Pennet News Service : August 27, 2021

GENERAL NEWS:

General Sunday School Editing Board:
August ni 23 Nilai ni khan UPC North East India General Headquarters Committee Room, Mualpui Salem veng ah General Sunday School Editing Board neih a ni a, kum 2022 Puitling Sunday School Puitling Zirtur I Korinth leh II Korinth Rev. R. Laichhingpuia, General Sunday School Director ziah  chu en hona neih a ni.

———-

Literature & Publication Board Hriattirna:
UPC North East India Kohhran 2021 beihrual zir tur chu Covid -19 hrileng avangin a bu hran siam a ni lo va, Kum 2020 Beihrual zirlai bawk kha zir leh turin literature & Publication Board chuan Kohhran mipui te a hriattir a ni. Bu khat hi Rs 30 man niin Aizawl, Millenium center-ah leh Dist office-ah te lei theih a ni.

———-
———-

NORTH MIZORAM DISTRICT:

UPA K HRANGLAWTA NMD LITERATURE COMMITTEE IN RALNA A NEI:
UPC, North Mizoram District Literature & Publication Committee chuan kar kal ta Aug ni 20 Zirtawpni khan April ni 25 Pathiannia chatuan ram pan ta Upa K. Hranglawta ralna hun Durtlang N-a an chenna hmunah an hmang.
Ralna hunah hian L & Pb Committee member bakah sawm bik te nen hun hmangin; Programme danglam leh ngaihhlutawm tak siamin, L & Pb Committee chairman Rev. Chhiarpuia’n hun a kaihruai a, Hunserh Rev. C. Lalrammuana Sihphir Bialtu Pastor chuan hmangin, ani hnen atangin Thlamuanna thuchah ngaihnawm tak ngaihthlak a ni bawk, zai ho a theih loh avangin; Sist Ramtharzuali, Zonuam Local leh Sist. Lalfakzuali, Tlangnuam local te chuan khawhar hla mawi takin tum 2 ve ve an sa a ni. hetiang hian Pu Lawta chanchin sawi tura ruahman ten an sawi bawk.
1)Rev. Laltluanga Dist Supdt. = Upa K. Hranglawta NMD tana a tangkaina
2)Rev. C. Lalthantluanga, Dist Missions Director = Upa K. Hranglawta leh Hla
3)Rev. C. Lalramthan ga, Dist SS Director = Upa K. Hranglawta leh Sunday School.
4)Pastor Lalruatkima Fanai = Upa K. Hranglawta leh NMD Literature

Hei bakah hian hian a duh apiang te tana thusawi hun hawngin Rev. K. Darsailova Gen. Former Supdt leh Evan. Lalchhuanmawia Sailo te’n Upa Lawta entawntlak a nihna hrang hrangte an sawi bawk. Khawhar chhungte lam atangin Bro. Muana, Upa K. Hranglawta fapa tlum ber chuan thu a sawi a, Evan. Lalchhuanmawia Sailo in tawngtaina hun hmangin hun hman an tin a ni. Upa K. Hranglawta ralna Programme hman chhung hian darker 2:30 bawr a awh a ni.
Upa K. Hranglawta Ralna hun hmanga kalte pual hian Upa Lawta (L) chhungte hian zanriah an lo buatsaih sak a ni.

———-

Rammut thla Live Crusade nei:
Hrileng avanga fimkhur ngai thilah Sorkar in Partial Lockdown a siamah, Inkhawm phal ala nih loh avangin, District PYD Music Committee buatsaihin Rammut thla Live Online Crusade hlawhtling tak an buatsaih, Online Crusade hi Aug ni 16 thawhtan zan atanga tannin zan 9 chhung neih a ni a,  Speaker atan heng rawngbawltute hi hman an ni: 1) Rev. B. Vanlalruata, Kolasib Venglai Bialtu Pastor 2) Evan. Lalduhsaka Saza, NMD Tirhkoh Ramtlan 3) Evan Lalringzuala Pachuau, Lunglei Dist Treasurer 4) Evan. T. Vanlalruata, Dist Revival Speaker 5) Evan. HV Zoramsanga, Revival Speaker NMD 6) Evan. F. Lalchhanhima 7) Evan. C. Lalruatsanga, NMD Dist PYD Treasurer 8) Rev. C. Lalrammuana, Sihphir Bialtu Pastor 9) Rev. C. Lianchama, NMD Hqrs. Bialtu Pastor.

———-

KAWRTHAH PREACHING POINT, RENGDIL BIAL: NORTH MIZORAM DISTRICT:
Aug. ni 23 Thawhṭan zan khan Rengdil Bial Kawrthah Preaching point-ah Evan Isak Lalhmingliana rawngbawlna aṭangin mi thar -2 ( Nupa) chu seng luh a ni a; Bialtu Pastor C.Lalthlengliana’n Lalpa Isua hmingin a lawm lut a ni. Bial chhung lam aṭangin Bial P.Y.D hruaitute, Rengdil Local P.Y.D  hruaitu te leh T.Upa Vanlalthanga, Rengdil ten an ṭawiawm bawk a ni.
Kawrthah hmunah ah hian , kum 2018   khan  District kohhranpuiin Biak In hmun ₹ 600,000 ( cheng nuai ruk) a leiin; District P.Y.D hmalakna a Tirhkoh rawih chhunzawm zel a ni a,  kum 2020 khan District P.Y.D suma sak  Biak In pawh hawn a lo ni tawh a ni.
Evan Isaak Lalhmingliana awm hnuah hian mi thar -14 ( chhungkaw -4 ) sengluh a ni ta a ni.
Kawrthah Preaching point ah hian  kumin 2021 chhungin mi thar -12 seng luh  a nive tawh a ni

———-

SIHṬHIANG , RENGDIL BIAL: NORTH MIZORAM DISTRICT:
Aug ni 22 Pathianni khan Sihṭhiang Kohhran ah mi thar -1 (Mizoram U.P.C upa) chu seng luh a ni a; Rawngbawltu awm mek Evan F.Lalbiaknia’n Lalpa Isua hmingin a lawm lut a ni.
Siṭhiang kohhran hi kum 2017 a din a ni a,  Kumin ah mi thar -12 seng luh ni tawhin, Tunah hian member -127 an awm mek a, Evan F.Lalbiaknia rawngbawlna hi Lalpan mal a sawm hle a ni.

———-

KAWNPUI BIALAH MITHAR:
Aug ni 18 Nilaini zan khan Kawnpui Kanan Preaching Point-ah Presbyterian Kohhran aṭangin member thar pali sengluh an ni. Heng member tharte lawmluh inkhawm hi an chenna inah neih niin, Bialtu Pastor Rev. PC. Laltlankima’n lawmluhna hi a nei.
Kanan Preaching Point-ah hian District tirhin, Evan. F. Lalnunhlua chuan kumin March thla aṭang khan rawngbawlin a awmchilh a; ani awm hnu hian member 9 (Presbyterian kohhran aṭang vekin) lakluh an ni.

Kanan Preaching Point-a rawngbawlna hi kum 2018 aṭang khan Kawnpui Bial PYD bultumin bul ṭan a ni a. Rawngbawltu pali rawih tawh niin, tunah hian member 29 lai an ni tawh a ni.

———-

District tirh tirhkoh report tlangpui:
UPC, North Mizoram District chuan ram lak beihpui thlak kal zelah kumin chhung hian Lalpa ram tana thawk tur mi 33 lain;  North Mizoram District huam chhung khaw 33-ah rawngbawlna ngawrh takin an nei mek District Secretary Rev. Chhiarpuia hnen report lut PenNet North Mizoram District -in a dawn danin January  – July thlenga ram lak dinhmun tlangpui chu hetiang hi a ni: Khaw 33 -ah rawngbawlna neiin, khaw 20-a rawngbawltu awm ten kumin rawngbawlna an neih chhungin Mithar (Ram lak) an nei thei. Heng Khaw 20 te ram lak zawng zawng hi 223 an tling a ni. July thla hnu lamah pawh Tirhkoh fehchhuakte hian mithar engemaw zat ram lak an nei leh tawh a ni

———-
———-

AIZAWL EAST DISTRICT:

District PYD Board:
February 20, Zirtawp zan khan Aizawl East District PYD Board Vawi 52-na chu tluang takin Online, Google meet hmanga neih a ni. He hun hi Rev C Lalmalsawma, President chuan kaihruaiin Rev VL.Hnemtluanga, District Kohhranpui Treasurer chuan rorel palaite hnenah fuihna thu sawiin Kohhran finchhuahtu leh tichaktu ni tura sawmin rorel turte Pathian hnenah a hlan a ni. Rev H.Lalropuia, General PYD President hnen atangin General PYD hmalakna report hrang hrang ngaihthlak a ni bawk.

Aizawl East District PYD Board-ah hian Bial atang leh Official atangin agenda lut engemaw zat awmin an thu passed langsar zualte:
1. District ram leina tur District atanga Rs 200,000 lokal chu District OB ten a tul angin pek dan tur ruahmanna lo siam se tih a ni.
2. North East India Kohhranah UPC- NEI Official logo in ang tlang hman ni tawh se tih chu tha tih niin Logo resolution bakah a Color inang tlanga hman a nih theih nan leh Logo diklo dahchhuah tawhte paih bo a nih theih nan District Kohhranpui-ah thlen tura tih a ni.
3. District PYD huaihawtin General hnuaia Missionary te nen Online service neih tura tih niin District hruaituten ruahmanna lo siam se tih a ni.

Aizawl East District PYD Board hi ruahmanna ang chuan July 2 khan neih tura tih a ni a, hrileng avanga neih theih a nih loh hnuah Online, Google meet kaltlanga neih a ni ta a ni. Board-ah hian District PYD OB, District Kohhranpui Treasurer, General PYD President bakah Bial aiawh mi 26 an tel thei a ni.

———-

Audit:
Aizawl East District hnuaia Kohhranpui leh Department hrang hrangte Account kum chanve sum Audit chu August 23 atang khan nei tanin August 27 khan tluang taka zawhfel a ni. Kuminah hian Auditor atan District Board chuan Rev. H.Lalropuia, Pastor Lalhmangaihawma Parte bakah Rev. B.Lalengzauva leh Upa Joseph Lalhruaitluanga te chu ruatin Aizawl khawpui pawn Rev B.Lalengzauva leh Pastor Lalhmangaihawma Parte te erawh hrileng avanga an tel theih loh avangin Audit hi Rev H Lalropuia leh Upa Joseph Lalhruaitluanga ten an nei ta a ni.

———-

Pastor thlahna nei:
August 22, Pathianni khan Chhingchhip Bial Pastor Quarters-ah Bialtu Pastor Rev. PB Chawngtinliana te chhungkua, District Board ruahmanna anga Delhi Chaplain-a an kal tawh dawn avangin Bial Board member leh Bial Department hruaitu chin ten thlahna an nei.

Chhingchhip Bialtu Pastor hi UPC-NEI  hnuaia Delhi Pastor (Chaplain)  turin General Executive-in a dil angin Aizawl East District Board chuan April thla khan a lo ruat tawh a, hripui leng avanga harsatna neuh neuh a awm avangin Delhi-ah hian chhuk thlak mai theih a ni rih si lo va, boruak zalen hun nghah niin tun dinhmunah Delhi lam boruak a zia-awm tak deuh avangin August thlaa chhuk thla turin Generel Administrative Committee chuan a ngen leh ta a ni. Ruahman dan chuan Rev PB.Chawngtinliana te chhungkua hi August 27, Zirtawpni- ah Delhi-ah an chhuk thla dawn a ni.

Chhingchhip Bial hi District Board-in Pastor hranpa a ruat hmà chu District Superintendent Rev. Biaksangzuala’n a hmùi rih ang.

———-

Mithar leh baptisma chang thar:
Hliappui hmuna Evan HMS Dawngkima rawngbawlna kal zelah August 1 atang khan Pathianni chawhnu leh Thawhtan zanah Home Crusade neih thin a ni a, Kohhran ten Pathian malsawmna a dawng hle a ni. Rammut Programme hman kal zelah August 22, Pathianni khan Baptisma khur hawn niin hetah hian mi 6 in sual ngaihdamna baptisma an chang a ni.

August 22, Pathianni zan khan Rammut Programme kal zelah Thingsulthliah bial, CTI hmunah mithar pakhat in Evan Rualthankhuma kutah sual ngaihdamna baptisma a chang bawk a ni.

———-
———-

CHHIMTUIPUI DISTRICT

KHAWPUI PAWN A HRIKAI AWMLOHNA KHUA AH INKHAWM ṬAN DAWN
Chhimtuipui Dist. chhung khawpui pawn hrikai awmlohna a tualchhung kohhran te chu Sawrkar SOP zulzuiin inkhawm ṭan a ni ang.

———-

KOHHRAN NIPAWIMAWH HMANG DAWN
Chhimtuipui Dist. chhung kohhran te chuan Kohhran nipawimawh Thlai thar kut,Missionary Month leh Beirual te an hmang ang. He hun hi sawrkar SOP zulzui a hman tur a nih thu circular tihchhuah a ni.

———-

Home Crusade nei mek
Sangau Sectional Pastor Rev K.Kawngkharmawia te nupa chuan Sangau-I local church a kohhran chhungkuate tlawhin zantin Home Crusade neiin rawngbawlna an kalpui mek. Bialtu pastor te nupa rawngbawlna atang hian kohhran ho ten tisa leh thlarauvah malsawmna an dawn thar in,kohhran hote an lawm hle bawk.

———-

HOME MISSION FIELD VAHIA TLAWH DAWN
Ni 28.8.2021 (Inrinni) hian District Official te leh Tuipang bial hruaitu ten Vahia Kohhran tlawh turin  an zin chhuak a, Vahia ah Pathian Ni an hmang anga Vahia Kohhran te nen inpawlhona leh inkawmhona te neiin Vahia Kohhran harsatna tawh mek te leh Kohhran ten tha zawk leh nasa zawk a, rawngbawl dan tur te an sawiho dawn bawk a ni.