—
GENERAL NEWS
HRUAITUTE PROGRAMME:
General Superintendent Rev. R. Lalrinsanga leh General Missions Director Rev. Biaksangzuala te chuan N. Bengal & Sikkim Missions Field Conference, Tulsipara a neih mek chu hmanpuii rawngbawlna an nei a, Siliguri ah Kohhran hmunhma leh Building sak dan tur te an enfel pui bawk ang.
———-
LITERATURE ANG PUBLICATION BOARD
April ni 26 Thawhlehni khan UPC North East India Literature and Publication Board chuan General Headquarters Committee Room, Mualpui Salem veng ah thukhawmin Kum 2022 UPC North East India Beihrual thupui zirtur, Rev. R. Vanlalawia ziah “Chhandamna lawng” tih chu edit-na an nei.
———-
GENERAL SUNDAY SCHOOL EDITTING BOARD:
April ni 27 Nilaini khan General Sunday School Editting Board chuan General Headquarters Committee room Mualpui Salemveng ah kum 2023 a UPC North East India Sunday School Puitling zir tur Chanchintha Johana Lehkhabu hrilhfiahna, Rev. Lalmalsawma Sailo ziah chu Edit na an nei.
———-
GENERAL HEADQUARTERS TLAWH:
April ni 28 Ningani khan Bualpui Hmarveng kohhran te chuan UPC North East India General Headquarters Office an tlawh.
Bualpui Hmar veng Kohhran atang hian Member 15 Church Board member-te leh Department OB thenkhat te chu Church Board Chairman Upa H. Lalthlamuana hoin an rawn thawkchhuak a, General Office AA Rev. VL Tluanga Sinate chuan lo dawngsawngin General Office hmunhmate fan kualpuina a neih hnuah General Office staff-te nen Inkhawmna hun tawi Committee room ah hman a ni. Bualpui hmar veng Kohhran church board chairman hnen atangin an lo kal chhan report ngaihthlak niin, Local church board Treasurer chuan General Office tan thilpek hlannna a nei a. General Official te hnen atangin mikhual lawmna leh Office hmunhma leh kal phungte report a ni bawk.
Bualpui Hmar veng Kohhran hi kum 2006 khan dintan niin Kawmpui Bial chhunga awm a ni a, Tun din hmunah Kohhran Member 260 vel an awm mek bawk a ni.
———-
THEOLOGICAL EDUCATION BOARD
April ni 29 Zirtawpni khan Theological Education Board (TEB) chu General Headquarters Committee room Mualpui Salemveng ah Chairman Rev. R. Lalrinsanga kaihhruaiin neih a ni a, General Executive thudah bawhzuiin Calvary Bible College (CBC) Shifting chungcahang an rel a ni.
———-
———-
AIZAWL EAST DISTRICT
Biakin sakna tur lungphum phum:
April 23, Inrinni khan Khawlian Bial Pastor Quarter sak thatna tur lungphum chu District Superintendent Rev. KVL. Hmangaihkima, Khawlian bial hmui mektu ni bawk chuan Pathian hnenah hlanin lungphum phumna a nei. He hunah hian Khawlian Bial hruaitute telin hlim takin hun an hmang a ni. Khawlian Bial Pastor Qrts.hi sak chhunzawm nghal tura ruahman niin tunah hian a hmun hmate laih zawh tawh a ni.
———-
District PYD OB te fehchhuak dawn:
Aizawl East District PYD OB meeting in ruahmanna a siam angin karleh Thawhtanni, May 2 hian a hmasaber atan Mualpui Bial tlawhin fehchhuah programme an tan dawn. Mualpui Bial te hian Salem Veng Biakinah an lo thleng anga Rev.C.Lalmalsawma, District PYD President in thusawi rawngbawlna a nei dawn a ni.
District PYD OB te hian ruahmanna an siam ang chuan kumin hian Aizawl khawpui chhung Bial hrang hrangte tlawhchhuah an tum mek a, Aizawl khawpui pawnah Hnahlan Bial leh Khawhai Bial te May 15, Pathianni hmang hian tlawhin rawngbawlna nei turin ruahmanna an siam bawk a ni.
———-
Bial LAD Inkhawmpui:
April 24, Pathianni hmang khan Khawlian Bial leh Bazar Bial LAD te chuan Bial inkhawmpui hlim takin an hmang. Khawlian Bial te hian Khawlian hmunah Bial LAD inkhawmpui hi an hmang a, Rev.KVL.Hmangaihkima, District Superintendent leh Khawlian Bial hmui mektu ni bawk chu Speaker-ah hmangin hlim takin hun an hmang a ni.
District Superintendent Rev KVL Hmangaihkima hian April 25, Thawhtanni khan Saitual bial Phullen Biakin sak mek a enpui nghal a, amah tawiawmtu Upa Jimmy L.Renthlei leh Soloist Sis. Zotei te Biakin sak tanpuina tur sum an pe bawk a ni.
Bazar Bial te pawhin Armed Veng South Biakin-ah Bial LAD Inkhawmpui hi an hmang bawk a, Speaker-ah Bialtu Pastor, Rev.C.Lalmalsawma leh Sis Pc.Hrangkhumi B/W te hman an ni.
———-
Thuthlung Hla Sak zan hmang:
Bethlehem Bial PYD chuan Ni 25, April (thawhtan zan) khan Bethlehem Biak In ah Fellowship neiin thuthlung hla sak zan an hmang.
He hun hi Bial PYD Vice President T.Upa Lalthansanga Colney in a kaihruai a, Fakna hla Sis. F.Lalhriatchhungi, Sis. Lalramliani Sailo leh Bro.Lalhmingchhuanga te hnen atangin ngaihthlak a ni a, Bial PYD hnuaia Sub Committee pahnih Kumpuan leh Education atangin thu tha tak ngaihthlak a ni bawk.
He mi zana thusawitu Bial PYD President Evan H.Lalhlimpuia chuan PYD te leh kan nun dan atanga Pathian pakhat ringtu kan nih na te Biak In chhungah mai ni lo kan awmna hmun apiangah tih lan angaih thute, PYD chu mitin ban phak, misual ber tan pawha ban phak leh telna tlak kan nih a tul ziate a sawi a ni.
Bial PYD President chuan kan thupui ber Krista tana sengkhawm neitu kan nih ang ngeia thlarau bo hruai chhuah na kawngah theih tawpa tan lak angaih thute Nupui Pasal chungchangah pawh thuthlung fate chu kawng engkim ah kan danglam a tul zia leh Kohhran dangte tana entawn tlaka kan nun kan hman a pawimawh zia a sawi bawk.
He hunah hian Bial PYD member za chuang kal khawm in thlarau lam hla nen hun hlimawm tak hman a ni.
———-
Revival Crusade:
Upper Republic Bial PYD buatsaihin April 23 atanga 24, Pathianni zan thleng khan Revival Crusade hlawhtling taka hman a ni. He hun hi Upper Republic Biakinah hman niin Speaekr-ah Pastor J.Lalhmingsanga, Keifang Bialtu Pastor chu hman a ni. Crusade neih chhung hian Thlarau Thianghlim dawng thar mi 5 awmin April 25, Thawhtan zan khan Thuthlung Night hman chhunzawm leh niin hetah hian Thlarau Thianghlim dawng thar mi 1 an awm leh bawk a ni.
Sakawrdai Bial Missions Department hmalakna in April 13 atang khan Evan HK.Lalhmangaiha, District Full Time Evangelist leh Team member te chuan New Vervek hmunah rawngbawlna an nei a, an rawngbawlna Lalpan malsawmin Naupang pual leh Puitling pual lang camp buatsaih a ni a, Kohhranah Revival ropui tak a thleng a ni. Biak In thleng pha tawh lo ten lam hma an hruaiin Kohhran ten hlim takin hun an hmang a ni. April 24, Pathianni khan baptisma khur hawn niin thalai rual mi 14 ten sual ngaihdamna baptisma an chang a ni. Evan HK Lalhmangaiha leh a team te hian Sakawrdai Bial chhungah hian rawngbawlna an la chhunzawm zel dawn a ni.
———-
Mithar leh Baptisma chang thar:
April 23, Inrinni zan khan Serchhip Bialtu Pastor, Rev.B.Lalengzauva chuan Serchhip Biakinpui Kohhrana lawi turin chhungkaw khat member 4 Kohhranah sengluhna a nei a, an fate 2 Pathian hnenah hlanna a nei nghal bawk a ni.
April 24, Pathianni khan Khawruhlian Bial, Khanpui Kohhranah baptisma khur hawn niin hetah hian District Missions Evangelist, Evan R.Lallawmzuala kutah mi 2 in sual ngaihdamna baptisma an chang a, an zinga pakhat hi mithar niin Kohhranah sengluh a ni.
April 24, Pathianni vek khan Zohmun Bial, Zohmun Kohhrana lawi turin chhungkaw khat, member 5 te chu Bialtu Pastor Vanlalnghaka chuan sengluhna a nei.
April 23, Inrinni zan khan Hnahlan bial, N.Diltlang Kohhranah pawh mithar 1 Bialtu Pastor Albert Chanchinmawia chuan Kohhranah sengluhna a nei bawk.
April 24, Pathianni khan Thingsulthliah Kohhrana Sis.Heleni te chawimawina kal zelah mi 3 ten sual ngaihdamna baptisma Bialtu Pastor V.Lalnienga kutah an chang.
April 26, Thawhlehni khan Sakawrdai Bial-a Evan HK Lalhmangaiha leh a team te rawngbawlna kal zelah mithar Chhungkaw 3 atanga member 16 te Kohhranah Bialtu Pastor chuan sengluhna a nei a ni.
April 24, Pathianni vek khan Evan Lalbiakmuana rawngbawlna kal zelah Zemabawk bial, Tuirial Kohhrana lawi turin chhungkaw khat member 6 te chu Kohhranah sengluh an ni.
———-
Chawimawina:
April 23, Inrinni khan Thuampui bial Zuangtui Kohhrana lawi, Upa Laldingliana te chhungkua chuan Pathian hnena lawmthu sawi Chawimawina an nei a, Speaker ah Evan K. Vanlaldika hman. Pathian chawimawina neihnaah hian Bialtu Pastor, Rev PC Lalnghakliana chuan chawimawina neitute hnenah hriak thih sakna neiin Kohhran ten hlim takin hun an hmang a ni.
April 23, Inrinni vek khan Sis Heleni te chhungkua, Thingsulthliah Kohhran te chuan Pathian chawimawina an nei bawk a, Speaker-ah Bialtu Pastor V.Lalnienga hman niin April 22, Zirtawp zan atang khan chawimawi programme Kohhran hoten hlim takin an hmang a ni. Inrinni zan atanga Pathianni zan thleng khan hun hman chhunzawm niin Evan H.Malsawmthanga, District Full Time Evangelist leh Evan Philip VL.Hmuchhuaka, District Missions Evangelist ten thusawi rawngbawlna an nei thin a ni.
April 26, Thawhlehni khan New Vervek Kohhrana lawi Upa Lalhlunchhuanga te chhungkua chuan Pathian chawimawina an nei a, Kohhran ten hlim takin hun an hmang a ni. He chawimawinaah hian Evan HK.Lalhmangaiha, District Full Time Evangelist chu Speaekr-ah hman a ni.
———-
Missionary support zawngin rawngbawlna nei:
April 24, Pathianni hman khan District Missions Director Rev VL.Hnemtluanga leh Rev.R.Lalhawia te chuan Ngopa bial chhungah District Missionary support zawngin rawngbawlna hlawhtling takin an nei. He hunah hian Bial chhung atangin Kohhran mi thahnemngai te hnen atangin Missionary support engemaw zat hmuh a ni.
Pathianni hmang vek khan Rabung Bial chhungah District Treasurer Rev.H.Lalropuia chuan Missionary support zawngin rawngbawlna a nei bawk a, hetah hian Bial chhung atangin Kohhran mi thahnemngai te hnen atangin Missionary support cheng nuaihnih chuang an hmuh bawk a ni. District Treasurer hi Evan.Lalhmachhuana Varte chuan tawiawmin April 22, Zirtawpni khan Saichal Biakin sak mek an enpui nghal a, District atanga Sanction pek, hlan dan tur ruahmanna District Treasurer hian a neihpui nghal a ni.
———-
Hruaitute Programme:
Rev KVL.Hmangaihkima, District Superintendent chuan Pathianni hmang hian Kumin District LAD Inkhawmpui Zohmun Bial ten an thlen tur inbuatsaihna enpuiin District LAD Hruaituten Zohmun-ah rawngbawlna neiin hun an hmang ang.
Rev.H.Lalropuia, District Treasurer chuan Pathianni hmang hian Khawlian Bial Pastor Quarters sak mek enpuiin hun a hmang a, rawngbawlna a nei ang.
Rev. VL.Hnemtluanga, District Missions Director chuan Pathianni hmang hian Hnahlan Bial chhungah Missionary Support zawngin rawngbawlna a nei ang.
———-
———-
NORTH MIZORAM DISTRICT
HRUAITUTE PROGRAMME
Rev. Chhiarpuia NMD Superintendent : April ni 30 Inrinni leh a tuk Pathianni hmangin Mamit Bial Pangbalkawn leh Phainuam khuaa kohhran tlawhin, kohhran dinhmun te zirchianna a neih bakah kohhran hmazawn zelna tur an sawi ho.
Rev.K Lalduhsanga, District Secretary : April ni 27 Nilaini khan Vairengte State vengah Kohhran tul leh pawimawh thilah fehchhuakin Thingdawl Tlangnuam kohhran te a tlawh bawk.
———-
SILCHAR-AH MISSIONARY FEHCHHUAK:
N. Mizoram District Board rorel bawhzuiin April ni 27 Nilaini khan Silchar-a awm tur Missionary Evan.H.Lalnunmawia te nupa chuan an hmun tur panin an fehchhuak a, him leh tluang takin an chenna hmun tur an thleng. (Silchar Missionary)
———-
RELIEF FUND SEM A NI:
April Ni 25 Thawhṭanni khan Rev.C.Lalthantluanga (N.Mizoram District Treasurer) chuan Pangbalkawn-ah (chhungkaw 7) leh Bukvannei-ah (chhungkaw 1) chhiat tawk (Thlipui-in In a tih chhiat leh Accident tawkte) chhungkaw hnenah District Relief Fund (Avaiin ₹45,000/-) aṭangin ṭanpuina a hlan a ni. (Relief hlan)
———-
NORTH MIZORAM DISTRICT PYD BOARD nei:
April ni 21 khan NMD PYD te chuan Dist. Board Hqrs. Kohhran biak in Tuikhuahtlangah neiin; Rorel Evan. Jeno Vanlalruata Dist. PYD President chuan a kaihruai a, an rorel Rorelte tlangpui:
1. Dist.PYD members CBC a zirlaite hi Dist.PYD hminga puih ve ṭhin nise tih chu remtih a ni a, Zirlai pakhat tan kum Khatah ₹2,000 zel tum nise tih a ni.
2. Dist.PYD hnuaia Committee peng hruaitute hetiangin ruat thar an ni.
Kumpuan committee
Chairman: Bro V Lalneihkima, Hqrs Bial
Secretary: Bro Lalruatkima, Dinthar Bial
Treasurer: Sis Jenny Zomuansangi, Tlangnuam Bial
Education Committee
Chairman: Bro Lallawmsanga Chawlhhmum Bial
Secretary: Bro Lalrinfela Maubawk Bial
Treasurer: Bro Hmingthanmawia Durtlang Bial
Music Committee
Chairman: Evan C Lalruatsanga, Dist.Sec.
Secretary: Bro Lalmuanawma, Tlangnuam Bial
Treasurer: Bro Albert C Lalfakawma, Tlangnuam Bial
Environment Protection Committee
Chairman: Upa Robert Lalnunmawia Hmar, Chaltlang Bial
Secretary: Sis Zarzoliani Maubawk Bial
Treasurer: Bro Lalhmachhuana, Hunthar Bial
Project Committee
Chairman: Evan Jeno Vanlalruata
Secretary: T.Upa R Lalnunmawia, Durtlang Bial
Treasurer: Dist.PYD Treasurer
3. District PYD Choir Conductor atan Bro Lalmuanawma, Tlangnuam Bial ruat a ni.
4. District PYD Chhandamna Camping Organising Committee Treasurer atan Bro Samuel Lalnunsanga Pachuau, Chawlhhmun Bial chu ruat a ni.
5. Kawrthah rawngbawlna chungchang thlirho a ni a, Tirhkoh lawmman leh House Rent chu Kohhranpui kal dan anga kal chu ṭha tih tlan a ni.
6. 2022 chhungin Kawrthah hmunah Tirhkoh Quarter sak tura Passed a ni a. Board Memberten an mimal sum an thawhkhawm nghal a, ₹66,700 a tlingkhawm a ni. Tin, Kawrthah Qtr sak nan hian Member tinah ₹10 aia tlemlo Khawn nise tih a ni.
7. Dist.PYD Inenkawlna Dan Bu chu Siamthat ngaite siam ṭhat a Lei theih a Buatsaih nise tih a ni. (District PYD Board)
———-
NMD OB Meeting nei:
NMD Missions Dept chuan April ni 26 khan OB meeting chuan NMD enkawl hnuaia Field 17 leh Casual worker awmna 10 te Director in a tlawhchhuah hnuah Field chhunga Biak in leh quarters hrang hrang cheibawl leh thawmthat ngai te a theih ang anga thawm that relin, a theih anga hmaa lak an rel.
Hei bakah Gen MF Birpara Bial chhunga awm Bedguri Biak in Dinthar Bial MSD tena an sak chu NMD Missions Dept te hawng tura a ngen angin May 25 hmang hian Biak in hawn Programme-ah an fehchhuak bawk ang.
Rorel tlangpuite :
1. Birpara General Missions Field ah Inverter leisak tur a ni ang.
2. Bedguri, N Bengal Skim Field Biak In hawn dan tur hetiang hian ruahmanna kan siam :
A hun : May 22, 2022(Pathianni)
Kal turte :
1. Director leh Treasurer
2. Dinthar Bial Missions hruaitute leh pawn lam mi thenkhatte nen
3. Motor hi kan len dawn loh chuan District Motor dil belh a ni ang
3. Executive Committee a hnuaia hun ruatah hian neih a ni ang.
A hun : 05.05.2022(Thursday) 12 : 00Noon
4. Field mamawh chungchang hetiang hian ruahmanna kan siam a ni.
i) Vitor Kalagang – a tul dan anga Qtrs repair tur a ni
ii) S Chhimluang – Qtrs chung thliin a len chhiat repair tur a ni.
iii) Rasdali – Thuthleng siamna tur Thingzai phelna leh phurhna pek tur a ni ang
iv) Vawngawnzo – Ceiling leh tul thenkhat enho a, siamthat nise
v) Marpara – Mikhual Room extend tura ruahman tur a ni
vi) Persang – Qtrs kalkhang mawih tawh thlak leh repair ngai a awm chuan repair tur a ni.
vii) W Phulpui – Biak In kawt Ram awl leisak nise
viii) K Sarali – Qtrs chhuat thingphela thlak nise, Mikhual Room tur ruahman bawk nise
ix) 2022 a Field thar kan hawn ho zawng zawng hi a tul anga repair ngai apiang enho a, repair nise kan ti.
x) Casual Workers kan dahna hmun zawng zawng pawh a theih ang ang a Qtrs repair ngai apiang khawihsak nise tha kan ti a ni.
Upa Vanlalsiama leh Bro H Lalrinawma te kan field hrang hrang Qtrs leh Biak In Electric wiring min khawih sak zar zar a, an chungah kan lawm hle a ni.
———-
KOLASIB RENGTEKAWN BIAL CONFERENCE VAWI 1-NA:
Kum 2022 North Mizoram District Conference-in a, Pastor bial a hawn thar Kol.Rengtekawn bial chuan, 23th – 25th April 2022 hmang khan Bial Conference Kol.Rengtekawn Biak Inah an hmang. Kol.Rengtekawn Bial hi Bilkhawthlir bial, Kol.Venglai bial leh Kol. Diakkawn bial khaw ṭhenkhat pawt khawmin Kol.Rengtekawn hi Headquarters-a hmangin, bial hawn thar a ni a, ti hian North Mizoram Dist. chu pastor bial 31 a ni ta a ni.
Kol.Rengtekawn bial Conference vawi 1-na hi Rev. Chhiarpuia District Superintendent, Rev. K.Lalduhsanga, Dist.Secretary ten an hman puia, April ni 23 Zirtawp niin PYD leh LAD ten rorel inkhawm neiin, PYD hi Dist. Secretary Evan.C.Lalruatsanga’n a hmanpui a, LAD te hi Sist. K. Lalhmachhuani BW. President leh Lalchhuankungi BW. Treasurer ten an hmanpui thung a ni.
April ni 23 Inrinni khan bial Kohhranpui rorel inkhawm neih a ni a, rorel Inkhawm hi Rev. C.Lalthlengliana chuan a kaihruaia Dist. Superinṭendent-in rorel chungchangah thu pawimawh tak tak a sawi a, Dist. Treasurer Rev. C. Lalthantluanga’n chawhnu lamah thu pawimawh hrang hrang a sawi thung.
Rorel tlangpui:
Kum 2023 ah hian New Builumah Bial Conf. nghah a ni a, Kum 2024 aṭang chuan inkhawmpui chu rotation a kalpui nise an ti.
Bial Kohhranpuiin Missionary 1 chawm nise.
Bial chhung Kohhran la din lohna hmuna kohhran din tura hmalak nise.
Financial Campaign neih tih te chu rorel pawimawh zual a ni.
Rengtekawn bial ah hian Local 8 awmin members 914 bawr an awm a. Inkhawm apiangin biak in leng lo inkhawm ṭhin a ni. (Rengtekawn Confe)
———-
N.MIZORAM DISTRICT L.A.D TE’N KOLASIB RENGTEKAWN BIAL PASTOR QTRS AH THILPEK PE:
N.Mizoram District L.A.D chuan Kolasib Rengtekawn bial Pastor Quarters-a hman tur Centre table, side table leh T.V stand an pe a, N.Mizoram District Superintendent Rev.Chhiarpuia’n Pathian hnenah hlanna a nei nghal a ni. Thilpek pekna hmunah Dist. LAD hruaitu pathum te an kim a ni (Dist. LAD thilpek)
———-
MISSION FIELD HAWN LEH INDUCTION REPORT:
DAMDIAI AH INDUCTION SERVICE NEIH A NI:
April ni 24 Pathianni khan Damdiai M/ F -a Missionary awm thar Evan Gospel Lalrinmawia te chhungkua chu District Missions Director Rev.C.Lalramthanga’n Lalpa Isua hminga lawmluhna neiin hriak a thih nghal bawk.
Missionary Induction inkhawm hi Mamit Bial Missions Dept. Director Upa.B.Vanlalauva’n a tawiawm bawk a ni. Damdiai MF tan hian Dist. Missions Dept.in Solar inverter pek nghal niin, Chawlhhmun Kohhranten Qtrs tan bungbel chhuar (Steel rack) an pek chu ken thlaksakin an hlan nghal bawk. Inkhawmnaah hian Dist. Missions Director Nupui Sis. R. Lalpianfeli chuan Biak In chhung rawng hnawih tharna atan Rs. 2000 sum a hlan bawk.
———-
SIHTHIANG MISSIONS FIELD HAWN LEH MISSIONARY INDUCTION SERVICE NEIH A NI:
April ni 24 Patianni khan Rengdil Bialtu Pastor Rev C.Laltlanchhuaha chuan ama bial chhunga awm Sihṭhiang Home Missions Field hawnna leh Missionary Evan F.Lalbiaknia chu hriakthihin lawmluhna hun a hmang. He inkhawmah hian Rengdil Bial missions Director Upa C.Lalhmuchhuaka, Treasurer Bro Lalramnghaka, leh zaithiam sist Saizikpuii, Sis K.Lalrempuii ten an ṭawiawm a ni.
Sihthiang MF-ah hian member 136 leh In 29 awmin. Department PYD leh LAD te dingin naupang sunday sikul pawh tha takin an nei thei a. Biakin leh Missionary Quarters awmin an changtlung hle.
Inkhawm banah thingpui ruai buatsaihin Church board member te bialtu Pastor hian Seminer a neih pui nghal bawk. (Sihthiang MF hawn)
———-
VITOR KALAGANG MISSION FIELD HAWN LEH INDUCTION PROGRAMME NEIH NIIN;
MITHAR 4 LAWMLUH A Pathianni kal ta April ni 24 chawhma dar 11:00 khan, North Mizoram District Mission Dept Confe in Mission Field atana a lo puan tawh Zawlnuam Bial Vitor khua chu NMD Missions Treasurer Evan. MS Dawngliana’n Mission Field atan hawngin; Missionary Sist. Vanlalpeki chu Missionary atan Lalpa Isua hmingin a lawmlut nghal bawk. Field hawn inkhawm hi Zawlnuam Bialtu Pastor Lalduhsaka Saza chuan hovin, Upa F. Lalawithanga Zawlnuam Bial Treasurer, Bro. K. Lalrinawma Zawlnuam Bial Missions Director, Sist. Lalmuanpuii, Zawlnuam Bial LAD Treasurer, Sist. Vanramrochhari, Bawrai PYD President, Bro. Nironjoy, Lungthir Casual worker, Ramthim tana tha leh zung tam tak lo thawh tawhtu Bro. Remnghakliana ten tawiawmin Vitor khaw chhung Lungthirek leh Ditlang hmun atangin kohhran member te an fuankhawm bawk.
Field hawn inkhawmah hian Bro. Lalruatdika (Valtea) Mission Vengthlang chuan thiam taka fak hla sain, Pastor Lalduhsaka Saza chuan Mithar chhungkaw khat, member 4 lawmlutin, Naupang pahnih Lal Isua hnenah a hlan a, inkhawm banah Langkaih luiah Mithar te (2) ten Pastor kutah sual ngaihdamna baptisma an chang bawk.
Field hawn inkhawmah hian Pathian thuchah Evan. MS Dawngliana NMDM Treasure leh Bialtu Pastor Lalduhsaka Saza ten sawiin; Zawlnuam Bial Missions Director Bro. K. Lalrinawma hnen atangin fuihna thu ngaihthlak a ni bawk a, Sist. Vanlalpeki, Vitor Missionary in Field report a pe bawk. (Vitor)
———-
N.MIZORAM DISTRICT L.A.D O.B TE LEH DISTRICT TREASURER RAWNGBAWLNA:
Ni 23-24.04.2022 Inrinni leh Pathianni hmang khan N.Mizoram District L.A.D O.B leh N.Mizoram District Treasurer Rev.C.Lalthantluanga te chuan Bilkhawthlir Dawr veng Biak inah hun hmangin, District LAD inkhawmpui hmanna tur hmunte enfiahna an nei a, rawng an bawl chhunzawm a ni.
Inrinni zan hian Sis.Krawschhuanawmi B.W (Secretary) chuan “Taksa peng tawn ṭheuh kan ni si a” thupui a hmangin Pathian thuchah sawiin; Pathianni chawhma inkhawmah Sis.K.Lalhmachhuani B.W (President) in “Chaute tan chakna” tih thupui Pathian thuchah a sawi bawk a, Pathianni chawhnu-ah Sis.Lalchhuankungi (Treasurer) in hun hmang ve thungin, ani hnen aṭang hian “Pathian ralthuam famkim” Pathian thuchah ropui tak ngaihthlak a nih piah lamah Pathianni zanah N.Mizoram District Treasurer Rev.C.Lalthantluanga’n “Sawisel suh u” tih thupui hmangin Pathian thuchah a sawi bawk a ni.
———-
DIAMOND JUBILEE HMAN A NI:
Pathianni kal ta April ni 24 khan Mamit Headquarters Kohhran chuan an Kohhran kum 60-na (Diamond Jubilee) lawmna hun an hmang a, Souvenir tlangzarhna hun hman nghal a ni.
Kum 2020 Headquarters Kohhran Diamond Jubilee hripui avanga hman theih loh chu April ni 24 khan Jubilee puala hun hman a ni a, Zing dar 10:00 AM ah lungphun hawnna Upa Rochhuanga’n neiin Biak In lamah programme hman chhunzawm nghal a ni.
Inkhawm hi Upa Lalchunglura Treasurer, Hqrs. kohhran in kaihruaiin hun hmasa hi Sist.VL Chhuangi’n a hmang a, Bialtu Pastor Vanlalruata’n Souvenir a tlangzarh a, kohhran chanchin leh thusawi tawi tualchhung kohhran atang leh bial chhung Local hrang hrang atangin ngaihthlak a ni bawk.
Thuchah tawi Upa R.Thanglura, Vice Chairman, Hqrs. kohhran in sawiin Sist. Malsawmdawngliani leh Sist. Vanlalneihpuii ten zai rawngbawlna an nei bawk a ni.
Zan lamah Jubilee puala inkhawm neih chhunzawm lehin inkhawm hi Upa Rochhuanga’n a kaihruai a, hun hmasa Sist. HB Vanlalauvi’n hmang in Sist.Malsawmdawngliani’n zai rawngbawlna a nei bawk a ni. Pathian thuchah Bialtu Pastor Vanlalruata hnen atanga ngaihthlak niin fakna hla leh thlarau lam hla te a Pathian chawimawina neih niin hun hlimawm tak hman a ni. Jubilee pual hian Kohhran in a thunun lai te chu Lalpa Isua hming a phelh an ni bawk.
———-
THILPEK PE:
Sr. Upa Ronghaka Dinthar Local-a lawi te chuan Birpara Sectional Pastor Quarters-a dah turin Inverter Rs. 25000 lai Dist. Missions Dept kaltlangin Gen. Mission Office-ah sum an hlan.
———-
CHHANDAMNA CAMPING PUI NEIH TUR ATAN DIST PYD TE AN FEHCHHUAK:
North Mizoram District PYD Confe rorelin a lo passed tawh, kumin 2022 September thla chhunga Dist. Huap Chhandamna camping neih turah- Dist. PYD te chuan NMD District Board remtihnain District Area kohhran hrang hrangah Campaign Appeal an nei mek a, Campaign thawkkhatna hi April thla chhuga zawh beisei a ni. Campagin thawh 2 na hi May thla chhung neih tura ruahman leh niin. Tunah hian campaign thawhkhatna hi kalpui mek a ni.
Campaign Appeal ah hian Dist. PYD hruaitu 3 te pawh fehchhuakin Dist. PYD President Evan. Jeno Vanlalruata’n Miision Vengthlang Kohhran leh Hqrs. Kohhran-ah kalin, Dist. PYD Secy. Evan. C. Lalruatsanga’n Bawngkawn kohhranah kalin District PYD Treasurer Evan. K. Rotluanga chuan N. Lungleng leh Tlangnuam kohhrante a tlawh bawk, Campaign Appeal nei hian NMD huam chhunga Bial PYD hruaitute leh Org Committee member te an fehchhuak a, campaign thawhkhatnaah hian kohhran 50 Bawr tlawhchhuah a ni. (DIst. PYD Campaign Appeal)
———-
BAJERUNG MISSION FIELD-AH WORKCAMP NEI:
Thawhtanni kal ta April ni 25 atang khan Vaiengte bialte chuan NMD Missions Field Zawlnuam Biala awm Bajerung Missionary quarters sak mekah a tul tul thawk turin mi 7 lai an feh chhuak (V. Workcamp)
———-
BAIRABI BIAL PYD-TE BARAK DISTRICT-AH FEHCHHUAK:
Bairabi Bial PYD te chuan Bial Conference rorel bawhzuiin April 22-24 chhung khan Barak District Headquarters kohhran, Hmarkhawlien tlawhin PYD member 55 lai an fehchhuak.
Bairabi bial PYD-te hi Barak District Headquarters’ local PYD te’n an lo dawngsawng a, Barak District hruaituten an tawiawm bawk. April 22 (zirtawpni) zan atangin Headquarters’ Biak Inah inkhawm tan niin; Pathian Thlarau THianghlim awmpuiin hlim takin hun an hmang a ni. He boruak atang hian thalai member hla te pawhin kohhran an hnaih phah hle a ni.
Bairabi Bial PYD te Fehchhuah Inkhawm hi Headquarters’ local PYD hruaitute te’n an kaihhruai a. Bairabi bial PYD te atangin heng mite hian thuhrilh rawngbawlna nung tak an nei a ni-
1. Tual Upa C. Pazawna, President, Saikhawthlir PYD.
2. Tual Upa V.L. Malsawma, President, Bethel PYD
3. Evan Varhlunkima, Treasurer, Bairabi bial
4. Upa. C. Lalchhandama, President, Bial PYD
———-
MAUBAWK BIAL PYD TEN LEADERSHIP TRAINING NEI:
Aprl ni 25 thawhtan zan khan Maubawk bial PYD te chuan Lawipu Biak In ah Leadership training Bial huapa neiin; Evan Dr K.Vanlalhruaia Resource person atan hmangin, thalaite rawngbawlna leh tisa thila hma an sawnna tur tam tak inzirtirin, hun hlawk takin an hmang a ni. (Maubawk Bial Leadership tr)
———-
FALKAWN KOHHRANAH CHAWIMAWINA CHHUNZAWM:
Falkawn kohhrana hlimna kal zelah April ni 25, Thawhṭanni khan Upa R. Lalzuala, Falkawn Kohhran chairman te chhungkuain an sum pek hmangin Pathian hnena lawmthu sawi chawimawina chhunzawm a ni a, speaker atan Sis. Pc. Lalhmangaihzuali b/w chu hman chhunzawm a ni. Pathian awmpuina leh chenchilhna hnuaiah hun hlim tak tluang takin hman a ni.
———-
RAWNGBAWLTU SEMINAR & ACCOUNT VAWN DAN TRAINING BUATSAIH :
Kum 2022 Aibawk bial conference in a rel angin April ni 24 Pathianni khan Hualngohmun kohhran-a Church board member leh Department hruaitute tan Seminar & Account vawn dan inzirtirna neih a ni a, resource person atan Pastor Pc. Lalrokima, bialtu pastor hman a ni. Chawhma inkhawmah Upa Lalhruaia Aibawk bial Secretary-in rawngbawlna a nei hmasa a, chawhnu hun pum hi seminar leh account vawn dan inzirtir nan hun hman a ni. Bial conference in a rel angin local tinah Rawngbawltu seminar leh account vawn dan inzirtirna hi neih vek tura ruahmanna siam a ni.
———-
———-
LUNGLEI DISTRICT
PASTOR TRANSFER TEN AN AWMNA TUR BIAL AN THLENG :
April ni 26 Thawhlehni khan Lunglei District chhunga Pastor Transfer-te chuan an awmna tur hmun ṭheuh tluang takin an thleng.
Pukpui bial a awm tur Rev.H.Roṭhuama chuan Ṭawipui bial chhuahsanin Pukpui bial Pastor Quarters hi a thleng a, bial chhung kohhran members ten hlim takin an lo hmuak.
Rev.H.Roṭhuama chhuahsan Ṭawipui bial a awm tur hian Lungsen bial aṭangin Pastor K.Vanlalhruaia chu a insawn a, April ni 26 Thawhlehni khan Ṭawipui bial Pastor Quarters thlengin kohhran mipuiten an lo lawm hle.
Thenhlum bial chhuahsanin Pastor PC.Zionrammawia chuan Lungsen bial a thleng bawk a, bial mipuiten hlim taka lo hmuakin an Pastor thar hi an lo lawm a ni.
Pastor thar Pastor Lalrinmawia chuan a chenna Rahsiveng aṭangin a bial vawn pakhatna ni turin Thenhlum bial hi a thleng thla a, bial chhung kohhran mipuiten hlim takin an lo hmuak bawk. (Pic. Pastor transfer-te)
———-
HEADQUARTERS BIAL CHHUNGA RAWNGBAWLTUTE PUALIN SEMINAR NEI DAWN:
April ni 30 Inrinni hian District UPC Conference Hall-ah Headquarterts bial chhunga rawngbawltute pualin Seminar buatsaih a ni dawn a, Resource Person atan District Superintendent Rev.C.Vanlalena leh Secretary Rev.C.Lalrintluanga te hman an ni ang.
Rev.C.Vanlalena District Superintendent hian Ministerial Duties tih thupui hmangin zirtirna a pe ang a, Rev.C.Lalrintluanga District Secretary chuan Public Speaking leh Leadership tih thupui hmangin zirtirna hi a pe bawk ang. (Pic. Rec.C.Vanlalena & Rev.C.Lalrintluanga)
———-
DIRECTOR BUALPUI V-AH:
May ni 1 Pathianni hmang hian Lunglei District Missions Director Rev.R.Vanlalenga chuan Bualpui V Missions Field tlawhin rawngbawlna a nei ang. Bualpui V ah hian Home Missionary-in Evan.R.Lalrokhawma chu a awm mek a ni. (Pic.Rev.R.Vanlalenga)
———-
LOCAL P.Y.D. HRUAITUTE PUALIN RETREAT NEIH A NI :
April ni 23 Inrinni khan Pangzawl bial PYD buatsaihin Bungtlang UPC Biakinah Local PYD hruaitu te pualin Retreat neih a ni.
Retreat hi District PYD OB 3- Evan. C.Lalremchhunga, President, Upa C.Malsawmkima, Vice President leh Evan. Laldinpuia Sailo, Secretary ten an hmanpui a. Chawhma hun hi Upa R.Kawlzidinga, Pangzawl Bial PYD President in a kaihruai a, Leadership tih thupui hmangin Upa C.Malsawmkima’n zirtirna a pe.
Chawhnu hun hi Rbt Vanlalzika, Pangzawl Bial PYD Treasurer in a kaihruai a. Account vawn dan leh Moral Education thupui hmangin Evan Laldinpuia Sailo in zirtirna a pe bawk.
April ni 23 Inrinni zan atanga April ni 24 Pathianni zan thleng khan Evan. C.Lalremchhunga, District PYD President in rawngbawlna a nei a, Pathianni chawhnu ah Seminar hlawhtling takin an buatsaih bawk. (Pic.Pangzawl bial Retreat)
———-
RAWNGBAWLTU RETREAT NEIH A NI
April ni 23 Inrinni khan Sertlangpui Bial chhunga rawngbawltu zawng zawng tan Sertlangpui Local-ah Retreat buatsaih a ni a, Resource Person atan Rev. C. Vanlalena District Superintendent hman a ni.
Retreat thupuiah hian Rawngbawltu mawhphurhna, Rawngbawltu leh Taimakna, Rawngbawltu leh Pulpit manner, Rawngbawltu leh rilru hrisel etc. hman a ni a, hlawk takin hun an hmang. (Pic.Sertlangpui bial Retreat)
———-
PCD RALLY HMANG :
April 23-24, 2022 chhung khan Lungsen Bial PCD ten Lungsen South Biakin ah Rally an nei a, Rev.C.Lalrintluanga Dist PCD Adviser leh Pc Vanlaltluanga Dist PCD Treasurer ten an hmanpui.
April 24, Pathianni khan Bunghmun Bial PCD te pawh in Bunghmun Local ah Bial PCD Rally an nei a, Rbt. C.Lalramluahpuia Dist PCD President, Rbt.V.Lalromawia Dist PCD Vice President leh Rbt PC.Ramngaihzuala, Hqrs Bial PCD President ten hun an hman pui a, Sis.Jenet Lalruatfeli, Electric Veng Lunglei Local PCD in zaia rawngbawlna a nei. April ni 23 Inrinni zan ah District hruaitu te hian Tleu Local, Sesawm Vengthlang leh Sesawm Vengchhak ah te Campaign an nei nghal a ni. (Pic. PCD Rally)
———-
———-
LAWNGTLAI WEST DISTRICT
Hruaitute Programme:
District Superintendent, Rev.F.Lalbiakthuama chuan April 30 atanga May ni 1 2022 chung hian Chawngte Lui ah Crusade a hmanpui ang.
District Treasurer, Pastor S. Vanlallunghnema chuan April ni 29 zirtawpni hian Lawngtlai North Bial PYD board a telpui anga May ni 1 Pathianni chawhnu ah Lawngtlai North bial Missions board a telpui bawk ang.
———-
DEPARTMENT PAHNIH PYD LEH MISSION BOARD NEIH A NI.
April ni 22 Zirtawp ni khan District Department pahnih PYD leh Mission Departnent chuan Diltlang South Biakin board an nei.
PENTECOSTAL YOUTH DEPARTMENT
District Board Vawi- 7 – Na
Rorel te:
1.Kum 2022-2023 chhunga Sub.Commeettee peng hrang hrang te ruat thar an ni.
1.1 PCD
President : Evan.Lalduhkima Chandmary Local
Secretary : Rbt.Lalruatsanga Bethel Local
Treasurer : Sist.Hmingsangzuali Bazar local
V. President : Rbt.LH.Ramengmawia Council Veng local
Asst. Secretary : Bro.JH.Lalsangkima AOC Local
Fin. Secretary : Sist.F.Bethlehemthangi Chandmary Local
Sr. Adviser : Pastor S.Vanlallunghnema Dist. PYD President
1.2. Kumpuan committee
Chairman : Rbt.Laldiliana Bazar Local
Secretary : Bro.Vanlalhruaia Bazar Local
Treasurer : Sist.Elizabeth Lalrampari Chandmary Local
1.3. Education Committee
Chairman : Rbt.T.Vanlalawmpuia Bazar Local
Secretary : Bro.Joseph Lalpekhlua Chandmary Local
Treasurer : Sist.T.Vanlalnunziri AOC Local
1.4. Environment protection Committee
Chairman : Bro.Laltlanchhuaha Fanai Chandmary Local
Secretary : Bro.Rohlutlinga Mampui Local
Treasurer : Sist.H.Laldinliani Bazar Local
1.5. Music & Sound Committee
Chairman : Rbt.V.Thanhreliana College veng Local
Secretary : Bro.Alex Lalchhuankima (Papuia) College Veng Local
Treasurer : Sist.Lalramnghaki Bazar Local
Zaipawl Convener : Rbt.H.Lalnunmawia Dist. PYD V. President
Conductor : Rbt.V.Thanhreliana & Bro.Israel Lalthianghlima
Sub-committee ah hian District PYD O/B te ex-officio an ni.
charge inhlan hun atan 27.04.2022 (Nilai) Zan Inkhawm banah Bazar Biak inah neih a ni.
2. Ramthim Field Ngengpuikai-ah Favang lamah District PYD hminga
Crusade hi neih nise tih a ni.
3. District PYD Choir puala Fehchhuah hi District chhung PYD dinna
Local zawng zawng ten vawikhat Fehchhuah thawhlawm theuh Bial
kaltlanga District-ah October 2022 ral hmaa chhun luh theuh tur a
ni.
4. District Superintendent Relief fund atan Rs.5000 pek nise tih a ni.
pui Bial
5. Harsatna avanga Thlamuantu Agent a lo chawlh takah chuan agent thar ruat niin agent atan Sist.Lalramnghaki Lawngtlai Bazar Local chu ruat a ni.
6. Missions Field Ngengpuikai-ah Favang lamah District PYD hmingin in crusade nei ve se an ti bawk.
7. District PYD Choir puala Fehchhuah hi District chhung PYD dinna
Local zawng zawng ten vawikhat Fehchhuah thawhlawm theuh Bial
kaltlanga District-ah October 2022 ral hmaa chhun luh theuh nise an ti a ni.
8. District Superintendent Relief fund atan Rs.5000 pek nise an ti a ni.
9. Media Cell hi din nise hruaitu atan heng mite hi ruat an ni.
Chairman : Evan.George Lalawmpuia District PYD Secretary
Secretary : Bro.C.Lalawmpuia College Veng Local
Treasurer : Rbt.Lalhmingsanga District PYD Treasurer
Members :
9.1. Alex Lalchhuankima Lawngtlai South Bial
9.2. Bro.Vanlalchungnunglura Lawngtlai North Bial
9.3. Rbt.Lalhrezuala Diltlang ‘S’ Bial
9.4. Rbt.HC.Vanlalzuia Chawngte Bial
9.5. Upa.B.Lalramtiama Bungtlang Bial
9.6.Bro.Denis K.Lalramchhana Vathuampui Bial
10. District Mission puala chawnghei tawngtai leh thawhlawm
lakkhawm hi August 2022 chhung hian neih theuh ni se an ti bawk.
11. District PYD conference thlengtu tanpuina member tina Rs.10
thawh tur hi September 2022 ral hmain District-ah chhun luh theuh
ni se an ti bawk.
12. Home missionary Casual Worker-a an rawih tur hi District PYD
O/B ten Bial tinah Bial O/B te nen sponsorship zawn ni se an ti.
———-
DISTRICT MISSIONS DEPARTMENT
District Missions Board Vawi 4-na
Rorelte:
1. District Missions Conference vawi 4-na Date.18th – 20th November, 2022
Lawngtlai South Bial-a awm turah hian Speaker leh Thupui tur neih ve ngei nise Speaker atan Rev.R.Lalthantluanga N.Mizoram District Treasurer sawm nise ,Thupui atan hian “Boralte zawnga chhandam” Luka 19:10 nise a ti bawk.
2. Financial Campaign neih tur hi Bialtu Pastor leh Licence Minister ten neih nise thatih tlan a ni. Tul leh pawimawh dangte chu Official te kutah an dah a ni.
3. Missionary Support hi District O/B te leh Bial tin O/B ten hma lo se ruahmanna lo siam turin Official te kutah dah a ni.
4. Bial intlawhtawn nei dan tur chungchang: He thu hi ngun taka ngaihtuah leh
sawiho a nih hnuah, hetiang hian Bial Intlawhtawn dan tur chu ruahmanna siam mai
nise an ti.
Tlawhtu tur. Tlawhna hmun tur.
1) Lawngtlai North Bial Diltlang South Bial.
2) Diltlang South Bial Lawngtlai South Bial
3)Vathuampui Bial Bungtlang South Bial
4)Lawngtlai South Biak Vathuampui Bial
5)Bungtlang South Bial Chawngte Bial
6)Chawngte Bial Lawngtlai North Bial
Kumin chhung ngei hian Bial intlawh tawn hi neih nise. A hun chu an mahni Bialin an lo ruat anga, District-ah anlo hriattir ang.
5. Chawngte ‘C’ leh Vaseikai Missionary Quarters sak tum chu a hmunah ngei-ah, a din hmun dik tak zuk hre chiang turin District Official ten en fel(Verify)
phawt nise ti an ti bawk.
6. Bethel Veng Free Evangelist hi chu a Bial neitu Lawngtlai South
Bial-te kutah dah mai nise tul leh pawimawh te pawh an ni hian lo rel fel se an ti a ni.
———-
MITHAR LAWMLUT
April ni 24 Pathianni khan Darnamtlang Misions field ah Rev.F.Lalbiakthuama Dist.Supdt.chuan ringthar chhungkaw hnih, member pariat(8) awmna chu Kohhranah lawm luhna a nei.
Darnamtlang Home missions field hi mautlang Conference a hawn thar niin misionary dah luh nghal a ni bawk.
April ni 24 Pathianni khan Upa L.Lalnunzira Lawngtlai AOC Local chairman chuan mithar, Chhungkaw khat(1) member panga(5) awmna chu lawm Kohhranah luhna a nei bawk.
April ni 26 thawhleh zan khan Bungtlang South Bial, Saikhawthlir Local Church ah Pastor K.Lalzawmsanga’n member thar pathum(3) lawm lutin, naute pahnih(2) hlanna a nei bawk a ni.
———-
BAPTISTMA CHANG
April ni 24 Pathianni khan Pastor Lalbiakchhunga Vathuampui bialtu chuan Chamdurtlang local church ah rawngbawlna neiin, Baptisma khur hawn a ni a, mi sawmpakhat(11) laiin Lalpa Isua Krista hmingin baptisma an chang thar a ni.
April ni 24 Pathianni vek khan Pastor S.Vanlallunghnema Dist.Treasurer,Lawngtlai North bialtu ni bawk chuan Council veng Local church ah mi pasarih(7) Mipa pathum(3) leh Hmeichhia pali(4)Lalpa Isua Krista hmingin Baptisma an chan tir a, He tah hian ringthar pakhat(1) a tel bawk a ni.
Facebook