GENERAL NEWS
HRUAITUTE PROGRAMME:
General Superintendent Rev. R. Lalrinsanga chuan April ni 15 Good Friday ni khan Aibawk Kohhranah Sacrament rawngbawlna neiin hun a hmang a. April ni 17 Easter Sunday khan Mualpui Kohhranah thusawi rawngbawlna a nei bawk.
General Secretary Rev. Zohmingthanzama chuan April ni 14 zan khan Mission Vengthlang Kohhranah Sacrament rawngbawlna neiin Good Friday ni khan North Mizoram District Headquarters Kohhran, Tuikhuah tlang ah thusawi rawngbawlna a nei bawk.
General Sunday School Director Rev. R. Laichhingpuia chuan April ni 14 zan khan ITI Kohhranah Sacrament rawngbawlna a nei a, Good Friday ni khan Sateek Kohhranah Sacrament rawngbawlna a nei leh bawk. April ni 17 Easter Sunday ah Mualpui Kohhranah thusawi rawngbawlna a nei bawk.
General Treasurer Rev. Lalmalsawma Sailo leh General Missions Director Rev. Biaksangzuala te chu April ni 14 2022 khan Odissa Missions Field ah Kohhran thil pawimawh tiin an zin chhuak.
———-
UPC North East India Kohhran Good friday & Easter Sunday Programme:
UPC North East India Kohhran chuan kumin 2022 Good Friday leh Easter Sunday hian Tualchhung Kohhran tin ten programme urhsun taka siamin, April ni 14 Ninga ni Lungngaih zan hian Tualchhung kohhran tam zawk chuan kohhran serh leh sang pawimawh Sacrament leh kesil rawngbawlna neiin hun an hmang a. Good friday leh Easter sunday ni pawh hian chhun leh zan lamah programme siamin thingpui ruai te nen hun hmang turin an in buatsaih bawk.
UPC North East India Media cell PenNet chuan Good Friday leh Easter Sunday pual hian Zonet Rinna leh LPS 12 ah Programme siam a ni a. PenNet Programme chhuah hun tlai dar 6:00 pm ah en theih a ni.
————-
PENTECOSTAL VOICE MANAGING BOARD
April ni 12 Thawhlehni khan Pentecostal Voice Managing Board chu General Committee room ah Chairman Rev. R. Laichhingpuia kaihhruaina in neih a ni.
———-
GENERAL SUNDAY SCHOOL EDITTING BOARD:
April ni 13 Ningani khan General Sunday School Editting Board chuan General Headquarters Committee room Mualpui Salem Veng ah kum 2023-a UPC North East India Sunday school Puitling zir tur Chanchintha Johana Lehkhabu hrilhfiahna, Rev. Lalmalsawma Sailo ziah chu Edit-na an nei.
———-
———
BARAK DISTRICT HRUAITUTE PROGRAM
DISTRICT SUPERINTENDENT:
Rev.HL Lallawmthang chu Silchar Bial Tlangmawi Local ah Lalpa Zanriah sacrament buatsaihin Good Friday a hmanpui.
DISTRICT SECRETARY:
Pastor.L Kapma chuan Good Friday ni hian Churachandpur Evangelical Central Church (CECC) Biak in ah rawngbawlna a nei.
DISTRICT TREASURER:
Evan.Hmangaithang, Haflong Bial Saron Local ah Lalpa Zan riah buatsaih in Good Friday a hmanpui.
———-
———-
AIZAWL EAST DISTRICT
Sunday School Hall hawng:
April ni 3, Pathianni khan Rabung Bial, Rabung Vengchhak S.S Hall sak thar chu hawn a ni. Hawn hun hi S.S Hall tualah hman hmasak niin Rev.Rohmingliana, District S.S Director chuan a hawng. He hunah hian Bial S.S Hruaitute bakah Bialtu Pastor HMS Dawngkimna telin Evan K.Lalmuansanga, District S.S Secretary leh Evan Hr. Lalrindika, Treasurer te pawh an tel a ni.
Rabung Vengchhak S.S Hall hawn tak hi District S.S atanga S.S Hall sak tanpuina an dawn bakah Bazar Bial Missions Department ten tanpuina an pek atanga sak niin ft 30 X 18-a liana sak a ni. District S.S hruaitute hian Rabung Bial-ah hian Pathianni kha an hmang nghal a ni.
———-
District Revival Committee neih a ni:
April 12, Thawhlehni khan District Superintendent room-ah District Revival Committee Rev.C.Lalengliana, Chairman kaihhruaiin neih a ni. He hunah hian thu pawimawh tak tak ngaihtuah niin Committee member an tel kim thawkhat a ni. An thu passed langsar zualte:
1. Kum 2022 atan District Revival Speaker lak leh nise, hemi atan hian Advertisement chhuah a, Dt.5.5.2022 ah Interview nise tih a ni.
2. District chhung a Joint Revival hmang tu te Joint Revival hmanna Report Form thar siam sak a, District ah Report thehluh tawh nise tih a ni.
3. Zemabawk North Bial chu Zemabawk Zone Joint Revival ah tel se tih a ni bawk.
———-
District PYD OB Meeting neih a ni:
April 12, Thawhleh zan khan District PYD OB Meeting, Bazar Bial Pastor Quarters-ah Rev C.Lalmalsawma kaihhruaiin neih a ni. An thu passed langsar zualte:
1. Hetiang OB Bial siam a ni:
Rev. C. Lalmalsawma, President: Upper Republic Bial, Bethlehem Bial, Thingsulthliah Bial, Sakawrdai Bial, Kahrawt Bial, Chhingchhip Bial
Upa. F. Lalthlangliana, Vice President: Bawngkawn Bial, Thuampui Bial, Rabung Bial, Khawhai Bial, Suangpuilawn Bial
Evan. R. Vanlalpeka, Secretary: Zemabawk Bial, Khawruhlian Bial, Khawlian Bial, Serchhip Dinthar Bial, Champhai Bethel Bial
Evan. Lawmsangkima, Asst. Secretary: Mualpui Bial, Kawlkulh Bial, Ngopa Bial, Hnahlan Bial, Darlawn Bial.
Evan. K. Lalbiaknunga, Treasurer: Bazar Bial, N. Vanlaiphai Bial, Zohmun Bial, Khawzawl Bial, Saitual Bial.
Evan. C. Lalropuia, Financial Secretary: Zemabawk North Bial, Keifang Bial, East Lungdar Bial, Serchhip Bial, Khawbung Bial.
2. Hetiang hian District PYD OB te fehchhuah ni se tih a ni:
2nd May, 2022 – Mualpui Bial, Bethlehem Bial leh Upper Republic Bial
9th May, 2022 – Zemabawk Bial, Zemabawk North Bial leh Bawngkawn Bial
15th May 2022 – Khawhai Bial leh Hnahlah Bial
23rd May, 2022 – Bazar Bial leh Thuampui Bial
3. Sub-Committee OB incharge hetiang hian siam a ni:
Kumpuan Committee: Evan. C. Lalropuia, Financial Secretary
Environment Protection Committee: Evan. K. Lalbiaknunga, Treasurer
Education Committee: Evan. R. Vanlalpeka, Secretary
Fund Raising: Evan. Lawmsangkima, Asst. Secretary
4. Music and Sound Committee Treasurer atan Sis. Lalnunhlimi, Thuampui Bial leh Assistant Secretary atan Bro. Lallawmzuala, Bazar Bial te chu ruat an ni.
———-
Revival Crusade:
Hnahlan Bial, Tualcheng hmunah April 19, Thawhlehni atang khan Revival Crusade neih a ni a. Speaker atan Rev. KVL. Hmangaihkima, District Superintendent chu hman a ni. He hunah hian zaithiam Sis.Pc.Lalthansangi bakah Evan Lalhmachhuana Varte, Evan C. Lalchhuanga, Treasurer, District Missions Department leh Upa Zoramthara, Serchhip te an tel bawk a ni. Crusade hi April 17, Pathianni zan thleng neih tura ruahman a ni.
Rev.KVL.Hmangaihkima, District Superintendent Speaker-a hmang tho hian April 4-10 chhung khan Sumsuih Kohhran buatsaihin Sumsuih hmunah Chhandamna Crusade neih a ni bawk. Crusade hi Pathianin mal a sawm a, Kohhran hote an hlim hle. He rawngbawlna kaltlang hian mi parukin sual ngaihdamna Baptisma an chang. Crusade neih chhung hian Sis. C. Zothanmawii (Zotei), Sekhum chuan zai rawngbawlna a nei thin a; Chhandamna Crusade neih a nih chhung hian Sumsuih khaw bul – Chawilung, Lamchhip, Chamring leh khaw dang atangte pawhin tawiawmtu an awm reng a ni.
————-
Media Committee neih a ni:
April 13, Nilaini khan District Treasurer room-ah District Media Committee neih a ni. Rev.C.Lalmalsawma, Chairman chuan a kaihruai a. He hunah hian thu pawimawh tak tak ngaihtuah niin District chhunga Bialtu Pastor te sermon a tam thei ang ber record ni se, hmalakna hmasa atan Aizawl khawpui chhung Bialtu Pastor te-ah bul tan phawt ni se tih niin Kohhrana rawngbawlna leh thu leh hla lama mi bik bakah Kohhran hruaitu hluite interview neih ni se tih a ni. Bial hrang hrang news chak zawka tihdarh a nih theih nan facebook page siam tura tih niin Pennet Crew din a ni a, Property enkawlna dan approve a ni bawk.
————-
Naupangte pual thlarauva intuaitharna / Day Camp nei:
April 9, Inrinni chhun leh zan hmangin Zemabawk North Bial Sunday School Department chuan Bial chhunga naupang sunday school te pualin Thlarauva intuaitharna / Day Camp Zemabawk UPC Biak In ah neih a ni a. Speaker atan Rev. Rosanga Kawlni, Bialtu Pastor chu hman a ni. Day Camp ah hian Pathian awmpuina an dawng nasa hle a; Thlarau Thianghlim dawng thar mi 17 lai mai an nei a ni.
————-
Mi thar leh baptisma chang thar:
April 10, Pathianni khan Khawbung bial, Leithum Kohhranah Evan Lalhmingmawia rawngbawlna kal zelah mi thar 3 Kohhranah sengluh an ni.
April 8 – 10 chhung khan Tualbung hmunah Saitual Bial PYD Inkhawmpui hman a ni a, hlim takin hun an hmang. Pathianni chawhma inkhawmah Bialtu Pastor, Rev.T.Lalbiakliana chuan Kohhran dang atangin mi thar 1 sengluhna a nei a. Chawhnu inkhawm banah mi thar 1 leh member nisa 3 ten sual ngaihdamna baptisma an chang nghal.
April 10, Pathianni vek khan Zemabawk bial Tuirial Local-a lawi turin, chhungkaw hnih – member 5 chu kohhranah sengluh an ni a, nau pahnih hlanna neih nghal a ni bawk. Heti hian Tuirial hmuna Evan Lalbiakmuana rawngbawl chhung zawngin, mithar 12 awm tawhin, mi 11 in baptisma an chang tawh a, nau 3 hlan a ni tawh bawk a ni.
April 10, Pathianni chawhma inkhawm banah Kawlkulh Vengtharah baptisma khur hawn a ni a, mi 2 in sual ngaihdamna baptisma Isua hmingin bialtu Pastor R. Lalfamkima kut ah an chang bawk a ni.
————-
Hruaitute Good Friday leh Easter Sunday Programme:
Rev.KVL.Hmangaihkima, District Superintendent chuan Hnahlan Bial, Tualchheng hmunah Crusade nei mekah Speaker-ah tangin rawngbawlna a nei mek a, Good Friday leh Easter Sunday hi Tualchheng hmunah hian a hmang nghal a ni.
Rev.R.Laltlankima, District Secretary chuan E.Lungdar Bial, Sailulak Kohhranah Good Friday leh Easter Sunday hian rawngbawlna a nei ang.
Rev H.Lalropuia, District Treasurer chuan lungngaih zanah Bazar Bial, Armed Veng Kohhranah Sacrament rawngbawlna a nei anga, Easter Sunday-ah District Hqrs. Kohhranah rawngbawlna a nei bawk ang.
Rev VL.Hnemtluanga, Missions Director chuan Bazar Kohhranah Good Friday leh Easter Sunday hun hmangin rawngbawlna a nei ang.
———-
———-
NORTH MIZORAM DISTRICT
GOOD FRIDAY VUATVET-A NMD DITRICT HRUAITUTE PROGRAMME
District Superindent:
April ni 14: Lal Isua Lungngaih zanah Maubawk Kohhranah Sakrament buaisaihin rawngbawlna a nei ang.
April ni 16: Inrinniah Thenzawl Bial, PWD Kohhran Biak in a hawng ang.
April ni 17: Lal Isua thawhlehni (Easter Sunday)- District Hqrs. Kohhranah hmangin rawngbawlna a nei ang.
District Secretary:
April ni 14: Lal Isua Lungngaih zan leh Good Friday Ni Tlangnuam Bial Samtlang Kohhranah a hmang ang.
April ni 17: Lal Isua thawhlehni (Easter Sunday)- District Hqrs. Kohhranah hmangin rawngbawlna a nei ang.
District Treasurer:
April 14, Lal Isua lungngaih zanah Lungleng I-ah Sacrament leh Kesil rawngbawlna a nei ang.
Good Friday April 15- ah Nisapuiah rawngbawlna a nei ang.
Easter Sunday April 17 Chawhma inkhawmah Bawngkawn localah thu a sawi ang a. Zan inkhawmah Hlimen localah thu a sawi thung ang.
District Missions Director:
April 14, 2022: Lal Isua lungngaih zan atanga Easter Sunday zan thleng Hqrs. Bial Khatla South Kohhranah rawngbawlna neiin; Lal Isua lungngaih zanah sakrament a buatsaih ang.
———-
NORTH MIZORAM DISTRICT THIANGHLIMNA COMMITTEE NEI:
North Mizoram District Thianghlimna Committee chu April ni 6 chawhma dar 10:30 khan District Office Supdt. Chamber-ah Dist. Supdt Rev. Chhiarpuia’n kaihhruaiin meeting neih a ni.
Dist. Thianghlimna Committee-ah hian District Dept. Head theuh te bakah Khawpui chhung Bial tina Bial Thianghlimna Committee Chairman te an tel bawk a ni.
———-
NMD PENNET COMMITTEE NEI:
April ni 5 (Tue) chawhnu dar 1:00 khan Rev. C. Lalthantluangta, Dist. Treasurer kaihhruaiin NMD PenNet Meeting neih a ni a, rorel tlangpui te:
1: North Mizoram District PenNet hminga Youtube Channel siam tha tih a ni a. A hmingah “PENNET NORTH MIZORAM DISTRICT” tih ni se.
2: Interview chungchang: Hruaitu hmasa tena Kohhran hruaitu pawimawh interview neia hma an lo lak tawh chu, a theih ang anga hmalak chhunzawm ni se.
3. Bial leh Local Chanchin lakkhawm chungchang: PenNet hmalakna atanah Bial leh Local Chanchin a theih ang anga Video cover ni se.
4. Bial Media te thawhpui chungchang: NMD chhunga Bial hrang hrang Media Committee ding te, theih ang ang thawhpui ni se.
5. Media Crew chungchang: NMD PenNet hnuaiah Media Crew member ruat tha tih a ni a, Member 9 ruat an ni.
———-
PENTECOSTAL APOLOGETICS LEHKHABU TLÂNGZARH:
April ni 8, 2022 Zirtawpni dar 1:00pm khan Hqrs. Biakinah Evan. H. Zoramsanga, B.A, B.D lehkhabu ziah PENTECOSTAL APOLOGETICS (Rinna Chhantu : Isua Pathianna leh Baptisma) chu Rev. Chhiarpuia, N. Mizoram District Supdt. in Isua hmingin a tlangzarh. Tlangzarh inkhawm hi Rev. K. Lalduhsánga, Chairman L&PB in a kaihruai a, Rev. Rc. Puian hun bul ṭawngṭaina hmangin Evan. Lalchhuanmawia Sailo chuan lehkhabu a preview a, “Heti ang lehkhabu hi UPC ten kan la nei lo a tih theih a, lehkhabu ṭha tak, hriatna tizautu mai ni lo, kohhran min sawh nghettu tur lehkhabu ṭha a ni ” tiin a sawi. Rev. K. Vanlaldika Sialsuk bialtuin ṭawngṭaina hmangin huntawp a khar a ni.
He lehkhabu hi North Mizoram District Literature & Publication Board-in a publish a ni a, bung 40 zet awmin phek 257-a chhah niin footnotes leh bibliography dah a ni a, a man hi ₹ 150/- a ni.
———-
RAWNGBAWLNA REPORT
PENTECOSTAL Apologetics Revival Team Evan H. Zoramsanga te Team “Pentecost Apologetics Team” te chuan Bilkhawthlir Jubilee local-ah rawngbawlna neiin; rawngbawlna boruak kal zelah Upa H. Malsawma te chhung Bilkhawthlir Jubillee Local Chairman te chuan April ni 11.4.2022 hian Pathian hnen ah Lawmthu sawina an nei.
———-
K. SARALI-AH MITHAR LAWMLUT:
April ni 10 Pathianni khan N.Mizoram Dist Mission Field enkawl K.Sarali (Missions Field) ah mi thar 6 lak luh a ni a, Missionary induction neih naah Dist Mission Director Rev. C. Lalramthanga chuan mi 3 a lawm lut a, zan lam inkhawmah Missionary-a rawih mek Evan John Gabriel chuan mi thar 3 a lawm lut bawk ani, an vaiin mi thar 6 lawmluh a ni ta a ni.
———-
MAMIT-AH MITHAR LAWM LUT:
April ni 10 Pathianni khan Phaizau Preaching Point ah Evan. Vanlalhausaa chuan mithar chhungkaw khat member pali (4) te chu a Phaizau Kohhrana lawi turin a lawm lut.
Member thar te;
1. Malsawmkima
2. Zonunpari
3. Zorammuani
4. Lalchhanchhuaha
————
KAWRTHAHAH MITHAR LAWMLUT:
Evan. P.C Lalramchhuanmawia Kawrthah khuaa District PYD rawiha rawngbawl mek. Evan. PC Lalramchhuanmawia chuan April thla chawhma lam khan Presbyterian kohhran atangin mithar duhawm tak a lawmlut.
PANGBALKAWN – KOLASIB RENGTEKAWN BIAL:
April ni.7 Nilaithawhṭanni khan Pangbalkawn Kohhran hmalaknain Sist Ramdini ( Hmeithai ) In sain hnatlang an nei leh. Pangbalkawn kohhranah hian member -116 vel awmin , Hetiang a Kohhrana miharsa Hmeithai In an saksak hi a lawmawmin a ropui takzet a ni.
———-
MISSIONS FIELD HAWN NEWS:
KANANTHAR HOME MISSIONS FIELD HAWNNA LEH MISSIONARY LAWMLUHNA NEIH A NI
April 10, 2022 hian Kananthar Home Missions Field chu North Mizoram District Missions Department ruahmanna angin Bairabi Bial Missions Department kaihhruaina hnuaiah Rev. C. Lalhmunliana, Bairabi bialtu pastor chuan a hawng a, missionary Sis. F. Lalsiamliani B/W leh a chhungte lawmluhna nei nghal bawk a ni.
Home mission field hawnna leh missionary lawmluhna pual hian inkhawm buatsaih a ni a. Inkhawm hi Upa Lalmakthanga, Director, Bial Missions Department-in a kaihruai a. Bairabi bial chhung atangin mi 16 – Bial Secretary, bial treasurer, bial missions secretary, local missions hruaitute leh member-te’n he hun hi an hman pui a. Bialtu Pastor Rev. C. Lalhmunliana’n home mission field hawnna leh missionary lawmluhna neih pahin thusawina a nei a. Bial secretary Upa H. Lalbiakmawia leh missionary Sis. F. Lalsiamliani te’n thusawina an nei bawk a ni. Sis. Brenda Lalremdiki’n Pathian fakna hla saa rawngbawlna a nei bawk a. Bial Mission department leh mi thahnemngai te’n home mission field tan thilpek an hlan bawk a ni.
————–
ZOMUANTLANG MISSIONARY LAWMLUH A NI:
April ni 10 (Tumkauni) khan Tlangsang Bial chhung Zomuantlang Missions Field-a thawk turin Tlangsang Bial Missions Director Rev K Lalchamlianan chuan Evan. Lalrampana chu induction neiin a lawmlut a ni.
————
MISSIONS FIELD HAWNNA LEH INDUCTION NEI:
April ni 10 Pathianni khan N. Mizoram District Missions Treasurer Evan MS Dawngliana chuan Rengtekawn Bial – N. Thinglian MF hawngin, N. Thinglian Field-a thawktu (CW) Evan. Vanlalhlima chu Lal Isua hminga lawmluh nghal a ni. District Missions Treasurer Evan. MS Dawngliana hi, Dinthar Bial Mission Director Upa HT Lalduhawma leh Dinthar Local MS director Upa H. Lalrinmawiaten tawiawmin fehchhuakte hian rawngbawlna an nei. N.Thinglian MF-ah hian member 143 an awm mek a ni.
————
PALM SUNDAY HMANG:
April ni 10 (Palm Sunday) chu North Mizoram District chhung Kohhran tam zawk te chuan tumkau nen kawng zawhin Pathian chawimawina neih a ni a, Tumkau ni hian Programme urhsun siamin sermon inkhawm buatsaih a ni a. Thlarau lam revival thlenna local engemaw zat a awm bawk.
————
DAMPARENGPUI BIAL, N. MIZORAM BIALTU PASTOR THAR INDUCTION NEIH A NI:
April ni 10 Pathianni khan Damparengpui bial pastor thar Induction chu, Damparengpui Hqrs Biakin ah Pastor K. Ainawna, West Phaileng bialtu in a nei.
Bialtu pastor thar Pastor F. Lalchhanhima hian thusawi rawngbawlna a nei a. Upa Vanlaldika, bialpui Treasurer in bial aiawhin, pastor thar lawmna thu a sawi. Pastor K. Ainawna hi mi panga in an rawn tawiawm a. Pastor F. Lalchhanhima hi Thingdawl Venglai atangin mi 27 in an rawn thlah a, mi 6 in induction hi an hmanpui thei bawk a ni.
————-
BIAL THAR THLAH
Kumin District Conference-in Bial thar a hawn, Kolasib Rengtekawn Bial chu Dt. 6.4.2022 zan khan Kolasib Venglai Bial ten an thlah a, thlahna Inkhawm hi Rengtekawn Biak Inah neih a ni. Evan. Zoremmawia Hlondo chuan inkhawm a kaihruai a. Upa Lalremliana, Kolasib Venglai Bial Secretary chuan inhmelhriattirna neiin Bial pahnih dinhmun tlangpui report a pe.
Kolasib Venglai Bial aiawhin Rev. R. Lalnithanga, Bialtu Pastor-in thusawiin hetianga ruahmanna fel tak siam a ni chu lawmawm a tih thu a sawi a. Hebrai 12:14 chhiarin Bial thara awm turte thu a chah.
Kolasib Rengtekawn Bial aiawhin Rev. C. Lalthlengliana. Bialtu Pastor pawhin thusawiin Kolasib Venglai Bial ten PA chan changa an lo hmuahna leh an buaipuinaah lawmthu a sawi a ni.
Thilpek hlante :
1. Bial Kohhranpui – Computer Desktop set with Colour Printer (Bial Kohhranpui hian Bial-a Local, PP leh Field ten Target an lo pawk tawh zawng zawng chu Bial tharah an hlan let leh vek a. Target list hrang hrang leh Target an pek tawh dan list pe telin Bial tharin an hman hmasak tura pawimawh Receipt Bu leh Voucher te an hlan tel)
2. Bial Missions Department – Anni hian Bial Missions Department te hman turin sumfai thahnem tak leh Register leh Cashbook an hlan a ni.
3. Bial SS Dept. te hian Bial SS Dept. te pual turin sumfai thahnem tak an hlan a ni.
4. Bial PYD – Anni hian Bial PYD te hman turin sum fai thahnem tak bakah File Cover, Register leh Cashbook te an hlan.
5. Bial LAD – Anni hian Bial LAD te hman turin sum fai thahnem tak bakah File Cover, Register leh Cashbook te an hlan.
6. Venglai Local (Hqrs.) te hian Bial thar hman turin Bookshelf tha tawk an hlan bawk.
Kum 25 hnuah Kolasib Venglai Bial atangin Kolasib Rengtekawn Bial thar hawn a ni leh ta a, Kolasib Venglai Bial te Pathianin a hruai zia leh dinhmun sang taka a dah zia tilangtu a ni a, kum 25 kaltaah khan Kolasib Venglai Bial atang hian Kolasib Diakkawn Bial a lo indang tawh a ni. Report atanga a lan dan chuan Kolasib Rengtekawn Bialah hian member 941 an awm dawn a ni.
————
AIBAWK BIAL CHHUNGAH FINANCIAL CAMPAIGN NEIH A NI
Aibawk Bial Inkhawmpui Rorelin a passed angin Dt. 03th April, 2022 (Pathianni) chawhma inkhawm hmang khan Aibawk Bial chhung Kohhran tinah Financial Campaign hlawhtling taka neih a ni.
He Campaign-ah hian sum leh pai kaihhnawih kawng hrang hrang- Sawmapakhat, Tualchhung, Buhfaitham, Kohhranpui leh Department hrang hrang ten Budget/Target kan neihte ngaih pawimawh a tul zia te, ṭhahnemngai tur leh hmasawn tura in zirtirna leh infuihna thu pawimawh tak takte ngaithlak a ni a, Kohhran mipuiten kan hlawkpui tlang hle.
————
BAPTISMA KHUR SIAMNA PE:
Upa Robert Lalnunmawia Hmàr, (President Chaltláng bial PYD) chuan Kawrthah preaching point-a Baptisma khúr siam nân Rs. 6000 /- Rengdil Bial PYD kutah a hlàn a, Kohhran hote an lawm hle.
———-
———-
LUNGLEI DISTRICT
GOOD FRIDAY PROGRAMME-A HRUAITUTE HUN HMAN DAN TUR:
i. District Superintendent Rev.C.Vanlalena chuan a lawina Headquarters Local-ah April ni 17 Easter Sunday hian Pathian thuchah puan chhuahna a nei ang.
ii. District Secretary Rev.C.Lalrintluanga chuan April ni 14-17 chhung hian Mualcheng S Local-ah Good Friday Programme Speaker niin hun a hmang ang. April ni 16 Inrinniah Pathian chawimawina hun an hmang bawk ang.
iii. District Treasurer Rev.PC.Lalfakawma chuan April ni 14 Nilaithawhtan zanah a lawina Headquarters Local-ah Sacrament buatsaihin rawngbawlna nei ang.
iv. District Missions Director Rev.R.Vanlalenga chuan April ni 14-15 chhung hian Electric Local, Lunglei-ah Speaker niin hun a hmang ang. (Pic.District Hruaitute)
————
REV.PC.NGHAKLIANA THLAHNA HUN HMANG :
April ni 10 Pathianni khan April ni 15-a Superannuation Pension-a chhuak tur Pukpui bialtu Pastor Rev.PC.Nghakliana thlahna hun Pukpui Local UPC Biak inah neih a ni.
He hun hi Pukpui bial Kohhranpui Secretary Upa Zoramdina Ralte in a kaihruai a, District Secretary Rev.C.Lalrintluanga chuan Rev.PC.Nghakliana Service Report ngaihnawm takin a pe a, Pastor hna hi June ni 1, 1990 aṭangin a thawk ṭan a ni. Bial hrang hranga a lo awm tawhna leh a nihna chelhte:
1) Chawngte bial (1.1.1990 – 31.12.1994)
2) Haulawng bial (1.1.1995 – 31.1.1998)
3) Thenhlum bial (1.10.1999 – 31.3.2003)
4) Rahsiveng bial (1.4.2003 – 14.3.2006)
5) Headquarters bial (15.3.2006 – 29.2.2008)
6) Hnahthial bial (1.3.2008 – 29.2.2012)
7) Missions Director (1.3.2012 – 6.1.2015)
8) Tawipui bial (6.1.2015 – 1.4.2018)
9) Pukpui bial (1.4.2018 – till date)
He inkhawmah hian thlahna thilpek hlu tak tak District, bial leh Local hrang hrang aṭangin an pe a, Lunglei District U.P.C. Choir te chuan fak hla mawi takin an sa bawk. Rev.PC.Nghakliana chuan lawmthu sawina leh Pathian thuchah tawi puan chhuahna a nei a, District Superintendent Rev.C.Vanlalena chuan malsawm ṭawngṭainain he inkhawm hi a titawp a ni.
Rev.PC.Nghakliana hi Music Committee, Lunglei District U.P.C. Chairman nilai mek a ni. (Pic. Rev.PC.Nghakliana thlahna)
————–
SEMINAR BUATSAIH :
April ni 9 Inrinni khan Tlabung bial PYD, Zotlang Local leh Thingsai Local-te chuan Seminar an buatsaih a, April ni 10 Pathianni khan Electric Local, Lunglei te chuan Seminar an buatsaih bawk, Seminar hmangtute hian hlawhtling takin hun an hmang.
i. Tlabung bial P.Y.D. te hian Seminar hi Tlabung Local UPC Biak inah an nei a, Thupui atan Thalaite mawhphurhna kohhran/khawtlangah tih hman a ni a, Resource Person atan bialtu Pastor R.Lalremsiama hman a ni.
ii. Zotlang Local-te hian Rawngbawltute leh An Nupuite Intuaitharna Seminar Zotlang U.P.C. Biak Inah an nei a, Resorce Person atan Rev.C.Vanlalena District Superintendent (Subject : Kohhran chhung lam leh pawn lama thlarau bo chhanchhuak tura hma lak dan tur) leh Rev.PC.Lalfakawma, District Treasurer ( Subject : Kohhrana rawngbawltute mawhphurhna leh Sermon tha nei tura inbuatsaihna) te hman an ni.
iii. Thingsai Bial inkhawmpui in alo rel angin Thingsai Local ah Rawngbawltu nupuite pualin “Rawngbawltu Nupuite Mawhphurhna” tih thupui hmanga Seminar neih a ni a, Resource Person ah bialtu Pastor Lallawmsanga hman a ni.
iv. Electric veng Local PYD, Lunglei te chuan vawiin April 10, 2022 Pathianni chawhnu khan Mental Health thupui ah hmangin Seminar an buatsaih a, District Mental Health Programme lam aṭangin Pi Lalremruatpuii Community Nurse chu Resource Person ah hman a ni a, seminar hlawhtling tak neih a ni. He Seminar ah hian P.Y.D. members mai bakah Local chhunga Tirhkoh, Upa leh Rawngbawltu bakah LAD leh PCD atang in member engemawzat an kal a, kal khawm ten hlawkthlak an ti hle.
————–
THIANGHLIMNA COMMITTEE AN THUKHAWM :
April 9 Inrinni khan District UPC Conference Hall-ah Lunglei District Thianghlimna Committee chu an chairman Rev.C.Lalhriatpuia kaihhruainain neih a ni a, an rorel tlangpuite:
i. Zuk leh hmuam that lohna lam hawi Shot Drama in siamsiak buatsaih nise tha tih a ni a, Lawmman tur hetiang hian ruahmanna siam a ni.
Pakhatna Rs. 7000
Pahnihna Rs. 5000
Pathumna Rs. 3000
Consolation prize Panga hnenah Rs. 1000 ṭheuh pek nise tih a ni
ii. Nikum lam a Campaign la neih lohna Bial sawm ah Campaign neih leh ni se tha tih a ni.
————–
MI THAR:
April ni 10 Pathianni zan inkhawmah khan Cherhlun Local-a lawi turin kohhran dang atangin mi thar pathum (3) bialtu Pastor K.Lalnunpuia chuan a lawmlut.
April ni 10 Pathianni khan Lungpuizawl Local-ah Theiriat bialtu Pastor K.Lalchhuansanga chuan Baptisma mi pasarih a chan tir a, Baptisma chang zinga puitling pali hi kohhran dang aṭanga chang mi thar an ni. (Pic.Baptisma chang lai)
————–
GOLDEN JUBILEE LAWM MEK
Ṭhualṭhu Local P.Y.D. leh L.A.D. te chuan an Local kum 50-na (Golden Jubilee) chu April ni 9-10 chhung khan a lawmna programme hlim takin an hmang.
April ni 10 Pathianni chawhma ah Jubilee lung bialtu Pastor Rev.H.Roṭhuama chuan a hawng a, Sermon inkhawm in hun hman chhunzawm niin chawhnu ah Sacrament inkhawm neih a ni, tlai lamah Jubilee lawmna ruai kil ho a ni a, zan lamah sermon inkhawm neiin zaikhawmna nen hun an hmang chhunzawm bawk.
Ṭhualṭhu Local P.Y.D. leh L.A.D hi April ni 10, 1972 khan din a ni. (Pic.Thualthu Golden Jubilee)
———-
———-
LAWNGTLAI WEST DISTRICT
District hruaitute programme
Lawngtlai West District Superintendent, Rev.F.Lalbiakthuama chuan Mampui kohhranah sacrament a sem a, Pathianni ah Lawngtlai AOC kohhranah hun a hmang ang.
District secretary, Rev.Lalsawmliana Sailo chuan Chandmary Local Church ah Good Friday leh Easter Sunday hian speaker-ah tangin rawngbawlna a nei ang.
District.Treasurer, Pastor S.Vanlallunghnema chuan Ningani zan khan AOC Local ah Lalpa Zanriah Sacrament a buatsaih a, Easter sunday zingah Hqrs Local ah Pathian thu chah a sawi ang.
————-
PALM SUNDAY
Palm sunday ni khan Lawngtlai District chhunga Local hrang hrang ten khawlaia au in Lal Isua Lal anga Jerusalema a luh ni hriat reng nan Hossana an au rual a ni.
—————
MITHAR LAWMLUH LEH BAPTISTMA RAWNGBAWLNA LEH INDUCTION SERVICE NEI
April ni 10, 2022 Pathianni khan Rev F.Lalbiakthuama Dist.Supdt chuan Diltlang Bial, Hmunnuam Local-ah member pakhat Kohhranah lawm lutin, mi pali (4) sual ngaihdamna baptistma a chantir bawk. Hemi ni vek hian Darnamtlang leh Saizawh East Field ah Missionary Induction Service a nei nghal bawk a ni.
——————
NAUHLANNA NEI
April ni 10, 2022 Pathianni khan Pastor S.Vanlallunghnema Dist.Treasurer Lawngtlai North bialtu ni bawk chuan Lawngtlai Hqrts Local ah Nauhlan rawngbawlna hun a hmang.
——————-
MITHAR LAWMLUT
April ni 10, 2022 (palm Sunday) ni khan Chamdur project ah Pastor B Lalbiakchhunga Vathuampui bialtu chuan chhungkaw thum(3) member thar pariat Kohhranah a lawm luta. Mi pasarih (7) in sual ngaihdamna baptisma an chang nghal a ni.
——————–
SCHOOL LUH PUINA LEH LAWMLUHNA PROGRAMME
April ni 11, 2022 Thawhtanni khan Lawngtlai West District School Peniel Comprehensive English School Sabualtlang chu hawn tan a ni.
Evan Lalhmangaihzama Principal i/c chuan inkhawm hi kaihruaiin school chanchin report a pe a. Rev.F.Lalbiakthuama Dist.Supdt chuan hunserh hmangin, Pastor S.Vanlallunghnema Dist.Treasurer, leh Evan George Lalawmpuia Dist.PYD Secretary te hnen atangin thusawi ngaihthlak a ni bawk.
Huntawp tawngtaina Pastor K.Lalzawmsanga Bungtlang Bialtu in a nei bawk. Hemi ni vek hian Sabualtlangah mithar lawmluhna neih a ni bawk.
———————
GOOD FRIDAY
District chhunga Local hrang hrang ten Good friday hi urhsun taka hmangin Ningani zanah Lalpa Zanriah Sacrament buatsaihin kilhona neih a ni a. Local thenkhat chuan Good Friday hi ruai nen an hmang bawk.
——————-
MISSIONARY THLAHNA PROGRAME LEH CHAWIMAWINA HMANG
April ni 7, 2022 Ningani zan khan Evan Eliazar K.Vanlalvena chu a lawina Local Chandmary PYD ten thlahna an nei.
Evan Eliazar K.Vanlalvena hi Saizawh East Field panin April ni 9, 2022 khan Lawngtlai a chhuahsan. Evan.Lalduhkima Local Licence hmu thar chu Chandmary PYD te Citation hlanna an nei bawk.
—————-
HOME MISSIONS FIELD QUARTER SAK HNATLANG
Lawngtlai West District in Home Mission field hawng thar Tuidangchhuah chu Missionary lut tawhin Quarter a la awm loh avangin Quarter sa turin hma lak nghal a ni a Dt.08.Appril.2022 hian thing zai tan nghal niin Saizawh East atangin mi pasarih(7) in work camp nei nghal in Tuidangchhuah kohhran member enge mawzat in an tawiawm bawk a ni.
Facebook