KUM 2022 PUITLING SUNDAY SCHOOL ZIRLAI TLANGZARH A NI.
December ni 7 Thawhlehni khan General Headquarters Committee room, Mualpui salem vengah UPC North East India, Kum 2022 Puitling Sunday school zirtur Korinth Lehkhathawn, Rev. R. Laichhingpuia ziak chu Gen. Superintendent Rev. R. Lalrinsanga chuan tlangzarhna a nei a ni.
Zirlai tlangzarh inkhawm hi Rev R Laichhingpuia’n kaihruai in, A bu chhung preview na Evan. Hr. Lalrindika’n a nei bawk.
Korith lehkhathawn hi Kum 1964 kha lehkhathawn pakhatna chu Rev Zakamlova ziak zir alo ni tawh a, Kum 1980 khan Lehkhathawn pakhatna leh pahnihna hi Rev Lerthansunga ziak chu zir alo ni tawh bawk.
Tun tum a Korinth lehkhathawn kan zirtur hi OV Re-edited Bible version hman ni a, a ziaktu Rev. R. Laichhingpuia hian lehkhabu 30 chuang a rawn a ni. Zirlai bung 42 ah then a ni a, Korinth thawnkhat hi Bung 1-26 ah ziah niin; Korinth thawhhnihna hi Bung 27-42 ah dah a ni bawk. A bu pumpui hi phek 326 a ni ang a, thuhmahruai (Roman number adah) nen chuan Phek 338 a ni ang. A bu kawm hmalam ah hian Korith khua dah ani a, a hnunglamah a hunlai Map dah a ni
Puitling zirlai hi tlangzarh anih hnu hian Pentecostal Book Store ah leh District hrang hrang ah lei theih tur a thawndarh a ni a, Bu khat Rs 110 a hralhtur a ruahman a ni.
———-
GENERAL ARCHIVE COMMITTEE:
UPC North East India General Archive Committee buatsaih Mizorama UPC Biak in dinna hmasa ber chungchanga inrawn khawmna – SYMPOSIUM chu December ni 17 Zirtawpni hian General Headquarters Committee room, Mualpui salem vengah neih a ni ang.
Kaihruaitu, General Archivist, Rev. Jh. Za Hluna.
Registration – 10AM – 10:30AM
Hunserh – Rev.K.Satinvela
Keynote Speech – Rev. R.Lalrinsanga, General Superintend
Lungleng-1 leh North Lungleng Kohhran zir chianna Study Paper – Rev.Lalmalsawma Sailo
Speech on behalf of Lungleng -1 Church.
Speech on behalf of North Lungleng Church.
Chawhnu Dar 1:00pm – 3:00pm – General Discussion
Vote of thanks and closing Pryaer – Rev. Zohmingthanzama
———-
GENERAL HRUAITUTE PROGRAMME
General Superintendent Rev. R. Lalrinsanga chuan December ni 4 hian Lawngtlai North Bial ah Rawngbawltu seminar neih puiin hun a hmang ang a, December ni 6 ah Lawngtlai District Board a hmanpui bawk ang.
———-
LIVE CRUSADE
General PYD Kumpuan Committee chuan December ni 10 – 12 2021 chhung hian Live Crusade, Maubawk Biak In, Aizawl ah a nei mek a, Speaker ah Rev. KVL Hmangaihkima hman a ni.
———-
———-
CHHIMTUIPUI DISTRICT
LOCAL CHURCH PUITLING AH HLANG KAI :
December ni 5, 2021 Pathianni khan Riasiakah Kohhran Preaching Station ni thin chu Local Church puitling a hlan kai a ni.
He hun hi District Missions Secretary, Evan. John VT Hniehu chuan kaihruaiin Local Church puitling a puanna District Superintendent Rev.Joseph L.Thlauhthang chuan a nei a, thuchah a sawi nghal bawk a ni. Pastor C.Lalchhuanthanga Siaha Bialtu Pastor chuan mithar chhungkaw 1 member 6 awmna chu UPC North East India Kohhran a lawmluhna neiin, Rev. Dr. C. Sihmo Dist. Missions Director chuan mithar te Isua hmingin sual ngaihdamna baptisma a chantir bawk. Tun dinhmunah Riasiakah Local ah hian chhungkua 11 awmin, member 52 an awm mek a ni .
———-
December ni 5 Pathianni vek hian Siahatla local a lawi turin chhungkaw khat, member 5, awmna chu Local secretary in kohhranah a lawm lut bawk.
———-
PENSIONER IN RAWNGBAWLNA NEI
Rev C.Valy former Superintendent, Chhimtuipui District chuan December ni 04 -05 chhung khan Dist Hqrs local, New Siaha kohhran ah rawngbawlna a nei a, Pathian Thlarauthinghlim awmpuina hnuaiah hlim tak a hun hman a ni.
———-
CRUSADE NEI DAWN
December ni 11-13, 2021 chhung hian Chhimtuipui District Hqrs. Local PYD huaihawt in, Hqrs Local Biak In, New Siaha ah crusade neih a ni ang.
He crusade ah hian Siaha sectional Pastor C. Lalchhuanthanga chu speaker hman a ni dawn a, Bial chhung PYD member leh Kohhran mipui atam thei ang ber hun hman pui tur hian Hqrs. Local PYD chuan a sawm a ni.
———-
———-
———-
LAWNGTLAI WEST DISTRICT
December ni 6 Thawhtan ni khan Lawngtlai West District Superintendent a ruat thar Charge hlanna inkhawm Lawngtlai West District Office ah neih a ni.
Charge hlanna inkhawm hi Evan V.Biakkungan chuan Pathian hnena hlanna a nei a, Dist.Secretary & Treasurer Rev.Lalsawmliana Sailo hnen atangin thusawi ngaihthlak a ni bawk. General Superintendent Rev. R. Lalrinsanga, Lawngtlai West District Superintendent Incharge chuan Lawngtlai West District Superintendent atana ruat thar Rev.F.Lalbiakthuama hnenah charge hi a hlan a ni.
December ni 6 Thawhtanni hian Lawngtlai West District Board neih chhunzawm nghal a ni a, an thurel tlangpuite:
1. Kum 2022 ah Pastoral retreat neih ni se tih niin Resource person atan General superintendent Rev. R. Lalrinsanga hman ni se tih a ni.
2. Sabualtlang School chu kumthar January thla chunga hawn ni se tul leh pawimawh dang chu official lamin lo buaipui mai se an ti a ni.
3. Myanmar raltlan te tanpui nan Rs.20,000pek ni se ti a ni.
4. District Driver tur lak ni se Advertisement siam ni se tih a ni a, kum 2022 March thla Board ah Driver hi lak tura ruahman a ni.
5. District Mission Director leh Sunday School Treasurer Post chu District Superintendent Rev. F. Lalbiakthuama chuan inruat thar hma, March 2022 thleng lo hmui mai se ti a ni.
District Sunday School Treasurer atan Pastor S.Vanlallunghnema chu ruat a ni. Charge in hlan hun atan Dt.7th Dec,2021 chu ruat a ni.
District Hruaitu inruat hun hi tihdanglam deuh a ngaih dawn avangin a siamrem nan kum 2022 hian inruat thar leh mai ni se tih a ni bawk.
6. Kum 2022 District Calendar man atan Rs.20/- ni se tih a ni.
7. Budget estimate thlir ho a ni a, Kum 2022 Budget atan cheng Nuai 121,52,200/- chu passed a ni.
———-
JOINT CONFERENCE HMANG
December ni 03-05 chhung khan Lawngtlai South Section LAD & PYD te chuan Chandmary biakin ah joint conference an hmanga, Rev.Lalsawmliana sailo chuan conference hawnna hi a nei a ni. December ni 4 inrinni khan rorel pawimawh tak² neiin Department pahnih te hian a hrang² ve ve a rorelna an neih zawhah joint in rorelna an neih leh bawk a ni.
Speaker atan Evan Lalhmangaihzama District PYD treasurer Hmawngbu field Home missionary chu an hman a ni bawk.
LAD ROREL TLANGPUI
1.LAD Day hi hman nise Peogramme pawh duang ve in tul leh pawimawh chu bial board a rel mai nise an ti.
2.Bial fehchhuah hi neih ve nise khual khua te kan awm avangin mahni local chhung theuhah fehchhuakin chu thawhlawm tling khawm chu bialah submit nise an ti a ni.
3.Tu leh fate pualin chawnghei tawngtai neih nise a hun leh ni chu OB ten lo ruat mai se an ti bawk.
4.Orphanage puala Sponsorship zawn nise tul ang chu board kutah dah a ni.
5.Conference chhimtu kum 70 chunglam an awm a nih chuan chawimawi ni ve rawhse an ti bawk.
6.Target tlak hmasaber hnenah lawmman pek nise an ti a ni.
7.District Office ah bial hminga fridge dah chu project ah neih nise an ti a ni.
8.Bible ralchhan neih ve nise an ti bawk.
9.Bial huapa Crusade neih nise tul dang chu bial board kutah dah ni mai se an ti.
10.Bible chhiar chhuah ve nise an ti bawk.
11.Conference palai kal tha ber te hnenah lawmman siam ve nise an ti bawk.
PYD ROREL :
1. Joint Conference hun tur chungchang(Official) hi Joint Conference hun hi mumal taka neih ni tawh se tha kan ti a, a hun atan October Chawlhni vawi 2-naah zel hman ni tawh se an ti.
2. Joint Conference thlengtu tanpuina hi bithliah nise(Bial PYD) A bilthliah zat tur chu Joint Board-ah ngaihtuah leh mai nise an ti a ni.
3. Joint Conference hi Thupui neia hman nise (Bial PYD)tul leh pawimawh dang chu Joint Board awm mai se an ti bawk.
4. Joint Conference-ah hian Intihsiaknan Joint zaipawl leh Bible Quiz neih leh nise (Bial PYD) tul leh pawimawh chu Joint Board-ah ngaihtuah nise an ti bawk.
5. Joint-a Bible ralchhan buatsaih nise (Bial PYD) : Bial PYD ten agenda atana dahluh a nih chhante an sawifiah hmasa a, sawiho nghal a ni. Bial LAD ten anmahni bilin Bible ralchhan neih hi an lo pass tawh a, a hranpaa buatsaih lovin LAD ho pass tawh chu Joint-a rin ve mai nise an ti.Bible Ralchhan hi Ezekiela ziak atangin Sist. J. Lalnuntluangi BW in a buatsaih dawn a ni. Tul dang chu Joint Board kutah dah a ni.
———-
RAWNGBAWLTU NI SEMINAR NEI.
December ni 3 zirtawpni khan Lawngtlai North Section, Diltlang South Section, Bungtlang South Section leh Chawngte(P) Section te chuan Rawngbawltu ni Seminar an hmang.
He rawngbawltu ni seminar ah hian Resource person neiin seminar hi hlawk taka hman a ni.
CHAWNGTE(P) Resource person:
1.Pastor T.Ngurchhuana, Topic :- Rawngbawltu mawhphurna
LAWNGTLAI NORTH SECTION Resource personte:
1.Rev.R.Lalrinsanga Gen.Supdt. Topic :- Rawngbawltu chu.
2.Rev.F.Lalbiakthuama Dist.Misions Director, Topic :- Upa te leh Rawngbawltu te mawh phurhna
DILTLANG SOUTH SECRION Rawngbawltu Ni Seminar Resource Personte:
1.T/upa Lalramhmudika, Topic :- Leadership
2 .Bro.Israel Thara, Topic :- Public Speaking
3.T/upa Joel Lalhnehzova, Topic :- Rawngbawltu te leh thianghlimna
———-
BUNGTLANG SOUTH BIAL
December ni 4-5.chhung khan Bungtlang South Bial ten Sabualtlang Local-ah rawngbawlna an nei a, Inrinni zanah Rawngbawltu Ni hman a ni bawk.
Resource person ah Pastor K Lalzawmsanga niin Topic atan Rawngbawltu
pawimawhna tih hmangin zirtirna a nei.
Sunday zing inkhawmah mithar Chhungkaw thum(3) member sawmpali(14) awmna chu Kohhranah lawmluh niin, mi-29 in Isua hmingin Baptisma an chang bawk a ni.
———-
December ni 5 Pathianni tlai khah Ngengpuikaiah mithar chhungkaw 1 Kohhranah lawmluh an ni a, Tirhkoh Evan C.Lalhmangaihan member pathum(3) Lalpa Isua hmingin baptisma a chantir bawk.
Pastor R.Lalhriatpuia bialtu pastor chuan Member panga(5) UPC North east india Kohhranah lawmluhna neiin Lalpa zanriah sakrament leh kesil rawngbawlna a nei bawk.
DISTRICT HRUAITUTE PROGRAMME
Dist.Superintendent, Rev. F. Lalbiakthuama chu Lawngtlai West Distric chhunga Pastor bialte tlawh chhuak turin a zin chhuak ang.
Dist. Secretary & Treasurer, Rev.Lalsawmliana Sailo chuan alawina Tualchhung kohhranah rawngbawlna a nei ang.
———-
———-
LUNGLEI DISTRICT
CHHIPPHIR BIAL PYD TEN THISEN UNIT 51 AN PE :
December ni 3 Zirtawpni khan Chhipphir Bial PYD (NEI)-te chuan Lunglei Civil Hospital tan thisen unit 51 an pe.
Chhipphir bial PYD (NEI)-te hian Lunglei District PYD Conference in Blood Donation neih nise tia a lo rel bawhzui nan Chhipphir Local UPC Sunday School Hall-ah thisen hi an pe a, hunserh tawi an hman naah bial PYD Secretary Rbt.R.Lalrinzualan hun a kaihruai a, bialtu Pastor Rev.LH.Lalchhandama chuan hunserh hmangin Dr. Rotinhen Lalhruaizeli Ralte Medical Officer chuan thusawina a nei bawk.
Chhipphir bial PYD (NEI) thisen pek hi Lunglei Civil Hospital Blood Bank-a thawktu ten an kal chilh a, Thisen unit 51 petu te hi mipa 43 leh hmeichhia 8 an ni. Chhipphir bial PYD (NEI) te hian nikum khan Civil Hospital Blood Bank tan hian Thisen Unit 64 an lo pe tawh bawk.
———-
MI THAR
Dec.ni 5 Pathianni khan Zehtet Home Missionary Evan. C. Lalrinzuala chuan Mautlang Local-a lawi turin mi thar 2 (Pahnih) mipa 1 leh hmeichhia 1 Isua hming in kohhran ah a lawm lut a, mual inkhawm neih nghal a ni.
December ni 5 Pathianni vek khan Ṭawipui bial, Ṭawipui N-II Local-a lawi turin member thar pakhat bialtu Pastor Rev.H.Rothuam chuan a lawm lut bawk.
———-
———-
NORTH MIZORAM DISTRICT
North Mizoram District PYD Conference / Dimond Jubilee hmang:
Pentecostal Youth Department NMD Conference Vawi 54na chu Vairengte Multipurpose Hall ah December ni 3-5 2021 chhung khan neih a ni.
Kum 2021 hi NMD PYD te kum 60 tlinna kum Diamond Jubilee kum a ni a, Jubilee Lawmna hi March ni 3 2021 khan Hqrs. Biak in Tuikhuahtlangah bul ṭan tawh niin. Vairengte ah hian khar a ni ta a ni.
Dist.PYD Conference ah hian Speaker atan Rev. Lalchuailova, Former Dist.PYD OB, Rev. Chhiarpuia Dist.secretary, Rev. Laltluanga Dist.supt. leh Evan. Jeno Vanlalruata President te chu hman an ni.
December ni 4 inrinni khan Dist. PYD President, Evan. Jeno Vanlalruata kaihhruaiin conference Rorel neih a ni a. Tlai lamah Dist.Board neih a ni bawk.
Dist.conf.leh dist. Board Rorel tlangpuite:
– kum 2023 Conf.chu Bairabi Bialah nghah a ni.
– Kum 2022 chhung hian thla 1 chhung daih tur Gospel Camping nei tura pass ani a. A hun atan Sept, 2022 chu tinzawn ani
– PYD zan 1 inkhawm thawhlawm hi Dist. Camping Centre (Saikawrtuichhun) puala pek turin pass a ni.
– PYD zan 1 inkhawm tawngtai thupui atan Ruihhlo ngaite pual in hun hman tum a ni bawk
– Dist PYD Khawmpui tanpuina tihsan a ni a. ₹1,50,000 atangin ₹2,00,000 ah tih san a ni
– Kum 2022 Budget estimate atan 16,10,800 chu pawm a ni.
– Kawrthah rawngbawlna kumtin a en nawn ṭhin chu Kum 3 dana ennawn ani tawh tura passed a ni.
– Conf-ah hian AED PYD OB ten an telpui a ni.
Dist.PYD conf. Ah hian Diamond Jubilee Dar Vuak a ni a, Diamond Jubilee Souvenir Adamas tih chu Rev. C. Lalramthanga Former President chuan a tlangzarah a. Jubilee Hla music Video Nang malsawmna ni ang che tih Chu tlangzarh bawk, tin hruaitu hlui zawng zawngte chawimawina thilpek hlan an ni. Dist.PYD conf.hi thlarau malsawmna Nasa tak nen hun hman a ni.
Conference chhung hian General PYD Choir leh North Mizoram Dist.PYD Choir te bakah Mimal zai thiam tak takten zaia rawngbawlna an nei a ni. Conf ah hian Bialtu Pastor ṭhahnem tak leh Dept.OB ten an telpui theih bak ah Aizawl East District PYD OB ten an telpui thei bawk a ni.
———-
NORTH MIZORAM DISTRICT BOARD
December ni 7-9 chhung khan North Mizoram District Board Headquarters Biak In tuikhuahtlangah neih a ni a,an rorel tlangpuite:
1.Tripura Dist Building sak tanpuina Rs 200000 pek a ni.
2.Lailapur leh silchar inkarah leh Jowai tlangdunga missionary dah tur a rel a ni.
3. Reiek Pastor quarters sakna sanction pek ni se tih a nih bakah, Biak in hmun lei sak tur a pass te: Zotlang. Rengtekawn. Lawipu te an ni.
4. Assam mission field milita Biak in work camp a sak tur a tih a ni bawk.
———-
Mission Field fang:
Dec ni 7 thawhlehni atanga ni 9 Ningani chhung khan North Mizoram District Missions Treasurer Evan MS Dawngliana chuan District Home Missions Field puala District LAD Deptt thilpek an pek te leh Chaltlang Bial LAD tena Krismass thawmhnaw an pek te Missionary te kutah an hlan.
Field tlawh thawhkhatnaah hian Dist. Treasurer hian Rajtali Missions Field te, Vawngawnzo Mission Field te, Damdiai Missions Field te, Kolalian Missions Field leh TUmpanglui Home Missions Field te tlawhin Field dinhmun tlangpui a hmunah enpuiin Krismas present leh thilpek dang te District aiawhin a pe bawk. (NMD Field Visit)
———-
Vawngawnzo Mission Field-ah mithar:
Nov ni 28 Pathianni Khan Vawngawnzo Home Missions Field, N.Mizoram District ah Missionary Evan RS Lalnunmawian Presbyterian atangin Member duhawm tak pakhat a lawmlut. Kohhranhote an lawm hle, vawngawnzoah hian member 140 bawr awm mekin; Ram pawh a inhawng chho mek zel a ni. (Vawngawnzo mithar)
———-
———-
AIZAWL EAST DISTRICT
District Board:
Aizawl East District hnuaia rorelna sang, kumtawp District Board chu tluang takin District Committee room-ah zawh fel a ni. District Board hi December 7, Thawhlehni khan neih tan niin Rev Biaksangzuala, District Superintendent chuan a kaihruai a ni. District Board-ah hian Bial atang leh Official atanga agenda lutte an ngaihtuah a, he thu buatsaih lai hian an thu passed kan hre hman lo a ni. Aizawl East District Board-ah hian CBC-a kal tur bakah Pastor lak thar turte interview an nei nghal bawk a ni.
District Evangelist lak an ni:
December 1, Nilaini khan District Missions Department te chuan Kum 2022 atan District Evangelist thar an la. He hun hi Interview kaltlanga neih niin District Committee-ah neih a ni a, diltu engemawzat zingah mi 11 te lak thar an ni. Chungte chu :-
1. Evan F. Vanlalruata – Sailulak
2. Evan H. Lalhmingmawia – Armed Veng
3. Evan H Lalrinfela – Bethlehem
4. Evan HK Lalhmangaiha – Zemabawk
5. Evan K. Vanlaldika – Zemabawk
6. Evan Lalrosanga – Serchhip Darnam
7. Evan Philip VL Hmuchhuaka – Bethlehem
8. Evan R Lallawmzuala – N. Vanlaiphai, Rawlkhang
9. Evan TC kapzathanga – Hnahlan, Ramthar Veng
10.Evan Vanlalchhawrzela – Khawlailung Bunghmun
11.Sis. Sangkhumi B/W – Ramhlun Vengthar
Heng District Evangelist atana lak tharte puala ni hnih awh tur Training chu December .2, Ningani khan District Committee room-ah neih nghal a ni a, ni khatna hi Rev KVL Hmangaihkima, Director chuan kaihruaiin hunserh Evan C.Lalchhuanga’n a hmang a ni. Chawhma lamah Evan.Lalramzauva leh Rev VL.Hnemtluanga te paper buatsaih zirhona neih niin Chawhnu lamah Rev.KVL.Hmangaihkima leh Rev.Vanlalfela Ramtiam te paper zirhona an neih leh bawk. Ni hnihna, Dec.3 khan neih leh niin Evan C.Lalchhuanga’n a kaihruaia, chawhma-ah Rev VL Hnemtluanga leh Rev KVL Hmangaihkima ten zirtirna an pe a, chawhnu-ah Rev KVL Hmangaihkima leh Rev Biaksangzuala ten zirtirna an pe leh bawk a ni. He hunah hian sawihona hun tha tak neih niin hlawktakin hun an hmang a ni.
———-
No Tobacco week:
Aizawl East District Thianghlimna Committee in ruahmanna a siam angin District chhungah December 6 atanga 12 chhung hian “No Tobacco Week” hman a ni. District Thianghlimna Committee Chairman, Rev C.Lalengliana chuan Tualchhung Kohhran tinah thuchah siamin -Kohhran hoten Lal Isua lo kal lehna, kan hmuahna tura pawimawh em em chu Thianghlimna hi a ni a, Pathianin amah ringtute chu bawlhhlawh ata chhuak a, a tana tih thianghlim ni tur leh, thianghlimna kawnga thanglian zel tur kan ni tiin chu chu Krista nena kan inlaichinna pawimawh tak pawh a ni. Pathian thianghlim a nih avangin amah ringtute chu a thianghlimna tawmpui turin min sawm a ni.
No Tobacco Week denchhen hian Rev C.Lalengliana, District Thianghlimna Committee Chairman chuan Thuchah a siam bakah LPS leh Zonet-a Pennet Programme-ah Thawhtanni atanga Zirtawpni thleng khan Zuk leh hmuam that loh zia inzirtirna chhuah a ni bawk.
No Tobacco week hawnna hi District chhunga Tualchhung hrang hrangte chuan December 5, Pathianni khan an hmang hlawm a, thuchah chhiarchhuahna te an nei hlawm bawk a ni.
Khawhai Kohhrante chuan Pathianni zan khan No Tobacco week hawnna an nei a, Upa K Lalremchhungah inkhawm kaihruaiin thuchah chhiarchhuahna an nei a, Evan Rohminglianan week hawnna a nei bawk a ni. Bethlehem Kohhranah pawh Pathianni zan khan Upa Lalfelkima chuan week hawnna a nei bawk. Mualpui Bial Tualchhung Kohhran te pawhin week hawnna hi nei hlawmin Mualpui Kohhranah chuan Bialtu Pastor Rev H Lalropuia chuan rawngbawlna neiin week hawnna a nei nghal a ni.
———-
District Board:
Aizawl East District LAD Kumtawp Board chu karleh December 15, Nilaini hian District Committee room-ah neih a ni dawn. He hun hi Sis Zionparmawii B/W, President chuan a kaihruai anga Bial atang leh Official atanga agenda lutte an ngaihtuah dawn bakah Kum 2022 District Budget an ngaihtuah bawk ang.
Charge inhlanna leh thlahna nei dawn:
Rev Biaksangzuala, District Superintendent chu General Missions Director-a a kal dawn tak avangin Aizawl East District Office staff welfare kaihhruaina hnuaiah December 14, Thawhlehni hian District Office-ah thlahna hun hman a ni dawn a, District Kohhranpui leh Department pawhin thlah hun hi an hmang ve nghal dawn a ni.
Rev Biaksangzuala hian Executive Board in District Superintendent tura a ruat, Rev Vanlalfela Ramtiam hnenah December 15, Nilaini hian Charge a hlan nghal anga, hemi ni vek hian Rev Biaksangzuala hian General Missions Director mawhphurhna ala nghal dawn bawk a ni.
———-
Mithar leh baptisma chang thar:
Zembawk Bial, Airfield Kohhranah Bial LAD ten Seminar an buatsaihah Bialtu Pastor, Rev R Laltlankima chuan rawngbawlna a nei a, mi 6 in Baptisma changin heng zing a mi pathum hi mithar an ni.
Khawruhlian bial-ah pawh Bialtu Pastor Hmingchungnunga chuan Thuthlung rawngbawlna a nei a, mi pakhatin sual ngaihdamna Baptisma a chang bawk.
Thingsulthliah bial, CTI Kohhranah December 6, Thawhtanni khan Baptisma khur hawn niin Evan Rualthankhuma kutah mi pakhatin sual ngaihdamna baptisma a chang.
———-
Revival Crusade:
December 3 atanga 5 chhung khan Bethlehem bial PYD buatsaihin Bethlehem Kohhranah Revival Crusade hlawhtling taka hman a ni. He hunah hian Speaker-ah Evan H.Malsawmthanga chu hman niin Pathian thlarau thianghlim awmpuina hnuaiah hlim takin hun an hmang a ni.
E.Lungdar Bial, Leng Kohhranah pawh November 27 atang khan Bro K Vanlalhlimawma leh a thian te chuan Crusade an nei a, inkhawm loh zanah Home crusade an nei thin a, kum tam tak inkhawmna chang hre tawh lo te pawhin Biak In an pan mek zel a ni.Crusade-ah hian Sis Tharteii of Hnahlan chuan zaia rawngbawlna a nei thin a ni.
———-
Hruaitute Programme:
Rev Biaksangzuala, District Superintendent chuan December 12, Pathianni hian Bethel Biakin, Champhai Bethel Bial Biakin thar hawnna neiin rawngbawlna a nei ang.
Rev Vanlalfela Ramtiam, District Secretary chuan December 12, Pathianni hian Bawngkawn Bial Pastor Quarters sak thar chu hawnna a nei ang.
Rev VL Hnemtluanga, Dist Treasurer chuan Ngentiang hmunah hun hmangin Biakin hmalakna kal mek a enpui nghal ang
Rev KVL Hmangaihkima, District Missions Director chuan December 10, Zirtawp zan atanga Pathianni zan thlenga General PYD Kumpuan Committee in Maubawk Biakin-a Live Crusade an hman mekah Speaker-ah tangin rawngbawlna a nei a ni.
Facebook