—
HRUAITUTE PROGRAMME:
General Secretary Rev. Zohmingthanzama leh General Treasurer Rev. Lalmalsawma Sailo te chuan April ni 24 Pathianni hian Zemabawk Kohhran ah Bial huap Seminar neihpuiin resource person-ah an tang ang.
General Missions Director Rev. Biaksangzuala leh General Treasurer Rev. Lalmalsawma Sailo te chuan April ni 14 atang khan Kolkatta Missions Field leh Odissa Missions Field-te tlawhin, Biak in hmun lo ramte an enfel pui bakah, Kohhran member-te tlawh chhuahna an nei a ni. Odissa Missions Field-ah hian mithar 8 UPC North East India kohhranah lawm lut in, April ni 20 khan Aizawl an let leh a ni.
———-
LITERATURE ANG PUBLICATION BOARD
April ni 21 Ningani khan UPC North East India Literature and Publication Board chuan General Headquarters Committee Room, Mualpui Salem veng ah thukhawmin Kum 2022 UPC North East India Beihrual thupui zirtur, Rev. R. Vanlalawia ziah “Chhandamna lawng” tih chu edit-na an nei.
———-
———-
———-
———-
AIZAWL EAST DISTRICT
Good Friday leh Easter Sunday hlim takin hmang:
Aizawl East District chhunga Local hrang hrangte chuan Good Friday leh Easter Sunday kha urhsun takin hlim takin an hmang hlawm a, ruai nena awmni khama hmang awm bawk mahse thingpui leh chhang ruai nena hmang an awm bawk a ni. Tualchhung thenkhat chuan he hunpui-ah hian Speaker hranpa te neiin hun an hmang a, April 14, Ningani zan, a luangngaih zanah khan Bialtu Pastor bakah bial chhunga Tirhkohte buatsaihin Lalpa zanriah Sacrament kilhona bakah Kesil rawngbawlna te neiin Kohhran hoten an hmang bawk a ni. Tarlan tawh angin Good Friday leh Easter Sunday kha hetiang hian District Hruaituten an hmanpui a ni:
Rev KVL.Hmangaihkima, District Superintendent chuan Hnahlan Bial, Tualcheng hmunah Crusade neiin Good Friday leh Easter Sunday kha a hmang nghal a ni.
Rev R.Laltlankima, District Secretary chuan E.Lungdar Bial, Sailulak Kohhranah hmangin Sacrament rawngbawlna a nei bakah Speaker-ah tangin Pathian thusawi rawngbawlna a nei bawk a ni.
Rev H.Lalropuia, District Treasurer chuan lungngaih zanah Bazar Bial, Armed Veng Kohhranah Sacrament rawngbawlna a neia, Easter Sunday-ah District Hqrs. Kohhranah rawngbawlna a nei bawk a ni.
Rev VL.Hnemtluanga, Missions Director chuan Bazar Kohhranah Good Friday leh Easter Sunday hi hmangin rawngbawlna a nei a, lungngaih zanah khan Sacrament rawngbawlna a nei bawk a ni.
Good Friday leh Easter Sunday vuakvetah hian hetiang hian hriattheih chinah Tualchhung hrang hrangah mithar leh baptisma chang thar awmin Pathian chawimawina pawh hmun engemaw zatah neih a ni a, Kohhran ten hlim takin hun an hmang a ni.
Zemabawk North Bial, Zemabawk West Kohhranah Upa Zothankhuma te chhungkua chuan Good Friday ni khan Pathian chawimawina an nei a, Speaker-ah Evan R.Vanchhunga hman a ni. Zemabawk West Kohhranah hian Evan R.Vanchhunga Speaker-a hmang hian Crusade April 11, Thawhtan zan atang khan hman tan a ni a, Crusade neih chhung hian mi 8 in sual ngaihdamna baptisma an chang a, Thlarau thianghlim dawngthar engemaw zat an awm bawk a ni.
April 16, Inrinni zan inkhawmah khan Zemabawk Kohhrana lawi turin Bialtu Pastor, Rev.Rosanga Kawlni chuan chhungkaw khat, member 5 Kohhranah sengluhna a nei.
April 16, Inrinni vek khan Upa P.Zadingluaia te chhungkua, New Serchhip Kohhran te chuan Pathian chawimawina an nei a, Kohhran ten hlim takin hun an hmang a ni. New Serchhip Kohhranah hian Evan H.Lalhlimpuia Speaker-a hmangin Crusade hlawhtling takin an nei a ni.
April 17, Pathianni zan inkhawmah khan Zemabawk bial, Bungbangla hmunah member 5 te chu Evan.Thangneihsanga’n Kohhranah sengluhna a nei.
April 18, Thawhtanni khan Good Friday boruak kal zelha Bethlehem Bial, Bethlehem Kohhranah Bialtu Pastor, Rev.Rohmingliana te chhungkua chuan Pathian chawimawina an nei a, Kohhran ten hlim takin hun an hmang a ni.
April 18, Thawhtanni vek khan Hnahlan hmunah Sis.Hmangaihzari te chhungkua chuan Pathian chawimawina an nei bawk a, Speaker-ah Rev.KVL.Hmangaihkima, Dist.Superintendent hman a ni. He hunah hian mi 3 in sual ngaihdamna baptisma changin an zingah hian mithar a tel bawk a ni.
E.Lungdar bial, Sailulak Kohhranah Kohhran dang, Pu Rochhawna te chhungkua chuan April 18, Thawhtanni khan Pathian chawimawina an nei bawk a, Speaker-ah Rev.R.Laltlankima, Dist.Secretary hman a ni. Pu Rochhawna hi Kohhranah sengluhna neih nghal a ni.
April 17, Easter Sunday khan Champhai Bethel bial, Melbuk Kohhranah Chungkaw khat member 5 chu Rev. E. Vanlalpeka Zote, Bialtu Pastor chuan Kohhranah sengluhna a nei a, Nauhlan rawngbawlna neih nghal bawk a ni. Inkhawm banah Baptisma rawngbawlna neih chhunzawm niin sual ngaihdamna baptisma mi 8 -in an chang bawk a ni. April 18, Thawhtanni khan Upa Sailianthanga te chhungkua chuan Pathian chawimawina an nei nghal a, Bialtu Pastor in rawngbawlna a nei a ni.
April 16, Inrinni khan Mualpui Kohhrana lawi, Bro C.Vanramtluanga te chhungkua chuan Pathian chawimawina an nei bawk a, Kohhran ten hlim takin hun an hmang a ni. Speaker-ah Bialtu Pastor, Rev.C.Mawizuala leh Rev.R.Lalhawia te hman niin Kohhran ten hlim takin hun an hmang a ni.
Bazar Bial, Chhinga veng ah Sis. Zari te chhungkuain Pathian chawimawina an nei a,Thlarau thianghlim awmpuina hnuai ah hlim tak in hun an hmang. Armed veng South ah Evan H.Lalrinawma chu speaker ah hmangin hun an hmang a Thlarau lam malsawmna tam tak an dawng a, mi 1 in Isua hmingin baptisma a chang. Ramthar kohhran ah Good Friday leh Easter Sunday denchhen in Bro. Lalchawimawia te chhungkua in chawimawina an nei a,bialtu Pastor Rev C.Lalmalsawma speaker ah hman a ni a,Thlarau malsawmna dawng thar an awm nual a mi 6 in Isua hmingin baptisma an chang bawk.
District Hqrs. Kohhranah pawh Easter Sunday-ah khan mi 5 ten Rev.H.Lalropuia kutah sual ngaihdamna baptisma an chang bawk a ni.
———-
Seminar:
April 16, Inrinni nileng khan Thingsulthliah Bial, Sesawng Kohhranah Bial huap seminar hlawhtling taka neih a ni. He hunah hian Resource person-ah Bialtu Pastor V.Lalnienga hman niin Bial chhung atangin mi 60 chuang an kal thei a ni. Thupui-ah Kohhran hmasawnna tih hman niin kalkhawm ten hlawkthlak an ti hle a ni.
———-
Motor hlan:
April 19, Thawhlehni hian District Board in a passed angin Chandel District hnenah District in a hman lai motor chu hlanna hun hman a ni.
Rev R.Malsawma, Motor Board Chairman chuan kaihruaiin Rev.VL.Hnemtluanga, District Missions Director in hunserh a hmang a ni. Thusawi tawi Rev R.Lalrinsanga, Gen.Superintendent leh Chandel District Secretary Rev.BD.Kailuna te chuan nei bawkin Rev.H.Lalropuia, District Treasurer chuan Motor hlanna hi neiin thusawina hun a hmang bawk a ni. Huntawp tawngtaina Rev.C.Lalmalsawma, Bazar Bialtu Pastor chuan a nei bawk a ni.
Rev.BD.Kailun chuan lawmthu sawiin Aizawl East District in motor an hmanlai an pe chu District aiawha lawmthu sawiin Pathian malsawmna Aizawl East District in dawng zel se a ti a, District Hruaitute hnenah lawmthu sawina thilpek a pe nghal a ni.
He hun hmanah hian Aizawl khawpui chhung Bialtu Pastor thenkhat leh District Office Staff te an tel thei a ni.
———-
Tualcheng-ah Crusade hlawhtling takin nei:
April 12, Thawhleh atanga Hnahlan Bial, Tualcheng hmunah Rev K VL Hmangaihkima, District Superintendent Speaker a hmanga Crusade neih chu April 17, Pathianni khan tihtawp a ni. Zaithiam Pc Lalthansangi zai a rawngbawlna a nei bawk.
He Crusade hi District Missions Department hmalakna a buatsaih a ni a, Evan C Lalchhuanga, Evan Lalhmachhuana Varte, Upa Zoramthara Serchhip leh Sis.Vanlalpari Keifang te chuan an tawiawm bawk a ni. Hnahlan atangin Thalai mi 15 vel in riaklut in an tawiawm bawk.
Zantin Tualcheng Community hall ah inkhawm thin a ni a, Thlarau boruak a tha hle a, Thalai zingah Thlarau Baptisma chang engemawzat an awm bawk a ni.
Pathian ni Chawhnu ah Mual inkhawm neih a ni a, Khawchhung miten rawngbawlna hi an hlut hle a ni.
———-
Hruaitute Programme:
Rev.KVL.Hmangaihkima, District Superintendent chuan a bial hmui mek, Khawlian Bial LAD Inkhawmpui Pathianni hmanga an hmanah telpuiin rawngbawlna a nei ang.
Rev. R.Laltlankima, District Secretary chuan Keifang Bial PYD ten Maite hmuna Revival Crusade an hman mekah Speaker-ah tangin rawngbawlna a nei.
Rev.H.Lalropuia, District Treasurer chuan Pathianni hmang hian Rabung Bial chhungah District Missions Support zawngin rawngbawlna a nei ang.
Rev.VL.Hnemtluanga, District Missions Director chuan Pathianni hmang hian Ngopa Bialah District Missions Support zawngin rawngbawlna a nei ang.
———-
———-
NORTH MIZORAM DISTRICT
UPC (NEI) N.MIZORAMB HRUAITUTE PROGRAMME
Rev. Chhiarpuia NMD Superintendent : 23-25.4.2022 Kolasib Rengtekawn Bial Conference a hmanpui ang.
Rev.K Lalduhsanga, District Secretary : 23-25.4.2022 Kolasib Rengtekawn Bial Conference a hmanpui ang.
Rev.C.Lalthantluanga, District Treasurer Ni 22.4.2022 Friday : Kolasib Rengtekawn Bial Department Conference a hmanpui ang. 23-24 .4.2022 : District LAD Conference thlengtu tur Bilkhawthlir bial Conference Organising Committee te a committee pui ang a, Pathianni Bilkhawthlir dawr vengah a hmang ang. Ni 25.4.2022 Monday Bairabi-a District Building Repair dan tur buaipuiin Bairabi-ah a kal ang.
———-
NORTH MIZORAM DISTRICT HRUAITUTE’N GOOD FRIDAY LEH A VUAKVET-A HUN AN HMAN DAN
District Superindent :
April ni 14: Lal Isua Lungngaih zanah Maubawk Kohhranah Sakrament buaisaihin rawngbawlna neiin; a tuk April ni 16: Inrinniah Thenzawl Bial, PWD Kohhran Biak in sak thar a hawng a, April ni 17 Lal Isua thawhlehni (Easter Sunday)-ah District Hqrs. Kohhranah rawngbawlna a nei
District Secretary
April ni 14: Lal Isua Lungngaih zan leh Good Friday Ni Tlangnuam Bial Samtlang Kohhranah a hmangin rawngbawlna a nei a, April ni 17: Lal Isua thawhlehni (Easter Sunday)- District Hqrs. Kohhranah hmangin rawngbawlna a nei thung.
District Treasurer
April 14, Lal Isua lungngaih zanah TLangnuam Bial Lungleng I ah Sacrament leh Kesil rawngbawlna a nei a, Good Friday April 15- ah Sihphir BIal, Nisapui kohhranah rawngbawlna neiin; Easter Sunday April 17 Chawhma inkhawm Bawngkawn kohhranah rawngbawlna a nei a, Zan lam erawh TLangnuam Bial Hlimen kohhranah rawngbawlna a nei thung.
District Missions Director:
April 14, 2022: Lal Isua lungngaih zan atanga Easter Sunday thleng Hqrs. Bial Khatla South Kohhranah rawngbawlna neiin; Lal Isua lungngaih zanah sakrament a buatsaih bawk. (Missions Director
———-
PWD VENG BIAK IN HAWNG:
April ni 16 Inrinni khan Thenzawl, PWD veng Local Biak In chu Rev.Chhiarpuia N.Mizoram District Superintendent chuan Lal Isua hmingin a hawng.
Biak in thar hlan tawngtai Rev.C.Lianchama neiin Rev. Chhiarpuia hian Pathian thu I Lalte 9:3 thu chhiarin ‘He biak In hi Lalpa rilru awmna hmun a ni a, Lalpan a hmu renga a kalsan lo a ni’ tiin, United Pentecostal Church of North East India, North mizoram District Biak In pakhat ni turin, Lal Isua hmingin a hawng a ni.
Biak In chhung inkhawm hi Upa Thlamuana PWD Veng Kohhran Chairmanin a kaihruaia, Lunglei District Sekhum kohhran thilpek hlu tak an hlan bawk. Biak in sak Technical Report Upa Pachhunga PWD Local Church Board Secy. Chuan pein; PWD Biak in dinhmuh hetiang hian report a pe
Biak in sak tan hun: May ni 11 2011
Biak in len zawng A dung fit 52 leh A vang fit 27
Sum sen zat: ₹ 1,150,000
Tha sen zat: 300 a ni.
Thenzawl Bialtu Pastor Rev. C.Lalrammuana chuan thu bengvar thlak leh tha tak tak a sawi bawk a, tlaiah Biak in thar lawmna ruai kil ho a nib awk. (PWD Biak in)
———-
NORTH MIZORAM DISTRICT THIANGHLIMNA COMMITTEE NEI:
North Mizoram District Thianghlimna Committee chu April ni 6 khan NM District Office Supdt. Chamber-ah neiin, Dist. Supdt Rev. Chhiarpuia’n meeting a kaihruai a, Dist. Thianghlimna Committee-ah hian District Dept. Head theuh te bakah Khawpui chhung Bial tina Bial Thianghlimna Committee Chairman te an tel bawk. Meeting-ah hian Khawpui chhung Bial leh khawpui pawn lam Bial engemaw zatah Thianghlimna campaign neih turin ruahmanna an siam.
———-
NMD PENNET COMMITTEE NEI:
April ni 5 (Tue) chawhnu dar 1:00 khan Rev. C. Lalthantluangta, Dist. Treasurer kaihhruaiin NMD PenNet Meeting neih a ni a, meeting-ah hian North Mizoram District PenNet hminga Youtube Channel siam te, NM District Supdt kal chhuak te leh rawngbawltu pawimawh interview neih te, District huam chhunga Bial leh Local Local Chanchin a theih ang anga Video cover te leh NMD huam chhunga Bial hrang hrang Media Committee ding te, theih ang ang thawhpui te an rel a ni. PenNet committee hian NMD PenNet hnuaiah Media Crew member ruat tha tih a ni a, Member 9 an ruat chhuak bawk a ni. (PenNet committee)
———-
DISTRICT PYD EXECUTIVE MEETING NEI:
April Ni 20th Nilaini khan Dist.Supt.Office Chamber ah Executive Meeting neih a ni. Meetingah hian April Ni 21-a District PYD Board Meeting Agenda tur leh Kawrthah rawngbawlna chungchang sawi ho a ni a. Kolasib Rengtekawn Bial PYD Conference April Ni 22-a neih turah, Dist.PYD Secretary chuan hmanpui se tih an rel bawk.
———-
NORTH MIZORAM DISGRI T HUAM CHHUNGA THLI LEH RUAHIN KOHHRAN MI HARSATNA A THLEN TE RELIEF A NI:
Thawhlehni kalta April ni 19 khan UPC, N.Mizoram District chuan tun hnaia thli leh ruah avanga harsatna tawk Kolasib Rengtekawn leh Pangbalkawn a chhungkaw 12 hnenah Rs. 5000 leh Rs. 3000 ten tanpuina a hlan.
———-
CAMPAIGN-IN DISTRICT PYD TE AN FEHCHHUAK DAWN:
N. Mizoram District PYD ten kumin September thlaa District PYD in District Camping Centre, Sakawrtuichhun-a Chhandamna Camping a buatsaih tur puala thawhlawm khawnin campaigner te an feh chhuak dawn. A thawh khatnaah hian Pastor bial 17-a Local church 65 tuam chhuah a ni ang a, a thawh hnihnaah hian Pastor bial 14-a local hrang hrangte tuam chhuah leh a ni ang. He camp hi chhanchhuahna mamawh apiangte tan buatsaih a ni dawn a ni.
———-
DIST. MISSIONS DIRECTOR FEHCHHUAK:
N. Mizoram District Mission Director chuan thawhlehni April ni 19 khan kar kalta lama Home Mission field a tlawh hmabakte tlawh turin April ni 19 zing khan chhuak lehin. Director zin hi Upa Vanlalsiama leh H Lalrinawma Hunthar Kohhranten tawiawmin anni ṭhiandun hian Vitor Kalagang hmuna Missions Quarters leh Biak in, Electrict wiring an tihsak dawn a ni. (Dist. PYD hruaitu fehchhuak)
———-
DIST.PYD HRUAITUTE BIAL FAN PROGRAMME KALPUI:
N.Mizoram District PYD hruaitute chuan bial fan programme kapui tannin, A thawh khat nan April ni 18 Monday zan khan Khawpui area a Pastor Bial 3 (Dinthar, chawlhhmun leh Hunthar Bial) te chu PYD inkhawm zan hmangin an tlawh kual a ni.
President Evan. Jeno Vanlalruatan Dinthar Bial tlawhin
Secretary Evan. K. Rotluanga’n Chawlhhmun Bial a tlawh a,
Treasurer Evan. C. Lalruatsanga’n Hunthar Bial tlawhin rawngbawlna an nei hlawm a ni.
District PYD hruaitu 3 Bial tlawh programme hi Pathian thlarau awmpuina hnuaiah hun hman a ni a. Bial report te leh bial chhung chanchin te ngaihthlak a ni a, bial ṭhenkhat in budget an lo pe nghal bawk a ni.
Bial hrang hrangten Dist.Hruaitute an lo dawnsawn danah Dist.PYD hruaitute an lawm hle a ni. Tin, Bialtu Pastor ten an ṭawiawmna ah Dist.Hruaituten lawmthu an sawi a ni.
Ni 25 April Monday zan lo awm turah hian hetiangin Bial fan hun hman leh tura ruahman a ni.
President: Chaltlang Bial
Secretary: Tlangnuam Bial
Treasurer: Durtlang Bial. (District PYD hruaitute’n Bial an fang)
———-
UPC NEI NMD DISTRICT LAD PROGRAMME :
April ni 23 Inrinni Zing lamah Rengtekawn bial thar tan Centre Table, Side Table leh TV stand hlanna hun Bialtu Pastor Quarters ah an nei ang a, Chhunah Bilkhawthlir bial LAD te, October thlaa District LAD Conference dawng turte committee an neihpui ang. Zan lamah Bilkhawthlir Dawrvengah inkhawmin Sist Kross Chhuanawmi BW, District LAD Secretary in thu a sawi ang.
Aprl Ni 24 Pathianniaj Bilkhawthlir dawr vengah inkhawmin hetiang hian thusawi rawngbawlna an nei ang Pathianni Chawhma : Sis. K.Lalhmachhuani BW President, Pathianni Chawhnu : Sist Chhuankungi BW Treasurer
———-
“PENTECOSTAL APOLOGETICS’ LEHKHABU TLÂNGZARH:
April ni 8, 2022 Zirtawpni dar 1:00pm khan Hqrs. Biakinah Evan. H. Zoramsanga, B.A, B.D lehkhabu ziah PENTECOSTAL APOLOGETICS (Rinna Chhantu : Isua Pathianna leh Baptisma) chu Rev. Chhiarpuia, N. Mizoram District Supdt. in Isua hmingin a tlangzarh. Tlangzarh inkhawm hi Rev. K. Lalduhsánga, Chairman L&PB in a kaihruai a, Rev. Rc. Puian hun bul ṭawngṭaina hmangin Evan. Lalchhuanmawia Sailo chuan lehkhabu a preview a, “Heti ang lehkhabu hi UPC ten kan la nei lo a tih theih a, lehkhabu ṭha tak, hriatna tizautu mai ni lo, kohhran min sawh nghettu tur lehkhabu ṭha a ni ” tiin a sawi. Rev. K. Vanlaldika Sialsuk bialtuin ṭawngṭaina hmangin huntawp a khar a ni.
He lehkhabu hi North Mizoram District Literature & Publication Board-in a publish a ni a, bung 40 zet awmin phek 257-a chhah niin footnotes leh bibliography dah a ni a, a man hi ₹ 150/- a ni. (Lehkhabu tlangzarh)
———-
RAWNGBAWLNA REPORT
PENTECOSTAL Apologetics Revival Team Evan H,Zoramsanga te Team “Pentecost Apologetics Team te chuan Bilkhawthlir Jubilee local-ah rawngbawlna neiin; rawngbawlna boruak kal zlehah Upa H, Malsawma te chhung Bilkhawthlir Jubillee Local Chairman te chuan April ni 11.4.2022 hian Pathian hnen ah Lawmthu sawina an nei.
K. SARALI-AH MITHAR LAWMLUT: April ni 10 Pathianni khan N.Mizoram Dist Mission Field enkawl K.Sarali (Mission Field) ah mi thar 6 lak luh a ni a, Missionary induction neih naah Dist Mission Director Rev. C. Lalramthanga chuan mi 3 a lawm lut a, zan lam inkhawmah Missionary-a rawih mek Evan John Gabriel chuan mi thar 3 a lawm lut bawk ani, an vaiin mi thar 6 lawmluh a ni ta a ni. (K. sarali mithar)
———-
MAMIT-AH MITHAR LAWM LUT:
April ni 10 Pathianni khan Phaizau Preaching Point ah Evan. Vanlalhausaa chuan mithar chhungkaw khat member pali (4) te chu a Phaizau Pentecost Kohhran lawi turin a lawm lut.
KAWRTHAHAH MITHAR LAWMLUT: Evan. P.C Lalramchhuanmawia Kawrthah khuaa District PYD rawiha rawngbawl mek. Evan. PC Lalramchhuanmawia chuan April ni 10 khan Presbyterian kohhran atangin mithar duhawm tak a lawmlut. (Kawrthah mithar)
———-
MISSIONS FIELD HAWN NEWS:
KANANTHAR HOME MISSION FIELD HAWNNA LEH MISSIONARY LAWMLUHNA NEIH A NI
April 10, 2022 khan Kananthar Home Mission Field chu North Mizoram District Mission Department ruahmanna angin Bairabi Bial Missions Department kaihhruaina hnuaiah Rev. C. Lalhmunliana, Bairabi bialtu pastor chuan a hawng a, missionary Sis. F. Lalsiamliani B/W leh chhungte lawmluhna nei nghal bawk a ni.
Home mission field hawnna leh missionary lawmluh Inkhawm hi Upa Lalmakthanga, Director, Bial Missions Department-in a kaihruai a. Bairabi bial chhung atangin mi 16 – Bial Secretary, bial treasurer, bial missions secretary, local missions hruaitute leh member-te’n he hun hi an hman pui a. Bialtu pastor Rev. C. Lalhmunliana’n home mission field hawnna leh missionary lawmluhna neih pahin thusawina a nei a. Bial secretary Upa H. Lalbiakmawia leh missionary Sis. F. Lalsiamliani te’n thu an sawi bawk a ni. Sis. Brenda Lalremdiki’n Pathian fakna hla sain, Bial Mission department leh mi thahnemngai te’n home mission field tan thilpek an hlan bawk a ni. (Kananthar induction)
———-
ZOMUANTLANG MISSIONARY LAWMLUH A NI:
April ni 10 vek khan Tlangsang Bial chhung Zomuantlang Missions Field-a thawk turin Tlangsang Bial Missions Director Rev K Lalchamlianan chuan Evan. Lalrampana chu induction neiin a lawmlut bawk. (Zomuantlang Induction)
———-
MISSION FIELD HAWNNA LEH INDUCTION NEI:
April ni 10 Pathianni khan N. Mizoram District Missions
Treasurer Evan MS Dawngliana chuan Rengtekawn Bial chhunga awm N. Thinglian MF hawngin, N. Thinglian Field-a thawktu (CW) Evan. Vanlalhlima chu Lal Isua hminga lawmluh nghal a ni. District Missions Tresurer Evan. MS Dawngliana hi, Dinthar Bial Mission Director Upa HT Lalduhawma leh Dinthar Local MS director Upa H. Lalrinmawiaten tawiawmin. Fehchhuakte hian rawngbawlna duhawm tak an nei hlawm.
Mission Field hawnnaah hian Bial neitu Rengtekawn Bial MS hruaitute Director Upa T. Lalliana, Secy. T. Upa Lalthahluana leh Upa Benjamina ten an rawn ho va. Bial aiawhin thusawi ropui tak tak ngaihthlak a ni. N. Thinglian MF hawn inkhawmah hian kohhranhote an phurin Biak in khatin an inkhawm a, Inkhawm banah Field thar lawmna Sawhchiar tuitak pir ho a ni. N.Thinglian MF-ah hian member 143 an awm mek a ni. (N.Thinglian MS Induction)
———-
DAMPARENGPUI BIAL, N. MIZORAM BIALTU PASTOR THAR INDUCTION NEIH ANI:
April ni 10 Pathianni khan Damparengpui bial pastor thar Induction chu, Damparengpui Hqrs Biak in ah Pastor K. Ainawna, West Phaileng bialtu in a nei. He hunah hian bial chhung kohhran hruaitute leh bial mipuite an kim ṭha hle a, biak in a leng lo an inkhawm a ni.
Bialtu pastor thar Pastor F. Lalchhanhima hian thusawina neiin, theih tawp a rawngbawlna neih a tum thu leh chumi atana thawh puiah bial mipuite a sawm a. Upa Vanlaldika, bialpui Treasurer in bial aiawhin, pastor thar lawmna leh theihtawp a thawhpui an tum thu a sawi bawk ani.
Pastor K. Ainawna hi mi panga in an rawn tawiawm a. Pastor F. Lalchhanhima hi Thingdawl Venglai atangin mi 27 in an rawn thlah a, mi 6 in induction hi an hmanpui thei bawk ani.
Inkhawm banah hian Hqrs local buatsaih thei tui leh a hmeh tui tak in ho ani. (Pastor induction nei)
———-
BIAL THAR THLAH :
N.Mizoram District Conference-in Bial thar a hawn, Koalsib Rengtekawn Bial thar chu Dt. 6.4.2022 zan khan Kolasib Venglai Bial ten an thlah a, Bial thar thlah Inkhawm hi Rengtekawn Biak Inah neih a ni.
He Inkhawm kaihruaitu, Evan. Zoremmawia Hlondo chuan Bial thar hawn a ni chu lawmawm a tih thu leh Kolasib Venglai Bial tan chuan Bial tiropuitu a nih rualin channa nasa tak a nih tur thu a sawi.
Upa Lalremliana, Kolasib Venglai Bial Secretary chuan inhmelhriattirna neiin Bial pahnih dinhmun tlangpui report a pe a, Bial thar lo ding chu a kal tluan danah Pathian hnathawh leh remruat nia a hriat thu a sawi bawk.
Kolasib Venglai Bial aiawhin Rev. R. Lalnithanga, Bialtu Pastor-in thusawiin hetianga ruahmanna fel tak siam a ni chu lawmawm a tih thu a sawi a. Hebrai 12:14 chhiarin Pathian Kohhran hote hi inrem tak leh inhmangaih tlat chunga rawngbawl tur kan ni a, rawngbawltu leh rawngbawltu inkarahte, member leh member inkarah te leh member leh hruaitu inkarah te inremlohna awm thei tam tak hi kan hneh a ngai a ni tiin hmalam pana kal zel turin Bial thara awm turte a chah a ni.
Kolasib Rengtekawn Bial aiawhin Rev. C. Lalthlengliana. Bialtu Pastor pawhin thusawiin Kolasib Venglai Bial ten PA chan changa an lo hmuahna leh an buaipuinaah lawmthu a sawi a, Bial thar thlah Inkhawm buatsaih a nite pawh a lawm thu a sawi. 1 Chronicles 16:8-11 chhiarin Bial thar kan nih dawn avangin kan thlaphangin kan lungngai a ni maithei a, ka huphurh viau pawh a ni thei a. Mahse, Lalpa leh a chakna kan zawn fo chuan Pathianin min hruai zel dawn a ni tiin inkhawmte a fuih a ni.
Upa R.Zalawma’n Rengtekawn Kohhran lo din chhohdante a sawi a, Upa Lianpauva pawhin Rengtekawn Kohhran aiawhin lawmthu a sawi. Rengtekawn Bialah hian tun dinhmunah member 941 an awm mek a ni. (Rengtekawn Bial thar thlah)
———-
———-
LUNGLEI DISTRICT
RETREAT:
April ni 23 Inrinni khan Sertlangpui bial rawngbawltu Retreat Sertlangpui Local-ah buatsaih a ni a, Resource Person atan District Superintendent Rev. C. Vanlalena chu hman a ni.
District Superintendent hian April ni 24 Pathianni hi Sertlangpui Local-ah hun a hmang nghal ang.
April ni 23 Inrinni khan Pangzawl bial P.Y.D. buatsaihin Bungtlang S Local-ah bial chhunga Local P.Y.D. O.B.-te pualin Retreat buatsaih a ni a, he hun hi Lunglei District P.Y.D. O.B. te chuan Resource Person niin an hmanpui. (Pic. Rev.C.Vanlalena & District PYD O.B)
———-
DIRECTOR-IN MISSIONS FIELD TLAWH:
April ni 24 Pathianni hmang hian District Missions Director Rev. R. Vanlalenga chuan Luangmual bial chhunga awm Vaisam Missions Field tlawhin rawngbawlna a nei dawn.
Vaisam Field-ah hian District Missions Department hian Home Missionary-in Evan. R.Lalthlamuana chu a dah mek a ni. (Pic. Rev.R.Vanlalenga)
———-
P.C.D. RALLY :
April ni 24 Pathianni hian Bunghmun bial P.C.D. in Rally Bunghmun Local-a an nei dawn a, District P.C.D. hruaitute chuan he hun hi hmanpuiin P.C.D. Campaign an nei nghal ang. April ni 24 Pathianni zan hian Bunghmun Local-ah Campaign hi neiin District P.C.D. Secretary Bro.Jacob Ramengmawia chuan thu a sawi ang.
Tin, April ni 23-24 chhung hian Lungsen bial P.C.D.-te chuan Lungsen S Local-ah Rally an nei ang a, District P.C.D. Adviser Rev. C. Lalrintluanga leh District P.C.D. Treasurer Bro. PC. Vanlaltluanga ten an hmanpui ang, April ni 24 Pathianni zing inkhawmah District P.C.D. Adviser Rev. C. Lalrintluanga chuan P.C.D. Campaign a nei ang. (Pic. PCD Logo)
———-
THISEN PE :
April ni 16, Inrinni khan Rahsiveng bial P.Y.D.-te chuan Lunglei Civil Hospital Blood Bank-ah a mamawh apiangte hman turin Thisen Unit 49 an pe. Thisen pe tute hi Mipa 40 leh Hmeichhia 9 an ni.Thisen hi Civil Hospital-ah kalchilh in an pe a ni.
April ni 19 Thawhlehni khan Bunghmun bial P.Y.D.-te chuan Bunghmun PHC-ah thisen Unit 15 an pe bawk. Thisen pe tute hi Mipa 15 an ni.
Heng thisen pek hi Lunglei District P.Y.D. Conference vawi 54-na rorel bawhzuina niin, Lunglei District chhunga bial P.Y.D. hrang hrang ten thisen hi an pe dawn a, tun dinhmunah Hnahthial bial bakah Rahsiveng bial leh Bunghmun bial te hian an pe tawh a, an thisen pek tlingkhawm hi Unit 97 a tling tawh a ni. (Pic. Rahsiveng bial & Bunghmun bial thisen pe)
———-
MI THAR :
April ni 17 Pathianni hian Rawpui Local-ah mi thar 4 Pangzawl bialtu Pastor Rev.B.Kamlianan kohhranah a lawmlut.
———-
CHARGE IN HLAN :
April ni 18 Thawhṭanni hian Lunglei District UPC Board in Pukpui bialtu Pastor thar atana a ruat Rev.H.Roṭhuama chuan April ni 15-a Superannuation Pension-a chhuak ta Rev.PC.Nghakliana hnen aṭangin Pukpui bial enkawl hna thawk turin charge a la.
Rev.H.Roṭhuama hi Ṭawipui bial aṭangin April ni 26 Thawhlehni ah Pukpui bial Pastor Quarters luah lut turin a pem lut ang.
April ni 19 (Tue) zan hian Pastor Lalrinmawia In, Rahsiveng ah District P.Y.D. Executive Board in District P.Y.D. hruaitu atana a ruat tharte leh hruaitu hluite chuan charge an in hlan.
District PYD Vice President kal chhuak tur Pastor Lalrinmawia chuan Vice President thar Upa C.Malsawmkima hnenah charge a hlan a, Assistant Secretary nilai Upa C.Malsawmkima chuan Assistant Secretary thar Rbt.C. Lalrosanga hnenah charge a hlan bawk. (Pic. Charge in hlan)
———-
———-
LAWNGTLAI WEST DISTRICT
District Superintendent, Rev.F.Lalbiakthuama chuan Diltlang South Bial Missions board leh PYD Bial board a telpui a nga Chawngte Lui crusade a hman pui bawk ang.
District secretary, Rev.Lalsawmliana Sailo chuan Belthel kohhranah rawngbawlna a nei ang.
District Treasurer, Pastor S. Vanlallunghnema chuan Diltlang South bial PYD Board a telpui a nga Pathianni hian Hqtrs Local ah hun a hmang ang.
———-
MTHAR LAWMLUT
April ni 15 2022 Good Friday ni khan Bungtlang South bialtu Pastor K.Lalzawmsanga chuan Sabualtlang local-ah mithar chhungkaw khat(1) member Panga(5) awmna chu Kohhranah a lawm lut a, Hemi rual hian Naute Pahnih(2) hlanna a nei bawk.
———-
LAWNGTLAI WEST DISTRICT SCHOOL PENIEL COMPREHENSIVE ENGLISH SCHOOL(PCES) SABUALTLANG:
Peniel Comprehensive English School, Sabualtlang ahman tur bungraw pawimawh leh mamawhte leina tur atana luangchhuak tute an awm zela tun din hmunah hian Zirlai naupang sawmriat(80) awmin Admission hi la tur te pawh an la awm belh zel a ni.
Sikul tana mi in phal tak² pawh an pung zel a ni.
Heng mi in phal te chungah hian, Isua hmingin lawmthu kan sawi mawlh mawlh a ni e tiin sabualtlang kohhran chuan lawmthu an sawi a ni.
1.Bro.V.Boiliana
College Veng Local ₹2500.
2.Bro.Davida K.Lalnuntluanga
Lawngtlai Bazar Local ₹2500.
3.Sis.K.Laltanpuii
Lawngtlai Bazar Local ₹2500.
4.Sis.Lalzawmnghetzuali
Lawngtlai AOC Local ₹2500.
5.Rbt.Laldiliana
Lawngtlai Bazar Local ₹2500.
6.Bro.C.Lalawmpuia
College Veng Local ₹2500.
7.Sis.C.Malsawmchhungi
Lawngtlai Bazar Local ₹2500.
8.Rbt.T.Lalhminghluta
Lawngtlai Bazar Local ₹2500.
9.Sis.Vanlalpari
Lawngtlai Bazar Local ₹1800.
10.Rbt.T.Vanlalawmpuia
Lawngtlai Bazar Local ₹500.
11.Rbt.C.Thankami
Lawngtlai Bazar Local ₹1800.
12.Evan.George Lalawmpuia
Headquarters Local ₹1500.
TOTAL ₹25600
Lawngtlai West Diatrict in Home Mission School kan neih hi eng lai pawha tanpui leh chhawmdawlna a neih theih reng a ni tih hria a kan rawngbawlna a zau theih nan i tang mar sauh² ang u tiin Principal i/c chuan a sawi bawk a ni.
———-
WORK CAMP NEI
April ni 20, 2022 Nilaini khan Bungtlang south bial te chuan, Tuidangchhuah home missionary Quarters sak work camp an nei a, member sampanga(15) vel an thawk chhuak a ni.
Tuidangchhuah hi field thar niin Evan Laineihtluanga dah a ni.
A hnuai ami te hian work camp nei te tan thilpek an pe bawk a ni.
1.Upa.Puno chondro work camp kalna tur motor a thlawnin a hman tir.
2.Sister Khumdingi – Chini 2kg
3.Johan&Robi – Rs500
4.Upa Laltsnpuia – Rs500
Facebook