——
General PYD Board :
Dec ni 7, Thawhtan tlai khan General PYD Board neih a ni.
Board meeting hian kum 2021 General PYD Budget tur ngaihtuahin Rs. 14,39,500 a ruahman a, Calvary Bible College a zirlai khum 46 a thara thlak sak nise tiin a pass. Mizoram chhunga District 5 ten hetiangin khum thar hi an tum ang :
Aizawl East Dist khum 15
North Mizoram Dist Khum 15
Lunglei Dist in khum 10
Chhimtuipui District in khum 3
Lawngtlai West District in khum 3 te an tum dawn a ni.
General PYD Conference in Kumpuan atana a lo pass tawh “Thuthlung puan uar” hawnna neih dan tur ngaihtuahin, Dec ni 12, Inrinni chawhma dar 11:00ah General Hqrs Comtt room ah buatsaih nise tiin a pass a, General Suptd Rev. Lalmalsawma Sailo hawng turin an ruat bawk.
Heng bakah hian Kum 2022 atangin PYD membershipfee hmun thuma thena hmun hnih chu Seaves for Christ Account ah dah luh thin turin an pass bawk. General PYD hian kum tin Missionary 10 a chawm thin a, hemi bakah hian tanpui ngai an awmin a tul angin a luangchhuak thin bawk.
General PYD Board hi General PYD President Rev. H. Lalropuia’n a kaihruai a, General official 3 Rev. Lalmalsawma Sailo, Rev. R. Lalrinsanga leh Rev. Zohmingthanzama ten an telpui bawk.
———
Crusade buatsaih dawn :
Nov ni 24, PenNet meeting in a lo pass tawh angin Dec ni 19 leh ni 20 chhung hian LPS Vision leh Zonet cable Tv kal tlangin Crusade buatsaih a ni dawn ta.
He programme thupuiah hian “Mi tin ta tur Chanchin Tha” tih thupuiah hmangin Pathian thuchah puanchhuahna neih a ni dawn a, Evan. Lalchhuanmawia Sailo, Rev. V.L Hnemtluanga leh Rev. Lalmalsawma Sailo te speaker tura ruat an ni a, Evan. H. Lalrinawma, Bro. Lalthansanga colney, Bro. Lalruatdika Fanai, Sis. Ramtharzuali, Sis. Sis. Laltleipuii, Sis. Laldinpari leh Sis. Lalhlupuii ten zaia rawngbawlna an nei thin bawk ang.
Inrinni zanah dar 8:00 ah programme tan tur niin, Pathianni ah chawhma dar 10:OO, Pathianni zan dar 7:00 ah te programme hi tan tura ruahman a ni. Kohhran mi a tam thei ang berin he programme hi lo chhim turin PenNet chuan min ngen a ni.
LPS ah – LPS 1
Zonet ah – Bawhbel
(PIC: )
———
District hrang hrang rawngbawlna chanchin :
Aizawl East District :
December 8 atanga 10 chhung khan Aizawl East District Board vawi 124-na District Committee room-ah neih neih a ni.
District Board hi Rev Biaksangzuala, District Superintendent chuan a kaihruai a ni. He hunah hian Bial atang leh Official atanga agenda lut engemaw zat an ngaihtuah a, he thu buatsaih lai hian an thu pass kan hre hman lova, karleh-ah tihchhuah tum a ni ang. District Board-ah hian Board member an telkim thei a ni.
——-
District Sunday School Board :
December 4, Zirtawpni khan District Committee room-ah Aizawl East District Sunday School Department Board vawi 36-na tluang taka neih zawh a ni.
He hun hi Rev HL Thakunga, Director chuan a kaihruai a ni. Aizawl East District Sunday School Board hi District Kohhranpui hruaitute bakah Rev R.Laichhingpuia, General S.S Director chuan telpuiin General Sunday School Department hmalakna hrang hrang report sawiin tawngtaina a hmang nghal a ni. Bial atang leh Official atanga agenda lut engemaw zat awmin chung zinga an thu passed langsar zualte:
1. Hri leng avanga inkhawm theih a nih loh avangin Sunday School Thawhlawm khawn dan tur ngaihtuah niin thawhlawm hi lakkhawm ngei tha tih a ni a, Bial-in emaw, Localin emaw tha tura an hriat angin hma lo la se tih a ni.
2. District Kohhranpui hian District Sunday School-ah Kum 2021 atang hian naupang Sunday School Hall sakna turin Rs 500,000/- dah ve ni se tih chu Districtpui-ah thlen tura tih a ni.
3. Puitling leh Naupang Sunday School zirtirna hi Social Media lamah tichhuak turin General Sunday School-ah thlen ni se tih a ni.
4. Sunday School Exam Question leh Answer Key chu ennawn turin General S.S-ah thlen tura tih a ni.
Aizawl East District Sunday School Board hian Kum 2021 budget atan nuai sawm pakhat sing thum sangli leh zanga an pawm bawk a ni.
——
District LAD :
December 3, Ningani khan District LAD Executive meeting neih a ni a. Sis. Zionparmawii B/W, District LAD President chuan a kaihruai a ni. He hunah hian thu pawimawh tak tak ngaihtuah niin an thu passed langsar zualte:
1. Kum 2020 chhunga Cancer vei pual thawhlawm lut atangin Cancer vei damlo report dawn mi 21 te hnenah tanpuina hlan ni se tih niin mi pakhatah Rs 7000/- theuh a hlan ni se tih a ni.
2. Kum 2020 LAD Day thawhlawm District in a chan, Biakin sa lai, Kohhran harsa zual tanpuinan hman ni se tia District Conference rorel in alo passed tawh angin heng Kohhran te hnenah hian Biakin sak tanpuina pek ni se tih a ni.
a) Tualbung, Saitual bial
b) Teikhang, Ngopa Bial
c) Keitum, Serchhip Dinthar Bial
d) Dinthar, Champhai Bial
e) Vanbawng, Suangpuilawn Bial
f) Serzawl, Darlawn Bial
3. Kum 2021 General LAD Conference Serchhip biala thlen tur pualin Kum 2021 membership fee khawn rualin member tinah Rs 20/- aia tlem lo khawn leh ni se tih niin Conference thlengtu tanpuina atan Serchhip Bial te hnenah Pandal zarin Rs 200,000 leh Biakin zarzawmin Rs 150,000 pek ni se tih a ni.
4. Kum 2020 District LAD Conference-in HIV darh zau zel tur laka kan him theih nan hmalak ni se, guideline pawh District OB ten lo ruahman se tia alo passed tawh angin heng mite hian ruahmanna lo siam se tih a ni. Sis. R Lalramsiami B/W, Asst. Secretary, District LAD, Rev H.Lalropuia, Mualpui Bialtu Pastor leh Bro Johny Lalthafamkima, District Hqrs. Kohhran.
Guideline hi Kum 2021 Bial LAD Inkhawmpui hmaa chhiar theih tura tih niin Local LAD ten Kohhran mipui tam ber laiin Biakin-ah chhiar chhuah tura hmalak ni se tih a nih bakah Naupang Sunday School-ah chhiar chhuah thin ni se tih a ni bawk.
District LAD Executive meeting hian General Missions Field-a Krismas present atan General Missions Department-ah Rs 5000 pek ni se an ti bawk a ni.
——–
No Tobacco Week :
Aizawl East District Thianghlimna Committee in ruahmanna a siam angin District chhungah December 7 atanga 13 chhung hian “No Tobacco Week” hman a ni. District Thianghlimna Committee-in Circular a chhuah angin hri leng avangin Kohhran ten inkhawm programme siam theih ni lo mahse Tualchhung Kohhran tinte chu a hlawk thei ang bera hmang turin remruat mai ni se a ti a, week chhunin Kohhran hote chu zuk leh hmuam a inthiar fihlim a, la nghei theilo te pawh nghei tura ruhmanna siam turin ngenna a chhuah bawk a ni.
No Tobacco Week denchhen hian Rev C.Lalengliana, District Thianghlimna Committee Chairman chuan Thuchah a siam bakah LPS leh Zonet-a Pennet Programme-ah Thawhtanni atanga Zirtawpni thleng khan Zuk leh hmuam that loh zia inzirtirna chhuah a ni bawk.
——–
Media Ministry :
Aizawl East District PYD hnuaia Media Ministry rawngbawlna chu Zoom kaltlangin neih chhoh mek zel niin December 6, Pathianni zan Dar 7 khan “Thuthlung hlui thlirna atanga Isua Krista nihna” tih thupui hmangin Zawhna leh chhanna hun hman a ni.
He hun hi Evan H.Lalhlimpuia, Chairman, Media Ministry chuan kaihruaiin Pastor C.Mangthangvunga, Lecturer CBC chu Presenter-ah hman a ni. He hun hman hi hmun hrang hrang atangin PYD member te chuan chhim-in a chhim tute hian hlawkthlak an ti hle a, chhimtu tan lai berin mi 79 an awm a ni. Pastor C.Mangthangvunga hnen atang hian Thuthlung hlui thlirna atanga Isua Krista nihna hrang hrangte ngaihthlak a nih hnuah zawhna awm ang angte chhanna hun a hmang nghal bawk a ni.
Aizawl East District PYD Media Ministry hi November 29, Pathianni zan khan khuhhawnna, Rev C.Lalmalsawma, District PYD President ch uan lo nei tawhin tunah hian chak taka hma lak chho mek zel a ni. Social Media kaltlanga hmanrua hman theih ang ang hmangin rawngbawlna kalpui tum niin Flyer te siamin Whatsapp Status-a hman theih tur Pathian thu tha tak takte siam chhoh reng a ni bawk.
——–
Baptisma chang thar :
December 6, Pathianni khan Thuampui Bial, Thuampui Kohhranah Bialtu Pastor Rev KVL Hmangaihkima kutah mi 4 in sual ngaihdamna baptisma an chang a, an zinga pahnih hi Kohhrana sengluh tharte niin pahnih hi Kohhran mi ni sa te an ni. Rev KVL Hmangaihkima hian nau 2 hlanna a nei bawk a ni.
Upper Republic Bial, Upper Republic Kohhranah pawh December 6, Pathianni vek khan Bialtu Pastor, Rev C.Lalengliana kutah mi 4 in sual ngaihdamna baptisma an chang bawk.
———–
Hruaitute Prog :
Rev Biaksangzuala, District Superintendent chuan Pathianni hian Bethlehem Bial, Hermon Venghlui Biakin sak thar hawnna a nei ang.
——–
Lunglei District :
Dec.8-9 chhung khan Lunglei District Board vawi 201-na District UPC Conference Hall-ah Superintendent Rev.C.Vanlalena kaihhruainain neih a ni a, an rorel tlangpuite:
1. T. Biaklala s/o Ramfangzauva of Farm Veng in General Licence a dilna chu recommend nise tha tih a ni.
2. Driver Samson. Lalramdina chu kum khat chhung atan rawih chhunzawm leh nise tha tih a ni.
3. Rungchang Local (Chakpikarong) Chandel District biakin sak tanpuinan Lunglei District hmingin Rs. 1,00,000/- (Nuaikhat) a pek nise tha tih a ni.
4. General field Dakuakhana biakin hmun tur ram lei nan Rs. 2,50,000 pek nise.
5. He board hian khawvel hlimhlawp thil, kohhrana lak luh loh turte a ruahman bawk.
6. Kumin (2020) Kristmas kan hman theih dawn loh a vangin Pen Net kaltlanga Live program Tv ah leh Youtube kal tlang a neih buatsaih nise.
7. hetiang hian kum 2021-2022 hruaitu turte ruat thar leh an ni :-
1. Missions Department:
a) Director : Rev R. Vanlalenga
b) Secretary: Evan. V Lalduhawma, Rahsiveng
c) Treasurer: Evan Remruatpuia Fanai, Farm veng
2. Sunday School Department:
a) Director : Evan F. Lalhmangaiha, Farm veng
b) Secretary: Evan Pc Zosangliana, Venghlun
c) Treasurer: Evan R.Ropianga, Headquarters
3. Pentecostal Youth Department:
a) President: Evan C. Lalremchhunga, Venglai
b) Vice Pre: Evan Lalrinmawia, Rahsiveng
c) Secretary: Evan Laldinpuia Sailo, Rahsiveng
d) Asst secy: Upa C. Malsawmkima, Headquarters
e) Treasurer: Evan Lalringzuala Pachuau, Pukpui
f) Finance: Bro K. Lalrintluanga, Luangmual
4. Ladies Auxiliary Department:
a) President: Sist Lalramlawmi Sailo B.W., Ramthar
b) Vice Pre: Sist C. Vanlalzamveli B.W., Kikawn
c) Secretary: Sist R. Lalramchhani Rahsiveng
d) Asst Secy: Sist C. Lalremsiami, Theiriat.
e) Treasurer: Sist Lalramkungi Pachuau, Venglai
5. Pentecostal Children Department:
a) President: Bro C. Ramluahpuia, Electric, Lunglei
b) Secretary: Bro Jakob Ramengmawia, Rahsiveng
c) Treasurer: Bro PC Vanlaltluanga, Pukpui
6. Literature Committee:
a) Chairman : Rev Ralkapkunga Khiangte, Venglai
b) Secretary: Bro. P Samson Vanlalfela, Pukpui
c) Treasurer: Evan M.S Dawngliana Hnamte, Ramthar AOC
7. Building And Properties Committee:
a) Chairman : Upa T.H Lalropuia, Mualcheng S
b) Secretary: Upa Lallawmawma, College veng
c) Treasurer: District Treasurer
8. CEC School Board
a) Chairman : Dist Superintendent
b) Secretary/Treasurer CEC Principal
c) Ex-Officio Member District Treasurer
d) Ex-Officio Member District Secretary
e) Member 5 ruatbelh te.
1. Upa C. Lalhmangaiha, Venghlun
2. Evan C. Lalremchhunga, Venglai
3. Dist Missions Director
4. Rev K. Lalchhuansanga
5. Rev C. Lalhriatpuia
9. Offset Press:
a) Chairman : Dist Secretary
b) Secretary: Press Manager
c) Treasurer: District treasurer
d) Ex-Officio : District Suptd
e) Rev C Hmingthanfala
f) Rev Lalbiakdika Chawhte.
10. Pen Net Board
a) Chairman : Rev Pc. Lalfakawma
b) Secretary: Bro K. Lalrintluanga
c) Treasurer:\ Sist R. Khawngaihzuali
d) Ex – Officio Member Dist Superintendent
Dist Treasurer
Evan Remruatpuia Fanai
11. Thianghlimna Committee :
a) Chairman : Rev C. Lalhriatpuia
b) Secretary: Evan T. Lalzawmsanga, College veng
c) Treasurer: Sist Lalramlawmi BW.,Ramthar
d) Dist Official Ex-Official
12. C.E.C Vice Principal : Bro C. Lalrosanga, Pukpui
13. District Evangelist;
a) Evan F. Lalsanglura, Khawhri
b) Evan Simona Hmar, Sertlangpui
c) Evan Lalringzuala Pachuau, Pukpui
14. Pentecostal Bible School (PBS) Board
a) Principal: District Superintendent
b) Secretary: District Secretary
c) Trasurer: District Trasurer
Zirtirtu ruat erawh chu Pentecost Bible School board in lo ruat se tih a ni.
15. Pentecostal Social Ministry (PSM)
a) Chairman: Rev C. Lalrintluanga.
b) Secretary: Upa C. Lalhmangaiha, Venghlun
c) Trasurer: Rev R. Vanlalenga
d) Ex Officio : Dist Official
e) Comt Member: Member te chu OB ten lo ruat mai se tih a ni.
16. District Music Committee
Chairman: Rev Pc Nghakliana
Secretary: Evan R. Lalnunthara, College veng
Treasurer; Rev C. Lalrintluanga
8. Nakum 2021 Budget atan Rs.604,32,000 an pawm bawk.
——-
District Missions :
Dec.ni 6 Pathianni khan Lunglei District Missions Conference vawi 46-na rorel inkhawm chu Venglai Biak inah Director Rev.R.Vanlalenga kaihhruainain tluang takin neih a ni.
He Conference hian kum 2021 – 2022 atan Home Missions Field pasarih (7) hawn leh ni se an ti a, kum 2022 District Missions Conference nan Pukpui an ruat bawk.
Report bu a alan danin Lunglei District Missions Department hnuaiah hian Missions Field pasarih awm mekin heng Missions field-te hi Home Missionary ten an thutchilh a, report hun chhung hian mi thar 46 sengluh a ni.
Rorel inkhawm neih chhung hian Home Missionary-te hnenah Lunglei District L.A.D., Headquarters bial L.A.D., Rahsiveng bial L.A.D., Pukpui bial L.A.D. te bakah a dawltu Venglai Local L.A.D. ten thilpek an hlan a ni.
——-
District Missions Board :
Dec.ni 7 thawhtanni khan Lunglei District Missions Department Board chu Conference Hall-ah Director Rev.R.Vanlalenga kaihhruainain neih a ni a, an rorel pawimawh zualte:
1. Home Missionary thar pasarih lak a ni a, hetiang hian an awmna tur hmun nen ruahman a ni.
i. Evan.R.Lalrokhawma – Bualpui V Field
ii. Evan.Lalhriatmawia – Thiltlang Field
iii. Evan. Rohlupuia Thahlun – Laisawral field
iv. Evan.K.Lalhlupuia – Chengpui Field
v. Bro.Lalrinzuala – Zehtet Field
vi. Evan.R.Lalthlamuana – Vaisam Field
vii. Evan.T.Biaklala – Putlungasih Field
Home Missionary lak tharte hi Induction Service neihpui nise, a hun chu District hruaitute kutah dah a ni.
2. 2021-2022 Missions Department Driver atan Bro.Joseph Hmingdailova, Rahsiveng chu lak a ni.
3. Thangpuiah kohhran din tura hmalak nise, District hruaitute leh Luangmual bial OB (Missions Department) ten kum tharah ruahmana siamin bawhzui se.
4.Bunghmun bialin Crusade fund an dil angin pek tha tih a ni a, tin, kum 2021 atang chuan Crusade fund Rs 10000 in pek tawh nise tha tih a ni.
5. Kum 2021 Budget atan Rs.81,640,00 ruahman a ni.
——-
Thisen pe :
Dec ni 5, Inrinni khan Pukpui Bial PYD-te chuan Pukpui Local Sunday School Hall ah District PYD Conference rorel bawhzuiin a mamawh apiangte hman turin Blood Donation Civil Hospital tan thisen an pe.
Thisen pek hma hian function tawi hman niin Rbt. P. Samson Vanlalfela Section PYD President in hun a kaihruai a, Bialtu Pastor Rev. PC. Nghakliana chuan hunserh hmangin, Civil Hospital Blood Bank a thawktu te hnen aṭangin thusawi ngaihthlak a ni bawk.
Thisen hi Unit 51 pek niin Mipa 39 leh hmeichhia 12 in thisen hi an pe a ni.(Pic.Thisen pe)
——-
District PYD :
December ni 4 zirtawpni khan Lunglei District PYD Board chu President Evan.V.Lalduhawma kaihhruainain District UPC Conference Hall-ah neih a ni a, an rorel tlangpuite:
1. Nakum 2021-a bial PYD Conference a hranga nei turte chuan February Pathianni hnuhnung berah neise tha tih a ni.
2. District Conference in Missionary 10 chawm nise tia a lo rel tawh chu bawhzuiin Missionary chawmna atan Rs.120000 (Nuai khat singhnih) dah a ni a, heihi bial hrang hrangah sem nghal a ni.
3. Calvary Bible College (CBC) Shillong tan khum sawm (10) siam sak nise tha tih a ni a, hei bakah hian thildang anmamawh lei sak nise hruaitute nen lo inbia se tha tih a ni.
4. Nakum 2021 April 23-25 chhunga Lunglei District PYD Conference Hnahthial hmuna neih tur thlirlawkna neih a ni a, he hunah hian Thupui neih nise, thupui tur leh Speaker tur bakah programme chu hruaituten lo ruahmanse tha tih a nih bakah Conference chhung April ni 24 inrinniah rorel member nilo zawngin fellowship-a hun hman nise tha tih a ni bawk.
5. Nakum 2021 District PYD Budget atan Rs.1210500 (Nuai sawmpahnih singkhat leh zanga) chu pawm a ni.
He Board hi District Superintendent Rev.C. Vanlalena leh Secretary Rev.PC.Lalfakawma ten an ho a ni.
———
Churachandpur District :
Lawmthusawi chawimawina :
Dec 9, Nilaini khan Bukpi Local Chairman Upa Songvum-a te chhungkuain Sial talhin Pathian hnenah lawmthu sawi chawimawina an nei a, Rev. K.Lalramdina, Pangzawl bialtu chu speaker ah an hmang a ni. A nupui leh Evan. Alex T.Lamminthanga te nupa leh Home Missions worker Evan. Kamkholuna ten a ṭawiawm bawk.
——–
Seminar :
Dec 12, Inrinni khan Pangzawl Section huam chhunga Tualchhung Kohhranpui Committee member te chuan Dist. Hq. Biak in, Salem vengah Seminar an nei a, thupui atan (1) Kohhran serh leh sang hna (2) Tualchhung Kohhran in enkawlna (Adm.)
Resource person atan bialtu Rev. K.Lalramdina an hmang.
——
District LAD :
Churachandpur Dist. LAD ten Bial hrang hrangah Seminar an neih zawh hnuin, Dec 12, inrinni khan Dist. LAD target chhunkhawmna an nei a, board meeting an neih chhunzawm nghal.
——–
Chhimtuipui District :
In sak sak :
Dec ni 8, Thawhlehni khan Phura Kohhran, Tuipang Bial te chuan chhungkaw khat chenna In tur hnatlangin an sak sak. In sakna tur bungraw mamawh hrang hrang te kohhran in a ngaihtuah sak a ni.
—-
Target hlan :
Bra.K.Zotha te chhungkua Dist Hqrs local a lawi techuan, Kum khat chhung atana building target anneihtlakna atan Vawk an vulh a. Vawk an hralhna atang hian Biakin sakna target Rs.33300/-(Singthum sangthum leh zathum) chu Dec ni 08 khan lawm takin Kohhranah an hlan ani.
—-
Kum tawp Board :
Dec ni 9-10 chhung khan Chhimtuipui Dist Hqrs Sunday School Hall, UPC NEI Office Compkex ah Kohhran pui chuan kum tawp board an nei a, District Mission Dept ten Dec ni 8, Thawhlehni khan Siaha Council Veng Kohhran Biak In ah District Mission Department te chuan Dist Board annei a, member kokim takin an kal.
3. Dec ni 07, thawhtanni khan Dist Hqrs Sunday School Hall, UPC NEI Office Complex New Siaha ah Dist PYD chuan kum tawp board an nei. An thurel tlangpui te :
1. 2021 Dist PYD Budget atan Rs.270000(nuai hnih zing sarih) chu pawm ani.
2. CTP Dist PYD Inkaihhruaina Dan Bu Revised & Enlarge Editing board te buatsaih chu Kohhranpui pawmpui atan pawm ani.
3. General PYD Conf kal dan tur leh Agenda tur rel ani.
4. Hrileng mek COVID-19(Corona virus) laka inven dan video clip insiam siak nise. Lawmman-3 thleng siam tur niin, 2021 Conference ah lawmman hi hlan tur ani.
5. Dist PYD Conference rorel “No Tobacco To PYD” hmalakna chikhat atan Zuk leh hmuam/Vaihlo thatlohna Article inziah siak nise. Lawmman tha tawk tak buatsaih tur ani.
6. General PYD atanga lehkha an hmuh CBC ah khum 3 dan tur a ngenna chu, tihhlawhtlin ngei nise khum 3 hi dah nise.
7. Bial PYD report tha tak tak ngaihthlak ani
Dist Board vawi-76 na hi Evan Robert B Lalnunsiama T Vice President chuan akaihruai a, member an kal ṭha hle.
——–
Bial Board :
Dec ni 5, Inrinni khan Chhimtuipui District Hqrs Sunday School Hall, N. Siaha ah Siaha Bial Board Meeting an nei.
He meeting ah hian kum 2021 Siaha Bial Kohhranpui Budget leh Department hrang hrangte Budget siam chu pharh niin, siamthat ngaite siamthat anih hnuah lungrual taka pawmtlan a ni a, heng bakah hian Bial hmasawnna tur thu pawimawh tak takte rel a ni bawk. Tlai lamah Board member ten zanriah tuihnai tak an kilho nghal a ni.
Kum 2021 Siaha Bial Kohhranpui leh Department hrang hrang Budget pawm tak belhkhawm hi ₹10, 66,000/- (Cheng nuai sawm, singruk leh sangruk) a ni.
——-
North Mizoram District:
District PYD :
North Mizoram District te chuan Dec.ni 10 Ningani khan Dist. PYD Conference vawi 53-na rorel inkhawm an nei.
Rorel inkhawm hi District Hqrs. Kohhran Biak In, Tuikhuahtlangah neiin; Dist. PYD President Evan. J. Vanlalruata’n a kaihruai a, District Puipate’n an ho thei bawk.
Conference rorel pawimawh zual te:
1 Kum 2024 thlenga Dist. PYD Confe neihna tur hetiang hian an ruahman
1) Kum 2021-ah Vairengte Bial ,
2) Kum 2022-ah Hqrs. Bial-ah Rorel inkhawm
3) Kum 2023-ah Bairabi Bialah
4) Kum 2024-ah Hqrs. Bialah rorel inkhawm
2 Dist. PYD te hmalaknaa Kawrthah khuaa rawngbawlna an neih chu chhunzawm zel ni se tih passed a ni bawk.
Report Bu in a tarlan danin- kum 2020-ah Dist. PYD member 6759 awmin, member 176 in kum 2019 members aiin an pung, Report hun chhungin PYD members thi 17 an awm.
PYD Dinna local 151 awmin, PYD din lohna Local 28 a la awm bawk. .
Report hun chhungin Zuk leh hmuam laka fihlim PYD members 1896 niin; zuk leh hmuam nghei thar 170 an awm a, Headquarters Bial chu Zuk leh hmuam tilo tamna ber Bial ni bawkin member 169 inzuk leh hmuam an ti lo a ni.
Report hun chhung hian PYD rawngbawlnaa member thar neih zat mi 38 lai an awm bawk a ni.
—————–
Luimawi Biak in hawng :
Dec ni 6, Pathian Ni khan June ni 22, 2019 atanga a Biak In sak bul ṭan tawh Luimawi Preaching point Biak In chu Rev. Laltluanga, Supt.NMD chuan Lalpa Isua hmingin a hawng.
Biak In chhung lam ah bialtu Pastor. K.Malsawmkima’n programme kaihruaiin Evan. Pc Lalramchhuanmawia hnen aṭangin technical report ngaihthlak a ni a, Rev. Laltluanga, Supt. NMD chuan Pathian thuchah puanchhuahna neiin, Pathian hriakthihna hnuaiah khuang vuak nilo mahse thlarau lam hla ṭum hnih lai mai sak a ni a, he Programme hi Bairabi bialtu Pastor. Lalhmuakliana hnamte chuan ṭawiawmin chairman sawm angin thu tawi sawina a nei a, Rev C Lalbiakzuala’n hun tawp ṭawngṭaina a hmang bawk a, programme zawh ah Biak In tual ah refeshment hlimawm tak a kilho a ni.
Luimawi khua ah hian Evan Pc Lalramchhuanmawia’n rawngbawlna nei mek in kohhran members 30 an awm a, church board member panga an awm bawk a ni. Biak In sak thar hi a dung lam 36ft leh avang 18ft a ni a, Biak In hmun zau zawng hi a dung lam 70ft a ni a, avang lam 65 ft a ni.
——-
K. Sarali Biak in hawng :
Dec ni 8, Thawhlehni khan K. Sarali Biak In, Rengdil Biala mi chu N.Mz.Dist. Supdt. Rev. Laltluanga’n Pathian hnenah hlanin a hawng a, Biak In chhung programme hi bialtu pastor C.Lalthlenglianan a kaihruai.
Tirhkoh thawklai Bro. Lalrindika hnen atangin report tawi ngaithlak a ni a. Biak In lenzawng hi a dung ft. 32 leh a vang ft.16 alian a ni a; Rs. 186532 senga sak zawh a ni. Rengdil PMF ten work camp neiin an sa a, ni 12 chhungin an sa zo a ni. Mi inphalte hnen atangin thikpek chi hrang hrang bakah sum leh pai pawh an dawng nasa hle a, a lawmawm takzet a ni.
Biak in hawnna hunah hian Tirhkoh lo awm tawh Evan. Vanlalzemawia leh bial chhung Kohhranpui hruaitute, tirhkohte, upate leh member thenkhat ten hun hmangin, Tlai lamah ruai kilhoa hun hman a ni bawk.
Facebook