Pennet News Service : December 3 – December 10

UPCNEINEWSSERVICE DEC 3-10.2018
——
Sunday School zirlai bu hlanna leh tlangzarhna :
Dec ni 3, Thawhtanni khan General Hqrs Office, Mualpui. Salem Veng. Aizawl ah kum 2019 chhunga Sunday School zirlai bu hlanna leh tlangzarhna hun hman a ni.
Sunday School zirlaibu tlangzarh inkhawm hi General Sunday School Director Rev. R. Laichhingpuia’n a kaihruai a.  Kum 2019 hian :
i) Zawlnei te te – Pastor C Mangthangvunga ziah
ii) Senior K- 2 – Evan F. Lalsangliana ziah
iii) Junior K- 2 – Rev R Vanlalawia ziah
iv) Intermediate K- 2 – Rev R.C Puia ziah (Reprint)
v) Primary K- 2 – Evan R Ropianga ziah (Reprint)
vi ) Beginners K- 2- Sis Vanlalruati ziah (Reprint)
te zir tura ruahman a ni a, General Suptd Rev. Lalmalsawma Sailo chuan Pathian hnena hlanin leh a tlangzarhna a, Kohhran hoten he zirlai atanga Pathian thu hriat leh zawm kawnga hlawkna leh malsawma thar chang theuh turin duhsakna leh malsawma a hlan a ni.  General Sunday School Secretary Rev. R. Vanlalawia’n report a pe a; Puitling  Sunday School  zirlaibu bik hi General Sunday School in a siam atanga 42 na niin,  a bu chhungah hian zawlnei Jona, Mika, Nahuma, Habakuka, Zephania te lehkhabu dahkhawm a ni a. A ziaktu hi Calvary Bible College lecturer  Pastor Mangthangvunga ziah a ni.  Zirlaibuah hian thuhma (preface) phek 12 bakah zirlai bik phek 256 awmin End Note phek 13, Bibliography phek 3 leh webliographay phek 1 a  awm a, a vaiin phek 285 a chhah a ni.  Zirlai bik bung 43 awmin, zirlai tinah hian zawhna 4 zel dah a ni a; a vaiin zawhna 172 a awm.
A bu chhungah hian General Sunday School Director lawmthu leh Ziaktu Thuhma bakah kum 2019 calendar te, Kohhran Ni pawimawh leh Syllabus te zeh tel a ni.
Zirlaibu tlangzarh inkhawmah hian  General LAD President Sis Lalchangliani Sailo chuan hunserh a hmang a,
General Secretary Rev R Lalrinsanga,  General Treasurer  Rev Zohmingthanzama, North Mizoram Dist S. S Secretary Evan H. Lalrinngheta, Aizawl East district Sunday school Director  Rev C. Mawizuala ten thu tawi an sawi a,  Sis. H. Lalruatpuii leh  Bro H Lalrinmawia Varte, ten zaia rawngbawlna an nei a,  Lehkhabu Present-na General SS Treasurer Evan F Lalsangliana’n neiin  Former General Superintendent Rev V.L Dika Sailo in malsawm tawngtainain he inkhawm hi a tin a ni.
——–
SDBS Hostel Building lungphum phum :
Dec ni 4, Thawhlehni khan Susanne Downs Boarding School, Hostel Building sak thar tur lungphum phum a ni.
He hun hi Evan V.L Zarzoliana Sailo, Principal Susanne Downs Boarding School chuan a kaihruai a,  Compassion Centre Project Director Rev. JH Zahluna chuan he lungphum hi a phum a, Home Superintendent Evan C. Vanlalruata’n tawngtainin he hunserh hi a khar.  Hostel Building  sakna tur hi foreign atanga dawn a ni. Tunah hian SDBS ah hian zirlai 406 an awm a, Nursery atanga Cl X thleng a awm. Hostel hi mipa leh hmeichhe awmna ni in tuna sak thar hi mipa Domitory leh kitchen tur a ni.
——-
Environment Protection Seminar :
Nov ni 30, Zirtawp zan khan Headquarters Biak In, Tuikhuahtlangah General PYD Environment Protection Committee chuan Environment Protection thupuia hmangin Seminar a buatsaih.
Seminar hi General PYD Environment Protection Committee Chairman Evan JH Malsawmdawngliana’n a kaihruai a, Report leh Introduction Evan C Lalremruata’n a pe a, Headquarters Bialtu Pastor Pastor H Zabiaka’n  hunserh a hmang.  Pentecostal Choir, North Mizoram District PYD, General PYD Choir ten zaia rawngbawlna an nei a, AED PYD President Rev R Laltlankima, leh NMD PYD President Evan F Lalngaihawma ten thu tawi an sawi bawk.
Seminar ah hian ASEP President Evan K Lalmuansanga, Resources person atana hman a ni a, anin Projector hmangin kalkhawmte zirtirna a pe a, Environment humhalh kawngah nasa leh zuala tan lak a pawimawh dan leh hma lak dan tura thalaite mawhphurhna hrang hrang  sawiin , Pathian in duh taka a siam te chunga ringtute tih tur dik tak ti thin turin thalai kalkhawmte chu a sawm bawk.
—–
City PYD Sports :
Aizawl City PYD Coordination Committee chuan Dec 8, Inrinni khan Aizawl Lammualah Aizawl khawpui chhunga PYD te tan City PYD Sports a buatsaih.
Chawhma dar Dar 10:00am ah tan a ni a , City PYD Chairman  Evan. Lalchhuanmawia Zote chuan hun kaihruaiin Rev. R. Laltlankima’n hunserh a hmang a,  100m race, Bial OB intlansiak, Football, Volleyball, Deadball te hmangin inelna buatsaih a ni a, chanchin buatsaih lai hian chanchim kimchang kan hre hman lova, karleh pennet news ah report kimchang puan a ni ang.
———
General hruaitute Programme :
General Superintendent Rev. Lalmalsawma Sailo chuan Dec ni 7, Zirtawpni khan  Shillong a pan a, Dec ni 8, Inrinni nilengin Shillong Sectiona rawngbawltute puala Seminar an buatsaihah resources person-ah atangin rawngbawlna a nei a, hemi chhunzawmnana Inrinni zan a atanga Thawntan zan thleng Revival crusade ah Speaker-ah tangin rawngbgawlna a nei. Thawhtanni chhun lamah  Central district board a ho dawn a, ruahman dan chuan dec ni 11, Thawhlehniah Aizawl panin a kir ang.
———
Krismas thilpek-Ramthim tan :
Ramthim ramroa kan Missionary te, hlawh beitham té laa Lal tana beituten hlim leh lawm taka Krismas an hman ve theih nan te,  kan fahrin kohhranhoten hlim taka ruai kilhova hunpui an hman ve theih nan te, tu leh fate tana thuamhnaw thar leina tur mangang em emte harsatna kan phuhrûk theih nan CHRISTMAS FOR MISSION FIELD kaltlangin ramthimah thilpek – sum leh pai, thuamhnaw, etc hmanga luangchhuak turin kan insawm e.
Mimal, chhûngkua, dawr, institution, PCD, PYD, LAD, Missions Deptt, SS Deptt, PMD/PMF ten thinlung inhawng takin Ramthim ramroa mite tan Krismas ah hian i luangchhuak theuh ang u.
Nangni lo chu ramthima mite hian innghahna dang an nei love.
General Hqrs office-ah emaw District Office-ah emaw Bank kal tlang emaw-in sum hi a pek theih ang.
Rev.R. Lalhawia
Gen.M/D Director
 09436392122
Rev.VL Tluanga Sinate
Gen.M/D Secy
9862853343
Evan. PC Lalrokima
Gen.M/D Trea
09774041543
——–
Dist.Missions conf.vawi 44 na :
Lunglei Dist.Missions conf.vawi 44 na chu Nov.30 zirtawp zan atanga Dec.2 Pathianni zan thleng khan Ramthar  biak in a neih a ni a, Speaker atan  General Missions Director Rev.R.Lalhawia leh Home Missionary pathum Evan.RLalengzauva, Evan.Simona Hmar leh Evan.F Lalsanglura te hman an ni.
Conference ah hian Chanchintha famkim khawvel pumpui ah tih thupuiah hman a ni a, Nov.30 zirtawp zan khan Lunglei District Superintendent Rev.R.Lalrosanga chuan inkhawmpui hi hawngin, Dec.1 inrinni khan rorel inkhawm Director Rev.VL Hmuaka kaihhruainain neih a ni a, rorel langsar zual zingah Home Missionary te lawman tihpun chungchang, Rinna thutiam Local tina hmalak dan tur, Bhutan bawm  buaipui dan tur chungchangte an ngaihtuah a, General Missions-a thlen tur  engemaw zat an ruahman bawk. Kum 2020 Dist Mission Conf.chu Venglai Local ah an nghat.
Dec.2 Pathianni zing inkhawmah, Jaigaon biak in N.Bengal and Sikkim Missions Field ami sakna tur appeal-a tuak a ni a, Rs.200000 (Nuaihnih) chuang hmuh a ni. Pathianni zing inkhawmah Lunglei District LAD leh Headquarters bial LAD te chuan Home Missionary te tan thilpek an hlan bakah  Pathianni zan inkhawmah  Ramthar Local Missions Department-te leh LAD te chuan Home Missionary-te thilpek an hlan bawk.
Lunglei Dist.Missions Department hnuaiah hian Missions field 7 a awm mek a, kumin 2018 chhung hian member thar 13 Kohhranah sengluh an ni tawh. Missions Department hian kumin chhungin Rs.80,14,093 (Nuaisawmriat singkhat sangli leh sawmkua pathum) a thawk chhuak a, General Misssions Field-a Manigong Arunachal field Pastor Quarters sak tanpuina a pek bakah, Tulsipara, Mosaliponga leh Kamarpara ah te biak in sak tanpuina a pe a ni.
———-
District Missions Board :
Lunglei District Missions Department chuan Dec.3 thawhtanni khan Lunglei District UPC Conference Hall, Chanmari-ah District Board vawi 125-na Director Rev.VL Hmuaka kaihhruainain an nei a, he board hi General Missions Director Rev.R.Lalhawia chuan a telpui.
board hian Lunglei District Missions Department hnuaia Missions Field-a thawk turin Home Missionary 6 a la thar a, home missionary atana a lak thar leh an awmna hmun tur hetiang hian an ruahman bawk :
Bualpui V Field-ah   Evan. Lalrokhawma,
Laisawral Field-ah   Evan. K. Lalhlupuia
Zehtet Field-ah         Bro. C. Lalrinzuala
Thiltlang Field-ah     Evan. R. Lalengzauva
Chengpui Field-ah   Evan. Simona Hmar
Putlungasih Field-ah Evan. PC. Lalremruata
Tin, he board hian Rinna Thutiam District Missions Conference-a intiam tir thin chu Conference-a intiam tawh lovin, Local tinah hma lak ni tawh rawh se tia District Conference-in a lo rel angin bial hruaituten mahni bial chhung Local tinah hma lak nise an ti a, Nakum 2019 District Missions budget atan Rs.56,85,000 (Nuai sawmnga paruk singriat sangnga) an pawm bawk.
———–
Revival Crusade leh Camping :
1. Mualthuam N Venglai Local-te chuan Dec.14-16 chhung hian Crusade an buatsaih dawn a, Speaker atan Rev.Ralkapkunga Khiangte chu an hmang ang.
2. Dec.6 zan atang khan Chengpui Local-te chuan Crusade an buatsaih a, Speaker atan Thingsai bialtu Pastor H.Lallawmsanga an ruai.
 3. Dec.7 zirtawp zan atang khan S.Phaileng Local-te chuan Crusade an buatsaih a, Speaker atan Rev.H.Rothuama, Tawipui bialtu Pastor an ruai.
4. Dec.5 nilai zan atang khan Lungsen N Local-te chuan Crusade an buatsaih a, Speaker atan Rev.PC.Lalrosanga chu an hmang a, he crusade hian Dec.9 pathianni zan thleng a awh ang.
—————
 1. Dec.12 atanga 15 chhung hian Tawipui N-II Local-te chuan Camping an buatsaih dawn a, Speaker atan Tlabung bialtu Pastor R.Lalremsiama an hmang ang.
2. Dec.10 atanga 15 chhung hian Haulawng Lalveng Local-te chuan Camping an buatsaih dawn a, Speaker atan Vaisam Home Missionary Evan.R.Lalengzauva an ruai ang.
———–
Lunglei District PCD Day vawi 11-na  :
Dec.13 ningani hi Lunglei District PCD Day vawi 11-na  a ni a, he ni hi Local PCD dinna te chuan mahni remchan dan ang theuhin an lawm ang.
District PCD President chuan PCD Day thuchah siamin, he thuchah hi Dec.16 Pathianni zing inkhawmah chhiar chhuah tur a ni. Lunglei District-ah hian PCD dinna Local 84 a awm mek a, bial 15 ah bial PCD hi din niin, member 4000 vel an awm mek a ni.
———-
Mi thar :
 Dec.2 Pathianni khan Thuampui Local-ah mi thar pahnih kohhranah seng luh an ni a. Thingfal Local-ah member thar 5 seng lutin; Rahsiveng Local-ah pawh mi thar 8 an senglut bawk.
———-
Lunglei District Board :
   Nihnih awh Lunglei District Board vawi 194-na chu Dec.4-5 chhung khan Superintendent Rev.R.Lalrosanga kaihhruainain District UPC Conference Hall-ah neih a ni.
District Board hian kum 2019 chhunga Lunglei District Kohhranpui Budget atan Rs.46,650,000 (Nuai zali sawmruk paruk singnga)a ruahman. Rorel pawimawh dang te :
1. District Missions Director atan Theiriat bialtu Pastor nilai Rev.R.Vanlalenga a ruat thar a, hetiang hian Pastor awmna tur pawh tihdang lam a ni.
i)Hnahthial bial – Rev.VL Hmuaka
ii)Cherhlun bial –Pastor Jerry Lalmuanawma
iii)Theiriat bial – Rev.PC.Lalfakawma
iv) S.Vanlaiphai bial – Pastor Rochungnunga Renthlei
2. Driver atan Samson Ramdinthara, Thangte Local-chu lak a ni.
3. Nakum 2019 atangin kohhranin ram a neih te humhalh turin hmalak nise
4. Thianghlimna kawngah nasa takin hmalak thar nise
5. Kohhran ding thar Sethlun biak in ram lei sak nise
6. District PCD dan bu Appoved a ni.
7. Department hrang hrang budget approved a ni bawk.
8. Office Staff hna hetiang hian siksawi a ni.
i)Cashier-ah R.Khawngaihzuali
ii) Account Assistant ah – C.Lalhunthangi
9. CEC Vice Principal atan Evan.K.Lalnunpuia ruat a ni.
10. Kum 2019-2020 chhung atan Department leh Sub.Committee hrang hrang hruaitu tur hetiang hian ruat a ni
i) Missions Department :
Director – Rev.R.Vanlalenga,
Secretary – Evan.C.Lalremchhunga
Treasurer – Evan.Remruatpuia Fanai
ii) Sunday School Department :
 Director – Evan.F.Lalhmangaiha
Secretary – Evan.MS Dawngliana Hnamte
Treasurer – Evan.R.Ropianga
iii) PYD :
President – Evan.V.Lalduhawma
Secretary – Evan.Laldinpuia Sailo
Treasurer – Evan.K.Lalnunpuia
iv) LAD :
President – Lalramlawmi Sailo B/w
Secretary – K.Lalremruati
Treasurer – PC.Lalramkungi
v) PCD :
President – K.Lalrintluanga
Secretary – C.Lalramluahpuia
Treasurer – Jacob Ramengmawia
vi) Literature Committee :
Chairman – Rev.Ralkapkunga Khiangte
Secretary – Evan.C.Lalremchhunga
Treasurer – Evan.R.Ropianga
vii) Relief Committee :
Chairman – District Treasurer
Secretary – Upa TH Lalropuia
Treasurer – Lallawmawma
viii) Building & Property Board :
Chairman – Upa Zoramdina Ralte
Secretary – Upa LH Sanghluna
Treasurer – District Treasurer
ix) CEC School Board :
Chairman – District Superintendent
Secretary – CEC Principal
Treasurer – District Treasurer
x) Offset Press :
Chairman – District Secretary
Secretary – Manager
Treasurer – District Treasurer
xi) Thianghlimna Committee :
Chairman – District Superintendent
Secretary – Evan.T.Lalzawmsanga
Treasurer – Lalramlawmi Sailo B/w
xii) Pennet Board :
Chairman – District Secretary
Secretary – Pennet Editor
Treasurer – R.Khawngaihzuali
———–
Section Annual Conference cum LAD Conference :
Barak District, Vangai Section Annual Conference cum LAD Conference vawi 55na chu “I RAWNGBAWLNA KHA HLEN RAWH” tih thupuia hmangin Nov ni 30 atanga Dec ni 2 chhung khan Ankhasuo, Manipur ah hman a ni.
Zirtawp zanah Sist. Lalremmawii, B/w, Barak District LAD President hnen atangin Pathian thuchah ngaihthlak a ni a. Pathianni tukah Rev. HL Vunga, Dist SS Director hnen atangin Pathian thu ngaihthlak ani a, zan lamah District Superintendent Rev.H.Lalramliana  hnen atangin ngaihthlak a ni thung.
Dec ni 1, Inrinni ah rorel inkhawm an nei a, an thurel langsar zual te :
1.Bial Budget siam ani.
2.Pastor Qrts sak mek atan Local tin thawlawm tuk a ni.
3.Upate Bible Chang inswisiak. A thu  Josuo. 24:14-15.
4.Bial huap Revival Crusade neih nise
————-
Aizawl East District board :
Aizawl East District board vawi 116-na chu December 5 leh 6 chhung khan District Committee room-ah District Superintendent Rev Rosanga Kawlni, kaihruaiin neih a ni.
District Board ah hian : Aizawl East District chhunga MPSC-a inziak tlingte tanpui rawtna, District building Committee tihlen dan tur, North East India Pastoral meet neih rawtna bakah Social Media hman dan tawk District level-a inzirtir rawtna te, Bial Missions board tihlen rawtna, Chhungkaw maichamah hmasawnna a awm theih nana hmalak rawtna te, Pandal Structure District Department hrang hrang inthawh tawma lei rawtna bakah RL dilna leh Biakin leh Sunday School hall thiah leh sak that dilna te an ngaihtuah a, rorel thuchhuak kimchang erawh karleh pennet news ah tichhuah tum a ni.
———
Aizawl East District PYD board :
Aizawl East District PYD  Kumtawp District board chu November 30, Zirtawpni khan District Committee room-ah neih a ni.
Board Rev R.Laltlankima, President chuan kaihruaiin Rev Rosanga Kawlni, District Superintendent chuan hunserh a hmang. Chairman sawm angin Rev Biaksangzuala, District Secretary leh Rev Vanlalfela Ramtiam, District Treasurer te pawhin thutawi an sawi a, Aizawl East District PYD Board-ah hian Secretary leh Financial report ngaihthlak a ni.
Board hian Kum 2019 February 14 atanga 17 chhunga Champhai Bethel bial-a District PYD Conference vawi 25-na, Silver Jubilee hman tur Programme a ruahman a, Thupui-ah “Pathian beisei rawh” tih chu hman tur niin thupui hi thensawm lovin Inkhawmpui tan zan, Ninga zan atanga Inrinni zan thlengin minute 20 chhung thusawitu mi pahnih zel awm tura tih a ni a, Pathianni Chawhma atanga Zan thlengin thusawitu pakhat a awm thung ang.
February 15, Zirtawpni-ah rorel inkhawm neih a ni anga, rorel lo tan Pandal-ah vantlang inkhawm buatsaih tur niin February 16, Inrinni-ah fellowship-a hun hman tur a ni dawn a, Inrinni zingkarah Champhai khawpui-ah Social Work neih tura ruahman a ni bawk. Board ah hian Daido-a PYD in rawngbawlna a neih mek chu District Missions Department hotute nen inbe rawnin chhunzawm zel tura tih a ni.
Aizawl East District PYD board-ah hian Financial Secretary Bro.K.Lalbiaknunga chuan Kum 2019 Budget Estimate pharhin District Kohhranpui board pawmpui turin Kum 2019 Budget atan cheng nuai sawm pakhat leh sangkua chu pawm a ni. Tun dinhmunah Aizawl East District chhungah hian Bial 30 awm mekin PYD member hi sangruk chuang an awm mek a ni.
————–
District PYD OB fehchhuak :
Aizawl East District PYD OB te chuan December 3, Thawhtan zan khan kumin chhunga a tawp nan Bazar bial an tlawh.
Bazar bial te hian bial Hqrs. Bazar biakin-ah lo thlengin T.Upa F.Lalthlangliana, Bial PYD President chuan inkhawm a kaihruai a ni. Bazar bial PYD Asst. Secretary in bial PYD ten hma an lak mekna leh an hmachhawp te report pe in Evan F.Malsawmtluanga, District PYD Secretary chuan District PYD hmalakna hrang hrang report a pe ve bawk.
District PYD OB bial fan-ah hian Rev R.Laltlankima, District PYD President chuan Thuchah sawiin he huna kalkhawm PYD member te chuan Pathian thuthlung hmangte, chetzia leh nundan hmangte-a eng chhuak tura chahin Pentecostal Choir bakah bial chhung atangin fak hla ngaihthlak a ni. Tun dihmunah Bazar bial-ah hian PYD member 450 vel awm mekin he hunah hian PYD member engemaw zat an tel thei a ni.
District PYD OB te hian Aizawl khawpui chhung bial hrang hrang bakah Serchhip bial, Serchhip Dinthar bial leh Chhingchhip bial te tlawhin hun an lo hmang tawh a, hlawkthlak an ti hle a ni.
————
Sport cum meet :
November 24 leh 25 chhung khan Champhai bial PYD te chuan Sport cum meet hlawhtling takin an hmang.
November 24, Inrinni nileng khan Zotlang Field-ah Sport Item chi hrang hrang hmangin intihsiakna an nei a, Inrinni zan, Pathianni Chawhma leh zan khan Champhai Venglai biakin-ah Revival inkhawm in hun an hmang a, Pathianni chawhnu-ah Fellowship-in hun an hmang bawk. Champhai bial PYD Meet cum Sport hi Pathianni zan khan District PYD hruaitute pawhin telpuiin Evan C.Lalchhunga, Vice President chuan inhmelhriattirna leh District PYD hmalakna hrang hrang report a pe a, Rev R.Laltlankima, President in Pathian thuchah a sawi bawk a ni. Tun dinhmunah Champhai bial-ah hian PYD Member 200 vel an awm mek a ni.
———–
Revival Crusade :
December 1, Inrinni zan atang khan Upper Republic bial, Republic Vengthlang-ah Evan H.Lalhlimpuia Speaker-a hmangin Revival Crusade neih mek a ni a, Pathian thlarau thianghlim awmpuina hnuaiah hlim takin hun an hmang a ni. Crusade hun chhung hi bituk awm awm lovin Thlarau lam tulna ang zela kal tura ruahman a ni.
December 2, Pathianni khan Rabung hmunah mithar pakhat Kohhranah sengluh an ni. November 25, Pathianni khan mithar 7 Kohhranah hian sengluh an lo ni tawh bawk a ni.
———
Live Crusade cum Talk show :
Chhiahtlang Joint PYD  leh Ministry of Hope tangkawp te buatsaihin November 23 atanga 25 chhung khan Chhiahtlangah Live Crusade cum Talkshow  neih a ni.
November 23, Zirtawp zan khan Chhiahtlang YMA Library Hall-ah UID, SAKAWLH leh EPHRAIM tih thupui hmangin Live Talk Show neih a ni a, Pastor H.Lalropuia, General PYD President chuan kaihruaiin panel-ah Rev KVL Hmangaihkima, Rev R.Laltlankima, Pastor C. Lalmalsawma leh Pastor K.Vanlalhlimpuia te an thu a ni. Talk Show hi Zonet (Serchhip) leh KL VISION(LPS, Chhiahtlang) te chuan Live in an pe chhuak a. November 24,Inrinni zan atanga Pathianni zan thleng khan Chhiahtlang Hmarveng Biakin-ah Live Crusade a chhunzawm leh nghal a ni a, hetah hian Rev KVL Hmangaihkima chu Speaker-ah hman niin ani hnen atang hian Pathian thuchah ngaihthlak thin a ni. He Live Crusade hi KL Vision Chhiahtlang ten Live in an pe chhuak a ni.
———–
Thianghlimna Campaign :
December 1, Inrinni zan atanga Pathianni zan thleng khan Aizawl East District Thianghlimna Committee hruaitute chuan Chhingchhip bial, Thentlangah Thianghlimna Campaign an nei.
 He hunah hian District Thianghlimna Committee hruaitute chuan thusawina a chhawk an nei thin a ni. Thianghlimna Committee hruaitute hian Pathianni chawhnu khan District-in Thianghlimna hmanga hma alak atanga Zuk leh hmuam nghei thar, Upa Pc.Dengliana chu kawmna hun an hmang nghal bawk a ni. Thianghlimna Campaign neih chhung hian mi pahnih te chuan zuk leh hmuam an lo tih thin chu nghei tumin ruahmanna an siam a ni.
———-
Cancer natna veitetan tanpuina :
Aizawl East District LAD te chuan Conference rorel bawhzuiin District chhunga Cancer natna veite hnenah tanpuina an hlan. Heng tanpuina an hlan te hi mi 22 niin Bialtu Pastor te kaltlangin tanpuina hi hlan an ni a, cheng sangli zanga theuh tanpui nan hian an hlan a ni. Tanpuina an hlante chu:
1. T.Upa Dengrova, Suangpuilawn, Suangpuilawn bial
2. Sis Laldinthari, Khawlian, Khawlian bial
3. Sis Chingngaihluni, Kawlbem, Ngopa bial
4. Sis Hmuakkimi, Salem Veng, Mualpui bial
5. Sis Lalfamkimi, Salem Veng, Mualpui bial
6. Sis Rinpuii, Rabung, Rabung bial
7. Bro Pc.Malsawma, Serchhip Dinthar, Serchhip Dinthar bial
8. Sis Changliani, Armed Veng ‘S’, Bazar bial
9. Sis Lalnunmawii, Chhinga Veng, Bazar bial
10. Sis Hranghnuni, Chhinga Veng, Bazar bial
11. Sis Thangpuii, Zemabawk, Zemabawk bial
12. Bro Lalchhandama, Zemabawk Vengpui, Zemabawk bial
13. Sis Rohlui, Sakawrdai, Sakawrdai bial
14. Sis Lalfakzuali, Thuampui, Thuampui bial
15. Sis Lalsangpuii, Thuampui, Thuampui bial
16. Sis Lalremsiami, Thuampui, Thuampui bial
17. Bro Chindeihthanga, Hnahlan Darnam, Hnahlan bial
18. Sis Lalchawimawii, Thingsul Tlangnuam, Thingsulthliah bial
19. Sis Lalhnahrili, Sesawng Vengthar, Thingsulthliah bial
20. Sis Hranghnuni, Tualpui, Khawzawl bial
21. Bro Remthanga, Tualpui, Khawzawl bial
22. Sis Haitinveli, Khawzawl Vengthar, Khawzawl bial
———-
Aizawl East District Hruaitute Programme:
District Superintendent Rev Rosanga Kawlni, chuan an bial vawn mek Chhingchhip bial-ah hun hmangin December 8, Inrinni khan bial PYD board a telpui a, Pathianni hian Thentlang hmunah rawngbawlna nei lehin ruahmanna ang chuan Thawhtanni-ah Aizawl a let leh ang.
Rev R.Lianzama, District Missions Director chuan Hnahlan bial chhungah Missionary Support zawngin Pathianni zan thleng hian rawngbawlna a nei ang.
———-
Biak in sakna tura tanpuina :
Chhimtuipui District chhunga  Tunhnai kohhran dinna RIASIKA ah Biak In sak anih ngei theihna tur atân Siaha Bial kohhrante chuan hma an la chhunzawm zel a, Dec ni 2, Pathianni khan Siaha bial chhûng local hrang hrangah Biak in sakna tur atân sum tuak hnatlang an thawk a, malsâwmna dawngin hetiang hian sum hmuh ani:-
1. Siahatla  local – Rs 20100
2. Dist Hqtrs local- Rs 40510
3. College veng – Rs 24500.
4. Meisatla -Rs 11650.
5. Council Veng- Rs 4000.
6. College Veng II- Rs. 4050 te  hmuh niin, sum lût zawng zawng hi Rs 104,810/-ani.
———–
Chhimtuipui District Secretary Rev.Joseph.L.Thlauhthang chuan tunkar Pathianni hmang hian VATHUAMPUI bial hmun hrang hrangah rawngbawlna a nei ang.
——–
Rawngbawlin Fehchhuak :
Dec ni 2, Pathianni khan Siaha bial LAD techuan Amobyu Vaithie (Zero) ah bial huap fehchhuak neiin, hun hlimawm tak an hmang.
He fehchhuak na hi Rev.Kholy Hlychho sectional Pastor Siaha chuan hmanpuiin, LAD member thahnem tak an fehchhuak a ni.
———-
Thilpek hlan :
Bro.C.Zatinthanga Tuipang Lal veng chuan  Home Mission field Pangkhua  kohhran te christmast inbuatsaihna atân Rs.2000(ketli te leh no set) leina atân Evan.Biakchhunga Home Missionary hnênah ahlan.
Tin, Upa.Lalfakmawia Tuipang Lal veng te vêkin Pangkhua kohhrante tan hian Ketli lian a leisak bawk ani.
——-
PYD zaipawl intihsiakna :
Siaha Bial PYD chuan Dec ni 6 leh ni 7 chhûng hian Local hrang hrang PYD zaipawl intihsiakna an buatsaih.
He intihsiakna ah musice tel lo leh sound tracks hmanga neih niin Zan khatna ah hian Bei.J.Lalhriatchhunga  leh Sist.C.Zonunmawii ten an kaihruai a, Zan hnihna ah hian Bro.L.Khai U chuan a kaihruaive thung. Report kimchang erawh karleh lamah tihchhuah a ni ang.
———
PG School :
North Mizoram District School  enkawl Pentecostal Gateway Higher Secondary chuan December ni 3 thawhtanni khan Third term session an tan.
Third term session tan hunah hian North Mizoram District Secretary Rev. Chhiarpuia chuan Devotion hun hmanpuiin Pathian thu bakah naupangte fuihna thu a sawi. Devotion hi School Principal Evan. Lalchhuanmawia Sailo chuan kaihruaiin; Second Term Exam naa Pakhatna atanga Pathumna bakah School  kalkim leh Subject hrang hranga mark hmu sang ber te hnenah lawmman a sem nghal bawk a ni.
PG Higher Secondary School-ah hian Class IX atanga Class XII thleng awmin, Parents Contribution hi High School section ah Rs 100 leh Higher Section-ah Rs 200 niin; Result tha tak tak an nei thin, Letter mark hmu thei an awm deuh ziah bakah Mathematics subject-ah Proficiency award hial dawng pawh an awm tawh bawk.
December ni 4 khan Shillong-ah Excurssion neiin naupang thenkhat leh zirtirturte an fehchhuak a, Dec 8 khan an rawn let leh a ni.
———-
Sunday School Hall hlanna :
December ni 2 Pathianni khan Rengdil Bial chhunga awm Sihthiang kohhran Sunday School Hall sak thar chu Rengdil Bialtu Pastor  C.Lalthlengliana’n Pathian hnenah hlanin a hawng.
SS Hall hawnna inkhawmah hian Bial chhung Rengdil, Zamuang leh Sihthiang kohhran atangin kohhran member te an kalkhawm a,  Bialtu Pastor hi rawngbawltu pawimawh tak takin an tawiawm bawk.
Sihthiang khua a hian kumin April ni  23 khan U.P.C.( N.E.I) kohhran din thar niin; kohhran member hi mi 101 an awm mek a, tunah hian Evan H.Lalnunmawia a awm mek a ni.
———
Revival Crusade :
Nov. 20-26 Thawhlehni atanga a karleh thawhtan zan thleng hmang khan Tlangsang Bial chhunga tunhnai maia kohhran ding thar Zomuantlang-ah Bukpui Bialtu Pastor, Pastor R. Thanglura chu District tirhin rawngbawlna neiin Revival Crusade Speaker-ah a tang.
Rawngbawlna neih chhung hian Bial chhung atangin kohhrante an pungkhawm tha a, Mithar Puitling pakhat neiin; Thlarau Thianghlim dawng thar mi 9 an awm. Rawngbawlna neih chhung hian Speaker hnen atangin Bru tawngin Sermon vawi 7 leh Bengali tawngin vawi 1 sawi a ni bawk. (Pic. Zomuantlang Crusade)
———–
Evangelical Night :
North Mizoram District, Headequarters Kohhran, Tuikhuatlang PYD te chuan Dec. ni 3 zan khan evangelical night hmangin; Speaker atan Evan. Lalchhuanmawia Sailo an ruai.
Evangelical Night Inkhawm hi Evangelical Commitee Chairman Evan. H. Lalhmudika’n kaihruaiin;  Evan Lalchhuanmawia sailo hnen atangin Pathian thu  Lal Isua lo kal lehna leh Hun hnuhnung chunchang  thu te ngaihthlak a ni a, Thu zir te Power Point Presentation hmangin fiah taka inhrilhfiahin kalkhawm thalaite’n an hlawkpui hle.
Hemi zan hian fak hla malzai bakah Hqrs. Local Doctrinal department naupang te hnen atangin Pathian fakna hla an sak ngaihthlak a ni bawk.
Evangelical night neihah hian PYD member 90 bawr an kalkhawm a ni.
———-
Friends for Sinner (Male Voice) :
Mamit Bial chhunga Local hrang hranga lawi Friends for Sinner (Male Voice) te chuan November ni 19-20 chhung khan Zomuantlang biak ina hman turin Pulpit leh Lecturn an siam sak a, Pulpit leh Lecture siamna tur hmanrua te mithahnem ngaite thawhkhawm niin; Hemi bakah hian Tlangsang Pastor Quarter Inverter leh TV stand an siamsak bawk. Friend for Sinner member te hi 6 niin  member 4 an fehchhuak a ni.
 Nov. ni 17 leh 18 khan Tlangsang leh Zomuantlang kohhran ah rawngbawlna neiin an kalkual bawk.
———-
Inkhawm kim zan :
Dec. ni 3, Thawhtan  zan khan Chawlhhmun local PYD te chuan inkhawm kim zan neiin;  PYD member 70  inkhawm in hlim takin hun an hmang. He hunah hian Chawlhhmun Bial PYD  secy T. Upa C. Lalchhanhima leh Adviser Evan. R. Lalthlamuana ten thu an sawi.
————-
Revival Crusade :
Chaltlang Bial PYD buatsaih Revival Crusade chu December ni 2 Pathianni atanga a kar leh ni 9 Pathianni zan thleng Chanmari Kohhranah an hmang.
Chaltlang Bial buatsaih Crusade-ah hian Rev. KVL Hmangaihkima chu Speaker-ah hmangin Bial thalaite’n an hlawkpui hle a, Speaker hian Kross Thu tih thupuia  hmangin Crusade neih chhungin Pathian thu chah ropui tak tak a sawi thin a ni. Bial pawn leh District pawn lam atang te pawhin Crusade chhim hi an awm a ni.