UPCNEINEWSSERVICE DEC 9-16.2018
——–
Office khar dawn :
Dec. 20, Ningani hian Kum 2018 chhung atan North East India UPC Gen. Hqrs Office chu khar a ni dawn a, kum thar 2019 January 7, Thawhtanniah ah mipui te dawr theih tura hawn leh a ni ang.
Kohhran rorelna sang Executive Board in ruahmanna a siam angin North East India UPC kohhran huamchhunga Dist 11 te chuan Dec. 20, Ningani hian a rualin District Office an khar dawn a, Kohhran hmun pawimawh dang zirna in, Bookstall leh Bible College te pawh khar a ni ang. Mizoram chhunga District 4 – Aizawl East, North Mizoram, Lunglei, Chhimtuipui District leh Mizoram pawn a District 7 Churachandpur, Imphal, Chandel, Tripura, South East Nagaland, Central leh Barak District te pawhin Office kharna hun hi an district office theuhah an hmang dawn a ni.
—–
Kohhran Map :
United Pentecostal Church of North East India (UPC-NEI) Kohhran chuan hun engemaw chen atanga a lo buatsaih tawh India hmarchhak hmun hrang hranga Kohhran awmna hmun leh report langsarzual tarlanna kohhran Map a siam chu peihfel a ni ta.
General Hqrs, Mualpui Salem veng Aizawl atangin semchhuaa k tan mek a ni. Map-hi chi 2 a siam niin North East India pum huap leh Mizoram chhung bik Map siam a ni a, Mimal, Tualchhung Kohhran, Bial leh District tana mamawhte tan lei theih a ni ta e.
A man :
North East India – Rs. 1700
Mizoram chhung – Rs. 1400
General suptdnt Rev Lalmalsawma Sailo chuan kohran map hi executive board in India hmarchhak kohranin rawngbawlna a luh chin, hriat theihna tura siam ni se tia a lo passed tawh bawhzuinana siam ani a, kohhran ho ten kan tangkaipui ngei ka beisei a ti. Map ah hian General Hqrs office, District hrang hrang offce, Bial headquarters awmna leh kohhran hmun pawimawh hrang hrang te bak ah kohhran statistics,Mission field area leh an statistics te dah a ni.
——–
Pennet Meeting :
Dec ni 11, Thawhlehni khan Pentecostal Network, PenNet chuan General Hqrs Office, Mualpui Salem veng Aizawlah meeting an nei.
PenNet Meeting-ah hian kum 2019 chhunga budget tur an thlir hova, Secretary Bro. R. Lalbiakfela’n kum 2019 Pennet budget atan ruahman chu pharhin Rs. Nuai 12 pass a ni a, General Kohhranpui approve tura thlen a ni ang. Budget bakah hian Media inenkawlna dan leh kum thar atana hmalakna tur ruahmanna hrang hrang an ngaihtuah bawk. Meeting hi Chairman Rev. R. Lalhawian a kaihruai a ni.
——–
Compassion Center Project Committee :
Dec ni 13, Ningani khan Compassion Center Project Committee Gen hqrs Office, mualpui Salem veng Aizawlah neih a ni.
School Principal Evan Zarzoliana’n School hmasawn dan ziakin a report a, ASC Home Suptd Evan C. Vanlalruata’n Home report ziakin a pe bawk a. Tin, Project hna kallai School Buidling extension, School Hostel thar leh Poultry farm house sak mek leh hmalakna chi hrang hrang report Rev. Jh Zahluna Project Director in ziakin a pe bawk. Project atana North East India leh Foreign lama thawhpuite thawh honaah Chairman in lawmthu a sawi bawk.
Meeting-ah hian Kum 2019 CCPC Budget tur thlir hovin Rs. 1,08,69,000 an ruahman a, Compassion Center Staff Pay siam rem tura pass a ni a, Projec hruaituten a Draft siam se tih a ni. Motor hlui tih rala a thar lei tura pass a ni a, ASC Home thawklai Bro. Thanghnuna chu kum khat alo thawh tlin tawh avangin Regularise a ni.
——–
Chrismas for Missions Field :
General Missions Department kaltlanga inphal taka Missions Field a mite Christmas hmanna tur atana Thilpek pe tu zawng zawng te chungah General Missions Department aiawhin General Director Rev. R. Lalhawia chuan thinlung takin lawmthu a sawi a, in thilpek kaltlanga hlim taka christmas hmang thei tur Missionary leh kohhran member ten Pennet kaltlang hian thinlung lawm taka duhsakna hlan chungin lawmthu an sawi mawlh mawlh a. La pe duh tan General Hqrs office-ah emaw District Office-ah emaw Bank kal tlang emaw-in sum hi ala pek theih reng e.
Rev.R. Lalhawia
Gen.M/D Director
09436392122
Rev.VL Tluanga Sinate
Gen.M/D Secy
9862853343
Evan. PC Lalrokima
Gen.M/D Trea
09774041543
(PIC: GMD logo)
——-
General Hruaitute Programme :
General Superintendent Rev. Lalmalsawma Sailo leh General Secretary Rev. R. Lalrinsanga te chuan rawngbawlna pawimawh buaipuiin Dec ni 15, Inrinni khan Tripura an pan a, Pathianni hian Darchawi Kohhranah hun hmangin Dec ni 17, Thawhtanniah Aizawl an let ang.
General Missions Director Rev. R. Lalhawia chuan Dec ni 12, Nilaini khan Aizawl chhuahsanin Dimapur Missions Field tlawhin a zinchhuak a, Field mamawh leh tul hrang hrang buaipuiin Dec 18, Thwhlehniah Aizawl a kir ang.
——-
Rawngbawlna awmna hmun siksawi :
Dec ni 3, Thawhtannia North Mizoram District Officer meeting chuan North Mizoram District-in hun engemaw chen kalta atanga rawngbawlna beih pui a thlak kal zelah rawngbawla a rawih thenkhatte siksawiin kum thar 2019 atan hetiang hian rawngbawltu leh an rawngbawlna hmun tur te a ruat:-
i) Evan. C. Lalruatsanga – Sihthiang,Rengdil Bial
ii) Evan. Lalduhsaka Saza – Sailam,Sialsuk Bial
iii) Evan. Lalrawngbawlzela – Chhimluang,Kolasib Venglai Bial
iv) Evan. Zoramthara Sailo – Thinglian,Bilkhawthlir Bial
v) Evan. H. Lalnunmawia – Pukzing Vengthar,W. Phaileng Bial
vi) Evan. H. Lalbiaktluanga – Darlung,Kanghmun Bial
vii) Evan. Lalramhluna Hmar – Muallungthu,Aibawk Bial
viii) Evan. Vanlalzemawia Fanai – K. Sarali,Rengdil Bial
ix) Upa Vanlalsiama – New Eden,Rengdil Bial
x) Evan. H. Lalhmudika – Chhimluang,Vairengte Bial
—–
PG Managing Board Committee:
Dec. ni 10 Thawhtanni chawhnu dar 11:00 khan North Mizoram District enkawl, Pentecostal Gateway Higher Secondary School Managing Board chu North Mizoram District Office Supdt. Chamber-ah an thukhawm.
Meeting hi Managing Board Chairman Rev. Laltluanga’n kaihruaiin School naupangte’n exam an hmachhawn tur chungchanga inbuatsaihna tha zawk neih dan tur chungchang ah Study camp neih dan tur te, leh zirnain hma a sawn zelna tura hma lak dan tur hrang hrang an thlir ho a ni.
——
Sunday School Department Executive meeting :
Dec. ni 11 thawhlehni chawhma khan North Mizoram District Sunday School Department Executive meeting neih a ni a, Meeting hi District SS Director Rev. K. Malsawmtluanga’n a kaihhruai.
Meeting-ah hian North Mizoram District huam chhunga Sunday School Hall sa mek te tanpuina pek dan tur chungchang relin Hall sak tanpuina dil zingah heng: Reiek Bial Ailawng Kohhran, Thenzawl Bial Hermon Kohhran, Durtlang Bial Mualveng Kohhran leh Tlangnuam Bial Mel-3 Kohhran Sunday School Hall sa mek te tanpui nise an ti. Executive meeting hi District hruaitu pathum Supdt. Rev. Laltluanga, Secretary Rev. Chhiarpuia leh Treassurer Rev. K. Lalduhsanga ten an ho a ni.
——-
News Eden rawngbawlna :
December ni 9 Pathianni khan Sist. Lalhriatkimi rawngbawl mekna Rengdil bial New Eden-ah Bialtu Pastor C.Lalthlengliana’n rawngbawltu Sist. Lalhriatkimi rawngbawlna kaltlanga mithar neih mi 3 sual ngaihdamna Baptisma a chan tir.
——-
Fehchhuak :
Dec ni 1 Inrinni khan Aibawk Bial Sateek LAD te chuan Kanghmun Bial chhunga awm Darlung kohhran te an tlawh a, rawngbawlna duhawm tak an nei. LAD te hi PYD member bakah kohhran Upa ten an tawiawm bawk.
Darlungah hian District tirhin Evan. H. Biaktluanga’n rawngbawlna a nei mek a ni.
——–
North Mizoram District kum tawp Board :
Dec. ni 5th-7th chhung khan North Mizoram District Headquarters Biak in, Tuikhuahtlangah North Mizoram District kum tawp Board neih a ni.
Board Meeting hi District Supdt. Rev. Laltluanga’n kaihruaiin Amosa 5:21-24 thu chhiarin ‘kohhran te hian rorelna dik hi kan mamawh ber a, rorelna dik hi kohhran himna leh damna thlentu a ni’ a ti.
General Hqrs. aiawha meeting hotu Rev. Lalmalsawma Sailo Gen. Supdt. pawhin thu sawiin; ‘North Mizoram District thlarau lam rawngbawlna leh tisa lam thil pawha hmasawnna thu ngaihnawm tak tak hriat tur a awm reng thu tena a tih lawm thin zia te, zirtirna diklo laka kohhran hote uluk taka ven a pawimawh zia te a sawi.
District Board hian District Headquarters Biak in hnuai chu Garrage-a siam nise. kum 2019 January thla atang a hmalak nise an ti a. District Mission Conference in alo rel tawh Tlangsang Bial chhunga awm Zomuantlang kohhran Missions Field-a hawn tur thu chu District Board chuan a Approved bawk. General Missions Department atanga Nepal Para Pastor Quarters sakna tur sum an rawn dil chu ngaihtuahin Rs. 350,000/- pek an remti a, kum thar Budget-a dah a ni ang. Pastor Quarters thar sak dilna Bial 4 atang lutah, Kawnpui Pastor Quarters leh Kanghmun Pastor Quarters thar sak nan sum sanction remtih a ni.
kum 2018 District Conference -in District huamchhunga kohhran a duh apiangten Pentecostal men fellowship (PMF) din a phal sak tawh chu PMF inkaihruaina Dan ruahmanna siamtute’n an pharh chu tha tiin pawm tlan a ni a, A hman tan hun atan Dt. 8th Dec. 2018 rem tih a ni.
District Sunday School Dan siam approved a ni bawk.
Tin, Kohhran hming ziah leh sawinaah ‘Local’ tih tawngkam hman thin chu ‘Kohhran’ tia lam leh ziah tawh turin an pass bawk.
——–
Missions Field tanpui :
Kumin 2018 Krismas lo thleng turah, North Mizoram District home Missions Field tena Mass hlim taka an hman theihna turin District Missions Department kaltlangin mi inphal leh kohhran leh Department engemaw zat ten Missions Field pualin tanpuina sum an pe.
Tanpuina pe District PenNet in report a dawn chinah rawngbawltu Sist Nutei Rengdil Second hand belt, Kawnpui bial LAD ten Rs. 7000, Chaltlang bial LAD ten Rs 10,000, Thenzawl bial Missions Deptt ten Rs 16,000, Chanmari PYD President in Rs. 5000, Tual Upa Lalduhawman 1000 bakah T.Upa Vanlalfaka Saza pawhin Field hrang hrangah thilpek alo pe tawh bawk.
Missionary te leh field-a awm kohhrante’n hlim taka Krismas an hman theihna tura thilpek petute chungah Missions Department aiawhin District MS Director Rev. C. Lalthantluanga chuan lawm thu a sawi a ni.
——-
Ramthianghlim zin dawn :
North Mizoram District Board in Ramthianghlim zin Programme kum 2012 atanga ruahmanna a siam angin December ni 18 hian North Mizoram District chhunga rawngbawltu mi 13 ten Ramthianghlim Israel an pan ang.
Ramthianghlim (Israel) zinna hi District Hruaitu pahnih District Supdt. Rev. Laltluanga leh District Secretary Rev. Chhiarpuia ten ho vin, heng mite hi an kal ang :-
1) Rev. C. Lalthantluanga District Missions Director
2) Rev. C. Lalrammuana, Sihphir Bial
3) Rev. C. Lalmuanpuia, Maubawk Bial
4) Rev. C. Lianchama, Kolasib Diakkawn Bial
5) Rev. C. Lalramthanga, Kawnpui Bial
6) Rev. Laltlanchhuaha, Dinthar Bial
7) Pastor P.C Laltlankima, Chawlhhmun Bial
8) Pastor B. Vanlalruata,Kolasib Venglai Bial
9) Pastor Lalhmuakliana Hnamte, Bairabi Bial
10) Pastor Lalruatkima Fanai, Kanghmun Bial
11) Pastor R. Thanglura, Bukpui Bial
Ram thianghlim zin tur te hian December ni 18-ah Lengpui Airport atangin Kolkat an pan anga, a tuk Dec ni 19 atangin Mumbai atanga thlawk chhuakin Bahrain-ah tumin Bahrain atang hian Ramthianghlim an thlawk lut dawn a ni. Ramthianghlimah hian ni 6 chhung an cham anga, hmun pawimawh hrang hrang an tlawh hnuah Dec. ni 31 thawhtanni-ah Aizawl an let ang.
—–
Lunglei District PYD Board :
December ni 6, Zirtawpni khan Lunglei District PYD Board neih niin President Evan V. Lalduhawma’n Board a kaihruai.
Board hian Kum 2019 Budget tur thlir hovin Kum 2019 Lunglei District PYD Budget atan Rs 8,33,000.00 (Nuairiat singthum) a ruahman a, Budget bakah hian
A. ASC Home-te puantah zirtirtu tur rawih sak nise tih te.
B. North. Bengal & Sikkim Missions Field te pandal structure leina tur atan Rs 30000 pek.
C. 2021 District PYD Conference chu Hnahthial bialin an dil angin Hnahthial-ah nghah nise tihte leh
D. 2019 District PYD Conference Mualthuam N a neihna tur thlirlawkna
neih a ni bawk.
———
Biak in hawng :
Dec ni 15, Inrinni khan Lunglei Zotlang Local Biak In sak thar chu Bialtu Pastor Rev Pc Nghakliana’n Pathian hnenah hlanin a hawng.
——-
Fehchhuak :
Dec ni 16, Pathianni hian Thaizawl Local PYD te chuan Luangmual Local tlawhin an fehchhuak.
——-
Lawmthusawi Chawimawina :
Dec ni 12, Nilaini khan Phaileng S local leh Lungsen N Kohhran te chuan Pathian hnena lawmthusawi chawimawina an buatsaih a, Phaileng S ah hian Speaker atan Rev H. Rothuama, Tawipui Bialtu pastor chu ruaiin Lungsen N ah hian Rev Pc Lalrosang an ruai bawk.
——-
Camping :
Dec 11, Thawhlehni atanga tannin Lunglei District Headquarters Bial a Local pahnih,
Electric Veng leh Ramthar AOC ah Camping buatsaih a niin, Electric
Veng-ah hian Rev R. Laltlankima, Zemabawk bialtu Pastor Speaker atan
hman a niin, Ramthar AOC Local-ah Simona Hmar, Putlungasih Home
Missionary chu Speaker atan hman a ni.
Lunglei District, Haulawng Lalveng Local-ah pawh Revival Camping neih mek a ni a, Dec ni
11, Thawhlehni khan camping hi tan a niin, Rawngbawltu ten camp an nei
hmasaa, Dec ni 12, Nilaini tlai atangin vantlang huapa hawn a ni.
Camping-ah hian Speaker atan Evan R. Lalengzauva, Vaisam Home Missionary chu hman a
ni.
———
Bian in hmun lei :
Lunglei District Sethlun Kohhran dingtharte tan Biak in hmun tur tha tak mai Rs 20,00,000.00/- in lei fel a ni ta. District Board in a rel angin, Sethlun Kohhran dingtharte tan Biak in hmun lei sak a ni a. District hruaitute a hmunah kalin Dec ni 11, Thawhlehni khan an lei fel a ni.
———-
Kumtawp Dist Board :
Dec ni 12, Nilaini khan Chhimtuipui District kumtawp Board Dist Committee room ah neih a ni a, Board ah hian kum 2019 chhunga Kohhranpui leh Department hrang hrang Budget an ruahman.
———
Dec ni 5 atanga ni 6 chhung khan Chhimtuipui District Secretary Rev.Joseph.L.Thlauhthang chuan Vathuampui Bial fangin home mission field hmun thenkhatah rawngbawlna a nei a. Vaseikai UPC Building sak mek chhunzawm dan tur enfiahin hmalak chhunzawm dan tur a sawipui.
——-
Field tan Thilpek hlan :
Chhimtuipui District, South Lungpher Bial chhunga department te chuan Vartekkai mission field ten Lalpiang chibai an bukna atan thilpek Hetiang hian a hlan:-
1. Bial Kohhranpui – 3000
2. P.M.D.Lungpher local – 2000
3.BIAL L.A.D. – 2000
4.BIAL Mission – 1000
———
Bial Sunday School meet :
Lawngtlai South Bial Sunday School Department chuan Dec ni 15, Inrinni khan Lawngtlai Chandmary Biak In ah Bial Sunday School meet an buatsaih.
meet ah hian intihsiakna chi hrang hrang solo,recitation,sermon etc.hmang te in intihsiakna an nei a. Bial Sunday School hruaitu ten he meet hi kaihruaiin; bialtu Pastor Rev.Dr.C.Sihmo pawhin a telpui a ni.
——–
Local PYD Zaipawl intihsiakna :
Dec ni 6 atanga ni 7 chhung khan Siaha Bial chhunga Local PYD Zaipawl intihsiakna neih a ni.
Zaipawl intihsiak ah hian Local 9 atangin local 5 telin, Solfa hi ahang leh track hmangin an in el a, intihsiak programme karlakah Dist Suptd Rev.Thanchunga Sailo, District Secretary Rev.Joseph L.Thlauhthang, Dist PYD Finance T.Upa.N.Lalchhuanmawia leh Bialtu Pastor Rev.Kholy Hlychho te hnen atangin fuihna thu tawi ngaihthlak thin a ni a, Bro.Gospelmawia, Helen Lalkrawsparmawii, Sist.Ramdinmawii chawngthu, Bro.Vanrohlupuia te, College veng Ladies voice leh Dist Hqrs local female voice ten zaia rawngbawlna an nei thin a. Dist Hospital atangin “Mental Health” chungchang zirtirna an nei bawk.
Zaipawl tha Lawmman dawngtute:-
1na Council Veng PYD
2na Siahatla Local
3na Dist HQRS local
Consolation Prize:-
Meisatla local & College veng local PYD.
Best Conductor: Bro.C.Vanlalpeka Council veng
———–
Aizawl East District board :
December ni 5 leh 6 chhung khan Aizawl East District board vawi 116-na chu District Committee room-ah neih a ni.
District board hi Rev Rosanga Kawlni, District Superintendent chuan kaihruaiin a ni hnihna December 6, Ningani khan Rev Lalmalsawma Sailo, General Superintendent chuan a telpui. An thu ngaihtuah langsar zualte:
1. Aizawl East District atanga CBC kal tur reng reng chu District board kaltlanga dilna siam tawh tur a ni.
2. Bial LAD leh Bial Missions board tih len ni se tih chu General-ah thlen a ni ang.
3. Kum 2019-a Silver Jubilee lawmna turah Lower Myanmar leh Kalay District hruaitute bakah hun rei tak Kohhran chhuahsan tawh tute Pentecostal reform Church leh Isua Kohhran-te sawm ve ni se.
4. Full Time Evangelist atan Evan R.Vanchhunga lak niin Evan Hmingchungnunga, Serchhip chu Bialtu Pastor atan lak thar a ni bawk.
5. District Building Committee thuneihna tih len tura tih a ni.
6. UPC North East India Pastor-te inpumkhatna leh thawhhona a that leh zual theih nan Pastor meet neih ni se.
7. Silver Jubilee building tan Aizawl East District chhunga member pakhat zelin Rs 10 aia tlem lo thawh ni se tih a nih bakah
8. May 2019-a Silver Jubillee hman anih dawn avangin Kum 2019-ah Kum chanve board neih lo mai ni se tih niin
9. Kum 2019-ah Office Staff leh an kawppuite pualin Seminar neih tura tih a ni.
10. Chhungkaw maicham, LAD te hmalakna mek chu Kohhranpui ten hma lakpui ve tha tih a ni.
11. District in buhfaithama hma a sawn theih nan lawmman pakhatna atanga pathumna thleng in pek thin bakah consolation prize palina atanga sawmna thleng pek tawh tura tih ani.
12. District Missions Department Motor thar lei dilna pawm a nih bakah
13. Heng Kohhran te hi Biakin thiah leh sak that phalsak an ni:
Vangbawng Kohhran, Saitual Kohhran, Tualbung Kohhran
14. Heng Kohhran te hi Sunday School Hall thiah leh sak that phalsak an ni bawk
Selam Biakinpui, Khawhai Kohhran
———
Conf atan Inbuatsaih mek :
Kum 2019 February 14 atanga 17 chhunga Champhai bethel bial ten District PYD Inkhawmpui vawi 25-na, Silver Jubilee an thlen tur atan inbuatsaihna kalpui mek a ni.
He Inkhawmpui hi Bethel Field-a pandal sakah hman tur niin Pandal hi a dung ft 130 leh a vang ft 80-a liana sak tur a ni a, Pandal sak hna hi December 8, Inrinni khan thawk tanin member 40 chuang an thawk chhuak a, Pandal ban tur an phun zo thei a ni. Tarlan tawh angin Aizawl East District PYD Inkhawmpui-ah hian Thupui-ah “Pathian beisei rawh” Sam 42: 5 thu hman tur niin thupui hi thensawm lovin District PYD hruaitu hlui leh thar te hnen atangin thuchah ngaihthlak thin a ni dawn a ni. District PYD Inkhawmpui 2019-ah hian kum danga tih ngailoh angin rorel velo te tan vantlang inkhawm Pandal-ah neih a nih dawn bakah Inrinni zingkar-ah Social Work neiin Champhai khawchhung tihfai hna thawh tura ruahman a ni a, hetah hian Silver Jubilee T-Shirt hak vek tura tih a ni. He inkhawmpui-ah hian District PYD hruaitu hlui leh tharte chawimawina hun an hmang dawn bawk a ni.
———
Mual Inkhawm :
Serchhip biakinpui Kohhrana Revival Crusade neih mek kal zelah December 9, Pathianni tlai khan Serchhip Bazar-ah Mual Inkhawm neih a ni.
Evan H.Lalrinfela chu Speaker-ah hman niin Sis.Laltanpuii hnen atangin fak hla ngaihthlak a ni bawk. Serchhip biakinpui Kohhranah hian Evan H.Lalrinfela Speaker-a hmang hian Crusade hlawhtling taka neih chhoh mek zel a ni.
Thuampui bial PYD te buatsaihin Zuangtuiah December 9, Pathianni tlai vek khan Mual Inkhawm hlawhtling taka neih a ni bawk a, Speaker-ah bialtu Pastor Rev KVL Hmangaihkima an ruai.
——
Lawmthusawi chawimawina :
December 8, Inrinni khan Sis Ramtiammawii te chhungkua, Upper Republic Kohhran te chuan Pathian hnena lawmthusawi chawimawina neiin Kohhran hoten hlim takin hun an hmang a. Sepaker-ah Evan R.Vanchhunga an ruai. Chawimawina Programme hi Pathianni zan thleng khan hun an hmang a ni.
December 15, Inrinni khan Bro K.Lallunghnema te chhungkua, Salem Veng Kohhran te chuan Pathian hnena lawmthusawi chawimawina hi an nei bawk a, Speaker-ah Rev Rosanga Kawlni, District Superintendent hmangin, Chawimawina Programme hi December 14, Zirtawp zan atanga khan hman tan niin Pathianni zan thleng hun an hmang dawn a ni.
———–
Revival Crusade :
1. December ni 1 atanga ni 9 chhung khan Mualpui Kohhran chuan Revival Crusade an buatsaih a, rawngbawl turin Evan HK Lalhmangaiha leh a team mi 8 te an ruai a. An rawngbawlna Lalpan mal sawmin Thlarau thianghlim awmpuina hnuaiah Kohhran hoten hlim takin hun an hmang a. Dec ni 9, Pathianni khan mi 1 in sualngaihdamna Baptisma a chang. Dec ni 15, Inrinni khan Upa Vanlalhmuaka te chhungkua chuan lawmthusawi chawimawina pein Kohhran hoten hlim takin hun an hmang a. Chawimawina programme hi Dec ni 14, Zirtawp zan atang khan tanin Pathianni zan thleng hian Evan HK Lalhmangaiha leh a team te hian rawngbawlna an nei dawn a ni.
December 10, Thawhtan zan atang khan Bethlehem Vengthlang Kohhranah Evan Hmingchungnunga, Serchhip Speaker-a hmangin Revival Crusade neih mek a ni a, he Crusade hi Pathian Thlarau thlarau thianghlim awmpuina hnuaiah hlim taka hman niin Pathianni zan thleng awh tura ruahman a ni.
2. Aizawl East Distric Republic Vengthlang kohhran chuan Dec ni 1 atanga ni 9 chhung khan Revival Crusade an buatsaih a.
He Crusade ah hian Speaker atan Evan H Lalhlimpuia (Distric Revival Speaker) ruaiin Team Member pathum ten an tawiawm.
Crusade hi Lalpan mal a sawm a, mi engemaw zat in Thlarauthianghlim Siamthar na an chang thar a ni. Crusade pual hian Kohhran Chhungkua inkhawm kim hun buatsaih ani a, Kohhran ten an hlut hle.
Speaker leh Team te Rawngbawlna Lalpan ahmangin, Kohhran bel ngailo ten, kohhran belthar in, Lam ngailo te pawh Lalpa fakin an lam thar bawk a ni.
———-
Chhungkaw zan :
December 9, Pathianni zan khan Thuampui Kohhran te chuan chhungkaw zan hlawhtling takin an hmang.
Inkhawm hi Thuampui Kohhran Secretary Upa R.Lalrammuana’n kaihruaiin bialtu Pastor, Rev KVL Hmangaihkima hnen atangin “Chhungkaw din uluk a tul zia” tih thupui hmangin thusawi ngaihthlak a ni.
Thuampui Kohhranah hian member 400 vel awmin chhungkaw zan inkhawm-ah hian member 250 atanga 300 inkhawmin Upa bial 11 a awm mek a, Upa bial te te in chhungtin an thukhawm a ni. Upa ten mahni bial inkhawm dan report leh an bial chhunga member awm zat te report leh inhmelhriattirna an nei hlawm a ni. He huna inkhawm Kohhran chhungkaw tinte hian hlawkthlak an ti hle a ni.
——–
Aizawl East District Hruaitute Programme:
Rev.Rosanga Kawlni, District Superintendent chuan Salem Kohhrana lawi Bro.K.Lallunghnema te chhungkua in Pathian chawimawina Inrinni-a an neihah Speaker-ah tangin Pathianni zan thleng hun a hmang ang.
Rev Biaksangzuala, District Secretary chuan Khawruhlian bial-ah rawngbawlna pawimawh neiin hun a hmang mek a, Pathianni zan thleng hun a hmang ang.
Rev Vanlalfela Ramtiam, District Treasurer chuan N.Diltlang hmunah Thianghlimna Seminar neiin rawngbawlna a nei mek a, Pathianni zan thleng hun a hmang ang.
Rev C.Mawizuala, District Sunday School Director chuan Inrinni khan N.Diltlang Kohhran Sunday School Hall hawnna neiin Pathianni zan thleng hun a hmang ang.
Facebook