leh District PYD hnuaia Sub-Committee OB te District Board December 2020-a neih chuan alo ruat tawh a ni.
Zirlai titha chawimawi:
February 12, Zirtawp zan khan Aizawl East District PYD hnuaia Education Sub-Committee te buatsaihin District Hqrs. Biakinah District chhunga zirlai tithate chawimawina hun hman a ni. Bro R.Vanlalpeka, Chairman chuan kaihruaiin Sis Lalbiakdiki, member in tanna hun a hmang a ni. Bro Johny Lalthafamkima, Secretary chuan inhmelhriattirna neiin zirlai tithate chawimawina hun hman nghal a ni. Chawimawina hi Bro K.Lalbiaknunga, District PYD Treasurer chuan hlanna a nei a ni. Aizawl East District PYD Education Sub-Committee ten zirlai ti tha chawimawina hun an hmanah hian Bro Lalremtluanga, member hnen atangin fuihna thu ngaihthlak niin Bro Vanlalrinchhana’n lawmthu sawina a nei a, Evan H.lalhlimpuia’n tawngtaiin hun a titawp a ni.
He hunah hian mi 10 te hnenah chawimawina hlan niin heng chawimawina hlante hi HSLC atanga Master Degree a Top-10 a lang chinte bakah BSc Nusring leh Ph.d te an ni.
Zirlai chawimawi takte lo tarlang:
1. Bro Vanlalruata Fanai S/o Upa Vanlalrawna, Thingsulthliah
HSLC 6th Position
2. Bro Lalrinawma Fanai S/o Upa Vanlalrawna, Thingsulthliah
HSSLC 6th Position
3. Bro K Lalbiakthansanga S/o Upa K Lalremchhunga, Khawhai
B.Th- Grade A, 2nd rank
4. Sis Pc.Lalhriatpuii D/o Pc Lalthazuala, Hliappui
BCA 7th Position
5. Sis Vanlalvenpuii D/o Bro Lalchhuana, Serchhip Dinthar
MSc (Zoology) 5th position
6. Sis Lalhmingchawii D/o Upa Ramhlunsiama, Hliappui
MS (Public Administration) 5th Position
7. Sis Elizabeth Lalramtanmawii D/o C Vanlalrema, Bethlehem
MA (Mizo) 3rd Position
8. Sis Monica Biakchungnungi D/o K Lalremruata, Zuangtui
BSc Nursing
9. Sis Lalhmingchhuangi D/o Lalthakima, Zuangtui
BSc Bursing
10. Bro Dr. R Vanlalpeka S/o Evan R.Vanchhunga, Chhinga Veng
Ph.D
OTS Graduation Day:
February 21, Pathianni chawhnu hian Aizawl East District hnuaia Short Term Course Pathian thu zirna Oneness Theological Seminary chuan I.T.I Biakin-ah Kum 2020 Session atan Graduation Day an hmang dawn. He hun hi Rev Biaksangzuala, Chairman Theological Education Board chuan a kaihruai ang.
OTS Zirlai te hian hrileng avangin Kum 2020 khan Class kal mumal thei lo mahsela Theological Education board ruahmanna angin February 16 atanga 19 chhung khan exam tluang takin an nei a ni.
Leadership & Account Training:
Bethlehem bial PYD buatsaihin February 15, Thawhtan zan khan Bethlehem NPSS Hall-ah Bial PYD Board member bakah Sub-Committee OB te pualin Leadership & Account Training hlawhtling taka neih a ni. He hun hi Evan H Lalhlimpuia, Bial PYD President chuan kaihruaiin Bro Ngurthanga Zote Resource person-ah an hman a ni a, zirlai titha chawimawina an nei nghal bawk a ni.
ASC Home-ah tanpuina hlan:
February 16, Thawhlehni khan Khawlian Bial PYD te chuan an rorel bawhzuiin ASC Home, Kolasib-ah tanpuina an hlan. He hunah hian Bialtu Pastor Robert Lalrinsanga bakah Bial PYD Hruaituten kalin tanpuina hi an hlan a, ASC Home enkawl tuten an lo dawngsawng a ni. Khawlian Bial PYD te hian sum fai singhnih bakah ei tur chi hrang hrang an hlan a, Sis Lalramthari, Phuaibuang in tel case khat hlanin Bialtu Pastor te chhungkua in cheng sangruk an hlan bawk a ni. Khawlian Bial PYD te chungah ASC Home enkawl tuten lawmthu an sawi a ni.
Mithar leh baptisma chang thar:
February 14, Pathianni khan Bazar bial, Armed Veng Kohhranah mi 2 in sual ngaihdamna baptisma changin an zinga pakhat hi mithar a ni. Ramthar Kohhranah pawh mi 2 bawkin sual ngaihdamna baptisma changin an zinga pakhat hi mithar a ni.
Khawzawl Bial, Hmuncheng Kohhranah February 15, Thawhtan khan Kohhran dang atangin mi 2 in sual ngaihdamna baptisma an chang bawk.
————-
Lawngtlai West District :
LAWNGTLAI WEST DISTRICT NEWS
District hruaitute Programme :
Rev.R.Ramthatzawla District Superintendent : Dt. 16.02.2021 atang khan vathuampui bial kohhran ho tlawhin a zin chhuak.
An zinna tur khua te :
1.Vathuampui.
2.Chamdurtlang.
3.Mautlang.
4.Chamdur ‘P’.
5.Chikhurlui.
6.Vaseikai.
7.Damdep.
8.Chhotoguisury.2
9.M kawnpui te a ni.
Supdt.zin chhuak hian vathuampui bial local zawng² tlawh kim vek a tum a ni.
Rev.Lalsawmliana Sailo, Dist.Secretary&Treasurer South Bial chhung Mampui kohhranah Nauhlanna leh Baptisma rawngbawna a nei ang.
Rev. F.Lalbiakthuama, Dist.Missions Director.
Dt.18 -21 Febuary 2021 hian Darnamtlangah Rammut a nei ang,Evan R.VL Hriata leh Bro.George Lalawmpuia Bro.Lianchungnunga ten an tawiawm.
————
North Mizoram District :
Hruaitute Programme
Dist. Missions Director: North Mizoram District Missions Director Rev. C. Lalthantluanga chuan Feb ni 18 Ningani khan District Missions Dept. in ruahmanna a siam angin; Marpara Missions Field tlawhin Biak in hmun thar tur leiin a zin.
Literature & Publication Committee: Feb ni 17 Nilaini chawhma dar 11 khan North Mizoram District Literature & Publication Committee te chuan Board meeting neiin; Kumin chhunga lehkha bu Published tur awm te thlirna an neih bakah tul leh pawimawh hrang hrang te an ngaihtuah ho.
District PYD ten Diamond Jubilee hmang dawn: North Mizoram District PYD te chuan Rising Day March .. atangin hman tumin ruahmanna an siam.
Missions Campaign thawhhnihna neiin fehchhuak: North Mizoram District Missions Dept. chuan Campaign thawhhnihna Feb ni 20 leh 21 hmang khan nei lehin; Campaign thawhkhatna neih tuma fehchhuak bak Thingtlang leh Khawpui veng hrang hrang te an tuam leh ang.
Bial Conference hman, Bial hrang hrang Report tawi: North Mizoram District Pastor Bial 30 te chuan Feb ni 13-14 Inrinni leh Pathianni hmang khan Bial Conference an neiin; Bial Conference hi District Hruaitu te pawhin a hnuaia tarlan ang hian hun an hmanpui:-
1) District Supdt. Rev. Laltluanga’n Bukpui Bial
2) Dist. Secretary Rev. Chhiarpuia’n West Phaileng Bial
3) Dist. Treasurer Rev. K. Lalduhsanga’n Phainuam Bial hmanpuiin
4) Dist Missions Director Rev. C. Lalthantluanga’n Damparengpui Bial a hmanpui thung a ni.
Bial hrang hrang confe. Hmang te hian kumin chhunga rawngbawlna kawnga an hmalak dan tur bakah Bial, kohhran, District leh General thlenga hmasawnna tur thil te an ngaihtuah a, Bial thenkhatte’n Conference rorel chauh neia hmang an awm laiin; Bial tam zawk te chuan Inrinni leh Pathianni nen hmangin; mimal leh Zaipawltena fak hla remin; Sermon inkhawm nena hmang te pawh an awm thung a ni:-
Chanchin kan hriat theih chin Bialte’n Confe. An hman report lo ngai thla ila:-
Aibawk Bial: Aibawk Bialte’n Bial Confe vawi 42-na , Aibawk Kohhranah hmangin Bial Confe. Rorel pawimawh zingah- Kum 2022 inkhawmpui chu Falkawn kohhranah an nghat a, Pastor Quarter hnuaiah mikhual Room siam te, Bial huapa rawngbawltu Seminar neih te, Misionary chawmte bakah, Kelsih kohhran Sunday School Hall Bial huapa sak an rel.
CHALTLANG BIAL: Chaltlang Bialte’n Bial Confe Bawngkawn Kohhran Biak Inah neiin; Conf Vawi 49 -na a ni. An rorel pawimawh zingah- Kum 2022 Chaltlang Bial Confe Chaltlang Kohhran Biak inah annghat a, Kum 2022 Chaltlang Bial Confe lo thleng tur hi Bial Golden Jubilee Confe a ni dawn bawk a ni. Confe rorel pawimawh zingah- Kohhran serh leh sang khawih chungchang bial chhunga Church Board Member te tan workshop neih te, Chaltlang Bial Golden Jubilee 2022 hriatrengna pual a Mission field a Biak In/Quarters/SS Hall sak te bakah Bial library nei tura Bial huapa hmalak tih te an rel.
HEADQUARTERS BIAL: Headquarters Bial Kohhran 5 te chuan Mission Vengthlang Biak In Bial Confe vawi-54 na neiin; an rorel pawimawh zualte- Kum 2022-ah Headquarters-ah Bial Confe vawi 55 neih tur a ni. Kum 2021 chhungin Orphanage Home tana luanchhuah te leh Gen. & District Home Missionary chawm ten an rel a ni.
KAWNPUI BIAL: Kawnpui Bialte’n Conf Vawi 70-na Bualpui ‘N’ Venglai biak inah neiin; an rorel pawimawh zual zingah; kum 2022 confe Kawnpui Chhimveng Biak inah an nghat a, main speaker neih an rel, hei bakah hian Bial chhung local inkantawn neih leh khuang vuak training buatsaih te rel a ni bawk.
LENGPUI BIAL: Lengpui bial ten conf. Vawi 45 na Rawpuichhip Biak In hmangin; Kum 2022-ah Lengte-ah Confe an nei ang, Home Missionary pakhat chawm passed in, Kohhran Comt. Leh bial hruaituten Aizawla Kohhran hmun pawimawh tlawh te an rel bakah Account & Administration training neih te an passed bawk.
RENGDIL BIAL : Rengdil Bialte chuan Conference vawi -49 na Sihthiang Kohhranah hmangin, rorel palai mi -68 zet an pungkhawm. Bial rorel pawimawh zual te:-
1. Kum 2022 bial conference, Rengdil local-ah nghah a ni. 2. Kum 2022 Rengdil bial conference chu golden jubilee leh bial golden jubilee inkawp a nih dawn avangin; lawm tur a ni. 3. Financial campaign neih 4. Bial hminga New Eden kohhran tlawh. 6. Sihthiang evangelist Quarter sak thatna tur budget dah te bakah local tinah Church board chin tan serh leh sang chungchang a trainning neihpui nise tih te an rel.
RAWNGBAWLNA CHANCHIN THAR LAWRKHAWM
Kanghmunah mithar: Pathianni kal ta February ni 14 zan inkhawmah Kanghmun Bialtu Pastor Rev. H. Zabiaka chuan UPC-NEI Kohhrana lawi turin mithar duh awm tak tak pahnih lawmluhna a nei. Heng mi thar te hi Sual ngaihdamna Baptisma Bialtu Pastor hian a chanter nghal bawk a ni. (Kanghmun Mithar)
Lengpui Bial News: Lengpui Bial chhung Dapchhuah Preaching Point- ah January – March 2021 chhung atan Tirhkoh rawih mek niin; Dapchhuah PP Kohhrante pawhin tisa leh thlarauvah hmasawnna nasa tak an nei chho zel. Rawngbawltu rawngbawlna kaltlangin Lalpan mithar a pe zel bawk.
Rengdil Bial News: Rengdil Bialte’n bial conference an hman chhungin UPC-NEI kohhrana lawi turin mithar chhungkaw khat, mithar -3 awmna te chu bialtu Pastor C.Lalthlenglianan lawmluhna hun Lalpa Isua hmingin a hmang a, Nau -1 hlan nghal a ni.
Feb ni 14 Pathianni tlai khan Bial department hrang hrangte’n OB Meeting neiin; Leadership trainning neih nghal a ni a, resource person ah bialtu Pastor C.Lalthlengliana chu hman a ni.
Rengdil Bial confe-ah hian kum hmasa Bial conference neihin sacrament rawngbawlna buatsaih nise a lo tih angin , bial conference-ah hian bialtu Pastor.C.Lalthlenglianan sacrament a buatsaiha, Sakrament rawngbawlna Lalpan mal a sawm a, mi tam takin siamtharna changin hlim takin hun an hmang a ni.
Rawpuichhip mithar: Lengpui Bial, Rawpuichhip kohhrana lawi turin January thla pawl dang atangin UPC-NEI-ah mi thar pakhat lawmluh a ni.
Biak in sak lungphum phum: Feb Ni 17 Nilaini khan Lengpui Bialtu Pastor Rev. Lalchuailova chuan Lengpui Biak in sak tur Lungphum Lalpa Isua hmingin a phum a, kohhran hote an Biak in sak turah an phurin an inlungrual tlang hle.
TUMPANGLUI HOME MISSIONS FIELD BIAKIN SAK LUNGPHUM PHUM A NI: Feb. ni 1,1 Nilaithawhtanni khan N.Mizoram District Missions department ruahmanna siam angin, Rengdil Bialtu Pastor C.Lalthlengliana chuan Tumpanglui Home Missions field biakIn sak Lung phum Lalpa Isua hmingin a phum, bialtu Pastor hi Upa vanlalsiama , Bro.Lallawmpuia ,Bro.Zonunsanga ten an tawiawm.
District missions department tirhin Upa B.Vanlalauva leh Evan C.Hmingchungnunga te Tumpanglui Home missions Field ah hian riak lutin, Rengdil bial hruaitute nen a sak dan tur ruahman tlan nghal a ni a, Biak in sak tur hi a dung 36 ft. leh avang 22 ft. a zaua sak tum a niin; Biak In hi RCC building a sak tum a ni , Feb ni 11 Nilaithawhtanni atangin Biak in sak hna hi tan nghal a ni.
Tumpanglui Home Missions field ah hian Missionary Sist. H.Khawlliani awm mekin; A rawngbawlna Lalpan mal a sawm hle, tun dinhmunah Kohhran member -120 awm mekin; Biak in sak hna thawh pawh an phur hle a ni.
Zomuantlang Missions Field SS Hall Work camp-in sa zo: UPC NEI : N Mizoram District Missions Field Zomuantlang SS hall chu Bawngkawn Missions Department, Chaltlang Bial ten mawi tak leh nalh taka sa zovin; bawngkawn Local Missions Dept. te inpekna leh thawhrimnaah North Mizoram District Missions Dept. chuan lawmthu a sawi.
Zomuantlang Kohhran Sunday School Hall hi, Bawngkawn Missions Department te hian an rawngbawlpui Upa R Lalhmangaihzuala (L) hriat reng nan an sak a ni e.
Home Missions lama fehchhuah: North Mizoram District Missions Dept enkawlna hnuaia Home Missions Field 12 te chuan tisa leh thlarauah malsawmna nasa tak dawngin, Missionary leh an thawhpui Bial leh kohhrante kaltlanga Lalpa hnathawh lo langin ram thar leh mi thar tam tak a pe mek zel.
District Missions Dept chuan Kohhran mipuite thahnem ngaihna avanga Missionary chawmna leh Suppport sum tlingkhawm sumte hmangin Home Missions Field 12 a neih mekah Biak in a sa chho mek zel a, Biak in sak mek leh a sak chhoh zel tur te pawh RCC-a sak ruahman a ni.
Tun dinhmunah Biak in sak mekna Vawngawnzo MF, Tumpanglui MF leh West Phulpui MF te niin; Biak in sak tura hmalak mek leh sum sanctioned fel tawh Damdiai MF leh Persang MF te hmachhawp dah mek a ni.
Hei bakah hian Zomuantlang MF Sunday Hall pawh Bawngkawn Local Missions Dept ten work camp-a sa zovin; West Phulpui Missions Field, Dilzawl Missions Field leh S. Chhimluang Missions Field te pawh SS Hall sak tura ruahmanna kalpui mek te an ni hlawm a ni.
Tin, heng Bajirung Missions Field, Vawngawnzo Missions Field leh Marpara Missions Field-ah te hian Missionary quarters sak tura bul tan mek a ni bawk.
TLANGSANG BIAL, DARCHAWI, (TRIPURA) KOHHRAN, RAWNG BAWLNA REPORT: Feb ni 16 (Thawhlehni) khan, Tlangsang bial, North Mizoram Dist. Bialtu Pastor K. Ainawna leh a rawng bawlpui member pariatte chuan ṭawngṭai rawngbawlna neiin; tawngtaina kaltlanga damna chang nghal mi pali an awm a. Zan inkhawm service-ah thlarau thianghlim siamtharna chang pathum leh damna chang pahnih an awm belh bawk.
He rawngbawlna hi South Tripura atanga chhimtu leh pantu an awm belh zel a, he rawng bawlna hian Feb ni 21 (Pathianni) thleng a awh tura ruahman a ni.
DAMPARENGPUI BIALAH WORK CAMP NEI: Feb ni 16 thawhlehni atanga khan, Damparengpui Bial Tuirum Biak In sa turin Thenzawl Bial Missions te chuan Tuirum khua an pan. Thenzawl Bial atang hian member 12 thawkchhuakin Damparengpui Bial hruaitute an lawm hle a, Kohhranhote pawhin phur takin work camp-a fehchhuak te hi an lo dawngsawng a ni.
Facebook